ការវិនិយោគក្នុងវិស័យអចលនទ្រព្យត្រូវបានមើលឃើញថាកំពុងបោះជំហានយ៉ាងលឿនក្នុងរយៈ​ពីរ បីឆ្នាំចុងក្រោយនេះ។​ លំហូរនៃវិនិយោគបានជំរុញម្លៃដីនៅទីក្រុងសំខាន់ៗ និងតាមបណ្តាខេត្តនានា ឲ្យចាប់ផ្តើមហក់ឡើងខ្ពស់ជាលំដាប់។វិនិយោគិនក្នុងស្រុកជាច្រើនបានសំរុកវិនិយោគលើវិស័យដីធ្លី  ពោលគឺអភិវឌ្ឍគម្រោងលំនៅដ្ឋាន និងអភិវឌ្ឍគម្រោងដីឡូតិ៍​សម្រាប់អ្នកទិញក្នុងស្រុក ទិញទុកធ្វើលំនៅដ្ឋាន និងទុកលក់បន្តនៅពេលខាងមុខ។ ​ ថ្មីៗនេះ ការវិនិយោគអចលនទ្រព្យបែបថ្មីមួយទៀត ដែលគេហៅថា “ទិញដីបានលុយ” ដែលមានន័យថា អ្នកបន្ទាប់ពីទិញដីរួច អ្នកទិញនឹងទទួលបានប្រាក់ចំណូល ១០ ភាគរយប្រចាំខែ។ ពោលគឺ បើទិញដីតម្លៃ ១ ម៉ឺនដុល្លារ នឹងទទួលបាន ១ ពាន់ដុល្លារ/ខែ រយៈពេល ១២ ខែ។​តើនេះជារូបភាពនៃការបោកប្រាស់មែនទេ?អ្នកទិញជាច្រើនបានចោទជាសំនួរឡើងថាតើការវិនិយោគបែបនេះអាចទុកចិត្តបានដែរឬទេ និងថាតើនេះជារូបភាពនៃការឆបោកក្នុងវិស័យអចលនទ្រព្យ ឬជាឱកាសវិនិយោគដ៏ល្អបំផុត?ទាក់ទងនឹងចំណុចនេះ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់អចលនវត្ថុកម្ពុជាបាននិយាយថា ​ការវិនិយោគនៅក្នុងទីផ្សារមានការប្រកួតប្រជែងខ្លាំង ដូច្នេះការដាក់ចេញនូវយុទ្ធសាស្ត្រលក់ថ្មីៗ ដើម្បីទាក់ទាញយកអ្នកទិញគឺជារឿងទូទៅ។ប៉ុន្តែលោកថាករណីទិញដី រួចទទួលបានប្រាក់ចំណេញប្រចាំខែយ៉ាងខ្ពស់បែបនេះ [១០ ភាគរយ/ខែ នៃថ្លៃដើម] វាហាក់ដូចជាមិនអាចទៅរួចនោះទេ។ បើក្រឡេកមើលអត្រាការប្រាក់នៅ ធនាគារវិញ ធាគារផ្តល់ជូនត្រឹមតែ ៧ ភាគរយ ប៉ុណ្ណោះក្នុងមួយឆ្នាំ។ ដូចនេះលោក សុខនីម បានណែនាំអ្នកទិញឲ្យមានការប្រុងប្រយ័ត្នមុននឹងសម្រេចចិត្តវិនិយោគ។  ទោះយ៉ាណា លោក សុខនីម បានលើកទឹកចិត្តឲ្យអ្នកទិញត្រូវហានធ្វើការវិនិយោគទៅតាមលទ្ធភាពរបស់ខ្លួន ហើយអ្នកទិញត្រូវចេះមើលកត្តាសំខាន់ៗ ដូចជា៖ ភាពស្របច្បាប់របស់ក្រុមហ៊ុន តម្លៃសមស្របតាមទីផ្សារ និងភាពដែលអាចទុកចិត្តបាននៃគម្រោងនីមួយៗ។​រំលឹកផងដែរថា ក្រសួង (សេដ្ឋកិច្ច និងហិរញ្ញវត្ថុ) មិនទាន់មានសមត្ថកិច្ចស្របច្បាប់ទៅលេីអាជីវកម្ម ដីឡូត៍នៅឡេីយទេ។​ បច្ចុប្បន្នក្រសួងកំពុងរៀបច្បាប់ ស្តីពីការគ្រប់គ្រងអាជីវកម្មនេះបន្ថែមទៀត  មុននឹងដាក់ចេញឲ្យប្រើប្រាស់ជាផ្លូវការ។ យ៉ាងណាក៏ដោយ នាពេលថ្មីៗកន្លងទៅនេះ ក្រសួងសេដ្ឋកិច្ចបានចេញសេចក្តីជូនដំណឹងមួយ ជម្រាបជូនសាធារណជន ឱ្យមានការប្រុងប្រយ័ត្នក្នុងការទិញអចលនវត្ថុដូចជាលំនៅឋាន  និងដីពុះឡូត៍នេះ។តាមដានព័ត៌មានថ្មីៗអំពីវិស័យអចលនទ្រព្យនៅកម្ពុជា សូមចូលទៅកាន់ Realestate.com.kh។ អ្នកអាចស្វែងរកបុរី ខុនដូ ផ្ទះល្វែង និងគម្រោងអភិវឌ្ឍន៍ថ្មីៗនៅលើគេហទំព័រអចលនទ្រព្យបាននៅថ្ងៃនេះ!

ផ្សារទំនើបសុវណ្ណា ដែលបានបើកដំណើរការតាំងពីឆ្នាំ២០០៨ នឹងត្រូវបិទអាជីវកម្មបណ្តោះអាសន្នចាប់ពីខែកញ្ញាខាងមុខតទៅ ដើម្បីធ្វើការរចនាកែលម្អមុខមាត់ថ្មីឡើងវិញ ដោយសារប្រតិបត្តិការផ្សារនេះកំពុងរងផលប៉ះពាល់ដោយសារកម្តៅការប្រកួតប្រជែង។ អ្នកស្រី ជា សុខហៀក អគ្គនាយិការផ្សារទំនើបសុវណ្ណាបានបញ្ជាក់ពីការផ្អាកអាជីវកម្មនេះនៅថ្ងៃសុក្រនេះ ហើយបានឲ្យដឹងថាការផ្អាកនេះអាចនឹងត្រូវការពេលប្រហែលមួយឆ្នាំ ឬ ច្រើនជាងនេះ។ អ្នកស្រីបន្តថា តួនាទីផ្សារទំនើបនឹងនៅរក្សាដដែល ប៉ុន្តែវិនិយោគិនអាចនឹងបន្ថែមមុខងារផ្សេងៗទៀតក្នុងគោលដៅប្រើប្រាស់ច្រើនប្រភេទនៅពេលផ្សារនេះត្រូវបានកែលម្អរួចរាល់។អ្នកស្រីថ្លែងថា៖«អាជីវករដែលជួលតូបនៅទីនេះអាចបន្តលក់រហូតដល់ដាច់ខែសីហា ហើយចាប់ពីខែកញ្ញាទៅ យើងនឹងចាប់ផ្តើមធ្វើការកែលម្អផ្សារនេះ។ វាជាការកែលម្អទ្រង់ទ្រាយធំ ហើយអាចត្រូវការពេលប្រហែលមួយឆ្នាំ ឬលើសពីនេះ»។ អ្នកស្រី សុខហៀក ឲ្យដឹងថាសម្រាប់អាជីវករដែលមានកុងត្រាមានសពុលភាពខាងផ្សារនឹងផ្តល់សំណងដល់ពួកគេតាមកិច្ចសន្យា។ អ្នកស្រីមិនបានបញ្ជាក់ពីស្ថានភាពហិរញ្ញវត្ថុរបស់ផ្សារកន្លងមកនោះទេ តែគ្រាន់តែបញ្ជាក់ថាកំណើនប្រតិបត្តិករបានធ្វើប៉ះពាល់ដល់អាជីវកម្ម។ អ្នកស្រីបន្តថា៖«ពេលប្រកួតប្រជែងខ្លាំងជាងមុន វាតែងតែប៉ះពាល់ដល់ពាណិជ្ជកម្មគ្រាន់តែថាតិច ឬក៏ច្រើន។ អ៊ីចឹង អ្វីដែលសំខាន់គឺថាយើងត្រូវធ្វើអ្វីឲ្យបានល្អជារៀងរហូត។ ទីតាំងរបស់យើងនៅតែជាទីតាំងល្អ អ៊ីចឹងអ្នកវិនិយោគគេហ៊ានដាក់លុយវិនិយោគដើម្បីធ្វើវាឲ្យកាន់តែប្រសើរ»។ យោងតាមអ្នកស្រី សុខហៀក វាជាករណីធម្មតាប៉ុណ្ណោះដែលផ្សារទំនើបតែងតែត្រូវមានការកែលម្អបន្ទាប់ពីដំណើរការបានច្រើនឆ្នាំមក ដើម្បីមានភាពទាក់ទាញដល់អតិថិជន និងអ្នកដើរកំសាន្ត។ មានទីតាំងនៅសង្កាត់ទំនប់ទឹក ខ័ណ្ឌចំការមន ផ្សារទំនើបសុវណ្ណាត្រូវបានសាងសង់ឡើងកម្ពស់ ៥ ជាន់នឹងមានផ្ទៃក្រលាសរុបជិត ៥០,០០០ ម៉ែត្រការ៉េ។ ផ្សារទំនើបនេះគឺជាការវិនិយោគរបស់ក្រុមហ៊ុន Overseas Cambodian Investment Corporation (OCIC)។ ក្រុមហ៊ុន OCIC ក៏បានវិនិយោគលើគម្រោងផ្សារទំនើបផ្សេងទៀតដែរនៅកម្ពុជា រួមមានផ្សារទំនើបសុរិយា ផ្សារទំនើបរតនាផ្លាហ្សាជាដើម។ផ្សារទំនើបសុរិយា ក៏ទើបត្រូវបានធ្វើការកែលម្អរផងដែរការកាលពីឆ្នាំ ២០១៦ បន្ទាប់ពីមានការធ្លាក់ចុះចំនួនភ្ញៀវដើរទិញឥវ៉ាន់។ ការធ្លាក់ចុះកន្លងមកអាចបណ្តាលមកពីការដាក់ឲ្យដំណើរការជាបន្តបន្ទាប់របស់ផ្សារទំនើបអ៊ីអនម៉ល។ ស្វែងរកព័ត៌មានថ្មីៗ សូមចូលទៅកាន់ Realestate.com.kh!

ការសម្ពោធប្រកាសពានរង្វាន់អចលនទ្រព្យវត្ថុឆ្នាំ ២០១៩ នឹងត្រូវប្រព្រឹត្តិទៅនៅថ្ងៃទី ៨ ខែសីហា នៅសណ្ឋាគារ សូហ្វីតែល ភ្នំពេញ។ ការចុះឈ្មោះចូលរួមប្រគួតប្រជែងត្រូវបានបើកសម្រាប់ភ្នាក់ងារអចលនទ្រព្យទូទៅ និងអ្នកជំនាញទាំងអស់ ដែលកំពុងប្រតិបត្តិការនៅក្នុងប្រទេសកម្ពុជា។ពានរង្វាន់ជាង ២០ ប្រភេទផ្សេងៗគ្នានឹងត្រូវផ្តល់ជូនភ្នាក់ងារនៅក្នុងកម្មវិធីសម្ពោធដ៏ធំប្រចាំឆ្នាំនេះ។ ពានរង្វាន់ភ្នាក់ងារឆ្នើមនឹងត្រូវបែងចែកជាពីរប្រភេទ ដោយផ្អែកលើទំហំការងាររបស់ភ្នាក់ងារនីមួយៗ ដែលនេះត្រូវធ្វើឡើង ដើម្បីទទួលស្គាល់ និងកំណត់ពីឧត្តមភាព និងភាពជោគជ័យពិតប្រាកដរបស់អ្នករកស៊ីនៅក្នុងវិស័យអចលនវត្ថុ។ ការដាក់ពាក្យនឹងត្រូវបញ្ចាប់នៅថ្ងៃទី ១ ខែកក្កដា។ សម្រាប់ព័ត៌មានបន្ថែមអំពីការដាក់ពាក្យប្រកួតប្រជែងពានរង្វាន់សូមទាក់ទងមក Realestate.com.kh តាមរយៈអ៊ីមែល: info@realestate.com.kh​ដូច្នេះ សូមប្រញាប់ឡើ់ង និងចុះឈ្មោះឲ្យបានមុនថ្ងៃទី ១ ខែកក្កដា! យើងចង់ឱ្យព្រឹត្តិការណ៍នេះក្លាយជាព្រឹត្តិការណ៍ដ៏ធំប្រចាំឆ្នាំ។*** គ្រប់ក្រុមហ៊ុនភ្នាក់ងារដែលមានអាជ្ញាប័ណ្ណទាំងអស់ត្រូវបានអញ្ជើញចូលរួម! ***បន្ទាប់ពីថ្ងៃផុតកំណត់ទទួលពាក្យ ឈ្មោះបេក្ខភាពទាំងអស់នឹងត្រូវបញ្ជូនទៅក្រសួងសេដ្ឋកិច្ច និងហិរញ្ញវត្ថុដើម្បីបញ្ជាក់ថាអាជីវកម្មទាំងអស់ត្រូវបានចុះបញ្ជីដោយស្របច្បាប់នៅក្នុងប្រទេស។  ចំណាំ៖ ក្រសួងនឹងធ្វើការពិនិត្យត្រឹមតែលេខចុះបញ្ជីអាជីវកម្មរបស់អ្នកប៉ុណ្ណោះ។បន្ទាប់មកទៀត បេក្ខភាពទាំងអស់នឹងត្រូវបានបញ្ជូនបន្តទៅគណៈកម្មការវាយតម្លៃ និងកាត់សេចក្តី។ នៅឆ្នាំនេះគណៈកម្មការនឹងត្រូវដឹកនាំដោយលោកបណ្ឌិត សុក ស៊ីផាណា នៃក្រុមហ៊ុន SokSiphana&associates។ លោកបណ្ឌិត ស៊ីផាណា ជាមេធាវី ដែលមានស្នាដៃខ្ពស់ និងជាអ្នកដឹកនាំក្រុមហ៊ុនដែលមានការទទួលស្គាល់នៅក្នុងវិស័យអចលនទ្រព្យនៅកម្ពុជាអស់រយៈពេលជាច្រើនឆ្នាំ។គណៈកម្មការនឹងធ្វើការពិចារណា និងកំណត់ជ្រើសរើសអ្នកឈ្នះ។ លើសពីនេះ ដំណើរការទាំងមូលនឹងត្រូវបានធ្វើសវនកម្មដោយភាគីទី ៣ បន្ថែមទៀតមុននឹងចេញជាផ្លូវការ  ដើម្បីធានាឱ្យបាននូវភាពយុត្តិធម៌ និងការវិនិច្ឆ័យបានត្រឹមត្រូវគ្រប់ជំហាន។នៅថ្ងៃទី៨ ខែសីហានឹងមានកម្មវិធីលាងសោយភោជន៍ពេលលល្ងាចនៅសណ្ឋាគារ សូហ្វីតែល ភ្នំពេញ។ វេទិការនេះជាកម្មវិធីដ៏ធំអស្ចារ្យ និងភាពសប្បាយរីករាយ។ អ្នកជំនាញក្នុងវិស័យអចលនទ្រព្យ ទាំងអស់ដែលចូលរួម តម្រូវឲ្យកក់សំបុត្រជាមុនសិនដើម្បីចូលរួមក្នុងព្រឹត្តិការណ៍ដ៏អស្ចារ្យនេះ។បេក្ខភាពជ័យលាភីនឹងទទួលបានពានរង្វាន់ជាមួយនឹងការបង្ហាញកេរ្តិ៍់ឈ្មោះនៅក្នុងកម្មវិធីដ៏ធំនេះ និងនៅក្នុងឆ្នាំ២០១៩។  ក្រុមថតរូប និងវីដេអូដ៏ជំនាញនឹងតាមផ្តិតយករូបភាព គ្រប់សកម្មភាព និងគ្រប់ពេលនៅក្នុងកម្មវិធីនេះទាំងមូល រួមទាំងការផ្សាយបន្តផ្ទាល់នៅលើហ្វេសប៊ុក និងទូរទ្ទស្សន៍ CBS.អ្នកឈ្នះនឹងមានសិទ្ធិប្រើប្រាស់រូបសញ្ញាពានរង្វាន់អចលនវត្ថុ (CREA) ផ្តាច់មុខ សម្រាប់ការផ្សព្វផ្សាយ អាជីវកម្មរបស់ពួកគេនៅក្នុងឆ្នាំខាងមុខ។ រូបថត និងវីដេអូជាច្រើននឹងត្រូវប្រគល់ជូន ដើម្បីប្រើនៅក្នុការធ្វើទីផ្សារសម្រាប់ក្រុមហ៊ុនរបស់ពួកគេផ្ទាល់។ទាក់ទងមកកាន់ Realestate.com.kh ដើម្បីដាក់ពាក្យ និងកក់សំបុត្រដើម្បីចូលរួមអបអរសាទរពិធី លាងសោយភោជន៍ពេលលល្ងាច។ សម្រាប់អ្នកមិនចូលរួមប្រកួតប្រជែង អ្នកក៏អាចចូលរួមអបអរសាទរកម្មវិធីបានដែរ ហើយអ្នកធ្វើជាម្ចាស់ឧបត្ថម្ភកម្មវិធីបាននៅថ្ងៃនេះ។សម្រាប់ព័ត៌មានបន្ថែមអំពីពានរង្វាន់អចលនវត្ថុឆ្នាំ ២០១៩​ សូមចុចនៅទីនេះ!​

វិស័យអចលនទ្រព្យនៅក្នុងប្រទេសកម្ពុជាកំពុងតែមានការកើនឡើងជាលំដាប់ ខណៈដែលការវិនិយោគពីបរទេសកំពុងតែបោះជំហានចូលមកកម្ពុជាកាន់យ៉ាងច្រើន។ នេះអាចហេតុផលមួយដែលជំរុញតម្លៃដីនៅតាមតំបន់ផ្សេងៗ និងទីក្រុងសំខាន់ៗ មិនថាខេត្តជាប់មាត់សមុទ្រ ឬខេត្តជាប់ព្រំដែននោះទេគឺបានកើនឡើងខ្ពស់គួរឲ្យកត់សម្គាល់។  បើតាមអ្នកជំនាញ តម្លៃអចលនទ្រព្យអាចបន្តកើនឡើងជានិច្ច ដោយសារមូលហេតុសំខាន់ៗជាច្រើន។ លោក សុត វីរៈ នាយកប្រតិបត្តិរបស់ក្រុមហ៊ុ​ន CamProf Services បានបង្ហាញពីលក្ខណៈពិសេស ៥ ចំណុច ដែលជំរុញតម្លៃអចលនទ្រព្យឲ្យកើនឡើង។១. ហេដ្ឋារចនាសម្ព័ន្ធ និងសេវាកម្មជុំវិញតំបន់នោះការកើនឡើងនៃតម្លៃអចលនទ្រព្យមួយ គឺអាស្រ័យទៅលើសេវាកម្មផ្សេងៗ ដែលបំរើដល់សេចក្តី ត្រូវការរបស់តំបន់នោះ និងការផ្គត់ផ្គង់ហេដ្ឋារចនាសម្ព័ន្ធនៅក្នុងតំបន់។ ជាទូទៅ អ្នកដែលមានបំណងទិញអចលនទ្រព្យ តែងសម្លឹងមើលទៅកត្តា ហេដ្ឋារចនាសម្ព័ន្ធដូចជា៖  ផ្លូវថ្នល់ ថាតើវាមានលក្ខណៈសមស្រប ដើម្បីបំពេញតម្រូវការនៃការធ្វើដំណើរ ចេញចូលបានយ៉ាងាយស្រួលដែរឬទេ?ដូច្នេះ នៅពេលដែលមានផ្លូវថ្នល់ល្អ ធំទូលាយ និងងាយស្រួលសម្រាប់ការធ្វើដំណើរចេញចូល តម្លៃអចលនទ្រព្យ ក៏មានការកើនឡើងផងដែរ។ លើសពីនេះទៅទៀត ស្ថានភាពជុំវិញ ដែលសំដៅទៅដល់មន្ទីរពេទ្យ ផ្សារ សាលារៀន ភោជនីយដ្ឋាន និងកន្លែងផ្តល់សេវាកម្មផ្សេងៗ ដែលបំពេញដល់សេចក្តីត្រូវសម្រាប់តំបន់នោះ ក៏ជាកត្តាសំខាន់ដែលធ្វើឲ្យតម្លៃអចលនទ្រព្យ នោះកើនឡើងផងដែរ។ជាក់ស្តែង តម្លៃផ្ទះមួយឯកតារបស់បុរីប៉េងហួតនៅតំបន់ផ្លូវ ៦០ ម៉ែត្រ មានតម្លៃថ្លៃជាង ស្ទើរតែពាក់កណ្តាលបើប្រៀបធៀបទៅនឹងតម្លៃផ្ទះប្រភេទដូចគ្នារបស់បុរីប៉េងហួតដដែល នៅតំបន់ផ្សេង។ ភាពខុសគ្នានេះ ដោយសារតែកត្តាហេដ្ឋារចនាសម្ព័ន្ធ និងស្ថានភាពជុំវិញ នៅតំបន់ផ្លូវ ៦០ ម៉ែត្រ ដែលមានស្ថានភាពល្អជាងតំបន់ផ្សេងៗ។២. កំណើនតម្រូវការ និងការផ្គត់ផ្គង់តិចក្នុងន័យសេដ្ឋកិច្ច នៅពេលដែលមានតម្រូវការកើនឡើងខ្ពស់ស្របពេល ដែលការផ្គត់ផ្គង់ ធ្លាក់ចុះ ជាទូទៅវាធ្វើឲ្យតម្លៃនៃអចលនទ្រព្យនោះកើនឡើង។ ជាក់ស្តែង តម្លៃអចលនទ្រព្យ នៅតំបន់ឧទ្យានបាសាក់ កើនឡើងយ៉ាងខ្លាំងក្នុងពេលបច្ចុប្បន្ននេះ ដោយសារតែការផ្គត់ផ្គង់ ប្រភេទផ្ទះដែលនៅក្នុងក្រុង និងមានទីធ្លាធំមានការធ្លាក់ចុះ។ តម្លៃនៅបឹងកេងកង១ និងអចលនទ្រព្យនៅកោះពេជ្រក៏ដើរតាមលំអានដូចគ្នានេះដែរ។៣. ប្រាក់ចំណេញក្នុងការវិនិយោគស្របពេលដែលអចលនទ្រព្យមានការរីកចម្រើន មនុស្សមួយចំនួនទិញអចលនទ្រព្យដើម្បីជួល ឬលក់បន្តក្នុងគោលបំណងដើម្បីទទួលបានប្រាក់ចំណេញ។ សកម្មភាពប្រភេទនេះក៏រួមចំណែកក្នុងការធ្វើឲ្យតម្លៃអចលនទ្រព្យឡើងថ្លៃផងដែរ។ជាទូទៅ អ្នកដែលសម្លឹងឃើញផលចំណេញតាមរយៈសកម្មភាពនេះ តែងទិញផ្ទះ ឬដីក្នុងតម្លៃ ជាក់លាក់មួយ ហើយលក់ ឬជួលត្រឡប់ក្នុងតម្លៃខ្ពស់ជាងនេះ ដែលជាទូទៅអាចខ្ពស់ជាង ១០% ឬខ្ពស់ជាងនេះ។៤. ផែនការអភិវឌ្ឍន៍របស់រដ្ឋាភិបាល ឬក្រុមហ៊ុនឯកជននៅពេលដែលមានក្រុមហ៊ុន ឬរដ្ឋាភិបាលអភិវឌ្ឍតំបន់ណាមួយ វានឹងធ្វើឲ្យតម្លៃនៅជុំវិញ តំបន់នោះកើនឡើងយ៉ាងខ្លាំង។ គេសង្កេតឃើញស្ថានភាពបែបនេះ នៅពេលដែលមានការសាងសង់គម្រោងផ្សារអុីអនទាំង ២ ដែលធ្វើឲ្យតម្លៃដី និងផ្ទះនៅតំបន់ជុំវិញនោះ កើនឡើងយ៉ាងគំហុក។ ជាក់ស្តែង តម្លៃដីនៅជុំវិញផ្សារអុីអន សែន សុខ កើនឡើងលើសពីពាក់កណ្តាលក្រោយពេលដែលគេមានគម្រោងសាងសង់ផ្សារទំនើបនេះ។ស្ថានភាពនេះ មិនមែនកើតឡើងត្រឹមតែគម្រោងឯកជនប៉ុណ្ណោះទេ គម្រោងអភិវឌ្ឍន៍របស់រដ្ឋ ក៏ធ្វើឲ្យតម្លៃអចលនទ្រព្យកើនឡើងផងដែរ។ ជាក់ស្តែងយើងសង្កេតឃើញថា តម្លៃដីបានការកើនឡើងខ្ពស់ នៅពេលដែលរដ្ឋាភិបាលបានប្រកាសសាងសង់ព្រលានយន្តហោះ​ តួយ៉ាងដូចជា ព្រលានយន្តហោះនៅខេត្តសៀមរាប ឬព្រលានយន្តហោះស្រុកកណ្តាលស្ទឹង ខេត្តកណ្តាល ដែលបានប្រកាសកាលពីឆ្នាំកន្លងទៅ។៥. ទីតាំងដែលមានភាពងាយស្រួលការទិញលក់អចលនទ្រព្យ អាស្រ័យយ៉ាងខ្លាំងលើភាពងាយស្រួលនៃទីតាំងរបស់អចលនទ្រព្យ ផងដែរ។ អ្នកទិញតែងព្យាយាមចង់បានផ្ទះ ឬដី ដែលស្ថិតនៅតំបន់ងាយស្រួល ដែលមាន ផ្តល់សេវាកម្មផ្សេងៗតាមតម្រូវការ។ យើងសង្កេតឃើញជាក់ស្តែងតំបន់បឹងកេងកង១ ដែលជាទីតាំងសំបូរទៅដោយហាងកាហ្វេ ភោជនីយដ្ឋាន អង្គការផ្សេងៗ និងកន្លែងផ្តល់សេវាកម្មជាច្រើនទៀត។ ដូច្នេះ តម្លៃអចលនទ្រព្យនៅតំបន់នោះ ក៏កើនឡើងជាងតំបន់ផ្សេងៗផងដែរ៕ស្វែងរកអចលនទ្រព្យសម្រាប់លក់នៅកម្ពុជា ឬតាមដានព័ត៌មានថ្មីៗពីវិស័យអចលនទ្រព្យ សូមចូលទៅកាន់ Realestate.com.kh!

វិនិយោគិនបរទេសបានសម្រុកមកបណ្តាកទុនវិនិយោគនៅក្នុងប្រទេសកម្ពុជា និងបានចាប់យកតំបន់សំខាន់ៗ ដូចជា៖ ក្រុងព្រះសីហនុ និងសៀមរាប ក្រុងប៉ោយប៉ែតជាដើម ដែលបានជំរុញសកម្មភាពសេដ្ឋកិច្ច និងការអភិវឌ្ឍវិស័យអចលនទ្រព្យឲ្យរីកចម្រើនឡើង។ចំណែកក្រុងបាវិតវិញ​ បន្ទាប់ពីរដ្ឋាភិបាលបានដាក់ផែនការអភិវឌ្ឍន៍ក្រុងសម្រាប់ឆ្នាំ ២០១៥ ដល់ ២០២៥ រួចមក បច្ចុប្បន្នក្រុងនេះក៏ទទួលបានការចាប់អារម្មណ៍ពីសំណាក់វិនិយោគិនបរទេសគួរឲ្យកត់សម្គាល់ផងដែរ។ រយៈពេលប៉ុន្មានឆ្នាំចុងក្រោយនេះ យើងបានសង្កេតឃើញនូវសញ្ញាណសំខាន់ៗមួយចំនួននៃកំណើនការវិនិយោគមកលើក្រុងបាវិត ហើយអ្នកជំនាញរំពឹងថាក្រុងបាវិតនឹងក្លាយជាតំបន់មានសក្តានុពលពិសេស មួយផ្សេងទៀតរបស់កម្ពុជា។ទីតាំងភូមិសាស្រ្ត     ជាមួយនឹងក្រឡាផ្ទៃ ២០៦,៦៩ គីឡូម៉ែត្រការ៉េ ក្រុងបាវិត ស្ថិតនៅចន្លោះទីក្រុងភ្នំពេញ និងក្រុងហូជីមិញ ដែលសុទ្ធតែជាទីក្រុងសេដ្ឋកិច្ចដ៏សំខាន់។ ដូច្នេះ ក្រុងបាវិតត្រូវបានគេចាត់ទុកជាច្រកទ្វារដ៏សំខាន់ក្នុងការភ្ជាប់ទីក្រុងភ្នំពេញ និងក្រុងហូជីមិញនៃប្រទេសវៀតណាម។តាមការលើកឡើងរបស់លោកសោម កែវ ម៉ាលីដា អនុប្រធានសមាគមអ្នកជំនាញអចលនទ្រព្យកម្ពុជា បានឲ្យដឹងថា “ក្រុងបាវិត មានតំបន់សេដ្ឋកិច្ចពិសេសជិត១០ ជាមួយនឹងរោងចក្រផ្សេងៗជាច្រើន”។លោកថែមទាំងបន្ថែមទៀតថា ក្រុងបាវិត ជាតំបន់សំខាន់ស្របនឹងគម្រោងផ្តួចផ្តើមផ្លូវមួយខ្សែក្រវ៉ាត់មួយរបស់ចិន និងជាច្រកផ្លូវទឹកយ៉ាងសំខាន់ទៅកំពង់ផែវៀតណាម។ទោះយ៉ាងណា លោក​មើលឃើញថា ប្រទេសកម្ពុជានៅតែជួបបញ្ហាប្រឈមមួយចំនួនទាក់ទង នឹងការធ្វើដំណើរបញ្ហាក្នុងការធ្វើដំណើរ ដែលតម្រូវឲ្យមានការពង្រឹងហេដ្ឋារចនាសម្ព័ន្ធឲ្យកាន់តែល្អជាងមុន ដើម្បីគាំទ្រដល់កំណើននៃសកម្មភាពពាណិជ្ជកម្មនៅក្រុងបាវិត។ហេតុដូចនេះហើយ ក្រោមការសហការជាមួយ JICA រាជរដ្ឋាភិបាលកម្ពុជា បានប្រកាសសិក្សាគម្រោងសាងសង់ស្ពាន ដែលតភ្ជាប់ទីក្រុងភ្នំពេញ ទៅក្រុងបាវិត។ ការសិក្សាគម្រោងសាងសង់ផ្លូវល្បឿនលឿននេះ ត្រូវបានប៉ាន់ស្មានថាចំណាយអស់ទឹក ប្រាក់ចំនួន ៣,៨០០ លានដុល្លារអាមេរិច ដែលត្រូវសង់ស្ពានដែលមានចម្ងាយ ១០ គីឡូមែត្រ នៅតំបន់ល្វាឯម ដើម្បីសម្រួលដល់ការដឹកជញ្ជូនទំនិញផ្សេងៗ។ដោយមើលឃើញអំពីទីតាំងភូមិសាស្រ្តល្អ និងគម្រោងហេដ្ឋារចនាសម្ព័ន្ធថ្មីៗ  បច្ចុប្បន្ន អ្នកវិនិយោគទុនចាប់ផ្តើមក្រឡេក មើលសក្តានុពលនៃក្រុងមួយនេះ។គម្រោងសាងសង់ទីក្រុងរណបក្រុងបាវិតក្រៅពីការវិនិយោគលើកាស៊ីណូ រោងចក្រ និងសណ្ឋាគារ ក្រុមហ៊ុនយក្ស Empire World បាន​ប្រកាសចាប់ផ្តើមគម្រោងទីក្រុងរណប កាលពីដើមឆ្នាំ២០១៩នេះ ដែលក្រុងរណបនេះត្រូវប្រើប្រាស់ដីចំនួន ១,០០០ ហិចតា ជាទំហំមួយធំលើសពីគម្រោងផ្សេងទៀត។គម្រោងទីក្រុងរណបនេះ គឺជាគម្រោងប្រមូលផ្តុំតំបន់កំសាន្តផ្សេងៗ ដូចជា៖ កាស៊ីណូ សណ្ឋាគារកម្រិតផ្កាយប្រាំ អាផាតមិន មណ្ឌលបច្ចេកវិទ្យា និងតំបន់ផ្សេងៗជាច្រើនទៀត ហើយគេរំពឹងថាគម្រោងនេះនឹងប្រមូលផ្តុំមនុស្សមកពីគ្រប់ទិសទីផងដែរ។ក្រៅពីគម្រោងនេះ គេនៅឃើញមានគម្រោងទីក្រុងរណបហេង ហេង ដែលធ្វើនៅលើដី ៧ ហិចតាផ្សេងទៀត។ ជាមួយនឹងគម្រោងអភិវឌ្ឍន៍ទាំងពីរនេះស្ថានភាពអចលនទ្រព្យនៅក្រុងបាវិតបានការប្រែប្រួល បើទោះបីជាក្នុងពេលបច្ចុប្បន្នការប្រែប្រួលមិនសូវមានការល្បីសុះសាយយ៉ាងណាក្តី។យើងសង្កេតឃើញថា តម្លៃដីកាលពីឆ្នាំ២០១៤ មានទំហំប្រមាណ ១០០ ដុល្លារទៅ ៤០០ ដុល្លាក្នុងមួយមែត្រការ៉េ អាស្រ័យទៅតាមស្ថានភាពដែលនៅជុំវិញតំបន់នោះ។ លោក សោម កែវម៉ាលីដា បានលើកឡើងថា ដីដែលចេញពីផ្លូវជាតិទៅកាលពីឆ្នាំ ២០១៨ មានតម្លៃចន្លោះ ៤ ទៅ៧ដុល្លារក្នុងមួយម៉ែត្រការ៉េ ប៉ុន្តែបច្ចុប្បន្នតម្លៃនេះបានកើនដល់ ២៥ ទៅ ៤០ ដុល្លារក្នុងមួយមែ៉ត្រការ៉េ។ការលើកឡើងនេះ ស្របទៅនឹងការកំពុងដំណើរការសាងសង់គម្រោងទីក្រុងរណបពីរក្នុងឆ្នាំ២០១៩នេះ។ គេនៅតែមានសុទិដ្ឋិនិយមចំពោះក្រុងបាវិត ចំពោះការបន្តទាក់ទាញការចាប់អារម្មណ៍របស់អ្នកវិនិយោគទុន ដើម្បីបន្តការអភិវឌ្ឍតំបន់នោះ៕តាមដានព័ត៌មានថ្មីៗ ឬចង់ស្វែងរកអចលនទ្រព្យនៅកម្ពុជា សូមចូលទៅកាន់ Realestate.com.kh!

នៅពាក់កណ្តាលឆ្នាំ ២០១៩ ប្រទេសកម្ពុជាកំពុងតែបន្តមើលឃើញពីកំណើនសេដ្ឋកិច្ចដ៏ធំ។ ការផ្គត់ផ្គង់អាផាតមិននៅតែមានការកើនឡើងទោះបីជានៅឆ្នាំ ២០១៨ មានកំណើនខ្លាំងក៏ដោយ។ ជាលទ្ធផលនៃកំណើននេះមានការផ្គត់ផ្គង់​បានកើនឡើងយ៉ាងច្រើននៅក្នុងទីផ្សារអចលនទ្រព្យ។ ភាគច្រើននៃការផ្គត់ផ្គង់នេះមាននៅក្នុងទីផ្សារលំនៅដ្ឋាន និងទីផ្សារខុនដូលំដាប់ទំនើប។គម្រោងនេះបានក្លាយជាទីផ្សាររបស់អ្នកទិញហើយតម្លៃកំពុងតែនៅថេរ។ នៅតាមខ័ណ្ឌធំៗនៃ​ ក្រុងសំខាន់ៗរបស់ប្រទេសកម្ពុជា អគារជាច្រើនកំពុងតែត្រូវបានសាងសង់ខ្ពស់ទៅៗ។ តំបន់ដែលគេមើលឃើញល្អប្រសើរជាងគេគឺតំបន់បឹងកេងកង ១ ក្នុងរាជធានីភ្នំពេញ។ លំនៅដ្ឋាន និងការអភិវឌ្ឍន៍ចម្រុះបានកើនឡើងកាន់តែច្រើន។នៅភាគខាងត្បូងវិញ ក្រុងព្រះសីហនុបានក្លាយទៅជាទីក្រុងមួយក្នុងចំណោមទីក្រុងឆ្នេរសមុទ្រដែលមានសក្តានុពលបំផុតនៅអាស៊ី។ ជាការពិតចំពោះវិស័យអចលនទ្រព្យគេអាចហៅបានថា "ទីក្រុង Shenzhen ទីពីរ" ដែលមានសក្តានុពល ដ៏ធំសម្រាប់ការវិនិយោគអចលនទ្រព្យ និងពាណិជ្ជកម្មទូទៅ។ការកើនឡើងចំនួនភ្ញៀវទេសចរចិនកំពុងហូរចូលតំបន់ឆ្នេរដែលនាំឱ្យវិស័យបដិសណ្ឋារកិច្ចមានការរីក ចម្រើន និងមានការអភិវឌ្ឍលឿនជាងមុន។ គ្រាន់តែក្នុងរយៈពេល ៥ ខែដំបូងឆ្នាំនេះ ចំនួន ភ្ញៀវទេសចរចិនបានកើនឡើង ៤០ ភាគរយធៀបនឹងឆ្នាំមុន។ ការប៉ាន់ស្មានគឺជនជាតិចិនជិត ២០០,០០០ នាក់បានតាំងលំនៅនៅក្នុងតំបន់នេះ។ជារឿងគួរឱ្យភ្ញាក់ផ្អើលផងដែរ មិនដែលធ្លាប់មានផ្សារទំនើបខ្នាតធំនៅខេត្តព្រះសីហនុទេ។ ប៉ុន្ដែមិនយូរប៉ុន្មាន អ្វីៗទាំងអស់នឹងផ្លាស់ប្ដូរ។ នៅចុងឆ្នាំនេះក្រុមហ៊ុនអចលនទ្រព្យ Prince Huan Yu Real Estate នឹងបញ្ចប់ការសាងសង់ផ្សារទំនើបមួយដែលមានឈ្មោះថា Prince Huan Yu Mall ជាទីសម្គាល់ ថ្មីសម្រាប់ប្រជាជននៅខេត្តព្រះសីហនុ។ ផ្សារទំនើបនេះនឹងក្លាយជាកត្តាមួយទៀតក្នុងការធ្វើ ឱ្យទីក្រុងមានភាពទាក់ទាញដល់ភ្ញៀវទេសចរ និងការបម្រើដល់អ្នកមានលំដាប់ខ្ពស់នៅក្រុងព្រះសីហនុ។ផ្សារទំនើប Prince Huan Yu Mall គ្រោងនឹងបើកដំណើរការនៅខែវិច្ឆិកា មានទំហំ ៥០,០០០ ម៉ែត្រការ៉េ។ វាជាមជ្ឈមណ្ឌលផ្សារទំនើប និងកន្លែងកម្សាន្តលំដាប់អន្តរជាតិលំដាប់ទីមួយ នៅខេត្តព្រះសីហនុហើយវានឹងនាំមកនូវយុគសម័យនៃការអភិវឌ្ឍថ្មីសម្រាប់ទីក្រុងឆ្នេរសមុទ្រ។ផលិតផល និងម៉ាកយីហោធំៗជាច្រើនបានចុះឈ្មោះរួចហើយដើម្បីលក់ផលិតផលនិងសេវាកម្មរបស់ពួកគេនៅ ក្នុងផ្សារទំនើបនេះ។ ក្រុមហ៊ុនម៉ាកយីហោទាំងនោះមានរោងភាពយន្តលីជេន, ខារាអូខេ Wink KTV ហាង Levi’s ហាង Chow Tai Fook ហាង XiaoMi ហាងPandora ហាង Nata ហាង Skechers ហាង Bering ហាង G2000 ហាង ALDO ក្រុមហ៊ុនភីហ្សា ហាងកាហ្វេអាមាហ្សូន ភោជនីយដ្ឋាន MingMen ហាង Bashu Dazhaimen Hot Pot ហាង LuYu ហាង Lucky Sheep ភោជនីយដ្ឋានជប៉ុន Fuji ហាង Binjhung Taste និងម៉ាកល្បីៗជាច្រើនទៀត។បច្ចុប្បន្នភាពនៃដំណើរការសាងសង់គម្រោង ●   ផ្សារទំនើបកម្ពស់​ប្រាំជាន់របស់គម្រោង ព្រីនស៍ ហ្គោលដិន បេ ត្រូវបានបំពាក់ដំបូលរួចហើយ។●   ជញ្ជាំងត្រូវបានសាងសង់រួចរាល់ពាក់កណ្តាល។● ឧបករណ៍ការពារអគ្គីភ័យ ប្រព័ន្ធម៉ាស៊ីនត្រជាក់ និងជណ្តើរប្រអប់បានចាប់ផ្តើមសាងសង់។ការពិតផ្សារទំនើប Prince Huan Yu Mall គ្រាន់តែជាការចាប់ផ្តើមនៃគម្រោងរបស់ ព្រីនស៍ ហ្គោលដិន បេ ជាគម្រោងអភិវឌ្ឍន៍ចម្រុះដ៏ធំមួយរបស់ក្រុមហ៊ុន Prince Huan Yu Real Estate ។គម្រោង ព្រីនស៍ ហ្គោលដិន បេ គ្របដណ្តប់លើផ្ទៃដីជាង ២២,០០០ ម៉ែត្រការ៉េ និងផ្សារទំនើប និងអាគារអាផាតមិនបួនដែលមានជាង ២,០០០ យូនីត។គម្រោង ព្រីនស៍ ហ្គោលដិន បេ មានទីតាំងស្ថិតនៅលើឆ្នេរសុខាជាឆ្នេរមួយក្នុងចំណោមឆ្នេរខ្សាច់ដ៏ល្បីល្បាញបំផុតរបស់ប្រទេសកម្ពុជាដែលមានចម្ងាយតែ ៣០០ ម៉ែត្រពីសមុទ្រ និងនៅភាគខាងជើងនៃសណ្ឋាគារសុខា ដែលជាចំណុចសំខាន់នៃក្រុងព្រះសីហនុ។ទីតាំងនៃអគារនេះគឺជាតំបន់មួយដែលជាលំនៅដ្ឋានរបស់សហគមន៍សម័យទំនើបជាច្រើន។ មនុស្សរហូតដល់ទៅ ៥០,០០០ នាក់នឹងអាចរស់នៅក្នុងតំបន់នេះបាននៅពេលអ្វីៗត្រូវបានធ្វើរួចរាល់។ ជាការពិតវានឹងក្លាយទៅជាស្នូលនៃតំបន់រដ្ឋបាល អាជីវកម្ម និងវប្បធម៌នៅខេត្តព្រះសីហនុទាំងមូល។អាផាតមិនដែលមានលក្ខណៈទាន់សម័យ ក្បែរមាត់សមុទ្រគឺជាលក្ខណៈពិសេសរបស់គម្រោង ព្រីនស៍ ហ្គោលដិន បេ។ យូនីតនីមួយៗមានទំហំចាប់ពី ៤២ ទៅ ៧៦ ម៉ែត្រការ៉េ។ សាកសមជាផ្ទះសម្រាប់លំហែកាយ ឬលំនៅដ្ឋានប្រចាំថ្ងៃហើយប្រាកដណាស់នឹងផ្តល់ជូននូវផលចំណេញខ្ពស់នាពេលអនាគត។អគារអាផាតមិនចំនួន ៤ ត្រូវបានហ៊ុំព័ទ្ធដោយសួនច្បារអមដោយដើមឈើត្រូពិចនៅតំបន់ អាស៊ីអាគ្នេយ៍ ។ លើសពីនេះទៀតមានសួនអេកូឡូស៊ីដ៏អស្ចារ្យនៅលើដំបូលអគារនីមួយៗ។ មានអាងហែលទឹកដ៏ធំមួយ និងបន្ទប់ហាត់ប្រាណស្តង់ដារខ្ពស់​ដែលលោកអ្នក​អាចសម្រាក និងហាត់ប្រាណបាន។ដូចជាលំនៅដ្ឋានទាន់សម័យបំផុតផ្សេងទៀតដែរ គម្រោង ព្រីនស៍ ហ្គោលដិន បេនឹងផ្តល់ជូននូវសេវាកម្មលំនៅដ្ឋាន ២៤ ម៉ោង។ មានសេវាកម្មជាលក្ខណៈផ្ទាល់ខ្លួនជាច្រើនទៀតដូចជាសេវាកម្មជួល សេវាកម្មគ្រប់គ្រងអចលនទ្រព្យ និងសេវាកម្មផ្សេងៗដើម្បីបង្កើនការពេញចិត្តដល់ម្ចាស់លំនៅដ្ឋាន។ជាមួយគម្រោង ព្រីនស៍ ហ្គោលដិន បេក្រុមហ៊ុន Prince Huan Yu Real Estate ផ្តល់ជូនអតិថិជននូវគម្រោងទូទាត់ដែលអាចបត់បែនបាន។ លោកអ្នកអាចទទួលបានប្រាក់កម្ចីទិញផ្ទះ រហូតដល់ ២៥ ឆ្នាំដោយការបង់ប្រាក់ដំបូងត្រឹមតែ ៣០% ឬប្រហែលជា ២០,០០០ ដុល្លារ។ធនាគារព្រីនស៍ (Prince Bank) នឹងផ្តល់ការគាំទ្រផ្នែកហិរញ្ញវត្ថុ និងសេវាកម្មផ្ទាល់ខ្លួនដល់អ្នកទិញ។ នៅ ហ្គោលដិន បេ លោកអ្នកអាចទទួលបាននូវផែនការទូទាត់ដែលមានគុណភាពជាមួយនឹងផលចំណេញ ពីការជួលត្រលប់មកវិញល្អ។គម្រោង ព្រីនស៍ ហ្គោលដិន បេគឺជាលំនៅដ្ឋានដ៏ល្អឥតខ្ចោះសម្រាប់អ្នកដែលចូលចិត្តផ្ទះបែបលម្ហែកាយ ឬអ្នកដែលស្វែងរកផលចំណេញមកវិញឆាប់រហ័ស។ នៅទីនេះមានភាពស្រស់ស្អាតបែបធម្មជាតិ នៅជិតដៃរបស់លោកអ្នក។ចាប់អារម្មណ៍សូមទំនាក់ទំនងមកកាន់គម្រោង ព្រីនស៍ ហ្គោលដិន បេ ឥឡូវនេះ!ចង់ស្វែងរកទិញអចលនទ្រព្យនៅខេត្តព្រះសីនុ ឬអចលនទ្រព្យនៅក្នុងទីក្រុងភ្នំពេញ ចូលទៅកាន់ Realestate.com.kh!

ក្រុមហ៊ុន​កាស៊ីណូដូ​ណា​កូ ​របស់​អូស្រ្តា​លី​ ដែល​គ្រប់​គ្រង​អាជីវ​កម្ម​កា​ស៊ី​ណូ​នៅ​ប៉ោយ​ប៉ែត​ បាន​ប្រកាស​នៅ​ថ្ងៃ​អង្គារ​នេះ​ពី​ការ​តែង​​តាំង​​នាយក​ប្រតិ​បត្តិ​ថ្មី​ឈ្មោះ​ Paul Arbuckle ដោយ​ផ្តល់​ប្រាក់បៀវត្យ​ ២៧.៩ ម៉ឺន​ដុល្លារក្នុង​មួយ​ឆ្នាំ និងត្រៀម​ ២៧.៩ ម៉ឺន​ដុល្លារផ្សេង​ទៀត​សម្រាប់​​​​រង្វាន់លើក​ទឹក​ចិត្ត។ ​ ​នេះ​បើ​យោង​តាម​សេច​ក្តី​ប្រកាសរបស់​ក្រុម​ហ៊ុននៅ​ថ្ងៃ​អង្គារ​នេះ​។ក្រុមហ៊ុនអាជីវ​កម្ម​​កាស៊ីណូដូ​ណា​កូ ​ដែល​ចុះ​បញ្ជី​ក្នុង​ផ្សា​រ​ភាគ​ហ៊ុន​របស់​អូស្រ្តា​លី (ASX) បាន​ចេញ​ផ្សាយ​សេច​ក្តី​ប្រកាស​មួយ​នៅ​ថ្ងៃ​​នេះ​ ស្តី​ពី​ការ​តែង​តាំង​ លោក​ Paul ជា​នាយក​ប្រ​តិ​បត្ត​ថ្មី​ ដោយ​មាន​ប្រ​សិទ្ធភាព​អនុ​វត្តន៍​ចាប់​ពី​ថ្ងៃ​ពុធទី១២ មិថុនា​ទៅ។ តាម​រយៈ​តួ​នា​ទី​ថ្មី​នេះ លោក Paul នឹង​ត្រូវ​គ្រប់​គ្រង​ឲ្យ​បាន​ដិត​ដល់​ដំ​ណើរ​ការ​អាជីវ​កម្មសណ្ឋា​គារ និង​​កា​ស៊ី​ណូ Star Vegas នៅ​ប៉ោយ​ប៉ែត​ ហើយ​និង​អាជីវ​កម្ម​សណ្ឋា​គារ និង​កាស៊ី​ណូ​ Aristo International Hotel នៅ​វៀត​ណាម​ដែល​មាន​ព្រំ​ប្រ​ទល់​ជាប់​ប្រ​ទេស​ចិន។លោក​បាន​ថ្លែង​នៅ​ក្នុង​​សេច​ក្តី​ជូន​ដំ​ណឹង​របស់​ដូ​ណា​កូថា​៖​«​ខ្ញុំ​បាន​ត្រៀម​ខ្លួន​រួចជា​​ស្រេច​ហើយ​ក្នុង​ការ​សម្រេច​កិច្ច​ការ​និង​ជំនះ​បញ្ហា​ប្រ​ឈម​នៅ​ដូ​ណា​កូ។ ក្រុម​ហ៊ុន​ដូ​ណា​កូ មាន​ក្រុម​ហ៊ុន​បុត្រ​សម្ព័ន្ធ​ពីរ​​ដែល​មាន​តម្លៃ​និង​មាន​ឱ​កាស​ចំ​ណេញ​ ហើយ​ខ្ញុំ​មាន​ទំនុក​ចិត្ត​ថា​បទ​ពិ​សោធ​របស់​ខ្ញុំ​ក្នុង​ការ​ដំ​ណើរ​ការ​អាជីវ​កម្ម​កាស៊ី​ណូ នឹង​ជួយ​ធ្វើ​ឲ្យ​ក្រុម​ហ៊ុន​មាន​ដំ​ណើរ​ការ​​ល្អ»។លោក​បន្ត​ថា​៖​«​ខ្ញុំ​បាន​ឃើញ​ពី​សក្តា​នុ​ពល​នៃ​អាជីវ​កម្ម​នេះ​តាម​រយៈ​ការ​បំ​ពេញ​តម្រូវ​ការ​អតិ​ថិ​ជន​ពី​ថៃ និង​ចិន និង​ប្រ​ទេស​ផ្សេងៗ​»។ក្រុមហ៊ុន​កាស៊ីណូដូ​ណា​កូរបស់​អូស្រ្តា​លី បច្ចុប្បន្ន​មាន​ក្រុម​ហ៊ុន​បុត្រ​សម្ព័ន្ធ​ពីរ​គឺ​មួយ​នៅ​ប៉ោយ​ប៉ែត​នៅ​កម្ពុជា និង​ក្រុម​ហ៊ុន​កា​ស៊ី​ណូ​នៅ​វៀត​ណាម។យោង​តាម​សេច​ក្តី​ជូន​ដំ​ណឹង​របស់​ក្រុម​ហ៊ុន​ អាជីវ​កម្ម​ធំ​ជាង​គេ​របស់​ក្រុម​ហ៊ុ​នដូ​ណា​កូ​​គឺ​ Star Vegas Resort & Club ដែល​ជា​ក្រុម​ហ៊ុន​សណ្ឋា​គារ និង​កាស៊ីណូ​នៅ​ប៉ោយ​ប៉ែត ដែល​នៅ​ជាប់​ព្រំ​​ប្រ​ទល់កម្ពុជា​-ថៃ។ Star Vegas Resort & Club មាន​តុ​​ភ្នាល់​ល្បែង ១០០ តុ ស្លុត​ម៉ាស៊ី​ន ១,៥០០ និង បន្ទប់សណ្ឋា​គារ ៣៨៥ បន្ទប់។មុន​នឹង​មក​កាន់​តំ​ណែង​នៅ ដូ​ណា​កូ នា​ពេល​នេះ​ លោក​ Paul ធ្លាប់​ធ្វើ​ជា​នាយក​ប្រ​តិ​បត្តិ​នៅ​កាស៊ី​ណូ Star Gold Coast មាន​ទី​តាំង​នៅ​ប្រទេស​អូ​ស្ត្រា​លី និង Resorts World Sentosa នៅ​សិង្ហ​បុ​រី៕ស្វែងរកអចលនទ្រព្យសម្រាប់លក់ និងជួលនៅប៉ោយប៉ែត សូមចូលទៅកាន់ Realestate.com.kh!

នៅ​ពេល​លោក ស៊ឺន សុន ទិញ​ដី​ក្នុង​តម្លៃ​ ១៦,០០០ ដុល្លារ​នៅ​សង្កាត់​​ព្រែក​កំ​ពឹសកាល​ពី​ពាក់​កណ្តាល​ឆ្នាំ ២០១៦ លោក​មិន​បាន​គិត​ថា​នឹង​ទទួល​បាន​ចំ​ណេញ​ភ្លាមៗ​ពី​វិនិយោគ​នេះ​ឡើយ។ នា​ពេល​នោះ ទី​ផ្សារ​អចល​ន​ទ្រព្យ​នៅ​តំ​បន់​នោះ​មិន​ទាន់មាន​ភាព​អ៊ូ​អរ​ខ្លាំង​នោះ​ទេ។ នា​ពេល​នេះ ដី​របស់​លោក​សុន​ ហំ​ព័ទ្ធ​ដោយ​វាល​ស្រែ និង​មាន​ផ្ទះ​អ្នក​ភូមិ​ពី​រ​បី​ខ្នងជំុំ​វិញ​នោះ។ ក្នុង​​ទំហំដី​​សរុប ២៦៦ ម៉ែត្រ​កា​រ៉េ លោក​សុន​បាន​ទិញ​នា​ពេល​នេះ​ដោយ​ចំ​ណាយ​ក្នុង​មួយ​ម៉ែត្រ​ការ៉េ ស្មើរ​នឹង ៦០ ដុល្លារ។ មធ្យោបាយ​ដែល​អាច​ទៅ​ដល់​ទី​នោះ​បាន​នា​ពេល​នោះ​គឺ​ តាម​ផ្លូវ​តូច​មួយចុះ​ពី​ផ្លូវ​ជាតិ​លេខ​២។ ​ប៉ុន្តែ​សំ​ណាង​របស់​លោក ស៊ឺន សុន ហាក់​មក​ដល់​មុន​ការ​រំ​ពឹង​ទុក។ ត្រឹម​តែ​ក្នុង​រយៈ​ពេល​មួយ​ឆ្នាំ​ក្រោយ​ពេល​ទិញ វិ​ថី​សម្តេច​តេជោហ៊ុន​សែន​ បាន​សាង​សង់​រួច​នឹង​ដាក់​ឲ្យ​ដំ​ណើ​រ​ការ​ ហើយ​បាន​​​ត​ភ្ជាប់​ពី​ផ្លូវ​ ២៧១ ត្រង់​ច្រមុះ​ជ្រូក ទៅ​កាន់​ផ្លូវ​ជាតិ​លេខ ២ នៃ​​​ភាគ​ខាង​ត្បួង​រាជ​ធានី​ភ្នំពេញ។ បន្ទាប់​ពី​នោះ​មក គម្រោង​ធំ​ៗ​ក៏​បាន​​បើក​​ការ​ដ្ឋាន​សាង​សង់​។កំណើនតម្លៃដីគម្រោង​បុរីលំ​នៅ​ដ្ឋាន គម្រោង​ផ្សារ​ទំ​នើប និង​ជា​ពិ​សេស​ផ្សារ​ទំ​នើប​ អ៊ី​អន ៣  ត្រូ​វ​បាន​ប្រ​កាស​ថា​នឹង​សាង​សង់​នៅ​លើ​ទី​ក្រុង​រណប​ អ៊ីង ស៊ី​ធី ដែល​លាត​សន្ទឹង​នៅ​ភាគ​ខាង​ត្បូង​រាជ​ធា​នី​ភ្នំ​ពេញ​។លោក​សុន បាន​ប្រាប់​ Realestate.com.kh ថា​៖​ «គម្រោង​ដែល​កំ​ពុង​ដំ​ណើរ​ការ​អភិវឌ្ឍន៍​នៅ​តំ​បន់​ជំ​វិញ​ផ្លូវ ៦០ ម៉ែត្របាន​ធ្វើ​ឲ្យ​ដី​នៅ​កន្លែង​ខ្ញុំ​ឡើង​ថ្លៃខ្លាំង​ ធៀប​នឹង​ពីរ បី​ឆ្នាំមុន»។ លោក​បន្ត​ថា​៖​«​នៅ​តម្លៃ​ទី​ផ្សារ​បច្ចុប្បន្ន ដី​ហ្នឹង​អាច​លក់​បាន​ប្រ​ហែល ២០០ ដុល្លារ​ក្នុង​មួយ​ម៉ែ​ត្រ​ការ៉េ»។យោង​តាម​អ្នក​ជំ​នាញ​ក្នុង​វិ​ស័យ​អចលន​ទ្រព្យ ​តម្លៃ​ដី​នៅ​ភាគ​ខាង​ត្បូង​រាជ​ធានី​ភ្នំពេញ​កំ​ពុង​ទទួល​បាន​កំណើន​ដី​គួរ​ឲ្យ​កត់​សម្គាល់។ ខ័ណ្ឌ​ដង្កោ​ទាំង​មូល​ ដែល​លាត​សន្ទឹង​នៅ​ភាគ​ខាង​ត្បូង​ភ្នំពេញ កំ​ពុង​ទទួល​បាន​កំណើន​តម្លៃ​ដី​យ៉ាង​ខ្លាំង​ ​ហើយ​ជាប់​​លំ​ដាប់​ទី​បី​នៅ​កម្ពុជាធៀ​ប​នឹង​ខ័ណ្ឌ​ផ្សេងៗ​។ នេះ​បើ​តាម​ទិន្ន​ន័យ​របស់​ក្រុម​ហ៊ុន ឃី រៀល អ៊ីស្ទេត។ លោក សន សៀប ស្ថាប​និក​ និង​ជា​អគ្គ​នាយក​ក្រុម​ហ៊ុន  ឃី រៀល អ៊ីស្ទេត បាន​លើក​ឡើង​ថា​ ការ​ប្រកាស​ពី​ការ​សាង​សង់​ផ្លូវ​ក្រ​វ៉ាត់​ក្រុង​ទី​បី ដែល​បច្ចុប្បន្ន​កំ​ពុង​សាង​សង់​ បាន​រួម​ចំ​ណែក​សំ​ខាន់​ដល់​កំ​ណើន​តម្លៃ​ដី។ ដី​ដែល​នៅ​ជាប់​ផ្លូវ​ធំ​ដែល​កាល​ពី​មុន​មាន​តម្លៃ​ត្រឹម​ ១០ដុល្លារ ទៅ ២០ ដុល្លារ​ក្នុង​មួយ​ម៉ែត្រ​កា​រ៉េ បានកើន​ដល់ ១០០ ដុល្លារ ទៅ ១៥០ ដុល្លារ​ក្នុង​មួយ​ម៉ែត្រ​ការ៉េ​ នា​ពេល​នេះ។ ដី​ដែល​នៅ​ផ្លូវ​ចូល​ក្នុង​ក៏​បាន​កើន​ដល់រង្វង់ ៥០ ដុល្លារ ក្នុង​មួយ​ម៉ែ​ត្រ​កា​រ៉េ។អ្នក​ស្រី អាន សុ​ធី​តា នាយិកា​ថ​ក្រុម​ហ៊ុន​សេវា​កម្ម​អចលន​ទ្រព្យ CBRE បាន​លើក​ឡើង​ថា​ ភាគ​ខាង​ត្យូង​ភ្នំពេញ​មាន​តម្លៃដី​កើន​ឡើង​ខ្លាំង។ ស្រ​ប​ពេល​តម្លៃដី​អាច​មាន​ភាព​ខុស​គ្នា​បន្តិច​ពី​តំ​បន់​មួយ​ទៅ​តំបន់​មួយ​ អ្នក​ស្រី​​​បាន​បញ្ជាក់​ថា​ តម្លៃ​ដី​តាម​បណ្តោយ​ផ្លូវ​ជាតិ​លេខ​២ នៅ​សង្កាត់​ព្រែកកំ​ពឹស​អាច​មាន​តម្លៃ​រហូតដល់ ២០០ ដុល្លារ​ក្នុង​មួយ​ម៉ែត្រ​ការ៉េ។​អ្នក​ស្រី​បញ្ជាក់​ថា​៖​«​នៅ​ពេល​ណា​មាន​គម្រោង​អភិវឌ្ឍន៍​ធំ​ៗ​ត្រូវ​បាន​ប្រ​កាស ឬ ដាក់​ឲ្យ​ដំ​ណើរ​ការ វា​តែង​ធ្វើ​ឲ្យ​តម្លៃ​ដី​នៅ​ជំ​វិញ​នោះ​កើន​ឡើង​ដែរ គ្រាន់​តែ​ខុស​គ្នា​ត្រង់​ថា​តើ​វា​នៅ​ជិត ឬ នៅ​ឆ្ងាយ​ពី​គម្រោង​អភិវឌ្ឍន៍»។នៅ​ពេល​ដែល​លោក ស៊ឺន​ សុន​ ស្វែង​យល់​ថា​ទី​ក្រុង​ភ្នំពេញ​នឹង​បន្ត​ពង្រីកនឹង​មាន​ការ​វិនិយោគ​ជា​បន្ត​បន្ទាប់​លើ​ការ​កែ​លម្អរ​ផ្លូវ និង​ហេដ្ឋា​រចនា​សម្ព័ន្ធ​ផ្សេងៗ លោក​រំ​ពឹង​ថា​ដី​របស់​គាត់​នឹង​ត្រូវ​ដោយ​សំ​ណង់​លំ​នៅ​ដ្ឋាន និង​ អគា​រ​ពាណិជ្ជ​កម្ម។លោក​បន្ត​ថា​៖​«​ខ្ញុំ​អត់​ទាន់​ចង់​លក់​ដី​ហ្នឹង​ឥលូវ​ទេ។ ខ្ញុំ​ជឿ​ថា​ តម្លៃ​នឹង​មាន​ការ​កើន​ឡើង​ទៀត​នៅ​ថ្ងៃ​ខាង​មុខ»៕ ស្វែងរកអចលនទ្រព្យនៅខណ្ឌដង្កោ ឬអចលនទ្រព្យនៅក្នុងទីក្រុងភ្នំពេញនៅថ្ងៃនេះ! អានអត្ថបទ មហាវិថី សម្តេច ហ៊ុន សែន ក្លាយជាទិសដៅវិនិយោគថ្មីនៅប៉ែកខាងត្បូង។

ប្រជាជនខ្មែរភាគច្រើនបានពេញចិត្ត និងជ្រើសយកការរស់នៅក្នុងគម្រោងបុរី ដូចជា ផ្ទះល្វែង វីឡាកូនកាត់ ឬផ្ទះអាជីវកម្មជាដើម។ និន្នាការនេះនៅកំពុងបន្តយ៉ាងរឹងមាំក្នុងបរិបទ ទីផ្សារលំនៅដ្ឋានកម្ពុជា។ ទោះយ៉ាងណាក៏ដោយ នៅពេលបច្ចុប្បន្ននេះ ខុនដូ ដែលជាបរិបទថ្មីមួយទៀតបានកំពុងទទួលការចាប់អារម្មណ៍ខ្លាំងពីសំណាក់អ្នកទិញក្នុងស្រុក ពិសេសមនុស្ស​វ័យក្មេង។តាមពិតទៅ លំនោដ្ឋានទាំងពីរនេះ មានលក្ខណៈពិសេសដូចគ្នា និងផ្តល់នូវលក្ខណៈងាយស្រួល ក្នុងការរស់នៅដូចគ្នា ប៉ុន្តែវាមានលក្ខណៈដាច់ដោយឡែកពីគ្នា ត្រង់ចំណុចពិសេសមួយចំនួនដូចជា៖​ ទីតាំង កម្មសិទ្ធិកាន់កាប់ តម្លៃ សេវាកម្ម​ ការចំណាយបន្ថែមផ្សេងៗ ជាដើម។ទាំងនេះជាអ្វី ដែលអ្នកទិញខ្លួនឯងត្រូវតែដឹងជាមុន និងត្រូវមានភាពរួចរាល់មុននឹងទិញលំនៅដ្ឋានណាមួយ!  ខាងក្រោមជាចំណុច មួយចំនួនចំណុចពិសេស និងលក្ខណដោយឡែកពីគ្នានៃបុរី និងខុនដូ៖ទីតាំង៖សម្រាប់បុរី នៅពេលបច្ចុប្បន្ននេះ ការសាងសង់បុរី (ផ្ទះល្វែង) ភាគច្រើនមានទីតាំងនៅ ជាយក្រុង ឬនៅក្រៅក្រុង។ ភាគច្រើននៃបុរីនៅជាយក្រុងមានភាពស្ងប់ស្ងាត់ កន្លែងមិនសូវចង្អៀត មានលក្ខណៈធម្មជាតិ ជាមួយសួនច្បារ ឬតំបន់បៃតង។ ជាពិសេស​ អ្នកអាចគេចចេញពីការកកស្ទះចរចរណ៍នៅក្នុងក្រុង។ ប៉ុន្តែបញ្ហាមួយត្រង់ថា អ្នកទិញរស់នៅឆ្ងាយពីតំបន់កណ្តាលក្រុងបន្តិច ហើយអ្នកត្រូវធ្វើដំណើរយូរ​បន្តិច ប្រសិនបើអ្នកធ្វើការនៅកណ្តាលក្នុងក្រុង សាលារៀននៅក្នុងក្រុង ឬត្រូវការការលម្ហែនៅក្នុងតំបន់កណ្តាលក្រុង។រីឯខុនដូវិញ ស្ទើរតែគ្រប់គម្រោងខុនដូគឺមានទីតាំងនៅតំបន់ក្រុង និងតំបន់កណ្តាលក្រុង ដែលនេះបានឆ្លើយតបទៅនឹងអ្វីដែលអ្នកទិញភាគច្រើនចង់បាន។​ ជាទូទៅទីតាំងខុនដូ នៅជិតសាលារៀន មន្ទីរពេទ្យ ផ្សារ ភោជនីយដ្ឋាន ស្ថាបនរដ្ឋ និងស្ថាបនឯកជន និងតំបន់សេវាកម្មចម្រុះផ្សេងៗទៀត។ ប៉ុន្តែអ្នកត្រូវដឹងថា យូនីតខុនដូរបស់មិនមានទំហំធំ​ដូចជាផ្ទះផ្ទះក្នុងបុរីទេ។ ​កម្មសិទ្ធិកាន់កាប់៖បុរីជាអចលនទ្រព្យតាំងជាប់ដីដោយផ្ទាល់ វាមានប្លង់រឹងដាច់ពីគ្នា រវាងអចលនទ្រព្យមួយទៅមួយទៀតផ្សេងទៀត។​​ចំណែកខុនដូវិញ ជាប្រភេទអចលនទ្រព្យប្លង់រួម (អគារសហកម្មសិទ្ធិ) ដែលមានន័យថា អ្នកទិញ អាចកាន់កាន់លើអចលនទ្រព្យរបស់ខ្លួនរៀងខ្លួនបាន (ចំណែកឯកជន) តែមិនមានឈ្មោះដាច់តែឯងលើអគារទាំងមូលនោះទេ (ចំណែករួម)។ នេះបើតាមមាត្រា ៤ នៃច្បាប់គ្រប់គ្រង និងប្រើប្រាស់អគារសហកម្មសិទ្ធិ។ តម្លៃបុរីតម្លៃសមរម្យបានកំពុងរីកដុះដាលយ៉ាងខ្លាំង នៅពេលបច្ចុប្បន្ន ហើយផ្ទះល្វែងក្នុងបុរីអាចមានចាប់ពី ៣ ម៉ឺនដុល្លារឡើងទៅ ដូចជាគម្រោង បុរី វីអាយភី បុរីប៊ុន ជេស្ឋ បុរីរតនៈភ្នំពេញជាដើម។ គេមើលឃើញថា ដោយសារការផែនការពង្រីកក្រុងកំពុងដំណើរការយ៉ាងល្អ ដូច្នេះ ការអភិវឌ្ឍវិស័យលំនៅដ្ឋានបែបបុរីបានរីកលូតលាស់ខ្លាំង ដែលធ្វើឲ្យមានការកើនឡើងតម្លៃ គួរឲ្យកត់សម្គាល់។​ម្យ៉ាងវិញទៀត យើងសង្កេតឃើញថាបុរីផ្ទះល្វែង ដែលសង់រួចមានអ្នករស់នៅ តែងតែជំរុញសកម្មភាពសេដ្ឋកិច្ច ដូចជាផ្សារទំនិញ ឬសូម្បីតែផ្សារទំនើបផងដែរ។ ដូចនេះ វាអាចជាកត្តាមួយ អ្នកគួរទិញបុរី។​បើនិយាយពីខុនដូ ខុនដូអាចមានតម្លៃចាប់ពីជាង ៣ ម៉ឺន ដុល្លារ​ តួយ៉ាងដូចជាគម្រោង​ New Land mark និងគម្រោង 88 Residence ជាដើម។សេវាកម្មការរស់នៅក្នុងគម្រោងបុរី អ្នកអាចទទួលបានសេវាកម្មមួយចំនួន ដូចជា កន្លែងកំសាន្ត សួនច្បារ … ប៉ុន្តែបុរីខ្នាតតូច ឬបុរីតម្លៃទាបគឺមិនផ្តល់ជូនសេវាកម្មទាំងនេះទេ។​ ចំណុច នេះជាអ្វីដែលធ្វើឲ្យការរស់នៅក្នុងខុនដូ ហាក់មានភាពលេចធ្លោ និងភាពស៊ីវីល័យជាង។ ខុនមានសេវាកម្មដូចជា៖ ហាងហែលទឹក កន្លែងហាត់ប្រាណ កន្លែងលម្ហែលើដំបូល ក្លឹប និងសេវាគ្រប់គ្រងអចលនទ្រព្យ រួមជាមួយសេវាផ្សេងៗទៀត។ការចំណាយបន្ថែមបុរីមានភាពសមញ្ញជាងខុនដូ។ ដូចនេះ ការចំណាយទូទៅប្រចាំខែលើវាកម្មនានារបស់បុរីក៏អស់តិចជាងខុនដូដែរ។ ការចំណាយក្នុងខុនដូ អាចមានដូចជា៖ ថ្លៃសំអាត ថ្លៃភ្លើង ថ្លៃអ៊ីធើណិត ថ្លៃសន្តិសុខ ថ្លៃចំណតរថយន្ត ថ្លៃសម្រាម និងរួមទាំងថ្លៃសេវាកម្មប្រចាំថ្ងៃ។ ប៉ុន្តែសូមចងចាំថាកញ្ចប់សេវាកម្មខ្លះត្រូវបានដាក់បញ្ចូលក្នុងសេវាកម្មជាកញ្ចប់រួចហើយ។សរុបមក ការទិញផ្ទះក្នុងបុរី ឬខុនដូសុទ្ធតែជាការវិនិយោគដ៏ឆ្លាតវៃ។ ប៉ុន្តែវាក៏ទាមទារឲ្យអ្នកទិញខ្លួនឯង​ត្រូវស្វែងយល់ពីតម្រូវការ និងលទ្ធភាពជាក់ស្តែងរបស់ខ្លួន ដើម្បីជៀសវាងពីហានិភ័យណាមួយ។ ជាការណែនាំប្ រសិនបើអ្នកមានភាពក្មេងខ្ចីក្នុងវិស័យនេះ អ្នកអាចស្វែងរកការប្រឹក្សាយោបល់ជាមួយអ្នកច្បាប់ ឬភ្នាក់ងារអចលនទ្រព្យជំនាញជាមុនសិន។៕តើអ្នកកំពុងស្វែងរកបុរីសម្រាប់លក់ និងជួលនៅក្នុងប្រទេសកម្ពុជាមែនទេ? សូមចូលទៅកាន់ Realestate.com.kh។ អ្នកក៏អាចតាមដានព័ត៌មានថ្មីៗអំពីវិស័យអចលនទ្រព្យកម្ពុជា នៅទីនេះ!

តើអ្នកជាភ្នាក់ងារអចលនទ្រព្យល្អបំផុតនៅក្នុងប្រទេសកម្ពុជាដែរឬទេ? ព្រឹត្តិការណ៍ពានរង្វាន់អចលនវត្ថុដ៏ធំបំផុតប្រចាំឆ្នាំបានមកដល់ទៀតហើយ! ការចុះឈ្មោះចូលរួមប្រកួតប្រជែងយកពានរង្វាន់អចលនវត្ថុឆ្នាំ២០១៩ កំពុងដំណើរការចាប​ពីថ្ងៃនេះតទៅ ដែលរៀបចំឡើងដោយក្រុមហ៊ុន Realestate.com.kh ។នេះគឺជាព្រឹត្តិការណ៍លើកទី២  និងដោយមានការសហការជាដៃគូជាមួយក្រសួងសេដ្ឋកិច្ច និងហិរញ្ញវត្ថុ (MEF) និងសមាគមអ្នកវាយតម្លៃ និងភ្នាក់អចលនវត្ថុកម្ពុជា (CVEA) ដើម្បីរៀបចំព្រឹត្តិការណ៍អចលនទ្រព្យដ៏សម្បើមសម្រាប់ទីផ្សារអចលនទ្រព្យ និងអ្នកជំនាញអចលនទ្រព្យកម្ពុជា ។ភ្នាក់ងារលក្ខណៈជាបុគ្គល និងក្រុមហ៊ុនអចលនទ្រព្យជាង ២០  នឹងទទួលបានពានរង្វាន់នៅក្នុងពិធីជួបជុំអបសារទរដ៏ធំបំផុតនៅពេលរាត្រី។​ ការវិនិច្ឆ័យ ដាក់ពិន្ទុ និងកាត់សេចក្តីនឹងត្រូវបានធ្វើឡើងដោយអ្នកជំនាញសំខាន់ៗនៅក្នុងវិស័យនេះ ហើយលទ្ធផលនឹងត្រូវបានធ្វើសវនកម្មដោយក្រុមអ្នកវាយតម្លៃឯករាជ្យ ដែលជាភាគីទី៣។ឈ្នះពានរង្វាន់អចលនវត្ថុឆ្នើមឆ្នាំ២០១៩ពានរង្វាន់នេះគឺជាសក្ខីភាពមួយចំពោះកិត្តិយស និងភាពជោគជ័យសម្រាប់ការខិតខំ​ប្រឹងប្រែងធ្វើការងារក្នុងវិស័យអចលនទ្រព្យ។ បង្កើតឡើងដើម្បីឆ្លុះបញ្ចាំងនូវភាពជាគម្រូរបស់លោក វណ្ណ ម៉ូលីវណ្ណ ដែលជាអតីតស្ថាបត្យករឆ្នើមជាងគេបំផុតនៅក្នុងប្រវត្តិសាស្រ្តកម្ពុជា ដូច្នេះពានរង្វាន់នេះនឹងកត់សម្គាល់នឹងបង្ហាញថា អ្នកក្រុមហ៊ុនរបស់អ្នកជាអ្នកជំនាញអចលនទ្រព្យដ៏កំពូលនៅក្នុងប្រទេស។ប្រសិនបើអ្នកគិតថាភ្នាក់ងាររបស់អ្នក ការខិតខំប្រឹងប្រែងរបស់អ្នកសាកសមនឹងទទួលបានការទទួលស្គាល់ថាជាភ្នាក់ងារល្អបំផុតនៅកម្ពុជា សូមកុំស្ទាក់ស្ទើរក្នុងការចូលរួមប្រកួតប្រជែង។ ព្រឹត្តិការណ៍ឆ្នាំនេះនឹងក្លាយជាវេទិកាពានរង្វាន់ដ៏ធំបំផុតសម្រាប់វិស័យអចលនទ្រព្យឆ្នាំ២០១៩ ។ ប្រសិនបើអ្នកឈ្នះ ​នោះកេរ្តិ៍ឈ្មោះរបស់អ្នក និងក្រុមហ៊ុនទាំងមូលនឹងល្បីល្បាញទូទាំងប្រទេស។សូមចុះឈ្មោះចាប់ពីថ្ងៃនេះរហូតដល់ថ្ងៃទី២១ ខែវិច្ឆិកា ឆ្នាំ២០១៩។ សូមទាក់ទងមកយើងថ្ងៃនេះ ដើម្បីសាកសួរអំពីការដាក់ពាក្យ។ការប្រគល់ពានរង្វាន់នឹងប្រព្រឹត្តិទៅនៅខែធ្នូ នៅសណ្ឋាគារសូហ្វីតែលភ្នំពេញ។ សម្រាប់ព័ត៌មានលម្អិតអំពីកម្មវិធីនេះ សូមចូលទៅកាន់គេហទំព័ររបស់យើង ឬតាមរយៈទូរស័ព្ទលេខ ០៧០ ៨០០ ៦៣៩។ចុះឈ្មោះចូលរួមប្រកួតប្រជែងយកពានរង្វាន់អចលនវត្ថុកម្ពុជាឆ្នាំ២០១៩ នៅថ្ងៃ​នេះ!

កម្មវិធីពានរង្វាន់សហគ្រិនវ័យក្មេងកម្ពុជាឆ្នាំ២០១៩ （Cambodian Young Entrepreneur Awards 2019） បានរកឃើញសហគ្រិនឆ្នើមចំនួន ១២រូប ដើម្បីឈានដល់ការប្រកួតវគ្គផ្ដាច់ព្រ័ត្រនៅដើមខែកក្កដា ខាងមុខនេះ។កាលពីថ្ងៃទី០៩ ខែមិថុនា ឆ្នាំ២០១៩ សភាយុវពាណិជ្ជករ អន្តរជាតិកម្ពុជា សាខាមេគង្គ (JCI-Mekong) និងសមាគមសហគ្រិនវ័យក្មេងកម្ពុជា (YEAC) បានសហការរៀបចំធ្វើនូវកម្មវិធី «បទបង្ហាញអាជីវកម្មជាសាធារណៈ» ក្នុងការស្វែងរកនូវបេក្ខភាពសហគ្រិនឆ្នើម ដើម្បីបន្តទៅកាន់វគ្គផ្តាច់ព្រ័ត្រ ដែលមានរយៈពេលមួយថ្ងៃពេញ នៅឯសណ្ឋាគារហ៊ីម៉ាវារី។សហគ្រិនឆ្នើមទាំង១២រូបនោះ ត្រូវបានប្រកាសបន្ទាប់ពីបញ្ចប់ការប្រកួតវគ្គពាក់កណ្តាលផ្តាច់ ព្រ័ត្រ។ សហគ្រិនទាំង១២រូបរួមមាន៖១.លោក នួន រិទ្ឋីមកពី Khmer Foundation Appraisal Co.,Ltd២.លោក ហេង ហុកឆាយ ​មកពី Prima OCS Co., Ltd៣.អ្នកស្រី ប៊ុន ចាន់និមល មកពី Sastra Media Co., Ltd៤.កញ្ញា ឃុន ពិសី មកពី Career Finder៥ លោកស្រី ណុប ចិន្តា មកពី WLG Electronic Co., Ltd៦ លោក ឆន គីមពិជេដ្ឋ មកពី Mekong Valley Co., Ltd៧ លោក សួន ប៊ុនថង មកពី Light Bridge School Co., Ltd៨ លោក ឡុង សុភ័ក្រ, Sopheaklong Supplier Co., Ltd៩ កញ្ញា ណាម ចំណាម មកពី Melvin Dentist Care១០ លោកស្រី ញឹម សុរីដា មកពី De Lotusia Enterprise១១ លោក ប៊ុន ផាក មកពី Camazoon Co., Ltd និង១២ អ្នកស្រី ប៉ុង លីមសាន មកពិ First Womantech Asia Co., Ltd ។សូមជម្រាបដែរថា សហគ្រិនចំនួន ១២រូប ដែលបានជាប់ជ័យលាភីនៅក្នុងវគ្គពាក់ កណ្តាលផ្តាច់ព្រ័ត្រក្រោយពីបានធ្វើបទបង្ហាញ គឺនឹងមានឱកាសប្រកួតដណ្តើមពានរង្វាន់ ប្រចាំឆ្នាំនៅវគ្គផ្តាច់ព្រ័ត្រដើមខែ កក្កដា ខាងមុខនេះ។កម្មវិធីនេះ ក៏ទទួលបាននូវសន្ទុះនៃការចូលរួមពីបេក្ខ ជនដែលជាសហគ្រិននៅតាមបណ្តា ខេត្តមួយចំនួនធំនៅក្នុងព្រះរាជាណាចក្រកម្ពុជា មានដូចជា ខេត្តសៀមរាប បាត់ដំបង ព្រះសីហនុ កំពង់ចាម និងខេត្តកណ្តាលផងដែរ។ តាមរយៈកំណើននៃការចូលរួមពីខាងសហគ្រិនមកពីទីកន្លែងផ្សេងៗនេះ ក៏បានសបញ្ជាក់អំពីការរីកចម្រើននៃសហគ្រិនភាពនឹងការកើនឡើងនូវប្រភេទនៃអាជីវកម្មផ្សេងៗ ដែលបាននឹងចាក់ឬសចូលទៅក្នុងសង្គមកម្ពុជាផងដែរ៕តាមដានព័ត៌មានថ្មីៗ ឬចង់ស្វែងរកអចលនទ្រព្យនៅកម្ពុជា សូមចូលទៅកាន់ Realestate.com.kh!

គម្រោង​ខុន​ដូ​ North Park ​បាន​ចាប់​ផ្តើម​ដំណើរ​ការ​​កម្ម​វី​ធី ប្រូ​ម៉ូ​សិន​ ថ្មី​​មួយ​ដែល​អាច​បង្កើត​ឱ​កាស​ដល់​​លោក​អ្នកសម្រេច​ក្តី​ប្រា​ថ្នា​ក្នុង​ការ​​ទទួល​​យក​​សំ​ណាង​​បាន​យ៉ាង​​ងាយ​ស្រួល​​តាម​រយៈ​​​គម្រោង​ខុនដូរ​ North Park សែន​សុខ។ខណ្ឌសែន​ សុខ​គឺ​ជា​តំ​បន់​អភិវឌ្ឍន៍​ថ្មី​មួយ​​ដែល​ពោ​ពេញ​ដោយ​គម្រោង​ធំ​ៗ​ជា​ច្រើន​ដូច​ជា ផ្សារ​ទំនើប អគា​ពាណិជ្ជ​កម្ម និង​គម្រោង​អភិវឌ្ឍន៍​ផ្សេងៗ​ទៀត ហើយ​ក៏​ជា​ទី​តាំង​ដែល​ខុន​ដូ​របស់​ North Park ដាក់​ទី​តាំង​នៅ​ផង​ដែរ។ កម្ម​វិ​ធី​ ប្រូមូ​សិន​ថ្មី​របស់​យើង នឹង​ចាប់​ផ្តើម​ដំ​ណើរ​ការ​ចាប់​ពីពេល​នេះ​ ដែល​លោក​អ្នក​អាច​នឹង​ក្លាយ​ជា​ម្ចាស់​ខុន​ដូ​ តាម​រយៈ​ការ​ទិញ​ដែល​មាន​ការ​បញ្ចុះ​តម្លៃ​ពិ​សេស។​ សូម​បន្ត​អាន​ព័ត៌មាន​ខា​ង​ក្រោម​ ដើម្បី​ស្វែង​យល់​ពី​លក្ខខណ្ឌ​​​លម្អិត។គម្រោងខុនដូ​​ North Park មាន​ទី​តាំង​នៅ​លើ​ផ្ទៃ​ដី​ទំ​ហំ ១.២ ហិចតា ហើយត្រូវ​ការ​​ធ្វើ​ដំណើរ​ត្រឹម​តែ​ពីរ​ទៅ​បី​នា​ទី​ប៉ុណ្ណោះ​ពី​ព្រ​លាន​យន្ត​ហោះ​អន្តរ​ជាតិ។ ចំ​ណុច​សំ​ខាន់​របស់​គម្រោងខុនដូ​​ North Park គឺ​ទាក់​ទង​នឹង ការ​រច​នា​តុប​តែង​ ជាមួយទំហំធំទូលាយ ដែល​លោក​អ្នក​មិន​អាច​រក​បា​ន​នៅកណ្តាលទី​ក្រុង។ រាប់​ចាប់​តាំង​ពីការ​រចនា​ក្នុង​ផ្ទះ​បាយដ​ល់កន្លែង​ស្នាក់​នៅ និង​ការ​តុបតែង​កន្លែងផ្សេងៗ​ខាង​ក្រៅជំ​វិញ​អគារ។ គម្រោងខុនដូ​​ North Park គឺ​ជា​ទី​តាំង​ដ៏​ស័ក្ក​សម​បំ​ផុត​សម្រាប់ក្រុម​​គ្រួសារ​របស់​អ្នក​ក្នុង​ការ​ស្នាក់​នៅ និងលម្ហែ​។ភាពទាក់​ទាញ​ខ្លាំង​បំ​ផុត​របស់គម្រោង​ខុន​ដូ​ North Park គឺ​ការ​រចនា​តុបតែង​បែប​ទំ​នើប​ជាមួយជម្រើសផ្សេងៗគ្នា ដែលមាន​ដូចជា៖ ​​ខុន​ដូ​ ១ បន្ទប់គេង ខុនដូ ២ បន្ទប់គេង  ឬ​ ៣​ បន្ទប់​គេង​។ ការ​សាង​សង់​​បាន​បញ្ចប់​រួច​រាល់ ហើយ​បន្ទប់​ខុន​ដូ​ទាំង​នេះ​ត្រៀម​ខ្លួន​រួច​ជា​ស្រេច​សម្រាប់​ស្វា​គមន៍លោក​អ្នក​ដែល​ជា​ម្ចាស់​ថ្មី​​។អ្វី​ដែល​ពិសេស​នោះ​គឺ​ថា យូនីតខុនដូនៅក្នុងអគារ​ B ​នៅ​សល់​តែ ៥ យូនីត​ប៉ុណ្ណោះ ហើយ​ប្រ​សិន​បើ​លោក​អ្នក​ទិញ​ឥលូវ​នេះ លោក​អ្នក​នឹង​បាន​ទទួល​ការ​បញ្ចុះ​តម្លៃ​ ៨,៨៨៨ ដុល្លារ ក្នុង​មួយ​យូ​នីត។ សូម​ចាំ​ថា លេខ​ប្រាំ​បីជា​លេខនាំ​សំ​ណាង​ដល់​លោក​អ្នក​ណា!!!!​ជួល​ ហើយ​ក្លាយ​ជា​ម្ចាស់​ខុន​ដូ North Parkបន្ថែម​លើ​នេះ North Park បើក​កម្ម​វិ​ធី​ប្រូមូ​សិនឈ្មោះ «​​ពី​ជួល​ ក្លាយ​ជា​ម្ចាស់​» ហើយ​តាម​រយៈ​កម្ម​វិ​ធី​នេះ​ លោក​អ្នក​អាច​ចូល​មក​រស់​នៅ​ខុន​ដូ​ដំ​បូង​តាម​រយៈ​ការ​ជួលដោយ​គ្រាន់​តែ​ចុះ​កុង​ត្រា​ជួល​រយៈ​ពេល​មួយ​ឆ្នាំ។ បន្ទាប់​ពី​លោក​អ្នក​ស្នាក់​នៅ​ខុនដូ​ទំ​នើប​នេះ​រយៈ​ពេល​ ៦ ខែ  លោក​អ្នក​មាន​​​​​ជម្រើស​​ក្នុង​ករណី​ប្តូរ​ចិត្ត​ចង់​​ក្លាយ​ជា​ម្ចាស់​​វិញ​។ កម្ម​វី​ធី​នេះ​ពិត​ជា​មាន​សារៈ​សំ​ខាន់​សម្រាប់​លោក​​​អ្នក​ដែល​ពេល​ខ្លះ​លោក​អ្នក​មិន​ទាន់​មាន ​គម្រោង​ក្លាយ​ជា​ម្ចាស់​ខុន​ដូ​នា​ពេល​នេះទេ​ តែ​បន្ទាប់​ពី​ស្នាក់​នៅ​បាន​មួយ​រយៈ​ក៏​ប្តូរ​ចិត្ត​ចង់រស់​នៅ​អចិន្ត្រៃ​យ៍​វិញ។ប្រ​សិន​បើ​ចុង​ក្រោយ​ទៅ​លោក​អ្នក​ ចង់​ក្លាយ​ជា​ម្ចាស់​ខុន​ដូ​វិញ​ លោក​អ្នក​អាច​ចាប់ផ្តើម​ធ្វើ​ការ​បង់​ប្រាក់​សម្រាប់​ថ្លៃ​ជួល​ក្នុង​រយៈ​ពេល​ដែល​សេស​សល់។ បន្ទាប់​មក​ពេល​លោក​អ្នក​បង់​ផ្តាច់​អស់​ហើយ លោក​អ្នក​នឹង​ក្លាយ​ជា​ម្ចាស់​ខុន​ដូ​ដ៏​ប្រ​ណិត​ ដែល​លោក​អ្នក​អាច​លក់​វិញ​ក្នុង​តម្លៃ​ថ្លៃ​ជា​ង​ពេល​ទិញ​ យ៉ាង​ពិត​ប្រា​កដ ​ក្នុង​រយៈ​ពេល​ខ្លី។យ៉ាង​ណា​ក៏​ដោយ ប្រ​សិន​បើ​លោក​អ្នក​ចង់ក្លាយ​ជា​ម្ចាស់​ខុន​ដូ​ឥលូវ​នេះ លោក​អ្នក​អាច​ធ្វើ​បាន​ភ្លាម។​ គម្រោង​អគារ ខុន​ដូ North Park អគារ B​ បាន​សា​ងសង់​រួច​រាល់​ហើយ។​ មាន​ន័យ​ថា ប្រសិន​បើ​លោក​អ្នក​ជ្រើស​រើស​ខុន​ដូ​មួយ​ក្នុង​ចំ​ណោម​ខុន​ដូ​ទាំង​ប្រាំ​ លោក​អ្នក​អាច​ចូល​ស្នាក់​នៅ​បាន​ភ្លាមៗ។ ឬ​ ប្រសិន​បើ​លោក​អ្នក​ជា​អ្នក​វិនិយោគផ្នែក​អចល​ន​ទ្រព្យ​ លោក​អ្នក​អាច​គួរ​ទិញ​ដើម្បី​ទទួល​បាន​ចំ​ណូល​ពី​ការ​ជួល​សិន។ សែន​សុខ គឺ​ជា​ទី​តាំង​ដ៏​ស័ក្ក​សម​បំ​ផុត។​វា​ជា​រឿង​ដែល​គ្រប់​គ្នា​ដឹង​រួច​ហើយ​ថា សែន​ សុខ គឺ​ជា​តំបន់​ដែល​រីក​ចម្រើន​ខ្លាំង​ជាង​គេ​នៅ​ភ្នំពេញ។ មាន​សា​លា​ជា​ច្រើន សា​ខា​ធនាគារ ​ស្ថា​ប័ន​រដ្ឋា​ភិ​បាល​ ភោជនីយដ្ឋាន បាន​ដាក់​ទី​តាំង​នៅ​ទី​នេះ។ប្រាកដ​ណាស់ ផ្សារ​ទំនើប​អ៊ី​អន​២ ផ្សារ​លក់​ឥវ៉ាន់​បោះ​ដុំ ម៉ា​ក្រូ សុទ្ធ​សឹង​ដាក់​ទី​តាំង​ និង​អភិវឌ្ឍន៍​នៅ​ទី​នេះ​រួច​ស្រេច​ទៅ​ហើយ។ North Park គឺ​​ជា​ផ្នែក​មួយ​នៃ​ការ​អភិវឌ្ឍន៍​ដ៏​ខ្លាំង​ក្លា​របស់​តំ​បន់​នេះ។ ទិញ​ខុន​ដូ​របស់​យើង​នៅ​តំ​បន់​ដែល​មាន​វិ​ស័យ​អចល​ន​ទ្រព្យ​លូត​លាស់​និង​មាន​ភាព​រស់​រ​វើក​ តំបន់​រស់​នៅ​មាន​សុវត្ថិ​ភាពខ្ពស់ និង​មាន​ភាព​ងាយ​ស្រួល​នៅ​កម្ពុជា។ទាក់​ទង​មក​យើង​ថ្ងៃ​នេះ​ ហើយ​ក្លាយ​ជា​ម្ចាស់​ខុន​ដូ​មួយ​គម្រោង One Park! ឬ ចង់បានទិញអចលនទ្រព្យផ្សេងទៀតនៅក្នុងប្រទេសកម្ពុជា!

ក្រុម​ហ៊ុន​​​ជប៉ុន Japan Oil​​, Gas and Metals Corp (JOGMEC) ដែល​គាំ​ទ្រ​ដោយ​រដ្ឋ​ភិ​បាល​ជប៉ុន​ បាន​ប្រកាស​ស្វែង​រក​ដៃ​គូ​ជា​ក្រុម​ហ៊ុន​ជប៉ុន​ដូ​ចគ្នា​ដើម្បី​សហ​កា​រ​សិក្សា​ពី​លទ្ធ​ភាព​ដែល​អាច​ឈាន​ដល់​ ការទាញ​យក​រ៉ែ​ទង់​ដែង និង​រ៉ែ​ស័ង្ក​សីនៅ​កម្ពុជា បន្ទាប់​ពី​​​បាន​សិក្សា និង​​ឃើញ​​មាន​​រ៉ែ​ទាំង​ពីរ​​​នៅ​តំ​បន់​​​ដែល​ខ្លួន​រុក​រក។ទោះ​បី​ជា​ការ​ឈានដល់​​ការ​ទាញ​យកត្រូវ​ឆ្លង​កាត់​ដំ​ណាក់​កាល​ជា​ច្រើន ហើយ​ត្រូវ​កាល​ពេល​វេលាយូរ​ទៀត មន្រ្តី​ជាន់​ខ្ពស់​ពី​ក្រ​សួង​រ៉ែ​ និង​ថាម​ពល​បាន​បង្ហាញ​ការ​ស្វា​គម​ចំ​ពោះ​ការ​វិ​វត្តិន៍​នេះ​ ដោយ​បញ្ជាក់​ថា​ការ​ប្រកាស​លទ្ធ​ផល​រក​ឃើញ​បឋម​របស់​ JOGMEC នឹង​ធ្វើ​ឲ្យ​ក្រុម​ហ៊ុន​ជប៉ុន​ចាប់​អារម្មណ៍​ពី​ឱ​កាស​ក្នុង​វិ​ស័យ​ធន​ធាន​រ៉ែ​នៅ​កម្ពុជា។យោង​តាម​ការ​រាយ​ការណ៍​របស់​កា​សែត​ជប៉ុន ក្យូ​ដូ កាល​ពី​ថ្ងៃ​ពុធ JOGMEC តាម​រយៈ​ក្រុម​ហ៊ុន​បុត្រ​សម្ព័ន្ធ​របស់​ខ្លួន Nittetsu Mining Co បាន​ទទួល​អជ្ញា​ប័ណ្ណ​រុក​រក​រ៉ែ​ពី​រដ្ឋា​ភិ​បាល​កម្ពុជា​កាល​ពី​ខែ មេសា ឆ្នាំ ២០១៨ ដើម្បី​ធ្វើ​ការ​សិក្សា​ពី​សក្តា​នុ​ពល​រ៉ែ​នៅ​ខេត្ត​ស្ទឹង​ត្រែង​ប្រ​ទេស​កម្ពុជា។ក្រុម​ហ៊ុន​បាន​លើក​ឡើង​នៅ​ក្នុង​របាយ​ការណ៍​របស់​ខ្លួន ដោយ​ត្រូវ​បាន​រាយ​ការណ៍​បន្ត​ដោយ​ ក្យូ​ដូ​ថា JOGMEC ​បាន​រក​ឃើញ​ថា​មាន​រ៉ែ​ទង​ដែងនៅ​តំ​បន់នោះ​ដែល​ជា​ផ្នែក​មួយ​នៃ​ខ្សែ​ក្រ​វ៉ាត់​រ៉ែភ្ជាប់​ពី​ប្រ​ទេស​ជិត​ខាង​មក។លោក លោក ​ម៉េង ​សក្ដធារ៉ា​ រដ្ឋលេខាធិការ​ក្រសួងរ៉ែ​ និង​ថាមពល (MME)​ បាន​លើក​ឡើង​កាល​ពី​ម្សិល​មិញ​ថាដំ​ណាក់​កាល​ដែល​ក្រុម​ហ៊ុន​ JOGMEC បាន​ឈាន​ដល់នា​ពេល​នេះ​គ្រាន់​តែ​ដំណាក់​កាល​ដំ​បូង​នៅ​ឡើយ ហើយ​ការ​ខិត​ទៅ​ដល់​ការ​អាច​ទាញ​យក​ផល​បាន​នៅ​ត្រូវ​កា​រ​ឆ្លង​កាត់​លក្ខ័ណ្ឌ​ច្រើន​ទៀត ដែល​យ៉ាង​ហោច​ណាស់​ក៏​ត្រូវ​ការ​ពេល​ ២ ទៅ ​៣ ឆ្នាំ​ដែរ។ លោក​បន្ត​ ក្រុម​ហ៊ុន​អាច​នឹង​បោះ​បង់​វិញ​ក៏​ថា​បាន​ ប្រ​សិន​បើ​សិក្សា​លម្អិតទៅហើយឃើញ​លទ្ធ​ផល​មិន​សម​នឹង​ប្រ​តិ​បត្តិ​ការ​បាន។លោក​បញ្ជាក់ថា​៖​«​វា​គ្រាន់​តែ​ជា​សញ្ញា​វិជ្ជ​មាន​មួយ តែ​ដើម្បី​ឲ្យ​វា​អាច​ចេញ​ជា​រូប​រាង​នឹង​ឈាន​ដល់​ការ​ធ្វើ​ទាញ​យក​រ៉ែនៅ​ត្រូវ​ការ​រយៈ​ពេល​យូរ​ទៀ​តណាស់»។ យ៉ាង​​ណា​ក៏​ដោយ លោក បន្ត​ថា៖​«JOGMEC ប្រៀប​បាន​ដូច​ជា​ស្ពាន​សម្រាប់​ភ្ជាប់​ក្រុមហ៊ុន​ជប៉ុន​ដែល​ចង់​ធ្វើអាជីវ​កម្ម​នៅ​ក្រៅ​ប្រទេស​ក្នុង​វិ​ស័យ​រ៉ែ។ ដូច្នេះ​តាម​រយៈ​ក្រុម​ហ៊ុន JOGMEC វា​បាន​បង្ហាញ​សក្កានុពល​របស់​កម្ពុជា ហើយ​អាច​នឹង​ធ្វើ​ឲ្យ​ក្រុមហ៊ុន​ជប៉ុន​ចាប់​អារម្មណ៍​យើង​ច្រើន​ជាង​មុន»។​លោក​បន្ត​ថា ការ​ទាញ​យក​ភោគផល​​ពី​​ធនធាន​រ៉ែ​ទាំង​​លើ​គោក​​ និង​​បាត​សមុទ្រ​ ដែល​សាធារណជន​បាន​រង់ចាំ​​ជា​​យូរអាច​​នឹង​​ត្រូវ​​​​ចេញ​ជា​ផ្លែផ្កា​​ចាប់​ពី​​​ចុង​ឆ្នាំ ២០១៩ នេះ​​ទៅ​។បន្ទាប់​ពី​បាន​ចំណាយ​​ពេល​រុករក​អស់​ជា​ច្រើន​ឆ្នាំ ក្រុមហ៊ុន​រ៉ែ​មាស ​២ គឺ​​ក្រុមហ៊ុន Mesco Gold (Cambodia) របស់​ប្រទេស​ ​ឥណ្ឌា​ និង​ក្រុមហ៊ុន​រ៉ែ ​Renaissance Minerals (Cambodia)Limited មាន​​មូលដ្ឋាន​នៅ​ប្រទេស ​អូស្ដ្រាលី ​បាន​ឈាន​​កាន់​តែ​ជិត​ដល់​ដំណាក់​កាល​ចម្រាញ់​មាស​នៅ​​ប្រទេស ​កម្ពុជា។​ ក្រុមហ៊ុន​កំពុង​​​ដំឡើង​រោងចក្រ​កែច្នៃ​រ៉ែ​មាស​ ដែល​អាច​ឈាន​ដល់​​ការ​ចម្រាញ់​​រ៉ែ​មាស​នៅ​ចុង​ឆ្នាំ ២០១៩​ និង​ឆ្នាំ​ ២០២០ ជា​បន្ត​​បន្ទាប់​។​ទាក់​ទង​នឹង​រ៉ែ​បាត​សមុទ្រ​វិញ ក្រុមហ៊ុន​ KrisEnergy Ltd ​​​មាន​​មូលដ្ឋាន​នៅ​ប្រទេសសិង្ហបុរី​ ដែល​​ប្រតិបត្តិការ​ប្លុក ​A ​នៅ​ក្នុង​សមុទ្រ​របស់​កម្ពុជា​ត្រូវ​​បាន​រំពឹង​ថានឹង​អាច​សម្រេច​តាម​ការ​គ្រោង​ទុក​របស់​ខ្លួន​ក្នុង​ការ​ទាញ​យក​​ដំណក់​ប្រេង​លើក​ដំបូង​នៅ​កម្ពុជា​នៅ​ចុង​ឆ្នាំ​នេះ​ដែរ​​។​ចង់បានព័ត៌មានថ្មីៗអំពីវិស័យអចលនទ្រព្យ ឬស្វែងរកទិញ ឬជួលអចលនទ្រព្យនៅកម្ពុជា សូមចូលទៅកាន់ Realestate.com.kh!

បច្ចុប្បន្ននេះនៅកម្ពុជាមានតែ ក្រុមហ៊ុនស៊ីងម៉ឹងធេលីមីឌា តែមួយគត់ដែលអាចផ្តល់សេវាកម្ម អេឡិចត្រូនិក​ ជាច្រើនតាមរយះ​ខ្សែកាប្លិ៍អុបទិក។ ស៊ីងម៉ឹងអាចផ្តល់នូវដំណោះស្រាយអ៊ីនធើណិតទាំងអស់ រួមជាមួយសេវាទូរទស្សន៍ OTT ទូរសព្ទ និងសហគមន៍ឆ្លាតវៃផងដែរ។ តើអ្វីដែលធ្វើឱ្យបណ្តាញខ្សែកាប្លិ៍អុបទិកល្អប្រសើរជាងបណ្តាញផ្សេងទៀត? ឆ្នាំនេះនឹងក្លាយជាឆ្នាំចុងក្រោយសម្រាប់បណ្តាញឥតខ្សែនិង DSL។ប៉ុន្មានឆ្នាំចុងក្រោយនេះការតភ្ជាប់សេវាអ៊ីនធើណិតបានទទួលនូវប្រជាប្រិយភាពជាខ្លាំងនៅក្នុងប្រទេសកម្ពុជា។ ការកើនឡើងដ៏ច្រើននេះ ដោយសារម្ចាស់អាជីវកម្ម និងសហគ្រិនចង់ផ្សព្វផ្សាយអំពីសេវាកម្ម និងផលិតផលរបស់ពួកគេបានងាយស្រួលនិងរហ័ស។ ដោយសារតែការភ្ជាប់អ៊ីនធើណិតល្បឿនលឿន ការទាញយកឯកសារ ការបង្ហោះវីដេអូឬរូបភាព និងការជជែកលេងបានក្លាយជារឿងងាយស្រួល។ម្យ៉ាងទៀតដោយសារតែបច្ចេកវិទ្យាចុងក្រោយបំផុតធ្វើអោយអ្នកប្រើប្រាស់មិនស្គាល់ឡើយពាក្យថាល្បឿនអ៊ីនធើណិតដើរយឺត។ ក្នុងប៉ុន្មានឆ្នាំចុងក្រោយនេះបណ្តាញខ្សែកាប្លិ៍អុបទិកបានដើរតួយ៉ាងល្អបំផុតក្នុងការតភ្ជាប់អ៊ីនធើណិត សម្រាប់យុគសម័យថ្មី ។ប្រព័ន្ធឥតខ្សែ (ADSL Wireless)ខ្សែកាប្លិ៍និងខ្សែកាប្លិ៍អុបទិកគឺជាបច្ចេកទេសខ្លះៗដែលអាចឱ្យអ្នកប្រើប្រាស់ចូលទៅពិភពអ៊ីនធើណិត។ ទោះបីជាយ៉ាងណាក៏ដោយ  ខ្សែកាប្លិ៍អុបទិកបានផ្លាស់ប្តូររបៀបដែលមនុស្ស ប្រើអ៊ីនធើណិតកាលពីអតីតកាល។មុខងាររបស់សសៃខ្សែកាប្លិ៍អុបទិកផលិតពីកញ្ចក់នេះគឺសម្រាប់បញ្ជូនទិន្នន័យនិងឯកសារទាំងឡាយ។ សសៃខ្សែកាប្លិ៍អុបទិកផលិតពីកញ្ចក់មុខងាររបស់វាគឺជួយកាត់បន្ថយភាពរាំងស្ទះ និងឧបសគ្គទាំងឡាយ ហើយវាមានប្រសិទ្ធិភាពខ្ពស់សម្រាប់ប្រព័ន្ធទូរគមនាគមន៍ ។ ឥឡូវនេះសូមបរិយាយថាហេតុអ្វីបានជាវាត្រូវបានគេមើលឃើញថាជាការតភ្ជាប់ល្បឿនលឿនសម្រាប់ ខុនដូ និងកន្លែងពាណិជ្ជកម្មនានា៖ ល្បឿនលឿនបំផុត៖   វាគឺជាការតភ្ជាប់អ៊ីនធើណិតដែលផ្តល់នូវល្បឿនលឿនបំផុត។ ការប្រើប្រាស់វិធីសាស្រ្តប្រកបដោយភាពច្នៃប្រឌិតនិងបច្ចេកវិទ្យាចុងក្រោយបំផុត  ការតភ្ជាប់នេះនិងធានាអ្នកប្រើប្រាស់នូវអ៊ីនធើណិតល្បឿនលឿនដើរដូចជារង្វង់នាឡិកា ហើយអាចឱ្យពួកគេផ្ញើអ៊ីម៉ែលនិងឯកសារក្នុងល្បឿនលឿនបំផុត។នៅពេលប្រៀបធៀបខ្សែកាប្លិ៍អុបទិកនឹងខ្សែកាប្លិ៍ធម្មតានិងខ្សែអេឡិចត្រូនិច (DSL) នោះគេនឹងដឹងថាការបញ្ជូនទិន្នន័យឬឯកសារគឺលឿនជាងបណ្តាញខ្សែកាប្លិ៍ធម្មតា ។ ទាំងការផ្សាយវីដេអូបន្តផ្ទាល់និងការទាញយកវីដេអូ គឺគ្រប់យ៉ាងលឿនរហ័ស និងងាយស្រួលបំផុត។ភាពជឿជាក់បន្ថែមទៀត៖   បណ្តាញខ្សែកាប្លិ៍អុបទិកធានាគុណភាពល្អ បើប្រៀបធៀបទៅនឹងការតភ្ជាប់ខ្សែកាប្លិ៍ធម្មតានិងខ្សែបណ្តាញឌីជីថល (DSL)។ ទោះបីជាក្នុងអំឡុងពេលដាច់ចរន្តអគ្គិសនីក៏ដោយក៏ចរន្តតភ្ជាប់នៅតែមានដដែលព្រោះវាត្រូវបានបង្កើតឡើងពីកញ្ចក់ដែលមិនត្រូវការអគ្គីសនី។ វាក៏មានការពិបាកសម្រាប់អ្នកផ្សេងទៀតក្នុងការ hack ទោះបណ្តាញភាគច្រើនជាប្រព័ន្ធដែលបានដំឡើងនៅក្នុងផ្ទះអ្នកប្រើក៍ដោយ។ការប្រែប្រួលសីតុណ្ហភាព៖  រឿងដែលល្អបំផុតជាមួយការភ្ជាប់ខ្សែកាប្លិ៍គឺថាវាអាចទប់ទល់នឹងការប្រែប្រួលសីតុណ្ហភាពកាន់តែច្រើនបើប្រៀបធៀបទៅនឹងខ្សែកាប្លិ៍ធម្មតានិងខ្សែអេឡិចត្រូនិច (DSL) ។ ម្យ៉ាងវិញទៀតបណ្តាញខ្សែកាប្លិ៍អុបទិក ទោះបីជាលិចចូលក្នុងទឹក វាក៍គ្មានបញ្ហាអ្វីឡើយ។តម្លៃ៖   វាច្បាស់ណាស់ថានៅពេលដែលអ្នកទទួលបានសេវាល្អប្រសើរជាងមុន គឺអ្នកត្រូវចំណាយលើសតិចតួចជាងមុន។ បណ្តាញខ្សែកាប្លិ៍អុបទិក ក៏មានតំលៃថ្លៃតិចជាងបើប្រៀបធៀបទៅនឹងការតភ្ជាប់ជាមួយខ្សែកាប្លិ៍ធម្មតាផ្សេងទៀត។ទោះជាយ៉ាងណាក៏ដោយ នៅពេលដែលអ្នកប្រើទទួលបានល្បឿនលឿននោះការចំណាយបន្ថែមតិចតួច មិនមែនជារឿងខុសនោះទេ។ បច្ចុប្បន្ននេះ អាជីវកម្មទាំងឡាយគឺកំពុងដំណើរការជាមួយ សេវាអ៊ីនធើណិត ហើយប្រាកដណាស់ថា ពួកគេនិងទទួលបានជោគជ័យនៅពេលដែលមាន ល្បឿនអ៊ីនធើណិតលឿននិងមានការតភ្ជាប់ល្អជាងមុន។  ដូច្នេះសូមចងចាំរាល់ចំណុចទាំងអស់ថា វាពិតជាត្រឹមត្រូវក្នុងការនិយាយថាបណ្តាញខ្សែកាប្លិ៍អុប ទិកល្អបំផុតសម្រាប់អ្នកដែលចង់បាន ការតភ្ជាប់ដែលមានល្បឿនលឿន ប្រកបដោយ សុវត្ថិភាពនិងស្ថេរភាព។បច្ចុប្បន្ននេះមានតែ ក្រុមហ៊ុនស៊ីងម៉ឹងធេលីមីឌា តែមួយគត់ដែលអាចផ្តល់សេវាកម្មជាច្រើន នៅលើបណ្តាញខ្សែកាប្លិ៍អុបទិកនៅកម្ពុជា។ស៊ីងម៉ឹងអាចផ្តល់នូវដំណោះស្រាយសេវាអ៊ីនធើណិតទាំងអស់ រួមជាមួយ សេវាទូរទស្សន៍ OTT ទូរសព្ទ និងសហគមន៍ឆ្លាតវៃផងដែរ។  ស្វែងយល់បន្ថែមពី ក្រុមហ៊ុន SingMeng: http://smtelemedia.com/តាមដានព័ត៌មានថ្មីៗ ឬចង់ស្វែងរកអចលនទ្រព្យនៅក្នុងទីក្រុងភ្នំុពេញ សូមចូលទៅកាន់ Realestate.com.kh!

បរិបទរស់នៅសម្រាប់មនុស្សសម័យថ្មីកាន់តែមានភាពរីកច្រើនទៅមុខ រៀបរបបរស់នៅកាន់តែទំនើប លំនៅដ្ឋានក៏កាន់តមានភាពឆ្លាតវៃជាមួយការរចនាតុបតែងទៅតាមនិន្នាការរបស់ប្រជាជននៅពេល បច្ចុប្បន្នុ។ ជាមួយគ្នានេះ វិស័យសំណង់រីកដូចផ្សិត ដែលទាំងនេះបានឆ្លុះបញ្ចាំងតាមរយៈ ព្រឹត្តិការណ៍ពិព័រណ៍ដេគ័រ និងស្ថាបត្យកម្មឆ្នាំ២០១៩នេះ។ធ្វើនៅកោះពេជ្រ មានរយៈពេល ៣ ថ្ងៃ ពិធីពិព័រណ៍ផ្នែកដេគ័រ និងស្ថាបត្យកម្មកម្ពុជាលើកទី ៤ នេះ ចាប់ផ្តើមជាផ្លូវការថ្ងៃទី ៦ ទី៧ និងទី៨ ខែមិថុនានេះ ដែលរៀបចចំដោយដោយក្រុមហ៊ុន ICVeX និងសមាគមស្ថាបត្យករកម្ពុជា (CSA) ។យោងតាមសេចក្ដីប្រ្កកាសព័ត៌មានរបស់ក្រុមហ៊ុនពិព័រណ៍រយៈពេល ៣ ថ្ងៃនេះ មានក្រុមហ៊ុនចូលរួមតាំង បង្ហាញទាំងក្នុងស្រុក និងអន្តរជាតិមកពី ១៩ ប្រទេស ដែលមានផលិតផលតាំងបង្ហាញរហូតដល់ ១៨០ យីហោ។ថ្លែងបើកសម្ពោធកម្មវិធីនៅនេះ ឯកឧត្តម ឡៅ ទិព្វសីហា រដ្ឋលេខាធិការក្រសួងដែនដី នគរូបនីយកម្ម និងសំណង់បានបង្ហាញមោទនភាពចំពោះភាពរីកចម្រើនៃវិស័យសំណង់កម្ពុជា។លោកបានបន្ថែមថាកម្ពជាបានស្វាគមវិនិយោគិនបរទេសពីគ្រប់តំបន់មកស្វែងរកឱកាសវិនិយោគ ហើយជាក់ស្តែងក្រុមហ៊ុនជាច្រើនបានបោះជំហានចូលមកកម្ពជា​ ដោយបានវិនិយោគលើវិស័យជាច្រើន ពិសេសវិស័យសំណង់នេះឯង។លោកបញ្ជាក់ថា ពិព័រណ៍ដេគ័រ និងសំណង់ស្ថាបត្យកម្មកម្ពុជាគឺជាផ្នែកមួយដ៏សំខាន់ ដែលបានបង្ហាញឲ្យឃ់ើញកាន់តែច្បាស់ពីភាពរីកចម្រើនរបស់វិស័យទាំងមូល។លោក ឈីណាគីត វីផាវាគីត ដែលជាប្រធានគ្រប់គ្រងទូទៅរបស់ក្រុមហ៊ុនឈ្មោះ ICVeX មានប្រសាសន៍ថា  ក្រោយពីទទួលបានជោគជ័យសម្រាប់ពិព័រណ៍ឆ្នាំមុនៗ យើងមានក្តីសោមនស្សរីករាយក្នុងប្រកាស ធ្វើពិព័រណ៍លើកទី៤នេះ ក្រោមប្រធានបទ៖ «ការរចនាការិយាល័យ និងលំនៅដ្ឋានឲ្យកាន់តែល្អប្រសើរឡើង។»លោកបន្ថែមទៀតថា៖ «យើងជឿជាក់ថាវាពិតជាមានសារៈសំខាន់ណាស់ សម្រាប់មនុស្សយើង ក្នុងការទទួលបានបទពិសោធន៍រស់នៅ និងធ្វើការប្រកបដោយផាសុកភាព និងបរិស្ថានជុំវិញល្អ។»សមាគមស្ថាបត្យករកម្ពុជាក៏រៀបឲ្យមានការប្រកួតស្នាដៃរចនារបស់និស្សិត ដែលមានការចូលរួមពីនិស្សិត ៦ ក្រុម និងការធ្វើបទបង្ហាញលើប្រធានបទ «ទីក្រុង និងជីវិត» ម្ចាស់ជ័យលាភីនៃការប្រកួតនេះត្រូវបានទទួលស្គាល់ និងបានទទួលរង្វាន់ក្នុងកម្មវិធីបណ្តាញពាណិជ្ជករនាពេលល្ងាច និងប្រគល់ដោយអ្នកតំណាងមកពីក្រុមហ៊ុនសហការឧបត្ថម្ភផ្លូវការគឺ Kohler និងសមាគមស្ថាបត្យករកម្ពុជា។លើសពីនេះទៀត កម្មវិធីសិក្ខាសាលាត្រូវបានរៀបចំឡើងរយៈពេល ៣​ ថ្ងៃ ដើម្បីផ្តល់ចំណេះដឹង និងបទពិសោធន៍នានា ដល់អ្នកចូលរួម ទាក់ទងនឹងការអភិវឌ្ឍ ការរចនាតុបតែង ដេគ័រ និងគន្លឹះសំខាន់ៗជាច្រើនទៀត។​សូមចូលរួមដោយសេរី​ រយៈពេលបីថ្ងៃ ចាប់ពីថ្ងៃទី៦ ដល់​ទី ៨ ខែមិថុន ឆ្នាំ២០១៩ នៅសាលពិព័រណ៍កោះពេជ្រ!តាមដានព័ត៌មានថ្មីៗ ឬចង់ស្វែងរកអចលនទ្រព្យនៅកម្ពុជា សូមចូលទៅកាន់ Realestate.com.kh!

កសិ​ដ្ឋាន​បង្កាត់​​ពូជត្រី និង​ផលិត​ចំ​ណី​ត្រី​ដ៏ទំ​នើប​ដំ​បូង​គេ​នៅ​កម្ពុជា ដែល​បានទទួ​ល​ជំ​នួយ​ថវិកា​រ ពី​សហ​រដ្ឋ​អាមេរិក​នឹង​​ដាក់​ឲ្យ​ដំ​ណើរ​ការ​ដើម្បី​ភ្ញាស់​ពូជ​ត្រីនៅ​ខែ​មិថុ​នា​នេះ។ការចាប់ផ្តើម​​ផលិត​ចំ​ណី​ត្រីគឺ​​ត្រូវប្រើ​ប្រាស់​​សណ្តែក​សៀង​នាំ​ចូល​ពី​អាមេរិក​​ នេះ​បើ​យោង​តាម​សេច​ក្តី​ជូន​ដំ​ណឹង​របស់​សមាគម​សណ្ដែក​សៀង​អាមេរិក​ (ASA)។មាន​ទី​តាំង​នៅ​ខេត្ត​សៀម​រាប កសិ​ដ្ឋាន​បង្កាត់​​ពូជ និង​ចំ​ណី​នេះ គឺ​ជា​ផ្នែក​មួយ​នៃ​​គម្រោង​អភិវឌ្ឍន៍​វារីវប្បកម្ម​សម្រាប់​និរន្តរភាព​ពាណិជ្ជកម្ម​​នៅ​កម្ពុជា (CAST) ដែល​ត្រូវ​​បានអនុវត្ត​ដោយ​សមាគម​សណ្ដែក​សៀង​អាមេរិក​ (ASA) ហើយមាន​ការ​​​​គាំទ្រ​ថវិកា​ ១៧.១ ​លាន​​ដុល្លារ​​ពី​​ក្រសួង​​កសិកម្ម​អាមេរិក។​សេច​ក្តី​ប្រ​កាស​ព័ត៌​មាន​របស់​ ASA ចេញ​ផ្សាយ​នៅ​ថ្ងៃ​ទី​ ៣០ ឧសភា​បាន​ឲ្យ​ដឹង​ថា​៖​«​គម្រោង​អភិវឌ្ឍន៍​វារីវប្បកម្ម​សម្រាប់​និរន្តរភាព​ពាណិជ្ជកម្ម​​ នឹង​បង្កើន​ផលិត​កម្ម​ពូជ​ត្រី​ដែល​មាន​តម្រូវ​ការ​ខ្ពស់​សម្រាប់​ទី​ផ្សារ​កម្ពុជា និង​បន្ត​អភិវឌ្ឍន៍​ឧស្សា​ហ​កម្ម​ចិញ្ចឹមត្រី​»។ ASA បាន​បញ្ជាក់ថា​៖​«​ចំ​ណុច​ចម្បង​របស់គម្រោង​​នេះ​គឺ​ពង្រឹង​ផលិត​កម្ម​ត្រី​ក្នុង​ស្រុក​តាម​រយៈ​ការ​ភ្ញាស់​កូន​ត្រី​ និង​ចំ​ណី​​ដែល​មាន​គុណ​ភាព»។គម្រោង​ទាំង​មូល​មាន​គោល​ដៅ​​ដើម្បី​បង្កើន​លទ្ធភាព​ ក្នុង​ការ​បង្កាត់​ពូជ​ត្រី និង​ចំណី និង​​​ពង្រឹង​ទំនាក់ទំនង​ទាំង​អស់​​​ក្នុង​ចង្វាក់​តម្លៃនៃ​ផលិត​កម្ម​ត្រី​រាប់​​ចាប់​ពី​ការ​​ភ្ញាស់ ដល់​​​ក្រុមហ៊ុន​​ផលិត​ អ្នក​ទិញ​ និង​ក្រុមហ៊ុន​ចែកចាយ​។​គម្រោង​នេះ​នឹង​គ្រប​ដណ្ដប់​លើ​ទីផ្សារ​សំខាន់​ៗ​នៅ​ភ្នំពេញ ​សៀមរាប ​និង​ខេត្ត​ចំនួន ​៦ ដែល​​នៅ​​តាម​ដង​ទន្លេ ដូច​ជា​ខេត្ត​កណ្ដាល​ កំពង់​ចាម​ កំពង់​ធំ​ សៀម​រាប​ បាត់​ដំបង ​និង​ពោធិ៍​សាត់​។​ផលិត​កម្ម​ចិញ្ចឹម​ត្រី​នៅ​កម្ពុជា​មាន​កំ​ណើន​យ៉ាង​ខ្លាំង​ជា​ប្រ​ចាំ​ឆ្នាំ ដោយ​មាន​អត្រា​កំណើន​យ៉ាង​ហោច​ណាស់ ១៧ ភាគរយ​ក្នុង​មួយ​ឆ្នាំ​គិត​មក​ត្រឹម​ឆ្នាំ ២០១៧។ នេះ​បើ​យោង​តាម​ ASA។ គ្រាន់​តែ​ក្នុង​ឆ្នាំ ២០១៧ ផលិត​កម្ម​ការ​ចិញ្ចឹម​ត្រី​មាន​ទំហំ​រហូត​ដល់​ ២០ ម៉ឺន​តោន។តាមដានព័ត៌មានថ្មីៗ ឬចង់ស្វែងរកអចលនទ្រព្យនៅកម្ពុជា សូមចូលទៅកាន់ Realestate.com.kh!

ទំហំទឹកប្រាក់វិនិយោគមានការធ្លាក់ចុះបន្តិចរយៈពេល ៣ ខែចុងក្រោយក្នុងឆ្នាំ២០១៨ ប៉ុន្តែឆ្នាំបីខែដំបូង ឆ្នាំ២០១៩ នេះ ការវិនិយោគក្នុងវិស័យសំណង់មើលឃើញថាវានឹងកើន ឡើងវិញជាមួយនឹងទំហំទឹកប្រាក់ចំនួន ១.៨ ពាន់លាន ដុល្លារ នេះបើតាមរបាយការណ៍ទីផ្សារ ការិយាល័យត្រីមាសទី១ ឆ្នាំ២០១៩ របស់ក្រុមហ៊ុន CBRE។ទោះបីជាបរិបទនៃការសាងសង់ការិយាល័យទំនើបនៅមានលក្ខណៈក្មេងខ្ចីនៅក្នុងប្រទេសកម្ពុជាក៏ ដោយ ប៉ុន្តែគេសង្កេតឃើញថានិន្នាការនៃការផ្គត់ផ្គង់មានកំណើនឡើង ហើយតម្រូវការក្នុងរយៈពេលថ្មីៗនេះក៏កើនឡើងផងដែរ។បើយោងតាមការស្រាវជ្រាវេរបស់ CBRE បានឲ្យដឹងថា គេបានបែងចែកការផ្គត់ផ្គង់ការិយាល័យ ជា ៣ កម្រិត រួមមាន “A” “B” និង“C”។ ការផ្គត់ផ្គង់កម្រិត “c” បានចាប់ផ្តើមដំណើរការនៅក្នុងឆ្នាំ ២០០៨ ហើយវា មានការកើនឡើងជាលំដាប់រហូតដល់ឆ្នាំ ២០១៨។ ទោះបីជាការផ្គត់ផ្គង់នេះ មានការធ្លាក់ចុះបន្តិចនៅអំឡុងឆ្នាំ ២០១៨ តែតួលេខ បានបង្ហាញពីការកើនឡើងវិញនៅដើមឆ្នាំ២០១៩។ចំណែកឯការផ្គត់ផ្គង់កម្រិត “B” ចាប់ផ្តើមមានវត្តមាននៅក្នុងឆ្នាំ ២០០៩ ហើយកម្រិត “A” នៅឆ្នាំ២០១៤ ហើយបន្តកើនឡើងជាលំដាប់ផងដែរ។ ប៉ុន្តែគួរបញ្ជាក់ផងដែរថា ទោះបីជាការផ្គត់ផ្គង់កំរិត “B” និង “A” កើនឡើងក្តី ការប្រើប្រាស់ការិយាល័យកម្រិត “C” នៅតែមានប្រជាប្រិយភាពខ្លាំង ដែលជាមធ្យមមានការកាន់កាប់រហូតដល់ ៨៥.៩៦%។ទោះយ៉ាងណា លោក James Hewson ប្រធានផ្នែកស្រាវជ្រាវរបស់ក្រុមហ៊ុន CBRE បង្ហាញពីភាពវិជ្ជមាននៃការិយាល័យ កម្រិត A នៅពេលអនាគត។​ លោកលើកឡើងថាទោះបីជាក្នុងពេលបច្ចុប្បន្ន ការផ្គត់ផ្គង់កម្រិត “B” និង “C” កំពុងមានលក្ខណៈនាំមុខក៏ដោយ ប៉ុន្តែការផ្គត់ផ្គង់កម្រិត “A” នឹងកើនឡើងច្រើនក្នុងថ្ងៃអនាគត ដោយសារតែកំណើននៃទំនោរថ្មីនេះ បានចាប់ផ្តើមរួចហើយនៅពេលបច្ចុប្បន្ន។​លោកបានបន្ថែមទៀតថា ការផ្គត់ផ្គង់ការិយាល័យកម្រិត “A” ថែមទៀត នឹងហក់ចូលក្នុងទីផ្សារនៅក្នុងឆ្នាំ ២០២០ ដែលមានទីតាំងនៅកោះពេជ្រ។ បច្ចុប្បន្ន គម្រោងការិយាល័យចំនួន ២ ផ្សេងទៀត ដែលមានឈ្មោះថា Chief Tower និង Maritime Tower កំពុងបន្តសាងសង់​ ហើយគេរំពឹងថានឹងបញ្ចប់នៅត្រឹមឆ្នាំ២០២២ និង២០២៣ខាងមុខ។ក្រុមហ៊ុន CBRE រំពឹងទុកថាចាប់ពីត្រីមាសទី២ ឆ្នាំ២០១៩ រហូតដល់ ២០២៣ ការផ្គត់ផ្គង់ការិយាល័យកម្រិត A និង B និងមានដល់ ៣០ គម្រោង (ការិយាល័យកម្មសិទ្ធិផ្តាច់មុខ ១៦  និងការិយាល័យសហកម្មសិទ្ធិ ១៤ គម្រោង) ដែលមានផ្ទៃសាងសង់សរុបរហូតដល់ជាង ៦៤០,០០០ ម៉ែត្រការ៉េ។​ដោយសារមើលឃើញកំណើនយ៉ាងផុសផុលក្នុងការសាងសង់គម្រោងការិយាល័យនេះនៅក្នុងទី ក្រុង អ្នកជំនាញមានការរំពឹងទុកជាវិជ្ជមានចំពោះអនាគតនៃវិស័យមួយនេះ៕តាមដានព័ត៌មានថ្មីៗ ឬចង់ស្វែងរកអចលនទ្រព្យនៅក្នុងទីក្រុងភ្នំុពេញ សូមចូលទៅកាន់ Realestate.com.kh!

ទស្សនាវដ្ដីអចលនទ្រព្យកម្ពុជាត្រូវបានបោះពុម្ពផ្សាយបន្តបន្ទាប់គ្នាចំនួន ៨ លើករួចមកហើយ នៅក្នុងសប្តាហ៍នេះទស្សនាវដ្ដីអចលនទ្រព្យកម្ពុជាលេខ៩បានចេញផ្សាយជាផ្លុវការសម្រាប់ឆ្នាំ ២០១៩។នៅក្នុងការបោះពុម្ភផ្សាយលេខ ៩ នេះ ទស្សនាវដ្តីថ្មីនេះមានសម្រង់លម្អិត​​​​ព័ត៌​មាន ដែលបានផ្តោតសំខាន់​​លើ​វិ​ស័យ​សំ​ណង់​ និង​លំ​នៅ​ដ្ឋាន​នៅ​ក្នុងប្រទេសកម្ពុជា​ ដែលព័ត៌មានទាំងនេះនឹងក្លាយ ជា​មូល​ដ្ឋាន​នៃ​ការ​សម្រេច​ចិត្ត​របស់ប្រ​ជាជន​កម្ពុជា និង​វិនិយោគិន។របាយ​ការណ៍​នេះ​រួម​បញ្ចូល​ព័ត៌​មាន​ច្រើន​ប្រ​ភេទ​រាប់​ចាប់​ពី​កិច្ច​សម្ភាសន៍​អ្នក​ជំ​នាញ​ ប្រ​វត្តិ​ក្រុម​ហ៊ុន​ និង​អត្ថ​បទ​បែបវិ​ភាគ​ស៊ី​ជម្រៅ​ ដើម្បី​ផ្តល់​ជូន​មិត្ត​អ្នក​អាន​ពី​ព័ត៌​មាន​ថ្មី​ចុង​ក្រោយ​អំ​ពី​វិស័យ​អចលន​ទ្រព្យ​កម្ពុជា​ដែលជា​​វិ​ស័យ​ស្នូល​មួយ​ក្នុង​ការ​ជំ​រុញ​កំ​ណើន​សេដ្ឋ​កិច្ច។ទស្ស​នាវដ្តី​របស់​យើង​ទាំង​ស្រុង​នឹង​អាច​រក​អាន​បាន​ដោយ​ឥត​គិត​ថ្លៃ​នៅលើប្រព័ន្ធអនឡាញ។ លោក​អ្នក​គ្រាន់​តែ​ចូល​ទៅ​កាន់​គេហ​ទំ​ព័រ​របស់​យើង​ ហើយ​ទាញ​យក​ទស្សនាវដ្ដីឥលូវ​នេះ​ជា​ការ​ស្រេច។​លើសពីនេះទស្សនាវដ្ដីរាប់ពាន់ក្បាល ក៏មានបោះពុម្ភផ្សាយ និងចែកចាយបន្តនៅ​ការិ​យា​ល័យ​ភ្នាក់​ងារ​អចលន​ទ្រព្យ​  ហាង​កា​ហ្វេ សណ្ឋា​គារ និង ក្រុមហ៊ុននានានៅក្នុងទីក្រុងភ្នំពេញ និងតាមបណ្តាខេត្ត​។បើពិនិត្យពីស្ថានភាពនៃទីផ្សារអចលនទ្រព្យកម្ពុជានៅពេលបច្ចុប្បន្ននេះ វិស័យ​នេះ​បាន​រីក​ចម្រើន​យ៉ាង​ខ្លាំង​នៅ​រយៈ​ពេល​ពីរ ទៅ បី​ឆ្នាំ​ចុង​ក្រោយ​នេះ តាម​រយៈ​កំ​ណើនគម្រោង​​​សំ​ណង់អគារ​ និង​​ទុន​វិនិយោគដ៏ច្រើនពីសំណាក់វិនិយោគិនអន្តរជាតិ​។ ចំណែកវិនិយោគិន និងអ្នកទិញក្នុងស្រុកបោះទុនលើវិស័យនេះច្រើនគួរឲ្យកត់សម្គាល់ផងដែរ។អ្នក​ជំ​នាញ​ក្នុង​វិស័យ​នេះ​បាន​ព្យាករណ៍​ថា វិស័យ​ស្នូល​សម្រាប់​ជំ​រុញ​កំ​ណើន​សេដ្ឋ​កិច្ច​កម្ពុជា​មួ​យ​នេះ​នឹង​បន្ត​រីក​ចម្រើន​ជា​លំ​ដាប់​ ហើយកម្ពុជា​​នឹង​ក្លាយ​ជា​ទី​តាំង​​​ដ៏​គួរ​ឲ្យ​ចាប់​អារម្មណ៍​​មួយ​នៅ​ក្នុង​តំ​បន់​អា​ស៊ាន​។ព័ត៌​មាន​លម្អិត​ទាំង​ទិន្ន​ន័យ និង​ការ​ស្រាយ​បំ​ភ្លឺ​ស្តី​ពី​វិ​ស័យ​អចល​ន​ទ្រព្យ​កម្ពុជា​នៅ​ក្នុង​ទស្សនា​វដ្តី​នេះ​ គឺ​ជា​អ្វី​ដែល​ប្រ​ជាជន​កម្ពុជា និង​វិនិយោគិន​មិន​ត្រូវ​មើល​រំ​លង​ ហើយ​យើង​រំ​ពឹង​ថា​ វា​នឹង​ដើរ​តួរ​នា​ទី​សំ​ខាន់​សម្រាប់​ពាណិជ្ជ​ករ​នៅ​កម្ពុជា។សូម​ទាញ​យក​ទស្សនា​វដ្ឋី​របស់​យើង​ឥ​លូវ​នេះ!

គេហទំព័រ Realestate.com.kh ដែលផ្តល់សេវាកម្មផ្សព្វផ្សាយអចលនទ្រព្យធំបំផុតនៅកម្ពុជាបានសហការជាដៃគូជាមួយគេហទំព័រអចលនទ្រព្យដ៏ធំមួយរបស់ចិឈ្មោះថា Fang.com។ Fang.com គឺជាគេហទំព័រ​ឈានមុខគេមួយផ្នែកឧស្សាហកម្មអចលនទ្រព្យនៅប្រទេសចិនដីគោក។ ដែលផ្តោត​លើការច្នៃប្រឌិតតាមអ៊ីនធើចំពោះផ្ទះថ្មីៗ ផ្ទះសម្រាប់លក់បន្ត ការជួលផ្ទះ ការតុបតែងផ្ទះ ការស្រាវជ្រាវផ្នែកឧស្សាហកម្មអចលនទ្រព្យ​ ។ល។ ហើយវាបានក្លាយជាកម្មវិធី​អនឡាញ​ផ្នែកអចលនទ្រព្យ ឈានមុខគេកម្រិតខ្ពស់បំផុតសម្រាប់កុំព្យូទ័រ  និងទូរស័ព្ទដៃដែលជំរុញទីផ្សារកាន់តែទូលំទូលាយ។ចាប់តាំងពីការបង្កើតគេហទំព័រនេះមក ក្រុមហ៊ុន Fang បានបញ្ចេញភាពខ្លាំងរបស់ខ្លួនទៅលើបច្ចេកវិទ្យាទំនើប ដូចជាទិន្នន័យធំ និងបច្ចេកវិទ្យា AI (artificial intelligence) ។ នៅដើមឆ្នាំ ២០១៨ ក្រុមហ៊ុនបានបង្កើតកម្មវិធី cloud ចំនួនបីដូចជា ៖ “Agent Cloud”, “Development Cloud” និង “Home Cloud” ដែលអនុញ្ញាតឱ្យអ្នកប្រើ អាចប្រើកម្មវិធីសំខាន់ៗទាំងបីនេះបាន។ ការវិភាគទិន្នន័យដ៏ធំនេះគឺដើម្បីជួយដល់ដៃគូក្នុងការកំណត់ សក្តានុពលទីផ្សារតាមរយៈការភ្ជាប់អតិថិជនដែលជាអ្នកផ្គត់ផ្គង់ និងជាអ្នកប្រើប្រាស់ និងផ្តល់ឱ្យពួកគេនូវ ប្រព័ន្ធសេវាកម្មដែលមានប្រសិទ្ធភាព និងឆ្លាតវៃដែលនាំមកនូវលទ្ធផលគ្រប់គ្រង និងបទពិសោធន៍ កាន់តែល្អជាងមុន។ក្នុងរយៈពេលពី ៣ ទៅ ៥ ឆ្នាំខាងមុខទៀត ក្រុមហ៊ុន Fang.com នឹងប្រកាន់ខ្ជាប់ការចែករំលែកនូវ គុណសម្បត្តិបច្ចេកវិទ្យាជាមួយដៃគូនៅក្នុងឧស្សាហកម្មគេហដ្ឋានដើម្បីលើកកម្ពស់ទីផ្សារបន្ថែម។យោងតាមទិន្នន័យដែលពាក់ព័ន្ធ បច្ចុប្បន្ននេះ Fang.com គ្របដណ្តប់នៅក្នុងទីក្រុងចំនួន ៦៥៨ មាន ២៤ ប្រទេសជុំវិញពិភពលោក។ មានអ្នកចូលមើល ១២០ លាននាក់ជារៀងរាល់ខែ អ្នកចុះឈ្មោះប្រើប្រាស់ ១១០ លាននាក់ អ្នកប្រើប្រាស់បង់ប្រាក់ ៣០ លាននាក់ និងអ្នកប្រើញឹកញាប់ ១. ពាន់លាននាក់។ជាពិសេសចំនួននៃអ្នកប្រើក្នុងការទិញ និងចូលប្រើសេវាកម្មម្តងទៀតមានចំនួនជាមធ្យម ៤៥ លាននាក់។ ចំនួនអ្នកប្រើអាជីវកម្មដូចជាភ្នាក់ងារ និងអ្នករចនាគេហដ្ឋានមានចំនួន ៥.៦៧ លាននាក់ខណៈដែលចំនួន អ្នកប្រើប្រាស់ដែលចូលរួមក្នុងការទិញ ឬចូលប្រើម្តងទៀតមានចំនួន ៩៨ លាននាក់។Fang.com បានសម្រេចនូវការអភិវឌ្ឍដ៏ទូលំទូលាយមួយនៅក្នុងបច្ចេកវិទ្យាទូរស័ព្ទចល័ត ផលិតផល និងការធ្វើទីផ្សារ ដែលក្តោបក្តាប់លើទីផ្សារអចលនទ្រព្យនៅក្នុងផ្នែកទូរស័ព្ទចល័ត។ រហូតមកដល់ពេលនេះ ចំនួនអ្នកប្រើប្រាស់កម្មវិធី (APP) នៅក្នុងពិភពលោកមានលើសពី ២០០ លាននាក់ ហើយរយៈពេលប្រើប្រាស់ ជាមធ្យមរបស់ APP មានចំនួន ៤.០៤ លានម៉ោងក្នុងមួយខែដែលមានន័យថាមានអ្នកទិញគោលដៅមានចំនួន ១៣ លាននាក់ជារៀងរាល់ថ្ងៃ។យោងតាមទិន្នន័យពី iResearch នៅខែមករា - កុម្ភៈ ឆ្នាំ ២០១៨ ចំនួននៃ MAUs (អ្នកប្រើប្រាស់សកម្មប្រចាំខែ) របស់គេហទំព័រ Fang.com នៅលើកុំព្យូទ័រមានគំលាតឆ្ងាយជាងដៃគូប្រជែងរបស់ខ្លួន។      យោងតាមទិន្នន័យពី iResearch ខែកុម្ភៈ ឆ្នាំ ២០១៨ ចំនួនអ្នកចូលមើល និងរយៈពេល (ម៉ោង) នៃការរុករកដែលមានប្រសិទ្ធភាពប្រចាំខែនៅលើគេហទំព័រ Fang.com តាមរយៈកុំព្យូទ័រ គឺលើសពីដៃគូប្រកួតប្រជែងរបស់ពួកគេឆ្ងាយ។មានអ្វីនៅលើគេហទំព័រ Fang.com?កាតាឡុក៖ - គម្រោងថ្មីៗ- លក់បន្ត និងភតិសន្យា- ទិញ និងជួល- អគារជួសជុលឡើងវិញ- តម្លៃមធ្យម (តាមតំបន់ និងកន្លែងស្នាក់នៅ)- កន្លែងសម្រាប់ការិយាល័យ- កន្លែងសម្រាប់ហាងទំនិញផ្ទាំងមុខងារ៖- ប្រអប់ឧបករណ៍សម្រាប់អ្នកទិញ- វេទិកាសម្រាប់ម្ចាស់អចលនទ្រព្យ- ប្រជាប្រិយភាព និងការវាយតម្លៃ- គោលការណ៍ណែនាំ និងការអប់រំ- ព័ត៌មាន និងទំនោរក្នុងវិស័យអចលនទ្រព្យ- ហិរញ្ញវត្ថុ និងវិស័យពាក់ព័ន្ធ- ទីផ្សារអន្តរជាតិ- វិចិត្រសាល (រូបភាពគម្រោងពីលើអាកាស និងវីដេអូ)កម្មវិធីរបស់ Fang.comប្រព័ន្ធផ្សព្វផ្សាយសង្គមFang.com បានបង្កើត និងធ្វើឱ្យប្រសើរឡើងនូវមូលដ្ឋានទិន្នន័យនៃការចុះបញ្ជីអចលនទ្រព្យក្នុងស្រុកនៅ ប្រទេសចិន។ លើសពីនេះទៅទៀតក្រុមហ៊ុនបានដើរតាមទំនោរទីផ្សារអនឡាញ​ដោយ យកចិត្តទុកដាក់ តាមរយៈការដាក់ឱ្យប្រើ WeChat, Weibo បានលឿន។ ទាំងមាតិកា និងកម្មវិធីចរាចរសំខាន់ៗដទៃទៀត នាពេលបច្ចុប្បន្ន ព្រមទាំងបានចេញផ្សាយនូវមាតិកាដែលមានគុណភាពខ្ពស់ជាច្រើននាំឱ្យបង្កើតបាន ម៉ាកយីហោដ៏រឹងមាំរបស់ខ្លួន។ រហូតមកដល់ពេលនេះ Fang.com បានទទួលការចូលមើលជាមធ្យមប្រចាំថ្ងៃជាង ៧ លាននាក់ និងអ្នកគាំទ្រច្រើនជាង ៥ លាននាក់នៅលើប្រព័ន្ធផ្សព្វផ្សាយសង្គមរបស់ខ្លួន។ វាបានក្លាយជាកម្លាំង ដ៏ខ្លាំងក្លាមួយដើម្បីជំរុញឱ្យមានទិន្នន័យដ៏ធំនៃឧស្សាហកម្មអចលនទ្រព្យរបស់ប្រទេសចិន។ហេតុអ្វីវាមានសារៈសំខាន់ក្នុងការធ្វើការជាមួយ Fang.com?Fang.com Overseas Real Estate ត្រូវបានបង្កើតឡើងក្នុងឆ្នាំ ២០១០ ។ ការចុះបញ្ជីអចលនទ្រព្យរបស់ពួកគេ មាននៅសហរដ្ឋអាមេរិក អូស្ត្រាលី ជប៉ុន ចក្រភពអង់គ្លេស សិង្ហបុរី ក្រិក ម៉ាឡេស៊ី កាណាដា ។ល។ បានផ្តល់ភាព ជោគជ័យដល់អ្នកអភិវឌ្ឍន៍ និងភ្នាក់ងារអចលនទ្រព្យនៅបរទេសច្រើនជាង ២០០ មកហើយ។ ផ្តល់ជូននូវសេវាកម្ម ជាច្រើនដូចជាការប្រឹក្សាយោបល់ ការស្វែងរកផ្ទះ ការលក់និងការជួល។ សំខាន់ជាងនេះទៀតជួយអតិថិជនក្នុង​ ការចរចារជាមួយអ្នកទិញជនជាតិចិនដោយមិនចាំបាច់ចាកចេញពីប្រទេសរបស់ពួកគេតាមរយៈកម្មវិធីគេហទំព័រទូលំទូលាយរបស់ខ្លួន និងការផ្សព្វផ្សាយតាមអនឡាញសម្រាប់អ្នកអភិវឌ្ឍន៍ និងភ្នាក់ងារដែលចង់បានផលចំណេញ ពីទីផ្សារធំនៅក្នុងប្រទេសចិន ឬប្រតិបត្ដិការប្រកបដោយវិជ្ជាជីវៈជំនួសដៃគូដែលមិនចង់បើកអាជីវកម្ម​ផ្ទាល់ នៅប្រទេសចិន។​​​ ថ្មីៗនេះក្រុមហ៊ុន Fang.com បានក្លាយជាដៃគូរតែមួយគត់ជាមួយក្រុមហ៊ុន Realestate.com.kh ដើម្បីពង្រីកអាជីវកម្ម និងសេវាកម្មរបស់ខ្លួនទៅក្នុងទីផ្សារអចលនទ្រព្យនាពេលខាងមុខនៅប្រទេសកម្ពុជា ដែលវិនិយោគិនចិនបានដើរតួនាទីឈានមុខគេក្នុងរយៈពេលប៉ុន្មានឆ្នាំចុងក្រោយនេះផងដែរ។ អាចនិយាយបានថាភាពជាដៃគូរវាងគេហទំព័រអចលនទ្រព្យទាំងពីរនេះនឹងក្លាយជាការចងភ្ជាប់ដ៏រឹងមាំសម្រាប់ អ្នកដែលកំពុងប្រតិបត្តិការ ឬកំពុងរៀបចំផែនការប្រតិបត្តិការនៅក្នុងទីផ្សារអចលនទ្រព្យ SinoCam ។តាមដានព័ត៌មានថ្មីៗ ឬចង់ស្វែងរកអចលនទ្រព្យនៅក្នុងទីក្រុងភ្នំុពេញ សូមចូលទៅកាន់ Realestate.com.kh!

ភ្នំពេញ៖ លោក​នាយក​រដ្ឋ​មន្រ្តី​ ហ៊ុន សែន នា​ថ្ងៃ​ច័ន្ទ​នេះ​បាន​ប្រ​កាស​ថា​ទី​ក្រុង​ភ្នំពេញ​នឹង​មិន​មាន​ការ​ផ្តាច់​ចរន្ត​អគ្គី​ស​នី​ទៀត​ឡើយ​ចាប់​ពី​ឆ្នាំ​ក្រោយ​ទៅ ដោយ​បញ្ជាក់​ថា​រដ្ឋា​ភិ​បាល​បាន​រៀន​សូត្រ​ពី​​​ពេល​វេលា​ដ៏​លំបាក​នៃ​ការ​ខ្វះ​ចរន្ត​អគ្គី​ស​នី​នា​រដូវ​ក្តៅ​ឆ្នាំ​នេះ​ ហើយ​នឹង​​ត្រៀម​ខ្លួនឲ្យ​បាន​ល្អ​​សម្រាប់​​​​ឆ្នាំ​ក្រោយៗ​។  ថ្លែង​ក្នុង​ពិ​ធី​ប្រ​គល់​សញ្ញា​បត្រ​ដល់​និសិត្យ​បញ្ចប់​ការ​សិក្សា​ពីសកល​វិទ្យាល័យ​ភូមិន្ទ​ភ្នំ​ពេញ (RUPP) នៅ​ថ្ងៃ​ច័ន្ទ​ទី ៣ មិថុនា លោក​នាយក​រដ្ឋ​មន្រ្តី​បាន​លើក​ឡើង​ថា​រដ្ឋា​ភិ​បាល​នឹង​ត្រៀម​ប្រ​ភព​ថាម​ពល​ឲ្យ​បានគ្រប់​គ្រាន់​ចាប់​ពី​ឆ្នាំ​ក្រោយ​ទៅ ដើម្បី​ធានា​ថា​ការ​ផ្គត់​ផ្គង់​នឹង​ឆ្លើយ​តម​តាម​តម្រូវ​ការ​។លោក​បន្ត​ថា ទី​ក្រុង​ភ្នំពេ​ញ​នឹង​ត្រូវ​ត្រៀម​ថាម​ពល​បន្ថែម​ ៤០០ មេ​ហ្គាវ៉ាត់ នៅ​ឆ្នាំ​ក្រោយតាម​រយៈ​ការ​ប្រើ​ប្រាស់​ម៉ា​ស៊ី​ន​ភ្លើង​ដើរ​ដោយ​ឥន្ធនៈ ​ដើម្បី​ធា​នា​ឲ្យ​មាន​ការ​ផ្គត់​ផ្គង់​គ្រប់​គ្រាន់ ​បើ​ទោះ​បី​ជា​មិន​មាន​ការ​ផ្គត់​ផ្គង់​អគ្គី​ស​នីពី​វា​រី​អគ្គី​សនី​នា​រដូវ​ក្តៅ​ក្តី។ ​​លោក​នាយក​រដ្ឋ​មន្រ្តី​ ហ៊ុន សែន ថ្លែង​ថា​៖​«​ទី​ក្រុង​ភ្នំពេញ​ត្រូវតែ​​ត្រៀម​[ថាម​ពល] ទុក​ ៤០០ មេ​ហ្គាវ៉ាត់នៅ​ក្បែរ​​ដៃហ្មង​។ ឥលូវ​ បាន​អនុ​ម័ត​ថវិការ​ ហើយ​​​ក៏​បាន​ចាប់​ផ្តើម​បញ្ជា​ទិញ​ [ម៉ា​ស៊ីន​ភ្លើង] រួច​ហើយ​​ធ្វើ​យ៉ាង​ណា​ខែ​ ១០ [ខែ​តុលា​] តម្លើង​ឲ្យ​ហើយ​»។ លោក​បន្ត​ថា ក្នុង​ចំ​ណោម​ថាម​ពល ត្រៀម​ទុក​ ៤០០ មេ​ហ្គាវ៉ាត់ ការ​ផលិត​ថាម​ពល​ពី​ម៉ាស៊ីន​បញ្ជា​ទិញ​ពី​ហ្វាង​ឡង់មាន​អនុ​ភាព​ ២០០ មេ​ហ្គា​វ៉ាត់ និង​ ២០០​ មេហ្គា​វ៉ាត់​ផ្សេង​ទៀត​ជា​ម៉ា​ស៊ីន​ភ្លើង​បញ្ជា​ទិញ​ពី​អា​ឡឺ​ម៉ង់។លោក​បញ្ជាក់ថា​៖​«​ពេល​ណា​វា​រី​អគ្គីស​នី​​ផលិត​​ភ្លើង​​មិន​​គ្រប់​គ្រាន់​ថាម​ពល​ពី​ម៉ា​ស៊ីន នេះ​បុក​ចូល​ទី​ក្រុង​ភ្នំ​ពេ​ញ​។ ឆ្នាំ​ក្រោយ​ទី​ក្រុង​ភ្នំពេញគ្មាន​ហេតុ​ផល​និ​យាយ​ថា​ខ្វះ​អគ្គីសនី ហើយ​ត្រូវ​កាត់​ទេ»។   កម្ពុជា​បាន​ជួប​ប្រទះ​ការ​ដាច់​ភ្លើង​ទូទាំង​ប្រទេស​នៅ​ក្នុង​រយៈពេល​​ជាង ​២ ​ខែ​ ចាប់​តាំង​ពី​ពាក់​កណ្ដាល​ខែ​មីនា​ មក​ដល់​ពាក់​កណ្ដាល​ខែ​ឧសភា ដែល​បាន​ប៉ះ​ពាល់​យ៉ាង​ខ្លាំង​ដល់​ប្រ​តិ​បត្ត​ការ​អាជីវ​កម្ម​នា​នា​ចាប់​ពី​អាជីវ​កម្ម​ខ្នាត​តូច ខ្នាត​មធ្យម និង​ខ្នាត​ធំ។បញ្ហា​នេះ​គឺ​ដោយ​សារ​កង្វះ​ការ​ផ្គត់​ផ្គង់​អគ្គី​សនី​នា​រដូវ​ក្តៅ ដោយ​សារ​កម្រិត​ទឹក​តិច​ពេក ដែល​វា​បាន​ប៉ះ​ពាល់​​ដល់​ការ​ផលិត​ថាម​ពល​ពី​ប្រ​ភព​វា​រី​អគ្គី​ស​នី។ រដ្ឋា​ភិ​បាល​ក៏​បាន​បញ្ជាក់​ដែរ​ថា ការ​កើន​ឡើង​នៃ​​តម្រូវ​ការ​អគ្គីស​នី​ យ៉ាង​លឿន​រហ័ស​ជា​ពិ​សេស​ពី​វិ​ស័យ​សំ​ណង់​ដែល​បាន​កើន​ឡើង​ខ្លាំង ក៏​ជា​កត្តា​យ៉ាង​សំ​ខាន់​ធ្វើ​ឲ្យ​មាន​ការ​ប៉ះពាល់​ដល់​ស្ថិរ​ភាព​ការ​ផ្គត់​ផ្គង់​អគ្គី​ស​នី។យោង​តាម​ទិន្ន​ន័យ​រដ្ឋា​ភិ​បាល ក្នុង​រយៈ​ពេល​បួន​ខែ​ដំ​បូង​ឆ្នាំ ២០១៩ នេះ រដ្ឋា​ភិ​បាល​បាន​អនុ​ម័ត​លើគម្រោង​ស្នើរ​សុំ​វិនិយោគ​លើ​វិ​ស័យ​សំ​ណង់​ចំ​នួន ១,៤២០ គម្រោង​ ដែល​កើន​ឡើង​ ២១ ភាគរយ​ពី ១,១៧១ គម្រោង​ក្នុង​រយៈ​ពេល​ដូ​ចគ្នា​កាល​ពី​ឆ្នាំ​២០១៨។ គម្រោង​ដែល​បាន​អនុម័ត​នេះ​មាន​តម្លៃ​ជា​ទឹក​ប្រាក់ ២,៧ ពាន់​លាន​ដុល្លារ​ ដែល​កើន​ឡើង​ ៦៧ ភាគរយ​ពី​រយៈ​ពេល​ដូ​ច​គ្នា​ឆ្នាំ ២០១៨៕តាមដានព័ត៌មានថ្មីៗ ឬចង់ស្វែងរកអចលនទ្រព្យនៅក្នុងទីក្រុងភ្នំុពេញ សូមចូលទៅកាន់ Realestate.com.kh!