តាមការផ្សាយព័ត៌មានរបស់រដ្ឋសភានៃព្រះរាជាណាចក្រកម្ពុជាកាលពីដើមខែមីនាឆ្នាំ២០១៩កន្លងទៅនេះ គម្រោងពង្រីកកំពង់ផែស្វយ័តក្រុងព្រះសីហនុគ្រោងនឹងបើកការដ្ឋានសាងសង់ នៅក្នុងឆ្នាំនេះ ក្រោយទទួលបានកម្ចីសម្បទាន២០៩លានដុល្លារអាមេរិកពីប្រទេសជប៉ុន។អានអត្ថបទទាក់ទងអំពី៖ សក្តានុពលកំពង់ផែស្វយ័តខេត្តព្រះសីហនុ!ចំណតផែកុងតឺន័រថ្មីមួយនេះនឹងមានជម្រៅទឹក១៤,៥ម៉ែត្រ ប្រវែង៣៥០ម៉ែត្រដែលនឹងធានាដល់ការចូលចតនាវាកុងតឺន័រខ្នាតធំៗមានចំណុះរហូតដល់ទៅ៦០.០០០តោន ឬស្មើនឹង ៩៣%នៃចំនួននាវាប្រចាំតំបន់អាស៊ី-ប៉ាស៊ីហ្វិក ។ការសាងសង់ចំណតផែកុងតឺន័រថ្មីនេះនឹងរួចរាល់នៅដើមឆ្នាំ២០២៣ដែលកំពង់ផែស្វយ័តក្រុងព្រះសីហនុនឹងក្លាយទៅជាកំពង់ផែលំដាប់ថ្នាក់ ខ្នាតមធ្យម ដែលនឹងមានបរិមាណកុងតឺន័រឆ្លងកាត់លើសពី ១.២៩លានTEUs/ឆ្នាំ រីឯតម្លៃដឹកជញ្ជូនតាមសមុទ្រទៅ-មកកម្ពុជានឹងកាន់តែចុះទាបប្រហាក់ប្រហែលនឹងថ្លៃដឹកជញ្ជូនតាមសមុទ្រនៃប្រទេសជិតខាង។គួរបញ្ជាក់ផងដែរថាកំពង់ផែស្វយ័តខេត្តព្រះសីហនុជាកំពង់ផែសមុទ្រទឹកជ្រៅតែមួយគត់ក្នុងខេត្ត និងត្រូវបានទទួលស្គាល់ជាច្រកទ្វារ ពាណិជ្ជកម្មដ៏សំខាន់ក្នុងការចូលរួមជំរុញកំណើនសេដ្ឋកិច្ចជាតិ។ សព្វថ្ងៃនេះកំពង់ផែស្វយ័ត កំពុងធ្វើអាជីវកម្ម លើផ្ទៃដី១២៥ហិកតា ជាមួយហេដ្ឋារចនាសម្ព័ន្ធសម្បូរបែប បច្ចេកវិទ្យាខ្ពស់ ឆ្លើយតបរាល់ការលើកដាក់ទំនិញគ្រប់ប្រភេទ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

(រូបភាពតំណាង)China Poipet Satellite City​ ជាការអភិវឌ្ឈន៏ថ្មី បែបទីក្រុងរណប ទំនើប ស៊ីវីល័យ និង ប្រកបដោយ ចក្ខុវិស័យខ្ពស់ រួមមាន៖ អគារខុនដូ​ សណ្ឋាគារ រីសត ផ្សារទំនើប កាស៊ីណូ តំបន់សេដ្ឋកិច្ចពិសេស រោងចក្រ សួនឧស្សាហ៍កម្ម ផែស្ងួត​ សំណង់បុរី លំនៅដ្ឋាន​ លាតសន្ធឹងលេីផ្ទៃដីសរុបជាង ១ពាន់ហិកតា តាមបណ្តោយផ្លូវជាតិលេខ ៥៩ ក្បែរទីក្រុងប៉ោយប៉ែតចំងាយត្រឹមតែ៣គីឡូម៉ែត្រប៉ុណ្ណោះពីច្រក ព្រំដែន ថៃ-ប៉ោយប៉ែត ។គម្រោង​ទីក្រុងរណប China Poipet Satellite City ជា​ការសហវិនិយោគ​​រវាង ​វិនិយោគិន​ខ្មែរ និង​ចិន ខណៈដែល​បច្ចុប្បន្ន​ក្រុមហ៊ុន​កំពុង​ធ្វើ​ការអភិវឌ្ឍន៍ហេដ្ឋារចនា​សម្ព័ន្ធ​ខ្លះៗហើយ ដូចជា ផ្លូវ​ ប្រព័ន្ធលូ ទឹកស្អាត និងភ្លើងជាដើម។ ​បើតាមផែនការគម្រោងនេះ អាចនឹង​សម្ពោធ​បើកការដ្ឋាន​សាងសង់​ផ្លូវការនៅពាក់កណ្តាល​ឆ្នាំនេះ។ការជ្រើស​រើស​តំបន់​ទីក្រុង​ប៉ោយប៉ែតសម្រាប់​អភិវឌ្ឍន៍​គម្រោង​ទីក្រុងរណប​ China Poipet  ដោយសារ​តំបន់នេះ គឺ​មានផ្ទៃដី​ធំទូលាយ​សម្រាប់​អភិវឌ្ឍន៍ ជាតំបន់​មាន​សកម្មភាព​ពាណិជ្ជកម្ម​មមាញឹក និងមាន​ប្រជាជន​រស់នៅកុះករ។ លើសពីនេះការអភិវឌ្ឍ​នៅតាម​តំបន់​ខ្សែ​ក្រវាត់​ព្រំដែន​ក៏មាន​ការលើកទឹកចិត្ត និងគាំទ្រ​ពី សំណាក់​រាជរដ្ឋាភិបាល​កម្ពុជា​ផងដែរ។ ពិសេសជាងនេះ គឺ​ការចំណាយ​វិនិយោគមានទាប​ បើធៀបនឹង​ការវិនិយោគ​នៅតំបន់​ទីក្រុង​រណប​ជាយ​រាជធានីភ្នំពេញ ​។គួរបញ្ជាក់ថាទីក្រុង​ប៉ោយប៉ែតត្រូវបាន​គេចាត់ទុកថាជា​ទីតាំង​មួយដែល​មានការអភិវឌ្ឍផុសផុល​មួយ ខណៈដែល​មានរោងចក្រជាច្រើន​បាន​តាំងមូលដ្ឋាន​ផលិតនៅទីនោះ ៕ប្រភពពី៖ ហ្វេសប៊ុកផេក 中国波比卫星城 - China Poipet Satellite Cityស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

កំណើនសេដ្ឋកិច្ចនៅក្នុងប្រទេសកម្ពុជានៅតែមានសន្ទុះកើនឡើងខ្ពស់មិនប្រែប្រួលក្នុងរយៈពេលជិតមួយទស្សវត្សចុងក្រោយនេះដោយរក្សាបានជាមធ្យមដល់ទៅ៧%ឯណោះក្នុងមួយឆ្នាំ ដោយកំណើននេះត្រូវបានសេដ្ឋវិទូមានសុទិដ្ឋិនិយមយ៉ាងខ្លាំងថាវាអាចកើនបានបន្ថែមទៀតដល់​​ទៅ៧.១%នៅក្នុងឆ្នាំ២០១៩នេះ។ដោយសារតែកំណើនសេដ្ឋកិច្ចមានការលូតលាស់គួរ​ឱ្យគត់សម្គាល់ដូចនេះហើយ ដែលបានធ្វើឱ្យជីវភាពរបស់ប្រជាជនមានការអភិវឌ្ឍន៍ប្រសើរជាងមុន។ ក្នុងនោះផងដែរ  “កំណើនប្រជាជនក្នុងរាជធានីភ្នំពេញនឹងកើនពី ៤,៣លាននាក់នៅឆ្នាំ២០១៤ ដល់៧,៩លាននាក់នៅឆ្នាំ២០៣០” នេះបើយោងតាមរបាយការណ៍មួយរបស់ក្រសួងដែនដី នគរូបនីយកម្ម និងសំណង់។ កំណើនប្រជាជនក្នុងអត្រានេះបានជម្រុញឲ្យមានតម្រូវការលំនៅដ្ឋានកាន់តែច្រើនទៅៗ ដែលតម្រូវការលំនៅដ្ឋានជាមធ្យមមានចំនួន៥ម៉ឺនខ្នងក្នុងមួយឆ្នាំៗ ហើយតម្រូវការនេះនឹងកើនដល់៨០ម៉ឺនខ្នងរហូតដល់ឆ្នាំ២០៣០។ស្របជាមួយនឹងតម្រូវការនៃលំនៅដ្ឋាននេះហើយ ទើបធ្វើឱ្យមានការអភិវឌ្ឍន៍គម្រោងបុរីកាន់តែច្រើននៅទាំងនៅក្នុងក្រុងភ្នំពេញ និងតាមបណ្តាខេត្តដែលកំពុងមានសក្តានុពលសេដ្ឋកិច្ច។ តួយ៉ាងដូចជាគម្រោងបុរី ប៊ុន ជេស្ឋជាដើម ដែលបុរីនេះកំពុងតែទទួលបានការចាប់អារម្មណ៍ជាខ្លាំងពីសំណាក់ប្រជាជនដែលកំពុងស្វែងរកទិញលំនៅដ្ឋាន ព្រោះបុរីនេះមានផ្តល់នូវស្តង់ ដាររស់ខ្ពស់ជាមួយនឹងតម្លៃយ៉ាងសមរម្យបំផុត។គម្រោងបុរី ប៊ុន ជេស្ឋ មាន ៣ គម្រោងធំៗ ដែលសុទ្ធតែស្ថិតនៅក្នុងតំបន់អភិវឌ្ឍន៍ល្អៗជាប់ផ្លូវជាតិជាតិ និងទីប្រជុំជនងាយស្រួលសម្រាប់ការរស់នៅ និងវិនិយោគក្នុងពេលតែមួយ។ ជាមួយនឹងបទពិសោធន៍ជាង ២០ ឆ្នាំ ក្នុងការអភិវឌ្ឍសំណង់លំនៅដ្ឋាន ក្រុមហ៊ុននេះមានការប្តេជ្ញាយ៉ាងខ្ពស់ក្នុងការផ្តល់ជូនលំដ្ឋានបែបទំនើប សម្រាប់ប្រជាជនក្នុងស្រុកដោយជ្រើសរើសយកផ្លូវជាតិលេខ ៥ និង ៦ ជាទីតាំងអាទិភាពរបស់គម្រោង។សព្វថ្ងៃគម្រោងទី១របស់គម្រោងប៊ុន ជេស្ឋ (ប៊ុន ជេស្ឋ ភូមឌួង) ស្ថិតនៅលើបណ្តោយផ្លូវជាតិលេខ៥ ក្បែររោងចក្រម៉ែន សារុន ក្នុងភូមិឌួង ព្រែកព្នៅ ខណ្ឌព្រែកព្នៅ ក្រុងភ្នំពេញ។ គម្រោងទី២ (ប៊ុន ជេស្ឋ ព្រែកលៀប) ស្ថិតនៅលើផ្លូវជាតិលេខ ៦A ភូមិព្រែកខ្វិត សង្កាត់ព្រែកលៀប ខណ្ឌជ្រោយចង្វារ ក្រុងភ្នំពេញ។ រីឯគម្រោងទី៣ (ប៊ុន​ ជេស្ឋ ព្រែកព្នៅ ផ្សារព្រែកព្នៅ) ស្ថិតនៅលើផ្លូវផ្សារព្រែកព្នៅ បន្ទាប់ពីបត់ចូលតាមផ្លូវជាតិលេខ ៥ ឬ ផ្លូវ លី យ៉ុងផាត់ ក្នុងភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ ក្រុងភ្នំពេញ។ប្រាកដណាស់នៅពេលអ្នកទិញផ្ទះ អ្នកពិតជាត្រូវគិតគូយ៉ាងខ្លាំងអំពីទីតាំង និងលក្ខណៈ ពិសេសនៃតំបន់ទាំងមូល។ លំនៅដ្ឋាន ប៊ុន ជេស្ឋ ​មិនត្រឹមតែមានទីតាំងអំណោយផលល្អប៉ុណ្ណោះទេ ប៉ុន្តែស្ថានភាពភូមិសាស្រ្តកាន់តែល្អ ដោយសារនៅទីនេះមិនមែនជាប្រភេទដីលិចទឹកនៅពេល មានភ្លៀងខ្លាំង និងមានប្រព័ន្ធបង្ហូរទឹកធំៗរួចជាស្រេច។ដើម្បីផ្តល់ភាពងាយស្រួលដល់អតិថិជន​ គម្រោងលំនៅដ្ឋាន ប៊ុន ជេស្ឋ ​ផ្តល់ជូននូវលក្ខខណ្ឌបង់ប្រាក់ដ៏ងាយស្រួល ដោយអតិថិជនអាចបង់រំលស់ដោយគ្មានការប្រាក់ (ការប្រាក់ ០%) រយះពេលយូរទៅលើគម្រោងទី១ និងទី២ ជាមួយ​ម្ចាស់គម្រោង​​ដោយផ្ទាល់តែម្តង។ លើសពីនេះទៅទៀតម្ចាស់គម្រោងធានាទិញយកវិញក្នុងតម្លៃដើម ដែលអតិថិជនអាចលក់ឲ្យម្ចាស់គម្រោងវិញនៅពេលណាមួយ​​ក៏បាន។​ចង់រស់នៅក្នុងទីតាំងល្អងាយស្រួលធ្វើអាជីវកម្ម គម្រោងទាំង៣ របស់លំនៅដ្ឋានប៊ុន ជេស្ឋ គឺជាជម្រើសដ៏ល្អបំផុតរបស់អ្នក។សម្រាប់ព័ត៌មានលម្អិត សូមទាក់ទងមកក្រុមការងារផ្ទាល់!ស្វែងយល់ព័ត៌មានសង្ខេបអំពីគម្រោងបុរី ប៊ុន ជេស

ខេត្តសៀមរាបគឺជាទីក្រុងទេសចរណ៍ដ៏ល្បីល្បាញបំផុតរបស់ប្រទេសកម្ពុជា។ មានតំបន់ទេសចរណ៍ ជាច្រើននៅក្នុងខេត្តនេះបានទាក់ទាញភ្ញៀវទេសចររាប់លានអ្នកជារៀងរាល់ឆ្នាំ​ (បើយោងតាមរបាយការណ៍ពីមន្ទីរទេសចរណ៍ខេត្តសៀមរាប)។​  ប្រាសាទមួយក្នុងចំណោមប្រាសាទជាច្រើនគឺ ប្រាសាទ អង្គរវត្ត ដែលត្រូវបានគេចាត់ទុកថាជាកន្លែងល្អផ្តាច់គេមួយក្នុងពិភពលោក។ ភូមិអណ្តែតទឹក និងភ្នំគូលែន ក៏ជាកន្លែងទេសចរណ៍ពេញនិយមនៅក្នុងតំបន់នេះផងដែរ។ យោងតាមទិន្នន័យថ្មីៗរបស់មន្ទីរទេសចរណ៍ខេត្តសៀមរាប ភ្ញៀវទេសចរបរទេសជាង ២.៥៩  លាននាក់បានមកទស្សនាប្រាសាទអង្គរវត្តនៅឆ្នាំ ២០១៨ ដែលក្នុងនោះភ្ញៀវទេសចរចិនមានចំនួន ៤៣.៣៧ ភាគរយ ​ស្មើនឹងជាង ១.១ លាននាក់។សៀមរាបមានគោលដៅស្រូបយកភ្ញៀវទេសចរចិនចំនួន ២ លាននាក់នៅត្រឹមឆ្នាំ ២០២០ ។ គម្រោងនឹងចាប់ផ្តើមជាមួយគម្រោងព្រលានយន្តហោះអន្តរជាតិ តម្លៃ ៨៨០ លានដុល្លារ។ រដ្ឋាភិបាលក៏បានចាត់រៀបចំផែនការជាមុន ដើម្បីធានាផ្តល់ជូនសេវាកម្មពេញលេញ សម្រាប់ភ្ញៀវទេសចរចិន ដូចជា៖​ វិធីបង់ប្រាក់យ័ន និងការប្រើប្រាស់ប្រព័ន្ធអ៊ីនធើណិតដូចជា WeChat និង Alipay ជាដើម។ខណៈពេលដែលវិស័យទេសចរណ៍បន្តកើនឡើង តម្រូវការបដិសណ្ឋារកិច្ចក្នុងខេត្តសៀមរាប ក៏កំពុងហក់ឡើងដែរ។ ទោះជាយ៉ាងណាក៏ដោយ ការផ្គត់ផ្គង់កន្លែងស្នាក់នៅនៅតែមានចំនួន តិចជាតម្រូវការរបស់អ្នកទេសចរ ដែលមានប្រមាណជា ៦ លាននាក់ជារៀងរាល់ឆ្នាំ។ បច្ចុប្បន្ននេះមានសណ្ឋាគារលំដាប់ផ្កាយប្រាំមានត្រឹមតែ ៨០​ ប៉ុណ្ណោះនៅក្នុងតំបន់នេះ។ក្នុងរយៈពេលវែង ខេត្តសៀមរាបត្រូវការសណ្ឋាគារ និងផ្ទះសំណាក់ជាច្រើនថែមទៀត ដើម្បីបំពេញ តាមតម្រូវការនៃភ្ញៀវទេសចរកំពុងកើនឡើង។ នេះមានន័យថាទស្សនវិស័យនៃការវិនិយោគផ្នែកសណ្ឋាគារគឺមានភាពជោគជ័យច្រើន។សណ្ឋាគារ Angkor 4 Season Hotel ដែលសាងសង់ដោយក្រុមហ៊ុនអភិវឌ្ឍន៍ចិន Yuan Sheng Shi Ye Co, Ltd ជាគម្រោងវិនិយោគមួយក្នុងចំណោមគម្រោងវិនិយោគដ៏សំខាន់បំផុតនៅចំកណ្តាលក្រុង សៀមរាប។ សណ្ឋាគារ Angkor 4 Season Hotel អាចធ្វើដំណើរត្រឹមតែ ៥ នាទី ពីផ្លូវផាប់ស្រ្ទីដ និងផ្សាររាត្រី ដែលជាតំបន់ទេសចរណ៍ដ៏ល្បីល្បាញនៅក្នុងក្រុង។ គម្រោងនេះគ្របដណ្ដប់ផ្ទៃដីចំនួន ១,៤៩៥ ម៉ែត្រការ៉េ និងមានកម្ពស់ ២២.៤ ម៉ែត្រ ក្នុងនោះមាន ៦ ជាន់ បែងចែកមាន ១០៨ បន្ទប់ ដែលបន្ទប់ទាំងអស់ត្រូវបានតុបតែងយ៉ាងល្អ និងមានគ្រឿងសង្ហារិមយ៉ាងប្រណិត។សណ្ឋាគារលំដាប់ផ្កាយ ៤ ដែលធានាផលចំណេញត្រឡប់មានស្ថេរភាព និងការកើនឡើង ថ្លៃដើមធានាជួលរយៈពេល ១០ ឆ្នាំ ជាមួយអត្រា ៦% ក្នុងមួយឆ្នាំធានាទិញត្រលប់វិញដោយអ្នកអភិវឌ្ឍជាមួយនឹងកំណើនថ្លៃដើម ២% ក្នុងមួយឆ្នាំអាចទទួលបានកម្ចីរហូតដល់ ៥០%បញ្ចប់រួចរាល់មួយនឹងការតុបតែងដ៏ស្រស់ស្អាត និងបំពាក់គ្រឿងសង្ហារិមគុណភាពខ្ពស់ផ្តល់ជូន ៨ ថ្ងៃ/ឆ្នាំ ឲ្យស្នាក់នៅដោយឥតគិតថ្លៃ និងបញ្ចុះតម្លៃពិសេស ( VIP) ៧% សម្រាប់ការស្នាក់នៅបន្ថែមទៀតសេវាកម្មអចលនទ្រព្យផ្តល់ជូនដោយគិតថ្លៃក្នុងអំឡុងពេលដាក់ជួលសណ្ឋាគារ Angkor 4 Season Hotel មានលក្ខណៈពិសេសបំផុត ដែលកំពុងទាក់ទាញ និងបង្ហាញឲ្យ ឃើញពីភាពសម្បូបែបនៃតំបន់អាស៊ីអាគ្នេយ៍។ មានស្រះឈូកដ៏ស្រស់ស្អាត និងដើមដូង ដែលផ្តល់នូវម្លប់ត្រជាក់ និងបរិយាកាសស្រស់ស្រាយ។ អគារទាំង ៣ ប្លុក ឈរជារាង្គអក្សរ U ជិតៗគ្នា និងមានអាងហែលទឹកនៅចំកណ្តាល មានកៅអីអង្គុយលេង និងតុ ដែលអ្នកអាចងូតទឹកលេង ឬសម្រាកក្រោមឆ័ត្រ។សណ្ឋាគារ Angkor 4 Season Hotel ត្រូវបានបែងចែកជាប្លុក A ប្លុក B និងប្លុក C ដែលប្លុកនីមួយៗ មានប្លង់ផ្សេងៗគ្នា។ យូនីតនៅក្នុងប្លុក A ទាំងអស់បែរមុខទៅភាគខាងត្បូង ហើយយូនីតទាំងនេះ មានទំហំពី ៣៧.២៨ ម៉ែត្រការ៉េ ដល់ ៣៧.៤០ ម៉ែត្រការ៉េ និងមានអាងទឹកដ៏ស្រស់ស្អាត។ ប្លុក B មានយូនីតធំទូលាយ និងអាចមើលឃើញអាងហែលទឹក និងសួនច្បារ ជាមួយទេសភាពដ៏ស្រស់ស្អាត នៅសៀមរាប។ ប្លុក C ស្រដៀងគ្នាទៅនឹងប្លុក A ដែរ ប៉ុន្តែមានយូនីតប្រភេទផ្សេងៗគ្នាជាច្រើន។ទាក់ទងទៅនឹងការស្នាក់នៅ សណ្ឋាគារ Angkor 4 Season Hotel នឹងផ្តល់នូវសេវាកម្មពេញលេញ រួមមាន៖ កន្លែងទទួលភ្ញៀវដ៏ធំទូលាយ បារ ហាងការហ្វេ អាងហែលទឹក និងកន្លែងហាត់ប្រាណ។ ភ្ញៀវនៅសណ្ឋាគារ Angkor 4 Season Hotel នឹងទទួលបានបទពិសោធដ៏ស្នាក់នៅដ៏រីករាយ ជាមួយសេវាកម្មគ្រប់យ៉ាងនៅនឹងកន្លែង។ ទន្ទឹមនឹងនេះដែរ ការស្នាក់នៅទីនេះត្រូវបានគេរំពឹងថា នឹងមានអត្រានៃការកាន់កាប់ខ្ពស់។សូមពិនិត្យមើលលម្អិតរាល់សេវាកម្មទាំងនេះ!កន្លែងទទួលភ្ញៀវបន្ទប់ទទួលភ្ញៀវធំទូលាយធ្វើឱ្យភ្ញៀវទទួលបានអារម្មណ៍កក់ក្តៅនៅពេលដែលពួកគេចូលទៅមកដល់សណ្ឋាគារ ហើយពួកគេអាចថតរូបដ៏ស្រស់ស្អាតគ្រប់កន្លែង ដោយសារទីនេះបានរចនាឡើងយ៉ាង ឆើតឆាយ សម្រាប់បរិយាកាសដ៏ស្ងប់ស្ងាត់មួយ ដែលសាកសមនឹងអារម្មណ៍រីករាយសម្រាប់ ថ្ងៃឈប់សម្រាក។ភោជនីយដ្ឋានការធ្វើដំណើរដ៏រីករាយត្រូវតែភ្ជា​​ប់មកជាមួយនឹងម្ហូបអាហារឆ្ងាញ់ៗ។ ភោជនីយដ្ឋាននៅក្នុង សណ្ឋាគារនេះនឹងផ្តល់ជូនជម្រើសជាច្រើនសម្រាប់អ្នកទេសចរ។ គ្រប់មុខម្ហូបទាំងអស់ ត្រូវបានរៀបចំយ៉ាងជំនាញជាមួយនឹងស្រាដ៏ឆ្ងុយឆ្ងាញ់។អាងហែលទឹកអ្នកអាចរីករាយជាមួយការងូតទឹកនៅក្នុងអាងហែលទឹកដ៏ស្រស់ស្អាត បន្ទាប់ពីការធ្វើដំណើរពេញ មួយថ្ងៃនៅជុំវិញខេត្តសៀមរាប។ នេះជាកន្លែងដ៏ល្អឥតខ្ចោះសម្រាប់ដេកហាលថ្ងៃ ជាមួយខ្យល់ អាកាសបរិសុទ្ធ និងការលម្ហែកាយដ៏រីករាយ។តំបន់សេវាកម្មជុំវិញមានទីតាំងស្ថិតនៅលើផ្លូវជាតិលេខ ៧ សណ្ឋាគារAngkor 4 Season Hotel បានព័ន្ធជុំវិញ ដោយភោជនីយដ្ឋាន ធនាគារ និងសាលារៀន។ ទីតាំងនៃសណ្ឋាគារមានលក្ខណៈងាយស្រួលចេញចូល ទៅតំបន់ទេសចរណ៍នានានៅក្នុងខេត្តនេះ។ ទីនេះមានចម្ងាយ ១ គីឡូម៉ែត្រពីអាកាសយានដ្ឋាន អន្តរជាតិសៀមរាបដែលអាចធ្វើដំណើរតែ ២០ នាទីប៉ុណ្ណោះ និងចម្ងាយ ៥.៥ គីឡូម៉ែត្រ ឬ​ ១៣  នាទីពីប្រាសាទអង្គរវត្ត ហើយត្រឹមតែ ៥ នាទីពីផ្លូវផាប់ស្ទ្រីដ និងផ្សារចាស់។ ហាងទំនិញ(មិនគិតពន្ធ)គឺមានចំងាយតែ ៨០០ ម៉ែត្រប៉ុណ្ណោះ។ដើម្បីស្វែងយល់បន្ថែមអំពីសណ្ឋាគារ Angkor 4 Season Hotel សូមមកពិគ្រោះជាមួយយើងនៅក្នុងពិព័រណ៍លំនៅដ្ឋាកម្ពុជាឆ្នាំ ២០១៩ ដែលរៀបចំដោយក្រុមហ៊ុន Realestate.com.kh។ ព្រឹត្តិការណ៍នេះនឹងប្រព្រឹត្តទៅនៅថ្ងៃទី ២៦-២៧ ខែមេសា នៅសាលពិព័រណ៍កោះពេជ្រ។សណ្ឋាគារAngkor 4 Season Hotel ស្ថិតនៅស្តង់លេខ ១៨ និង១៩។ ក្រៅពីគម្រោងនេះនៅ ខេត្តសៀមរាបអ្នកទេសចរនឹងអាចស្វែងយល់អំពីគម្រោងរមណីយដ្ឋានខ្នាតធំំមួយនៅខេត្តមណ្ឌលគិរី។មណ្ឌលគិរីគឺជាខេត្តដ៏ធំបំផុតនៅក្នុងប្រទេសកម្ពុជាដែលមានព្រៃឈើ ទេសភាពធម្មជាតិដ៏ សំបូរបែប និងទឹកជ្រោះដ៏ស្រស់ស្អាត។ ពិតណាស់ មណ្ឌលគិរីជាខេត្តទេសចរណ៍ដ៏ពេញនិយមបំផុតមួយ នៅក្នុងប្រទេសកម្ពុជា ហើយគម្រោងលំនៅដ្ឋានលក្ខណៈលម្ហែកាយ មិនទាន់ត្រូវបានបង្កើតច្រើននៅឡើយនៅតំបន់នេះ។សូមចូលរួមទស្សនានៅក្នុងពិព័រណ៍លំនៅដ្ឋានកម្ពុជាឆ្នាំ ២០១៩! ចុះឈ្មោះចូលរួមដោយ ឥតគិតថ្លៃឥឡូវនេះ!

រូបភាពតំណាងមួយរយៈពេលចុងក្រោយនេះរាជរដ្ឋាភិបាលកម្ពុជាបានអនុម័តទៅលើការវិនិយោគក៏ដូចជាដាក់ឱ្យសិក្សាគម្រោងហេដ្ឋារចនាសម្ព័ន្ធមានដូចជាអគារ ស្ពាន និងផ្លូវសំខាន់ៗជាច្រើន ដែលដំណឹងទាំងនេះសុទ្ធតែជាដំណឹងល្អ និងអាចជាផ្លែផ្កាដល់ការអភិវឌ្ឍសេដ្ឋកិច្ចជាតិ។​តួយ៉ាងកាលពីថ្ងៃទី១​ ខែមីនា ឆ្នាំ២០១៩ កន្លងទៅនេះរាជរដ្ឋាភិបាលកម្ពុជាក៏បានធ្វើសេចក្តីសម្រេចឆ្លើយតបទៅនឹងសំណើរសុំបង្កើតបណ្តាញទីក្រុងឆ្លាតវៃ (Smart City) អាស៊ាន-ជប៉ុន និងការបង្កើតវេទិតាសាធារណៈឯកជនស្តីពីការអភិវឌ្ឍនគរូបនីយកម្ម អាស៊ាន-ជប៉ុន ពីខាងក្រសួងរៀបចំដែនដីនគរូបនីយកម្ម និងសំណង់ (នេះបើយោងតាមសេចក្តីប្រកាសជាផ្លូវការមួយរៀបចំឡើងដោយទីស្តីការនាយករដ្ឋមន្ត្រី)។​អានអត្ថបទបន្ថែមអំពី៖ ស្វែងយល់គន្លឹះ៥យ៉ាងនេះបើចង់ចំណេញពីការវិនិយោគអចលនទ្រព្យ!នៅក្នុងលិខិតនេះផងដែរក៏មានចំណារយល់ព្រម និងគាំទ្រដោយសម្តេចអគ្គមហាសេនាបតី តេជោ ហ៊ុន សែន ផងដែរពាក់ព័ន្ធនឹងការស្នើសុំបង្កើតទីក្រុងនេះ។ គូសបញ្ជាក់ផងដែរថា គម្រោងអភិវឌ្ឍន៍ទីក្រុងឆ្លាតវៃនេះត្រូវបានដាក់ចេញជាគោលនយោបាយឱ្យអនុម័តដោយរដ្ឋាភិបាលជប៉ុននៅក្នុងការវិនិយោគ និងបង្កើតទីក្រុងទាំងនេះឱ្យបាននៅទូទាំងឧបទ្វីបអាស៊ីអាគ្នេយ៍ដោយក្នុងនោះមានរាជធានី រដ្ឋធានី ទីក្រុង និងខេត្តសរុបចំនួន២៦ ដែលនឹងមានសាងសង់គម្រោងនេះឡើង។​បច្ចុប្បន្ននេះមិនមែនមានតែកម្ពុជាមួយទេដែលកំពុងសិក្សា និងអនុម័តគម្រោងទីក្រុងឆ្លាតវៃ អាស៊ាន-ជប៉ុននេះ ប៉ុន្តែក្នុងនោះទីក្រុងហាណូយប្រទេសវៀតណាម និងទីក្រុងមេនដាឡេប្រទេសមីយ៉ាន់ម៉ាជាដើមសុទ្ធតែកំពុងមម៉ាញឹកទៅលើសិក្សា និងអនុវត្តគម្រោងនេះឱ្យចេញជារូបរាង៕ប្រសិនបើអ្នកចាប់អារម្មណ៍ប្រធានបទផ្សេងៗ ជុំវិញការវិនិយោគនៅកម្ពុជា សូមអានមគ្គុទេសណែនាំសម្រាប់អ្នកវិនិយោគក្នុងឆ្នាំ ២០១៩យល់ដឹងព័ត៌មានអចលនទ្រព្យ និងស្វែងរកអចលនទ្រព្យសម្រាប់លក់ និងជួលតាមរយៈ Realestate.com.kh!

យោង​តាម​សេចក្តី​ប្រកាស​ព័ត៌មានជូនសាធារណជន​​របស់​អ្នកនាំពាក្យ​ រាជរដ្ឋាភិបាល​កម្ពុជាកាលពី​ថ្ងៃទី១១​ ​ខែមីនា​ ឆ្នាំ​២០១៩នេះបានចាត់ទុក​ «ក្រុង​ព្រះសីហនុ​ជាទី​ក្រុង​អច្ឆរិយ​មួយនៅ​តំបន់ឆ្នេរ​សមុទ្រ​​ដែល​មានការ​អភិវឌ្ឍន៍​ក្នុង​សន្ទុះ​មួយ​គួរ​ឲ្យ​ស្ងប់​ស្ងែង» ។នៅក្នុងសេចក្ដីប្រកាសបានលើកឡើងថាបាតុភូត​នៃ​ការ​អភិវឌ្ឍ​​ដៃគូ ​កម្ពុជា​-​ចិន នេះគឺ​បង្ហាញភាព​ជាក់ស្តែងនូវ​ជំនឿ​​របស់​អ្នក​វិនិយោគ​ជា​ដៃគូ​ទាំង​ជាតិ​ ​និង​អន្តរជាតិ​​ដែលគេ​វាយតម្លៃ​ខ្ពស់​លើ​សមត្ថភាពរបស់​រាជរដ្ឋាភិបាល​កម្ពុជា​ដែលដឹកនាំដោយសម្ដេចអគ្គមហាសេនាបតីតេជោ ហ៊ុន សែន ក្នុង​កិច្ច​បន្តពង្រឹង​ប្រសិទ្ធិ​ភាព​ដើម្បី​សន្តិភាព​ ​ស្ថេរភាព​ ​បរិយាកាស​នយោបាយ​ល្អ​ ​និង​ថាមពល​ដែល​អនុគ្រោះ​ដល់​បរិយាកាស​បណ្តាក់​ទុន​ ​និង​ពាណិជ្ជកម្ម​សេរី​ ។សេចក្តី​ប្រកា​សព័ត៌​មាន​ដដែល​បាន​បន្ត​ថា​​​វឌ្ឍនភាព​ ​ក្រុង​ព្រះសីហនុ​ ​មិន​ត្រឹមតែ​ជា​មោទនភាព​នៃ​វិបុលភាព​របស់​កម្ពុជា​ដែល​ជា​ដៃគូ​ជាមួយ​ចិន​នោះ​ទេ​ ​ក៏ប៉ុន្តែ​ថែមទាំង​ជា​ថាមពល​ដ៏​លេចធ្លោ​ ​និង​រស់រវើក​របស់​អាស៊ាន​ផង​ដែរ​។ ក្រុង​ព្រះសីហនុ​ ​និង​ខេត្ត​ព្រះសីហនុ​ ​រួម​ជាមួយនឹង​បណ្តា​ខេត្ត​នានា​ ​នៅ​តាម​ឆ្នេរសមុទ្រ​ ​គឺជា​ទិសដៅ​ពិតប្រាកដ​នៃ​ ​“​មិត្តភាព​ ​សន្តិភាព​ ​សហប្រតិបត្តិ​ការ​ ​និង​ការ​អភិវឌ្ឍ​”​ ​រួម​ជាមួយ​ការរស់នៅ​ដ៏​សុខក្សេមក្សាន្ត​ ​និងឱ​កាស​រីកចម្រើន​ដែល​ជា​ជ​ម្រើ​ស​ដ៏​ឧ​ត្តុ​ង​ឧត្តម​របស់​ប្រជាពលរដ្ឋ​ខ្មែរ​ទាំងមូល​។​ប្រភព​ដដែល​បញ្ជាក់​ទៀត​ថា​មិន​ត្រឹមតែ​ជា​ទិសដៅ​ទេសចរណ៍​ ​និង​ឧស្សាហ​កម្ម​ផ្សេង​ៗ​ ​ឬ​កម្សាន្ត​តែប៉ុណ្ណោះ​ទេ​ ​ប៉ុន្តែ​ការ​រីកចម្រើន​នេះ​បាន​ផ្តល់​ឳ​កាស​ទីផ្សារ​ថ្មី​បន្ថែម​ទៀត​ចំពោះ​កសិករ​ ​ពលករ​ ​ពាណិជ្ជករ​ ​និង​សេវាកម្ម​ជាច្រើន​ ​និង​កើនឡើង​បន្ថែម​ទៀត​ទាំង​បរិមាណ​ ​និង​គុណភាព​នា​ពេល​អនាគត​ដ៏​ខ្លី​ ។​ទីក្រុង​ជាប់​សមុទ្រ​ក្នុងរយៈពេល​ដ៏​ខ្លី​ខាងមុខ​ ​នឹង​ក្លាយជា​ទីក្រុងទំនើប​ក្នុង​វិស័យ​ពាណិជ្ជកម្ម​ហិរញ្ញវត្ថុ​ ​និង​ឧស្សាហកម្ម​ដូច​បណ្តាទីក្រុង​អន្តរជាតិ​ដទៃទៀត​​នៅ​តាម​ឆ្នេរសមុទ្រ​ដែល​នឹង​ចូលរួម​ចំណែកសកម្មភាព​ប្រកបដោយ​ឥទ្ធិពល​ ​និង​ផូរ​ផង​នៅក្នុង​តំបន់​​ក៏ដូចជា​អន្តរជាតិ​​ក្នុង​បរិបទ​ពាណិជ្ជកម្ម​សេរី​ ​និង​តម្លៃ​មនុស្សជាតិ​ ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

ទីក្រុងប៉ាតាយ៉ាក្នុងប្រទេសថៃគឺជាទីក្រុងឆ្នេរសមុទ្រទេសចរណ៍ដែលល្បីបំផុតមួយនៅក្នុងពិភពលោក ដែលបានទាក់ទាញភ្ញៀទេសចរណ៍រាប់លាននាក់ក្នុងមួយឆ្នាំឱ្យទៅកំសាន្តនៅទីនោះ ពោលគឺមានរហូទដល់ ៨.៦៧លាននាក់ក្នុងឆ្នាំ២០១៨។ ទីក្រុងដែលល្បីខាងសេវាកម្មកំសាន្ត ជាពិសេសពេស្យាចារ ដែលបានក្លាយជាតំបន់ទាក់ទាញការអភិវឌ្ឍយ៉ាងខ្លាំង។ក្នុងនោះតំបន់ល្បីៗដូចជាវ៉ងអាម៉ាដ(Wong Amat​) ចុមធៀន (Jomtien) ប្រាថាំណាក់ (Phra Tamnak) និង ណា ចុមធៀម (Na Jomtien) សុទ្ធសឹងតែបានអភិវឌ្ឍន៍័យ៉ាងលឿនសម្បើមទៅលើការសាងសង់អគារខុនដូរួចទៅហើយ។ប៉ុន្តែដោយសារតែកំណើននៃតម្រូវការច្រើន ខណះដែលដីនៅក្នុងទីក្រុងនេះ ជាពិសេសតាមបណ្តោយឆ្នេរសមុទ្រត្រូវបានគេកាន់កាប់ និងសាងសង់ច្រើនរួចទៅហើយ អ្នកវិនិយោគបានសម្រេចបង្កើត និងចាប់ផ្តើមយកតំបន់ផ្សេងៗបន្ថែមទៀតដូចជា បាងសារាយ (Bang Saray) និងសាតាហ៊ីប (Sattahip) មកអភិវឌ្ឍន៍។អានអត្ថបទទាក់ទងអំពី៖ អានអត្ថបទបន្ថែមអំពី៖ ស្វែងយល់គន្លឹះ៥យ៉ាងនេះបើចង់ចំណេញពីការវិនិយោគអចលនទ្រព្យ!ការអភិវឌ្ឍនេះគឺជាផ្នែកមួយ និងធ្វើឡើងស្របជាមួយនឹងគោលនយោបាយរបស់រដ្ឋាភិបាលថៃនៅក្នុងការអភិវឌ្ឍច្រករបៀងសេដ្ឋកិច្ចខាងកើត (Eastern Economic Corridor  - EEC) ដើម្បីបង្កើនទំហំផ្ទៃដី និងបន្ថែមសក្តានុពលសម្រាប់ការអភិវឌ្ឍនៅកន្លែងផ្សេងៗទៀតនាពេលអនាគត។ បរិមាណភ្ញៀវទេសចរណ៍អន្តរជាតិដែលមកកំសាន្តនៅទីក្រុងនេះយ៉ាងច្រើនលើសលប់យ៉ាងនេះបានធ្វើឱ្យទីក្រុងប៉ាតាយ៉ាមានមនុស្សច្រើនជាងកោះបាលីនៅប្រទេសឥណ្ឌូនេស៊ីទៅទៀត។ក្រៅពីនេះដោយសារតែទីក្រុងនេះមានទីតាំងត្រឹមតែ២ម៉ោងពីទីក្រុងបាងកកតែប៉ុណ្ណោះ ដូច្នេះហើយអ្នកដែលទៅកំសាន្តនៅបាងកក ច្រើននិយមធ្វើដំណើរមកកំសាន្តនៅប៉ាតាយ៉ាផងដែរ។ ហេតុដូចនេះហើយទើបធ្វើឱ្យទីក្រុងនេះមានតម្រូវការច្រើនពាក់ព៏ន្ធនឹងអាគារស្នាក់នៅ ក៏ដូចជាលំនៅដ្ឋានគ្រប់ប្រភេទ។ ចំនែកឯអ្នកវិនិយោគវិញ ដោយមើលឃើញពីសក្តានុពលនេះដូចគ្នា ក៏បានសម្រេចចាប់ទីតាំងដើម្បីវិនិយោគអាគារស្នាក់នៅខ្ពស់ៗទំនើបៗនៅទីនោះ។ ក្នុងនោះវិនិយោគិនបរទេសដែលនិយមបោះទុននៅក្នុងតំបន់នេះច្រើនបំផុតរួមមានជនជាតិចិន រុស្សី​ និងអង់គ្លេស។​ដើម្បីជួយឱ្យការអភិវឌ្ឍនៅទីនោះកាន់តែមានភាពងាយស្រួល និងមានស្ថេរភាពផងនោះ រដ្ឋាភិបាលថៃបានយកចិត្តទុកដាក់ទៅលើការសាងសង់ហេដ្ឋារចនាសម្ព័ន្ធបន្ថែមទៀត រួមមាន ព្រលានយន្តហោះ ផ្លូវថ្នល់ ផ្លូវល្បឿនលឿន​​​ ក៏ដូចជាផ្លូវរថភ្លើងល្បឿនលឿនផងដែរ។ គូសបញ្ជាក់ផងដែរថា គម្រោងទាំងអស់នេះរួមជាមួយនឹង ច្រករបៀងសេដ្ឋកិច្ចខាងកើត (Eastern Economic Corridor  - EEC) នឹងត្រូវបានសម្រេចបញ្ចប់ជាស្ថានពរឱ្យចេញជារូបរាងនៅក្នុងឆ្នាំ២០២៣ឆាប់ៗខាងមុខនេះ៕ចង់ស្វែងរកអចលនទ្រព្យសម្រាប់ជួលនៅក្រុងព្រះសីហនុ ឬអចលនទ្រព្យសម្រាប់លក់នៅក្រុង ព្រះសីហនុ សូមចូលទៅកាន់ Realestate.com.kh! លោកអ្នកក៏អាចស្វែងរកព័ត៌មានថ្មីនៃការវិវត្តន៍ចុង ក្រោយរ​បស់ខេត្តព្រះសីហនុ ឬសក្តានុពលនៃការវិនិយោគនៅលើគេហទំព័ររបស់យើងបានផងដែរ។​

បើនិយាយពីការវិនិយោគលើវិស័យកាត់ដេរសម្លៀកបំពាក់ និងស្បែកជើង កម្ពុជានៅតែជាប្រទេសមួយដែលទាក់ទាញអ្នកវិនិយោគបរទេសជាច្រើនមិនចាញ់ប្រទេសផ្សេងៗនៅក្នុងតំបន់នោះទេ។កាលពីថ្ងៃពុធទី៦ខែមីនា២០១៩កន្លងទៅនេះក្រុមហ៊ុនសិនចូវអ៊ីនធឺណាសិនណលគ្រុប (Shenzhou International Group) បានប្រារព្ធពិធីបុកគ្រឹះរោងចក្រទីពីររបស់ខ្លួនមួយដែលរោងចក្រនេះផ្តោតសំខាន់ទៅលើការផលិតសម្ភារៈ និងផលិតផលកីឡារបស់ក្រុមហ៊ុនដ៏ល្បីមួយគឺក្រុមហ៊ុន Nike។ រោងចក្រនេះមានឈ្មោះថាសិនចូវអ៊ីនធឺណាសិនណលខេមបូឌា ម៉ាវេលហ្កាមេន (Shenzhou International Cambodian Marvel Garment) នឹងត្រូវសាងសង់នៅក្នុងតំបន់សេដ្ឋកិច្ចពិសេសភ្នំពេញ (PPSEZ) ដែលមានចម្ងាយត្រឹមតែ១៥គីឡូម៉ែត្រប៉ុណ្ណោះពីអាកាសដ្ឋានអន្តរជាតិភ្នំពេញ។ ការសាងសង់រោងចក្រផលិតផលមួយនេះនឹងចំនាយអស់ទឹកប្រាក់សរុប$១៥០លានដុល្លារអាមេរិច។​អានអត្ថបទបន្ថែមអំពី៖ ស្វែងយល់អំពីល្បិចឆបោកនៅក្នុងវិស័យអចលនទ្រព្យនៅពេលបច្ចុប្បន្ន!ក្រុមហ៊ុនសិនចូវអ៊ីនធឺណាសិនណលគ្រុបនេះជាក្រុមហ៊ុនដែលផ្តោតសំខាន់ទៅលើការកាត់ដេរ និងផលិតសម្លៀកបំពាក់ដ៏ធំបំផុតមួយនៅក្នុងប្រទេសចិនខណះដែលក្រុមហ៊ុននេះក៏បានដើរតួនាទីសំខាន់នៅក្នុងវិស័យកាត់ដេរនៅក្នុងប្រទេសកម្ពុជាដែលបានផលិតយីហោ Nike នៅប្រទេសកម្ពុជាតាំងពីឆ្នាំ២០០៥មកម្ល៉េះ។តាមការបង្ហាញពីលោក ម៉ា ជៀនរុង (Ma Jianrong) អគ្គនាយកក្រុមហ៊ុននេះបានឱ្យដឹងថាព្រះរាជាណាចក្រកម្ពុជាគឺជាទីតាំងផលិតមួយដ៏សំខាន់សម្រាប់រោងចក្ររបស់លោកក៏ដូចជាសម្រាប់ក្រុមហ៊ុន Nike ផ្ទាល់តែម្តង។​លោកបានបន្ថែមទៀតដែរថាជាមួយនឹងការដំណើរការរោងចក្ររបស់លោកអស់រយះពេលជាង១៤ឆ្នាំមកនេះលោកទទួលបានការគាំទ្រយ៉ាងខ្លាំងពីសំណាក់រដ្ឋាភិបាលកម្ពុជា។ ចំនែកឯធន ធានមនុស្សដែលបម្រើការនៅក្នុងរោងចក្ររបស់លោកក៏សុទ្ធតែមានជំនាញ និងការប្តេជ្ញាខ្ពស់ផងដែរ។ជាមួយគ្នានេះផងដែរលោកក៏មានសុទិដ្ឋិនិយម និងការប្តេជ្ញាចិត្តយ៉ាងខ្លាំងថាទីផ្សារប្រទេសកម្ពុជានឹងរីកលូតលាស់កាន់តែខ្លាំងជាងមុន ដោយក្នុងនោះក្រុមហ៊ុនរបស់លោកនឹងព្យាយាមរួមចំណែកឱ្យអស់ពីសមត្ថភាពនៅក្នុងការជួយឱ្យកម្ពុជាអាចដើរតួជាអ្នកផ្គត់ផ្គង់ប្រេន Nike ​នេះធំបំផុតមួយនៅក្នុងតំបន់ និងក្នុងពិភពលោក៕យល់ដឹងព័ត៌មានអចលនទ្រព្យ និងស្វែងរកអចលនទ្រព្យសម្រាប់លក់ និងជួលតាមរយៈ Realestate.com.kh!

យោងតាមរបាយការណ៍ចុងក្រោយរបស់ CBRE Cambodia បង្ហាញាថាត្រឹមត្រីមាសទី៤ ឆ្នាំ ២០១៩ នៅក្នុងរាជធានីភ្នំពេញទាំងមូលមានខុនដូសរុបទាំងអសចំនួន ១៧៩៩៥ យូនីត កើនឡើងចំនួន ២៧ % បើប្រៀបធៀបជាមួយរយៈពេលដូចគ្នាក្នុងឆ្នាំ ២០១៨ ដែលពេលនោះមានគម្រោងខុនដូចំនួន ៥៧​ បានបញ្ចប់ដែលមានយូនីតសរុបទាំងអស់១៤១៧៩។ថ្វីបើការរស់នៅក្នុងខុនដូជាបរិបទថ្មីសម្រាប់កម្ពុជាក៏ពិតមែន ប៉ុន្តែខុនដូបានក្លាយជាផ្នែកមួយដ៏សំខាន់នៅក្នុងវិស័យលំនៅដ្ឋានបច្ចុប្បន្ន។ ប្រជាជនកម្ពុជាភាគច្រើនហាក់មិនទាន់បានស្វែងយល់ស៊ីជម្រៅនៅឡើយពីផលចំណេញនៃការ​រស់នៅក្នុងខុនដូ ឬអាចនិយាយបានថា ពួកគាត់នៅមានទំនោរច្រើនទៅលើលំនៅដ្ឋានក្នុងបុរី ឬ សង់ជាប់ផ្ទាល់ដី។១. មានពេលវេលាច្រើនក្នុងការបំពេញការងារការរស់នៅក្នុងខុនដូអាចជួយសន្សំពេលវេលាបានច្រើនសម្រា​ប់អ្នកដែលត្រូវការពេលច្រើនក្នុងការបំពេញការងារ។ សន្សំពេលវេលាគឺសំដៅដល់ភាពងាយស្រួលក្នុងការធ្វើដំណើរ និងការចំណាយពេលតិចបំផុតរវាងកន្លែងធ្វើការ និងកន្លែងរស់នៅ។ ប្រទេសកម្ពុជាកំពុងមានការអភិវឌ្ឍយ៉ាងខ្លាំង ភាគច្រើននៃយុវជនក្នុងវ័យពី២៥ទៅ៤០​ឆ្នាំមានបំណងចង់ពង្រឹងសមត្ថភាព និងពង្រីកមុខជំនួញរបស់ពួក។ ការរស់ក្នុងតំបន់កណ្ដាលទីក្រុងអាចជួយពួកគេឲ្យសម្រេចគោលដៅទាំងនេះបាន។២. មិនរវល់ធ្វើការងារផ្ទះច្រើនជាធម្មតាយូនីតខុនដូមានទំហំតូចៗ និងមិនមានទីធ្លាខាងក្រៅដែលទាមទារការសម្អាតនោះទេ។ រស់នៅក្នុងខុនដូអ្នកនឹងចំណាយពេលតិចបំផុតសម្រាប់ការសំអាតទូទៅ។ ម្យ៉ាងទៀតអគារខុនដូជាច្រើនមានផ្ដល់សេវាសំអាត ទឹកស្អាត និងអគ្គិសនី។ ដូច្នេះអ្នកអាចមានពេលវេលាច្រើន សម្រាប់ខ្លួនឯង ឬធ្វើអ្វីមួយដែលអ្នកពេញចិត្ត។៣. ប្រមូលផ្តុំដោយសេវាកម្មស​ម្បូរបែបខុនដូត្រូវបានបង្កើតឡើងក្នុងគោលបំណងផ្ដល់ជូននូវជីវិតរស់នៅទាន់សម័យ ភាពងាយស្រួល​ និងមានផាសុកភាព។ ឆ្លើយតបនឹងចំណុចទាំងនេះ គម្រោងខុនដូបានភ្ជាប់មកជាមួយសេវាកម្មចម្រុះផ្សេងៗនៅក្នុងអគារស្រាប់ដើម្បីបំពេញទៅតាមតម្រូវការទូទៅរបស់ម្ចាស់លំនៅដ្ឋាន ដូចជា៖ កន្លែងហាត់ប្រាណ ស្ទីម សូណា ​អាងហែលទឹក និងប្រព័ន្ធការពារសន្តិសុខ​ ដូចជា៖ កាំមេរ៉ាសុវត្ថិភាព ប្រព័ន្ធប្រកាសអាសន្ន និង សន្តិសុខ ដើម្បីផ្ដល់ទំនុកចិត្ត និងអារម្មណ៍មានសុវត្ថិភាពទៅដល់អ្នករស់នៅក្នុងអគារទាំងមូល។៤. ផ្ដល់អារម្មណ៍នៃការរស់នៅបែបសហគមន៍ការរស់នៅមានអ្នកជិតខាងគឺពិតជាសំខាន់ខ្លាំងណាស់ ដោយសារពួកគេអាចជួយទុកធុរៈអ្នកបាន ពេលមានអាសន្ន ឧទាហរណ៍ប្រសិនបើអ្នកភ្លេចយកសោរមកតាមខ្លួន ពួកគេអាចជួយឲ្យអ្នកចូលទៅក្នុងអគារខុនដូបាន។ ម្យ៉ាងទៀតពួកគេក៏អាចក្លាយជាមិត្តជិតស្និតរបស់ អ្នក ធ្វើសកម្មភាពផ្សេងៗជាមួយគ្នាដូចជា ញ៉ាំអាហារ និងជជែកគ្នាលេងនាចុងសប្ដាហ៍។ ការរស់នៅក្នុងខុនដូផ្ដល់ឳកាសឲ្យអ្នកអាចប្រាស្រ័យទាក់ទងជាមួយអ្នកផ្សេងទៀតរស់នៅក្នុងអគារជាមួយគ្នា ដែលធ្វើឲ្យអ្នកមានអារម្មណ៍ដូចរស់នៅក្នុងសហគមន៍មួយ។៥. បង្កភាពងាយស្រួលច្រើនដោយសារមានទីតាំងល្អអគារខុនដូភាគច្រើនត្រូវបានសាងសង់នៅតំបន់កណ្តាលក្រុង ដែលបង្កភាពងាយស្រួលគ្រប់បែបយ៉ាង។ ក្នុងនោះដែរការធានាផ្តល់ជូននូវសេវាកម្មចាំបាច់នានាជាកត្តាសំខាន់ដែលអាចធ្វើឲ្យប្រាកដថាអ្នករស់នៅក្នុងខុនដូនឹងមិនចំណាយពេលច្រើនក្នុងការធ្វើដំណើរទៅកន្លែងធ្វើការ ហាងកាហ្វេ​ ឬសាលារៀន ជាដើម។ ជាក់ស្តែង ជុំវិញគម្រោងខុនដូនៅតំបន់កណ្តាលទីក្រុងភ្នំពេញ ឬក្រុងព្រះសីហនុតែងស្ថិតនៅទីតាំងប្រមូលផ្តុំ ​ដោយសេវាកម្មសំខាន់ដូចជា៖ សាលារៀនជាតិ និងអន្តរជាតិ មន្ទីរពេទ្រ ស្ថាប័នរដ្ឋ ធនាគារ ផ្សារទំនើប ភោជនីយដ្ឋាន ការិយាល័យ និងអគារពាណិជ្ជកម្មផ្សេងៗជាច្រើនទៀត។៦. ទិញខុនដូចំណេញជាងជួលផ្ទះប្រណីតការទិញខុនដូជាជម្រើសល្អមួយ ជាងការជួលផ្ទះប្រភេទប្រណីតសម្រាប់ការស្នាក់នៅ​ ដោយហេតុថា​តម្លៃ ជួលប្រចាំខែនៃផ្ទះប្រភេទនេះ មានតម្លៃខ្ពស់ជាង ឬប្រហាក់ប្រហែលជាមួយថ្លៃ បង់រំលស់ខុនដូប្រចាំខែរួចទៅហើយ។ ជាក់ស្តែង ប្រសិនបើអ្នកជួលវីឡាភ្លោះ អ្នកត្រូវចំណាយពី ១,៥០០​ដុល្លារ ទៅ ២,០០០ ដុល្លារក្នុងមួយខែ ដែលតម្លៃនេះខ្ពស់ជាងការបង់ថ្លៃរំលស់ខុនដូប្រចាំខែទៅទៀត។៧. អត្រានៃការជួលត្រឡប់ខ្ពស់ខុនដូផ្តល់ជូនផលចំណេញខ្ពស់តាមរយៈ ២ រូបភាព។ ទី១៖ ការជួលត្រឡប់ និងទី២៖ ការកើនឡើងថ្លៃដើម ។ ខុនដូអាចដាក់ជួលបានតម្លៃខ្ពស់ជាង ២ ទៅ ៣ ដងប្រៀបធៀបទៅនឹងផ្ទះជាប់ដី ពោលគឺអាចជួលបានពី ៥០០ ដុល្លារ ទៅ ២,៥០០ ដុល្លារក្នុងមួយខែ អាស្រ័យទៅតាមទីតាំងផ្សេងៗគ្នានៅក្នុងតំបន់កណ្តាលក្រុង។​ អត្រាជួលប្រចាំឆ្នាំអាចទទួលបានពី ៨ ទៅ ១០ ភាគរយក្នុងមួយឆ្នាំ។៨. ចំណាយលើថ្លៃជួលជុលតិចខុនដូមិនទាមទារការជួសជុលច្រើន ដូចប្រភេទផ្ទះផ្សេងៗទៀតនោះទេ។ ក្នុងករណីដែលតម្រូវឲ្យមានការ ជួសជុលបន្ដិចបន្ដួច ក្រុមហ៊ុនគ្រប់គ្រងអគារនោះនឹងធ្វើជូនអ្នក ឬ ករណីខ្លះអ្នកត្រូវតម្រូវឲ្យបង់ថ្លៃជួស ជុលបន្ដិចបន្ដួចតែប៉ុណ្ណោះ។៩. យូនីតខុនដូមានតម្លៃសមរម្យយូនីតខុនដូមួយចំនួននៅមានតម្លៃទាប បើធៀបជាមួយនឹងប្រភេទផ្ទះសង់ផ្ទាល់ជាប់ដី។ ខុនដូនៅក្នុងប្រទេសកម្ពុជាជាពិសេសនៅក្នុងរាជធានីភ្នំពេញនៅមានតម្លៃសមរម្យបើ ប្រៀបធៀបជាមួយទីក្រុងផ្សេងៗនៅក្នុងតំបន់។ អ្នកអាចរកទិញខុនដូមានបន្ទប់គេងមួយដោយមានតម្លៃចាប់ពី ៦​ម៉ឺនដុល្លារ ឬ ថ្លៃជាងនេះទៀតចាប់ពី ១០ម៉ឺនដុល្លារឡើងសម្រាប់ខុនដូមានទីតាំងនៅក្នុងតំបន់ពាណិជ្ជកម្មកណ្ដាលទីក្រុង ឬ ក្នុងខណ្ឌមួយចំនួន ដូចជា ចំការមន​ ដូនពេញ និងជ្រោយចង្វារ។១០. ភាពបត់បែនខុនដូផ្តល់ជូនភាពងាយស្រួល និងភាពបត់បែនក្នុងការរស់នៅ បើប្រៀបធៀបជាមួយផ្ទះសង់ជាប់ផ្ទាល់ដី។ ដំណើរកានៃការទិញខុនដូមានភាពឆាប់រហ័សជាង ហើយអ្នកអាចមានជម្រើសច្រើនជាមួយការផ្ដល់ជូននូវតម្លៃផ្សេងៗគ្នា។ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។ សម្រាប់កម្មវិធី iOS និង Android។អត្ថបទដោយ

ខេត្តកំពតជាខេត្តមួយដែលកំពុងតែទាក់ទាញភ្ញៀវទេសចរណ៍ស្ទើរតែគ្រប់ទិសទីឱ្យទៅកំសាន្តទាំងភ្ញៀវជាតិ និងអន្តរជាតិដោយសារតែខេត្តមួយនេះមានអំណោយផលផ្នែកធម្មជាតិ ដោយមានទាំងភ្នំ ព្រែក សមុទ្រ និងព្រៃលិចទឹកជាដើម។ មិនត្រឹមតែប៉ុណ្ណោះការធ្វើដំណើរត្រឹមតែពី២ទៅ៣ម៉ោងប៉ុណ្ណោះពីភ្នំពេញ។ភាពស្ងប់ស្ងាត់អមទៅដោយធម្មជាតិជាមួយនឹងសំណង់អគារបុរាណដែលសល់ពីជំនាន់អាណានិគមបារាំងបានធ្វើឱ្យខេត្តកំពតក្លាយជាតំបន់ដែលកំពុងតែមានសក្តានុពលបំផុតនៅក្នុងការវិនិយោគទៅលើវិស័យដែលពាក់ព័ន្ធទៅនឹងទេសចរណ៍ដូចជាសណ្ឋាគារ រីសត រមនីយដ្ឋាន ភោជនីដ្ឋាន រឺសេវាកម្មទេសចរណ៍ជាដើម។​អានអត្ថបទបន្ថែមអំពី៖ ខេត្តកំពតបង្ហាញពីឱកាសវិនិយោគថ្មីជាមួយរមណីដ្ឋានបែបធម្មជាតិ!ដោយមើលឃើញពីឳកាសដែលកម្រនេះមានអ្នកវិនិយោគក្នុងស្រុក និងក្រៅស្រុកជាច្រើនបានចាប់យកខេត្តដ៏តូចច្រឡឹងនេះមកអភិវឌ្ឍន៍តាមជំនាញរៀងៗខ្លួន។ តួយ៉ាងកាលពីថ្ងៃទី២៨ ខែកុម្ហៈ កន្លងទៅនេះមានក្រុមតំណាងអ្នកវិនិយោគជប៉ុនមួយ ទើបតែបានចូលជួបជាមួយនឹងលោក ជាវ​ តាយ អភិបាលនៃគណៈអភិបាលខេត្តកំពត និងបង្ហាញពីចំនាប់អារម្មណ៍ក្នុងការវិនិយោគទៅលើការសាងសង់សណ្ឋាគារ និងបឹងកាឡូនៅក្នុងខេត្តនេះ។គម្រោងនេះនឹងធ្វើឡើងលើដីសរុប៤ហិចតាដែលមានទីតាំងស្ថិតនៅក្នុងឃុំត្រើយកោះ ដែលជាទីតាំងពេញនិយមបំផុតសម្រាប់សាងសង់សំណង់ប្រភេទសណ្ឋាគារ រីសត រឺបឹងកាឡូ។ទន្ទឹមនឹងនេះតាមការបង្ហាញពីលោក សយ ស៊ីណុល ប្រធានមន្ទីរទេសចរណ៍ខេត្តកំពតបាន​ឱ្យដឹងថា​គម្រោងវិនិយោគរបស់ជប៉ុននេះគឺពិតជាមានប្រាកដមែន ប៉ុន្តែទាក់ទិននឹងថាតើគម្រោងនេះនឹងចាប់ផ្តើមនៅថ្ងៃណារឺនឹងចំនាយមូលធនសរុបប៉ុន្មាននៅមិនទាន់ប្រាកដនោះទេ​។​លោកបន្ថែមទៀតថាបច្ចុប្បន្ននេះក្រុមហ៊ុនវិនិយោគជប៉ុនប្រហែលជាកំពុងតែធ្វើការសិក្សាទៅលើគម្រោងទាំងមូលនៅឡើយទើបមិនទាន់មានការបញ្ជាក់អ្វីផ្សេងក្រៅពីនេះ។លោក សយ ស៊ីណុល មានសុទិដ្ឋិនិយមយ៉ាងខ្លាំងថាគម្រោងនេះនឹងនាំមកនូវការអភិវឌ្ឍន៍ និងចំណូលលកាន់តែច្រើនដើម្បីជួយធ្វើឲ្យសេដ្ឋកិច្ចរបស់ខេត្ត និងប្រជាពលរដ្ឋនៅក្នុងខេត្តនេះមានភាពប្រសើរឡើង។ក្រៅពីនេះលោកមានសេចក្តីរំពឹងចង់ឱ្យមានអ្នកវិនិយោគផ្សេងៗជាពិសេសគឺវិនិយោគិនជប៉ុនជាច្រើនទៀតឱ្យមកចូលវិនិយោគនៅលើវិស័យទេសចរណ៍ និងធុរកិច្ចនេះបន្ថែមទៀតនៅក្នុងខេត្តកំពត។គូសបញ្ជាក់ផងដែរថាតាំងពីខេត្តព្រះសីហនុមានកំំណើនជនជាតិចិនកើនឡើងមក ខេត្តកំពតបានជំនួសតំណែងខេត្តព្រះសីហនុដើម្បីទទួលយកភ្ញៀវទេសចរណ៍យ៉ាងច្រើនសន្ធឹកសន្ធាប់ ពោលគឺនៅក្នុងឆ្នាំ២០១៨មានចំនួនភ្ញៀវជាតិ និងអន្តរជាតិរហូតដល់ទៅ ១.៨លាននាក់ឯណោះ៕ប្រសិនបើអ្នកចាប់អារម្មណ៍ប្រធានបទផ្សេងៗ ជុំវិញការវិនិយោគនៅកម្ពុជា សូមអានមគ្គុទេសណែនាំសម្រាប់អ្នកវិនិយោគក្នុងឆ្នាំ ២០១៩ស្វែងរកអចលនទ្រព្យសម្រាប់លក់ ឬជួលនៅក្នុងខេត្តកំពត់សូមចូលទៅកាន់ Realestate.com.kh!

រូបភាពតំណាងការដា្ឋនសាងសង់ព្រលានយន្តហោះសៀមរាបតម្លៃជាង$៩០០លានដុល្លារនឹងត្រូវដាក់សម្ពោធដោយសម្តេចតេជោនាពេលឆាប់ៗខាងមុខ!កំណើននៃការអភិវឌ្ឍន៍ការវិនិយោគ និងភ្ញៀវទេសចរណ៍ដែលចូលមកកាន់ប្រទេសកម្ពុជាពោលគឺតំបន់ប្រវិត្តិសាស្ត្រអង្គរកាន់តែមានការកើនឡើងពីមួយឆ្នាំទៅឆ្នាំ ដែលការណ៍នេះបានតម្រូវឱ្យមានការអភិវឌ្ឍន៍ហេដ្ឋារចនាសម្ព័ន្ធបន្ថែមទៀតដើម្បីបម្រើឱ្យប្រជាជន អ្នកវិនិយោគក៏ដូចជាភ្ញៀវជាតិ និងអន្តរជាតិដែលធ្វើដំណើរមកក្នុងខេត្តសៀមរាប។ក្នុងនោះអាកាសយានដ្ឋានអន្តរជាតិសៀមរាបអង្គរដែលកំពុងតែទទួលអ្នកដំណើរមកពីគ្រប់ទិសទីក៏ត្រូវការការអភិវឌ្ឍន៍ និងពង្រីកបន្ថែមផងដែរដើម្បីបង្កើននូវគុណភាព សេវាកម្មក៏ដូចជាវិសាលភាព ក្នុងការទទួលយកអ្នកដំណើរឱ្យបានកាន់តែច្រើន។អានអត្ថបទទាក់ទង៖ ព្រលា​នយន្តហោះ​​អន្តរជាតិ​ទី៤​របស់​កម្ពុជា​ ចាប់ផ្តើម​សាងសង់!តួយ៉ាងនាពេលឆាប់ៗព្រលានយន្តហោះឯខេត្តសៀមរាបនឹងត្រូវដាក់សម្ពោធឱ្យបើកការដ្ឋានសាងសង់ជាផ្លូវការដោយសម្តេចអគ្គសេនាបតីតេជោ ហ៊ុន សែន (នេះបើតាមការបង្ហើបពីលោក ជា អូន អ្នកនាំពាក្យ និង​ជារដ្ឋាលេខាធិការនៃរដ្ឋលេខាធិការ​ដ្ឋាន​អាកាសចរណ៍​ស៊ីវិល​)។​បច្ចុប្បន្ននេះគម្រោងសាងសង់ព្រលានយន្តហោះនៅឯទឹកដីអង្គរកំពុងតែស្ថិតក្រោមការរៀបចំផែនការ និងរៀបចំការដ្ឋាននៅឡើយខណះដែលគម្រោងមួយនឹងត្រូវធ្វើឡើងក្រោមទឹកប្រាក់ប្រមាណ$៩០០លានដុល្លារអាមេរិច។ព្រលានយន្តហោះនេះជាព្រលានយន្តហោះខ្នាតអន្តរជាតិដែលអាចឱ្យយន្តហោះខ្នាតធំៗចុះចតបាន។ ដូច្នេះការសាងសង់ព្រលានយន្តហោះនេះ នឹងជួយបង្កើនលំហូរចូលនៃភ្ញៀវទេសចរណ៍ និងវិនិយោគមកពីក្រៅប្រទេសបានកាន់តែច្រើនជាងមុនទៀតពោលគឺអាចហោះមកកាន់ខេត្តសៀមរាបបានតែម្តង ដោយមិនចាំបាច់ចុះចតនៅព្រលានយន្តហោះអន្តរជាតិភ្នំពេញសិននោះទេ។នេះជាដំណឹងដ៏វិជ្ជមានមួយសម្រាប់ប្រទេសកម្ពុជាក៏ដូចជាប្រជាពលរដ្ឋដែលនៅក្នុងខេត្តសៀមរាបផ្ទាល់តែម្តង ព្រោះព្រលានយន្តហោះថ្មីនេះនឹងបង្កើនសកម្មភាពសេដ្ឋកិច្ចរបស់ខេត្តសៀមរាបឱ្យកាន់តែរីកចម្រើន និងឱ្យបង្កើនការងារ និងប្រាក់ចំនូលជាតិ និងប្រជាជនឱ្យកាន់តែច្រើនជាងមុនបន្ថែមទៀត៕ស្វែងរកអចលនទ្រព្យ និងព័ត៌មានអភិវឌ្ឍន៍សូមទៅកាន់ Realestate.com.kh

យូនីតពាណិជ្ជកម្មមួយមានតម្លៃត្រឹមតែ ៦,៥០០ ដុល្លារ?នេះគឺជាការពិត!ជាមួយនឹងទុនវិនិយោគសរុបជាង ១៣០ លានដុល្លារ មជ្ឈមណ្ឌលពាណិជ្ជកម្មអន្តរ ជាតិដ៏ធំបំផុតនៅកម្ពុជានឹងចាប់ផ្តើមឡើង។ភូមិបឹងសាឡាងក្នុងខណ្ឌឫស្សីកែវ រាជធានីភ្នំពេញ ធ្លាប់ជាឃ្លាំងផ្ទុកទំនិញ (ICD) នៅច្រាំងទន្លេនៃកំពង់ផែស្វយ័តភ្នំពេញ។ នៅឆ្នាំ២០១៣​ ឃ្លាំងនេះត្រូវបានផ្លាស់ប្តូរទៅកាន់ខេត្តកណ្តាលវិញ។ បន្ទាប់មក ក្រុមហ៊ុន Yunnan Shengmao Investment Co. , Ltd  បានជ្រើសរើសទីតាំងនេះជាទីតាំងវិនិយោគ និងបានរៀបចំផែនការអភិវឌ្ឍមជ្ឈមណ្ឌលពាណិជ្ជកម្មលក់ដុំដ៏ធំបំផុតលំដាប់ពិភពលោក ដែលនឹងត្រូវសាងសង់ជាមជ្ឈមណ្ឌលកំសាន្ត និងផ្សារទំនើបដ៏ធំបំផុតនៅក្នុងប្រទេសកម្ពុជា។គម្រោង TCC គឺជាការអភិវឌ្ឍដ៏ធំមួយក្រោមកិច្ចសហប្រតិបតិ្តការរវាងកម្ពុជា និងចិនស្របតាមគោលនយោបាយផ្លូវមួយខ្សែក្រវ៉ាត់មួយ។ គម្រោងនេះនឹងក្លាយជាកន្លែងធ្វើពាណិជ្ជកម្ម ដែលមានអាជីវកម្មជាង ១០,០០០ ប្រភេទ និងផលិតផលជាង ១០០,០០០ ប្រភេទ!ភាពទាក់ទាញបែបថ្មីព្រះបរមរាជវាំងនៃប្រទេសកម្ពុជាស្ថិតនៅត្រើយម្ខាងនៃទន្លេមេគង្គ និងទន្លេសាប។ ទីនេះបានបង្ហាញពីបរិបទ ចុងក្រោយនៃវប្បធម៌ខ្មែរ និងបានទាក់ទាញភ្ញៀវទេសចរ រាប់ពាន់នាក់ជារៀងរាល់ឆ្នាំ។មជ្ឈមណ្ឌលពាណិជ្ជកម្ម TCC នឹងបង្កើតឡើងដោយយកលំនាំតាមលក្ខណៈពិសេសនៃព្រះបរមរាជវាំង ដោយនឹងដាក់បញ្ចូលគ្នានូវលក្ខណៈបែបប្រពៃណីជាមួយលក្ខណៈទំនើប។ការសាងសង់នឹងចាប់ផ្តើមលើដីទំហំ ២២,០០០ ម៉ែត្រការ៉េ ដែលមានផ្លូវជាតិលេខ ៥ ស្ថិតនៅភាគខាងលិច និងផ្លូវហាយវេ លេខ ៣៦ ស្ថិតនៅភាគខាងត្បូង។ TCC ស្ថិតនៅលើតំបន់ពាណិជ្ជកម្មបែបអន្តរជាតិនៅក្នុងប្រទេសកម្ពុជា។ TCC នឹងក្លាយជាមជ្ឈមណ្ឌលពាណិជ្ជកម្មលក់ដុំបែបអន្តរជាតិដ៏ធំបំផុតនៅក្នុងប្រទេសកម្ពុជា។កំពង់ផែស្វយ័តភ្នំពេញគឺជាកំពង់ផែមួយក្នុងចំណោមកំពង់ផែទាំងពីរនៅក្នុងប្រទេសកម្ពុជា។ ប្រាក់ចំណេញប្រចាំឆ្នាំរបស់កំពង់ផែនេះមានចំនួន៧.៣៥លានដុល្លារនៅក្នុងឆ្នាំ២០១៨ដែលបានកើនឡើង ៣៦% ពីមួយឆ្នាំទៅមួយឆ្នាំ។វត្តមានរបស់កំពង់ផែស្វយ័តក្រុងភ្នំពេញគឺជាប្រយោជន៍ដ៏ធំសម្រាប់មជ្ឈមណ្ឌលពាណិជ្ជកម្មTCC។ ផ្សារលក់ដុំនឹងដាក់បញ្ចូលអាជីវកម្មចំនួន១០ ផ្នែកទាក់ទាញទំនិញម៉ាកយីហោពិភពលោកជាង ១០,០០០ ប្រភេទ ជាមួយពាណិជ្ជករជាង ១០០ លាននាក់ក្នុងមួយឆ្នាំ។ TCC នឹងក្លាយជាតំបន់ ពាណិជ្ជកម្ម​ខ្នាតធំនៅក្នុងទីក្រុងភ្នំពេញ។ទន្ទឹមនឹងនេះ អ្នកអភិវឌ្ឍន៍គម្រោង TCC មានគោលបំណងបង្កើតបរិយាកាសមានសុវត្ថិភាព ភាពងាយស្រួល និងផាសុកភាពសម្រាប់ពាណិជ្ជករ ដោយប្រើប្រាស់ប្រព័ន្ធឃ្លាំមើលមានសុវត្ថិភាព និងក្រុមសន្តិសុខប្រកបដោយវិជ្ជាជីវៈ។ ប្លង់របស់មជ្ឍមណ្ឌលពាណិជ្ជកម្មនេះផ្តល់ជូនភាពងាយស្រួល ទាំងផ្លូវសម្រាប់ការដឹកជញ្ជូនទំនិញ និងមានចំណតរថយន្ត ឬកន្លែងសម្រាប់ភ្ញៀវ។ មជ្ឈមណ្ឌលពាណិជ្ជកម្មទំនើបនេះនឹងត្រូវគ្រប់គ្រងដោយបច្ចេកវិជ្ជា និងអ្នកដែលមានជំនាញដើម្បីធានានូវនិរន្តរភាពនៃភាពរីកចម្រើន។ មជ្ឈមណ្ឌលទេសចរណ៍ និងកន្លែងកម្សាន្តដ៏ធំបំផុតនៅក្នុងប្រទេសកម្ពុជាទីក្រុងភ្នំពេញមានភាពរីកចម្រើន និងទទួលបានការអភិវឌ្ឍដ៏រឹងមាំបំផុតនៅពេលបច្ចុប្បន្ននេះ។ កំណើននេះបានទាក់ទាញអ្នកជំនួញធំៗមកពីទូទាំងពិភពលោក។ ខណ្ឌឫស្សីកែវធ្លាប់ជាតំបន់ ដែលមិនសូវមានសក្តានុពលពីមុន ប៉ុន្តែបច្ចុប្បន្នបានក្លាយជាទីតាំងដ៏លេចធ្លោមួយសម្រាប់ឱកាសវិនិយោគធំៗ។ដំណាក់កាលទីពីរនៃមជ្ឈមណ្ឌលពាណិជ្ជកម្ម TCC នឹងត្រូវបង្កើតឡើង ដើម្បីបំពេញតម្រូវការនៃជីវិតរស់នៅបែបទំនើបនៅក្នុងទីក្រុង។ ទីនេះមានសារមន្ទីរវប្បធម៌ សារមន្ទីរវិទ្យាសាស្រ្ត និងបច្ចេកវិទ្យា ឧទ្យានកម្សាន្តកុមារ កន្លែងលេងកីឡា ផ្លូវថ្មើរជើងប្រវែង ២ ពាន់ម៉ែត្រ វិថីពាណិជ្ជកម្មថ្មើរជើង ផាប់ស្រ្ទីត កន្លែងម្ហូបអាហារ ព្រមទាំងអាផាតមេនលំដាប់ខ្ពស់ និងអគារការិយាល័យ​​ សណ្ឋាគារលំដាប់ផ្កាយ និងមានជាច្រើនទៀត។ ជាមួយបរិវេណដ៏ធំនេះគម្រោងនេះប្រាកដជាក្លាយជាមជ្ឈមណ្ឌលទេសចរណ៍ និងកម្សាន្តដ៏ពេញនិយមបំផុតនៅក្នុងប្រទេសកម្ពុជា។វិនិយោគនៅមជ្ឈមណ្ឌលពាណិជ្ជកម្ម Unicom Global នៃប្រទេសកម្ពុជាអ្នកមានឱកាស ដើម្បីក្លាយជាផ្នែកមួយនៃគម្រោងពាណិជ្ជកម្ម TCC​នេះ គម្រោងមជ្ឈមណ្ឌលពាណិជ្ជកម្មដ៏ធំនេះកំពុងដាក់លក់នូវយូនីតពាណិជ្ជកម្មរបស់ខ្លួន។ យូនីតតូចជាងគេនៃគម្រោងនេះ មានតម្លៃត្រឹមតែ ៦,៥០០ ដុល្លារ ប៉ុន្តែធានាជូនសក្តានុពលល្អបំផុត ដែលនេះជាអត្ថប្រយោជន៍ ដ៏សម្បើបសម្រាប់អ្នកទិញអចលនទ្រព្យពាណិជ្ជកម្ម។លើសពីនេះទៀតគោលនយោបាយគាំទ្រពាណិជ្ជកម្ម ផ្លូវមួយខ្សែក្រវ៉ាត់មួយរបស់ TCC ធានាផ្តល់ ប្រាក់កម្ចីសរុបចំនួន២០០លានដុល្លារដល់សហគ្រាស ឬបុគ្គលដើម្បីបង្កើតអាជីវកម្មនៅ TCC។ មូលនិធិនេះនឹងផ្តល់ជូនរហូតដល់ ២០,០០០ ដុល្លារក្នុងមួយយូនីតសម្រាប់អាជីវកម្មឆ្នើម។នេះមានន័យថា ឥឡូវនេះអ្នក ដែលជាអ្នកជំនួញឆ្លាតវៃ ត្រូវការចំណាយទុនតិច ដើម្បីទទួលបាន អត្ថប្រយោជន៍ដ៏អស្ចារ្យដែលផ្តល់ដោយ TCC និងដើម្បីបំពេញតាមសុបិន្តរបស់អ្នកដោយគ្រាន់តែចូលរួមជាមួយ TCC។ មូលនិធិនឹងត្រូវបិទបញ្ចប់ភ្លាមៗ នៅពេលដែលចំនួនអ្នកចុះឈ្មោះកើនឡើងច្រើន។សូមកុំស្ទាក់ស្ទើរ នឹងទទួូលយកឱកាសដ៏ល្អនេះឲ្យសោះ! (សូមចូលទៅកាន់គេហទំព័រ៖  http://www.oiisc.com/​​ )ពិព័រណ៍លំនៅដ្ឋានកម្ពុជាឆ្នាំ ២០១៩ ដែលរៀបចំដោយក្រុមហ៊ុន Realestate.com.kh នឹងប្រព្រឹត្ត ទៅនៅថ្ងៃទី ២៦-២៧ ខែមេសា នៅសាលពិព័រណ៍កោះពេជ្រក្នុងរាជធានីភ្នំពេញ។ គម្រោងតាំងបង្ហាញជាង ១០០ និងអ្នកទស្សនាជាង ១០,០០០ នាក់ ត្រូវបានរំពឹងថានឹងចូលរួមនៅក្នុងព្រឹត្តិការណ៍នេះ!ក្រុមហ៊ុនសេវាកម្មប្រឹក្សាយោបល់ OC CONSULTANCY SERVICES ដែលជាក្រុមហ៊ុនប្រឹក្សាផ្នែកសេវាកម្មវិនិយោគនៅក្រៅប្រទេស (ទីក្រុងហុងកុង) បានចូលរួមជាមួយ TCC ដើម្បីដាក់តាំងបង្ហាញនៅស្តង់ ៦៣​​ ៦៤ ៧៧ និង ៧៩ នៅក្នុងពិព័រណ៍នេះ។សូមចូលរួមដោយសេរី!សម្រាប់ព័ត៌មានលម្អិត សូមស្គែន QR កូដ និងប្រឹក្សាជាមួយអ្នកតំណាងអតិថិជន។

វៀតណាមមួយរយះពេលចុងក្រោយនេះហាក់បីដូចជាមានការអភិវឌ្ឍន៍គួរឱ្យកត់សម្គាល់ជាច្រើន ពោលគឺពាក់ព័ន្ធនឹងវិស៏យសំណង់ និងអចលនទ្រព្យដោយសារតែឃើញមានវត្តមាន និងសកម្មភាពជាច្រើនទាក់ទាញនឹងការអភិវឌ្ឍន៍មិនថានៅក្នុងទីក្រុងក៏ដូចជាតាមបណ្តាខេត្ត។យោងតាមសារពត៌មានវៀតណាម VN Express International បានបង្ហាញឱ្យដឹងថាក្រុមហ៊ុន South Korea’s Seoul Metro Corporation ទើបតែដាក់គម្រោងផ្លូវដែកដាណាងជូនទៅកាន់រដ្ឋាភិបាលវៀតណាមដោយគម្រោងនេះនឹងមានផ្លូវរថភ្លើងក្រោមដី (Metro)ចំនួន ២ខ្សែ និងរថភ្លើងខ្សែកាប (Tramway) ចំនួន៨ខ្សែ។អានអត្ថបទអំពី៖ ជប៉ុន វិនិយោគផ្សារទំនើប AEON ៣០ កន្លែងនៅវៀតណាម ខណៈកម្ពុជាទើបតែមានគម្រោងទី៣!ផ្លូវដែកក្នុងខេត្តដាណាងនេះនឹងគ្របបណ្តប់ទៅលើតំបន់កណ្តាលនៃទីប្រជុំជន ពោលគឺផ្លូវនេះនឹងភ្ជាប់ឆ្នេរសមុទ្រ អាកាសយានដ្ឋាន និងផ្លូវសំខាន់ៗទាំងអស់ក្នុងគោលបំនងបម្រើឱ្យគ្រប់តម្រូវការរបស់ប្រជាជនក្នុងស្រុក ក៏ដូចជាអ្នកទេសចរណ៍ដែលមកកំសាន្តនៅទីនោះ (នេះបើតាមការបង្ហាញពីគណៈកម្មការប្រជាជនដាណាង រឺ (Da Nang People's Committee)។តាមការប៉ាន់ស្មានគម្រោងដែលដាក់ស្នើដោយក្រុមហ៊ុនកូរ៉េខាងត្បូងនោះបានឱ្យដឹងថាគម្រោងផ្លូវដែកនេះនឹងអាចចំណាយអស់ទឹកប្រាក់ប្រមាណ$៣.១៤ពាន់លានដុល្លារអាមេរិចដោយគម្រោងនេះគឺមានតម្លៃថ្លៃជាងគម្រោងរថភ្លើងក្រោមដីនៅឯទីក្រុងហូជីមីញទៅទៀត។​ក្នុងនេះ ទឹកប្រាក់ប្រមាណ$២.៣៦៤ពាន់លានដុល្លារអាមេរិច នឹងត្រូវចំណាយទៅលើផ្លូវក្រោមដីពីទិសខាងកើតទៅខាងលិច ដែលភ្ជាប់ទីប្រជុំជនទៅនឹងសួនឧស្សាហកម្មដែលស្ថិតនៅភាគខាងជើងឆៀងខាងលិចនៃទីក្រុងដោយសារតែតម្រូវការចរាចរណ៍តាមខ្សែមួយនេះមានច្រើនបំផុត។ ខ្សែនេះមានប្រវែងសរុប១៧.២គីឡូម៉ែត្រ។ចំណែកឯផ្លូវខ្សែកាបវិញទាំង២ខ្សែវិញនឹងមានប្រវែង១៣.៤គីឡូម៉ែត្រ លាតសន្ធឹងពីតំបន់កំសាន្តឆ្នេរសមុទ្រមីខេ (My Khe) ទៅកាន់ទីប្រជុំជនដាណាងដែលនឹងចំណាយប្រាក់អស់ $២៤៥លានដុល្លារអាមេរិច។ រីឯខ្សែទី២ដែលភ្ជាប់ពីឆ្នេរសមុទ្រ ទៅកាន់អាកាសយានដ្ឋាននឹងមានប្រវែងសរុប៨.១២៤គីឡូម៉ែត្រ និងចំណាយអស់ទឹកប្រាក់$២០៩លានដុល្លារ។ថ្វីបើគម្រោងផ្លូវរថភ្លើងក្រោមដីនិងរថភ្លើងខ្សែកាបនេះត្រូវបានស្នើរដាក់ឱ្យមានការសម្រេចក៏ពិតមែន ប៉ុន្តែគម្រោងរថភ្លើងខ្សែកាបនឹងត្រូវផ្តល់អទិភាពឱ្យសាងសង់មុនគេបង្អស់ ដោយសារតែវត្តមានរបស់គម្រោងមួយនេះនឹងអាចកាត់បន្ថយបញ្ហាចរាចរណ៍បានយ៉ាងច្រើន ខណះដែលផលប៉ះពាល់ និងថវិការចំណាយមិនសូវខ្ពស់ដូចជាផ្លូវរថភ្លើងក្រោមដីនោះទេ។​ក្រៅពីគម្រោងអភិវឌ្ឍន៍ដ៏សម្បើមនេះទៀតនោះ អគ្គនាយករងនៃគណៈកម្មការប្រជាជនដាណាងក៏បានមានប្រសាសន័បន្ថែមលើនេះផងដែរថា៖​”ក្រុមការងាររបស់លោកបានកំពុងតែសហការគ្នាយ៉ាងជិតស្និតជាមួយនឹងដៃគូរពាក់ព័ន្ធទាំងរដ្ឋ និងឯកជនយ៉ាងច្រើនទៀតដើម្បីធ្វើយ៉ាងណាសម្រេចឱ្យបានគោលការណ៍អភិវឌ្ឍន៍ដាណាងពីពេលនេះរហូតដល់ឆ្នាំ ២០៤៥។​”ដូច្នេះមិនយូរនោះទេ ប្រទេសវៀតណាមនឹងក្លាយមុខមាត់ពីប្រទេសដែលក្របំផុតនៅក្នុងពិភពលោកមួយ ទៅជាប្រទេសអភិវឌ្ឍន៍ដែលពោរពេញទៅដោយអគារ និងហេដ្ឋារចនាសម្ព័ន្ធយ៉ាងទំនើបជាមិនខាន៕ស្វែងរកព័ត៌មានអភិវឌ្ឍន៍ និងគម្រោងអភិវឌ្ឍន៍ថ្មីៗតាមរយៈ Realestate.com.kh

នៅក្នុងបរិបទនៃទីផ្សារលំនៅដ្ឋានកម្ពុជា ផ្ទះល្វែង និងផ្ទះអាជីវកម្មត្រូវបានគេស្គាល់ជាទូទៅ និងថែមទាំងទទួលបានការពេញនិយមខ្លាំងពីសំណាក់ប្រជាជនក្នុងស្រុក។មិនមែនតែនៅក្នុងប្រទេសកម្ពុជាប៉ុណ្ណោះទេ ប៉ុន្តែផ្ទះពីរប្រភេទនេះត្រូវបានគេស្គាល់ជាទូទៅនៅអាស៊ីអាគ្នេយ៍ និងប្រទេសមួយចំនួនទៀតនៅអឺរ៉ុប ហើយជាធម្មតាវាត្រូវបានគេសាងសង់ នៅតាមទីប្រជុំជន ទីរួមខេត្ត និងទីក្រុង។ជាក់ស្តែងផ្ទះទាំងពីរប្រភេទនេះ​មានលក្ខណៈស្រដៀងគ្នា ហើយប្រហែលជាអ្នកមួយចំនួនគិតថា វាជាប្រភេទផ្ទះតែ​មួយគ្រាន់តែអ្នកខ្លះដាក់លក់ឥវ៉ាន់ និងអ្នកខ្លះមិនលក់។ ប៉ុន្តែតាមការពិតទៅ ផ្ទះល្វែង និងផ្ទះអាជីវកម្មមានលក្ខណៈខុសគ្នា និងមានមុខងារផ្សេងគ្នាមួយចំនួន ដែលគេអាចកំណត់សម្គាល់បានដូចខាងក្រោម៖អានអត្ថបទបន្ថែមអំពី៖ ឯកសារផ្លូវច្បាប់សំខាន់ៗដែលលោកអ្នកត្រូវយល់ដឹងមុនពេលសម្រេចចិត្តទិញផ្ទះប្រភេទបុរី!ផ្ទះល្វែងផ្ទះល្វែងជាទូទៅមានទំហំធំជាង និងអាចវែងជាងផ្ទះអាជីវកម្ម។ ផ្ទះល្វែងត្រូវបានគេប្រើប្រាស់ជាលំនៅដ្ឋានសម្រាប់ស្នាក់នៅ។ ជារឿយៗ ផ្ទះប្រភេទនេះត្រូវបានគេសាងសង់នៅជួរក្រោយ ឬផ្លូវក្នុងនៃគម្រោង។ កម្ពស់របស់វាអាចមាន ៣ ឬ ៤​ជាន់។​ ភាគច្រើននៃផ្ទះល្វែងត្រូវបានសាងសង់ ដោយគម្រោងអភិវឌ្ឍន៍បុរី។លក្ខណៈទូទៅរបស់ផ្ទះល្វែង៖សាងសង់ជាប់ផ្លូវក្នុង ឬផ្លូវក្រោយសាងសង់ជាប់ៗគ្នា មានជញ្ជាំរួមគ្នា (អាចមានជណ្ដើរឡើងទៅជាន់លើ)មានកម្ពស់ដល់ ៤  ឬ ៥ ជាន់មានតម្លៃទាប និងមធ្យម  ពី ៥ ម៉ឺន ទៅជាង ១០ ម៉ឺនដុល្លារមានទទឹងធំជាង ផ្ទះអាជីវកម្ម បណ្តោយពី ១៦ - ២០ ម៉ែត្រមានដីសល់មុខផ្ទះពី ៤ - ​៦ ម៉ែត្រ និងក្រោយផ្ទះ ១ ទៅ ២ ម៉ែត្រផ្ទះអាជីកម្មផ្ទះអាជីវកម្មត្រូវបានប្រើប្រាស់សម្រាប់ការបង្កើតប្រាក់ចំណូលប្រចាំខែផង   និងរស់នៅផងក្នុងនោះគេអាចប្រើប្រាស់ជាន់ផ្ទាល់ដីជាហាងលក់ទំនិញ ឬសកម្មភាពសេដ្ឋកិច្ចណាមួយ ចំណែកនៅជាន់ខាងលើត្រូវធ្វើជាលំនៅដ្ឋានសម្រាប់ស្នាក់នៅ។ គម្រោងអភិវឌ្ឍន៍ធំៗបានសាងសង់ផ្ទះអាជីវកម្មដ៏មានសក្តានុពលជាច្រើនកន្លែងនៅតាមរាជធានីខេត្តក្នុងប្រទេសកម្ពុជា។លក្ខណៈទូទៅរបស់ផ្ទះអាជីវកម្ម៖សាងសង់ជាប់ផ្លូវកែង ឬផ្លវធំៗសាងសង់ជាជួរជាប់ៗគ្នាមានកម្ពស់ ២ - ៣ ជាន់ និងមានជញ្ជាំងរួមគ្នាមានតម្លៃថ្លៃជាងផ្ទះល្វែង (ក្នុងគម្រោងជាមួយគ្នា)​មានទទឹងតូច [៤ ម៉ែត្រ] ជាន់ផ្ទាល់មានទំហំវែង (សម្រាប់ដាក់ទំំនិញ)មានដីសល់ខាងមុខផ្ទះពី ៤- ៦ ម៉ែត្រ និងដីក្រោយផ្ទះជាន់ក្រោមធ្វើពាណិជ្ជកម្ម និងជាន់លើសម្រាប់ស្នាក់នៅតុបតែងផ្នែកខាងមុខ និងប្រើប្រាស់ពណ៌ទាក់ទាញដូច្នេះប្រសិនប្រើអ្នកចង់ស្វែងរកលំនៅដ្ឋានសម្រាប់គ្រួសារអ្នកត្រូវដឹងពីគោលបំណងពិតប្រាកដរបស់អ្នកជាមុនសិន ថាតើចង់បានកន្លែងស្នាក់នៅ ឬស្នាក់នៅផងរកប្រាក់ចំណូលផង។ បន្ទាប់មក អ្នកអាច ជ្រើសរើសបានភ្លាម រវាងផ្ទះល្វែង និងផ្ទះអាជីកម្ម។សរុបទៅប្រភេទផ្ទះទាំងពីនេះមានលក្ខណៈខុសគ្នាលើចំណុចមួយចំនួនប៉ុណ្ណោះ។​ មិនថាអ្នកជ្រើសរើសលំនៅដ្ឋានមួយណាទេ អ្វីដែលសំខាន់អ្នកត្រូវរកឲ្យឃើញពីសក្តានុពលពិតប្រាកដនៃតំបន់លំនៅដ្ឋានរ​បស់អ្នក៕ស្វែងរកគម្រោងបុរីសម្រាប់លក់ ឬជួលនៅក្នុងប្រទេសកម្ពុជាតាមរយៈ Realestate.com.kh!

កំពុងតែមានសក្តានុពលខាងវិស័យអចលនទ្រព្យ អគារខុនដូ The Bridge  បានក្លាយខ្លួនជាអគារដ៏លេចធ្លាមួយនៅក្នុងទីក្រុងភ្នំពេញ។ ដើម្បីឆ្ហើយតបនឹងតម្រូវការទីផ្សារ និងការកើនឡើងនៃស្តង់ដារជីវភាពរបស់ប្រជាជន។ អគារនេះមិនត្រឹមតែជាអគារពហុបំនងដែលបម្រី​ឱ្យការស្នាក់នៅការិយាល័យធ្វើការ និងហាងប្រកបរបរអាជីវកម្មប៉ុណ្ណោះទេ ថ្មីៗនេះអគារនេះក៏មានបានបើកដំណើរការភោជនីយដ្ឋានប្រភេទ Sky Bar ផងដែរ។Sky Bar  ថ្មីមួយនេះមានឈ្មោះថា COLLIN’S ដែលបានបើកសម្ពោធជាផ្លូវការនៅថ្ងៃទី ៤ ខែមិនា ឆ្នាំ ២០១៩កន្លងមកនេះ។ COLLIN’S  នេះមានលក្ខណះទំនើប និងប្រណិតជាមួយនឹងការបម្រើជូននូវអាហារបែបអឺរ៉ុប និងភេសជ្ជៈជាច្រើនមុខដូចជាស្រា Cocktail និងស្រាវីស្គីល្បីៗជុំវិញពិភពលោក។​ភោជនីយដ្ឋានខ្ពស់កប់ពពកមួយនេះ មានបរិយាកាសល្អបំផុតដោយមានទំហំប្រមាណ៦០០ម៉ែត្រការ៉េដែលអាចផ្ទុកមនុស្សបានរហូតដល់ទៅជាង៣០០នាក់ឯណោះ។  ក្រៅពីនេះទៅទៀតក៏មានការផ្តល់ជូនជាបន្ទប់ឯកជន ដែលអាចផ្ទុកមនុស្សប្រមាណ១២នាក់ល្អបំផុតសម្រាប់អ្នកដែលចង់បានភាពស្ងប់ស្ងាត់តែគ្នាឯង។ និយាយជារួមនេះគឺសាកសមបំផុតមិនថាអ្នកចង់រកកន្លែងធ្វើកម្មវិធីក៏ដូចជាអ្នកដែលនិយមទៅកំសាន្តអារម្មណ៍នៅកន្លែងខ្ពស់ៗបន្ទាប់ពីសម្រាកពីការងារសុទ្ធតែអាចទៅកំសាន្តនៅទីនោះបាន។គូសបញ្ជាក់ផងដែរថាក្រៅពី COLLIN’S នេះ នៅឯអគារ  The Bridge Club ក៏មានផ្តល់ជូននូវការស្នាក់នៅបន្ទប់ខុនដូ បែបទាន់សម័យភ្ជាប់ជាមួយដូចជា៖ អាងទឹក កន្លែងហាត់ប្រាណ​ គ្រឿងសង្ហារឹមដ៏ប្រណិត និងសេវាកម្មផ្សេងៗទៀតច្រើនដោយមានតម្លៃត្រឹមតែ$៩០០ប៉ុណ្ណោះក្នុងមួយខែ៕ស្វែងរកខុនដូសម្រាប់ជួល ឬលក់ តាមរយៈ Realestate.com.kh!

ទឹកប្រាក់ប្រមាណ៥ពាន់លានដុល្លារអាមេរិកត្រូវបានបោះទុនវិនិយោគសម្រាប់សាងសង់ផ្សារទំនើប AEON ៣០ សាខានៅទូទាំងប្រទេសវៀតណាមដោយក្រុមហ៊ុនអភិវឌ្ឍន៍ជប៉ុន និងបង្កើតការងារជាង៥ម៉ឺនកន្លែង។ នេះបើយោងតាមការចេញផ្សាយរបស់សារព័ត៌មានក្នុងស្រុកវៀតណាមកាលពីពេលថ្មីៗនេះ ។ក្រុមប្រឹក្សា​ភិបាល​នៃ ក្រុមហ៊ុន​សេវា​ហិរញ្ញវត្ថុ AEON ដែលជាក្រុម​ហ៊ុន​មេរបស់​ផ្សារ ទំនើប AEON បានប្រាប់ពីគោលបំណងចំពោះប្រទេសវៀតណាមថា ប្រទេសនេះជាគោលដៅ​វិនិយោគដ៏មាន​សក្តានុពលទាំងក្នុង​វិស័យ​ហិរញ្ញវត្ថុ និងការ​សាងសង់ផ្សារ​ទំនើប។អានអត្ថបទបន្ថែមអំពី៖ អ៊ីអនម៉ល២ ជម្រុញតម្លៃអចលនទ្រព្យនៅសែនសុខស្ទុះឡើងខ្លាំង!បើតាមការបន្ថែមរបស់ប្រធានក្រុម​ហ៊ុន​មេរបស់​ផ្សារ ទំនើប AEON បានឱ្យដឹងថាការលក់​ទំនិញ និងសេវាកម្ម​សរុបនៅក្នុង​ប្រទេស​វៀតណាម កាលពី​ឆ្នាំ២០១៨ មានការ​កើនឡើង ​ប្រមាណ ១២​% ធៀបនឹង​ឆ្នាំមុន ហើយ​គំរូអាជីវកម្ម​នៃផ្សារ​ទំនើប ​AEON ក៏ត្រូវបាន​ទទួល​ស្គាល់​ដោយប្រជាជន​វៀតណាមទៀតផង ។វាគឺជារឿងមួយដ៏ល្អសម្រាប់ការលក់របស់ប្រទេសវៀតណាម ព្រោះ​គម្រោង​ពង្រីក​អាជីវកម្ម​របស់​ផ្សារ​ទំនើប ​AEON ​នេះអាច​អភិវឌ្ឍន៍វិស័យ​លក់រាយ​ក្នុងស្រុករបស់​ខ្លួន និងអាច​នាំចេញ​ផលិតផល​វៀតណាមទៅកាន់​បណ្តាញ ផ្សារ ​AEON ទូទាំង​សកលលោកថែម​ទៀតផង ។​សូមរំលឹកផងដែរថាផ្សារទំនើបអ៊ីអ៊នទី២របស់កម្ពុជាដែលស្ថិតនៅតំបន់សែនសុខបានធ្វើឲ្យតំបន់មួយនេះមានសន្ទុះតម្លៃដីឡើងយ៉ាងខ្លាំង ហើយក៏បានស្រូបទាញការវិនិយោគថ្មីជាច្រើនមកកាន់ទីនេះផងដែរ។ កាលពីពេលថ្មីៗនេះគម្រោងផ្សារទំនើបអ៊ីអ៊នម៉លទី៣ក៏នឹងលេចចេញរូបរាងឆាប់ៗនេះផងដែរ។ចង់ស្វែងរកអចលនទ្រព្យសម្រាប់លក់ និងជួលនៅសែនសុខសូមចូលទៅកាន់ Realestate.com.kh នៅថ្ងៃនេះ! លោកអ្នកក៏អាចដាក់ផ្សព្វផ្សាយអចលនទ្រព្យទូទៅដោយឥតគិតថ្លៃនៅលើគេហទំព័ររបស់យើងបានផងដែរ!

បន្ទាប់ពីការជួសជុលស្ថាបនា និងពង្រីកឱ្យធំជាងមុនផ្លូវជាតិលេខ១នាពេលបច្ចុប្បន្ន កំពុងតែបង្ហាញភាពរីកចម្រើនគួរឱ្យកត់សម្គាល់។ នៅតាមដងវិថីយើងឃើញមានហាងទំនើបៗជាច្រើនកំពុងតែរីកដុះដាលជាបន្តបន្ទាប់ និងបានកែប្រែតំបន់នេះក្លាយទៅជាតំបន់មួយដ៏ស៊ីវីល័យ និងទំនើបមិនចាញ់មជ្ឈមណ្ឌលពាណិជ្ជកម្មនៅកណ្ដាលទីក្រុងឡើយ។ផ្លូវជាតិលេខ១នេះស្ថិតនៅក្នុងគម្រោងផ្លូវ១ខ្សែក្រវ៉ាត់១របស់ចិន និងបានលាតត្រដាងនូវវត្តមានសំណង់អគារពាណិជ្ជកម្ម និងបុរីជាច្រើននៅទីនោះដោយសារតែតំបន់នោះមានសក្តានុពលខ្ពស់ និងមានភាពងាយស្រួលក្នុងការរស់នៅខ្យល់អាកាសល្អ និងត្រជាក់ត្រជុំដែលជាទីប្រាថ្នារបស់អ្នកដែលចង់បានលំនៅដ្ឋានសម្រាប់រស់នៅ ។ថ្ងៃនេះ Realestate.com.kh នឹងលើកយកគម្រោងខ្លះៗមកជម្រាបជូន៖១. ផ្សារ​សហគមន៍បែបទំនើប និងស៊ីវីល័យចម្ងាយប្រមាណប្រហែលជា៣គីឡូម៉ែត្រពីស្ពានច្បារអំពៅ លោកអ្នកនឹងឃើញផ្សារទំនើបមួយ នៅខាងឆ្វេងដៃទើបតែនឹងបើកដំណើរការគឺ The Park Community Mall ដែលមានលក្ខណៈស្រដៀង TK Avenue និងនៅខាងស្ដាំដៃ យើងឃើញមានភោជនីយដ្ឋានទំនើបៗ និងហាងលក់សម្លៀកបំពាក់ ព្រមទាំងហាងទំនិញផ្សេងៗទៀតផង។២. គម្រោង​ផ្សារ​ទំនើប​ ECO Mallគម្រោង​ផ្សារទំនើប​ដ៏ធំបែបចម្រុះ​មួយនេះគឺស្ថិត​នៅជាប់ នៅតាមបណ្តោយផ្លូវជាតិ​លេខ​១លើផ្ទៃដី​៦ហិកតា និង​មាន​ផ្ទៃ​សំណង់​សរុប២៦​ម៉ឺន​៨​ពាន់​ម៉ែត្រក្រឡាដែល​គ្រោង​នឹង​បញ្ចប់​ការសាងសង់​ក្នុង​ឆ្នាំ ​២០២១ ខាងមុខនេះ​។​ គម្រោង​ផ្សារទំនើប​នេះនឹង​នាំយកមក​នូវ ភាពសម្បូរ​បែប​ជាមួយនឹង​បែបផែន​ជីវិតទំនើប​ទាន់សម័យ​ និង​ពេញនិយម​ផងដែរ​ ។៣. គម្រោងទីក្រុង​រណបថ្មី​នៅលើដីកោះនរាកោះនរា​នឹងត្រូវ​បានកែប្រែមុខមាត់​ថ្មី​បន្ទាប់​ពី​ក្រុមហ៊ុន OCIC ដែលជាក្រុមហ៊ុន​វិនិយោគ និងអភិវឌ្ឍន៍ដ៏ធំ​របស់កម្ពុជា​មានគម្រោង​អភិវឌ្ឍ​ទៅជាទីក្រុងរណបដូច​ទីក្រុងកោះពេជ្រលើ​ផ្ទៃដី​ទំហំ​១០០​ហិកតា។៤. គម្រោងមជ្ឈមណ្ឌលកម្សាន្តព្រីនស៍ ម៉ាណ័រ (Prince Manor Resort)ក្រុមហ៊ុន​ព្រីនស៍ជាក្រុមហ៊ុនយក្សមួយ​ធ្លាប់វិនិយោគលើវិស័យ​ខុនដូ សណ្ឋាគារ ធនាគារ និងអគារពាណិជ្ជកម្មក៏បានបោះទុនវិនិយោគធ្វើ​មជ្ឈមណ្ឌលកម្សាន្ត​មួយ​នៅលើទឹកដីកោះប្រាក់តាមបណ្តោយទន្លេមេគង្គ ស្ថិតក្នុងឃុំដីឥដ្ឋ ស្រុកកៀនស្វាយ ខេត្ដកណ្ដាល ដោយគម្រោងនេះសាងសង់ឡើងនៅលើផ្ទៃដីជាង ១៣ហិកតា ។៥. គម្រោង​បុរីនានាផ្លូវជាតិ​លេខ​១​ មាន​គម្រោងបុរីជាច្រើនដូចជា៖ បុរីប៉េងហួត  បុរីហេងមានជ័យ (ក្នុងសង្កាត់និរោធ) បុរិ​ហាយធិច  បុរី​សម្បត្តិមានហេង បុរី​លឹមឈាងហាក់ បុរី​មង្គល​ភ្នំពេញ (នៅជិតផ្សារ​ព្រែក​ឯង) និងសំណង់លំនៅដ្ឋាន​ផ្សេងៗទៀតផងដែរ ។ក្រៅពីគម្រោងទាំងនោះក៏មានសំណង់អគារពាណិជ្ជកម្ម សណ្ឋាគារ ខុនដូ ធនាគារ និងកន្លែងកម្សាន្តតូចធំ កំពុងតែមានសន្ទុះកើនឡើងផងដែរ ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

មនុស្សជាច្រើនតែងតែលើកឡើងពីលក្ខណៈពិសេសនៃតំបន់លំនៅដ្ឋានល្អៗនៅទីក្រុងភ្នំពេញ។ ទីតាំងមួយដែលត្រូវបានគេចាត់ទុកថាមានលក្ខណៈល្អជាងគេមានភាពទាក់ទាញខ្លាំងជាងគេ និងសក្តានុពលខ្ពស់ជាងគេនៅពេលអនាគតគឺតំបន់មាត់ទន្លេ។ហេតុអ្វីតំបន់មាត់ទន្លេមានលក្ខណៈពិសេសសម្រាប់ការរស់នៅ?ខាងក្រោមនេះគឺជាចំណុចពិសេសចំនួន៤ដែលធ្វើឲ្យតំបន់មាត់ទន្លេមានភាពសម្បូរបែបសម្រាប់ការរស់នៅក្នុងទីក្រុង។  អានអត្ថបទបន្ថែមអំពី៖ តំបន់មាត់ទន្លេក្នុងទីក្រុងភ្នំពេញត្រូវការគម្រោងសាងសង់អគារខ្ពស់ៗបន្ថែមទៀត!មានទេសភាពស្រស់ស្អាតតំបន់មាត់ទន្លេជាកន្លែងដែលអាចផ្តល់ភាពធម្មជាតិជាមួយខ្យល់អាកាសបរិសុទ្ធ និងពន្លឺព្រះអាទិត្យល្អបំផុតនៅក្នុងទីក្រុង។ ទីនេះជាកន្លែងដ៏ស្រស់ស្អាត និងមានភាពទាក់ទាញ ដែលបានប្រមូលផ្តុំដោយទស្សនីយភាពដ៏គួរឲ្យចង់គយគន់ អមដោយទន្លេបួនមុខប្រសព្វគ្នាក្នុងនោះរួមមាន៖ ទន្លេសាប ទន្លេមេគង្គលើ ទន្លេមេគង្គក្រោម និងទន្លេបាសាក់។គេមើលឃើញថា តំបន់តាមដងទន្លេមានលក្ខណៈពិសេសបំផុតសម្រាប់សំណង់អគារខ្ពស់ៗ។ នេះជាចំណុចល្អឥតខ្ចោះដែលអ្នកមិនអាចរកបាននៅតំបន់ផ្សេងឡើយ។ ក្រៅពីនេះតំបន់ជាប់ដងទន្លេអាចមើលឃើញទេសភាពនៃស្ថាបត្យកម្មចម្រុះដែលបន្សល់ទុកពីសម័យកាលផ្សេងៗគ្នា។ជាកន្លែងប្រាព្ធពិធីបុណ្យជាតិតំបន់ដងទន្លេគឺជាកន្លែងដ៏ពេញនិយមបំផុតសម្រាប់ការប្រារព្ធពិធីជាតិធំៗជារៀងរាល់ឆ្នាំដូចជា៖ បុណ្យអុំទូកជាដើម។ ជាទីតាំងគោលសម្រាប់ពិធីបុណ្យជាតិធំៗហើយជាកន្លែងសម្រាប់ប្រមូលផ្តុំគ្នារបស់ សាធារជនដែលធ្វើឲ្យមាត់ទន្លេមានភាពអ៊ូអរយ៉ាងខ្លាំង។តំបន់ទេសចរណ៍តំបន់មាត់ទន្លេគឺជាទីតាំងដ៏ងាយស្រួលទាំងការធ្វើដំណើរ ការស្នាក់នៅ ការកំសាន្ត និងជាតំបន់ទេចរណ៍ដ៏សំខាន់មួយនៅក្នុងទីក្រុង។ ព្រះបរមរាជវាំងជាទិសដៅទេសចរណ៍ដ៏ធំមួយសម្រាប់ជនជាតិខ្មែរ និងជនបរទេស។   លើសពីនេះសួនសាធារណៈ​តាមដងទន្លេ បានក្លាយជាកន្លែងដើរកម្សាន្ត និងលំហែកាយដ៏ពេញនិយមសម្រាប់អ្នកក្នុងស្រុក និងមួយផ្នែកធំជាជនបរទេសផងដែរ។​បណ្តុំសេវាកម្មបរទេសភាគច្រើនបានស្គាល់ និងចូលចិត្តស្នាក់នៅតាមតំបន់មាត់ទន្លេ ដោយសារនៅទីនេះបាន ប្រមូលផ្តុំដោយសេវាកម្មដូចជា ភោជនីយដ្ឋាន​ ដែលប្រមូលផ្តុំដោយអាហារគ្រប់បែបមកពី ប្រទេសអាឡឺម៉ង់ ថៃ បារាំង  កូរ៉េ កាណាដា ជប៉ុន សហរដ្ឋអាមេរិក អូស្រ្តាលី អ៊ីតាលី​ និងផ្សេងៗទៀត។ បារ ក្លឹបរាត្រី ផ្សារទំនើប សាលារៀន ហាងកាហ្វេ មន្ទីរពេទ្យ និងតំបន់ពាណិជ្ជកម្មអន្តរជាតិជាច្រើនទៀតគឺមានវត្តមាននៅក្នុងតំបន់តាមមាត់ទន្លេ។ជាការពិតណាស់ តំបន់មាត់ទន្លេ​ក្នុងទីក្រុងភ្នំពេញគឺពិតជាទីតាំងដ៏ល្អបំផុតមួយសម្រាប់ការ រស់នៅក្នុងទីក្រុងភ្នំពេញ។ ការអភិវឌ្ឍន៍នឹងបន្តហូរចូលថែមទៀតក្នុងឆ្នាំបន្តបន្ទាប់ ដើម្បីកែប្រែ តំបន់ទាំងមូលឲ្យទៅជាតំបន់លំនៅដ្ឋាន ប្រកបដោយភាពរីករាយ និងផាសុកភាព៕ប្រសិនបើចង់ទិញអចលនទ្រព្យ? សូមមើល អចលនទ្រព្យសម្រាប់លក់នៅតាមមាត់ទន្លេនៃទីក្រុងភ្នំពេញ ឥឡូវនេះ!

យោងតាមការផ្សព្វផ្សាយនៅលើទំព័រហ្វេសប៊ុកផ្លូវការរបស់ក្រុមប្រឹក្សាអភិវឌ្ឍន៍កម្ពុជាហៅកាត់ថា CDC គិតត្រឹមរយៈពេល២ខែដំបូងនៃឆ្នាំនេះពោលគឺក្នុង ខែមករា និងខែកុម្ភៈកន្លងទៅថ្មីៗនេះបានសម្រេចចេញវិញ្ញាបនប័ត្រចុះបញ្ជីជាស្ថាពរ លើគម្រោង និងរោងចក្រចំនួន៤៥គម្រោង ដែលមានទុនវិនិយោគសរុបរហូតដល់ជាង៨២៥លានដុល្លារអាមេរិក។គម្រោង​​ដែលត្រូវបាន ​អនុម័ត​បើកឲ្យ​ដំណើរការ​ទាំង​៤៥​នោះគឺភាគច្រើនជា​រោងចក្រ​កាត់ដេរ ផលិតកាបូប និងផលិតសម្ភារៈប្រើប្រាស់​ផ្សេងៗ​ទៀត  ហើយ​រោងចក្រ​ទាំងនោះក៏មាន​សមត្ថភាព​អាចបង្កើត​ការងារ​បាន​រហូត​ដល់ជាង៦ម៉ឺន​កន្លែង​ផងដែរ។អានអត្ថបទបន្ថែមអំពី៖  ម្ចាស់រោងចក្រ ឃ្លាំង និងយានដ្ឋានធំៗក្នុងទីប្រជុំជនត្រូវតែរើទៅ​តំបន់​ជាយក្រុង​ឱ្យ​​អស់​នៅ​ត្រឹម​ឆ្នាំ​២០២១!តាមសេចក្ដី​ប្រកាស​ព័ត៌មាន របស់ CDC បានឲ្យ​ដឹងថា នៅក្នុងខែកុម្ភៈ មានការ​អនុម័ត​ បើកឱ្យដំណើរការ​គម្រោង​អភិវឌ្ឍន៍​ និង​រោងចក្រជា​ច្រើនដែលមាន​រហូត​ដល់៣២គម្រោង​ ជាមួយ​ទុនវិនិយោគ​ជាង៧៥៧លានដុល្លារ​អាមេរិកខណៈដែល​នៅខែមករា​មានគម្រោង​អភិវឌ្ឍន៍​ និង​រោងចក្រ​តែ​១៣គម្រោងជាមួយ​ទុនវិនិយោគ​ជាង៦៧លានដុល្លារ​អាមេរិកប៉ុណ្ណោះ ។CDC បានបង្ហាញទិន្នន័យអំពីការវិនិយោគដោយផ្ទាល់របស់បរទេសមកលើកម្ពុជាថាចាប់ពី​ឆ្នាំ២០១៣ដល់ឆ្នាំ២០១៧កម្ពុជា​បាន​ទទួល​គម្រោង​វិនិយោគ​ពីបណ្ដាក្រុមហ៊ុនក្នុងស្រុក និង​បរទេស សរុប​ប្រមាណ​ជា៩៧០​គម្រោងដែលមានទុនវិនិយោគ​សរុប​ចំនួន​ជាង២៣ពាន់​​លានដុល្លារ​អាមេរិក ។បើគិតក្នុងរយៈ​ពេល​៥ឆ្នាំពោលគឺ​ចាប់​ពីឆ្នាំ២០១៣ដល់ឆ្នាំ២០១៧ទុន​វិនិយោគ​ផ្ទាល់​ពីបរទេសជាមធ្យម​ប្រចាំ​ឆ្នាំមាន​ប្រមាណ​ជា៤០%នៃទុន​វិនិយោគ​សរុប​ក្នុងឆ្នាំ​នីមួយៗ ។ យ៉ាងណាមិញនៅក្នុង​ឆ្នាំ២០១៨ទុន​វិនិយោគផ្ទាល់​ពីបរទេស​បានកើនឡើង​ជិត៧០% នៃទុន​វិនិយោគ​សរុបដែលត្រូវ​បានកត់​ត្រា​ដោយCDC ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

វិស័យអចលនទ្រព្យរបស់ប្រទេសវៀតណាមបានបន្តមានភាពរឹងមាំក្នុងឋានៈជាសេដ្ឋកិច្ចខ្លាបីឆ្នាំជាប់ៗគ្នា និងបានស្រូបយកអ្នកវិនិយោគទាំងចិន និងជប៉ុនជាមួយទឹកប្រាក់វិនិយោគរាប់ពាន់លានដុល្លារ ។យោងតាមក្រសួងផែនការ និងបរិស្ថានវៀតណាមបានបង្ហាញថាការវិនិយោគដោយផ្ទាល់ពីបរទេសលើវិស័យអចលនទ្រព្យមានសរុបចំនួន៧០០លានដុល្លារនៅក្នុងគម្រោងចំនួន៦១៨។ គម្រោងថ្មីចំនួន៣៩ត្រូវបានអនុម័ត ហើយភ្នាក់ងារអចលនទ្រព្យចំនួន២,២៧៩ត្រូវបានផ្តល់អាជ្ញាប័ណ្ណដែលនេះតំណាងឲ្យការកើនឡើងជិត៧០ភាគរយបើធៀបនឹងឆ្នាំមុនៗកន្លងមក ។អានអត្ថបទបន្ថែមអំពី៖ ក្រុមហ៊ុនជប៉ុនចំនួន៥២នឹងមកវិនិយោគលើវិស័យអចលនទ្រព្យនៅកម្ពុជា!វិនិយោគិនសិង្ហបុរី ហុងកុង និងតៃវ៉ាន់គឺជាអ្នកទិញអចលនទ្រព្យអាផាតមេនមានសេវាកម្មថែទាំ (service apartment) និងខុនដូច្រើនជាងគេក្នុងអត្រារហូតដល់ទៅ៧៥ភាគរយនៃទីផ្សារទិញហើយដាក់ជួល។ក្រុមហ៊ុន Kajima របស់ជប៉ុនបណ្តាក់ទុនរួមគ្នាជាមួយក្រុមហ៊ុន Indochina Capital ដែលមានមូលដ្ឋាននៅទីក្រុងហាណូយនឹងធ្វើការវិនិយោគលើគម្រោងប្រកបដោយសក្តានុពលចំនួន ៥០ ក្នុងរយៈពេល ១០ ឆ្នាំ ដែលនឹងរួមបញ្ចូលនូវ អាផាតមេន សណ្ឋាគារ និងអគារការិយាល័យ ។ក្រៅពីនោះមានក្រុមហ៊ុនជប៉ុនផ្សេងទៀតដូចជា Creed Group, Tokyu, Hankyu Realty, Nishi-Nippon Railroad និង Sanyo Homes ដែលបាន និងកំពុងវិនិយោគ ក្នុងវិស័យអចលនទ្រព្យដែលកំពុងរីកលូតលាស់របស់ប្រទេសវៀតណាម ។គួរបញ្ជាក់ផងដែរថាអ្នកវិនិយោគទុនបរទេសមិនមែនគ្រាន់​តែចូលមកវៀតណាមដើម្បីបង្កើតប្រតិបត្តិការប៉ុណ្ណោះទេ ប៉ុន្តែពួកគេថែមទាំងបានប្តេជ្ញារក្សាទុនរបស់ពួកគេនៅទីនេះទៀត ពោលគឺពួកគេមានបំណងនៅទីនេះសម្រាប់រយៈពេលវែង ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!