ទីផ្សារអចលនទ្រព្យនៅក្នុងប្រទេសថៃនៅតែមានលក្ខណៈល្អប្រសើរ បើទោះបីជាការសាងសង់ អគារខ្ពស់មានចំនួនច្រើនខ្លាំង រីឯតម្រូវការ​ និងការទិញ-លក់ហាក់មានការថយចុះក៏ដោយ នេះបើតាម របាយការណ៍ CBRE របស់ថៃក្នុងឆមាសទី១ ឆ្នាំ២០១៩។ បើយោងតាមបាយការណ៍ការរស់ នៅសកលប្រចាំឆ្នាំរបស់ CBRE បានបង្ហាញថា អចលនទ្រព្យនៅក្នុងទីក្រុង បាងកកត្រូវបានគេចាត់ទុកថាមានតម្លៃខ្ពស់ធៀបទៅនឹងទីក្រុងធំៗផ្សេងទៀតក្នុងតំបន់អាស៊ីដូចជា៖ សិង្ហបុរី និងសៀងហៃ។ ក្នុងចំណោមអគារខ្ពស់រាប់ពាន់អគារ King Power Mahanakhon គឺគម្រោងអភិវឌ្ឍន៍ចម្រុះដ៏ធំជាងគេមួយ និងជាអគារខ្ពស់បំផុតលំដាប់ទី ២ នៅក្នុងទីក្រុងបាងកក ដែលមានកម្ពស់ ៧៨ ជាន់ ស្មើនឹង ៣១៤ ម៉ែត្រ ខណៈអគារខ្ពស់លំដាប់ទី ១ គឺអគារ Magnolias Waterfront Residences Iconsiam ដែលមានកម្ពស់ ៣១៨ ម៉ែត្រ។ King Power Mahanakhon បានដាក់ដំណើរជាផ្លូវការនៅឆ្នាំ២០១៦ និងបានស្វាគមន៍ភ្ញៀវទេសចរណ៍ ជាតិ និងអន្តរជាតិ ដ៏ច្រើនសន្ធឹកសន្ធាប់ជារៀងរាល់ថ្ងៃ។​ ទីក្រុងបាងកកគឺជាទីក្រុងដែលទទួលបានភ្ញៀវទេសចរច្រើនជាងគេទីពីរបន្ទាប់ពីទីក្រុងហុងកុង។ នេះយោងតាមរបាយការណ៍របស់ Euromonitor International​ ឆ្នាំ ២០១៨ ស្តីអំពីទីក្រុងទិសដៅទេសចរណ៍ ទាំង ១០០។ នៅក្នុងឆ្នាំ ២០១៨ ចំនួនអ្នកទេសចរពីកម្ពុជាមានរហូតដល់ ១,២៣០,៤៧៣ នាក់ ដែលចូលទៅក្នុងប្រទេសថៃក្នុងគោលដៅទេសចរណ៍ ការពិនិត្យសុខភាព និងការកម្សាន្តជាមួយ របៀបរស់នៅបែបស៊ីវិល័យ។ពាក់ព័ន្ធវិស័យអចលនទ្រព្យ ក្នុងចំណោមបណ្តុំពាណិជ្ជកម្មអាស៊ី​ ទីផ្សារអចលនទ្រព្យរបស់ទីក្រុងបាងកកគឺមានភាពទាក់ទាញខ្លាំង សម្រាប់ទាំងការរស់នៅ និងសកម្មភាពអាជីវកម្មផ្សេងៗ។ វិស័យលំនៅដ្ឋានមានភាពទាក់ទាក់ទាញដោយហេតុថា បាងកក បានប្រមូលផ្តុំដោយភាពស៊ីវិល័យ របៀបរស់នៅមួយដ៏លេចធ្លោក្នុងណោមប្រទេសរីកចម្រើនក្នុងតំបន់អាស៊ី។​ តួយ៉ាងដូចជា គម្រោងខុនដូកប់ពពក របស់ King Power Mahanakhon បានបន្ថែមភាពទាក់ទាញមួយកម្រិតទៀត ទៅដល់ទីក្រុងមួយនេះទាំងផ្នែកទេចរណ៍ និងលំនៅដ្ឋានលំដាប់អន្តរជាតិ។ លោក Marc Begassat នាយកគ្រប់គ្រងរបស់អគារ King Power Mahanakhon បានមានប្រសាសន៍ថា វាពិតជាឱកាសមួយដ៏កម្រក្នុងការក្លាយជាម្ចាស់លំនៅដ្ឋាននៅក្នុងអគារដ៏ល្បីល្បាញ និងលេចធ្លោមួយនេះ។ លោក Marc ជឿជាក់ថា King Power Mahanakhon អាចផ្តល់ជូននូវបទពិសោធការរស់នៅប្រកបដោយភាពប្រណិតក្នុងទីក្រុង។ តើ King Power Mahanakhon មានលក្ខណៈពិសេសអ្វីខ្លះ? អគារនេះមានទីតាំងស្ថិតនៅក្នុងតំបន់ពាណិជ្ជកម្ម Sathorn នៃទីក្រុងបាងកក ហើយក៏ជិតស្ថានីយរថភ្លើងអាកាស Chong Nonsi BTS ផងដែរ។  The Ritz-Carlton Residences ជាឈ្មោះរបស់គម្រោងលំនៅដ្ឋាននៅក្នុងអគារដ៏ធំនេះ។ លំនៅដ្ឋាននៅ ក្នុងអគារនេះមានចាប់ពីជាន់ទី ២៣ ដល់ទី​ ៧៣ និងមានយូនីតសរុបចំនួន ២០៩ យូនីត ជាមួយទំហំចាប់ពី ១៣៥ ម៉ែត្រការ៉េ ទៅ ៤៤៧ ម៉ែត្រការ៉េ​ ក្នុងនោះយូនីតនីមួយៗមានចាប់ពី ២ ទៅ ៤ បន្ទប់គេង។ អគារទាំងមូល ព្រមទាំងការរចនាផ្ទៃខាងក្នុង ត្រូវបានធ្វើឡើងដោយវិស្វករជនជាតិបារាំង David Collins studio។​ គ្រប់ផ្នែក គ្រប់យ៉ាងត្រូវបានបង្កើតឡើងដោយរំលេចចេញនូវភាពល្អិត នៃការចនាបែបឥតខ្ចោះ អមបដោយបរិក្ខា និងសម្ភារៈតុបតែងលំដាប់អន្តរជាតិ។ ចំពោះកម្មសិទ្ធិនៅ The Ritz-Carlton Residences អ្នកទិញនឹងទទួលបានកម្មសិទ្ធិកាន់កាប់រហូត។  ត្រង់ចំណុចនេះ អ្នកតំណាងរបស់ CBRE ប្រទេសថៃ បានឲ្យដឹងាថានៅក្នុងទីក្រុងបាងកកមានតែគម្រោង ៧ ទៅ ៨ ប៉ុណ្ណោះ ដែលផ្តល់ជូនកម្មសិទ្ធិកាន់កាប់រហូត (Freehold) បែបនេះ។ The Ritz-Carlton Residences ផ្តល់ជូនសេវាកម្មលំដាប់ផ្កាយ ៥ ក្នុងនោះនៅជាន់ទី ៥៤ ម្ចាស់យូនីតអាចរីករាយក្នុងការអានសៀវភៅនៅបណ្ណាល័យ កន្លែងទទួលភ្ញៀវ បារ កន្លែងទទួលទានអាហារ ផ្ទះបាយ ទីធ្លារអង្គុយលេង បន្ទប់ប្រជុំ និងបន្ទប់មើលទូរទស្សន៍។ បន្ថែមលើសពីនេះទៀត ម្ចាស់យូនីតក៏អាចប្រើប្រាស់បានសេវាកម្មជាច្រើននៅជាន់ទី ៧ បានផងដែរ ដែលមានដូចជា៖​ កន្លែងហាត់ប្រាណ អាងហែលទឹក កន្លែងអង្គុយលេង កន្លែងមើលកុនលក្ខណៈបុគ្គល បារខ្នាតតូច បន្ទប់លេងហ្គេម ស្ទូឌីយ៉ូ បន្ទប់សម្រាប់ក្មេងៗ និងផ្សេងៗទៀត។គម្រោងនេះមានចំណតរថយន្តសរុបចំនួន ៥៩៩ កន្លែង បែងចែកជាចំណតធម្មតា ២០០ កន្លែង និងចំណតស្វ័យប្រវត្តិ ៣៩៩ កន្លែង។ ដោយសារនេះជាគម្រោងអភិវឌ្ឍនចម្រុះ ក្រៅពីលំនៅដ្ឋាន នៅជាន់លើបំផុត មានជា Mahanakhon SkyWalk ជាទីលំហដ៏ខ្ពស់ជាងគេក្នុងប្រទេសថៃ មានស្កាយបារ និងភោជនីយដ្ឋានខ្ពស់ជាងគេក្នុងប្រទេសថៃ ចំណែកជាន់ក្រោមចំនួន ៣ ជាន់ជាហាងលក់រាយ និងគ្រឿងសំអាង។ ក្រៅពីនេះនៅក្នុងអគារនេះមានជាសណ្ឋាគារលំដាប់ពិភពលោក Orient Express Hotel ដែលនិងក្លាយជាគោដៅថ្មីមួយសម្រាប់ការស្នាក់នៅរបស់អ្នកដំណើរ។ ប្រសិនបើនិយាយអំពីតម្លៃវិញ ដោយសារ The Ritz-Carlton Residences មានគោលដៅចាប់យកអតិថិជនលំដាប់សេដ្ឋី និងអ្នកជំនួញធំៗនៅទូទាំងពិភពលោក ដូចនេះវាមិនមានអ្វីគួរឲ្យភ្ញាក់ផ្អើលទេ ដែលតម្លៃហាក់មានកម្រិតខ្ពស់ជាងអចលនទ្រព្យធម្មតា។ ជាក់ស្តែងយូនីតរបស់ The Ritz-Carlton Residences មានតម្លៃចាប់ពីជាង ១.៣ លានដុល្លារ ឬជាង ១ ម៉ឺនដុល្លារក្នុងមួយម៉ែត្រការ៉េឡើងទៅ៕បើគេក្រឡេកមើលកម្ពុជាវិញ នៅក្នុងទីក្រុងភ្នំពេញក៏មានអចលនទ្រព្យប្រើប្រាស់ចម្រុះស្រដៀងគ្នានេះដែរ គឺសណ្ឋាគារ និងរមណីយដ្ឋាន Rosewood ដែលស្ថិតនៅក្នងអគារវឌ្ឍនៈ ប៉ុន្តែ Rosewood មិនធំខ្លាំងដូច King Power Mahanakhon នោះទេ៕ ចង់ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ ឬអចលនទ្រព្យសម្រាប់ជួលនៅក្នុងទីក្រុងភ្នំពេញ សូមចូលទៅកាន់ Realestate.com.kh!

យោងតាមរបាយការណ៍ស្តីពីការប្រមូលចំណូលពីពន្ធ និងអាករលើទំនិញនាំចូល ដែលទទួលបាន បន្ទាប់កិច្ចប្រជុំបូកសរុបការងារគយ និងរដ្ឋាករប្រចាំឆមាសទី១ ឆ្នាំ២០១៩ នៅក្នុងខែកក្កដានេះ បានបង្ហាញថា​ ពន្ធលើទំនិញនាំចូលប្រមាណជា ៦៥% នៃផែនការប្រចាំឆ្នាំដែលបានប្រមូលនៅត្រឹមឆមាសទី១ ឆ្នាំ ២០១៩ នេះ។ នេះបើតាមការចុះផ្សាយដោយ Fresh News។ ពន្ធកើនឡើង ២៥% ធៀបនឹងរយៈពេលដូចគ្នាឆ្នាំ២០១៨នៅរយៈពេល ៦ខែ ឆ្នាំ២០១៩ កម្ពុជាប្រមូលពន្ធលើការនាំចូលទំនិញពីបណ្តាប្រទេសផ្សេងៗ ប្រមាណ ១,៤៧៥លានដុល្លារអាមេរិក ដែលកើនឡើង ២៥.៥% ស្មើនឹងប្រមាណ ៣០០លានដុល្លារអាមេរិក បើធៀប ៦ ខែដំបូងក្នុងឆ្នាំ២០១៨។ របាយការណ៍បានបង្ហាញថា ក្នុងរយៈពេលដូចគ្នាក្នុងឆ្នាំ២០១៨ ចំណូលតាមប្រភេទពន្ធ និងអាករសំខាន់ៗដែលប្រមូលដោយគយមានកំណើនគួរឲ្យកត់សម្គាល់។ ក្នុងនោះ ពន្ធគយ (ពន្ធនាំចូល) មានកំណើនជាង ៣៣.៨% អាករពិសេសកើន ៣១.១% និងអាករលើតម្លៃបន្ថែម (VAT) កើន ២៨.៦%។ក្នុងនោះផងដែរ មុខទំនិញជាប្រភពចំណូលសំខាន់ៗរួមមាន៖ ១. យានយន្ត និងគ្រឿងចក្រគ្របដណ្តប់ប្រមាណជាង ៥២% នៃចំណូលសរុប ២. ប្រេងឥន្ធនៈ និងថាមពលប្រមាណ ១៧.១% នៃចំណូលសរុប និង៣. ទំនិញចម្រុះ និងគ្រឿងសំណង់មានប្រមាណ ២៩.៥% នៃចំណូលសរុប។ប្រសិទ្ធិភាព និងកំណើនពន្ធគយដ៏ល្អប្រសើនេះគឺដោយសារការពង្រឹងនូវអភិបាលកិច្ចផ្ទៃក្នុងរបស់អង្គភាពគយ និងការរីកចម្រើនគុណភាពសមត្ថភាពធនធានមនុស្ស។ ម្យ៉ាងវិញទៀត នេះក៏ជាលទ្ធផលនៃការខិតខំប្រឹងប្រែងរបស់រដ្ឋាភិបាលក្នុងរក្សាសុខសន្តិភាព និងស្ថេរិភាពនយោបាយនៅទូទាំងប្រទេសកម្ពុជា រួមជាមួយការកែទម្រង់មុតស្រួចនៅគ្រប់ស្ថាប័នរដ្ឋ ដើម្បីកំណើនសេដ្ឋកិច្ចជាតិទាំងមូល៕ ស្វែងរកអចល​នទ្រព្យសម្រាប់លក់នៅក្នុងទីក្រុងភ្នំពេញនៅថ្ងៃនេះ!

ការ​ផ្គត់​ផ្គង់​អគារ​ការិយាល័យនៅ​ភ្នំពេញបានបន្តកើនឡើង​​យ៉ាង​ខ្លាំងនៅ​ឆ្នាំ​នេះ​ ដោយសារកំ​ណើន​​ចំនួនក្រុមហ៊ុនថ្មី​ចូល​ធ្វើ​អាជីវ​កម្ម​នៅ​កម្ពុជា ជា​ពិសេស​ក្រុម​ហ៊ុន​​វិនិយោគផ្ទាល់​ពី​​​បរទេស។យោងតាមរបាយការណ៍ថ្មីមួយពីក្រុមហ៊ុនផ្គត់​ផ្គង់​សេវា​អចលនទ្រព្យ CBRE អគារ​ការិយា​ល័យ​នៅ​ភ្នំពេញ​បាន​កើន​ដល់​​ផ្ទៃ​ក្រ​លា​សរុប​ ៣៥៩,៣០០ ម៉ែត្រ​ការ៉េ (បូ​ក​បញ្ចូល​ស្តុក​ដែល​មាន​ស្រាប់​តាំង​ពី​ឆ្នាំ​កន្លង​ទៅ​) គិត​ត្រឹម​ដំ​ណាច់​ខែមិថុនាឆ្នាំ​នេះ គឺ​កើន​ឡើង​ ១២​ ភាគរយពីត្រឹម​ ៣២០,៩០០ ម៉ែត្រការ៉េ​​កាល​ពី​ដំ​ណាច់​ខែ​មិថុនា​​​ឆ្នាំ​ ២០១៨។កញ្ញា​ គីម គីន​កេសា​ អ្នកវិភាគជាន់ខ្ពស់របស់ CBRE បានឲ្យ​ដឹង​ថា​​តម្រូវការ​ការិយាល័យអាជី​វកម្ម​បាន​កើន​ឡើងគួរ​ឲ្យ​កត់​សម្គាល់​​​នៅ​​ភ្នំពេញក្នុងប៉ុន្មានឆ្នាំចុង​ក្រោយ​​នេះ ស្របពេល​ការ​ផ្គត់​ផ្គង់​បាន​កើន​ឡើង​យ៉ាង​ខ្លាំង។ ​កញ្ញា​បាន​លើក​ឡើង​ថា ​អត្រាអ្នកជួលមាន​រហូត​ដល់ទៅ ៨៥ ភាគរយ នៃការ​ផ្គត់​ផ្គង់​សរុប។​កញ្ញា​​ កេសា​ បានបញ្ជាក់ថា៖​ «​ក្រុម​ហ៊ុន​សួរ​ព័ត​មាន​ដើម្បី​ជួល​ទី​តាំង​​ភាគច្រើនដែលយើងបានទទួលក្នុងរយៈពេល ១២​ ខែចុងក្រោយនេះគឺមកពីក្រុមហ៊ុនអន្តរជាតិមកពីប្រទេសចិន សិង្ហបុរី ជប៉ុន ម៉ាឡេស៊ី និងបណ្តាប្រទេសផ្សេងទៀតនៅតំបន់អាស៊ីប៉ាស៊ីហ្វិក»។ កញ្ញា​បន្ត​ថា​ ក្រុមហ៊ុនភាគច្រើនកំពុងស្វែងរកការិយាល័យដែល​មាន​ផ្ទៃ​ក្រ​លា​​ចន្លោះ​ពី ១០០ ម៉ែត្រ​កា​រ៉េ ទៅ ៣០០ ម៉ែត្រ​ការ៉េ។យោង​តាម​ CBRE ក្នុង​អំ​ឡុង​ពេល​ពី​ខែ មក​រា ដល់ ខែ​មិ​ថុនា ឆ្នាំ​នេះ ការ​ជួល​ផ្ទៃ​ក្រ​លា​សម្រាប់​ការិយា​ល័យ​សរុប មាន​​ទំហំ ៦,៥០០ ម៉ែត្រ​ការ៉េ កើន​ឡើង​​ពីរដងពី​ត្រឹម ៣,១០០ ម៉ែត្រ​កា​រ៉េ ក្នុង​រយៈ​ពេល​ដូច​គ្នា​ឆ្នាំ ២០១៨។របាយការណ៍របស់ក្រុមហ៊ុននេះបានកំ​ណត់​ប្រ​ភព​​ការិយាល័យជា​បី​ថ្នាក់ រួម​មាន​កម្រិត A កម្រិត​ B និងកម្រិត​ C។ យោងទៅតាមកញ្ញា កេសា ការិយាល័យ​លំដាប់ C មានអត្រាទំនេរទាបជាង​គេ ដោយ​មាន​ត្រឹម 7 ភាគរយ​ប៉ុណ្ណោះ​ តែ​និន្នា​ការ​ថ្មី​មួយ​​បាន​កើត​ឡើង​ដោយ​សារ​​តម្រូវការកំពុងផ្លាស់ប្តូរឆ្ពោះទៅរកការិយាល័យកម្រិត B។ស្រ​ប​ពេល​មាន​កំ​ណើន​អគារ​ការិយា​ល័យ ​ការផ្គត់ផ្គង់អគារប្រ​ភេទ​នេះ​ក៏​កំ​ពុងមាន​ភាព​ចម្រុះ ​និង​សំ​បូរ​បែប​ជាង​មុន​ដែរ គឺ​អគារ​ការិយា​ល័យ​ប្រ​ភេទ​សហ​កម្ម​សិទ្ធ​។យោងតាមរបាយការណ៍របស់ CBRE អគារ​ការិយាល័យសហ​កម្ម​សិទ្ធ​បានបង្ហាញខ្លួននៅរាជធានីភ្នំពេញកាលពីឆ្នាំមុន។ បច្ចុប្បន្ននេះមានការិយាល័យ​ប្រ​ភេទ​នេះ​​ចំ​នួន​សរុប​ ៤ ម៉ឺនម៉ែត្រការ៉េក្នុងរាជធានី។ទោះយ៉ាងណាចំនួនសរុបត្រូវបានគេរំពឹងថានឹងឈានដល់ជិត ១០០,០០០ ម៉ែត្រការ៉េនៅចុងឆ្នាំនេះ ហើយ​នឹង​បន្ត​កើន​ដល់​ ៦០០,០០០ ម៉ែត្រការ៉េនៅឆ្នាំ ២០២២ ។លោក លឹម ហេង អនុប្រធានសភាពាណិជ្ជកម្មកម្ពុជា​បានមានប្រសាសន៍ថាការបន្តរីកលូតលាស់នៃការិយាល័យនៅកម្ពុជាឆ្លុះបញ្ចាំងពីសកម្មភាពរីកចម្រើន​ការវិនិយោគដោយផ្ទាល់ពីបរទេស (FDI) និង​បង្ហាញ​ថា​​ក្រុមហ៊ុនថ្មីនៅតែបន្តបង្កើតខ្លួននៅកម្ពុជា។លោកបន្តថា៖ ​«​​បរិយាកាសវិនិយោគនៅកម្ពុជានៅតែមានភាពទាក់ទាញ ហើយយើងទទួលបានព័ត៌មានអំពីក្រុមហ៊ុនថ្មីដែលបង្កើតថ្មី​​ស្ទើរតែរៀងរាល់ថ្ងៃ»៕របាយ​ការណ៍​របស់​ CBRE មិន​បាន​រាប់​បញ្ចូល​ការិយាល័យធ្វើការរួមគ្នា (co-working space) ទេ ស្រ​ប​ពេល​ទី​តាំង​ការិយាល័យធ្វើការរួមគ្នាក៏​កំ​ពុង​ពេញនិយមដែរ​នៅ​ភ្នំ​ពេញ​ ជា​ពិ​សេស​សម្រាប់​​​ក្រុមហ៊ុនទើបបង្កើតថ្មីដែល​ត្រូវ​ការ​​កន្លែងធ្វើការតូចៗ និង​មាន​ថ្លៃ​ឈ្នួល​ទាប។ស្វែងរកការិយាល័យសម្រាប់ជួលនៅក្នុងទីក្រុងភ្នំពេញ ឬខុនដូសម្រាប់លក់នៅក្នងទីក្រុងភ្នំពេញ នៅថ្ងៃនេះ!

នៅពេលនិយាយអំពីការវិនិយោគលើវិស័យលំនៅដ្ឋាន ពិសេសខុនដូ គេតែងគិតដល់បរិបទនៃការរស់នៅបែបទំនើប ជាមួយលំនៅដ្ឋានលក្ខណៈប្រណិត។ ប៉ុន្តែទាំងនេះមិនមែនជាអ្វីតែម្យ៉ាង ដែលផ្តល់ជូនដោយខុនដូប៉ុណ្ណោះទេ ការទិញខុនដូ គឺអាច ទទួលបានផលចំណេញជាច្រើនទៀត ហើយមួយក្នុងចំណោមនេះគឺផលចំណេញពីការជួលត្រលប់ ពីគម្រោងផ្ទាល់។ គម្រោងជាច្រើនបានយកចិត្តទុកដាក់ខ្ពស់ដល់ការវិនិយោគរបស់អតិថិជន ហើយតាមរយៈការជួលត្រលបប្រចាំឆ្នាំ វាអាចផ្តល់ទំនុកចិត្ត និងឱកាសចំណេញដល់អ្នកទិញ បានភ្លាមៗ។ តើអ្វីទៅជាការធានាប្រាក់ចំណេញពីការជួលត្រលប់ ឬ Guarantee Rental Return (GRR)? ការធានាប្រាក់ចំណូលពីការជួលត្រលប់គឺជាការធានាផ្តល់ប្រាក់ចំណេញតាមរយៈគម្រោងជួល ក្នុងពេលអនាគតដោយអ្នកអភិវឌ្ឍន៍ ឫក្រុមហ៊ុនដែលគ្រប់គ្រងអចលនទ្រព្យផ្តល់ជូនអ្នកទិញ ដោយផ្នែកតាមកិច្ចសន្យា បន្ទាប់ពីចុះហត្ថលេខាលើកិច្ចសន្យាទិញ-លក់។ការធានាជួលត្រលប់គឺជាមធ្យោបាយដ៏ងាយស្រួលបំផុតដែលអាចទទួលបានការជួលត្រលប់ តាមការរំពឹងទុកប្រចាំឆ្នាំ។ ត្រូវចងចាំថា ផលចំណេញដែលរំពឹងទុកប្រចាំឆ្នាំគឺជាទឹកប្រាក់ ទទួលបានបន្ទាប់ពីកាត់ពន្ធរួច។ ឧទាហរណ៍ប្រសិនបើអ្នកទិញយូនីតមួយ ដែលមានតម្លៃ ១៩៥,០០០ ដុល្លារ ប្រសិនបើអ្នកទទួលបានការជួលត្រលប់ ៨ % ក្នុងមួយឆ្នាំ នោះអ្នកនឹងទទួលបាន ១៥,៤០០ ដុល្លារក្នុងមួយឆ្នាំ។ខាងក្រោមនេះជាខុនដូ ១២ គម្រោង ដែលបានកំពុងផ្តល់ជូនផែនការជួលត្រលប់ ដែលអ្នកទិញ គួរធ្វើការពិចារណានៅពេលចង់វិនិយោគខុនដូនៅកម្ពុជា។  ១. គម្រោង Blue Bayគម្រោង Blue Bay ស្ថិតនៅឆ្នេរ​ឯករាជ្យនៃខេត្តព្រះសីហនុ ដែលអគារដំបូងរបស់គម្រោង លាតសន្ធឹងលើផ្ទៃដីចំនួន ១១០,០០០ ម៉ែត្រការ៉េ មានកម្ពស់ ៣៧ ជាន់ និងមាន ១,៤៤៨ យូនីត ដែលក្នុងមួយយូនីតមានទំហំ ៥៥ ទៅ ១១៤ ម៉ែត្រការ៉េ។ គម្រោង Blue Bay នេះក៏មានរួមបញ្បូលសេវាកម្មកំសាន្តជាច្រើនមាន ដូចជាអាងហែលទឹកលើដំបូល សួនច្បារ កន្លែងហាត់ប្រាណ ផ្សារលក់ទំនិញរួចពន្ធ  និងកន្លែងផ្សេងៗនៅក្នុងគម្រោងផ្ទល់តែម្តង។ គម្រោង Blue Bay នឹងបញ្ចប់ការសាងសង់​​ និងប្រគល់ផ្ទះជូនអតិថិជននៅខែធ្នូ ឆ្នាំ ២០១៩ នេះ។ យូនីតនីមួយៗរបស់ Blue Bay មានតម្លៃចាប់ផ្តើមត្រឹមតែ ៣,៥០០ ដុល្លារក្នុងមួយម៉ែត្រការ៉េ ហើយ​ ក្រុមហ៊ុនក៏ផ្តល់ជូនការធានាជួលត្រឡប់ប្រចាំឆ្នាំរហូតដល់ ៦៤% សម្រាប់រយៈពេល ៨ ឆ្នាំ។ ចាប់អារម្មណគម្រោង Blue Bay សូមចុចទីនេះ! ២. គម្រោងThe Peak Residencesគម្រោងនេះស្ថិតនៅសង្កាត់ទន្លេបាសាក់ ខណ្ឌចំការមននៃទីក្រុងភ្នំពេញ ដែលមាន ៥៥ ជាន់ និង ១,០១៤ យូនីត។ យូនីត របស់ The Peak Residences មានទំហំ ៦២ - ១២៧ម៉ែត្រការ៉េ។ មិនតែប៉ុណ្ណោះ គម្រោង The Peak Residences ក៏បានបំពាក់ទៅដោយគ្រឿងបរិក្ខារទំនើបជាច្រើន មានដូចជា ម៉ាស៊ីនត្រជាក់ ទូរទស្សន៍ ខ្សែអុីនធើណិតត ជាដើម ហើយអតិថិជនក៏អាចលេងកំសាន្តជាមួយនឹងអាងហែលទឹក បន្ទប់សូណា សួនច្បារ និងកន្លែងហាត់កីឡាផងដែរ។គម្រោង The Peak Residences ត្រូវបានអភិវឌ្ឍដោយ ក្រុមហ៊ុនឈ្មោះ Oxley Gem (Cambodia) ដែលធានាការជួល ៧៥% សម្រាប់រយៈពេល ១៥ ឆ្នាំ។ គម្រោងនេះ នឹងបញ្ចប់ការសាងសង់របស់ខ្លួននៅឆ្នាំ ២០២០ និងមានតម្លៃ ១៧៦,០០០ ដុល្លារក្នុងមួយយូនីត។  អ្វីដែលពិសេសនោះគឹ គម្រោងនេះ ស្ថិតនៅក្នុងទីក្រុង ដែលអាចមើលទេសភាពទីក្រុងដ៏ស្រស់ស្អាតបំផុត។ ៣. គម្រោងគម្រោង ព្រីនស៍ ហ្គោលដិន បេគម្រោងនេះ ស្ថិតនៅលើឆ្នេរសុខានៃខេត្តព្រះសីហនុ ដែលលាតសន្ធឹងលើផ្ទៃដីចំនួន ២២,២០១ ម៉ែត្រការ៉េ ដែលមានអគារអាផាតមេនបួន ដែលមានចំនួន ២,១០០ យូនីត និងផ្សារ ដែលមានកម្ពស់ ៥ ជាន់ស្ថិតនៅលើផ្ទៃដី ៥០,០០០ ម៉ែត្រការ៉េ។ លើសពីនេះទៅទៀត គម្រោងនេះ មានកម្ពស់ ៤១ ជាន់ និងក្នុងមួយយូនីតមានទំហំចាប់ពី ៤៥ ទៅ ៧៦ ម៉ែត្រការ៉េ ដែលនឹងបញ្ចប់ការសាងសង់នៅឆ្នាំ២០១៩នេះ។គម្រោងនេះត្រូវបានអភិវឌ្ឍដោយក្រុមហ៊ុន ក្រុមហ៊ុន ព្រីនហ័នយូ​ រៀលអុីស្ទេត ដែលធានាការជួល ១៦% សម្រាប់រយៈពេល ២ ឆ្នាំ។ តម្លៃក្នុងមួយម៉ែត្រការ៉េគឺ ២,៣០០ដុល្លារ ឬតម្លៃសរុបគឺ ១០៣,៨៩១ដុល្លារក្នុងមួយម៉ែត្រការ៉េ។ គម្រោងនេះក៏មានបំពាក់បរិក្ខារទំនើបដូចជា អាងហែលទឹក សួនច្បារ កន្លែងហាត់ប្រាណ បន្ទប់សូណាជាដើម។ ៤. គម្រោង Cheerful Bay  គម្រោងនេះ ស្ថិតនៅឆ្នេរអូត្រេះនៃខេត្តព្រះសីហនុ ដែលលាតសន្ធឹងលើផ្ទៃដីចំនួន ៤០,០០០ ម៉ែត្រការ៉េ មាន ៨អគារ។ អគារទាំងនោះ សុទ្ធតែអាចមើលឃើញទេសភាពឆ្នេរដ៏ស្រស់ស្អាត។ ប្លុក H មាន ៣ អគារដែលមាន ២៩ជាន់ ហើយប្លុក G មាន ៥ អគារដែលមាន២០ជាន់។ ចំនួនយូនីតសរុបគឺ ៦៨៣ ដែលយូនីតនីមួយៗមានទំហំ ៥១ ទៅ ៣០៣ ម៉ែត្រការ៉េ។ក្រុមហ៊ុន Yunnan Jingcheng Group ដែលជាក្រុមហ៊ុនសាងសង់គម្រោងនេះ ធានាការជួលត្រឡប់ ៩៧% សម្រាប់រយៈពេល ១៥ ឆ្នាំ ហើយគម្រោងនេះ នឹងត្រូវបានបញ្ចប់ និងប្រគល់ជូនអតិថិជននៅខែមិថុនា ឆ្នាំ២០២១។ តម្លៃសរុប គឺ ៩៩,៤៨០ដុល្លារ ចំណែកឯបរិក្ខារនៅក្នុងខុនដូមានលក្ខណៈទំនើបបំផុត ដូចជាម៉ាស៊ីនត្រជាក់ គ្រឿងសង្ហារិមជាដើម។ ចាប់អារម្មណ៍គម្រោង Cheerfule Bay សូមចុចទីនេះ! ៥. គម្រោង La Vista Oneគម្រោងនេះមានទីតាំងស្ថិតនៅចំណុចប្រសព្វរវាងទន្លេមេគង្គ និងទន្លេសាប តំបន់ជ្រោយចង្វារ។ គម្រោងខុនដូនេះ មានយូនីតសរុបចំនួន ១,៧៥០ ដែលយូនីតនីមួយៗ មានទំហំ ចាប់ពី ៤៨ ទៅ ១២៧ ម៉ែត្រការ៉េ និងមានកម្ពស់ ៤១ជាន់។គម្រោង La Vista One ត្រូវបានសាងសង់ដោយក្រុមហ៊ុន Yin Yi Venture ក្នុងនោះគម្រោងនេះក៏មានធានាការជួលត្រលប់មកវិញរហូតដល់ ១៨% សម្រាប់រយៈពេល ៣ ឆ្នាំ។ ខុនដូនេះមានតម្លៃ ២,២០០ដុល្លារ​ក្នុងមួយម៉ែត្រការ៉េ រីឯតម្លៃសរុបគឺ៨០,០០០ដុល្លារ។ គម្រោងនេះ ត្រូវបានគេរំពឹងថានឹងបញ្ចប់ការសាងសង់នៅឆ្នាំ ២០២១។ ៦. គម្រោងលីងណានហ្គាដិនគម្រោងនេះស្ថិតនៅមហាវិថីហ៊ុនសែន សង្កាត់ចាក់អង្រែ ខណ្ឌមានជ័យ រាជធានីភ្នំពេញ ដែលមានចំនួនយូនីតសរុប ១,៩០២ និងមាន ៣៣ ជាន់។ យូនីតនីមួយៗនៅក្នុងគម្រោងនេះមានទំហំចាប់ពី ៦៦ ទៅ ១៤៥ ម៉ែត្រការ៉េ ដែលមានពី  ១ ទៅ ៤ បន្ទប់គេង ជាមួយនឹងរានហាលខាងមុខ។ ប​ន្ទប់នីមួយៗ មានបំពាក់ដោយបរិក្ខារទំនើបៗ។   គម្រោងនេះ ត្រូវបានគេរំពឹងថានឹងបញ្ចប់ការសាងសង់របស់ខ្លួននៅឆ្នាំ ២០២០ ហើយគម្រោងនឹងប្រគល់ផ្ទះជូនអតិថិជននៅឆ្នាំដដែល។ ក្រុមហ៊ុនក៏ធានាការជួលត្រឡប់ ៣៥% សម្រាប់រយៈពេល ៥ ឆ្នាំ។ តម្លៃក្នុងមួយម៉ែត្រការ៉េគឺ ២,១០០ដុល្លារ និងតម្លៃសរុបគឺ ១៣៨,៥៧៩ ដុល្លារ។៧. គម្រោង The Peninsula Private Residenceគម្រោង Peninsula Private Residence ស្ថិតនៅក្នុងសង្កាត់ជ្រោយចង្វារ ដែលជាតំបន់ ដែលមានការអភិវឌ្ឍឆាប់រហ័ស។ គម្រោងនេះមាន ២៥ ជាន់ និងមាន ១៥៥ យូនីត ដែលក្នុងមួយយូនីតមានពី ១ ទៅ ៤ បន្ទប់គេង ជាមួយរានហាល និងមានទំហំពី ៤២.១២ ទៅ ១២៩.៥៨ ម៉ែត្រការ៉េ។Peninsula Private Residence ធានាការជួលត្រឡប់ ៨% សម្រាប់រយៈពេល ២ ឆ្នាំ។ គម្រោងនេះនឹងត្រូវបានបញ្ចប់ និងប្រគល់ផ្ទះនៅឆ្នាំ២០២០។ យូនីតមានតម្លៃ២,០២០ដុល្លារក្នុងមួយម៉ែត្រការ៉េ និងតម្លៃសរុប ១១៣,៤៤៣ដុល្លារ។៨. គម្រោង New Landmarkគម្រោងនេះមានសាងសង់លើផ្ទៃដីចំនួន ១៤,៤៦៨ ម៉ែត្រការ៉េ ដែលមានចំនួនយូនីតសរុបចំនួន ៣,៤១៩ និងយូនីតមានទំហំពី ៣១ ទៅ ១០៦ ម៉ែត្រការ៉េ។ ខុនដូនេះមាន ៣៧ជាន់ និងគ្រោងនឹងបញ្ចប់ការសាងសង់នៅឆ្នាំ២០២១ ហើយនឹងត្រូវប្រគល់ជូនអតិថិជននៅថ្ងៃទី៣០ ខែសីហា ឆ្នាំ ២០២១ សម្រាប់អគារ B។ លើសពីនេះទៅទៀត អគារC មាន ៣៧ ជាន់ ដូចអគារ B ដែរ និងអគារ A មាន ៣៣ ជាន់។គម្រោងនេះ ត្រូវបានសាងសង់ដោយ ក្រុមហ៊ុន Wan Heng Run Investmentហើយ​ក្រុមហ៊ុន ធានាការជួលត្រឡប់ ៣៦% សម្រាប់រយៈពេល ៣ ឆ្នាំ។ យូនីតមានតម្លៃ ១,៩០០ដុល្លារក្នុងមួយម៉ែត្រការ៉េ និង ៤០,០០០ ដុល្លារសម្រាប់តម្លៃសរុប។៩. គម្រោង Sky Park Condoគម្រោង Sky Park Condo ស្ថិតនៅផ្លូវជាតិលេខ ៦ នៅខេត្តសៀមរាប។ គម្រោងនេះមានចម្ងាយត្រឹមតែ ៥ នាទីពីផ្សារទំនើប Heritage Walk  និង ៨ នាទីពីផ្សារចាស់ ហើយ ១០ នាទីពីអាកាសយានដ្ឋានអន្តរជាតិ និងប្រាសាទអង្គរវត្ត រី​ឯពីផ្សារលើតែ ១៥ នាទីប៉ុណ្ណោះ។ អភិវឌ្ឍលើផ្ទៃដីចំនួន ៥,៦០០ ម៉ែត្រការ៉េ មានកម្ពស់ ៤ ជាន់ ហើយក្នុងមួយជាន់មាន ១០ យូនីត។ ក្នុងមួយយូនីតមានទំហំ ៧២ ទៅ ១៣៨ ម៉ែត្រការ៉េ។ក្រុមហ៊ុន Hunter Estate ដែលជាក្រុមហ៊ុនអភិវឌ្ឍគម្រោងនេះកំពុងផ្តល់ជូន​ការជួលត្រឡប់ ក្នុងអត្រា ១២% សម្រាប់រយៈពេល ២ ឆ្នាំ។ យូនីតក្នុងគម្រោងនេះមានតម្លៃត្រឹមតែ ៩១៤ ដុល្លារក្នុងមួយម៉ែត្រការ៉េ ឬ ៦៧,០០០ដុល្លារសម្រាប់តម្លៃសរុប។ ខុនដូបំពាក់ដោយបរិក្ខារទំនើបៗ ហើយអតិថិជនអាចលេងកំសាន្តជាមួយនឹងអាងហែលទឹក បន្ទប់ហ្សូណា ជាដើម។១០. គម្រោងឆ្នេរសមុទ្រមរកតគម្រោងនេះ ស្ថិតនៅចម្ងាយ ២០០ ម៉ែត្រពីច្រកទ្វារចូលនៃឈូងសមុទ្រថៃ នៅខេត្តព្រះសីហនុ ដែលមានបន្ទប់ស្នាក់នៅសរុបចំនួន ៥៣៦​ យូនីត។ គម្រោងនេះត្រូវបានសាងសង់ឡើងដោយក្រុមហ៊ុនក្រុមហ៊ុន ជានឈ័ង អូនើ រៀលអ៊ីស្ទេត ឯ.ក ដែលធានាការជួលត្រឡប់ ២៤% ក្នុងយៈពេល ៣ ឆ្នាំ។ យូនីតនេះមានតម្លៃ ២,០៥០ដុល្លារ ក្នុងមួយម៉ែត្រការ៉េ និងតម្លៃសរុបត្រឹមតែ ៦០,១៤៧ដុល្លារក្នុងមួយយូនីត។ ខុនដូមានបំពាក់ដោយ គ្រឿងសង្ហារិម និងបរិក្ខារទំនើបៗដូចជា ឧបករណ៍បន្ទប់ទឹកម៉ាក TOTO ម៉ាស៊ីនត្រជាក់ក្រិក ទូរទឹកកក Haier ទូរទស្សន៍ម៉ាក TCL និងយីហោផ្សេងៗទៀត។ដំណាក់កាលដំបូងនៃគម្រោងនេះ គឺខុនដូសម្រាប់ស្នាក់នៅដែលមាន ៣០ ជាន់ ដែលមានទំហំ ៤០ ទៅ ៥០ម៉ែត្រការ៉េ។ គម្រោងនេះគ្រោងនឹងបញ្ចប់ការសាងសង់នៅឆ្នាំ២០២១។១១. គម្រោងThe Viewគម្រោងនេះ មានទីតាំងនៅបឹងកេងកង១ ចំការមន នៃរាជធានីភ្នំពេញ។ គម្រោងមានកម្ពស់ ៣៣ ជាន់ បែងចែកជាជាខុនដូ និងសេវាកម្មអាផាតមេន ដែលមានចំនួន ៣២០ យូនីត ហើយយូនីតមានទំហំពី ២៦ ទៅ ៦១ ម៉ែត្រការ៉េ។ សន្តិសុខត្រូវបានធានារយៈពេល ២៤ ម៉ោង ដែលធ្វើឲ្យអតិថិជនអាចទទួលបានអារម្មណ៍សុវត្ថិភាព។គម្រោងនេះត្រូវបានសាងសង់ឡើងដោយក្រុមហ៊ុន Grand RichFortune ហើយក្រុមហ៊ុនធានា ជួលត្រលប់ក្នុងអត្រា ១៩% ក្នុងរយៈពេល ៥ ឆ្នាំ។ គម្រោងនេះ បានបញ្ចប់ការសាងសង់ របស់ខ្លួននៅឆ្នាំ ២០១៨។ កន្លងទៅនេះ គម្រោងនេះក៏មានបន្ទប់អាផាតមិនសម្រាប់ជួលក្នុងតម្លៃ ១,០០០ ដុល្លារក្នុងមួយខែផងដែរ។ អតិថិជនអាចរីករាយជាមួយនឹងបរិក្ខារ និងកន្លែងលំហែកាយផ្សេងៗដូចជាអាងហែលទឹក សួនច្បារ ដោយមានទេសភាពទីក្រុងដ៏ស្រស់ស្អាតផងដែរ។១២. គម្រោង Baoli Mansionគម្រោង Baoli Mansion គឺជាគម្រោងប្រណិត និងស្រស់ស្អាត ដែលនឹងឈរជាទីសម្គាល់ថ្មីមួយ នៅក្នុងទីក្រុង និងផ្តល់ជូនឱកាសវិនិយោគល្អបំផុត ការជួលត្រលប់ក្នុងអត្រា ១៦% ក្នុងរយៈពេល ២ ឆ្នាំ។ Baoli Mansion មានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី  ជិតស្ថានីយ៍រថភ្លើង និងត្រឹមតែ១៥នាទីពីព្រលានយន្តហោះ។ Baoli Mansion ព័ទ្ធជុំវិញដោយ ស្ថាប័នរដ្ឋសំខាន់ៗ ស្ថាប័នអប់រំ និងស្ថាប័នពាណិជ្ជកម្ម  ផ្សារទំនើប សេវាកម្មកំសាន្តជាច្រើននៅក្នុងទីក្រុង។ Baoli Mansion នឹងមានលំនៅដ្ឋានប្រណិតដែលមានទំហំចាប់ពី ៤៥ ម៉ែត្រការ៉េ ដល់ ៥៥ ម៉ែត្រការ៉េ។ នៅក្នុងគម្រោង Baoli Mansion មានផ្តល់ជូនសេវាកម្មដូចជា ចំណតរថយន្ត សេវាកម្មថែរក្សាលំនៅដ្ឋាន កន្លែងហាត់ប្រាណ ហាងកាហ្វេ ភោជនីយដ្ឋាន និងបា៕ស្វែងរកខុនដូសម្រាប់លក់នៅកម្ពុជានៅថ្ងៃនេះ!

កិច្ចសហប្រតិបត្តិការឈ្នះ-ឈ្នះដ៏មានឥទ្ធិពលប្រចាំឆ្នាំ! នៅឆ្នាំ ២០១៩ "ពិព័រណ៍លទ្ធកម្មវិស្វកម្មខ្សែក្រវ៉ាត់មួយផ្លូវមួយ" លើកដំបូងត្រូវបានកំណត់ និងរៀបចំដោយសហជីពលទ្ធកម្មវិស្វកម្មកម្ពុជា។ ពិព័រណ៍នេះនឹងប្រារព្ធធ្វើឡើងជារៀងរាល់ឆ្នាំដើម្បីលើកកម្ពស់វិស័យសំណង់ និងអចលនទ្រព្យកម្ពុជា និងចិន។ ការរៀបចំកម្មវិធីនៅឆ្នាំនេះគឺដើម្បីសម្រេចឲ្យបាននូវគោលដៅដូចជា៖ ដើម្បីផ្សារភ្ជាប់ភាពចម្រុងចម្រើននៃវិស័យសំណង់ និងអចលនទ្រព្យនៃប្រទេសកម្ពុជាជាមួយប្រទេសចិន ដើម្បីផ្សារភ្ជាប់លទ្ធកម្មសម្រាប់វិស្វកម្ម និងអចលនទ្រព្យរវាងតំបន់ទាំងពីរ។ យើងមានសេចក្តីសោមនស្សរីករាយខ្លាំងណាស់ដែលបានធ្វើការជាមួយអ្នកសម្រាប់ឱកាសនានាដើម្បី ពន្លឿនការអភិវឌ្ឍទំនាក់ទំនងកម្ពុជា និងចិនព្រមទាំងគោលនយោបាយឈ្នះ-ឈ្នះផងដែរ។ទីកន្លែង៖ សណ្ឋាគារកាំបូឌីយ៉ាណាភ្នំពេញ ប្រទេសកម្ពុជាកាលវិភាគ៖ ការចូលរួមនៅក្នុងកម្មវិធីនៅថ្ងៃទី ១ និងទស្សនៈកិច្ចធុរកិច្ចនៅថ្ងៃទី ២​ រហូតដល់ថ្ងៃទី​ ៤ពិធីបើក៖ ថ្ងៃទី ១៥ ខែសីហាពេលវេលាពិព័រណ៍៖ ម៉ោង ៩ ព្រឹក ដល់ម៉ោង ៥ ល្ងាចអ្នករៀបចំ៖ សហជីពលទ្ធកម្មវិស្វកម្មកម្ពុជាប្រតិបត្តិករ៖ ក្រុមហ៊ុន Kaige Business Service Investment Co., Ltdសហប្រតិបត្តិករ៖ក្រុមហ៊ុន HGB Group, គេហទំព័រ Realestate.com.kh, www.58cam.com, ទូរទស្សន៍ NICE TV , ក្រុមហ៊ុន Toja (Xiamen) Equity Investment Fund Management Co.,ltd, ក្រុមហ៊ុន Zizhuan Investment Management Co., Ltd., ក្រុមហ៊ុន Yaojie Asset Management Co., Ltd., ក្រុមហ៊ុន Hongding Commercial Real Estate Co., Ltd., ក្រុមហ៊ុន Jiujie Home Technology Co., Ltd., និងក្រុមហ៊ុន KVBC Universal Business Centre ។ជម្រើសសម្រាប់អ្នកតាំងពិព័រណ៌៖ ព័ត៌មានលម្អិតមានភ្ជាប់ជូន ផែនការ A៖តម្លៃស្តង់ ២៥០០ ដុល្លារមានតុមួយ កៅអីប្រាំ អ្នកបកប្រែម្នាក់សម្រាប់ស្តង់មួយបញ្ចុះតម្លៃ ១០% សម្រាប់ការកក់ស្តង់ចាប់ពីបីឡើងបន្ទប់សណ្ឋាគារមួយសម្រាប់មនុស្ស ២ នាក់រយៈពេល ២ យប់នៅថ្ងៃទី ១៤-១៥ ខែសីហា ចំពោះការកក់ស្តង់មួយ។ផែនការ B៖ទស្សនៈកិច្ចធុរកិច្ច ១,០០០ ដុល្លារ/មនុស្សម្នាក់មានផ្តល់ជូនកន្លែងស្នាក់នៅ និងអាហារបន្ទប់សណ្ឋាគារមួយរយៈពេល ២ យប់នៅថ្ងៃទី ១៦-១៨ ខែសីហា។ផែនការ C៖ស្តង់ + ទស្សនៈកិច្ចធុរកិច្ចតម្លៃពិសេស ៤,០០០ ដុល្លារ (តម្លៃធម្មតាគឺ ៤,៥០០ ដុល្លារ ទទួលបានការផ្តល់ជូនទាំងអស់ខាងលើ) សម្រាប់មនុស្ស ២ នាក់១,០០០ ដុល្លារ/ មនុស្សម្នាក់ សម្រាប់សមាជិកបន្ថែមនៅក្នុងក្រុមរបស់អ្នក៕ស្វែងរកអចលនទ្រព្យសម្រាប់លក់នៅភ្នំពេញនៅថ្ងៃនេះ!

ធនធានមនុស្សគឺជាមូលដ្ឋាន​គ្រឹះសេដ្ឋកិច្ច ជាពិសេសសម្រាប់ប្រទេសកំពុងអភិវឌ្ឍន៍។ នៅទូទាំងពិភពលោក អ្នកជំនាញបានកត់សម្គាល់ឃើញ​ពីការរីកចម្រើនគួរឱ្យកត់សម្គាល់របស់ប្រទេសចិនក្នុងរយៈពេលបីទសវត្សរ៍ កន្លងមកនេះ។ ប្រទេសនេះបានងាក​ចេញពីប្រទេសកសិកម្មមួយទៅជាប្រទេសមហាអំណាចមួយក្នុង រយៈពេលដ៏ខ្លី។ កត្តាសំខាន់មួយក្នុងចំណោម​កំណើនដ៏អស្ចារ្យនេះគឺមាន​ប្រជាជនវ័យក្មេង និងការចេះ​សម្របខ្លួន។ ទោះយ៉ាងណាក៏ដោយឥឡូវនេះកម្មកររបស់ចិនមានអាយុជាមធ្យមលើសពី ៤០ ឆ្នាំ ដែលបាន​កំពុងធ្វើឲ្យសេដ្ឋកិច្ចថមថយបន្តិច។គ្មានអ្វីគួរឱ្យភ្ញាក់ផ្អើលនោះ​ទេដែលវិនិយោគិនអចលនទ្រព្យចិនកំពុងផ្តោតការយកចិត្តទុកដាក់លើវិស័យថ្មីៗ។ ជាពិសេសវិស័យដែលអាចទទួលបានកំណើនលឿនដូចគ្នាទៅ​នឹងប្រទេសចិនបានធ្វើកន្លងមក​។ ក្នុង​នោះ​​ប្រទេសកម្ពុជាកំពុងស្ថិតក្នុងក្រសែភ្នែក​អ្នក​វិនិយោគ​ផងដែរ​។យោងតាមទិន្នន័យពីឆ្នាំ ២០១៧ ប្រទេសកម្ពុជាមានប្រជាជនប្រមាណ ១៦ លាននាក់។ អាយុជាមធ្យមនៅពេលនោះគឺ ២៧ ឆ្នាំហើយអ្នកដែលមានអាយុក្រោម ៣៤ ឆ្នាំមានចំនួន ៧០% នៃពលរដ្ឋកម្ពុជា។ ទន្ទឹមនឹងនេះដែរ​ចំនួនប្រជាជនកំពុងកើនឡើងប្រហែល ១.៥% ។ដូច្នេះគេជឿជាក់ថាប្រទេសកម្ពុជាកំពុងស្ថិតក្នុងយុគសម័យមាសនៃការអភិវឌ្ឍសេដ្ឋកិច្ច។ នេះកើតឡើងដោយសារតែកម្លាំងពលកម្មវ័យក្មេង និងមានសមត្ថភាព។ក្នុងរយៈពេលតែប៉ុន្មានឆ្នាំទៀត ប្រជាជនកម្ពុជាភាគច្រើននឹងឈានដល់កម្រិតកំពូលនៃឆ្នាំធ្វើការ របស់ពួកគេ នោះមានន័យថាសេដ្ឋកិច្ចនឹងដើរទៅមុខយ៉ាងរលូន។គម្រោង ព្រីនស៍ អ៊ីនធើណាសិនណលផ្លាហ្សា ស្ថិត​នៅចំកណ្ដាល​បេះ​ដូង​រាជធានី​រាជធានីភ្នំពេញ ជារាជធានីរបស់​ប្រទេសកម្ពុជាបាន​ទាក់​ទាញ​ក្រសែភ្នែក​សម្រាប់វិនិយោគិនបរទេស។ យោងតាមទិន្នន័យរបស់ក្រសួងនគរូបនីយកម្ម​ និង​សំណង់ ចំនួនអាផាតមេន​ដែលមាន​នៅរាជធានី ភ្នំពេញរួមទាំងអគារដែលទើបសាងសង់ថ្មីៗមា​នជិត ៣០,០០០ យូនីត​នៅចុងឆ្នាំ ២០១៨ ។តាមការប៉ាន់ស្មានប្រជាជននៅភ្នំពេញនឹងកើនឡើងដល់ ៧ លាននាក់នៅឆ្នាំ ២០៣០ ដែលមានន័យថានឹង មានតម្រូវការលំនៅដ្ឋានកាន់តែ​ច្រើន។បច្ចុប្បន្ន​នេះ​ តម្លៃ​អាផាតមេន​ប្រហែល​ ៣,០០០ ដុល្លារ​ក្នុង​មួយម៉ែត្រ​ការ៉េ រីឯអត្រាតម្លៃ​ជួល​ត្រឡប់មកវិញប្រហែល​ ៨ ទៅ ១០ ភាគរយ។ ដោយ​ផ្អែក​លើ​ភាព​ខុស​គ្នា​រវាង​ការផ្គត់​ផ្គង់​ និង​តម្រូវការ អត្រា​ជាម្ចា់​ស់​កម្មសិទ្ធ​ នៃ​អាផាតមេន​អាច​ឈាន​ដល់ ៩៥ ភាគរយ។​ដូច្នេះកត្តាខាងលើនេះ​នាំ​ឲ្យ​មានការកើនឡើងគួរឱ្យកត់សម្គាល់ក្នុងរយៈពេលវែងនៃតម្លៃអាផាតមេន ឬអត្រាជួលត្រឡប់មកវិញ។ទីតាំងល្អឥតខ្ចោះនៅក្នុងទីក្រុងព្រីនស៍ រៀល អ៊ីស្ទេត គឺជាឈ្មោះ​ដែលនាំមកនូវអចលនទ្រព្យ​ ដែលមានគុណភាពខ្ពស់សម្រាប់ប្រទេសកម្ពុជា។ ដោយបានប្តេជ្ញាចិត្តដើម្បីក្លាយជាក្រុមហ៊ុនឈានមុខគេនៅក្នុងវិស័យអចលនទ្រព្យកម្ពុជាជាអ្នកគាំទ្រ និងជាអ្នកផ្តល់​ជីវិតប្រកបដោយគុណភាព  ក្រុមហ៊ុន ព្រីនស៍ រៀល អ៊ីស្ទេត គ្រុប បានបង្កើតគម្រោង​ជាច្រើនចាប់តាំងពីក្រុមហ៊ុន​នេះ​បានបង្កើតឡើងនៅឆ្នាំ ២០១៥ ។រហូតមកដល់ពេលនេះក្រុមហ៑ុនបានវិនិយោគជាង ២ ពាន់លានដុល្លារអាមេរិក។ ដោយកាន់កាប់ដីបម្រុងជាង ១២ លានម៉ែត្រការ៉េ ក្រុមហ៊ុន​នេះនឹងពង្រីកទុនវិនិយោគកើនឡើងរហូត​ដល់ ៦ ពាន់លានដុល្លារក្នុង រយៈពេលមួយទសវត្សរ៍ទៀត។ព្រីនស៍ អ៊ីនធើណាសិនណលផ្លាហ្សា ជាគម្រោងអភិវឌ្ឍន៍មួយក្នុងចំណោមគម្រោងអភិវឌ្ឍន៍ជាច្រើនរបស់​ក្រុមហ៊ុន​នេះ គឺស្ថិតនៅក្នុងទីផ្សារសម្រាប់អ្នកទិញដែលកំពុងស្វែង​រក​លំនៅដ្ឋាន​ព្រម​ជាមួយឱកាសពាណិជ្ជកម្ម។គម្រោង ព្រីនស៍ អ៊ីនធើណាសិនណលផ្លាហ្សា មានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ីដែលជាផ្លូវសំខាន់មួយក្នុងចំណោមផ្លូវធំៗនៅក្នុងរាជធានី។ តំបន់សំខាន់នេះជាប់​ជាមួយខណ្ឌសុខសែន ខណ្ឌទួលគោក និងខណ្ឌមានជ័យ។ ការធ្វើ​ដំណើរ​តាមរថយន្ត​ពី​គម្រោង​នេះ​​ទៅ​អាកាសយានដ្ឋានអន្តរជាតិភ្នំពេញ និងស្ថានីយ៍រថភ្លើង​មិនដល់ ១៥ នាទីឡើយ នៅជិតការិយាល័យនាយករដ្ឋមន្រ្តី ក្រសួងពាណិជ្ជកម្ម និងសាលាក្រុងផងដែរ។ព្រីនស៍ អ៊ីនធើណាសិនណលផ្លាហ្សា គឺជាអគារ​ប្រើប្រាស់​ចម្រុះដែលមានការិយាល័យ 5A ខុនដូ អាផាតមេន និងជាបណ្តុំទីតាំង​អាជីវកម្មដែលផ្តល់ជូនសម្រាប់​​អ្នកលក់រាយលំដាប់កំពូល។ មិនត្រឹមតែជាកន្លែងស្នាក់នៅ ប៉ុណ្ណោះទេប៉ុន្តែក៏ជាមជ្ឈមណ្ឌលពាណិជ្ជកម្មផងដែររួម​ជាមួយនឹងសេវាកម្មកំសាន្ត និងលម្លែកាយ​។សេវាកម្ម​សំខាន់ៗ​នៅ​ជុំវិញ​គម្រោង ព្រីនស៍ អ៊ីនធើណាសិនណលផ្លាហ្សាមានសេវា​កម្ម​ក្នុង​ទីក្រុងសំខាន់ៗជាច្រើនស្ថិតនៅក្នុងចម្ងាយពីរបីគីឡូម៉ែត្រពី ព្រីនស៍ អ់៉ីនធើណាសិនណល ផ្លាហ្សា។ ទាំងនេះរួមមានផ្សារបោះដុំម៉ាក្រូ TK Avenue ក៏ដូចជាស្ថាប័នអប់រំដូចជាសាកលវិទ្យាល័យភូមិន្ទភ្នំពេញ និងវិទ្យាស្ថានភាសាបរទេស។ មានមន្ទីរពេទ្យដែលមានគុណភាពដូចជាមន្ទីរពេទ្យរ៉ូយ៉ាល់ភ្នំពេញ និងមន្ទីរពេទ្យកុមារជាតិផងដែរ។បង្កើត​ឡើង​ដើម្បី​ជាមជ្ឈមណ្ឌលពាណិជ្ជកម្មកំពូលមួយនៃទីក្រុងដែលមាន​ផ្នែកពាណិជ្ជកម្មទំហំ ៣៥,០០០ ម៉ែត្រការ៉េរបស់ ព្រីនស៍ អ់៉ីនធើណាសិនណល ផ្លាហ្សាមានទំហំ ៣ កម្រិត​ដំបូងនៃអគារនេះ។ វាមានផ្សារទំនើបដ៏ធំ មហោស្រពឌីជីថល IMAX ក្លឹបហាត់ប្រាណធំៗ ភោជនីយដ្ឋាន បារ មជ្ឈមណ្ឌលកាស៊ីណូ និងសួនកុមារ។មជ្ឈមណ្ឌលនេះធ្វើឲ្យម្ចាស់​លំនៅដ្ឋាន​រីករាយគ្រប់​នាទីនៃការរស់នៅរបស់ពួកគេដោយមិនចាំបាច់ធ្វើដំណើរ ព្រមទាំង​ទាក់ទាញមនុស្សម្នារមកពីគ្រប់ទិសទីជុំវិញទីក្រុងផងដែរ។លើសពីលក្ខណៈពិសេសអស្ចារ្យទាំងនោះ ព្រីនស៍ អ៊ីនធើណាសិនណលផ្លាហ្សា ក៏មានក្លឹបហាត់ប្រាណ និងអាងហែលទឹកធំទូលាយផងដែរ។ ជាកន្លែងដ៏ល្អបំផុតសម្រាប់អ្នករស់នៅក្នុងការសម្រាកលម្ហែកាយ បង្កើនភាពស្រស់ស្រាយបន្ទាប់ពីធ្វើការពេញមួយថ្ងៃ។ ជាការពិតអគារ​ទាំងមូលត្រូវបានបំពាក់ជាមួយនឹងប្រព័ន្ធសន្តិសុខ ២៤ ម៉ោង  ធានាបាននៅសុវត្ថិភាពជូនម្ចាស់លំនៅដ្ឋានគ្រប់ពេល។​តើយូនីតនៅ ព្រីនស៍ អ៊ីនធើណាសិនណលផ្លាហ្សា មានលក្ខណៈបែបណា? យូនីតនៅព្រីនស៍ អ៊ីនធើណាសិនណលផ្លាហ្សា មានទំហំចាប់ពី ៥០ ទៅ ១៥៧ ម៉ែត្រការ៉េ ដែលផ្តល់នូវជម្រើសជាច្រើនសម្រាប់ទាំងផ្ទះ ឬជម្រើសវិនិយោគ។ អាផាតមេនទាំងអស់ត្រូវបានបង្កើតជាផ្ទះដ៏ប្រណិតមួយដែលមានបំពាក់នូវសម្ភារៈទំនើប ៗ ពេញលេញ និងការរចនាម៉ូដផ្ទៃខាងក្នុងទាន់សម័យបំផុតសម្រាប់ភ្ញៀវដែលជាឥស្សរជន។ជាមួយនឹងសេវាកម្មលំដាប់ទំនើប  ទីតាំងល្អ និងម៉ាកយីហោល្បីល្បាញ នេះមិនមែនការភ្ញាក់ផ្អើលទេ ដែលយូនីតនៅព្រីនស៍ អ៊ីនធើណាសិនណលផ្លាហ្សាបានកំពុងតែលក់ដាច់ខ្លាំង ជាមួយការគាំទ្រដ៏ខ្លាំងក្លា។ សូមកុំឲ្យឱកាសនេះកន្លងហួសឲ្យសោះ កុំរង់ចាំរហូតដល់តម្លៃឡើងខ្ពស់ ឬយូនីតទាំងនោះត្រូវបានលក់អស់៕ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

ត្រង់ចំណុចនេះ យើង​គ្រប់​គ្នាដឹងហើយ​អំពីគោលនយោបាយ ខ្សែក្រវ៉ាត់មួយ ផ្លូវមួយរបស់ចិន។ ប៉ុន្តែតើវាមាន ​ដំណើរការ​ដូចម្តេចនៅក្នុងប្រទេសកម្ពុជា? ជាការពិត លទ្ធផលនៃផែនការនេះ​កំពុងជះឥទ្ធិពល​នៅ ក្នុងក្រុងព្រះសីហនុ។ ទីក្រុងកំពង់ផែភាគខាងត្បូងនៃព្រះរាជាណាចក្រកម្ពុជាកំពុងប្រែក្លាយខ្លួនទៅ ជាមជ្ឈមណ្ឌលក្នុង​តំបន់សម្រាប់ទេសចរណ៍ អចលនទ្រព្យ ការដឹកជញ្ជូន និងឧស្សាហកម្ម។ដោយមានកោះ និងឆ្នេរខ្សាច់ល្អបំផុត​មួយ​ចំនួន​នៅក្នុងប្រទេសកម្ពុជា ខេត្តព្រះសីហនុលេចធ្លោដូចជាត្បូងមួយគ្រាប់សម្រាប់ផ្នែកបដិសណ្ឋារកិច្ច។ លើសពីនេះទៅទៀតវាជាតំបន់សេដ្ឋកិច្ចពិសេសជាច្រើន ហើយជាកំពង់ផែសមុទ្រទឹកជ្រៅ តែមួយគត់របស់ប្រទេសកម្ពុជា។ជម្រើស​នៃការ​ដឹក​ជញ្ជូន​មាន​ការ​រីកចម្រើន​នៅ​ខេត្ត​ព្រះ​សីហនុទើបតែខែមុនក្នុងខែកក្កដាឆ្នាំ ២០១៩ ក្រុមហ៊ុនអាកាសចរណ៍ 9Air  បានបើកដំណើរការជើងហោះហើរត្រង់ពី ក្វាងចូវមកក្រុងព្រះសីហនុ។ក្រុមហ៊ុនអាកាសចរណ៍យក្សក្នុងតំបន់គឺ AirAsia ក៏បានបើកដំណើរការ​ជើងហោះហើរទៀងទាត់មួយ ដោយភ្ជាប់អាកាសយានដ្ឋានអន្តរជាតិដនមឿងក្នុងទីក្រុងបាងកកជាមួយក្រុងព្រះសីហនុ។ ផ្លូវនេះប្រើយន្តហោះ Airbus A320 ចំនួន ១៨០ កៅអីដោយហោះហើរ ៤ ថ្ងៃក្នុងមួយសប្តាហ៍។លោក សិន ចាន់សេរី​វុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល  (SSCA) មានប្រសាសន៍ ថាបច្ចុប្បន្នអាកាសយានដ្ឋានអន្តរជាតិខេត្តព្រះសីហនុមានជើងហោះហើរជាង ៥០០ ជើងក្នុងមួយសប្តាហ៍។ក្នុងរយៈពេល ៥ខែដំបូង កាលពីដើមឆ្នាំ ២០១៨ អាកាសយានដ្ឋានខេត្តព្រះសីហនុបានទទួលភ្ញៀវទេសចរបរទេសសរុប ចំនួន ៥៥,៩៤៧ នាក់ដោយកើនឡើង ៨៨.៩ ភាគរយពីមួយឆ្នាំទៅមួយឆ្នាំ។ គេរំពឹងថាអាកាសយានដ្ឋាន នឹងទទួលភ្ញៀវទេសចរជាងមួយលាននាក់នៅឆ្នាំ ២០២១ ។ហេតុអ្វី​បាន​ជាមាន​ផ្លូវ​ថ្មីៗ​ទៅ​ខេត្ត​ព្រះសីហនុ?ប្រទេសថៃគឺជាទិសដៅទេសចរណ៍ដ៏ពេញនិយមបំផុត។ ការហោះហើរត្រង់ពីទីក្រុងបាងកកមកក្រុងព្រះសីហនុ នឹងពិតជាទាក់ទាញ​ភ្ញៀវទេសចរឱ្យមកចូល​ក្រុងព្រះសីហនុ។ បើតាមមន្ត្រីនៅខាងក្នុង អាកាសយានដ្ឋាន​ គេរំពឹងថាចំនួនអ្នកធ្វើដំណើរអន្តរជាតិក្នុងក្រុងព្រះសីហនុនឹងមានការកើនឡើង នៅប៉ុន្មានខែខាងមុខនេះហើយឧស្សាហកម្មទេសចរណ៍នៅខេត្តព្រះសីហនុនឹងឡើងដល់កំពូលថ្មីមួយនៅឆ្នាំ ២០១៩ ។ក្រុងព្រះសីហនុត្រូវបានភ្ជាប់ទៅនឹងរាជធានីដែលជាផ្លូវល្អបំផុតមួយនៅក្នុងប្រទេស។ តាមសមុទ្រ អាចចូលទៅដល់កំពង់ផែ Sattahip ក្នុងប្រទេសថៃ ចម្ងាយ ២១៨ ម៉ាយល៍ និងចម្ងាយ ៤២០ ម៉ាយល៍ ទៅហូជីមីញប្រទេសវៀតណាម ចម្ងាយ ៦០៣ ម៉ាយល៍ទៅសិង្ហបុរី និង ១,២១០ ម៉ាយល៍ទៅក្វាងចូវប្រទេសចិន។ដោយមានទីតាំងភូមិសាស្ត្រមានអំណោយផល និងធនធានដឹកជញ្ជូនមានភាពងាយស្រួល វានឹងផ្លាស់ប្តូរទៅ ជាមជ្ឈមណ្ឌលថ្មីមួយនៅលើរបៀងសេដ្ឋកិច្ចនៅភាគខាងត្បូងប្រទេសកម្ពុជា។បណ្តាញដឹកជញ្ជូនជាច្រើននឹងជួយឲ្យក្រុងព្រះសីហនុទទួលបាន​ការចាប់អារម្មណ៍។ការអភិវឌ្ឍន៍ការដឹកជញ្ជូនក្រុងព្រះសីហនុមានការរីកចម្រើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះជាមួយនឹងការដឹកជញ្ជូនតាមអាកាស ផ្លូវគោក និងផ្លូវសមុទ្រ។ ទីក្រុងឆ្នេរសមុទ្រមួយនេះបានត្រៀមខ្លួន រួចជាស្រេចដើម្បីឈានទៅរកយុគសម័យថ្មីនៃវឌ្ឍនភាពសេដ្ឋកិច្ច ។.ពីសមុទ្រ មានព្រែកជីកក្រា។ ផ្លូវថ្មីនៃព្រែកជីកក្រាដើម្បីផ្លាស់ប្តូរផ្លូវដឹកទំនិញនៃច្រកសមុទ្រម៉ាឡាកា ដែល​នឹងជំរុញការរីកចម្រើនយ៉ាងឆាប់រហ័សនៃសេដ្ឋកិច្ចកម្ពុជា។ ជាចំណតទីមួយនៃការចូល​ចតនៅកំពង់ផែ ក្រុងព្រះសីហនុនឹងកាន់តែមានសារៈសំខាន់សម្រាប់តំបន់ប៉ាស៊ីហ្វិក។តាមផ្លូវគោកយើងមានផ្លូវដែកល្បឿនលឿនឆ្លងកាត់អាស៊ាន និងផ្លូវល្បឿនលឿន​ក្រុងព្រះសីហនុ។ ជាមួយនឹង ការស្ថាបនាផ្លូវដែកល្បឿនលឿនក្នុងតំបន់អាស៊ាន ​យើងនឹងចំណាយពេលត្រឹមតែ ៣.៥ ម៉ោងដោយរថភ្លើង ទៅដល់ខេត្តយូណានប្រទេសចិន។ផ្លូវដែកល្បឿនលឿនតំបន់អាស៊ាននឹងភ្ជាប់បណ្តាញដើម្បីជំរុញការអភិវឌ្ឍន៍តំបន់ដែលគ្របដណ្តប់លើប្រទេសមីយ៉ាន់ម៉ា វៀតណាម ថៃ សិង្ហបុរី និងប្រទេសដទៃទៀត។ នេះមានន័យថាលំហូរនៃអចលនទ្រព្យថ្មីនៅក្នុងរង្វង់សេដ្ឋកិច្ចជុំវិញ ផ្លូវដែកល្បឿនលឿនតំបន់អាស៊ាន រួមមានទាំងប្រទេសកម្ពុជាផងដែរ។ការហោះហើរថ្មី​ៗមក​ក្រុង​ព្រះសីហនុ​កំពុង​ដំណើរការនៅពេលអនាគត ផ្លូវល្បឿនលឿនប្រវែង ១៩០ គីឡូម៉ែត្រពីរាជធានីភ្នំពេញទៅក្រុងព្រះសីហនុនឹង ត្រូវបើកដំណើរការ។ នៅពេលនោះការធ្វើដំណើរពីភ្នំពេញទៅក្រុងព្រះសីហនុនឹងត្រូវបានកាត់បន្ថយ មកត្រឹមរយៈពេលពីរម៉ោងដែលនឹងមានអំណោយផលសម្រាប់ទីក្រុងទាំងពីរ។នៅលើអាកាសមានផ្លូវអាកាសដោយផ្ទាល់ភ្ជាប់ក្រុងព្រះសីហនុទៅពិភពលោក។ អាកាសយានដ្ឋានអន្តរជាតិ ក្រុងព្រះសីហនុមានជើងហោះហើរថេររៀងរាល់សប្តាហ៍ទៅកាន់ទីក្រុងធំៗ ៗរបស់អាស៊ាន និងចិន ដែលផ្នែកខាងត្បូងគឺចំណាយពេល​តែ ២ ទៅ ៣ ម៉ោងប៉ុណ្ណោះតាមជើង​យន្តហោះ។ទិន្នន័យបានបង្ហាញថាចាប់ពីខែមីនាឆ្នាំ ២០១៦ ដល់ខែកក្កដាឆ្នាំ ២០១៩ មានជើងហោះហើរត្រង់ចំនួន ២៩ ពីទីក្រុងធំ ៗ របស់ប្រទេសចិនមកក្រុងព្រះសីហនុត្រូវបានដាក់ឲ្យដំណើរការរួមមានទីក្រុង ទីក្រុងប៉េកាំង ធានជីង​ ជឹងចូវ ស៊ីអាន ស៊ឺងយ៉ាង អ៊ូហាន ឆាងសា ណានឆាង សៀងហៃ ហាំងចូវ វេនចូវ អូ៊ស៊ី អ៊ីអូ ឆឹងទូ ឆុងឈីង ឃុនមីង គួនយាង ក្វាងចូវ ហ្វូចូវ ហ្សិនជិន ហ្សែមិន ណាននីង ជៀយ៉ាង សានយ៉ា ជីនជាំង ចានជាំង សាន់ថូវ ហុងកុង និងទីក្រុងម៉ាកាវ។ឆាប់ៗនេះ​នឹងមាន​កាលវិភាគហោះហើរថ្មី​មួយ​ចំនួន​ទៀតដូចជា៖​ស៊ីស័ងបាន់ណា - ក្រុងព្រះស៊ីហនុថៃយាន - ក្រុងព្រះស៊ីហនុណានជីង- ក្រុងព្រះស៊ីហនុអ៊ីឆាង - ក្រុងព្រះស៊ីហនុចំពោះ​ល្បឿន​នៃការ​រីកចម្រើន​នេះ ចំនួនជើងហោះហើរត្រង់ពីក្រុងព្រះសីហនុទៅប្រទេសចិន ហុងកុង ម៉ាកាវ និងតៃវ៉ាន់ នឹងឈានដល់ ៣៣ ជើងនាពេលឆាប់ៗនេះ! ការពង្រីកផ្លូវអាកាសក្នុងក្រុងព្រះសីហនុយ៉ាង ឆាប់រហ័សនឹងនាំឱ្យមានការរីកចម្រើនយ៉ាងខ្លាំងនៅក្នុងឧស្សាហកម្មទេសចរណ៍។ ហើយទីផ្សារអចលនទ្រព្យ នៅក្រុងព្រះសីហនុនឹងទទួលបាន​អត្ថប្រយោជន៍​ពីការដឹកជញ្ជូន ហេដ្ឋារចនាសម្ព័ន្ធ និងទេសចរណ៍។ពីមុនជាភូមិនេសាទតូចមួយនៅជាយឆ្នេរឈូងសមុទ្រថៃ ឥឡូវនេះ​ក្រុងព្រះសីហនុកំពុងស្ថិតនៅលើផ្លូវ ក្លាយជាទីក្រុងឆ្នេរសមុទ្រអន្តរជាតិ។មិនត្រូវ​មើលរំលងពីសក្តានុពលនៃការអភិវឌ្ឍវិស័យអចលនទ្រព្យនាពេលអនាគតរបស់ក្រុងព្រះសីហនុឡើយ​។ឱកាសវិនិយោគជាមួយ ព្រីនស៍ ធាន ស៊ី វ៉ាន គម្រោង  ព្រីនស៍ ធាន ស៊ី វ៉ាននឹងដឹកនាំការរីកចម្រើន​នៃក្រុងព្រះសីហនុទៅអនាគត។ តើ​លោក​អ្នក​ចូលរួម​ចាប់យកឱកាស ឬ​រង់ចាំ និងឱ្យឱកាសនេះ​កន្លងផុត? សូម​មើលរំលងឱកាសនេះ ហើយសោកស្តាយ​ដែល​មិន​ទទួល​បាន​វិនិយោគ​។ចូលរួម​ជាមួយយើង និងសាកសួរអំពីគម្រោង ព្រីនស៍ ធាន ស៊ី វ៉ាន  នៅថ្ងៃនេះ!​ស្វែងរកអចលនទ្រព្យសម្រាប់លក់នៅក្រុងព្រះសីហនុ និងអចលនទ្រព្យសម្រាប់ជួលនៅក្រុងព្រះសីហនុ នៅថ្ងៃនេះ!

ការវិនិយោគលើវិស័យសំណង់កំពុងកើនឡើងយ៉ាងខ្លាំងនៅប៉ុន្មានឆ្នាំចុងក្រោយនេះ។ ក្នុងរយៈពេល ៦ ខែ ដើមឆ្នាំ២០១៩ ទុនវិនិយោគសរុបត្រូវបានគេរំពឹងថា​នឹងកើនឡើង ៤.៨  ពាន់លានដុល្លារ ដែលនឹងមានគម្រោងសាងសង់ប្រមាណ ១,៩០០ គម្រោង។ ជាក់ស្តែងក្នុងរយៈ ៤ ខែដំបូង​ ឆ្នាំ២០១៩ ពោលគឺពីខែ មករា ដល់ខែមេសា ទឹកប្រាក់វិនិយោគ មាន ២.៧ ពាន់លានដុល្លារ និងមានគម្រោងជាង ១,៣០០ គម្រោង ដែលបានទទួលសិទ្ធិអនុញ្ញាតសាងសង់ជាផ្លូវការ។ វិស័យសំខាន់ៗនៅក្នុងទីផ្សារអចលនទ្រព្យ ដែលជានិន្នាការថ្មីថ្មោងនៅឡើយសម្រាប់កម្ពុជា ដូចជា ខុនដូ ការិយាល័យ ផ្សារលក់រាយ និងអាផាតតមេនជាដើម កំពុងត្រូវបានគេយកចិត្តទុកដាក់បំផុត។ យកចិត្តទុកដាក់ដោយហេតុថា វានៅមានលក្ខណៈក្មេងខ្ចី ប៉ុន្តែពោពេញដោយសក្តានុពលវិនិយោគ។ វិស័យខុនដូយោងតាមរបាយការណ៍ CBRE Camboida ឆមាសមាសទី ២ បានឲ្យដឹងថា គម្រោងខុនដូចំនួន៨ ថ្មី ដែលបានប្រកាស សាងសង់នៅក្នុងឆមាសទី២ ឆ្នាំ២០១៩ ដែលធ្វើឲ្យការផ្គត់ផ្គង់កើនឡើងជាង ៥,៨០០ យូនីត។ ចំណែកសម្រាប់គម្រោងដែលបានសាងសង់រួចមានចំនួន ៥ គម្រោង ដែលបានដាក់បន្ថែមការផ្គត់ផ្គង់ចំនួន ១,៣៩៣ យូនីតក្នុងឆមាសទី២ នៃឆ្នាំ២០១៩នេះ។ ការកើនឡើងនេះមានចំនួន ៩.១៣%។ខុនដូត្រូវបានបែងចែកជា ៣ ប្រភេទ មានដូចជា ខុនដូតម្លៃទាប ដែលមានតម្លៃជាមធ្យម ១,៥០១ ដុល្លារ/ម៉ែត្រការ៉េ ខុនដូតម្លៃមធ្យម ដែលមានតម្លៃជាមធ្យម ២,៥៦៨ដុល្លារ/ម៉ែត្រ ការ៉េ និងប្រភេទខុនដូលំដាប់ខ្ពស់ ដែលមានតម្លៃ ៣,២៥៤ ដុល្លារម៉ែត្រការ៉េ។ ផ្អែកតាមរបាយការណ៍ដដែលនេះ តម្លៃនៃការលក់ខុនដូលំដាប់ខ្ពស់ និងមធ្យមបានធ្លាក់ចុះក្រោម ១% ខណៈតម្លៃលក់ខុនដូតម្លៃទាបកើនឡើងដល់ ១.៩%។ សម្រាប់ការជួល ត្រូវបានគេមើលឃើញថាបានកើនឡើងដល់ទៅ ៣% សម្រាប់ខុនដូលំដាប់ខ្ពស់ និង ៤.៣% ចំពោះខុនដូតម្លៃមធ្យម ក្នុងនោះតម្លៃជួលរបស់ខុនដូលំដាប់ខ្ពស់មានតម្លៃជួលជាមធ្យម ១៤.៦១ ដុល្លារ /មែ៉ត្រការ៉េ និងខុនដូមធ្យមមានតម្លៃ ១២ ដុល្លារ/ម៉ែត្រការ៉េ។វិស័យការិយាល័យចំពោះការផ្គត់ផ្គង់គម្រោងការិយាល័យ ត្រូវបានគេបែងចែកជា ២ ប្រភេទ ដូចជា ប្រភេទការិយាល័យឯកកម្មសិទ្ធិ និងសហកម្មសិទ្ធិ។ ក្នុងការផ្គត់ផ្គង់ត្រឹមឆមាសទី ២ នេះ ការិយាល័យឯកកម្មសិទ្ធិនេះមានទំហំផ្គត់ផ្គង់សរុបរហូតដល់ ៣៥៩,០០០ មែត្រការ៉េ។ ក្នុងនោះកម្រិតនៃការកាន់កាប់ការិយាល័យឯកកម្មសិទ្ធិ បើគិតត្រឹមឆមាសទី២នេះ មានចំនួន ៨៦.៥% ដែលជាតួលេខមួយមានកម្រិតខ្ពស់គួរឲ្យកត់សម្គាល់។ចំណែកការិយាល័យឯកកម្មសិទ្ធិកម្រិត C មានការធ្លាក់ចុះ ៥.៩% ក្នុងឆមាសទី២ ឆ្នាំ២០១៩នេះ ពោលគឺនៅឆមាសទី ១ មានទំហំ ១៩០,៥៦៥ មែត្រការ៉េ ចំណែកឆមាសទី២ មាន ១៧៩,៣០៩ មែត្រការ៉េ។ សម្រាប់ការិយាល័យសហកម្មសិទ្ធិ ត្រូវបានគេឃើញថាការបញ្ចប់របស់គម្រោង ស្តារ ស៊ីធី បានជំរុញកើនផ្តត់ផ្គង់ចំនួន ៥១% ដែលមានទំហំផ្គត់ផ្គង់ដល់ទៅ ៤០.៥០០ មែ៉ត្រការ៉េ។ ការផ្គត់ផ្គង់នេះ នឹងបន្តកើនឡើងថែមទៀត នៅពេលដែលគម្រោងផ្សេងៗទៀតត្រូវបានបញ្ចប់ដូចជា គម្រោង Versailles Square ដែលមានទំហំផ្តត់ផ្គង់ចំនួន ១១,២៦០ មែ៉ត្រការ៉េ។ចំណែកការជួលវិញ ការិយាល័យឯកកម្មសិទ្ធិ កម្រិត B ដែលនៅក្នុងតំបន់ពាណិជ្ជកម្ម បាននកើនឡើងចំនួនជិត ១% និងនៅតំបន់មិនមែនពាណិជ្ជកម្ម កើនឡើងប្រមាណ ៤.៧% ចំណែកកម្រិតC ដែលនៅក្នុងតំបន់មិនមែនពាណិជ្ជកម្មកើនឡើងប្រមាណ៤.២% ឃើញកំណើនកើនឡើង នៅពេលដែលការិយាល័យឯកកម្មសិទ្ធិ កម្រិត C ដែលនៅតំបន់មិនមែនពាណិជ្ជកម្ម ធ្លាក់ចុះចំនួនប្រមាណ ២.៦%។ វិស័យផ្សារលក់រាយផ្អែកតាមរបាយការណ៍នេះ ការផ្គត់ផ្គង់វិស័យលក់រាយ បានការកើនឡើងរហូតដល់ ៧%ក្នុងឆមាសទី២នេះ។ ក្នុងនោះគម្រោងដែលទើបតែបានបញ្ចប់មានដូចជា ផ្សារទំនើបអូឡាំព្យា និងផ្សារទំនើបមីតថោន។ ស្របពេលជាមួយគ្នានេះផ្សារទំនើប (Shopping Mall) បានកើនឡើងតែ ៤% ប៉ុណ្ណោះ ស្របពេលដែលផ្សារសហគមន៍បានធ្លាក់ចុះចំនួន ៥.៧% និងផ្សារលក់ធម្មតា (Retail Podium) ក៏ធ្លាក់ចុះចំនួន ៤% ផងដែរ។ ចំណែកការកាន់កាប់វិញ មានចំនួន ៧.៩% នៃការផ្គត់ផ្គង់សរុបដែលថយចុះបន្តិចពីឆមាសទី១។វិស័យអាផាតមេនការផ្គត់ផ្គង់ មានការកើនឡើងរហូតដល់ ៣៤% ជាមួយនឹងការបញ្ចប់គម្រោង Alpha Residence និង The View Apartment។ យោងតាមរបាយការណ៍នេះ បង្ហាញថាតំបន់តំបន់ ៣ ដែលមានការផ្គត់ផ្គង់ច្រើនជាងគេនៅទីក្រុងភ្នំពេញ រួមមាន៖ បឹងកេងកង១ ដូនពេញ និងទន្លេបាសាក់។ សម្រាប់បឹងកេងកង១ ការផ្គត់ផ្គង់មានរហូតដល់ ៣៨% ដូនពេញចំនួន ២៦% និងទន្លេបាសាក់ចំនួន១៤%។ ការផ្គត់ផ្គង់ក៏មាននៅតាមតំបន់ផ្សេងៗ ដូចជាទួលគោក មានចំនួន៤% និងទួលទំពូងមានចំនួន៦%។ ស្វែងរកខុនដូសម្រាប់លក់នៅក្នងទីក្រុងភ្នំពេញ ឬ ការិយាល័យសម្រាប់ជួលនៅក្នុងទីក្រុងភ្នំពេញ នៅថ្ងៃនេះ!

នៅ​ពេលវិស័យ​​ខុន​ដូ​​បាន​ចាប់​កំណើ​ត​ដំ​បូង​នៅ​កម្ពុជា​កាល​ពី​ចុង​ទសវត្យរ៍​ឆ្នាំ​ ២០០០ មាន​គម្រោង​តែពីរ ទៅ បី​​​​ប៉ុណ្ណោះត្រូវ​បាន​សាង​សង់​នៅភ្នំពេញ ហើយ​​សុទ្ធ​សឹង​ធ្វើ​​ឡើង​ដើម្បី​ឆ្លើយ​តប​តម្រូវ​​ការ​​​អតិថិជនជា​ជន​បរទេស។តែ​ជាងមួយទសវត្សរ៍ក្រោយមក ស្ថាន​ភាព​ទី​ផ្សារ​បាន​ផ្លាស់​ប្តូរ។ និន្នាការថ្មីមួយ​បាន​​លេចឡើង ដោយ​សារ​កំ​ណើន​ប្រ​ជាជន​កម្ពុជា​​វណ្ណៈកណ្តាល ហើយ​ពួក​គេ​​កំពុងត្រូវ​​ការលំ​នៅ​ដ្ឋាន​ផ្ទាល់​ខ្លួន​ ដែល​មាន​បែ​ប​បទ​រស់​នៅ​បែប​ស៊ី​វិ​ល័យ។​លោក អ៊ុក ច័ន្ទដារ៉ា​​វុធ នាយក​ផ្នែកលក់និងទីផ្សារនៃក្រុមហ៊ុន Seven Residence Co Ltd បានសង្កេត​ឃើញ​​ថា​​​តម្រូវ​ការ​ខុន​ដូ​ដែល​មាន​លក្ខណ​ៈ​សាង​សង់​ស្រប​តាម​តម្រូវ​ការ​ប្រ​ជាជន​ក្នុង​ស្រុក​ចាប់​ផ្តើម​កើន​ឡើង​។ ​លោកដារ៉ា​វុធ បានថ្លែងថានៅ​​មានភាព​មិន​ស៊ី​ ចង្វាក់​​​គ្នា​រវាង​តម្រូវ​ការ​និង​ការ​ផ្គត់​ផ្គង់​ខុន​ដូ​ សម្រាប់​ប្រ​ជាជន​ក្នុង​ស្រុក​ ហើយ​ក្រុម​ហ៊ុ Seven Residence ក៏​សម្រេច​​សាងសង់អគារខុន​ដូ​ The Seven Residence Condominium ដែល​ប្រ​ភេទ​ខុនដូ​តំលៃសមរម្យស្ថិតនៅក្នុងខ័ណ្ឌ​​សែនសុខ​។លោក​ថ្លែង​ថា​៖​«​ពេល​នេះ ប្រជាជនកម្ពុជាកាន់តែច្រើនឡើង​​ចាប់​អារម្មណ៍​ទិញខុនដូ តែ​គ្រាន់​តែ​ថា​​ពួកគេចង់​បាន​តម្លៃសម​រម្យ​ជាង​គម្រោង​​ខុន​ដូ​មុនៗ»​។ លោកបន្តថាក្រុម​ហ៊ុន​ The Seven Residence បានលក់ចេញ​ ៣០ ភាគរយ​ ចាប់​​តាំងពីបើកលក់គម្រោង​ខុន​ដូតម្លៃ​សម​រម្យ​នេះ​កាល​ពី​ខែមករា។ ជាង​ ៩០ ភាគ​រយ​នៃ​អ្នកបញ្ជា​​ទិញ​គឺ​ជា​អតិ​ថិ​ជនកម្ពុជា។​លោកបន្តថា៖​​«ក្នុងរយៈពេល ៥ ឆ្នាំទៀត​ ប្រ​ជាជនកម្ពុជានឹងលែង​សូវ​ទិញ​ផ្ទះ​ល្វែងទៀត​ហើយ​ ដោយ​សារ​​ត​ម្លៃកាន់​តែ​ថ្លៃ​ ​ហើយមាន​ទីតាំង​ឆ្ងា​យពីកណ្តាលក្រុង​។ ពួក​គេ​ នឹង​ងាក​មក​ទិញ​ខុន​ដូ​ដែលមានតំលៃសមរម្យវិញ​ដែលស្ថិតនៅជិតតំបន់ទីប្រជុំជន»។វា​ជា​និន្នាការថ្មីមួយនៅក្នុងវិស័យខុន​ដូ​នៅកម្ពុជា។ អ្នកអភិវឌ្ឍន៍ជាច្រើនកំពុងផ្លាស់ប្តូរការយកចិត្តទុកដាក់របស់ពួកគេមក​រក​អ្នកទិញក្នុងស្រុក។ជា​ទូ​ទៅ​ ខុនដូ​តម្លៃ​សម​រម្យ​នា​ពេល​នេះ​មាន​តម្លៃ​ប្រ​ហែល ៥ ម៉ឺន​ដុល្លារ​ក្នុង​មួ​យ​យូ​នីត ឬ ស្មើរ​នឹង​ ១,៤០០ ដុល្លារ​ក្នុង​មួយ​ម៉ែត្រ​កា​រ៉េ។យោងតាមរបាយការណ៍ថ្មីមួយរបស់​​ក្រុមហ៊ុនគ្រប់​គ្រង​សេវា​អចលនទ្រព្យ CBRE គម្រោងខុនដូចំនួន ១៣ គម្រោង​​ត្រូវបានបញ្ចប់ហើយដាក់នៅលើទីផ្សារផ្ទះសម្បែង​ក្នុងអំឡុងឆមាសទីមួយ​ឆ្នាំនេះ។ របាយការណ៍នេះបានឱ្យដឹងថាជិត ៧០ ភាគរ​យ​​នៃ​គម្រោង​ទាំង​នេះ គឺ​ជា​ខុនដូ​តម្លៃសមរម្យ។ខុនដូតម្លៃសមរម្យកំពុងមានកំណើននៅក្នុងទីផ្សារតួលេខរបស់ CBRE បានបង្ហាញថាគិត​ត្រឹម​ដំ​ណាច់​​ខែមិថុនា ការផ្គត់ផ្គង់ខុនដូសរុបនៅ​ភ្នំពេញមានចំនួន ១៦,៦៥៧ យូ​នីត​​។ ក្នុង​នោះ​ ខុន​ដូតម្លៃ​មធ្យម​ មាន​ប្រ​ហែល​ពាក់​កណ្តាល ខណៈគម្រោង​ខុន​ដូ​តម្លៃ​សម​រម្យ​ និង​តម្លៃ​ខ្ពស់​ មាន​ជាង ២០ ភាគ​រយ​ដូច​គ្នា។CBRE បាន​ចាត់​ថ្នាក់​ខុន​ដូត​ម្លៃមធ្យម ដោយ​គិត​ក្នុងមួយម៉ែត្រការ៉េ ស្មើរ​តម្លៃ​ ៣,២៥៤ ដុល្លារ​ ​ចំណែក​ខុនដូ​តម្លៃមធ្យម ២,៥៦៨ ដុល្លារ និង​ខុន​ដូតម្លៃ​សម​រម្យ​ ១,៥០១ ដុល្លារ ក្នុង​មួយ​ម៉ែត្រ​ការ៉េ។​លោក James Hewson អ្នកគ្រប់គ្រងការស្រាវជ្រាវនិងប្រឹក្សា​យោបល់របស់ CBRE បានថ្លែងថាការអភិវឌ្ឍខុនដូដែលមានតម្លៃសមរម្យ​ នៅ​មាន​​​ចំណែកតូច​នៅ​ឡើយ​ធាប​នឹង​ចំ​នួន​ខុន​ដូរ​សរុប តែ​វា​កំ​ពុង​មាន​កំ​ណើន​ខ្លាំង​នៅ​មួយ​ឆ្នាំ​ចុង​ក្រោយ។លោកបានមានប្រសាសន៍ថា៖ «​​ឥឡូវនេះមានការផ្គត់ផ្គង់ខុនដូតម្លៃ​​ខ្ពស់នៅក្នុងទីផ្សារ តែ​ក្រុមហ៊ុនអភិវឌ្ឍន៍កំពុងចាប់ផ្តើមសាង​សង់​ខុន​ដូរ​តម្លៃ​សមរ្យ​ដើម្បី​កាត់​បន្ថយ​​ហានិភ័យ លើ​ការ​ពឹង​តែ​ខុន​ដូ​រ​តម្លៃ​ខ្ពស់​មួយ​មុខ​ដែល​ហាក់​មាន​ភាពឆ្អែតរួចទៅហើយ»។​ លោក​បន្ត​ថា​៖​«​មាន​ការ​ព្យាករណ៍ថា ខុន​ដូ​រ​តំលៃសមរម្យនឹងមានការកើនឡើងយ៉ាងខ្លាំងក្នុងការផ្គត់ផ្គង់ក្នុងរយៈពេលបីឆ្នាំខាងមុខនេះ»​​។លោកបានបន្ថែមថាកំណើនភាគច្រើននៃខុនដូគឺអាស្រ័យលើហេដ្ឋារចនាសម្ព័ន្ធនិងលទ្ធភាពប្រើប្រាស់។ នេះជាការព្រួយបារម្ភចម្បងសម្រាប់គម្រោងដែលមានតំលៃសមរម្យដែលជាញឹកញាប់ជ្រើសរើសទីតាំងចុះ​ពី​ទី​ប្រជុំ​ជន​​ដើម្បីរក្សាតម្លៃទាប។យោងតាមរបាយការណ៍​របស់ CBRE នៅ​ឆ្នាំក្រោយ​នេះ ខុនដូដែល​បញ្ចប់ការ​សាង​សង់​ហើយ​ដាក់​នៅ​លើ​ទី​ផ្សារ​នឹងកើនដល់ ៤០,០០០ យូនីត​នៅ​​ភ្នំពេញ​។ ក្នុង​នោះ​ ជាងមួយភាគបួន ជា​ប្រ​ភេទ​ខុន​ដូ​​តម្លៃសមរម្យ។ស្វែងរកខុនដូសម្រាប់លក់នៅក្នុងទីក្រុងភ្នំពេញនៅថ្ងៃនេះ!

នៅក្នុងកិច្ចប្រជុំនាព្រឹកថ្ងៃទី១២ ខែកក្កដា ឆ្នាំ២០១៩ នេះ រដ្ឋាភិបាលបានអនុមអនុម័តលើច្បាប់ថ្មី ពាក់ព័ន្ធនឹងការគ្រប់គ្រងលើការធ្វើពាណិជ្ជកម្មតាមប្រព័ន្ធអេឡិចត្រូនិក។  តាមរយៈមន្ត្រីរដ្ឋាភិបាលសេចក្តីព្រាងច្បាប់នេះ ត្រូវបានអនុម័តដោយមិនមានការកែប្រែវិញឡើយ។ គោលដៅនៃការបង្កើតច្បាប់ស្ដីពី «ពាណិជ្ជកម្មតាមប្រព័ន្ធអេឡិចត្រូនិក» គឹដើម្បីមូលដ្ឋានដ៏សំខាន់មួយក្នុងការជំរុញពាណិជ្ជកម្មលើប្រព័ន្ធអេឡិចត្រូនិក ក្នុង និងក្រៅប្រទេសប្រកបដោយទំនុកចិត្ត តាមរយៈការទទួលស្គាល់សុពលភាព អនុភាព ភាពអាចអនុវត្តបាន និងភាពអាចទទួលយកបាននៃទំនាក់ទំនងអេឡិចត្រូនិក កំណត់ត្រាអេឡិចត្រូនិក និងកិច្ចសន្យាតាមប្រព័ន្ធអេឡិចត្រូនិក។ លើសពីនេះ ច្បាប់នេះនឹងរួមចំណែកក្នុងការអភិវឌ្ឍវិស័យឌីជីថលនៅកម្ពុជា ដោយធ្វើយ៉ាងណាធានាបាននូវការប្រកបអាជីវកម្មស្របតាមក្របខណ្ឌច្បាប់ ដែលគាំទ្ររាល់សកម្មភាព និងប្រតិបត្តិការអាជីវកម្មគ្រប់ទម្រងតាមប្រព័ន្ធអនឡាញអេឡិចត្រូនិក និងឌីជីថល។ គេជឿថាការធ្វើបច្ចុប្បន្នភាពនៃទីផ្សារប្រព័ន្ធអេឡិចត្រូនិក គឺអាចបង្កើតទម្រងឌីជីថលដ៏រឹងមាំមួយ សម្រាប់ការអភិវឌ្ឍប្រកបដោយនិរន្តរភាព ស្រពពេល កម្ពុជាកំពុងឈានទៅរកបដិវត្តន៍ឧស្សាហកម្ម ០.៤។ តើច្បាប់ពាណិជ្ជកម្មតាមប្រព័ន្ធអេឡិចត្រូនិកនេះនឹងផ្តល់សារៈប្រយោជន៍អ្វីខ្លះ? សម្រួល និងជំរុញការធ្វើពាណិជ្ជកម្មតាមប្រព័ន្ធអេឡិចត្រូនិក ទាំងក្នុងប្រទេស និងអន្តរជាតិ ដើម្បីធានាទាំងផ្នែកច្បាប់ សុក្រឹតភាព និងភាពអាចជឿទុកចិត្តបាន នៃទម្រង់អេឡិចត្រូនិក និងទំនាក់ទំនងអេឡិចត្រូនិកសម្រាប់ការធ្វើពាណិជ្ជកម្មកម្ពុជា និងជាមួយអន្តរជាតិ។ បង្កើនប្រសិទ្ធភាពក្នុងការផ្ដល់សេវាសាធារណៈជូនប្រជាពលរដ្ឋ ពីសំណាក់ក្រសួង-ស្ថាប័នរដ្ឋតាមប្រព័ន្ធអេឡិចត្រូនិក និងសម្រួលដល់ប្រជាពលរដ្ឋក្នុងការចុះបញ្ជី ការបង្កើត ឬការរក្សាទុកក្នុងទម្រង់អេឡិចត្រូនិកជាមួយក្រសួង ស្ថាប័នរដ្ឋ តាមរយៈការទទួលស្គាល់សកម្មភាព និងប្រអេឡិចត្រូនិក។លើកកំពស់ទំនុកចិត្តដល់សាធារណជនក្នុងការប្រើប្រាស់ទំនាក់ទំនងអេឡិចត្រូនិកក្នុងសកម្មភាព និងប្រតិបត្តិការនានា តាមរយៈការទទួលស្គាល់សុពលភាព អានុភាពគតិយុត្ត និងភាពអាចអនុវត្តបាននៃទម្រង់អេឡិចត្រូនិក កំណត់ត្រាអេឡិចត្រូនិក ភស្តុតាងអេឡិចត្រូនិក ហត្ថលេខាអេឡិចត្រូនិក និងធានាដល់ការទូទាត់តាមប្រព័ន្ធអេឡិចត្រូនិកបានឆាប់រហ័ស និងមានសុវត្ថិភាព។លើកកម្ពស់កិច្ចការពារអ្នកប្រើប្រាស់នៅក្នុងពាណិជ្ជកម្មតាមប្រព័ន្ធអេឡិចត្រូនិក តាមរយៈការការពារព័ត៌មានឯកជនដល់អ្នកប្រើប្រាស់ និងការទទួលបានព័ត៌មានច្បាស់លាស់ និងគ្រប់គ្រាន់អំពីទំនិញ ឬសេវាដាក់លក់តាមប្រព័ន្ធអេឡិចត្រូនិក។ទប់ស្កាត់រាល់សកម្មភាពដែលបង្កឱ្យមានការប៉ះពាល់ដល់ការធ្វើពាណិជ្ជកម្មតាមប្រព័ន្ធអេឡិចត្រូនិក ប្រកបដោយសុវត្ថិភាព និងទំនុកចិត្ត៕ (ប្រភព Fresh News)ស្វែងរកអចលនទ្រព្យសម្រាប់លក់នៅក្នុងទីក្រុងភ្ណំពេញនៅថ្ងៃនេះ

ក្នុងពេលថ្មីៗនេះ គម្រោងខុនដូតម្លៃសមរម្យចំនួន ៥ គម្រោងបានសម្ពោធបើកជាផ្លូវការនៅក្នុងទីក្រុងភ្នំពេញ ដែលនឹងបន្ថែមការផ្គត់ផ្គង់ប្រមាណជាង ៣,០០០ យូនីតទៅក្នុងទីផ្សារ ដែលគេរំពឹងថាចំនួនខុនដូតម្លៃទាបទាំងអស់មានប្រមាណជាង ៧,០០០ យូនីតនៅក្នុងឆ្នាំ ២០១៩។យោងតាមបាយការណ៍ទីផ្សារខុនដូឆ្នាំ ២០១៩ របស់ CBRE បានបង្ហាញថា គម្រោងថ្មីទាំង ៥​ នេះមានដូចជា៖ គម្រោងលំនៅដ្ឋាន អារ៉ាកាវ៉ា មាន ២,០០០ យូនីត គម្រោង ថ្ម១ ដុំ មាន​១២០ យូនីត គម្រោងភ្នំពេញស្តា មាន ២៥០ យូនីត​ គម្រោង បុរី ឃីឡាមាន ៣០០ យូនីត និងគម្រោង សិវែន រ៉េស៊ីដិន មាន ៣០០ យូនីត។ ខុនដូតម្លៃសមរម្យមានទាបបំផុតចាប់ពីជាង ៨០០ ដុល្លារក្នុងមួយម៉ែត្រការ៉េ រហូតដល់ជាង ១,៥០០ ដុល្លារក្នុងមួយម៉ែត្រការ៉េ។ នេះបើតាមរបាយការណ៍។ កម្រិតតម្លៃខុនដូមានលក្ខណៈខុសគ្នាគឺអាស្រ័យទៅតាមទីតាំង ទំហំយូនីត សេវាកម្មក្នុងគម្រោង និង តំបន់់សេវាកម្មជុំវិញ។ សម្រាប់គម្រោងថ្មីៗ ពេលនេះបានកំពុងចាប់យកតំបន់រីកចម្រើនថ្មី ដូចជា ទួលគោក សែនសុខ និងខណ្ឌជ្រោយចង្វារ៕  ស្វែងយល់ពីគម្រោង អារ៉ាកាវ៉ា ឬគម្រោងភ្នំពេញស្តា ឥឡូវនេះ!

គិតតែត្រឹមរយៈពេល ៦ខែដំបូង ឆ្នាំ២០១៩ នេះ តម្លៃដីខេត្តព្រះសីហនុបានហក់ឡើងខ្ពស់់គួរឲ្យកត់សម្គាល់ ដែលតំបន់មួយចំនួនកើនឡើងស្ទើរតែគុណនឹងពីរ​ ធៀបទៅនឹងឆមាសទី២ ឆ្នាំ២០១៨។ យោងតាមរបាយការណ៍តម្លៃដីចេញផ្សាយថ្មីៗ​នេះ ដោយក្រុមហ៊ុន ឃី រៀល អ៊ីស្ទេត បានបង្ហាញថា​ តម្លៃដីនៅក្នុងក្រុងព្រះសីហនុកំពុងបន្តកើនឡើងខ្ពស់។ ក្នុងចំណោមសង្កាត់ ចំនួន ៤ សង្កាត់មួយមានតម្លៃដីកើនឡើងរហូតជាង ៦០% និងសង្កាត់បី មានតម្លៃដីកើនឡើងជាង ៩០%។ របាយការណ៍បង្ហាញថា ក្នុងរយៈ ៦ខែដំបូងក្នុងឆ្នាំ ២០១៩នេះតម្លៃដីនៅសង្កាត់បី កើនឡើងដល់ជាង ១,៧០០ ដុល្លារ/មែ៉ត្រការ៉េ​ ធៀបទៅនឹងឆមាសទី២ ឆ្នាំមុនតម្លៃដីជាមធ្យម ៨០០ ដុល្លារ/ម៉ែត្រការ៉េ។ រីឯសង្កាត់មួយក៏មានការកើនឡើងខ្ពស់គួរឲ្យកត់សម្គាល់ ដែលពីតម្លៃដីជាមធ្យមខ្ទង់ ៣០០ ដុល្លារ/ម៉ែត្រការ៉េ រហូតដល់ត្រីមាសទី១ ឆ្នាំនេះ កើនដល់ ៥០០ ដុល្លារ/ម៉ែត្រការ៉េ។ លោក ស៊ន សៀប ស្ថាបនិក និងជានាយកប្រតិបត្តិរបស់ ក្រុមហ៊ុន ឃី រៀល អ៊ីស្ទេត បានឲ្យដឹងថា មូលហេតុដែលធ្វើឲ្យតម្លៃដីនៅសង្កាត់ ៣ កើនឡើងខ្ពស់ជាងគេ ដោយសារតែតំបន់នេះស្ថិតនៅជាប់មាត់សមុទ្រ និងមានសក្តានុពល បំផុតសម្រាប់គម្រោងអភិវឌ្ឍន៍ធំៗ និងជាអគារខ្ពស់ៗបែបលំនៅដ្ឋាន ពាណិជ្ជកម្ម និងសណ្ឋាគារលំដាប់ផ្កាយ។ លោកថា បច្ចុប្បន្នគម្រោងធំៗ ដូចជាគម្រោង Blue Bay និងគម្រោង Treasure Bay ជាដើម បានកំពុងសាងសង់នៅក្នុងតំបន់នេះ។ មើលលម្អិតពីគម្រោង Blue Bay ចុចនៅទីនេះ! ទាក់ទងនឹងការកើនឡើងនៅសង្កាត់មួយវិញ លោក សៀប ពន្យល់ថា ដោយសារតែតម្លៃដីនៅក្នុងតំបន់មានលក្ខណៈទាបស្រាប់ដែលធ្វើឲ្យការកើនឡើងមានកម្រិត ខ្ពស់។ ម្យ៉ាងវិញទៀត ការទិញលក់នៅតំបន់ក្រៅក្រុង ចាប់ផ្តើមមានប្រតិបត្តិការច្រើន ដោយហេតុថា ភាគច្រើន អ្នកក្នុងបានលក់ដីក្នុងតំបន់កណ្តាលដែលមានតម្លៃថ្លៃ រួចមកទិញ ដីនៅផ្នែកខាងក្រៅវិញ។ លោកសៀប បញ្ជាក់ថា ដីសង្កាត់មួយពេលនេះត្រូវបា៉ន់សម្រាប់ការទិញដើម្បីធ្វើលំនៅដ្ឋាន និងផ្ទះជួល។ ចំណែកសង្កាត់ពីរ ដែលមានតម្លៃដីខ្ពស់ជាងគេស្រាប់គឺមានកំណើនប្រមាណតែ ១៥.២% ប៉ុណ្ណោះ ដោយសារតែការអភិវឌ្ឍនៅក្នុងសង្កាត់នេះ មានការលូតលាស់រួចស្រាប់ទៅហើយ។ បច្ចុប្បន្នទីនេះមានតម្លៃជាមធ្យមគឺជិត ២, ០០០ ដុល្លារ/ម៉ែត្រការ៉េ។ ផ្ទុយពីសង្កាត់ទាំង ៣​ ខាងលើ សង្កាត់បួនជាសង្កាត់ដែលមានតម្លៃដីកើនឡើងតិចជាងគេ ត្រឹមតែប្រមាណជិត ៦%។ ការកើនឡើងតិចតួចនេះ ត្រូវបានលោក សៀប បញ្ជាក់ថា ដោយសារការកើនឡើងយ៉ាងគំហុកនៅក្នុងឆមាសទី១ និងឆមាសទី២ នៃឆ្នាំ២០១៨ រួចមកហើយ។ ម្យ៉ាងវិញទៀត ដីនៅក្នុងសង្កាត់បួនភាគច្រើនជាដីធំៗ ដែលធ្វើឲ្យមានការទិញដូរតិចតួច។ ប៉ុន្តែទោះយ៉ាងណា តំបន់នេះមានតម្លៃដីខ្ពស់គួរសមរួចទៅហើយ បើតាមរបាយការណ៍ ដីពីមុនតម្លៃជាមធ្យម ១,២០០ ក្នុងមួយម៉ែត្រការ៉េ ឥឡូវនេះកើនដល់ ​​១,៥០០ ដុល្លារក្នុងមួយម៉ែត្រការ៉េ។ ទិដ្ឋភាពទូទៅនៃការអភិវឌ្ឍនៅក្នុងក្រុងព្រះសីហនុត្រង់ចំណុចនេះលោក សៀប បានឲ្យដឹងថាការសាងសង់កំពុងធ្វើឡើងយ៉ាងមមាញឹកនៅក្នុង ក្រុងព្រះសីហនុ ដែលនេះមានន័យថា គម្រោងភាគច្រើនមិនទាន់បានបញ្ចប់នៅឡើយ ហើយនេះជាមូលហេតុដែលធ្វើឲ្យតម្លៃជួលកើនឡើងខ្ពស់។ លោកមើលឃើញថា បច្ចុប្បន្នទីនេះ ហាក់មានបញ្ហាមួយចំនួន ដែលធ្វើឲ្យក្រុងព្រះសីហនុ មិនទាន់ជាកន្លែងដែលអាចទាក់ទាញអ្នកទេសចរច្រើននោះទេ ប៉ុន្តែលោកព្យាករណ៍ថា នៅពេលដែលការសាងសង់បានបញ្ចប់រួចរាល់ ខេត្តព្រះសីហនុនឹងមានដំណើរការល្អឡើងវិញ សម្រាប់វិស័យទេសចណ៍ ចំណែគតម្រូវការជួល និងស្នាក់នៅនឹងមានកាន់តែច្រើនថែមទៀត។ លោក សៀប ជឿជាក់ថា ការវិនិយោគនៅក្នុងខេត្តព្រះសីហនុនឹងទទួលបានឱកាសចំណេញ នៅពេលខាងមុខ៕ស្វែងរកអចលនទ្រព្យសម្រាប់លក់នៅខេត្តព្រះសីហនុ ឬអចលនទ្រព្យសម្រាប់ជួលនៅខេត្តព្រះសីហនុនៅថ្ងៃនេះ។

ក្រុងព្រះសីហនុកំពុងមានការរីកចម្រើនក្នុងរយៈពេលប៉ុន្មានឆ្នាំចុងក្រោយនេះ។ លំហូរនៃការវិនិយោគចូលនឹងត្រូវផ្លាស់ប្តូរទីក្រុងកំពង់ផែទៅជាទីក្រុងបែបរមណីយដ្ឋាន។ លើសពីនេះ នៅសីហនុនៅតែមានជម្រើសដែលមានតម្លៃសមរម្យ។ គម្រោង​ New Landmark កំពុងផ្តល់ជូននូវអចលនទ្រព្យដែលមានតម្លៃចាប់ផ្តើមត្រឹមតែ ៤០,០០០ ដុល្លារប៉ុណ្ណោះ។ឆ្នេរអូរឈើទាលជាមជ្ឈមណ្ឌលមួយនៃខេត្តព្រះសីហនុ និងជាឆ្នេរសមុទ្រដ៏ពេញនិយមបំផុតមួយនៅក្នុងប្រទេសកម្ពុជា។ ជាកន្លែងដ៏ល្អឥតខ្ចោះសម្រាប់ក្រុមគ្រួសារនៅថ្ងៃឈប់សម្រាក វិស្សមកាល និងឱកាសជាច្រើនទៀត។ មានសណ្ឋាគារលំដាប់ខ្ពស់ កន្លែងបរិភោគអាហារសម្បូរបែប និងមានកន្លែងធម្មជាតិស្រស់ស្អាតជាច្រើន។ឆាប់ៗនេះនឹងមានអគារថ្មីមួយដែលឆក់យកក្រសែភ្នែកនៅក្នុងចំណោមអគារខ្ពស់ៗនៅក្នុងខេត្តព្រះសីហនុ នោះគឺជាអគាររបស់គម្រោង New Landmark។ គម្រោងនេះស្ថិតនៅចម្ងាយត្រឹមតែ ២០០ ម៉ែត្រពីឆ្នេរអូរឈើទាល និងបែកខាងស្តាំនៃរង្វង់មូលតោពីរ។ អគារនេះតំណាងឱ្យនិន្នាការថ្មីមួយនៃខេត្តព្រះសីហនុ ដោយបង្ហាញពីអត្តសញ្ញាណទីក្រុងថ្មីសម្រាប់ក្រុងព្រះសីហនុ។ ជាការពិតណាស់មានអាគារជាច្រើននឹងអនុវត្តតាម New Landmark និងយកគំរូរចនាបថរបស់គម្រោងនេះផងដែរ។សាងសង់ឡើងដោយក្រុមហ៊ុនបុត្រសម្ព័ន្ធរបស់ក្រុមហ៊ុន China Construction Group គម្រោង New Landmark មានផ្ទៃដីសរុប ២០០,០០០ ម៉ែត្រការ៉េ។ នៅក្នុងបរិវេណនេះមានអគារទំនើបចំនួនបួន មានអាផាតមេនសម្រាប់សម្រាកលម្ហែកាយ សណ្ឋាគារលំដាប់ផ្កាយ ៥ ក្លឹបកម្សាន្តដ៏ធំមួយដែលមានទំហំ ១០,០០០ ម៉ែត្រការ៉េ និងមានតំបន់ពាណិជ្ជកម្មជាច្រើនទៀត។ ចាប់អារម្មណ៍គម្រោង New Landmark ចុចនៅទីនេះ!​ យូនីតទាំងអស់នៅ New Landmark ពោរពេញទៅដោយភាពប្រណិតអាផាតមេនប្រណីតៗគឺល្អឥតខ្ចោះមិនថាអ្នកកំពុងស្វែងរកផ្ទះសម្រាប់សម្រាកលម្ហែកាយ ឬឱកាសសម្រាប់វិនិយោគ។ យូនីតទាំងនោះត្រូវបានតុបតែងយ៉ាងល្អិតល្អន់ហើយបានបង្កើតឡើងដោយប្រើសម្ភារៈ និងបរិក្ខាប្រើប្រាស់ដែលមានម៉ាកយីហោល្បីៗ និងទំនើបៗ។យូនីតនៅ New Landmark មានទំហំផ្សេងៗគ្នា ចាប់ពីយូនីតស្ទូឌីយោរហូតដល់យូនីតបន្ទប់គេងពីរ។ រចនាបថទូទៅបំផុតគឺមានទំហំចាប់ពី ៣០ ទៅ ៥១ ម៉ែត្រការ៉េ។ ទោះជាយ៉ាងណាក៏ដោយប្រសិនបើលោកអ្នកកំពុងស្វែងរកយូនីតខ្នាតធំ គម្រោង New Landmark ក៏មានយូនីតទំហំធំដល់ទៅ ១០៦ ម៉ែត្រការ៉េផងដែរ។បច្ចុប្បន្ននេះគម្រោង New Landmark បានចាប់ផ្តើមបើកលក់អាគារ B មាន ៣៧ ជាន់ ហើយគ្រោងនឹងប្រគល់ជូនក្នុងរយៈពេល ២ ឆ្នាំទៀត។ នោះមានន័យថាប្រសិនបើលោកអ្នកទិញបានលឿន លោកអ្នកនឹងទទួលបានការបញ្ចុះតម្លៃដ៏ច្រើន។អ្នកអាចបង់ប្រាក់ត្រឹមតែ ៤០,០០០ ដុល្លារក្នុងមួយយូនីតនៅ New Landmarkសម្រាប់អ្នកទិញដំបូង គម្រោង New Landmark កំពុងផ្តល់ជូននូវតម្លៃដ៏អស្ចារ្យ។ ការទិញយូនីតណាមួយនៅជាន់ទី ១១ ដល់ទី ១៥ អាចផ្តល់ជូននូវផលចំណេញពីការជួលត្រឡប់មកវិញក្នុងអត្រា ១២ ភាគរយក្នុងមួយឆ្នាំសម្រាប់រយៈពេលបីឆ្នាំ។ នេះមានន័យថាប្រសិនបើលោកអ្នកទិញយូនីតដែលមានទំហំ ៣០ ម៉ែត្រការ៉េ លោកអ្នកចំណាយត្រឹមតែ ៤0,000 ដុល្លារប៉ុណ្ណោះ ដើម្បីក្លាយជាម្ចាស់យូនីត នៅពេលដែលគម្រោងនេះបានបញ្ចប់រួចរាល់។តម្លៃមធ្យមនៃយូនីតគឺ ១,៩០០ ដុល្លារប៉ុន្តែលោកអ្នកអាចកាត់កងមកវិញបានយ៉ាងច្រើនជាមួយនឹងការជួលត្រឡប់មកវិញ។ មិនចាំបាច់បង់ប្រាក់ពេញឡើយ ដែលនេះជាជម្រើសល្អបំផុត។ គម្រោង New Landmark ជាកន្លែងទំនើបទាន់សម័យNew Landmark គឺជាសហគមន៍អេកូវ័យឆ្លាតដំបូងគេនៅខេត្តព្រះសីហនុដែលត្រូវបានកំណត់ឲ្យប្រើប្រាស់ QR កូដ សម្រាប់ត្រួតពិនិត្យការចេញចូល ចាក់សោរដោយប្រើស្នាមម្រាមដៃ ប្រើអ៊ីនធើណិត ឥតគិតថ្លៃ ទឹកម៉ាស៊ីនដែលអាចពិសារបាន ទីលានវាយកូនហ្គោល ទីលានវាយតេនីស និងផ្លូវថ្មើជើង។មជ្ឈមណ្ឌលពាណិជ្ជកម្មធំទូលាយដែលគ្របដណ្តប់លើអាជីវកម្មជាច្រើនដូចជាហាងទំនិញ  ធនាគារ ភោជនីយដ្ឋានចិននិងអឺរ៉ុប ហាងកាហ្វេ ហាងកែសម្ផស្ស ស្ប៉ា កន្លែងហាត់ប្រាណ អាងហែលទឹកឯកជនលើដំបូល និងកន្លែងជាច្រើនទៀត។New Landmark ក៏មានមជ្ឈមណ្ឌលវប្បធម៌ សាលប្រជុំសាធារណៈ ចំណតរថយន្តក្រោមដីដ៏ធំ និងជាអគារទឹករាំដំបូងគេនៅក្រុងព្រះសីហនុ។មានចំងាយ ១ គីឡូម៉ែត្រនៃគម្រោងនេះមានសណ្ឋាគារ ភោជនីយដ្ឋាន ហាងលក់រាយ ហាងទំនិញរួចពន្ធ និងកាស៊ីណូធំៗ ព្រមទាំងកន្លែងកម្សាន្តជាច្រើនទៀតដូចជាសណ្ឋាគារ Gobo East សណ្ឋាគារវិមានខ្សាច់ស សណ្ឋាគារនិងកាស៊ីណូ Jin Bei ដែលធ្វើឲ្យជីវិតមានភាពស្រស់បំព្រង និងរីករាយ។សូមកុំឲ្យឱកាសនេះកន្លងហួសឲ្យសោះ។ លោកអ្នកអាចមានផ្ទះក្នុងក្តីសុបិន្តរបស់លោកអ្នកដោយចំណាយក្រោម ៥០,០០០ ដុល្លារប៉ុណ្ណោះ៕ស្វែងរកអចលនទ្រព្យសម្រាប់លក់នៅខេត្តព្រះសីហនុនៅថ្ងៃនេះ សូមចូលទៅកាន់ Realestate.com.kh!

លោកនាយក​រដ្ឋ​មន្រ្តី​ ហ៊ុន សែន កាល​ពី​ថ្មីៗនេះ​បាន​​​ជំ​រុញ​ឲ្យ​មាន​ការ​បង្កើត​ទី​ចំ​ណត​យានយន្ត​សាធារណៈក្រោម​ដី​​ឲ្យ​កាន់​តែ​ច្រើន ដើម្បី​ដោះ​ស្រាយ​បញ្ហា​កក​ស្ទះ​នៅ​ទី​ក្រុង​ភ្នំពេញ​។ថ្លែង​​ក្នុងឱកាស​ជួប​សំណេះសំណាល​ពលរដ្ឋ​ខ្មែរ​នៅ​ប្រទេស​ស្វី​ស កាល​ពី​​ថ្ងៃទី​៤​ ខែ​កក្កដា លោក​នាយ​ក​រដ្ឋ​មន្រ្តី​ ហ៊ុន សែន បាន​ថ្លែង​​​ថា​​កង្វះ​​ចំណតរថយន្តបាន​ក្លាយ​ជា​​បញ្ហា​ចម្បង​មួយ​ក្នុង​ចំ​ណោម​បញ្ហា​ផ្សេងៗ​ទៀត​​នា​ពេល​បច្ចុប្បន្ន​ដែលត្រូវ​ពន្លឿន​កា​រ​ដោះ​ស្រាយ។លោក​នាយ​ក​រដ្ឋ​មន្រ្តី បាន​ណែនាំ​ឲ្យ​រដ្ឋមន្ត្រីក្រសួង​រៀបចំ​ដែនដី និង​អភិបាល​រាជធានី​ភ្នំពេញ ពិនិត្យ​បង្កើត​ចំណតរថយន្ត​បន្ថែម ជា​ពិសេស​ចំណត​ក្រោម​ដី ដើម្បី​បញ្ចៀស​ការប្រើ​ចិញ្ចើមផ្លូវ​សម្រាប់​ចំណត​យានតយន្ត​។​លោក​នាយ​ក​រដ្ឋ​មន្រ្តី​ថ្លែង​ថា​៖​«​សួន​ច្បារ​មួយ​ចំ​នួន​ [យើង​អាច​] ប្រើ​ប្រាស់​ផ្នែក​ខាង​ក្រោម​ ពីរ​បី​ជាន់​ខាង​ក្រោម​​ដើម្បីធ្វើ​ចំ​ណត​រថ​យន្ត​ បើ​មិន​អ៊ីចឹង​ទេ ចិញ្ចឹម​ផ្លូវ​របស់​យើង​ចត​ដោយ​រថ​យន្ត»។ លោក​បន្ត​ថា​៖​«​ភ្នំពេញ​បើ​សិន​ជា​រថយន្ត​ចេញ​តែ​ ៥០ ភាគរយ​​ មធ្យោ​បាយ​ធ្វើ​ដំ​ណើរកក​ទាំង​អស់​។ គាំង​ភ្នំពេញ»។ស្ថាន​ភាព​ជីវភាពរបស់​ប្រ​ជា​ជន​នៅ​ភ្នំពេញ​មាន​ភាព​ប្រ​សើរ​ជាង​មុន​ ហើយ​ដោយ​សារ​ការ​ប្រើ​ប្រាស់​មធ្យោ​បាន​ផ្ទាល់​ខ្លួន​នៅ​តែ​មាន​ប្រ​ជា​ប្រិយ​ខ្លាំង​ក្នុង​ចំ​ណោម​ប្រ​ជាជន​កម្ពុជា ចំ​នួន​រថយន្ត​បាន​កើន​ឡើង​យ៉ាង​ខ្លាំង​។កំ​ណើន​នេះ​ ស្រប​ពេល​ដែល​​រាជធានីភ្នំពេញមានកន្លែងចតយានយន្តតិចតួចណាស់ទាំងសាធារណៈ និង​ចំ​ណត​​ឯកជន។ការកើនឡើងនៃចំនួនយានតយន្តយោងតាមតួលេខដែលទទួលបានពីក្រសួងសាធារណការនិងដឹកជញ្ជូន គិត​ត្រឹម​ដំ​ណាច់​ឆ្នាំ ២០១៦ មាន​យានយន្តចំនួន ៤៤ ម៉ឺន​គ្រឿង​ និងម៉ូតូចំនួន ១.៦ លាន​គ្រឿង​ គ្រឿងដែលបានចុះបញ្ជីនៅក្នុងប្រទេសកម្ពុជា។​មន្រ្តី​ក្រសួង​សាធារណៈ​ការ​បាន​បញ្ជាក់​ថា ចំ​នួន​រថយន្ត​ចុះ​បញ្ជី​បាន​កើន​ឡើង​ជា​ប្រ​ចាំ​ឆ្នាំ​ដែល​មាន​ការ​ចុះ​បញ្ជី​ថ្មី​ចន្លោះ​ពី ៣០ ម៉ឺន​គ្រឿង ទៅ ៤០ ម៉ឺន​គ្រឿង​ក្នុង​មួយ​ឆ្នាំៗ។លោក មេត ​មាសភក្តី អ្នកនាំពាក្យសាលារាជធានីភ្នំពេញ បាន​ឲ្យ​ដឹង​ថា​ភ្នំពេញ កំពុងប្រឈមនឹង​ការ​ខ្វះ​ខាត​ទីកន្លែងចតយានយន្តសាធារណៈដោយសារតែចំនួនរថយន្តបាន​​កើនឡើងលឿន​រហ័ស។លោកភក្តី បានឲ្យ​ដឹង​ថា​រា​ជធានីភ្នំពេញនា​ពេល​នេះ​មាន​ចំណតរថយន្ត​ក្រោមដីចំនួនពី​រ​កន្លែង​ដែល​កំ​ពុង​ដំ​ណើរការ​ និង​មាន​បី​ ទៅ បួន​កន្លែង​ទៀត​កំ​ពុង​ត្រូវ​បាន​សាង​សង់​​។ តែ​លោក​សូម​មិន​ទាន់​​ផ្តល់ព័ត៌មានលម្អិតអំពីគម្រោងដែល​កំ​ពុង​សាង​សង់​នៅ​ឡើយ​។​លោក​បន្ត​ថា​៖​«​​ចំណត​យានត​យន្ត​ក្រោមដីគឺជាការវិនិយោគត្រូវ​ការ​លុយ​ច្រើន​។ យើងតែងតែលើកទឹកចិត្តដល់ការវិនិយោគឯកជនសម្រាប់គម្រោងប្រភេទនេះ ដើម្បី​​ពន្លឿនការអភិវឌ្ឍនិងជួយដោះស្រាយបញ្ហាកកស្ទះ»​។ចំណតឯកជនយោងតាមលោកភក្តី ក្រុមហ៊ុន Overseas Cambodia Investment Corporation (OCIC) បានសាងសង់ចំណតរថយន្តក្រោមដីដំ​បូង​គេ​​នៅភ្នំពេញ ដែល​មាន​ទី​តាំង​ក្រោម​​សួនចន្លោះពី​អគារវឌ្ឍនៈ និងអគារកាណាឌីយ៉ា។ចំណ​ត​រថយន្ត​ OCIC មានទំហំ ៨,៧០៤ ម៉ែត្រ​ការ៉េ មាន​ពីរជាន់ និងអាចផ្ទុករថយន្តជាង ៣០០ គ្រឿង។លោក ទូច សំណាង នាយកប្រតិបត្តិរបស់ក្រុមហ៊ុន OCIC បាននិយាយថាចំ​ណត​យានយន្ត​ក្រោម​ដី​​នេះ បានបើកដំណើរការតាំងពីដើមឆ្នាំ ២០១៨។ លោកបានអះអាងថារចនាសម្ព័ន្ធក្រោមដីបានជួយកាត់បន្ថយការកកស្ទះនៅក្នុងតំបន់នេះហើយបានរក្សាទុកចរាចរណ៍តាមដងផ្លូវ។លោក​បន្ត​​ថា៖​«​​បើគ្មានកន្លែងចតរថយន្តសមស្របទេ អ្នក​បើក​បរ​ចត​យាន​យន្ត​ពួកគេនៅតាមផ្លូវសាធារណៈហើយបង្កឱ្យមានការកកស្ទះចរាចរណ៍ធ្ងន់ធ្ងរ»​។ លោក​បញ្ជាក់​ថា​៖​«​វាតែងតែជាដំណោះស្រាយដ៏ល្អក្នុង​ការ​​សាងសង់​ចំណតក្រោមដីពីព្រោះឥ​លូវ​នៅ​លើ​ដី​លែង​មាន​​កន្លែងទំនេរច្រើន​ទៀត​ហើយ​»។ចំណត​​ក្រោមដីមួយ​ផ្សេងទៀតដែល​កំពុង​ដំណើរការ​គឺ​ចំណត​របស់​​ណាហ្គាវើល។​ក្រុម​ហ៊ុន វឌ្ឍនៈធ្លាប់​ត្រូវបានរាយការណ៍ថាបានដាក់ផែនការសម្រាប់ការសាងសង់ចំ​ណត​ក្រោម​ដី​ដែល​មាន​ទំ​ហំ ៥,០០០ ម៉ែត្រ​ការ៉េ។ ផ្សេង​ពី​នេះ ក៏​មាន​សេច​ក្តី​រាយ​ការណ៍​ផ្សេង​ដែរ​ថា ចំ​ណត​នៅ​ក្រោម​សួន​ ដែល​នៅ​ទល់​មុខ​សណ្ឋាគារសាន់វ៉េ​ភ្នំពេញ កំ​ពុង​ត្រូវ​បាន​សាង​សង់។ស្វែងរកអចលនទ្រព្យសម្រាប់លក់នៅភ្នំពេញ ឬអចលនទ្រព្យសម្រាប់ជួលនៅភ្នំពេញនៅថ្ងៃនេះ!

ប្រទេសកម្ពុជាទទួលបានកំណើន GDP ជាង ៧ ភាគរយក្នុងរយៈពេល ៨ ឆ្នាំជាប់ៗគ្នា និងបានក្លាយទៅជាប្រទេសមួយក្នុងចំណោមបណ្តាប្រទេសកំពុងរីកចម្រើនលឿនបំផុតនៅក្នុងពិភពលោក។ ជាមួយគ្នានេះលំនៅដ្ឋាននៃគម្រោងអភិវឌ្ឍន៍របស់ ព្រីនស៍ ធាន ស៊ី វ៉ានគឺស្ថិតនៅចំផ្នែកកណ្តាលនៃការរីកចម្រើននៅក្រុងឆ្នេរសមុទ្រនៃខេត្តព្រះសីហនុ។ក្រុងព្រះសីហនុគឺជាលំនៅដ្ឋានស្ថិតក្នុងតំបន់សេដ្ឋកិច្ចពិសេសធំបំផុតនៅកម្ពុជា និងជាកំពង់ផែទឹកជ្រៅតែមួយគត់របស់ប្រទេស។ដោយសារមានគោលនយោបាយ "ខ្សែក្រវ៉ាត់មួយផ្លូវមួយ" របស់ប្រទេសចិន ខេត្តព្រះសីហនុកំពុងស្ថិតនៅលើល្បឿននៃការផ្លាស់ប្តូរដ៏ឆាប់រហ័ស។ ហើយការរីកចម្រើននេះមានស្ទើរតែគ្រប់វិស័យទាំងអស់ពោលគឺមានទាំងការដឹកជញ្ជូន និងទេសចរណ៍ព្រមទាំងការផលិតធំៗ ដែលកំពុងមានការកើនឡើងជាលំដាប់។ ខាងក្រោមនេះជាសក្តានុពលសំខាន់ៗមួយចំនួននៃក្រុងព្រះសីហនុ៖១. ផ្លូវល្បឿនលឿនភ្ជាប់ទីក្រុងព្រះសីហនុ និងរាជធានីភ្នំពេញដែលបច្ចុប្បន្នកំពុងត្រូវបានសាងសង់។២.   មានគម្រោងជាច្រើនសម្រាប់ការដឹកជញ្ជូនទំនិញថ្មីៗនៅក្រុងព្រះសីហនុ។៣. ក្រុមហ៊ុនចិនបានវិនិយោគ ២.៨ ពាន់លានដុល្លារសម្រាប់កំពង់ផែទឹកជ្រៅនៅខេត្តព្រះសីហនុ។៤. អាកាសយានដ្ឋានអន្តរជាតិខេត្តព្រះសីហនុបច្ចុប្បន្នកំពុងតែពង្រីកបន្ថែម។៥. ការទាញយកប្រេងនៅឈូងសមុទ្រត្រូវបានកំណត់ទៅនៅចុងឆ្នាំនេះ។៦. មានគម្រោងជាច្រើនសម្រាប់មជ្ឈមណ្ឌលសន្និសីទអន្តរជាតិអាស៊ាននៅក្នុងខេត្តព្រះសីហនុ។៧. បច្ចុប្បន្ននេះមានជើងហោះហើរត្រង់ដោយភ្ជាប់ខេត្តព្រះសីហនុទៅកាន់ទីក្រុងចំនួន ២៧ របស់ប្រទេសចិន។គម្រោង  ព្រីនស៍ ធាន ស៊ី វ៉ាន ជារមណីយដ្ឋានដ៏ទំនើបបំផុតនៅខេត្តព្រះសីហនុគម្រោង ព្រីនស៍ ធាន ស៊ី វ៉ាន មានទីតាំងស្ថិតនៅក្រុងឆ្នេរនៃក្រុងព្រះសីហនុ នៅជាប់សាលាខេត្ត និងប៉ែកខាងស្តាំនៃឆ្នេរជ័យជំនះ។ លើសពីនេះទៅទៀតមានទេសភាពសមុទ្រដ៏ស្រស់ស្អាតបំផុតនៅក្នុងទីក្រុង។ព្រីនស៍ ធាន ស៊ី វ៉ាន គ្របដណ្តប់លើផ្ទៃដីសរុបចំនួន ៣៤០,០០០ ម៉ែត្រការ៉េ។ គម្រោងនេះមានសណ្ឋាគារលំដាប់ផ្កាយ ៥ មានហាងទំនិញរួចពន្ធធំបំផុតនៅខេត្តព្រះសីហនុ ផ្សារទំនើប រោងភាពយន្ត IMAX ផែឯកជន និងឆ្នេរកំសាន្តមានសួនច្បារលើអាកាសទំហំ ១៣,០០០ ម៉ែត្រការ៉េបង្ហាញពីចំណុចសំខាន់មួយនៃតំបន់រួមរបស់អគារ។ ក៏មានអាងហែលទឹកក្តៅ អាងហែលទឹកខាងក្រៅអមដោយសួន និងមានចំណតយានយន្តធំទូលាយទំហំ ២៥,០០០ ម៉ែត្រការ៉េ។លើសពីនេះទៅទៀត គម្រោងរីសតនេះមានប៊ូទិក ហាងលក់ទំនិញទំនើប កន្លែងទទួលទានអាហារ សួនកម្សាន្តលក្ខណៈគ្រួសារ ក្លឹបស្ប៉ា កន្លែងជិះស្គីទឹកកក អគារ KTV និងកន្លែងជាច្រើនទៀត។តាមការគ្រោងទុក គម្រោងនេះនឹងបញ្ចប់នៅខែមីនាឆ្នាំ ២០២៣ ។ អគារអាផាតមិនទំនើបនេះមានទំហំចាប់ពី ៣៩ ដល់ ១២៧ ម៉ែត្រការ៉េ។ ប្រសិនបើអ្នកចាប់អារម្មណ៍ សូមកុំស្ទាក់ស្ទើរក្នុងការទៅមើលការិយាល័យលក់របស់គម្រោង ព្រីនស៍ ធាន ស៊ី វ៉ាន នៅថ្ងៃនេះ។ ឬចុចនៅទីនេះដើម្បីមើលគម្រោង ព្រីនស៍ ធាន ស៊ី វ៉ាន។ ក្រុងព្រះសីហនុអនុវត្តតាមមាគាររបស់ទីក្រុង Shenzhen ការអនុវត្តតាមមាគាររបស់ទីក្រុង Shenzhen ប្រទេសចិន ខេត្តព្រះសីហនុមិនត្រឹមតែជាតំបន់សេដ្ឋកិច្ចពិសេសក្នុងស្រុកតែមួយប៉ុណ្ណោះទេ ប៉ុន្តែបើយោងទៅតាមយុទ្ធសាស្ដ្រអភិវឌ្ឍន៍ឧស្សាហកម្មថ្នាក់ជាតិឆ្នាំ ២០១៥-២០២៥ នឹងផ្លាស់ប្តូរទៅជាតំបន់អភិវឌ្ឍន៍ឧស្សាហកម្មបៃតង។នៅពេលនោះខេត្តព្រះសីហនុនឹងក្លាយទៅជាតំបន់ឧស្សាហកម្មដ៏សំខាន់បំផុត និងជាគោលដៅទេសចរណ៍នៃព្រះរាជាណាចក្រកម្ពុជា។ដោយសារតែគោលនយោបាយរូបវន្ត ទិន្នផលឧស្សាហកម្មរបស់ក្រុងព្រះសីហនុមានចំនួនច្រើនជាង ៥០% នៃផលិតផលក្នុងស្រុកសរុបថ្នាក់តំបន់។ សហគ្រាសនានាដែលវិនិយោគ និងអភិវឌ្ឍន៍តំបន់សេដ្ឋកិច្ចពិសេសក្រុងព្រះសីហនុអាចទទួលបានការលើកលែងលើពន្ធនាំចេញនាំចូល ពន្ធលើតម្លៃបន្ថែម និងពន្ធលើប្រាក់ចំណូលរហូតដល់ប្រាំបួនឆ្នាំ។ដូចជាទីក្រុងហុងកុងដែរ ក្រុងព្រះសីហនុគឺជាទីក្រុងកំពង់ផែដែលមានទីផ្សាសេរី។ ប៉ុន្មានឆ្នាំថ្មីៗនេះបរិមាណនៃការវិនិយោគដោយផ្ទាល់ពីបរទេស (FDI) បានកំពុងតែកើនឡើង។ ឧទាហរណ៍ ចំនួនទឹកប្រាក់នៃ FDI នៅឆ្នាំ ២០១៧ បានកើនឡើង ១២ ភាគរយបើប្រៀបធៀបឆ្នាំមុនៗ។កាស៊ីណូនៅក្រុងព្រះសីហនុក្រុងព្រះសីហនុក៏មានឧស្សាហកម្មល្បែងធំៗស្របច្បាប់ផងដែរ។ កាស៊ីណូដែលទទួលបានអាជ្ញាប័ណ្ណរដ្ឋចំនួន ៧៦កំពុងដំណើរការនៅក្រុងព្រះសីហនុ។ នៅពាក់កណ្តាលឆ្នាំ ២០១៨ ប្រទេស កម្ពុជាទទួលបានពន្ធចំនួន ១៨.៧ លានដុល្លារពីវិស័យកាស៊ីណូ។ដោយមានបំណងចង់ប្រកួតប្រជែងជាមួយប្រទេសសិង្ហបុរី ក្រុងព្រះសីហនុត្រូវបានគេរំពឹងថានឹងក្លាយជាកំពង់ផែទឹកជ្រៅធំជាងគេនៅអាស៊ីអាគ្នេយ៍ដែលមានកំពង់ផែសមុទ្រពាណិជ្ជកម្មសេរីទំហំ ១០ គីឡូម៉ែត្រការ៉េដែលទទួលខុសត្រូវលើការដឹកជញ្ជូននាំចូល និងនាំចេញរបស់កម្ពុជា។ ក្នុងឆ្នាំ ២០១៧ ប្រតិបត្តិករផែទទួលបានទំហំទឹកប្រាក់ចំនួន ៥២.១៤លានដុល្លារ ពោលគឺកើន ១៦,៨% ធៀបនឹងឆ្នាំមុន។ប្រទេសជប៉ុនបានផ្តល់កម្ចីសម្បទានចំនួន ២០៩ លានដុល្លារដើម្បីសាងសង់ផែកុងតឺន័រថ្មីនៅកំពង់ផែ។ កំពង់ផែនេះមានប្រវែង ៣៥០ ម៉ែត្រ និងមានជម្រៅ ១៤.៥ ម៉ែត្រ។កំពង់ផែទឹកជ្រៅដ៏ធំមួយទៀតដែលមានតម្លៃ ២.៨ ពាន់លានដុល្លារត្រូវបានកសាងឡើងដោយក្រុមហ៊ុនសាងសង់ចិននៅឆ្នេរជ័យជំនះនៅឆ្នាំនេះ។ នៅពេលគម្រោងនេះត្រូវបានបញ្ចប់វានឹងធ្វើឱ្យក្រុងព្រះសីហនុក្លាយទៅជាទីក្រុងប្លែកគេតែមួយគត់នៅក្នុងតំបន់អាស៊ី។សូមកុំឱ្យឱកាសនេះបាត់បង់ព្រីនស៍ ធាន ស៊ី វ៉ាន នឹងដឹកនាំការរីកចម្រើននៃក្រុងព្រះសីហនុនាពេលអនាគត។ តើអ្នកនឹងចូលរួមទទួលយកផលចំណេញ ឬរង់គ្រាន់តែរង់ចាំមើល? សូមកុំមើលត្រឡប់ក្រោយហើយសោកស្តាយចំពោះការមិនទទួលបានឱកាសនេះ។ ចាប់យកឱកាសវិនិយោគក្នុងតំបន់ឆ្នេរមាស។ សូមសាកសួរគម្រោង ព្រីនស៍ ធាន ស៊ី វ៉ាន នៅថ្ងៃនេះ។ស្វែងរកអចលនទ្រព្យសម្រាប់លក់នៅក្នុងខេត្តព្រះសីហនុនៅថ្ងៃនេះ!

គម្រោងអភិវឌ្ឍន៍ជាច្រើនបានកំពុងសាងសង់ឡើងជាបន្តបន្ទាប់ នៅក្នុងខេត្ត ព្រះសីហនុ ដែលបានធ្វើឲ្យមុខមាត់ខេត្តនេះបានផ្លាស់ប្តូរសឹងតែទាំងស្រុងពីខេត្តស្ងប់ស្ងាត់ ទៅជាខេត្តទិសដៅវិនិយោគដ៏ធំជាងគេសម្រាប់ពេលបច្ចប្បន្ននេះ។  ក្នុងចំណោមគម្រោងជាច្រើន គម្រោងបុរីវីអាយភី ក៏បានបង្ហាញខ្លួនក្នុងការប្រកួតប្រជែង ក្នុងទឹកដីនៃភាគនិរតីនៃប្រទេសកម្ពុជាផងដែរ។ បុរីវីអាយភី មានលក្ខណៈពិសេសច្រើន តែគោលការណ៍មួយដែលធ្វើឲ្យបុរីវីអាយភី មានការចាប់អារម្មណ៍ខ្លាំង គឺការបង់ប្រាក់ដ៏ងាយស្រួល និងបង់ទាប់បំផុតប្រចាំខែ។ តើត្រូវបង់ប៉ុន្មានក្នុងមួយខែ? គម្រោងនេះតម្រូវឲ្យអតិថិជនបង់ត្រឹមតែ ១៧៣ ដុល្លា/ខែ ដែលតម្លៃសរុបរបស់ផ្ទះគឺចាប់ពី ៣,១៤៨០ ដុល្លាក្នុងមួយយូនីត។ ការផ្តល់ជូនបែបនេះ គឺជាអ្វីដែលអតិថិជនត្រូវការ ហើយវាជាអ្វី ដែលបុរីវីអាយភីបានទទួលការគាំទ្រនៅពេលអភិវឌ្ឍន៍គម្រោងទី ១ នៅក្នុងទីក្រុងភ្នំពេញ។  ចាប់អាម្មណ៍គម្រោងបុរីវីអាយភី សូមចុចនៅទីនេះ! តើបុរីវីអាយភីកំពង់សោមមានចំណុចល្អអ្វីខ្លះ? គម្រោងវី អាយ ភី មានលក្ខណៈពិសេសដូចជា៖       ១. បរិក្ខារក្នុងគេហដ្ឋានត្រូវបានបំពាក់តាមស្តង់ដាបរទេស ដែលមានគុណភាពខ្ពស់។ នៅក្នុងគេហដ្ឋានមួយមានបន្ទប់ពីរ និងមានបន្ទប់ទឹកពីរផងដែរ ដែលបង្កលក្ខណៈងាយស្រួលសម្រាប់អតិថិជនដែលជាអ្នករស់នៅ។       ២. បរិយាកាសជុំវិញគេហដ្ឋាន មានលក្ខណៈទាក់ទាញ ដោយសារតែមានសួនច្បារ ដ៏ស្រស់ស្អាតសម្រាប់សម្រាកលម្ហែកម្សាន្តនៅពេលព្រលឹម និងពេលល្ងាច។ សម្រាប់អតិថិជនដែលមានវ័យចំណាស់ ពួកគាត់អាចដើរហាត់ប្រាណយ៉ាងងាយស្រួល។        ៣. សុវត្ថិភាពត្រូវបានធានាដោយសារតែមានការយាមកាមយ៉ាង ២៤ ម៉ោង នៅតាមច្រកទ្វារចេញចូល។ ដូច្នេះ អ្នករស់នៅក្នុងបុរីអាចមានទំនុកចិត្ត និងមិនបាច់មានការភ័យព្រួយអ្វីនោះឡើយ។       ៤. ខេត្តព្រះសីហនុបច្ចុប្បន្ន ជាឳកាសល្អសម្រាប់ការវិនិយោគ។ ជាមួយនឹងសក្តានុពលពិសេសក្នុងការទាក់ទាញវិនិយោគិនបរទេស តម្លៃអចលនទ្រព្យអាចកើនឡើងខ្ពស់ជាងពេលបច្ចុប្បន្នខ្លាំង ដែលអាចធ្វើឲ្យអតិថិជនទទួលបានផលចំណេញពីការវិនិយោគលើគម្រោងនោះផងដែរ។ តើបុរីវីអាយភី ស្ថិតនៅកន្លែងណា? បុរី វី អាយ ភី ទីតាំងនៅតាមបណ្តាយផ្លូវជាតិលេខ៤ ក្នុងសង្កាត់ព្រៃនប់។  ស្ថិតនៅបណ្តោយផ្លូវជាងលេខ ៤ វាជាទីតាំងដ៏ល្អសម្រាប់ការវិនិយោគ ដែលស្ថិតនៅជិតផ្សារ មន្ទីរពេ្យ សាលារៀន ធគារគារ និងកន្លែងកំសាន្ត។ មិនតែប៉ុណ្ណោះ ទីនេះគឺជាទីតាំងរីកចម្រើនថ្មី មានសក្តានុពលសម្រាប់អាជីវកម្មតូច ធំ ដែលជាផ្នែកមួយដ៏ចាំបាច់សម្រាប់ការបង្កើនប្រាក់ចំណូលក្នុងគ្រួសារ។ គម្រោងបុរីវីអាយភី ជាលំនៅដ្ឋានខ្នាតធំ ដែលមានផ្ទះរហូតដល់ទៅជាង ៤,០០០ ខ្នង មកទល់ពេលនេះបុរី វី អាយ ភីត្រូវបាងសាងសង់រួចរាល់ជាង ៨០% ហើយគម្រោងនេះគ្រោងនឹង បញ្ចប់ការសាងសង់នៅក្នុងឆ្នាំ ២០២០ ខាងមុខនេះ។គម្រោងលំនៅដ្ឋានតម្លៃសមរម្យមួយនេះមានផ្ទះជាច្រើនខ្នាតសម្រាប់ជ្រើសរើស ដោយក្នុងនោះមានដូចជាផ្ទះល្វែងទំហំ ៤.១ម៉ែត្រ x ១០.៧៥ ម៉ែត្រ  ៤.១ម៉ែត្រ x ១៤ ម៉ែត្រ និង ៤.១ម៉ែត្រ x ១៦ ម៉ែត្រ។បុរីវីអាយភី មានផ្ទះ គ្រួសារ​មានសុភមង្គល! ស្វែងរកអចលនទ្រព្យសម្រាប់លក់នៅខេត្តព្រះសីហនុ ឬអចលនទ្រព្យសម្រាប់ជួលនៅខេត្តព្រះសីហនុនៅថ្ងៃនេះ។ លោកអ្នកអាចដាក់លក់​ និងជួល អចលនទ្រព្យនៅលើគេហទំព័រផ្សព្វផ្សាយអចលនទ្រព្យ Realestate.com.kh នៅថ្ងៃនេះ!

នៅវេលាម៉ោង ៨ ព្រឹកថ្ងៃទី ៦ខែកក្កដាពីធីសម្ពោធអគារពហុមុខងារព្រីនស៍ហូលឌីងគ្រុបនិងសន្និសីទសារព័ត៌មានស្ដីពីយុទ្ធសាស្រ្ដអភិវឌ្ឍន៍នៃក្រុមហ៊ុនព្រីនស៍រៀលអ៊ីស្ទេតគ្រុបត្រូវបានប្រារព្ធធ្វើឡើងនៅខាងមុខអគារពហុមុខងារព្រីនស៍ហូលឌីងគ្រុបនៅក្នុងទីក្រុងភ្នំពេញ ក្រោមប្រធានបទ “កសាងសុបិន្ត និងអនាគត”។ ឯកឧត្តមប៉ែនសុផលរដ្ឋលេខាធិការក្រសួងរៀបចំដែនដីនគរូបនីយកម្មនិងសំណង់អ្នកឧកញ៉ាពុងឃាវសែប្រធានសមាគមសម្ព័ន្ធខ្មែរចិននៅកម្ពុជារួមជាមួយថ្នាក់ដឹកនាំនិងភ្ញៀវកិត្តិយសជាច្រើនរូបទៀតបានចូលរួមជាសក្ខីភាពក្នុងពិធីកាត់ខ្សែបូនិងសម្ពោធអគារពហុមុខងារព្រីនស៍ ហូល ឌីងគ្រុបនេះ។នៅក្នុងសុន្ទរកថាលោក QIU GUOXING ប្រធានប្រតិបត្តិក្រុមប្រឹក្សាភិបាលនៃក្រុមហ៊ុនព្រីនស៍ រៀល អ៊ីស្ទេត គ្រុបបានលើកឡើងថា៖ “អគារពហុមុខងារព្រីនស៍ហូលឌីងគ្រុប គឺជាអគារការិយាល័យ ស្ដង់ដារលំដាប់ខ្ពស់របស់ប្រទេសកម្ពុជា ដែលមានការបណ្ដាក់ទុនសាងសង់ប្រមាណ ៧០ លានដុល្លារដែលមានទំហំសរុប ២៤,៨00 ម៉ែត្រការ៉េ។តាមប្រភពព័ត៌មានបានឲ្យដឹងថា ក្នុងនាមជានិមិត្តសញ្ញាថ្មីនៃទីក្រុងអគារពហុមុខងារព្រីនស៍ហូលឌីងគ្រុបរួមបញ្ចូលមុខងារជាច្រើនដូចជា៖ ការិយាល័យ បដិសណ្ឋារកិច្ច សាលប្រជុំការិយាល័យលក់ និងមុខងារផ្សេងៗជាច្រើនទៀត។អគារនេះមិនត្រឹមតែមានមុខងារជាទីស្នាក់ការកណ្ដាលនៃក្រុមហ៊ុនព្រីនស៍ រៀល អ៊ីស្ទេត គ្រុប ប៉ុណ្ណោះទេ តែថែមទាំងផ្តល់នូវទីតាំងដ៏ធំទូលំទូលាយសម្រាប់ការអភិវឌ្ឍនាពេលអនាគតរបស់ក្រុមហ៊ុនព្រីនស៍ រៀល អ៊ីស្ទេត គ្រុបផងដែរ។ លើសពីនេះទៅទៀត អគារពហុមុខងារ ព្រីនស៍ ហូល ឌីង គ្រុបបានផ្តល់នូវវេទិកាមួយសម្រាប់ធ្វើឲ្យប្រសើរឡើងនូវរូបភាពរបស់ក្រុមហ៊ុនព្រីនស៍ រៀល អ៊ីស្ទេត គ្រុបនិងសម្រាប់បង្ហាញពីវប្បធម៌របស់ក្រុមហ៊ុនផងដែរ។អ្នកឧកញ៉ា ពុង ឃាវសែ ប្រធានសមាគមសម្ព័ន្ធខ្មែរចិននៅកម្ពុជា បានថ្លែងក្នុងសុន្ទរកថាក្រុមហ៊ុនព្រីនស៍ រៀល អ៊ីស្ទេត គ្រុប មានការអភិវឌ្ឍយ៉ាងឆាប់រហ័សក្នុងរយៈពេលប៉ុន្មានឆ្នាំចុងក្រោយនេះ ដែលមិនត្រឹមតែផ្តល់នូវឱកាសការងារជាច្រើនសម្រាប់ប្រជាជនកម្ពុជាប៉ុណ្ណោះទេតែថែមទាំងបានលើកកម្ពស់ការអភិវឌ្ឍផ្នែកសេដ្ឋកិច្ចនៅប្រទេសកម្ពុជាផងដែរ។ ការតបស្នងទៅកាន់សង្គមកម្ពុជា បង្ហាញពីទំនួលខុសត្រូវនៃក្រុមហ៊ុនលក្ខណៈគម្រូ។ ការបើកសម្ពោធនៃអគារពហុមុខងារព្រីនស៍ ហូល ឌីង គ្រុប ជានិមិត្តសញ្ញានៃការបោះជំហានយ៉ាងរឹងមាំក្នុងដំណើរការកសាងប្រទេសកម្ពុជាឲ្យកាន់តែល្អប្រសើរ និងជាស្នាដៃដ៏គួរឲ្យកត់សម្គាល់មួយរបស់ក្រុមហ៊ុនព្រីនស៍ រៀល អ៊ីស្ទេត គ្រុប។ឯកឧត្តម ប៉ែន សុផលរដ្ឋលេខាធិការ​ក្រសួង​រៀបចំដែនដី​នគរូបនីយកម្ម​និងសំណង់បានសម្តែងការកោតសរសើរ និងវាយតម្លៃយ៉ាងខ្ពស់អំពីសមិទ្ធផលនានារបស់ក្រុមហ៊ុនព្រីនស៍ រៀល អ៊ីស្ទេត គ្រុបក្នុងប៉ុន្មានឆ្នាំថ្មីៗនេះនិងធ្វើការអបអរសាទរ ចំពោះការបើកសម្ពោធនៃអគារពហុមុខងារព្រីនស៍ហូលឌីងគ្រុប។ឯកឧត្តមបានលើកឡើងនៅក្នុងសុន្ទរកថា៖“ក្រោមក្របខណ្ឌ ខ្សែក្រវាត់មួយ ផ្លូវមួយរបស់ប្រទេសចិនការវិនិយោគរបស់ចិននៅប្រទេសកម្ពុជានិងភ្ញៀវបរទេសចិនមកកាន់កម្ពុជាស្ថិតនៅលំដាប់ទី១  ហើយសង្ឃឹមថានៅពេលអនាគត ក្រុមហ៊ុនចិនកាន់តែច្រើនថែមទៀតនឹងមកធ្វើការវិនិយោគនៅប្រទេសកម្ពុជា”។ប្តេជ្ញាយកសប្បុរសធម៌ជាចម្បង បង្កើតក្ដីស្រឡាញ់សម្រាប់មនុស្សគ្រប់រូបក្នុងរយៈពេលបួនឆ្នាំកន្លងមក អង្គការមូលនិធិសប្បុរសធម៌ព្រីនស៍ រៀល អ៊ីស្ទេត គ្រុប បានប្តេជ្ញាចិត្តផ្ដល់ជាជំនួយក្នុងវិស័យសប្បុរសធម៌លើកកម្ពស់ទំនួលខុសត្រូវរបស់ក្រុមហ៊ុនដោយផ្តោតលើការឧបត្ថម្ភដល់កុមារគ្មានលទ្ធភាពបន្តការសិក្សា ជនពិការមនុស្សចាស់ការអភិវឌ្ឍទីក្រុងការអប់រំភាសាចិន ការការពារបរិស្ថាននិងវិស័យជាច្រើនផ្សេងទៀតដែលបានឧបត្ថម្ភជាថវិកាសរុបលើសពី ៦លានដុល្លារអាមេរិក និងជួយដល់ប្រជាពលរដ្ឋជាង១៥ ម៉ឺននាក់។នៅក្នុងបទសម្ភាសន៍ជាមួយប្រព័ន្ធផ្សព្វផ្សាយលោកQIU GUOXING ប្រធានប្រតិបត្តិក្រុមប្រឹក្សាភិបាលនៃក្រុមហ៊ុនព្រីនស៍ រៀល អ៊ីស្ទេត គ្រុបបានសង្កត់ធ្ងន់ថា៖ “ក្នុងនាមជាស្ថាបនិកនៃសហគ្រាស លោកតែងតែយកសកម្មភាពសប្បុរសធម៌ជាកិច្ចចម្បង និងជឿងជាក់ថា មានសប្បុរស ទើបអាចទទួលបានភាពជោគជ័យ។ នៅពេលអនាគតយើងនឹងខិតខំដើម្បីសម្រេចឲ្យបាន សកម្មភាពសប្បុរសធម៌ជាសាធារណៈ (អនុញ្ញាតឲ្យប្រជាជនគ្រប់រូបចូលរួមក្នុងសកម្មភាពសប្បុរសធម៌)។ សកម្មភាពសប្បុរសធម៌ជាលក្ខណៈបំបែក (សកម្មភាពសប្បុរសធម៌ខ្នាតធំឬតូច) សកម្មភាពសប្បុរសធម៌មានការតាមដាន (អនុញ្ញាតសកម្មភាពសប្បុរសធម៌មានភស្តុតាងដែលអាចតាមដានបាន) សកម្មភាពសប្បុរសធម៌ជាលក្ខណៈបន្ត (ធ្វើឲ្យសកម្មភាពសប្បុរសធម៌មានភាពជានិរន្ត) ដើម្បីលើកកម្ពស់វឌ្ឍនភាព និងស្ថិរភាពសង្គម។”តាមប្រភពព័ត៌មានបានឲ្យដឹងថា ចាប់តាំងពីឆ្នាំ ២០១៥ មកក្រុមហ៊ុនព្រីនស៍ រៀល អ៊ីស្ទេត គ្រុបបានវិនិយោគជាទឹកប្រាក់សរុបចំនួន២ពាន់លានដុល្លារអាមេរិកដោយមានផ្ទៃដីបម្រុងសរុបទំហំជាង១២០០​ហិកតានិងក្រឡាផ្ទៃអភិវឌ្ឍសរុបប្រមាណ២០លានម៉ែត្រការ៉េហើយបានក្លាយទៅជាអ្នកអភិវឌ្ឍន៍ឈានមុខគេ និងជាអ្នកត្រួសត្រាយផ្លូវក្នុងវិស័យអចលនទ្រព្យនៅកម្ពុជា។លោក LI MIN នាយកប្រតិបត្តិនៃក្រុមហ៊ុនព្រីនស៍ រៀល អ៊ីស្ទេត គ្រុប ក្នុងថ្លែងក្នុងសុន្ទរកថារបស់លោកថា ជាមួយនឹងទស្សនច្នៃប្រឌិត និងផលិតផលប្រកបដោយគុណភាព ក្រុមហ៊ុនព្រីនស៍ រៀល អ៊ីស្ទេត គ្រុបតែងតែនាំមុខគេក្នុងវិស័យអចលនទ្រព្យនៅកម្ពុជា។ គម្រោងដែលសាងសង់រួចរាល់ចំនួន ៨ គម្រោងកំពុងសាងសង់ចំនួន ៧ គម្រោងស្ថិតក្នុងផែនការចំនួន ៧ និងគម្រោងទិញយកចំនួន ២។ក្រុមហ៊ុនព្រីនស៍ រៀល អ៊ីស្ទេត គ្រុប ផ្តោតសំខាន់លើការអភិវឌ្ឍវិស័យអចលនទ្រព្យ និងទទួលបានសមិទ្ធផលគួរឲ្យកត់សម្គាល់ផងដែរលើវិស័យទេសចរណ៍វប្បធម៌ ក្លឹបកម្សាន្ត សណ្ឋាគារ ផ្សារទំនើប និងភោជនីយដ្ឋានជាដើម។ បច្ចុប្បន្ន ក្រុមហ៊ុនព្រីនស៍ រៀល អ៊ីស្ទេត គ្រុប មានក្រុមហ៊ុនបុត្រសម្ព័ន្ធចំនួន ៣០ ក្រុមហ៊ុន ដែលបង្កើតបានជាគំរូពាណិជ្ជកម្មដែលមានលក្ខណៈ “វិស័យអចលនទ្រព្យជំរុញការអភិវឌ្ឍវិស័យរបស់ក្រុមហ៊ុនបុត្រសម្ព័ន្ធ ហើយក្រុមហ៊ុនបុត្រសម្ព័ន្ធផ្តល់សេវាកម្មដល់វិស័យអចលនទ្រព្យ“ ដែលជាខ្សែសង្វាក់ផលិតកម្មនៃវិស័យអចលទ្រព្យ។ដោយយករាជធានីភ្នំពេញជាតំបន់យុទ្ធសាស្ត្រស្នូល និងយកខេត្តព្រះសីហនុ និងខេត្តសៀមរាបជាស្លាបទាំងពីរ ក្រុមហ៊ុនព្រីនស៍ រៀល អ៊ីស្ទេត គ្រុប នឹងពង្រីកវិសាលភាពអាជីវកម្មទៅកាន់ខេត្តក្រុងចំនួន ១៦ ទៀតដែលរួមមានខេត្តកំពត ខេត្តកែប និងខេត្តប៉ោយប៉េតជាដើម ដោយគ្របដណ្តប់លើផ្ទៃដីចំនួន ៨០% នៃផ្ទៃដីសរុបរបស់ប្រទេសកម្ពុជា។ លើសពីនេះទៅទៀត ក្រុមហ៊ុននឹងចាក់ឬសទៅកាន់ប្រទេសចំនួន ៤ ឬ ៥ ក្នុងតំបន់អាស៊ីអាគ្នេយ៍ និងសម្រេចឲ្យបាននូវក្របខណ្ឌគុណវឌ្ឍិនៃការចុះបញ្ជីលើផ្សារមូលបត្រយ៉ាងតិចណាស់ ១០ ទៅ ២០ គម្រោងពាណិជ្ជកម្ម និងចូលរួមចំណែកក្នុងគោលដៅអត្រានគរូបនីយកម្ម ៤០% នៃព្រះរាជាណាចក្រកម្ពុជា។ស្វែងរកអចលនទ្រព្យសម្រាប់លក់នៅភ្នំពេញ ឬអចលនទ្រព្យសម្រាប់ជួលនៅភ្នំពេញនៅថ្ងៃនេះ!

ស្របពេលដែលប្រទេសកម្ពុជាទទួលបានការវិនិយោគដ៏ច្រើនសន្ធឹកសន្ធាប់លើវិស័យសំណង និងអចលនទ្រព្យ អគារលំនៅដ្ឋាន និងពាណិជ្ជកម្មតូចធំ រាប់តាំងពីគម្រោងបុរីរហូតដល់អគារខ្ពស់កប់ ពពកបានរីកដុះដាលនៅក្នុងរាជធានី ​និងតាមទីជុំជនខេត្តក្រុងទូទាំងប្រទេស។ ទាំងនេះគឺជាចំណុចវិជ្ជមានមួយសម្រាប់សម្រាប់វិស័យអចលនទ្រព្យកម្ពុជា ប៉ុន្តែនេះក៏ជាការផ្លាស់ប្តូរថ្មីមួយនៅក្នុងទីផ្សារមួយនេះ ក្នុង រយៈពេលជិត ១០ ឆ្នាំចុងក្រោយនេះផងដែរ។ ហេតុដូចនេះហើយទ់ើបគេនៅតែមានក្តីបារម្ភចំពោះវិស័យនេះទាំងមូល ក្នុងនោះ មួយក្នុងចំណោមកង្វល់ជាច្រើនគឺគុណភាពសំណង់ និងបទដ្ឋានសាងសង់ ថាតើគម្រោងនីមួយៗនឹងផ្តល់ជូនភាពរឹងមាំកម្រិតណា និងជាប់បានយូរកម្រិតណា?ជាក់ស្តែងព្រឹត្តិការណ៍បាក់រលំអគារនៅខេត្តព្រះសីហនុ គឺជាឧទាហរណ៍ជាក់ស្តែង​ ដែលបានសរឲ្យឃើញពីស្ថានភាពប្រឈមផ្នែកគុណភាពសំណង់នៅកម្ពុជា។ ហេតុការណ៍នេះបាន បង្ករឲ្យមានការភ្ញាក់ផ្អើល ហើយទទឹមជាមួយគ្នានេះ អ្នកគ្រប់គ្នាបានងាកមកចាប់អារម្មណ៍កាន់តែ ខ្លាំងពីគុណភាពនៃការសាងសង់នានានៅទូទាំងប្រទេស។​ការបាក់រលំអគារមិនមែនជារឿងចៃដន្យនោះ ប៉ុន្តែវាមានហេតុផលសំខាន់ៗជាច្រើនយ៉ាងដែលពាក់ព័ន្ធទៅនឹងកង្វះខាតគុណភាព ប្រព័ន្ធត្រួតពិនិត្យគុណភាសំណង់នៅមានកម្រិត  កង្វះធនធាន និងមធ្យោបាយបច្ចេកទេស និងការគិតតែពីផលចំណេញពីម្ចាស់សំណង់ និងអ្នកពាក់ព័ន្ធ។ នេះបើតាមការដកស្រង់ពី rfi ។ គុណភាពនៃសំណង់អគារអគារទាំងតូចទាំងធំ ទាំងលំនៅដ្ឋានស្នាក់ ឬជួលជាច្រើនត្រូវបានសាងសង់នៅទូទាំងប្រទេសកម្ពុជា។ ប៉ុន្តែគុណភាពនៃសំណង់ត្រូវបានគេនិយាយពីមាត់មួយទៅមាត់មួយថា មិនសូវល្អនៅឡើយ។ ជាក់ស្តែងសំណង់ផ្ទះបុរីជាច្រើន ត្រូវបានគេសង្កេតឃើញមានស្នាមប្រេះ និងជ្រាបទឹក ដែលសុទ្ធតែជាបញ្ហានៃគុណភាពសំណង់នោះ។ប្រព័ន្ធត្រួតពិនិត្យគុណភាពសំណង់ស្របពេលដែលការអភិវឌ្ឍជាច្រើនបានកើនឡើង គេមើលឃើញថាប្រព័ន្ធគ្រប់គ្រងការត្រួតពិនិត្យសំណង់របស់អាជ្ញធរមូលដ្ឋាន ត្រូវបានគេឃើញថាមានភាពទន់ខ្សោយនៅឡើយ ដែលអាចបណ្តោយឲ្យការសាងសង់គ្មាន គុណភាពចេះតែបន្តកើតមាន។ កង្វះសមត្ថភាពនៃអាជ្ញាធរនេះ ក៏បណ្តាលមកពីការខ្វះការយល់ ដឹងជាសារវន្តផ្នែកបច្ចេកទេសនៃការត្រួតពិនិត្យផងដែរ បូកផ្សំនឹងភាពមិនប្រក្រតីក្នុង ការអនុវត្តជាមួយនឹងម្ចាស់គម្រោងផងនោះ វាបានធ្វើឲ្យប្រព័ន្ធត្រួតពិនិត្យជារួមមានលក្ខណៈ ទន់ខ្សោយ។កង្វះធនធាន និងមធ្យោបាយបច្ចេកទេសដោយសារតែប្រទេសកម្ពុជា ជាប្រទេសកំពុងអភិវឌ្ឍន៍ ធនធានជាច្រើនក៏នៅមានកង្វះខាតយ៉ាងច្រើន ដែលទាមទារឲ្យមានមានជំនួយពីបរទេស និងដៃគូសហការផ្សេងៗ។ ត្រង់ចំណុចនេះយើងសង្កេតឃើញពី ការខិតខំប្រឹងប្រែងរបស់ដ្ឋ ក្នុងការពង្រីកធនធាន សមត្ថភាព និងមធ្យោបាយរបស់អាជ្ញាធរ។  ប៉ុន្តែវាហាក់នៅមានកម្រិតនៅឡើយ ដែលទាមទារឲ្យមានការយកចិត្តទុកដាក់បន្ថែមទៀត។ ការគិតតែពីផលចំណេញច្រើនជ្រុលម្ចាស់គម្រោងអភិវឌ្ឍន៍ ត្រូវបានគេសង្កេតឃើញថាជាអ្នកដែលទទួលបានផលប្រយោជន៍មុនគេ សម្រាប់ការសាងសង់អគារទោះធំក្តី ឬតូចក្តី។ ដូច្នេះ ប្រសិនបើពួកគេគិតតែពីផលចំណេញច្រើនពេក ប្រាកដណាស់ គម្រោងរបស់ពួកគេនឹងត្រូវសាងសង់ដោយមិនឆ្លើយទៅតាមស្តង់ដារគុណភាព  ពោលគឺខ្វះទាំងវត្ថុធាតុដើម និងជំនាញបច្ចេកទេស ដែលនេះជាបញ្ហាប្រឈមដ៏ធំ។ ទោះយ៉ាងណាក៏ដោយ នៅពេលដែលមានហេតុការណ៍ដ៏រន្ធត់បានកើតឡើងនៅក្រុងព្រះសីនុថ្មីៗនេះមក វាអាចជាមេរៀនមួយសម្រាប់ទាំងរដ្ឋាភិបាល និងអ្នកម៉ៅការសាងសង់ ម្ចាស់ក្រុងហ៊ុនសាងសង់ និងអ្នករចនាប្លង់គម្រោងជាដើម ឲ្យងាកមកយកចិត្តទុកដាក់ឡើងវិញនូវរាល់ សំណង់តូចធំ ដែលកំពុងដំណើរការសាងសង់ ឬគ្រោងនឹងសាងសង់នៅពេលខាងមុខ ដើ​ម្បីឲ្យអាចធានាបានគុណភាពសំណង់រឹងមាំ និងសុវត្ថិភាពសម្រាប់អ្នករស់នៅទូទៅ៕  ចង់ទិញអចលនទ្រព្យសម្រាប់លក់នៅភ្នំពេញ សូមចូលទៅកាន់ Realestate.com.kh! ឬអានអត្ថបទនេះ រដ្ឋា​ភិ​បាល​បង្កើត​គណៈ​កម្មាការ​ពង្រឹង​ការ​ត្រួត​​​ពិ​និត្យ​គុណ​​​ភាព​សំ​ណង់នៅ​ខេត្ត​ព្រះ​សី​ហនុ​!

បើយោងតាមរបាយការណ៍របស់ ឃី រៀល អ៊ីស្ទេត ខណ្ឌចំនួនបីនៅក្នុងទីក្រុងភ្នំពេញមានតម្លៃដីកើនឡើងខ្ពស់ជាងគេក្នុងចំណោមតម្លៃក្នុងតំបន់ផ្សេងៗសម្រាប់ពាក់កណ្តាលឆ្នាំ ២០១៩នេះ។​របាយការណ៍នេះ ត្រូវបានចេញផ្សាយកាលពីពេលថ្មីៗនេះបានឲ្យដឹងថាខណ្ឌព្រែកភ្នៅ ខណ្ឌដង្កោ និងខណ្ឌច្បារអំពៅ គឺជាតំបន់ដែលមានតម្លៃដីហក់ឡើងខ្ពស់បំផុតនៅក្នុងរយៈពេល ៦ ខែ​ក្នុងឆ្នាំនេះ។តម្លៃកើនឡើងខ្ពស់ក្នុងខណ្ឌទាំង ៣ បើយោងតាមរបាយការណ៍ខាងលើ អត្រាតម្លៃដីនៅព្រែកព្នៅកើនឡើងជាង ២៧% នៅក្នុងរយៈ ៦ខែដំបូងក្នុងឆ្នាំ ២០១៩នេះ។ ជាក់ស្តែង ដីនៅតាមផ្លូវធំ នៅសង្កាត់ព្រែកព្នៅ ដែលពីមុន​ (២០១៨) មានតម្លៃជាមធ្យម ២៨០ដុល្លារក្នុងមួយមែត្រការ៉េ ដល់ ១,៥០០ដុល្លារ ក្នុងមួយមែត្រការ៉េ។ បច្ចុប្បន្ននេះ តម្លៃដីតំបន់នេះបានកើនឡើងដល់ ៣០០ដុល្លារ ទៅ ១,៧០០ដុល្លារក្នុងមួយម៉ែត្រការ៉េ។ខណ្ឌដង្កោជាខណ្ឌទីពីរ ដែលមានតម្លៃដីកើនឡើងខ្ពស់។ ដោយសារតែមានទីតាំងនេះងស្ថិតនៅភាគខាងត្បូងនៃទីក្រុងភ្នំពេញ ខណ្ឌនេះ នៅមានតម្លៃដីមិនទាន់ថ្លៃខ្លាំងនៅឡើយ។ តម្លៃជាមធ្យមនៅទីនេះបានកើនឡើងជាង ២៦% នៅពាក់កណ្តាលនៃឆ្នាំ ២០១៩ នេះ។ សង្កាត់ជើងឯក និងសង្កាត់ដង្កោ ឃើញមានការកើនឡើងយ៉ាងខ្ពស់ជាងគេ។ ដីនៅតាមផ្លូវធំនៅតំបន់ទាំងពីរមានតម្លៃចាប​ពី ១,១០០ ដុល្លារក្នុងមួយម៉ែត្រការ៉េដល់ ២,២០០ ដុល្លារក្នុងមួយមែត្រការ៉េ។  សង្កាត់ប្រទះឡាង និងសាក់សំពៅ នៅតែជាតំបន់ដែលមានតម្លៃថោកជាងគេក្នុងខណ្ឌដង្កោ។ តម្លៃដីនៅតាមផ្លូវធំមានតម្លៃរហូតដល់ ៤០ ដុល្លារក្នុងមួយមែត្រការ៉េ។ចំណែគនៅជុំវិញតំបន់នោះគឺខណ្ឌច្បារអំពៅ។ តម្លៃដីនៅទីច្បារអំពៅ កើនឡើងជិតដល់ ១៥%។ ដីនៅសង្កាត់ព្រែកប្រា និងព្រែកឯងកើនឡើងពី ៣០០ ដុល្លារ និង ១,០០០ ដុល្លារក្នុងមួយមែត្រការ៉េ។ ម្យ៉ាងវិញទៀតសង្កាត់ច្បារអំពៅ១ និងច្បារអំពៅ២ មានដី តម្លៃចន្លោះពី ១,៣០០ ដុល្លារ និង ៣,២០០ ដុល្លារក្នុងមួយមែត្រការ៉េ។លោកសន សៀប ជាស្ថាបនិក និងជានាយកប្រតិបត្តិរបស់ក្រុមហ៊ុន ឃី រៀល អ៊ីស្ទេត  បានលើកឡើងថា ដីនៅកណ្តាលទីក្រុងភ្នំពេញមានការកើនឡើងក្នុងអត្រាតិចតួចបើធៀបទៅនឹងឆ្នាំមុន។  វាផ្ទុយពីតម្លៃដីជាយក្រុងដែលបានកំពុងកើនឡើងយ៉ាងខ្ពស់។លោកបានបន្ថែមទៀតថា ព្រែកព្នៅ កំពុងក្លាយខ្លួនជាតំបន់សក្តានុពលសម្រាប់ការវិនិយោគ​ ហើយបច្ចុប្បន្នតំបន់នេះមានហេដ្ឋារចនាសម្ព័ន្ធល្អ មានផ្លូវធំៗ មានផ្លូវក្រវ៉ាត់ក្រុង ជិតផ្លូវជាតិ លេខ ៥១ និងមានរ៉ារថភ្លើងដ៏ធំឆ្លងកាត់ផ្សារបាត់ដឹង។លោក សៀបមើលឃើញថាការរអភិវឌ្ឍនៅតំបន់សែន សុខ និងខណ្ឌជ្រោយចង្វារ ជាដើម បាននាំជះឥទ្ធិពលខ្លាំងដល់តំបន់ព្រែកព្នៅ ហើយវាបានជួយធ្វើឲ្យតម្លៃដីនៅព្រែកកើនឡើង។ទាក់ទងនឹងកការកើនឡើងនៃតម្លៃដីនៅតំបន់ច្បារអំពៅវិញ លោកសៀបបានអះអាងថាសក្តានុពលនៃគម្រោងវិនិយោគធំៗនៅក្នុងតំបន់នេះបានបន្ថែមការចាប់រម្មណ៍កាន់តែខ្លាំងពីសំណាក់អ្នកទិញ។ តួយ៉ាងដូចជាគម្រោងបុរីប៉េងហួតទំហំជាង ១៥០ ហិចតា និងការពង្រីកបន្ថែម ២០០ហិចតាទៀតនោះ គឺបាន​ទាក់ទាញការអ្នករស់នៅថ្មីៗឲ្យចូលមកកាន់នៅតំបន់ច្បារអំពៅនៅកាន់តែច្រើនថែមទៀត។និយាយអំពីខណ្ឌដង្កោវិញ លោក​សៀប បញ្ជាក់ថា ខណ្ឌដង្កោមានការកើនឡើងតម្លៃដី ដោយសារតែការអភិវឌ្ឍនៃផ្លូវក្រវ៉ាត់ក្រុងទី៣ ការសាងសង់មហាវិថីសម្តេច ហ៊ុន សែន គម្រោងលំនៅដ្ឋានថ្មីៗ និងផ្សារទំនើបអុីអន ៣ ជាដើម។ “ខ្ញុំជឿថាផែនការអភិវឌ្ឍន៍ក្រុង និងការពង្រីកទីក្រុង បានជំរុញតម្លៃដីឲ្យកើនឡើង។” នេះជាការលើកឡើងរបស់លោក សៀប។ តម្លៃដីនៅតំបន់កណ្តាលក្រុងភ្នំពេញហាក់នៅថេរ ឬកើនឡើងតិចតួច បើតាមរបាយការណ៍ ដីនៅកណ្តាលនៃទីក្រុងភ្នំពេញមានការកើនឡើងតិចតួច និងកន្លែងខ្លះនៅថេរ។ ជាក់ស្តែង ខណ្ឌដូនពេញមានតម្លៃកើនឡើង ០.៤% ខណ្ឌ ៧ មករា កើន ១.៦% ខណ្ឌចំការមនកើន ០.៨% និងខណ្ឌទួលគោក កើន ០.៣%។ ទោះជាកើនឡើងតិចតួចក្ដី ប៉ុន្តែខណ្ឌទាំងនេះជាខណ្ឌដែលមានតម្លៃដីខ្ពស់ខ្លាំងជាងគេ នៅទីក្រុងភ្នំពេញ។ ឧទាហរណ៍ ខណ្ឌដូនពេញ មានតម្លៃដីជាមធ្យម ៥,០០០ដុល្លារក្នុងមួយមែត្រការ៉េ។ ក្នុងនោះតំបន់ខ្លះ ដូចជាសង្កាត់ផ្សារថ្មី តម្លៃដីអាចឈានដល់ ១២,០០០ ដុល្លារក្នុងមួយមែត្រការ៉េ។ ស្វែងរកទិញអចលនទ្រព្យសម្រាប់លក់នៅភ្នំពេញ សូមចូលទៅកាន់ Realestate.com.kh!

កំ​ណើន​ហាង​លក់​រាយ​ បាន​បង្កើន​តម្រូវ​ការ​ទី​តាំង​ដើម្បី​ដំ​ណើរ​ការ​អាជីវ​កម្ម។ តម្រូវ​ការ​ច្រើន​ជាង​មុន​ ស្រប​ពេល​ការ​ផ្គត់​ផ្គង់​ថយ​ចុះ បាន​ធ្វើ​ថ្លៃ​ឈ្នួល​កើន​ឡើង​យ៉ាង​ខ្លាំង នៅពេល​លោក​ ហេង សេង​លី ​បាន​​ក្លាយ​ជា​អ្នក​គ្រប់​គ្រង​ទូ​ទៅភោជនីយ​ដ្ឋាន​ ផាក កា​ហ្វេ កាល​ពី​ឆ្នាំ ២០១៤ លោក​បាន​តាំង​ចិត្ត​ក្នុង​ការ​ពង្រឹង​កេរ្ត៍ឈ្មោះ​ម៉ាក​យី​ហោ​អា​ហារ​​ដ្ឋានក្នុង​ស្រុក​មួយ​នេះឲ្យ​រឹង​មាំ​​​ហើយ​គ្រោង​​​បង្កើន​ចំ​នួន​ហាង​ដើម្បី​​​​​ទំ​នុក​ចិត្ត​អតិ​ថិ​ជន។  ត្រ​លប់​ទៅ​ពេល​នោះ​វិញ ​វិ​ស័យ​អា​ហា​រ​និង​ភេសជ្ជៈ​មិន​ទាន់​រីក​ខ្លាំង ឬ មាន​តម្រូវ​ការ​ធំ​ដូច​ពេល​នេះ​នៅ​ឡើយ​ទេ ហើយ​ហាង​ ផាក ​កាហ្វេ មាន​សា​ខាត្រឹម​​ ៦ ប៉ុណ្ណោះ​នៅ​កម្ពុជា។នា​ពេល​នោះ មាន​ទី​តាំង​ជា​ច្រើន​ដែលមាន​សក្តានុ​ពល​ និង​នៅ​ទំ​នេរ​ដើម្បី​បើក​​ហាង​ថ្មី​បាន​ ប៉ុន្តែ លោក សេង​លី​ មាន​បញ្ហា​ប្រឈម​ធំ​មួយ​គឺ​​ការ​ទទួល​បាន​អតិ​ថិ​ជន​ថ្មី​បន្ថែម​ឲ្យ​កើន​លឿន​ដូច​ចិត្ត​ ដែល​ចង់​ពង្រីក​ហាង​។ ប៉ុន្តែ​ឈាន​ដល់​ឆ្នាំ​ទី​ប្រាំនៃ​បេស​កកម្ម​របស់​លោក ​វិ​ស័យ​នេះ​បាន​ផ្លាស់​ប្តូរ​យ៉ាង​ខ្លាំង។ កា​រទទួល​បាន​កំណើន​អតិ​ថិ​ជន​ថ្មី លែង​សូវ​ជា​ក្តី​បារម្ភ​របស់​លោក​ សេងលី​ ទៀត​ហើយ តែ​ជំ​នួស​វិញ​លោក​ប្រ​ឈមបញ្ហា​​ថ្មី​វិញ គឺ​​ការ​កើន​ឡើង​នូវ​ខ្ទង់​​ចំ​ណាយ​​លើ​ថ្លៃ​ជួល​ទី​តាំង​ ដែល​​​អាច​ប៉ះ​ពាល់​ដល់​ប្រាក់​ចំ​ណេញ​​។លោក​ថ្លែង​ថា​៖​«​ហាង​អាហារ​ ហាង​កា​ហ្វេ និង​ហាង​លក់​ទំ​និញ​បែប​ទំនើប បាន​កើន​ឡើង​យ៉ាង​ខ្លាំង​នៅបី​ឆ្នាំ​ចុង​ក្រោយ​ ហើយ​ហាង​ទាំង​នេះ​កំ​ពុង​បង្កើន​តម្លៃ​អចល​ន​ទ្រ​ព្យ​នៅ​ភ្នំពេញ»។ លោក​បន្ត​ថា​ ផាក​កា​ហ្វេ​ កំ​ពុង​ដំ​ណើរ​ការ​ហាង​ ១៥ នា​ពេល​បច្ចុប្បន្ន ហើយ​ត្រូវ​ចំ​ណាយ​ជា​មធ្យម​ក្នុង​មួយ​ហាង​ ៥,០០០ ដុល្លារ​សម្រាប់​ការ​ជួល​ទី​តាំង​នី​មួយៗ​ក្នុង​មួយ​ខែ។ លោក​បញ្ជាក់​ថា​៖​ «យើង​ត្រូវ​ចំ​ណាយ​ច្រើន​ជាង​មុន​ជិត​ពីរ​ដង​​ធៀប​នឹង​កាល​ពី​បី​ឆ្នាំ​មុន​ ​ដើម្បី​ជួល​ទី​តាំង​ទំ​ហំ​ដ​ដែល​»​។វិ​ស័យ​លក់​រាយ​ ដែល​សំ​ដៅ​ដល់​ហាង​អា​ហារ​និង​ភេសជ្ជៈ ហាង​លក់​ទំ​និញ​រាយ និង​ផ្សារ​ទំ​នើប​ជា​ដើម បានកំ​ពុង​រីក​ចម្រើន​យ៉ាង​ខ្លាំង​នៅ​កម្ពុជា។​ ហាង​ម៉ាក​យី​ហោ​អន្តរ​ជាតិ​ជា​ច្រើន​កំ​ពុង​ចូល​មក​ទី​ផ្សារ​កម្ពុជា​កាន់​តែច្រើន ហើយ​កំ​ណើន​នេះ​បាន​ធ្វើ​ឲ្យ​តម្លៃ​អចន​ទ្រព្យ​នៅ​ទី​តាំង​ដែល​ហាង​ទាំង​នេះ​ទៅ​ដល់​បាន​ឡើង​ថ្លៃ។  គ្រាន់​តែ​ចំ​នួន​ហាង​កា​ហ្វេមួយ​មុខ ​អ្នក​នៅ​ក្នុង​ឧស្សា​ហ​កម្ម​នេះ​បាន​លើក​ឡើង​ថា​មាន​មិន​ក្រោម ៣០០ ហាង​ធំ​ៗ​ទេ​នៅភ្នំពេញ​។កញ្ញា ពៅ ធី​តា ប្រ​ធាន​ផ្នែក​ទី​ផ្សារ​លក់​រាយ ក្រុម​ហ៊ុន​ផ្តល់​សេវា​អចលន​ទ្រព្យ CBRE បាន​លើក​ឡើង​ថា​ វិ​ស័យ​លក់​រាយ​នៅ​កម្ពុជា​កំ​ពុង​រីក​ចម្រើន​ ហើយ​បាន​ទាក់​ទាញ​ម៉ា​ក​យី​ហោ​អន្តរ​ជាតិ​ជា​ច្រើនបោះ​ទុន​ដើម្បី​ដំ​ណើរ​ការ។ កញ្ញាបន្ត​ថា ​តម្រូវ​ការ​ទី​តាំងបាន​​កើន​ឡើង​ ស្រប​ពេល​ដែល​ការ​ផ្តត់​ផ្គង់​នៅ​ដ​ដែល​ ឬ កាន់​តែ​តិច​ជាង​មុន បាន​ធ្វើ​ឲ្យ​ថ្លៃឈ្នួល​កើន​ឡើង​ជា​លំ​ដាប់​។កញ្ញា​បន្ត​ថា​៖​«​​​តំ​បន់​ពាណិជ្ជ​កម្ម​មួយ​ចំ​នួនកំ​ពុង​មាន​ការ​ខ្វះ​ខាត​ទី​តាំងនា​ពេល​នេះ​។ ទី​តាំង​ល្អ​ ដូច​ជា​នៅ​បឹងកេង​កង នៅ​ទួល​គោក​ជុំ​វិញ​ផ្សារ​ TK Avenue អីជា​ដើម ​គឺ​សឹង​ពេញ​អស់​ហើយ ហើយ​ពិបាក​រក​កន្លែង​មែន​ទែន​»។ កញ្ញា​បញ្ជាក់​ថា​៖​«នៅ​ថ្ងៃខាង​មុខ ហាង​លក់​រាយ​ទាំង​អស់​ហ្នឹង​លែង​សូវ​ដាក់​ទី​តាំង​ដាច់​ដោយ​ឡែក​ទៀត​ហើយ (Standalone) [ដោយ​សារ​ពិ​បាក​រក​ទី​តាំង​] ហើយ​ទៅ​ដាក់​នៅ​ក្នុង​ផ្សារ​ទំ​នើប​វិញ​»។ហាង​លក់​រាយ​ទំនើប​ក៏​មាន​តម្រូវ​ការ​ទី​តាំង​ខ្លាំង​ដែរ​បន្ថែម​លើ​កំណើន​តម្រូវ​ការទី​តាំង​សម្រាប់​ហាង​អា​ហារ ចំ​នួន​​ហាង​លក់​ទំ​និញ​រាយ​បែប​ទំ​នើប ក៏​កំ​ពុង​កើន​ឡើង​នៅ​កម្ពុជា ហើយ​កំ​ពុង​ត្រូវ​ការ​ទី​តាំង​ច្រើន។ហាង Super Duper ​​ជា​ហាង​លក់​ទំនិញបែប​លោក​ខាង​លិច​ដំ​បូង​​គេ​នៅ​កម្ពុជា ​ដែល​ដំ​ណើរ​ការ​​​ ២៤ ម៉ោង ​បាន​បើក​ដំណើរ​ការនៅ​កម្ពុជានៅ​​​ឆ្នាំ​២០១៥។ គិត​មក​ដល់​នា​ពេល​នេះ ហាង​នេះ​​កំ​ពុង​ដំ​ណើរ​ការ​ដោយ​មាន​ហាង​ ៤ ទី​តាំង​។ហាង​ Circle K ដែល​មាន​មូល​ដ្ឋាន​នៅ​អាមេរិក បាន​បើក​ដំ​ណើរ​ការ​នៅ​កម្ពុជាកាល​ពី​ខែ កុម្ភៈ​ឆ្នាំ ២០១៨ ហើយ​គិត​មក​ទល់​ពេល​នេះ​បាន​ពង្រីក​ទី​តាំងរហូត​ដល់ ២៣ កន្លែង។ កាល​ពី​ថ្ងៃ​ច័ន្ទ​ ក្រុម​ហ៊ុន​គ្រប់​គ្រង​ផ្សារ​ទំ​នើប​ខ្នាត​តូចដ៏​​ធំ​ជាង​គេ​របស់​ថៃ  CP All បាន​បង្ហាញ​ពី​គម្រោងថា​នឹង​​នាំ​យក​ ហាង​លក់​រាយ​ 7-Eleven មកដំ​ណើរ​ការ​នៅ​​​កម្ពុជា​។​បន្ទាប់​ពី​បើក​ដំ​ណើរ​ការ​ហាង​លក់​រាយ​ទំនើប​ខ្នាត​តូច​សា​ខា​ទី​មួយ​នៅ​កម្ពុជា​កាល​ពី​ដើម​ឆ្នាំ ២០១៧ ​Aeon Maxvalu ​បាន​ពង្រីក​ទី​តាំង​ជា​បន្ត​បន្ទាប់ ហើយ​បាន​បើក​ដំណើរ​ការ​ហាងទី​ ៩ របស់​ខ្លួន​កាល​ពី​ថ្ងៃ​ពុធ​ទី ៣ កក្កដា​ ដោយ​ដាក់​ទី​តាំង​នៅ​ បឹង​កេង​កង​មួយ។ ​លោក ជ័យ រតនា ជំ​នួយ​ការ​នាយក​​ប្រ​តិ​បត្តិការ​ហាង​លក់​រាយ​ Aeon Maxvalu បាន​ឲ្យ​ដឹង​ថា​ ​ហាង​ Aeon Maxvalu នឹង​ពង្រីង​ទី​តាំង​បន្ថែម​ទៀត ហើយ​គ្រោង​ដល់ ៣០០ ហាងនៅ​ទូ​ទាំង​ប្រ​ទេស​នៅ​ឆ្នាំ ២០២៥។ លោក​បន្ត​ថា ហាង​ទី​ ១០ នឹង​បើក​ដំ​ណើរ​ការ​នៅ​ថ្ងៃ​ទី ១៩ ខែ​កក្កដានេះ ស្រប​ពេល​ហាង​ ៣ ផ្សេង​ទៀត​នឹង​ដាក់​ឲ្យ​ដំ​ណើរ​កា​រ​នៅ​ខែ​វិច្ឆិកា ខាង​មុខ ដែល​ធ្វើ​ឲ្យ​ចំ​នួន​ហាង​សរុប​កើន​ដល់ ១៣ ទី​តាំង​នៅ​ដំ​ណាច់​ឆ្នាំ ២០១៩ នេះ។យោង​តាម​លោក រតនា អ្នក​ប្រើ​ប្រាស់​កម្ពុជា​កំ​ពុងមាន​ការ​ផ្លាស់​ប្តូរ​ទម្លាប់​នៃ​ការ​ដើរ​ទិញ​ឥវ៉ាន់។ ពួក​គេ​ហ៊ាន​ចំ​ណាយ​ច្រើន​ជាង​មុន​ដើម្បី​ទិញ​ទំ​និញ នៅ​ក្នុង​ទីតាំង​ដែល​មាន​បរិ​យាកាស​ល្អ ម៉ា​ស៊ីន​ត្រជាក់ និង​មាន​ធា​នា​ពី​គុណ​ភាព​ទំនិញ។ស្រប​ពេល​ដែលហាង​លក់​ទំនិញ​គ្រោង​បង្កើន​ទី​តាំង លោក​រតនា​ ក៏​បាន​បញ្ជាក់ដែរ​ថា​ កំណើន​តម្លៃ​ឈ្នួល​កំ​ពុង​ក្លាយ​ជា​បញ្ហា​ប្រ​ឈម​​​ដល់​ផែន​ការ​នេះ​។​លោក​បន្ត​ថា​៖​«​ហាង​យើង​ជា​ច្រើន​កំ​ពុង​ជួប​បញ្ហា​ឡើង​ថ្លៃ​ជួល​ទី​តាំ​ង​នេះ​។ បញ្ហា​ថ្លៃ​ឈ្នួល​នេះ​អាច​ប៉ះ​ពាល់​ខ្លាំង​ដល់​ផែន​ការ​ពង្រីក​ហាង​របស់​យើង​សម្រាប់​រយៈ​ពេល​វែង»។យ៉ាង​ណា​ក៏​ដោយ​ មិន​មែន​សុទ្ធ​តែ​គ្រប់​គ្នា​បារម្ភ​ខ្លាំង​ពី​និន្នា​ការ​នេះ​នោះ​ទេ។ បុគ្គលិក​ថ្នាក់​គ្រប់​គ្រង​ម្នាក់​នៅ​ ហាង Super Duper ដែល​សុំ​មិន​បញ្ចេញ​ឈ្មោះ​បាន​ទទួល​ស្គាល់​ថា​ តម្លៃ​ជួល​ទី​តាំង​ពិត​ជា​កើន​បន្តិ​ច​មែន ចំនែក​ប្រ​តិ​បត្តិ​ការ​មួយ​ចំ​នួន​ដូច​ជា​ហាង​កា​ហ្វេ ឬ ហាង​អាហារ​ជា​ដើម កំ​ពុង​ជួប​ការ​លំ​បាក​ ហើយ​អាច​ប្រ​ឈម​នឹង​ការ​បិទ​ហាង។លោក​បន្ត​ថា​៖​«​ហាង​ខ្លះ​អាច​បិទ​វិញ ហើយ​ទី​តាំង​ដែលគេ​ប្រើ​ប្រាស់​​​នា​ពេល​នេះ នឹង​ទំ​នេរ​វិញ​។ ខ្ញុំ​សង្ឃឹម​ថា​តម្លៃ​ជួល​ទី​តាំង​នឹង​នៅ​ថេរ​នា​ថ្ងៃ​ខាង​មុខ​»៕ចង់ទិញអចលនទ្រព្យសម្រាប់លក់នៅភ្នំពេញ សូមចូលទៅកាន់ Realestate.com.kh!