នៅវេលាម៉ោង ៨ ព្រឹកថ្ងៃទី ៦ខែកក្កដាពីធីសម្ពោធអគារពហុមុខងារព្រីនស៍ហូលឌីងគ្រុបនិងសន្និសីទសារព័ត៌មានស្ដីពីយុទ្ធសាស្រ្ដអភិវឌ្ឍន៍នៃក្រុមហ៊ុនព្រីនស៍រៀលអ៊ីស្ទេតគ្រុបត្រូវបានប្រារព្ធធ្វើឡើងនៅខាងមុខអគារពហុមុខងារព្រីនស៍ហូលឌីងគ្រុបនៅក្នុងទីក្រុងភ្នំពេញ ក្រោមប្រធានបទ “កសាងសុបិន្ត និងអនាគត”។ ឯកឧត្តមប៉ែនសុផលរដ្ឋលេខាធិការក្រសួងរៀបចំដែនដីនគរូបនីយកម្មនិងសំណង់អ្នកឧកញ៉ាពុងឃាវសែប្រធានសមាគមសម្ព័ន្ធខ្មែរចិននៅកម្ពុជារួមជាមួយថ្នាក់ដឹកនាំនិងភ្ញៀវកិត្តិយសជាច្រើនរូបទៀតបានចូលរួមជាសក្ខីភាពក្នុងពិធីកាត់ខ្សែបូនិងសម្ពោធអគារពហុមុខងារព្រីនស៍ ហូល ឌីងគ្រុបនេះ។នៅក្នុងសុន្ទរកថាលោក QIU GUOXING ប្រធានប្រតិបត្តិក្រុមប្រឹក្សាភិបាលនៃក្រុមហ៊ុនព្រីនស៍ រៀល អ៊ីស្ទេត គ្រុបបានលើកឡើងថា៖ “អគារពហុមុខងារព្រីនស៍ហូលឌីងគ្រុប គឺជាអគារការិយាល័យ ស្ដង់ដារលំដាប់ខ្ពស់របស់ប្រទេសកម្ពុជា ដែលមានការបណ្ដាក់ទុនសាងសង់ប្រមាណ ៧០ លានដុល្លារដែលមានទំហំសរុប ២៤,៨00 ម៉ែត្រការ៉េ។តាមប្រភពព័ត៌មានបានឲ្យដឹងថា ក្នុងនាមជានិមិត្តសញ្ញាថ្មីនៃទីក្រុងអគារពហុមុខងារព្រីនស៍ហូលឌីងគ្រុបរួមបញ្ចូលមុខងារជាច្រើនដូចជា៖ ការិយាល័យ បដិសណ្ឋារកិច្ច សាលប្រជុំការិយាល័យលក់ និងមុខងារផ្សេងៗជាច្រើនទៀត។អគារនេះមិនត្រឹមតែមានមុខងារជាទីស្នាក់ការកណ្ដាលនៃក្រុមហ៊ុនព្រីនស៍ រៀល អ៊ីស្ទេត គ្រុប ប៉ុណ្ណោះទេ តែថែមទាំងផ្តល់នូវទីតាំងដ៏ធំទូលំទូលាយសម្រាប់ការអភិវឌ្ឍនាពេលអនាគតរបស់ក្រុមហ៊ុនព្រីនស៍ រៀល អ៊ីស្ទេត គ្រុបផងដែរ។ លើសពីនេះទៅទៀត អគារពហុមុខងារ ព្រីនស៍ ហូល ឌីង គ្រុបបានផ្តល់នូវវេទិកាមួយសម្រាប់ធ្វើឲ្យប្រសើរឡើងនូវរូបភាពរបស់ក្រុមហ៊ុនព្រីនស៍ រៀល អ៊ីស្ទេត គ្រុបនិងសម្រាប់បង្ហាញពីវប្បធម៌របស់ក្រុមហ៊ុនផងដែរ។អ្នកឧកញ៉ា ពុង ឃាវសែ ប្រធានសមាគមសម្ព័ន្ធខ្មែរចិននៅកម្ពុជា បានថ្លែងក្នុងសុន្ទរកថាក្រុមហ៊ុនព្រីនស៍ រៀល អ៊ីស្ទេត គ្រុប មានការអភិវឌ្ឍយ៉ាងឆាប់រហ័សក្នុងរយៈពេលប៉ុន្មានឆ្នាំចុងក្រោយនេះ ដែលមិនត្រឹមតែផ្តល់នូវឱកាសការងារជាច្រើនសម្រាប់ប្រជាជនកម្ពុជាប៉ុណ្ណោះទេតែថែមទាំងបានលើកកម្ពស់ការអភិវឌ្ឍផ្នែកសេដ្ឋកិច្ចនៅប្រទេសកម្ពុជាផងដែរ។ ការតបស្នងទៅកាន់សង្គមកម្ពុជា បង្ហាញពីទំនួលខុសត្រូវនៃក្រុមហ៊ុនលក្ខណៈគម្រូ។ ការបើកសម្ពោធនៃអគារពហុមុខងារព្រីនស៍ ហូល ឌីង គ្រុប ជានិមិត្តសញ្ញានៃការបោះជំហានយ៉ាងរឹងមាំក្នុងដំណើរការកសាងប្រទេសកម្ពុជាឲ្យកាន់តែល្អប្រសើរ និងជាស្នាដៃដ៏គួរឲ្យកត់សម្គាល់មួយរបស់ក្រុមហ៊ុនព្រីនស៍ រៀល អ៊ីស្ទេត គ្រុប។ឯកឧត្តម ប៉ែន សុផលរដ្ឋលេខាធិការ​ក្រសួង​រៀបចំដែនដី​នគរូបនីយកម្ម​និងសំណង់បានសម្តែងការកោតសរសើរ និងវាយតម្លៃយ៉ាងខ្ពស់អំពីសមិទ្ធផលនានារបស់ក្រុមហ៊ុនព្រីនស៍ រៀល អ៊ីស្ទេត គ្រុបក្នុងប៉ុន្មានឆ្នាំថ្មីៗនេះនិងធ្វើការអបអរសាទរ ចំពោះការបើកសម្ពោធនៃអគារពហុមុខងារព្រីនស៍ហូលឌីងគ្រុប។ឯកឧត្តមបានលើកឡើងនៅក្នុងសុន្ទរកថា៖“ក្រោមក្របខណ្ឌ ខ្សែក្រវាត់មួយ ផ្លូវមួយរបស់ប្រទេសចិនការវិនិយោគរបស់ចិននៅប្រទេសកម្ពុជានិងភ្ញៀវបរទេសចិនមកកាន់កម្ពុជាស្ថិតនៅលំដាប់ទី១  ហើយសង្ឃឹមថានៅពេលអនាគត ក្រុមហ៊ុនចិនកាន់តែច្រើនថែមទៀតនឹងមកធ្វើការវិនិយោគនៅប្រទេសកម្ពុជា”។ប្តេជ្ញាយកសប្បុរសធម៌ជាចម្បង បង្កើតក្ដីស្រឡាញ់សម្រាប់មនុស្សគ្រប់រូបក្នុងរយៈពេលបួនឆ្នាំកន្លងមក អង្គការមូលនិធិសប្បុរសធម៌ព្រីនស៍ រៀល អ៊ីស្ទេត គ្រុប បានប្តេជ្ញាចិត្តផ្ដល់ជាជំនួយក្នុងវិស័យសប្បុរសធម៌លើកកម្ពស់ទំនួលខុសត្រូវរបស់ក្រុមហ៊ុនដោយផ្តោតលើការឧបត្ថម្ភដល់កុមារគ្មានលទ្ធភាពបន្តការសិក្សា ជនពិការមនុស្សចាស់ការអភិវឌ្ឍទីក្រុងការអប់រំភាសាចិន ការការពារបរិស្ថាននិងវិស័យជាច្រើនផ្សេងទៀតដែលបានឧបត្ថម្ភជាថវិកាសរុបលើសពី ៦លានដុល្លារអាមេរិក និងជួយដល់ប្រជាពលរដ្ឋជាង១៥ ម៉ឺននាក់។នៅក្នុងបទសម្ភាសន៍ជាមួយប្រព័ន្ធផ្សព្វផ្សាយលោកQIU GUOXING ប្រធានប្រតិបត្តិក្រុមប្រឹក្សាភិបាលនៃក្រុមហ៊ុនព្រីនស៍ រៀល អ៊ីស្ទេត គ្រុបបានសង្កត់ធ្ងន់ថា៖ “ក្នុងនាមជាស្ថាបនិកនៃសហគ្រាស លោកតែងតែយកសកម្មភាពសប្បុរសធម៌ជាកិច្ចចម្បង និងជឿងជាក់ថា មានសប្បុរស ទើបអាចទទួលបានភាពជោគជ័យ។ នៅពេលអនាគតយើងនឹងខិតខំដើម្បីសម្រេចឲ្យបាន សកម្មភាពសប្បុរសធម៌ជាសាធារណៈ (អនុញ្ញាតឲ្យប្រជាជនគ្រប់រូបចូលរួមក្នុងសកម្មភាពសប្បុរសធម៌)។ សកម្មភាពសប្បុរសធម៌ជាលក្ខណៈបំបែក (សកម្មភាពសប្បុរសធម៌ខ្នាតធំឬតូច) សកម្មភាពសប្បុរសធម៌មានការតាមដាន (អនុញ្ញាតសកម្មភាពសប្បុរសធម៌មានភស្តុតាងដែលអាចតាមដានបាន) សកម្មភាពសប្បុរសធម៌ជាលក្ខណៈបន្ត (ធ្វើឲ្យសកម្មភាពសប្បុរសធម៌មានភាពជានិរន្ត) ដើម្បីលើកកម្ពស់វឌ្ឍនភាព និងស្ថិរភាពសង្គម។”តាមប្រភពព័ត៌មានបានឲ្យដឹងថា ចាប់តាំងពីឆ្នាំ ២០១៥ មកក្រុមហ៊ុនព្រីនស៍ រៀល អ៊ីស្ទេត គ្រុបបានវិនិយោគជាទឹកប្រាក់សរុបចំនួន២ពាន់លានដុល្លារអាមេរិកដោយមានផ្ទៃដីបម្រុងសរុបទំហំជាង១២០០​ហិកតានិងក្រឡាផ្ទៃអភិវឌ្ឍសរុបប្រមាណ២០លានម៉ែត្រការ៉េហើយបានក្លាយទៅជាអ្នកអភិវឌ្ឍន៍ឈានមុខគេ និងជាអ្នកត្រួសត្រាយផ្លូវក្នុងវិស័យអចលនទ្រព្យនៅកម្ពុជា។លោក LI MIN នាយកប្រតិបត្តិនៃក្រុមហ៊ុនព្រីនស៍ រៀល អ៊ីស្ទេត គ្រុប ក្នុងថ្លែងក្នុងសុន្ទរកថារបស់លោកថា ជាមួយនឹងទស្សនច្នៃប្រឌិត និងផលិតផលប្រកបដោយគុណភាព ក្រុមហ៊ុនព្រីនស៍ រៀល អ៊ីស្ទេត គ្រុបតែងតែនាំមុខគេក្នុងវិស័យអចលនទ្រព្យនៅកម្ពុជា។ គម្រោងដែលសាងសង់រួចរាល់ចំនួន ៨ គម្រោងកំពុងសាងសង់ចំនួន ៧ គម្រោងស្ថិតក្នុងផែនការចំនួន ៧ និងគម្រោងទិញយកចំនួន ២។ក្រុមហ៊ុនព្រីនស៍ រៀល អ៊ីស្ទេត គ្រុប ផ្តោតសំខាន់លើការអភិវឌ្ឍវិស័យអចលនទ្រព្យ និងទទួលបានសមិទ្ធផលគួរឲ្យកត់សម្គាល់ផងដែរលើវិស័យទេសចរណ៍វប្បធម៌ ក្លឹបកម្សាន្ត សណ្ឋាគារ ផ្សារទំនើប និងភោជនីយដ្ឋានជាដើម។ បច្ចុប្បន្ន ក្រុមហ៊ុនព្រីនស៍ រៀល អ៊ីស្ទេត គ្រុប មានក្រុមហ៊ុនបុត្រសម្ព័ន្ធចំនួន ៣០ ក្រុមហ៊ុន ដែលបង្កើតបានជាគំរូពាណិជ្ជកម្មដែលមានលក្ខណៈ “វិស័យអចលនទ្រព្យជំរុញការអភិវឌ្ឍវិស័យរបស់ក្រុមហ៊ុនបុត្រសម្ព័ន្ធ ហើយក្រុមហ៊ុនបុត្រសម្ព័ន្ធផ្តល់សេវាកម្មដល់វិស័យអចលនទ្រព្យ“ ដែលជាខ្សែសង្វាក់ផលិតកម្មនៃវិស័យអចលទ្រព្យ។ដោយយករាជធានីភ្នំពេញជាតំបន់យុទ្ធសាស្ត្រស្នូល និងយកខេត្តព្រះសីហនុ និងខេត្តសៀមរាបជាស្លាបទាំងពីរ ក្រុមហ៊ុនព្រីនស៍ រៀល អ៊ីស្ទេត គ្រុប នឹងពង្រីកវិសាលភាពអាជីវកម្មទៅកាន់ខេត្តក្រុងចំនួន ១៦ ទៀតដែលរួមមានខេត្តកំពត ខេត្តកែប និងខេត្តប៉ោយប៉េតជាដើម ដោយគ្របដណ្តប់លើផ្ទៃដីចំនួន ៨០% នៃផ្ទៃដីសរុបរបស់ប្រទេសកម្ពុជា។ លើសពីនេះទៅទៀត ក្រុមហ៊ុននឹងចាក់ឬសទៅកាន់ប្រទេសចំនួន ៤ ឬ ៥ ក្នុងតំបន់អាស៊ីអាគ្នេយ៍ និងសម្រេចឲ្យបាននូវក្របខណ្ឌគុណវឌ្ឍិនៃការចុះបញ្ជីលើផ្សារមូលបត្រយ៉ាងតិចណាស់ ១០ ទៅ ២០ គម្រោងពាណិជ្ជកម្ម និងចូលរួមចំណែកក្នុងគោលដៅអត្រានគរូបនីយកម្ម ៤០% នៃព្រះរាជាណាចក្រកម្ពុជា។ស្វែងរកអចលនទ្រព្យសម្រាប់លក់នៅភ្នំពេញ ឬអចលនទ្រព្យសម្រាប់ជួលនៅភ្នំពេញនៅថ្ងៃនេះ!

ស្របពេលដែលប្រទេសកម្ពុជាទទួលបានការវិនិយោគដ៏ច្រើនសន្ធឹកសន្ធាប់លើវិស័យសំណង និងអចលនទ្រព្យ អគារលំនៅដ្ឋាន និងពាណិជ្ជកម្មតូចធំ រាប់តាំងពីគម្រោងបុរីរហូតដល់អគារខ្ពស់កប់ ពពកបានរីកដុះដាលនៅក្នុងរាជធានី ​និងតាមទីជុំជនខេត្តក្រុងទូទាំងប្រទេស។ ទាំងនេះគឺជាចំណុចវិជ្ជមានមួយសម្រាប់សម្រាប់វិស័យអចលនទ្រព្យកម្ពុជា ប៉ុន្តែនេះក៏ជាការផ្លាស់ប្តូរថ្មីមួយនៅក្នុងទីផ្សារមួយនេះ ក្នុង រយៈពេលជិត ១០ ឆ្នាំចុងក្រោយនេះផងដែរ។ ហេតុដូចនេះហើយទ់ើបគេនៅតែមានក្តីបារម្ភចំពោះវិស័យនេះទាំងមូល ក្នុងនោះ មួយក្នុងចំណោមកង្វល់ជាច្រើនគឺគុណភាពសំណង់ និងបទដ្ឋានសាងសង់ ថាតើគម្រោងនីមួយៗនឹងផ្តល់ជូនភាពរឹងមាំកម្រិតណា និងជាប់បានយូរកម្រិតណា?ជាក់ស្តែងព្រឹត្តិការណ៍បាក់រលំអគារនៅខេត្តព្រះសីហនុ គឺជាឧទាហរណ៍ជាក់ស្តែង​ ដែលបានសរឲ្យឃើញពីស្ថានភាពប្រឈមផ្នែកគុណភាពសំណង់នៅកម្ពុជា។ ហេតុការណ៍នេះបាន បង្ករឲ្យមានការភ្ញាក់ផ្អើល ហើយទទឹមជាមួយគ្នានេះ អ្នកគ្រប់គ្នាបានងាកមកចាប់អារម្មណ៍កាន់តែ ខ្លាំងពីគុណភាពនៃការសាងសង់នានានៅទូទាំងប្រទេស។​ការបាក់រលំអគារមិនមែនជារឿងចៃដន្យនោះ ប៉ុន្តែវាមានហេតុផលសំខាន់ៗជាច្រើនយ៉ាងដែលពាក់ព័ន្ធទៅនឹងកង្វះខាតគុណភាព ប្រព័ន្ធត្រួតពិនិត្យគុណភាសំណង់នៅមានកម្រិត  កង្វះធនធាន និងមធ្យោបាយបច្ចេកទេស និងការគិតតែពីផលចំណេញពីម្ចាស់សំណង់ និងអ្នកពាក់ព័ន្ធ។ នេះបើតាមការដកស្រង់ពី rfi ។ គុណភាពនៃសំណង់អគារអគារទាំងតូចទាំងធំ ទាំងលំនៅដ្ឋានស្នាក់ ឬជួលជាច្រើនត្រូវបានសាងសង់នៅទូទាំងប្រទេសកម្ពុជា។ ប៉ុន្តែគុណភាពនៃសំណង់ត្រូវបានគេនិយាយពីមាត់មួយទៅមាត់មួយថា មិនសូវល្អនៅឡើយ។ ជាក់ស្តែងសំណង់ផ្ទះបុរីជាច្រើន ត្រូវបានគេសង្កេតឃើញមានស្នាមប្រេះ និងជ្រាបទឹក ដែលសុទ្ធតែជាបញ្ហានៃគុណភាពសំណង់នោះ។ប្រព័ន្ធត្រួតពិនិត្យគុណភាពសំណង់ស្របពេលដែលការអភិវឌ្ឍជាច្រើនបានកើនឡើង គេមើលឃើញថាប្រព័ន្ធគ្រប់គ្រងការត្រួតពិនិត្យសំណង់របស់អាជ្ញធរមូលដ្ឋាន ត្រូវបានគេឃើញថាមានភាពទន់ខ្សោយនៅឡើយ ដែលអាចបណ្តោយឲ្យការសាងសង់គ្មាន គុណភាពចេះតែបន្តកើតមាន។ កង្វះសមត្ថភាពនៃអាជ្ញាធរនេះ ក៏បណ្តាលមកពីការខ្វះការយល់ ដឹងជាសារវន្តផ្នែកបច្ចេកទេសនៃការត្រួតពិនិត្យផងដែរ បូកផ្សំនឹងភាពមិនប្រក្រតីក្នុង ការអនុវត្តជាមួយនឹងម្ចាស់គម្រោងផងនោះ វាបានធ្វើឲ្យប្រព័ន្ធត្រួតពិនិត្យជារួមមានលក្ខណៈ ទន់ខ្សោយ។កង្វះធនធាន និងមធ្យោបាយបច្ចេកទេសដោយសារតែប្រទេសកម្ពុជា ជាប្រទេសកំពុងអភិវឌ្ឍន៍ ធនធានជាច្រើនក៏នៅមានកង្វះខាតយ៉ាងច្រើន ដែលទាមទារឲ្យមានមានជំនួយពីបរទេស និងដៃគូសហការផ្សេងៗ។ ត្រង់ចំណុចនេះយើងសង្កេតឃើញពី ការខិតខំប្រឹងប្រែងរបស់ដ្ឋ ក្នុងការពង្រីកធនធាន សមត្ថភាព និងមធ្យោបាយរបស់អាជ្ញាធរ។  ប៉ុន្តែវាហាក់នៅមានកម្រិតនៅឡើយ ដែលទាមទារឲ្យមានការយកចិត្តទុកដាក់បន្ថែមទៀត។ ការគិតតែពីផលចំណេញច្រើនជ្រុលម្ចាស់គម្រោងអភិវឌ្ឍន៍ ត្រូវបានគេសង្កេតឃើញថាជាអ្នកដែលទទួលបានផលប្រយោជន៍មុនគេ សម្រាប់ការសាងសង់អគារទោះធំក្តី ឬតូចក្តី។ ដូច្នេះ ប្រសិនបើពួកគេគិតតែពីផលចំណេញច្រើនពេក ប្រាកដណាស់ គម្រោងរបស់ពួកគេនឹងត្រូវសាងសង់ដោយមិនឆ្លើយទៅតាមស្តង់ដារគុណភាព  ពោលគឺខ្វះទាំងវត្ថុធាតុដើម និងជំនាញបច្ចេកទេស ដែលនេះជាបញ្ហាប្រឈមដ៏ធំ។ ទោះយ៉ាងណាក៏ដោយ នៅពេលដែលមានហេតុការណ៍ដ៏រន្ធត់បានកើតឡើងនៅក្រុងព្រះសីនុថ្មីៗនេះមក វាអាចជាមេរៀនមួយសម្រាប់ទាំងរដ្ឋាភិបាល និងអ្នកម៉ៅការសាងសង់ ម្ចាស់ក្រុងហ៊ុនសាងសង់ និងអ្នករចនាប្លង់គម្រោងជាដើម ឲ្យងាកមកយកចិត្តទុកដាក់ឡើងវិញនូវរាល់ សំណង់តូចធំ ដែលកំពុងដំណើរការសាងសង់ ឬគ្រោងនឹងសាងសង់នៅពេលខាងមុខ ដើ​ម្បីឲ្យអាចធានាបានគុណភាពសំណង់រឹងមាំ និងសុវត្ថិភាពសម្រាប់អ្នករស់នៅទូទៅ៕  ចង់ទិញអចលនទ្រព្យសម្រាប់លក់នៅភ្នំពេញ សូមចូលទៅកាន់ Realestate.com.kh! ឬអានអត្ថបទនេះ រដ្ឋា​ភិ​បាល​បង្កើត​គណៈ​កម្មាការ​ពង្រឹង​ការ​ត្រួត​​​ពិ​និត្យ​គុណ​​​ភាព​សំ​ណង់នៅ​ខេត្ត​ព្រះ​សី​ហនុ​!

បើយោងតាមរបាយការណ៍របស់ ឃី រៀល អ៊ីស្ទេត ខណ្ឌចំនួនបីនៅក្នុងទីក្រុងភ្នំពេញមានតម្លៃដីកើនឡើងខ្ពស់ជាងគេក្នុងចំណោមតម្លៃក្នុងតំបន់ផ្សេងៗសម្រាប់ពាក់កណ្តាលឆ្នាំ ២០១៩នេះ។​របាយការណ៍នេះ ត្រូវបានចេញផ្សាយកាលពីពេលថ្មីៗនេះបានឲ្យដឹងថាខណ្ឌព្រែកភ្នៅ ខណ្ឌដង្កោ និងខណ្ឌច្បារអំពៅ គឺជាតំបន់ដែលមានតម្លៃដីហក់ឡើងខ្ពស់បំផុតនៅក្នុងរយៈពេល ៦ ខែ​ក្នុងឆ្នាំនេះ។តម្លៃកើនឡើងខ្ពស់ក្នុងខណ្ឌទាំង ៣ បើយោងតាមរបាយការណ៍ខាងលើ អត្រាតម្លៃដីនៅព្រែកព្នៅកើនឡើងជាង ២៧% នៅក្នុងរយៈ ៦ខែដំបូងក្នុងឆ្នាំ ២០១៩នេះ។ ជាក់ស្តែង ដីនៅតាមផ្លូវធំ នៅសង្កាត់ព្រែកព្នៅ ដែលពីមុន​ (២០១៨) មានតម្លៃជាមធ្យម ២៨០ដុល្លារក្នុងមួយមែត្រការ៉េ ដល់ ១,៥០០ដុល្លារ ក្នុងមួយមែត្រការ៉េ។ បច្ចុប្បន្ននេះ តម្លៃដីតំបន់នេះបានកើនឡើងដល់ ៣០០ដុល្លារ ទៅ ១,៧០០ដុល្លារក្នុងមួយម៉ែត្រការ៉េ។ខណ្ឌដង្កោជាខណ្ឌទីពីរ ដែលមានតម្លៃដីកើនឡើងខ្ពស់។ ដោយសារតែមានទីតាំងនេះងស្ថិតនៅភាគខាងត្បូងនៃទីក្រុងភ្នំពេញ ខណ្ឌនេះ នៅមានតម្លៃដីមិនទាន់ថ្លៃខ្លាំងនៅឡើយ។ តម្លៃជាមធ្យមនៅទីនេះបានកើនឡើងជាង ២៦% នៅពាក់កណ្តាលនៃឆ្នាំ ២០១៩ នេះ។ សង្កាត់ជើងឯក និងសង្កាត់ដង្កោ ឃើញមានការកើនឡើងយ៉ាងខ្ពស់ជាងគេ។ ដីនៅតាមផ្លូវធំនៅតំបន់ទាំងពីរមានតម្លៃចាប​ពី ១,១០០ ដុល្លារក្នុងមួយម៉ែត្រការ៉េដល់ ២,២០០ ដុល្លារក្នុងមួយមែត្រការ៉េ។  សង្កាត់ប្រទះឡាង និងសាក់សំពៅ នៅតែជាតំបន់ដែលមានតម្លៃថោកជាងគេក្នុងខណ្ឌដង្កោ។ តម្លៃដីនៅតាមផ្លូវធំមានតម្លៃរហូតដល់ ៤០ ដុល្លារក្នុងមួយមែត្រការ៉េ។ចំណែគនៅជុំវិញតំបន់នោះគឺខណ្ឌច្បារអំពៅ។ តម្លៃដីនៅទីច្បារអំពៅ កើនឡើងជិតដល់ ១៥%។ ដីនៅសង្កាត់ព្រែកប្រា និងព្រែកឯងកើនឡើងពី ៣០០ ដុល្លារ និង ១,០០០ ដុល្លារក្នុងមួយមែត្រការ៉េ។ ម្យ៉ាងវិញទៀតសង្កាត់ច្បារអំពៅ១ និងច្បារអំពៅ២ មានដី តម្លៃចន្លោះពី ១,៣០០ ដុល្លារ និង ៣,២០០ ដុល្លារក្នុងមួយមែត្រការ៉េ។លោកសន សៀប ជាស្ថាបនិក និងជានាយកប្រតិបត្តិរបស់ក្រុមហ៊ុន ឃី រៀល អ៊ីស្ទេត  បានលើកឡើងថា ដីនៅកណ្តាលទីក្រុងភ្នំពេញមានការកើនឡើងក្នុងអត្រាតិចតួចបើធៀបទៅនឹងឆ្នាំមុន។  វាផ្ទុយពីតម្លៃដីជាយក្រុងដែលបានកំពុងកើនឡើងយ៉ាងខ្ពស់។លោកបានបន្ថែមទៀតថា ព្រែកព្នៅ កំពុងក្លាយខ្លួនជាតំបន់សក្តានុពលសម្រាប់ការវិនិយោគ​ ហើយបច្ចុប្បន្នតំបន់នេះមានហេដ្ឋារចនាសម្ព័ន្ធល្អ មានផ្លូវធំៗ មានផ្លូវក្រវ៉ាត់ក្រុង ជិតផ្លូវជាតិ លេខ ៥១ និងមានរ៉ារថភ្លើងដ៏ធំឆ្លងកាត់ផ្សារបាត់ដឹង។លោក សៀបមើលឃើញថាការរអភិវឌ្ឍនៅតំបន់សែន សុខ និងខណ្ឌជ្រោយចង្វារ ជាដើម បាននាំជះឥទ្ធិពលខ្លាំងដល់តំបន់ព្រែកព្នៅ ហើយវាបានជួយធ្វើឲ្យតម្លៃដីនៅព្រែកកើនឡើង។ទាក់ទងនឹងកការកើនឡើងនៃតម្លៃដីនៅតំបន់ច្បារអំពៅវិញ លោកសៀបបានអះអាងថាសក្តានុពលនៃគម្រោងវិនិយោគធំៗនៅក្នុងតំបន់នេះបានបន្ថែមការចាប់រម្មណ៍កាន់តែខ្លាំងពីសំណាក់អ្នកទិញ។ តួយ៉ាងដូចជាគម្រោងបុរីប៉េងហួតទំហំជាង ១៥០ ហិចតា និងការពង្រីកបន្ថែម ២០០ហិចតាទៀតនោះ គឺបាន​ទាក់ទាញការអ្នករស់នៅថ្មីៗឲ្យចូលមកកាន់នៅតំបន់ច្បារអំពៅនៅកាន់តែច្រើនថែមទៀត។និយាយអំពីខណ្ឌដង្កោវិញ លោក​សៀប បញ្ជាក់ថា ខណ្ឌដង្កោមានការកើនឡើងតម្លៃដី ដោយសារតែការអភិវឌ្ឍនៃផ្លូវក្រវ៉ាត់ក្រុងទី៣ ការសាងសង់មហាវិថីសម្តេច ហ៊ុន សែន គម្រោងលំនៅដ្ឋានថ្មីៗ និងផ្សារទំនើបអុីអន ៣ ជាដើម។ “ខ្ញុំជឿថាផែនការអភិវឌ្ឍន៍ក្រុង និងការពង្រីកទីក្រុង បានជំរុញតម្លៃដីឲ្យកើនឡើង។” នេះជាការលើកឡើងរបស់លោក សៀប។ តម្លៃដីនៅតំបន់កណ្តាលក្រុងភ្នំពេញហាក់នៅថេរ ឬកើនឡើងតិចតួច បើតាមរបាយការណ៍ ដីនៅកណ្តាលនៃទីក្រុងភ្នំពេញមានការកើនឡើងតិចតួច និងកន្លែងខ្លះនៅថេរ។ ជាក់ស្តែង ខណ្ឌដូនពេញមានតម្លៃកើនឡើង ០.៤% ខណ្ឌ ៧ មករា កើន ១.៦% ខណ្ឌចំការមនកើន ០.៨% និងខណ្ឌទួលគោក កើន ០.៣%។ ទោះជាកើនឡើងតិចតួចក្ដី ប៉ុន្តែខណ្ឌទាំងនេះជាខណ្ឌដែលមានតម្លៃដីខ្ពស់ខ្លាំងជាងគេ នៅទីក្រុងភ្នំពេញ។ ឧទាហរណ៍ ខណ្ឌដូនពេញ មានតម្លៃដីជាមធ្យម ៥,០០០ដុល្លារក្នុងមួយមែត្រការ៉េ។ ក្នុងនោះតំបន់ខ្លះ ដូចជាសង្កាត់ផ្សារថ្មី តម្លៃដីអាចឈានដល់ ១២,០០០ ដុល្លារក្នុងមួយមែត្រការ៉េ។ ស្វែងរកទិញអចលនទ្រព្យសម្រាប់លក់នៅភ្នំពេញ សូមចូលទៅកាន់ Realestate.com.kh!

កំ​ណើន​ហាង​លក់​រាយ​ បាន​បង្កើន​តម្រូវ​ការ​ទី​តាំង​ដើម្បី​ដំ​ណើរ​ការ​អាជីវ​កម្ម។ តម្រូវ​ការ​ច្រើន​ជាង​មុន​ ស្រប​ពេល​ការ​ផ្គត់​ផ្គង់​ថយ​ចុះ បាន​ធ្វើ​ថ្លៃ​ឈ្នួល​កើន​ឡើង​យ៉ាង​ខ្លាំង នៅពេល​លោក​ ហេង សេង​លី ​បាន​​ក្លាយ​ជា​អ្នក​គ្រប់​គ្រង​ទូ​ទៅភោជនីយ​ដ្ឋាន​ ផាក កា​ហ្វេ កាល​ពី​ឆ្នាំ ២០១៤ លោក​បាន​តាំង​ចិត្ត​ក្នុង​ការ​ពង្រឹង​កេរ្ត៍ឈ្មោះ​ម៉ាក​យី​ហោ​អា​ហារ​​ដ្ឋានក្នុង​ស្រុក​មួយ​នេះឲ្យ​រឹង​មាំ​​​ហើយ​គ្រោង​​​បង្កើន​ចំ​នួន​ហាង​ដើម្បី​​​​​ទំ​នុក​ចិត្ត​អតិ​ថិ​ជន។  ត្រ​លប់​ទៅ​ពេល​នោះ​វិញ ​វិ​ស័យ​អា​ហា​រ​និង​ភេសជ្ជៈ​មិន​ទាន់​រីក​ខ្លាំង ឬ មាន​តម្រូវ​ការ​ធំ​ដូច​ពេល​នេះ​នៅ​ឡើយ​ទេ ហើយ​ហាង​ ផាក ​កាហ្វេ មាន​សា​ខាត្រឹម​​ ៦ ប៉ុណ្ណោះ​នៅ​កម្ពុជា។នា​ពេល​នោះ មាន​ទី​តាំង​ជា​ច្រើន​ដែលមាន​សក្តានុ​ពល​ និង​នៅ​ទំ​នេរ​ដើម្បី​បើក​​ហាង​ថ្មី​បាន​ ប៉ុន្តែ លោក សេង​លី​ មាន​បញ្ហា​ប្រឈម​ធំ​មួយ​គឺ​​ការ​ទទួល​បាន​អតិ​ថិ​ជន​ថ្មី​បន្ថែម​ឲ្យ​កើន​លឿន​ដូច​ចិត្ត​ ដែល​ចង់​ពង្រីក​ហាង​។ ប៉ុន្តែ​ឈាន​ដល់​ឆ្នាំ​ទី​ប្រាំនៃ​បេស​កកម្ម​របស់​លោក ​វិ​ស័យ​នេះ​បាន​ផ្លាស់​ប្តូរ​យ៉ាង​ខ្លាំង។ កា​រទទួល​បាន​កំណើន​អតិ​ថិ​ជន​ថ្មី លែង​សូវ​ជា​ក្តី​បារម្ភ​របស់​លោក​ សេងលី​ ទៀត​ហើយ តែ​ជំ​នួស​វិញ​លោក​ប្រ​ឈមបញ្ហា​​ថ្មី​វិញ គឺ​​ការ​កើន​ឡើង​នូវ​ខ្ទង់​​ចំ​ណាយ​​លើ​ថ្លៃ​ជួល​ទី​តាំង​ ដែល​​​អាច​ប៉ះ​ពាល់​ដល់​ប្រាក់​ចំ​ណេញ​​។លោក​ថ្លែង​ថា​៖​«​ហាង​អាហារ​ ហាង​កា​ហ្វេ និង​ហាង​លក់​ទំ​និញ​បែប​ទំនើប បាន​កើន​ឡើង​យ៉ាង​ខ្លាំង​នៅបី​ឆ្នាំ​ចុង​ក្រោយ​ ហើយ​ហាង​ទាំង​នេះ​កំ​ពុង​បង្កើន​តម្លៃ​អចល​ន​ទ្រ​ព្យ​នៅ​ភ្នំពេញ»។ លោក​បន្ត​ថា​ ផាក​កា​ហ្វេ​ កំ​ពុង​ដំ​ណើរ​ការ​ហាង​ ១៥ នា​ពេល​បច្ចុប្បន្ន ហើយ​ត្រូវ​ចំ​ណាយ​ជា​មធ្យម​ក្នុង​មួយ​ហាង​ ៥,០០០ ដុល្លារ​សម្រាប់​ការ​ជួល​ទី​តាំង​នី​មួយៗ​ក្នុង​មួយ​ខែ។ លោក​បញ្ជាក់​ថា​៖​ «យើង​ត្រូវ​ចំ​ណាយ​ច្រើន​ជាង​មុន​ជិត​ពីរ​ដង​​ធៀប​នឹង​កាល​ពី​បី​ឆ្នាំ​មុន​ ​ដើម្បី​ជួល​ទី​តាំង​ទំ​ហំ​ដ​ដែល​»​។វិ​ស័យ​លក់​រាយ​ ដែល​សំ​ដៅ​ដល់​ហាង​អា​ហារ​និង​ភេសជ្ជៈ ហាង​លក់​ទំ​និញ​រាយ និង​ផ្សារ​ទំ​នើប​ជា​ដើម បានកំ​ពុង​រីក​ចម្រើន​យ៉ាង​ខ្លាំង​នៅ​កម្ពុជា។​ ហាង​ម៉ាក​យី​ហោ​អន្តរ​ជាតិ​ជា​ច្រើន​កំ​ពុង​ចូល​មក​ទី​ផ្សារ​កម្ពុជា​កាន់​តែច្រើន ហើយ​កំ​ណើន​នេះ​បាន​ធ្វើ​ឲ្យ​តម្លៃ​អចន​ទ្រព្យ​នៅ​ទី​តាំង​ដែល​ហាង​ទាំង​នេះ​ទៅ​ដល់​បាន​ឡើង​ថ្លៃ។  គ្រាន់​តែ​ចំ​នួន​ហាង​កា​ហ្វេមួយ​មុខ ​អ្នក​នៅ​ក្នុង​ឧស្សា​ហ​កម្ម​នេះ​បាន​លើក​ឡើង​ថា​មាន​មិន​ក្រោម ៣០០ ហាង​ធំ​ៗ​ទេ​នៅភ្នំពេញ​។កញ្ញា ពៅ ធី​តា ប្រ​ធាន​ផ្នែក​ទី​ផ្សារ​លក់​រាយ ក្រុម​ហ៊ុន​ផ្តល់​សេវា​អចលន​ទ្រព្យ CBRE បាន​លើក​ឡើង​ថា​ វិ​ស័យ​លក់​រាយ​នៅ​កម្ពុជា​កំ​ពុង​រីក​ចម្រើន​ ហើយ​បាន​ទាក់​ទាញ​ម៉ា​ក​យី​ហោ​អន្តរ​ជាតិ​ជា​ច្រើនបោះ​ទុន​ដើម្បី​ដំ​ណើរ​ការ។ កញ្ញាបន្ត​ថា ​តម្រូវ​ការ​ទី​តាំងបាន​​កើន​ឡើង​ ស្រប​ពេល​ដែល​ការ​ផ្តត់​ផ្គង់​នៅ​ដ​ដែល​ ឬ កាន់​តែ​តិច​ជាង​មុន បាន​ធ្វើ​ឲ្យ​ថ្លៃឈ្នួល​កើន​ឡើង​ជា​លំ​ដាប់​។កញ្ញា​បន្ត​ថា​៖​«​​​តំ​បន់​ពាណិជ្ជ​កម្ម​មួយ​ចំ​នួនកំ​ពុង​មាន​ការ​ខ្វះ​ខាត​ទី​តាំងនា​ពេល​នេះ​។ ទី​តាំង​ល្អ​ ដូច​ជា​នៅ​បឹងកេង​កង នៅ​ទួល​គោក​ជុំ​វិញ​ផ្សារ​ TK Avenue អីជា​ដើម ​គឺ​សឹង​ពេញ​អស់​ហើយ ហើយ​ពិបាក​រក​កន្លែង​មែន​ទែន​»។ កញ្ញា​បញ្ជាក់​ថា​៖​«នៅ​ថ្ងៃខាង​មុខ ហាង​លក់​រាយ​ទាំង​អស់​ហ្នឹង​លែង​សូវ​ដាក់​ទី​តាំង​ដាច់​ដោយ​ឡែក​ទៀត​ហើយ (Standalone) [ដោយ​សារ​ពិ​បាក​រក​ទី​តាំង​] ហើយ​ទៅ​ដាក់​នៅ​ក្នុង​ផ្សារ​ទំ​នើប​វិញ​»។ហាង​លក់​រាយ​ទំនើប​ក៏​មាន​តម្រូវ​ការ​ទី​តាំង​ខ្លាំង​ដែរ​បន្ថែម​លើ​កំណើន​តម្រូវ​ការទី​តាំង​សម្រាប់​ហាង​អា​ហារ ចំ​នួន​​ហាង​លក់​ទំ​និញ​រាយ​បែប​ទំ​នើប ក៏​កំ​ពុង​កើន​ឡើង​នៅ​កម្ពុជា ហើយ​កំ​ពុង​ត្រូវ​ការ​ទី​តាំង​ច្រើន។ហាង Super Duper ​​ជា​ហាង​លក់​ទំនិញបែប​លោក​ខាង​លិច​ដំ​បូង​​គេ​នៅ​កម្ពុជា ​ដែល​ដំ​ណើរ​ការ​​​ ២៤ ម៉ោង ​បាន​បើក​ដំណើរ​ការនៅ​កម្ពុជានៅ​​​ឆ្នាំ​២០១៥។ គិត​មក​ដល់​នា​ពេល​នេះ ហាង​នេះ​​កំ​ពុង​ដំ​ណើរ​ការ​ដោយ​មាន​ហាង​ ៤ ទី​តាំង​។ហាង​ Circle K ដែល​មាន​មូល​ដ្ឋាន​នៅ​អាមេរិក បាន​បើក​ដំ​ណើរ​ការ​នៅ​កម្ពុជាកាល​ពី​ខែ កុម្ភៈ​ឆ្នាំ ២០១៨ ហើយ​គិត​មក​ទល់​ពេល​នេះ​បាន​ពង្រីក​ទី​តាំងរហូត​ដល់ ២៣ កន្លែង។ កាល​ពី​ថ្ងៃ​ច័ន្ទ​ ក្រុម​ហ៊ុន​គ្រប់​គ្រង​ផ្សារ​ទំ​នើប​ខ្នាត​តូចដ៏​​ធំ​ជាង​គេ​របស់​ថៃ  CP All បាន​បង្ហាញ​ពី​គម្រោងថា​នឹង​​នាំ​យក​ ហាង​លក់​រាយ​ 7-Eleven មកដំ​ណើរ​ការ​នៅ​​​កម្ពុជា​។​បន្ទាប់​ពី​បើក​ដំ​ណើរ​ការ​ហាង​លក់​រាយ​ទំនើប​ខ្នាត​តូច​សា​ខា​ទី​មួយ​នៅ​កម្ពុជា​កាល​ពី​ដើម​ឆ្នាំ ២០១៧ ​Aeon Maxvalu ​បាន​ពង្រីក​ទី​តាំង​ជា​បន្ត​បន្ទាប់ ហើយ​បាន​បើក​ដំណើរ​ការ​ហាងទី​ ៩ របស់​ខ្លួន​កាល​ពី​ថ្ងៃ​ពុធ​ទី ៣ កក្កដា​ ដោយ​ដាក់​ទី​តាំង​នៅ​ បឹង​កេង​កង​មួយ។ ​លោក ជ័យ រតនា ជំ​នួយ​ការ​នាយក​​ប្រ​តិ​បត្តិការ​ហាង​លក់​រាយ​ Aeon Maxvalu បាន​ឲ្យ​ដឹង​ថា​ ​ហាង​ Aeon Maxvalu នឹង​ពង្រីង​ទី​តាំង​បន្ថែម​ទៀត ហើយ​គ្រោង​ដល់ ៣០០ ហាងនៅ​ទូ​ទាំង​ប្រ​ទេស​នៅ​ឆ្នាំ ២០២៥។ លោក​បន្ត​ថា ហាង​ទី​ ១០ នឹង​បើក​ដំ​ណើរ​ការ​នៅ​ថ្ងៃ​ទី ១៩ ខែ​កក្កដានេះ ស្រប​ពេល​ហាង​ ៣ ផ្សេង​ទៀត​នឹង​ដាក់​ឲ្យ​ដំ​ណើរ​កា​រ​នៅ​ខែ​វិច្ឆិកា ខាង​មុខ ដែល​ធ្វើ​ឲ្យ​ចំ​នួន​ហាង​សរុប​កើន​ដល់ ១៣ ទី​តាំង​នៅ​ដំ​ណាច់​ឆ្នាំ ២០១៩ នេះ។យោង​តាម​លោក រតនា អ្នក​ប្រើ​ប្រាស់​កម្ពុជា​កំ​ពុងមាន​ការ​ផ្លាស់​ប្តូរ​ទម្លាប់​នៃ​ការ​ដើរ​ទិញ​ឥវ៉ាន់។ ពួក​គេ​ហ៊ាន​ចំ​ណាយ​ច្រើន​ជាង​មុន​ដើម្បី​ទិញ​ទំ​និញ នៅ​ក្នុង​ទីតាំង​ដែល​មាន​បរិ​យាកាស​ល្អ ម៉ា​ស៊ីន​ត្រជាក់ និង​មាន​ធា​នា​ពី​គុណ​ភាព​ទំនិញ។ស្រប​ពេល​ដែលហាង​លក់​ទំនិញ​គ្រោង​បង្កើន​ទី​តាំង លោក​រតនា​ ក៏​បាន​បញ្ជាក់ដែរ​ថា​ កំណើន​តម្លៃ​ឈ្នួល​កំ​ពុង​ក្លាយ​ជា​បញ្ហា​ប្រ​ឈម​​​ដល់​ផែន​ការ​នេះ​។​លោក​បន្ត​ថា​៖​«​ហាង​យើង​ជា​ច្រើន​កំ​ពុង​ជួប​បញ្ហា​ឡើង​ថ្លៃ​ជួល​ទី​តាំ​ង​នេះ​។ បញ្ហា​ថ្លៃ​ឈ្នួល​នេះ​អាច​ប៉ះ​ពាល់​ខ្លាំង​ដល់​ផែន​ការ​ពង្រីក​ហាង​របស់​យើង​សម្រាប់​រយៈ​ពេល​វែង»។យ៉ាង​ណា​ក៏​ដោយ​ មិន​មែន​សុទ្ធ​តែ​គ្រប់​គ្នា​បារម្ភ​ខ្លាំង​ពី​និន្នា​ការ​នេះ​នោះ​ទេ។ បុគ្គលិក​ថ្នាក់​គ្រប់​គ្រង​ម្នាក់​នៅ​ ហាង Super Duper ដែល​សុំ​មិន​បញ្ចេញ​ឈ្មោះ​បាន​ទទួល​ស្គាល់​ថា​ តម្លៃ​ជួល​ទី​តាំង​ពិត​ជា​កើន​បន្តិ​ច​មែន ចំនែក​ប្រ​តិ​បត្តិ​ការ​មួយ​ចំ​នួន​ដូច​ជា​ហាង​កា​ហ្វេ ឬ ហាង​អាហារ​ជា​ដើម កំ​ពុង​ជួប​ការ​លំ​បាក​ ហើយ​អាច​ប្រ​ឈម​នឹង​ការ​បិទ​ហាង។លោក​បន្ត​ថា​៖​«​ហាង​ខ្លះ​អាច​បិទ​វិញ ហើយ​ទី​តាំង​ដែលគេ​ប្រើ​ប្រាស់​​​នា​ពេល​នេះ នឹង​ទំ​នេរ​វិញ​។ ខ្ញុំ​សង្ឃឹម​ថា​តម្លៃ​ជួល​ទី​តាំង​នឹង​នៅ​ថេរ​នា​ថ្ងៃ​ខាង​មុខ​»៕ចង់ទិញអចលនទ្រព្យសម្រាប់លក់នៅភ្នំពេញ សូមចូលទៅកាន់ Realestate.com.kh!

ឆ្លើយតបនឹងគ្រោះថ្នាក់បាក់អគារដ៏រន្ធត់នៅក្រុងព្រសីហនុថ្មីៗនេះ រដ្ឋាភិបាលបានចេញវិធានការភ្លាមៗ និងជាបន្តបន្ទាប់ដើម្បីធានាសុវត្ថិភាពនៃការសាងសង់នៅកម្ពុជា។ ក្រសួងរៀបចំដែនដី នគររូបនីយកម្ម និងសំណង់បានធ្វើការបង្កើតនូវក្រុមការងារបច្ចេក ទេសគាំទ្រគណៈកម្មការត្រួតពិនិត្យគុណភាពសំណង់ ក៏ដូចជាការពង្រឹងស្តង់ដារគុណភាព ដើម្បីធានាឱ្យបានថាសំណង់ដែលសាងសង់គឺប្រកបទៅដោយភាពរឹងមាំ និងសុវត្ថិភាពខ្ពស់។បន្ថែមលើសពីនេះទៀត កាលពីថ្ងៃទី៣០ ខែមិថុនា ឆ្នាំ២០១៩ថ្មីៗនេះ សួងក្រសួងរៀបចំដែនដី នគររូបនីយកម្ម និងសំណង់បានចេញសេចក្តីប្រកាស អញ្ចើញលោកឧកញ៉ា លោកជំទាវ លោក លោកស្រី ប្រធានក្រុមហ៊ុនប្រកបអាជីវកម្មសាងសង់  ប្រធានក្រុមជាងសំណង់ ប្រធានក្រុមហ៊ុនប្រកបអាជីវកម្មសិក្សាគម្រោងប្លង់ និងរូបវ័ន្តបុគ្គលសិក្សាគម្រោងប្លង់ ឱ្យចូលរួមកិច្ចប្រជុំស្ដីពីការសិក្សាគម្រោងប្លង់ និងការសាងសង់អគារ ក្រោមអធិបតីភាពឯកឧត្តម ជា សុផារ៉ា ដែលនឹងមានការប្រព្រឹត្តទៅនៅថ្ងៃទី ៤ ខែកក្កដា ឆ្នាំ២០១៩ វេលាម៉ោង ០៩:០០ នាទី ឯសណ្ឋាគារសុខាភ្នំពេញ។​កិច្ចប្រជុំនេះត្រូវបានធ្វើឡើងក្នុងគោលបំណងដើម្បីជម្រាបជូន ក៏ដូចជាផ្តោតសំខាន់ចំពោះបុគ្គលដែលពាក់ព័ន្ធនៅក្នុងវិស័យសំណង់នេះ ឱ្យបង្កើនការប្រុងប្រយ័ត្ន និងយកចិត្តទុកដាក់ខ្ពស់ចំពោះបច្ចេកទេសត្រឹមត្រូវស្របតាមការកំនត់របស់បច្ចេកទេសជំនាញក្នុងការសាងសង់គម្រោងរបស់ខ្លួន។ អាស្រ័យហេតុនេះ សូមលោកឧកញ៉ា លោកជំទាវ លោក លោកស្រី អ្នកនាងកញ្ញា ដែលជាម្ចាស់ក្រុមហ៊ុនសាងសង់ ក្រុមហ៊ុនជាងសំណង់ ក្រុមហ៊ុនសិក្សាគម្រោងប្លង់ និងរូបវ័ន្តបុគ្គលដែលពាក់ព័ន្ធក្នុងវិស័យសាងសង់ចូលរួមជាកិត្តិយសទាំងអស់គ្នា៕​ប្រសិនបើអ្នកចង់បានអចលនទ្រព្យសម្រាប់លក់នៅក្នុងទីក្រុងភ្នំពេញ សូមចូលទៅកាន់ Realestate.com.kh!

ស្របពេលនៃកំណើននៃការអភិវឌ្ឍផ្នែកដីធ្លី និងផ្ទះសម្បែងកាន់តែច្រើន វិនិយោគិនជាច្រើនបានបណ្តាក់ទុនក្នុងគម្រោងសាងសង់គេហដ្ឋាន ដើម្បីផ្គត់ផ្តង់កំណើននៃតម្រូវការយ៉ាងច្រើននៅពេលបច្ចុប្បន្ននេះ។ មួយក្នុងចំណោមគម្រោងជាច្រើននៅប៉ែកខាងត្បូងនៃទីក្រុងលំនៅដ្ឋាន Woodland Residence ជិតនឹងបញ្ចប់ការសាងសង់  ដែលបានកំពុងត្រៀមខ្លួនបង្ហាញពីភាពឥតខ្ចោះដល់អ្នកស្នាក់នៅ។ លក្ខណៈពិសេសនៃគម្រោង Woodland Residenceជាមួយនឹងទីតាំងស្ថិតនៅជាប់ផ្លូវ ៦០ ម៉ែត្រ គម្រោង Woodland Residence មានលក្ខណៈពិសេសដាច់គេ បើប្រៀបធៀបនឹងគម្រោងផ្សេងៗ។ គម្រោងនេះមានរចនាបថនាំយកមកពី ប្រទេសសិង្ហបុរី ហើយម៉ូដគេហដ្ឋានផ្ទាល់ក៏ជាម៉ូដថ្មីចុងក្រោយបង្អស់នៅប្រទេសសិង្ហបុរីផងដែរ ដែលធ្វើឲ្យសម្រស់របស់គេហដ្ឋានមានភាពទាក់ទាញ។ គេបានសាងសង់ផ្ទះសម្រាប់គម្រោងនេះដល់ទៅបួនជាន់។ មិនតែប៉ុណ្ណោះ គម្រោងនេះស្ថិតលើទីតាំងដែលប្រជុំទៅដោយតំបន់ពាណិជ្ជកម្ម ផ្សារទំនើប និងគម្រោងផ្សេងៗទៀត ដែលជាកត្តាបន្ថែមពីលើលក្ខណៈពិសេសរបស់គម្រោង Woodland Residence ។ លំនៅដ្ឋាន ៨៥​ ខ្នង​នៅ​ក្នុង​គម្រោង​អភិវឌ្ឍន៍​នេះ មាន ​៣ ​ប្រភេទ​ខុស​ៗ​គ្នា​ដូចជា វីឡា​កូន​កាត់ ផ្ទះ​អាជីវកម្ម វីឡា​ភ្លោះ​និង​វីឡាឃ្វីន។ ផ្ទះ​នីមួយៗបាន​បំពាក់​ដោយ​គ្រឿង សង្ហារិម និង​គ្រឿង​បរិក្ខារ​ និង​មាន​កន្លែង​ចត​យានយន្ត​ធំ​ទូលាយ​អាច​ដាក់​រថយន្ត​បាន​ចំនួន​ ២។នេះបើតាមប្រសាសន៍របស់អ្នកនាង រ៉េត មេត្តា ដែលជាប្រធានផ្នែកលក់របស់គម្រោង Woodland Residence។  ការផ្តល់ជូនពិសេសសម្រាប់អតិថិជនយោងតាមការលើកឡើងរបស់ អ្នកនាងរ៉េត មេត្តា បានឲ្យដឹងថាក្នុងពេលបច្ចុប្បន្ន គម្រោងនេះត្រូវបានបញ្ចប់ប្រមាណ ៧០% ហើយគ្រោងនឹងប្រគល់គេហដ្ឋានជូនអតិថជននៅខែធ្នូ ឆ្នាំ២០១៩ ខាងមុខនេះ។ រហូតមកដល់ពេលនេះយូនីតសម្រាប់លក់​នៅសក់តែ ៦ យូនីតចុងក្រោយចុងក្រោយប៉ុណ្ណោះ ដូចនេះអតិថិជននឹងទទួលបានការចុះតម្លៃពិសេស និងការផ្តល់ជូនផ្សេងៗទៀត ដែលមិនធ្លាប់មានសម្រាប់ការទិញភ្លាមៗ។ លើសពីនេះទៀត ក្រុមហ៊ុនក៏ផ្តល់ជូនការធានាចំពោះការកើនឡើងថ្លៃផ្ទះ ក្រោយពេលដែលគេបានប្រគល់ផ្ទះជូនអតិថិជនផងដែរ។គម្រោងយក្សនៅប៉ែកខាងត្បូងគម្រោងផ្សេងៗជាច្រើនត្រូវបានគេសាងសង់ឡើងនៅក្នុងតំបន់នោះ ដូចជាគម្រោងអ៉ីអន ៣ ដែលជះឥទ្ធិពលវិជ្ជមានជាច្រើនដល់តំបន់នេះ។ ចំណុចដំបូងនោះគឺវាផ្តល់ឱកាសវិនិយោគដល់វិស័យផ្សេងៗទៀត។ វាអាចជួយឲ្យតម្លៃផ្ទះសម្បែងកើនឡើង ដែលអាចជំរុញតម្លៃផ្ទះជួល ឬតម្លៃផ្តះទូទៅឲ្យកើនឡើងតម្លៃខ្ពស់ផងដែរ។ ចំណុចទីពីរគឺវាជួយឲ្យម្ចាស់ផ្ទះសម្បែងរកចំណូលបានកាន់តែច្រើន ដោយគេអាចប្រកបមុខរបរផ្សេងៗដើម្បីទាញយកប្រយោជន៍ពីសក្តានុពលនៃតំបន់នេះ។ស្របពេលនៃកំណើននៃចំនួនអ្នកទៅរស់នៅ សកម្មភាពសេដ្ឋកិច្ចផ្សេងៗក៏នឹងចាប់ផ្តើមកើនឡើងហើយ វាក៏ជាឳកាសសម្រាប់ការអភិវឌ្ឍហេដ្ឋារចនាសម្ព័ន្ធ ដើម្បីបម្រើដល់សកម្មភាពសេដ្ឋកិច្ចទាំងនោះ។ចំណុចដែលត្រូវពិចារណាមុននឹងទិញលំនៅដ្ឋានជាការណែនាំ អ្នកនាង មេត្តា បានលើកឡើងអំពីចំណុចគួរពិចារណាមួយចំនួន​ ដែលអតិថិជនត្រូវយកចិត្តទុកដាក់នៅពេលទិញអចលនទ្រព្យណាមួយ៖ ប្រវត្តិរបស់អ្នកអភិវឌ្ឍន៍៖ អតិថិជនត្រូវពិនិត្យមើលឲ្យបានច្បាស់លាស់ទាក់ទងនឹងប្រវត្តិ បទពិសោធន៍ពីមុនដែលអ្នកអភិវឌ្ឍធ្លាប់បានធ្វើកន្លងមក។ ក្រុមហ៊ុនល្អអាចជួយឲ្យយើងជៀសផុតពីហានិភ័យផ្សេងៗបាន។ទីតាំងរបស់គម្រោង៖ អតិថិជនតែងចង់បានគម្រោងដែលអាចចំណេញប្រាក់ដល់ខ្លួនក្រោយពេលទិញរួចហើយ។ ដូច្នេះអតិថិជនត្រូវស្វែងយល់ឲ្យដឹងថា គម្រោងនោះស្ថិតនៅកន្លែងណា ឬមានគម្រោងណាផ្សេង ដែលកំពុងតែសាងសង់នៅតំបន់នោះដែរឬទេ ឬហេដ្ឋារចនាសម្ព័ន្ធ ដូចជាផ្លូវថ្នល់ មន្ទីរពេទ្យ ឬផ្សារទំនើបជាដើម៕សម្រាប់ព័ត៌មានបន្ថែមសូមទាក់ទងនៅថ្ងៃនេះ ប្រសិនបើអ្នកចង់បានអចលនទ្រព្យសម្រាប់លក់នៅក្នុងទីក្រុងភ្នំពេញ សូមចូលទៅកាន់ Realestate.com.kh!

បើទោះបីជាមិនទាន់មានព័ត៌មានច្បាស់ការអំពីទីតាំងពិតប្រាកដរបស់ផ្សារទំនើបអ៊ីអន ៣​ ថានឹងត្រូវសាងសង់នៅកន្លែងណាក៏ដោយ ប៉ុន្តែតម្លៃដីបានហក់ឡើងខ្ពស់ជាលំដាប់បន្ទាប់ពីទទួលបានដំណឹងនៃការវិនិយោគគម្រោងផ្សារដ៏ធំមួយនេះ។ លោក ហៃ រ៉ាវី ប្រធានផ្នែកលក់ និងទីផ្សារក្រុមហ៊ុន Daily Realty Group បានលើកឡើងថា ការទិញ-លក់មានដំណើរការល្អ ខណៈប្រតិបត្តិការកំពុងកើនឡើងនៅពេលបច្ចុប្បន្ន។  លោក រ៉ាវី បានបញ្ជាក់ថា ការអភិវឌ្ឍន៍ធំៗបានហូរចូលក្នុងតំបន់នេះ ដូចជា ផ្សារអ៊ីអនជាដើម គឺជាផ្នែកមួយដែលបានរុញច្រាន ប្រតិបត្តិការទិញ-លក់​ ជាពិសេសតម្លៃដីឲ្យកើនឡើង។ លោកមើលឃើញថាដីធំៗនៅភាគខាងត្បូងទីក្រុងបានក្លាយជាទិសដៅសម្រាប់អ្នកអភិវឌ្ឍន៍ជាតិ និងអន្តរជាតិសម្រាប់ការសាងសង់ជាគម្រោងគម្រោងបុរី អគារពាណិជ្ជកម្ម រោងចក្រ ឬឃ្លាំងទំនិញ។ លោកបានពន្យល់ថាបច្ចុប្បន្ននេះ តំបន់នេះមានហេដ្ឋារចនាសម័ន្ធត្រូវបានអភិវឌ្ឍល្អ ដែលផ្តល់ភាពងាយស្រួលការរស់នៅ និងពាណិជ្ជកម្ម។ ផ្លុវធំៗត្រូវបានកសាងដូចជា ផ្លូវក្រុងវ៉ាត់ក្រុង ផ្លុវជើងឯក ផ្លូវ ៦០ ម៉ែត្រ ផ្លូវជាតិលេខ ២ ដែលនឹងត្រូវកែលម្អបន្ថែម និងផ្លូវ ២១៧ រួមជាមួយគម្រោងព្រលានយន្តហោះថ្មីផងដែរ។ លោករ៉ាវី បាននិយាយថា គម្រោងបុរីច្រើនបានអភិវឌ្ឍនៅក្នុងតំបន់នេះ ដូចជាគម្រោងពិភពថ្មី បុរីអាយភី ជាដើម​។ ហើយគម្រោងទាំងនេះបានទទួលការគាំទ្រពីអ្នកទិញក្នុងស្រុកជាច្រើន។ ជាមួយគ្នានេះដែរ  តំបន់នេះមានគម្រោងដីឡូតិ៍មួយចំនួន ដែលអាចរកបានចាប់ពីតម្លៃជាង ២០,០០០ ឡើងទៅ (ទទឹង ៥ ម៉ែត្រ និងបណ្តោយ​​ ២០ ម៉ែត្រ)។ទាក់ទងនឹងតម្លៃដី យោងតាមរបាយការណ៍តម្លៃដីពាក់កណ្តាលទី១ ឆ្នាំ២០១៩ របស់ក្រុមហ៊ុន ឃី រៀល អ៊ីស្ទេត បានបង្ហាញថាតម្លៃដីនៅក្នុងខណ្ឌដង្កោបានកើនឡើងខ្ពស់លំដាប់ទី២ ក្នុងចំណោមខណ្ឌទាំង ១២ នៅក្នុងទីក្រុងភ្នពេញ ពោលគឺកើនឡើងរហូតដល់ ២៦.៣% ក្នុងនោះដីក្នុងសង្កាត់ដង្កោមានតម្លៃថ្លៃជាងគេ ដែលនៅតាមផ្លូវធំមានតម្លៃមធ្យមចាប់ពី ៧០០ ដុល្លារដល់ ២,២០០ ដុល្លារ/ម៉ែត្រការ៉េ។ ចំណែកផ្លូវតូចមានតម្លៃចាប់ពី ១២០ ដុល្លារ ដល់ ៥០០ ដុល្លារ/ម៉ែត្រការ៉េ។ ចំណែក អ្នកនាង រ៉េត មេត្តា ប្រធានផ្នែកលក់របស់គម្រោង Woodland Residence បានឲ្យដឹងថា គម្រោងអ៊ីអន ៣ ថ្មីនឹងជំរុញឱ្យតំបន់នេះមានដង់ស៊ីតេប្រជាជនកើនឡើងកាន់តែច្រើន ហើយនេះជាឱកាសវិនិយោគដ៏ល្អសម្រាប់វិស័យអចលនទ្រព្យ និងវិស័យដ៏ទៃទៀត។ អ្នកស្រីមេត្តា ជឿជាក់ថា ការស្វែងរកឱកាសវិនិយោគនៅពេលនេះ នឹងធ្វើឱ្យម្ចាស់អចលនទ្រព្យទទួលបានប្រាក់ចំណូលជាច្រើនពីការជួលអចនលទ្រព្យ ឬផលចំណេញនៅពេលលក់ចេញវិញពេលអនាគត៕​ស្វែងរកអចលនទ្រព្យសម្រាប់លក់ក្នុងខណ្ឌដង្កោ ឬអចលនទ្រព្យសម្រាប់លក់នៅខណ្ឌមានជ័យនៅថ្ងៃនេះ!

បានក្លាយទៅជាចំណុចក្តៅមួយសម្រាប់ការវិនិយោគមកពីតំបន់អាស៊ី ប្រទេសកម្ពុជាជាពិសេស រាជធានីភ្នំពេញគឺមានសក្តានុពលខ្លាំងសម្រាប់ការវិនិយោគ។ ការផ្លាស់ប្តូរដ៏ធំនៅកម្ពុជាក្នុង រយៈពេលប៉ុន្មានឆ្នាំចុងក្រោយនេះធ្វើឱ្យមានការយកចិត្តទុកដាក់ខ្លាំងក្នុងតំបន់។ ក្នុងចំណោមការរីកចម្រើននៃការអភិវឌ្ឍថ្មី គម្រោងខុនដូ CPEC Roman Garden បានស្ថិតនៅក្នុងក្រសែភ្នែកមនុស្សជាច្រើន។មានទីតាំងស្ថិតនៅក្នុងខណ្ឌសែន សុខ រាជធានីភ្នំពេញ។ គម្រោង CPEC Roman Garden ស្ថិតនៅក្នុងតំបន់ពាណិជ្ជកម្ម ដែលជាបណ្តុំបណ្តាញហេដ្ឋារចនាសម្ព័ន្ធដូចជា អាកាសយានដ្ឋាន អន្តរជាតិភ្នំពេញ និងតំបន់សេវាកម្មជាច្រើនទៀត។គម្រោង CPEC Roman Garden គ្របដណ្តប់លើផ្ទៃដី ១,២០០ ម៉ែត្រការ៉េស្ថិតនៅក្បែផ្លូវធំៗពីរមានផ្ទៃក្រឡាសរុប ១៦,០០០ ម៉ែត្រការ៉េ និងអាផាតមិនទំនើបជាង ២០០ យូនីត ។ការរចនាអគារនេះត្រូវបានបំផុសគំនិតដោយស្ថាបត្យកម្មរ៉ូម៉ាំងបុរាណ។ វាបង្កើតឱ្យមានអារម្មណ៍នៃភាពអស្ចារ្យ ជាបេ​តិក​ភ័ណ្ឌវប្បធម៌ដ៏សម្បូរបែប និងរឹងមាំ។ ជារួមនាំមកនូវស្ថាបត្យកម្ម​តែមួយគត់ទៅកាន់ទីក្រុង។ អគារកម្ពស់ ២០ ជាន់ដែលមានកម្ពស់ខ្ពស់ល្មមអាចមើលទេសភាពទីក្រុងពីលើអាកាសបានយ៉ាងល្អ។គម្រោងនេះបង្កើតឡើងសម្រាប់អតិថិជនចិននៅរាជធានីភ្នំពេញ គម្រោង CPEC Roman Garden ស្ថិតនៅក្នុងទីតាំងល្អឥតខ្ចោះ។ ធ្វើដំណើរត្រឹមតែប៉ុន្មាននាទីពី "ផ្លូវចិន (China street)" ដ៏ល្បីដែលឆ្លងកាត់ផ្សារធំថ្មី។ ជាការពិត ការអភិវឌ្ឍនេះត្រូវបានកំណត់ជាការសម្គាល់នៃកេរ្តិ៍ដំណែលរបស់ចិននៅប្រទេសកម្ពុជា។ស្ថិតនៅលើដងផ្លូវ ២០០៤ គម្រោង CPEC Roman Garden​  នៅជិតសាលារៀនអន្តរជាតិ Northbridge ១០ នាទីពីអាកាសយានដ្ឋានអន្តរជាតិភ្នំពេញ ៥ នាទីពីផ្សារទំនើបរតនាផ្លាហ្សា និង ៣០ នាទីពីណាហ្គាវើល ឬផ្សារទំនើបអ៊ីអន ២ ។CPEC Roman Garden ទទួលបានអត្ថប្រយោជន៍ពីការរៀបចំផែនការត្រឹមត្រូវ ការរចនាដ៏ប៉ិនប្រសប់ និងការតម្រង់ទិសទីផ្សារច្បាស់លាស់។ គម្រោងនេះសាកសមសម្រាប់វិនិយោគិនអាស៊ី។គុណសម្បត្តិសំខាន់ៗរបស់គម្រោង CPEC Roman Garden ៖តម្លៃអប្បបរមាក្នុងមួយយូនីតប្រហែល ៦០,០០០ ដុល្លារ ជាកម្រិតទាបបំផុតសម្រាប់ការវិនិយោគអចលនទ្រព្យ។ ការពិតការអភិវឌ្ឍមានយូនីតប្រភេទផ្សេងៗគ្នាជាច្រើន។ វាសាកសមទៅតាមកម្រិតនីមួយៗ។តំបន់រួមដ៏ធំក្នុងការអភិវឌ្ឍនេះមានចំនួន ៤០ ភាគរយនៃទំហំសរុប ។ តម្លៃលក់ចាប់ផ្តើមត្រឹមតែ ១,៧០០ ដុល្លារក្នុងមួយម៉ែត្រការ៉េ។ការប្រគល់លំនៅដ្ឋានជូនគ្រោងធ្វើនៅខែសីហាឆ្នាំ ២០២០។ នេះមានន័យថាអ្នកស្ទើតែអាចចាប់ផ្តើមទទួលបានផលចំណេញភ្លាមៗទៅហើយ។មានជម្រើសទូទាត់ច្រើន។ អ្នកអាចធ្វើការទូទាត់តែមួយលើក ឬបង់រំលស់ដោយមិនគិតការប្រាក់លើសមួយឆ្នាំជាមួយនឹងការទូទាត់ចុងក្រោយ ៣៤% នៅពេលប្រគល់ជូន។តម្រូវការថេរសម្រាប់ការជួលផ្ទះនៅក្នុងតំបន់នេះមានន័យថាអ្នកអាចរំពឹងទទួលបានការជួលត្រឡប់មកវិញខ្ពស់រហូតដល់ ៨% ទៅ ១០% ក្នុងមួយឆ្នាំ។បច្ចុប្បន្ននេះ នៅ CPEC Roman Garden តម្លៃអាផាតមិនប្រហែលជា ២,៣០០ ដុល្លារក្នុងមួយម៉ែត្រការ៉េ។ ទោះជាយ៉ាងណាក៏ដោយតម្លៃលក់នៅ CPEC Roman Garden ចាប់ផ្តើមត្រឹមតែ ១,៧០០ ដុល្លារក្នុងមួយម៉ែត្រការ៉េប៉ុណ្ណោះ។នេះមានន័យថាការទិញអាផាតមិន ៦០ ម៉ែត្រការ៉េនៅ CPEC Roman Garden មានតម្លៃ ៣៦,០០០ ដុល្លារតិចជាងទំហំដែលអាចប្រៀបធៀបបាន។ អ្វីដែលសំខាន់នោះគឺចំណេញ!សំខាន់ជាងនេះទៀតគម្រោង CPEC Roman Garden ត្រូវបានអភិវឌ្ឍដោយក្រុមហ៊ុន China CPEC Development and Construction Investment Co., Ltd និងបានសាងសង់ដោយក្រុមហ៊ុនលំដាប់កំពូលទាំង ៥០០ នៅលើពិភពលោក ឈ្មោះថា China Railway 11th Bureau ។ គម្រោងនេះត្រូវបានរចនាឡើងដោយស្ថាបត្យករដ៏ល្បីល្បាញក្នុងស្រុក និងមន្ត្រីមកពីក្រសួងដែនដី និងសំណង់ ដែលបានធ្វើការនៅក្រៅប្រទេសអស់រយៈពេល ១៥ ឆ្នាំហើយទទួលបានជោគជ័យជាច្រើនសម្រាប់គម្រោងក្នុងស្រុក។ គម្រោងនេះធានាលើគុណភាពជាចម្បង។ចំណុចសំខាន់ៗនៃគុណភាព៖តំបន់រួមមានចំនួនជាង ៤០% ។ កំពស់ជាន់នីមួយៗគឺ ៣.៣ ម៉ែត្រ។ ផ្លូវចេញចូលមានទទឹង ២.៣ ម៉ែត្រ មានបង្អួចពីការ៉ូរហូតដល់ពិដាននៃចុងសងខាង ព្រមទាំងមានពន្លឺ និងខ្យល់ចេញចូលយ៉ាងល្អ។ជាមួយនឹងកញ្ចប់ពីរខុសៗគ្នាដើម្បីជ្រើសរើស លោកអ្នកអាចទទួលបានលំនៅដ្ឋានដែលបានធ្វើរួចរាល់ស្រាប់ត្រឹមតែ ៣,៥០០ ទៅ ៥,៥០០ ដុល្លារបន្ថែម។ ឬលោកអ្នកអាចបន្ថែមសម្ភារជាលក្ខណៈផ្ទាល់ខ្លួនបន្ថែមទៀតជាមួយគ្រឿងសង្ហារិមួយចំនួនដូចជាកម្រាលការ៉ូ ជញ្ជាំងលាប ផ្ទះបាយដែលបំពាក់គ្រឿងសង្ហារឹម បន្ទប់ទឹក និងម៉ាស៊ីនត្រជាក់ម៉ាក Gree ។ត្រូវបានរចនាឡើងដើម្បីក្លាយជាអគារបៃតងពិតប្រាកដដែលរួមបញ្ចូលនូវសោភ័ណវិទ្យា ស្ថាបត្យកម្ម មេកានិច អេរ៉ូឌីណាមិក និងបច្ចេកវិទ្យាផ្សេងៗទៀត។មានអាងហែលទឹកមួយលើដំបូល។ តំបន់នេះគឺមានទាំងនៅក្នុង និងក្រៅ ដូច្នេះមិនថាអាកាសធាតុបែបណាទេលោកអ្នកនៅតែអាចរីករាយ និងសម្រាកបានដោយស្រួល។ម៉ាស៊ីនត្រជាក់តាមយូនីតនីមួយៗមានតម្រងសម្រាប់ត្រងសំណល់ទឹកម៉ាស៊ីនត្រជាក់ មានន័យថាទឹកត្រូវបានកែច្នៃឡើងវិញហើយអាចយកមកស្រោចរុក្ខជាតិក្នុងអគារ ឬនៅកន្លែងរួមបាន។ជាការពិតគម្រោង CPEC Roman Garden ផ្តល់ជូននូវសេវាកម្មដ៏មានតម្លៃជាច្រើនរួមមានអាងហែលទឹក ស្កាយបារ បន្ទប់ប្រជុំ/បន្ទាប់រាំ ក្លឹបហាត់ប្រាណ ហាងកាហ្វេ ផ្សារទំនើប ចំណតយានយន្ត ៣ ជាន់ និងចំណតយានយន្តនៅខាងក្រៅ សេវាកម្មអចលនទ្រព្យដែលនៅជិត និងមានការយកចិត្តទុកដាក់ដែលផ្តល់ដោយប្រតិបត្តិករអចលនទ្រព្យដែលមានបទពិសោធន៍ក្នុងស្រុកកំពូលៗ និងសេវាជាច្រើនទៀត។ ម្ចាស់លំនៅដ្ឋាននីមួយៗអាចរីករាយនឹងជីវិតរបស់ពួកគេនៅទីនេះនិងរស់នៅដោយសុខស្រួល!អាផាតមិនមានទំហំចាប់ពី ៣៧ ដល់ ៩៨ ម៉ែត្រការ៉េ។ យូនីតនីមួយៗមានរានហាលដែលអាចមើលទេសភាពខាងក្រៅដ៏អស្ចារ្យ។ ឥស្សរជន ឬគ្រួសារតូចៗអាចរកបានលំនៅដ្ឋានរបស់ពួកគេយ៉ាងងាយស្រួលនៅទីនេះ។ និយាយឲ្យខ្លី វាមានភាពងាយស្រួលក្នុងការរកកន្លែងដែលល្អឥតខ្ចោះសម្រាប់ការវិនិយោគបន្ទាប់របស់លោកអ្នក។ស្វែងរកអចលនទ្រព្យសម្រាប់លក់នៅសែន សុខ ឬអចលនទ្រព្យសម្រាប់ជួលនៅសែន សុខនៅលើ Realestate.com.kh ថ្ងៃនេះ!

កាលពីប៉ុន្មា​នខែមុននេះ សម្តេចអគ្គមហាសេនាបតីតេជោ ហ៊ុន សែន​ និងលោក ប្រាយុទ្ធ ចាន់អូចារ នាយករដ្ឋមន្ត្រីនៃប្រទេសថៃ​ បានធ្វើការសម្ភោធស្ពានមិត្តភាពកម្ពុជា-ថៃ ( ស្ទឹងបត់-បានណងអៀង) និងស្ថានីយរថភ្លើងប៉ោយប៉ែត-ខ្លងលឹក ដែលប្រព្រឹត្តឡើងនៅឯព្រំប្រទល់កម្ពុជា-ថៃ។​ ចំពោះស្ថានីយរថភ្លើងប៉ោយប៉ែត-ខ្លងលឹក​ វាមានលក្ខណៈពិសេសត្រង់ថាអ្នកដំណើរអាចធ្វើដំណើរពីកម្ពុជាឆ្លងទៅកាន់ប្រទេសថៃផ្ទាល់តែម្តង។​ លើសពីនេះទៅទៀត ខ្សែរថភ្លើងនេះក៏មានរត់ទៅកាន់បណ្តាប្រទេសផ្សេងៗទៀតនៅក្នុងសហគមន៍អាស៊ានផងដែរ។ថ្មីៗនេះ ក្រុមហ៊ុនវិនិយោគផ្លូវដែករបស់រដ្ឋាភិបាលប្រទេសថៃបានបង្ហើបពីថ្ងៃចាប់ផ្តើមដំណើរការជាផ្លូវការនៃស្ថានីយរថភ្លើងប៉ោយប៉ែត-ខ្លងលឹក ពោលគឺស្ថានីយនេះនឹងចាប់បម្រើសេវារថភ្លើងជាប្រចាំចាប់ពីថ្ងៃច័ន្ទ ទី១ ខែកក្កដា ឆ្នាំ ២០១៩ ឆាប់ៗខាងមុខនេះ។តាមការបញ្ជាក់ពីលោក​ Worawut​ Mala​ អ្នកគ្រប់គ្រង​ស្តីទី​នៃ​ក្រុមហ៊ុន​ផ្លូវដែក​រដ្ឋ​របស់​ប្រទេស​ថៃ​ បាននិយាយទៅកាន់​កាសែត​បាង​កកប៉ុស្តិ៍របស់ប្រទេសថៃថា​ ស្ថានីយនេះនឹង​មានការ​ដាក់ឲ្យ​ដំណើរ​រថភ្លើង​ចំនួន​ ៤ ដង​ក្នុង​មួយថ្ងៃ​។ចំពោះកាលវិភាគនៃការធ្វើដំណើរវិញ មានម៉ោងដូចខាងក្រោម៖១. រថភ្លើង​ដឹក​អ្នកដំណើរ​ធម្មតា​លេខ​ ២៧៥​ នឹង​ចាប់ផ្តើម​ចេញដំណើរ​ពីទី​ក្រុង​បាងកក​ទៅ​តំបន់​ Aranyaprathet​ និង Klong​ Luk​ នៅ​ម៉ោង​ ៥ និង​ ៥៥​នាទី​ ហើយ​មកដល់​ស្ថានីយ​នៅ​ម៉ោង​ ១១​ ព្រឹក​។២. រថភ្លើង​ដឹក​អ្នកដំណើរ​ធម្មតា​លេខ​ ២៧៩​ នឹង​ធ្វើ​ប្រតិបត្តិ​ការ​នៅ​លើ​ផ្លូវ​តែមួយ​ដោយ​ចាកចេញ​ពីទី​ក្រុង​បាងកក​នៅ​ម៉ោង​ ១ និង​ ៥ នាទី​ទៅដល់​ព្រំដែន​នៅ​ម៉ោង​ ៥ និង​ ២៧​ ល្ងាច​។៣. សម្រាប់ជើងរថភ្លើង​ត្រឡប់មកវិញ​ រថភ្លើង​ដឹក​អ្នកដំណើរ​ធម្មតា​លេខ​ ២៨០​ នឹង​ចាកចេញ​ពី​ស្ថានីយ៍​ក្លុង​លឹ​ក (ផ្សារ​រុង​ក្លឺ​) នៅ​ម៉ោង​ ៦ និង៥៨​ នាទី​ព្រឹក​ ហើយ​មកដល់​ក្រុង​បាងកក​នា​ម៉ោង​ ១២​ និង៥​ នាទី​យប់​។៤. ​រថភ្លើង​ដឹក​អ្នកដំណើរ​ធម្មតា​លេខ​ ២៧៦​ នឹង​ចាកចេញ​ពី​ស្ថានីយ​ព្រំដែន​នៅ​ម៉ោង​ ១ និង៥៣​ រសៀល​មកដល់​បាងកក​នៅ​ម៉ោង​ ៧ និង៤០​ យប់​។ចំពោះតម្លៃនៃការធ្វើដំណើរវិញ តាមប្រភពដដែលបានឱ្យដឹងថា​ ថ្លៃ​សំបុត្ររថភ្លើង​រវាង​ទីក្រុង​បាងកក​ និង​ស្ថានីយក្លុង​លឹ​ក នឹង​មានតម្លៃ​ ៤៩​ បាត​ (ប្រហែលជា​ ៦,០០០​ រៀល​) ក្នុង​ការ​ធ្វើដំណើរ​មួយជើង​។គួរបញ្ជាក់ផងដែរថា​ សេវាកម្មផ្លូវដែកឆ្លងប្រទេស​ថ្មីនេះ​នឹងអាច​ជួយ​សម្រួល​ដល់​ការ​ធ្វើដំណើរ​របស់អ្នកដំណើរក៏ដូចជា​ភ្ញៀវ​ទេសចរ​កម្ពុជា ថៃ​ និង​បរទេស​ដែល​ចង់​ឆ្លងកាត់​ព្រំដែន​ប្រទេសទាំង២។ ដោយការធ្វើដំណើរនេះទៀតសោត ក៏ផ្តល់បទពិសោធន៍យ៉ាងល្អ និងអាចនាំចំណូលមកកាន់ប្រទេសទាំង២បានមួយចំនែកផងដែរ៕​ ស្វែងរកអចលនទ្រព្យសម្រាប់លក់នៅភ្នំពេញ ឬអចលនទ្រព្យសម្រាប់លក់នៅសៀមរាបនៅថ្ងៃនេះ។ លោកអ្នកអាចទាញយកសៀវភៅណែនាំអំពីការវិនិយោគនៅកម្ពុជាបាននៅពេលនេះ!

លំនៅដ្ឋានជាច្រើនត្រូវបានដល់លក់ ដើម្បីបំពេញតាមតម្រូវការរបស់អ្នកទិញក្នុងស្រុក ហើយក្នុងរយៈជិត ១០ ឆ្នាំចុងក្រោយនេះ គេមើលឃើញថាប្រជាជនជាច្រើនចាប់ផ្តើមមានលទ្ធភាព ទិញផ្ទះនៅក្នុងទីក្រុង និងតាមបណ្តាទីប្រជុំជនធំៗនៅតាមរាជធានីខេត្ត។ ការទិញលំនៅដ្ឋានបានក្លាយទំនោរដ៏ពេញនិយមសម្រាប់មនុស្សទូទៅ ហើយសម្រាប់ជនជាតិខ្មែរ គេនៅតែមើលឃើញថាទំនោរនៃការទិញផ្ទះជាប់ដី បែបបុរី ឬផ្ទះល្វែង (សម្រាប់រស់នៅ ឬប្រកបអាជីវកម្ម) នៅមានភាពពេញនិយមខ្លាំង។ នៅក្នុងបទសម្ភាសន៍ជាមួយ Realestate.com.kh លោក ម៉ម រតនា និងអ្នកស្រី ម៉ី មិនា ជាអ្នកដែលបានទិញផ្ទះរូចរាល់ពីគម្រោងបុរី និងកញ្ញា ចេង ហ៊ុយហុង បានរៀបរាប់ពីរបៀបដែលពួកគាត់ជ្រើសរើសផ្ទះ​ និងគោលដៅនៃការទិញផ្ទះ។  ១.​ ប្រភេទនៃផ្ទះលោក ម៉ម រតនា បាននិយាយថា “ខ្ញុំបានទិញផ្ទះក្នុងគម្រោងបុរី ដោយសារខ្ញុំចូលចិត្ត ហើយខ្ញុំមើលឃើញថា មនុស្សភាគច្រើនចង់បានផ្ទះល្វែង ឬបុរី ដែលអាចប្រកបមុខរបរដើម្បីទាញយកចំណូលបាន។ លោកថា សម្រាប់អ្នកដែលមានដែលមានទ្ធភាពគ្រ​ប់គ្រាន់ ដែលអាចទិញផ្ទះ ជាលក្ខណៈខុនដូ ឬផ្ទះតម្លៃខ្ពស់នៅតំបន់ទីប្រជុំជនក៏ជាជម្រើសល្អសម្រាប់ការស្នាក់នៅ ដោយសារតែយើងអាចទទួលបានកន្លែងរស់នៅ ដែលអាចផ្តល់សេរីភាព និងទំនើប។ ទោះបីជាយ៉ាងនេះក្តី ខ្ញុំជឿថាមនុស្សជាច្រើន ចង់បានផ្ទះ ដែលគេអាចទាញយកប្រយោជន៍បាន។ នេះបើតាមលោករតនា។ ដូចគ្នានេះដែរ កញ្ញា ហ៊ុយហុង​ ដែលជាអ្នកមានបំណងទិញផ្ទះនៅពេលឹឆាប់ៗខាមុខបានលើកឡើងថា៖ “ខ្ញុំមានបំណងទិញផ្ទះ ដែលអាចបង្កើតចំណូលសម្រាប់ទ្រទ្រង់ដល់ការរស់នៅរបស់ខ្លួន និងគ្រួសារ។”២. ទីតាំងអ្នកទាំងបីមានគំនិតដូចគ្នាចំពោះ ការជ្រើសរើសទីតាំងផ្ទះ។​ ទីតាំងដែលទទួល បានការចាប់អារម្មណ៍ជាងគេគឺនៅតំបន់ទីប្រជុំជន ដែលមានមនុស្សរស់នៅច្រើន។ ចំណុចនេះមានលក្ខណៈស្របគ្នាទៅនឹងការចង់ប្រកបមុខរបររកស៊ី នៅតាមគេហដ្ឋានរបស់ខ្លួន ដោយសារតែវាជាកន្លែងដែលងាយស្រួលសម្រាប់អតិថិជនប្រើប្រាស់សេវាកម្ម ឬទំនិញ។ បើទោះបីការទិញមិនសម្រាប់ការធ្វើអាជីវកម្មក៏ដោយ ពោលគឺទិញជាកន្លែងស្នាក់នៅសុទ្ធសាត ដើម្បីភាពឯកជនក៏ដោយ ក៏ពួកគេនៅតែចង់បានតំបន់ទីប្រជុំជន ដោយសារតែគេ ប្រើប្រាស់សេវាកម្ម ឬទំនិញ ដែលផ្តល់ឲ្យដោយអ្នកនៅជុំវិញបានយ៉ាងងាយស្រួល។លោក បញ្ជាក់ថា លោកបានទិញផ្ទះនៅតំបន់ជ្រោយចង្វារ ដោយសារទីនេះជាទីប្រជុំល្អបំផុត នៅជិតទីក្រុង និងងាយស្រួលធ្វើដំណើរ។ ៣. រចនាបថដោយសារតែប្រទេសកម្ពុជា មានអ្នកដែលមានកម្រិតជីវភាពមធ្យមមានចំនួនច្រើន ជាងអ្នកដែលមានជីវភាពខ្ពស់ ដូចនេះមនុស្សភាគច្រើន ហាក់មិនសូវផ្តោតសំខាន់ដល់រចនាបថ របស់ផ្ទះដែលពួកគេមានបំណងទិញនោះទេ ធ្វើយ៉ាងឲ្យតែផ្ទះនោះ មានលក្ខណៈសមរម្យ និងអាចរស់នៅបាន។ អ្នកស្រី មិនា បានឲ្យដឹងថា ផ្ទះរបស់គាត់មានលក្ខណៈសាមញ្ញ ប៉ុន្តែមានភាពសមរម្យ គ្រប់គ្រាន់សម្រាប់ការរស់នៅ។ ចំណែកកញ្ញា ហ៊ុយហុងនិយាយថា ខ្ញុំនិងទិញទៅតាមលទ្ធភាពសិន ហើយនៅពេលមានលុយ ចាំតុបតែងកែលម្អឡើងថែមទៀត ប៉ុន្តែបើមានលទ្ធភាពជាងនេះ ប្រហែលជាត្រូវទិញផ្ទះថ្មីមួយទៀត។ ៤. តម្លៃ និងការលក់ ឬជួលត្រឡប់វិញជាធម្មតា មនុស្សជាច្រើន ចង់ទិញផ្ទះ ក្នុងតម្លៃថោក។ ចំពោះមនុស្សមួយចំនួន គេមិនសូវចាប់អារម្មណ៍លើតម្លៃប៉ុន្មានទេ ប៉ុន្តែគេគិតខ្លាំងដល់ឱកាស ដែលគេអាចប្រកបមុខរបររកស៊ីបាន។ ហ៊ុយហុង និយាយថា “ខ្ញុំនឹងទិញផ្ទះតម្លៃពី ៥ ម៉ឺន ទៅ ៦ ម៉ឺន ដើម្បីទុករស់នៅផង និងរកស៊ីផង។”ចំណែកលោក រតនា បានមើលឃើញថា អ្នកខ្លះមានបំណងទិញផ្ទះ សម្រាប់ទុកលក់យកចំណេញ ឬជួលបន្ត។ ពាក់ព័ន្ធនឹងតម្លៃនេះដែរ ក្នុងស្ថានភាពបច្ចុប្បន្ន តម្លៃផ្ទះ មានការកើនឡើងខ្ពស់ ដែលតម្រូវឲ្យអ្នកទិញ ត្រូវមានចំណូលខ្ពស់គួរសមដែរ។ តែទោះជាយ៉ាងណា ឥឡុវនេះអ្នកទិញអាចទទួលបានផ្ទះ តាមរយៈការបង់រំលស់ជាតំណាក់កាល ដែលត្រូវបានគេមើលឃើញថា វាជាវិធីដ៏ល្អមួយដែលជួយសម្រួលដល់អ្នកដែលមិនមានលទ្ធភាពទាំងស្រុង៕ តាមដានព័ត៌មានថ្មីៗអំពីវិស័យអចលនទ្រព្យនៅកម្ពុជា សូមចូលទៅកាន់ Realestate.com.kh។ អ្នកអាចស្វែងរកបុរី ខុនដូ ផ្ទះល្វែង និងគម្រោងអភិវឌ្ឍន៍ថ្មីៗនៅលើគេហទំព័រអចលនទ្រព្យបាននៅថ្ងៃនេះ!

កម្ពុជា​កំ​ពុង​ស្ថិត​ក្នុង​ដំ​ណាក់​កាល​ដ៏​សំ​ខាន់​មួយ​ក្នុង​ការ​ធ្វើ​ការ​អភិវឌ្ឍទី​ក្រុង​ ហើយ​​ស្ថិត​ក្នុង​ដំ​ណាក់​កាល​ចាំ​បាច់​​​ក្នុង​ការ​ផ្លាស់ទៅ​​​ជា​ទី​ក្រុង​ឆ្លាត​វៃ​។ នេះ​បើយោង​តាម​អ្នក​ជំ​នាញ​ដែល​បាន​លើក​ឡើង​ក្នុង​កិច្ច​ពិ​ភា​ក្សា​មួយ​កាល​ពី​ថ្ងៃ​អង្គារ។កិច្ច​ពិ​ភា​ក្សា​ទាក់​ទង​នឹង​ ទី​ក្រុង​វៃឆ្លាត និង​អនាគត​នៃ​ការ​អភិវឌ្ឍ​ទី​ក្រុង​ត្រូវ​បាន​រៀប​ចំ​ឡើង​នៅ​ភ្នំពេញ ដែល​ជា​កិច្ច​សហ​ការ​រៀប​ចំ​ដោយ​ក្រុមហ៊ុន​គ្រប់​គ្រង​អចល​ន​ទ្រព្យ CBRE ក្រុម​ហ៊ុន​ប្រឹក្សា​វិនិយោគ DFDL និង​ ក្រុម​ហ៊ុន​ផ្នែក​សំ​ណង់ Archetype។​លោក Guillaume Massin សហ​អគ្គ​នាយក​ក្រុម​ហ៊ុន DFDL Cambodia បាន​លើកឡើង​នៅ​ក្នុង​កិច្ច​ពិ​ភា​ក្សា​ថា​ទី​ក្រុង​ភ្នំពេញ​គឺ​ជា​ទី​ក្រុង​ដែល​មាន​ការ​អភិវឌ្ឍ​លឿន​រហ័ស និង​ត្រូវ​បាន​ផ្លាស់​ប្តូរជា​មជ្ឈ​មណ្ឌល​សេដ្ឋ​កិច្ច​ដ៏​រស់​រវើក​មួយ។លោក​លើក​ឡើង​ថា​៖​ «​កាល​ពី​១០ ឆ្នាំ​មុន យើង​ស្ទើរ​តែ​មិន​ដែល​ស្រ​មៃ​ផង​ថា សំ​ណង់​ផ្សារ​ទំ​នើប​ធំៗ និង​អគា​ខ្ពស់​ៗ​នឹង​លេច​រូប​រាង​ដូច​ពេល​នេះ»។ លោក​បន្ត​ថា ការ​អភិវឌ្ឍ​គម្រោង​​ថ្មី​ និងការ​សាង​សង់​អាកាសយាន្ដ​ដ្ឋាន​អន្តរជាតិ​ថ្មី​ជា​ដើម សុទ្ធ​សឹង​ធ្វើ​តាម​គោល​គំ​និត​ទី​ក្រុង​ឆ្លាត​វៃ។ ​លោកបញ្ជាក់​ថា​៖​«​វា​នឹង​មាន​គម្រោង​ច្រើន​ទៀត​ចូល​មក ប៉ុន្តែ​កម្ពុ​ជា​ត្រូវ​តែ​ខិត​ខំ​ដើម្បី​ធ្វើ​ឲ្យ​ប្រដំ​ប្រ​សង​នឹង​ប្រ​ទេស​ផ្សេង។ ខ្ញុំ​គិត​ថា​ កម្ពុជា​មាន​ភាព​ប្រ​កួត​ប្រ​ជែង​ទាក់​ទង​នឹង​ការ​រៀប​ចំ​ទី​ក្រុង​»។តើអ្វីទៅជាទីក្រុងឆ្លាតវៃ?ទី​ក្រុង​ឆ្លាត​វៃ គឺ​ជា​ការ​អភិវឌ្ឍទី​ក្រុង​ដែល​ប្រើ​ប្រាស់​បច្ចេក​វិទ្យា​ ដើម្បី​កត់​សម្គាល់​ពី​បញ្ហា​ដូច​ជា កង្វះ​ខាត​ផ្ទះ ការ​ស្ទះ​ចរា​ចរណ៍ និង​ ការ​ប៉ះ​ពាល់​បរិ​ស្ថាន​។ទី​ក្រុង​ភ្នំពេញ បាត់​ដំ​បង និង​ សៀម​រាម ត្រូវ​បាន​ជ្រើ​ស​រើ​ស​ជា​ទី​ក្រុង​សម្រាប់​បណ្តាញ​ទី​ក្រុង​ឆ្លាត​វៃ​អា​ស៊ាន។ ទីក្រុង​ទាំង​បី​នេះ​បាន​ទទួល​ជំ​នួញ​ពី​រដ្ឋា​ភិ​បាល​ជប៉ុន​ ដើម្បី​អភិវឌ្ឍគម្រោង​រៀប​ចំ​ទី​ក្រុង។ក្រៅពី​គម្រោង​ថ្នាក់​ជាតិ គម្រោង​អភិវឌ្ឍន៍​ឯក​ជន​មួយ​ចំ​នួន​ក៏​កំពុង​តម្រង់​ទិ​ស​ការ​អភិវឌ្ឍ​ស្រប​តាម​គោល​ការណ៍​បណ្តាញ​ទី​ក្រុង​ឆ្លាត​វៃ​អា​ស៊ាន​ដែរ។ ទី​ក្រុង​ទាំង​នោះ​មាន​ដូ​ច​ជា៖ ទីក្រុង​រណប​ជ្រោយ​ចង្វារ របស់​ក្រុម​ហ៊ុន​ អូ​ស៊ី​អាយ​ស៊ី និង​ ទី​ក្រុង​រណប​ អ៊ីង ស៊ី​ធី ដែល​អភិវឌ្ឍន៍​ដោយ​ក្រុម​ហ៊ុន អ៊ីង​ គ្រុប។លោក សេង វណ្ណៈ នាយក​រដ្ឋ​បាល​សា​លា​រាជ​ធា​នី​ភ្នំពេញ បាន​ឲ្យ​ដឹង​នៅ​ក្នុង​កិច្ច​ពិ​ភា​ក្សា​ថា ការ​លើក​តម្លើន​គុណ​តម្លៃ ទី​ក្រុង​វៃ​ឆ្លាត​គឺ​ជា​ការ​ល្អ ប៉ុន្តែ វា​មាន​បញ្ហា​ច្រើន​ណាស់​ដែល​ត្រូវ​ប្រ​ឈម​។ក្នុង​ចំ​ណោម​បញ្ហា​ប្រ​ឈម​ធំៗ លោក វណ្ណៈ​ លើក​ឡើង​ថា​ការ​លើក​កម្ពស់​ចំ​ណេះ​ដឹង​ក្នុង​ចំ​ណោម​ប្រ​ជា​ជនកម្ពុជា និង​ជួយ​ឲ្យ​ពួក​គេ​យល់​ពី​ការ​ផ្លាត់​ប្តូរ និង​របៀប​នៃ​រស់​នៅ​ក្នុង​ទី​ក្រុង​វៃ​ឆ្លាត​គឺ​ជា​បញ្ហា​ប្រ​ឈម​ចម្បង។លោក​ថ្លែ​ង​ថា​៖​«​បញ្ហា​ប្រ​ឈម​ចម្បង​ជាង​គេ​គឺ​ធ្វើ​ម៉េច​ជួ​យ​ប្រ​ជាជន​ឲ្យ​បាន​យល់​ពី​អ្វី​ដែល​ពួក​គេ​ត្រូវ​ចូល​រួម​សហ​ការ​នៅ​ក្នុង​ទី​ក្រុង និង​ថា​តើ​ពួក​គេ​ត្រូវ​ធ្វើ​ដូច​ម្តេច​ដើម្បី​ក្លាយ​ជា​ចំណែក​មួយ​នៃ​ការ​អភិវឌ្ឍនោះ»។ស្វែងរកខុនដូសម្រាប់លក់នៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

ការវិនិយោគអចលនទ្រព្យគឹអាចមានហានិភ័យខ្លះដែរ។ ប៉ុន្តែហានិភ័យនឹងមានតិចតួច នៅពេលគម្រោងជិតបញ្ចប់ការសាងសង់។ គម្រោងខុនដូ Blue Bay គឺជាការអភិវឌ្ឍថ្មីបំផុតមួយ ក្នុងទីក្រុងឆ្នេរសមុទ្រខេត្តព្រះសីហនុ ដែលនឹងបញ្ចប់ការសាងសង់នៅចុងឆ្នាំ ២០១៩ នេះ ដែលនេះមានន័យថាសក្តានុពលរបស់គម្រោងអាចឃើញច្បាស់រួចទៅហើយ។ក្រុងព្រះសីហនុ ដែលជាទីក្រុងឆ្នេរសមុទ្ររីកគឺកំពុងបង្កើតសក្តានុពលដ៏អស្ចារ្យចម្រើនថ្មី និងក្លាយជាគោលដៅវិនិយោគដ៏ទាក់ទាញបំផុតមួយនៅអាស៊ី។វិធីល្អបំផុតមួយដើម្បីបញ្ជៀសហានិភ័យនៅពេលទិញអចលនទ្រព្យគឺទិញគម្រោងដែលបានបញ្ចប់ការសាងសង់ ឬជិតបញ្ចប់។ ទោះជាយ៉ាងណាក៏ សម្រាប់ខេត្តព្រះសីហនុ ការអភិវឌ្ឍន៍ជាច្រើននឹងមិនត្រូវបាន បញ្ចប់ក្នុងរយៈពេលពីរបីឆ្នាំទៀតនោះទេ។ ប៉ុន្តែសម្រាប់គម្រោង Blue Bay វិញ នឹងបញ្ចប់ជាស្ថាពរក្នុងក្នុងខែធ្នូ ឆ្នាំ​២០១៩នេះ។ជាការពិត Blue Bay គឺជាគម្រោងខុនដូលំដាប់ខ្ពស់បំផុតមួយដែលនឹងត្រូវប្រគល់ជូននៅចុងឆ្នាំនេះ។ អ្នកអភិវឌ្ឍន៍របស់ Blue Bay ផ្តល់ជូនផលចំណេញខ្ពស់មិនធ្លាប់មាន ក្នុងអត្រាជួលត្រឡប់ប្រចាំឆ្នាំថេរ ៨  ភាគរយ រហូតដល់រយៈពេល ៨ ឆ្នាំសម្រាប់អ្នកទិញ។លើសពីនេះទៅទៀតធនាគារភ្នំពេញពាណិជ្ជកំពុងធ្វើការសហការ និងផ្តល់កម្ចីទិញផ្ទះដល់អ្នកទិញ។ កុំរង់ចាំឆ្នាំក្រោយ! ចុចនៅទីនេះ ដើម្បីចាប់ផ្តើមទទួលយកអត្ថប្រយោជន៍ជាមួយ Blue Bay ឥឡូវនេះ!  លក្ខណៈពិសេសរបស់ Blue Bayបច្ចុប្បន្ននេះ បន្ទប់សណ្ឋាគារធម្មតា មិនមានទេសភាពមហាសមុទ្រ ដែលនៅជិតទីតាំងរបស់ Blue Bay មានតម្លៃប្រហែល ១១០ ដុល្លារក្នុងមួយយប់។ នេះមានន័យថាប្រាក់ចំណូលប្រចាំខែនៅទីនេះអាចខ្ពស់ រហូតដល់ ៣,០០០ ដុល្លារ។ការប៉ាន់ស្មានដែលតិចបំផុតបង្ហាញថាយូនីតអាមផាតមិនទំហំ ៥៨ ម៉ែត្រការ៉េនៅ Blue Bay អាចរកបាន ២,០០០ ដុល្លារក្នុងមួយខែ។ នេះស្មើនឹង ២៤,០០០ ដុល្លារក្នុងមួយឆ្នាំ ហើយជិត ១០០,០០០ ដុល្លារក្នុងរយៈពេល ៤ ឆ្នាំ។ឥឡូវនេះ Blue Bay កំពុងដាក់លក់ក្នុងតម្លៃប្រហែល ៣,៤០០ ដុល្លារក្នុងមួយម៉ែត្រការ៉េ។ នេះមានន័យថាតម្លៃសរុបនឹងមានប្រហែល ២០០,០០០ ដុល្លារ។ ត្រង់នេះអ្នក អាចទទួលបានចំណូលប្រចាំឆ្នាំប្រហែល ១២ ភាគរយ។វិនិយោគឥឡូវនេះ អ្នកអាចមានសិទ្ធិទទួលបានការជួលត្រលប់រយៈពេល ៣ ឆ្នាំ។ នេះឱកាសគឺមានតែមួយគត់នៅក្នុងតំបន់នេះ ហើយវាមានន័យថាអ្នកអាចទទួលបានការបញ្ចុះតម្លៃ ៣០ ភាគរយ។ក្នុងនាមជាសក្ខីភាពនៃវឌ្ឍនភាពរបស់គម្រោង Blue Bay អគារ C របស់របស់គម្រោងនេះត្រូវបានបញ្ចប់រួចរាល់កាលពីខែតុលាឆ្នាំមុន។ ឥឡូវនេះជាពេលត្រូវរាប់ថយក្រោយរហូតដល់ខែធ្នូ ឆ្នាំ២០១៩ ។ យូនីតនៅ Blue Bay មានទំហំពី ៥៨ ទៅ ១០០ ម៉ែត្រការ៉េ។លម្អិតអំពី Blue BayBlue Bay ស្ថិតនៅលើឆ្នេរឯករាជ្យខេត្តព្រះសីហនុ។ ឈរលើផ្ទៃដីទំហំ ១១០,០០០ ម៉ែត្រការ៉េ Blue Bay មានកម្ពស់ ៣៧ ជាន់ មានអាផាតមេន ១,៥០០ យូនីត។ គួរកត់សម្គាល់ថា ៨០% នៃយូនីតអាចមើលឃើញទេសភាពសមុទ្រ។ជីវិតរស់នៅក្នុង Blue Bay គឺមានភាពងាយស្រួល។ ពោលគឺនៅជិតរង្វង់មូលតោពីរ និងជិតកន្លែងទាក់ទាញជាច្រើនទៀតនៅក្រុងព្រះសីហនុ ដូចជា៖ ឆ្នេរឯករាជ្យ ឆ្នេរអូរឈើទាល ឆ្នេរសុខា ឆ្នេរជ័យជំនះ ឆ្នេរ Serendipity កោះរ៉ុង  កោះរុងសន្លឹម កោះឫស្សី ឧទ្យានភ្នំស្វា។ Blue Bay ក៏មានសេវាកម្មសម្បូរបែបផងដែរ។ ទាំងនេះរួមមាន កាស៊ីណូ កន្លែងហែលទឹកសមុទ្រ  អាងហែលទឹកលើដំបូល កន្លែងលេងបាល់ទះលើឆ្នេរ ភោជនីយដ្ឋានអាហារចិន និងអឺរ៉ុប រង្គសាល បារ ក្លឹបអាជីវកម្ម ក្លឹបហាត់ប្រាណ ផ្សារទំនើប ហាងកាហ្វេ មជ្ឈមណ្ឌលសេវាកម្មអចលនទ្រព្យ និងផ្សេងៗទៀត។លើសពីនេះទៀតសណ្ឋាគារលំដាប់ផ្កាយ ៥ ដ៏ល្បីល្បាញឈ្មោះថា  Wyndham Hotel និងហាងទំនិញរួចពន្ធដ៏ធំមួយបានចុះហត្ថលេខាចូលរួមជាមួយគម្រោងនេះ។Blue Bay លេចធ្លោលើសគេផ្នែករចនា។ ស្ថាបត្យកម្មសម័យទំនើបរបស់គម្រោង មានចម្លាក់លម្អិត និងប្រណិតនៅគ្រប់ជ្រុង។ ការរស់នៅទីនេះគឺពោពេញដោយភាពស្រស់ស្អាត សុខភាព និងរចនាបថបែបថ្មី។គុណភាពអគារ Blue BayBlue Bay ប្រើប្រាស់ស្តង់ដារសាងសង់ដ៏ទំនើប ដែលមានលក្ខណៈពិសេសដូចជា៖ បទដ្ឋានស្តង់ដារនៃដែកថែប និងបេតុងមានកម្រិតខ្ពស់កន្លែងពាណិជ្ជកម្មនៅជាន់ក្រោមជាមួយជញ្ជាំងថ្មក្រានីតបង្អួចចាប់ពីបាតក្រោមទៅពិដានជាមួយនឹងអាលុយមីញ៉ូមកញ្ចក់អ៊ីសូឡង់ពីរជាន់អ៊ីសូឡង់ការពារកំដៅកម្រិតខ្ពស់នៅលើជញ្ជាំងខាងក្នុង និងខាងក្រៅជម្រើសដ៏សម្បូរបែបនៅ Blue Bay កំពុងរង់ចាំអ្នក។ អ្នកអាចជ្រើសរើសយកយូនីតណាមួយទៅតាម តម្រូវកាពិតប្រាកដរបស់អ្នក។ មិនថាអ្នកចង់បានផ្ទះលម្ហែកាយ កន្លែងដែលអាចជួលត្រលប់ ឬផ្ទះទីពីរ នោះទេ អ្នកអាចស្វែងរកបាននៅទីនេះ។សូមអញ្ជើញមកកាន់ការិយាល័យលក់របស់ Blue Bay ឬទាក់ទងមកពួកយើងឥឡូវនេះ។ ស្វែងរកអចលនទ្រព្យសម្រាប់លក់នៅខេត្តព្រះសីហនុ ឬអចលនទ្រព្យសម្រាប់ជួលនៅខេត្តព្រះសីហនុនៅថ្ងៃនេះ។

បរិបទនៃការវិនិយោគដីធ្លីបានរីកដុះដាលខ្លាំងទាំងនៅតាមទីក្រុងធំៗ  និងតាមបណ្តាខេត្តនានានៅទូទាំងប្រទេសកម្ពុជា។ កំណើននៃការវិនិយោគបានជំរុញតម្លៃអចលនទ្រព្យឲ្យកើនឡើងជាលំដាប់។ កំណើននៃតម្លៃអាចមូលហេតុមួយដែលជំរុញគ្រប់គ្នាឲ្យជម្រុញចិត្តវិនិយោគវិស័យដីធ្លីយ៉ាងខ្លាំងក្លាក្នុង​រយៈពេលប៉ុន្មានឆ្នាំចុងក្រោយនេះ។ បច្ចុប្បន្នគេជឿជាក់ថា ការវិនិយោគលើវិស័យដីធ្លី និងលំនៅដ្ឋានគឺជាការវិនិយោគដែលអាចទទួលបានផលចំណេញខ្ពស់ និងងាយស្រួល។ បើតាមលោក ស៊ន សៀប នាយកប្រតិបត្តិរបស់ក្រុមហ៊ុន ឃី រៀល អ៊ីស្ទេត បានលើកឡើងថា ការសម្រេចចិត្តទិញអចលនទ្រព្យនៅពេលនេះគឺជាការសម្រេចចិត្តដ៏ឆ្លាតវៃមួយ ដោយសារពេលនេះវាជាឱកាសដ៏ល្អបំផុតសម្រាប់អ្នកទិញ។ ល្អបំផុតត្រង់ថានៅក្នុងរដូវនេះជារដូវភ្លៀង ដែលចំនួនអ្នកទិញត្រូវថយចុះ ចំណែកអ្នកលក់មានចំនួនច្រើន។ ដូច្នេះនេះជាឱកាសល្អសម្រាប់អ្នកទិញក្នុងការជ្រើសរើសទីតាំងមានល្អ និងតម្លៃដ៏ប្រកួតប្រជែងខ្លាំង [មានតម្លៃទាបជាងទីផ្សារ]។លោកបញ្ជាក់ថា នៅពេលនេះអ្នកទិញមានអំណាចក្នុងការចចារយ៉ាងមានប្រសិទ្ធិភាព ហើយបើរង់ចាំដល់ខែពីរ ឬខែបី នោះនឹងមានអ្នកទិញច្រើន ដូច្នេះវាអាចពិបាកក្នុងការចចារ។តម្លៃនឹងកើនឡើងលោកសៀប បានបញ្ជាក់ក្នុងចំណុចនេះថាដោយសារការអភិវឌ្ឍហេដ្ឋារចនាសម្ព័ន្ធកាន់តែល្អប្រសើរ វាបានជំរុញតម្លៃដីឲ្យឡើងថ្លៃជានិច្ច ដូចនេះតំបន់ដែលមានលក្តានុពលនឹងបន្តឡើងថ្លៃជាបន្តបន្ទាប់ ហើយជាជម្រើសការទិញទុកវិនិយោគគួរតែត្រូវពិចារណា។សម្រាប់ទីតាំងវិញ នៅក្នុងទីក្រុងភ្នំពេញលោក សៀប ជឿថា ដីនៅតាមផ្លូវក្រវ៉ាត់ក្រុងទី២ ទី៣ និងផ្លូវ ៥១​ កំពុងផ្តល់ផលចំណេញច្រើនដល់អ្នកទិញ ខណៈតាមបណ្តាខេត្តដូចជា៖ កំពង់សោម កំពត កែប បាវិត និងប៉ោយប៉ែតក៏មានលក្ខណៈអំណោយផលល្អសម្រាប់ការវិនិយោគរយៈពេលខ្លី (ក្រោម ៥ ឆ្នាំ) ផងដែរ។   ប៉ុន្តែទោះជាយ៉ាងណា លោកក៏បានរំលឹកឲ្យអ្នកទិញ ត្រូវសិក្សាពីទីតាំងវិយោគនីមួយៗឲ្យបានច្បាស់លាស់ មុនសម្រេចចិត្តវិនិយោគ ទីតាំងណាមួយ ដើម្បីធានាបានសុវត្ថិភាព និងផលចំណេញពិតប្រាកដ នៅពេលអនាគត៕ តាមដានព័ត៌មានថ្មីៗ គន្លឹះខ្លីៗ អំពីការវិនិយោគ ឬស្វែងរកអចលនទ្រព្យនៅកម្ពុជា សូមចូលទៅកាន់ Realestate.com.kh!

លោក យន្ត មីន បានលាលែងពីអភិបាលខេត្តព្រះសីហនុនៅថ្ងៃច័ន្ទនេះ។លោកនាយករដ្ឋមន្រ្តី ហ៊ុន សែន បានចេញសេចក្តីសម្រេចមួយកាលពីថ្ងៃអាទិត្យ ស្តីពីការបង្កើតគណៈកម្មការត្រួតពិនិត្យគុណភាពសំណង់នៅខេត្តព្រះសីហនុ ដើម្បីពង្រឹងការត្រួតពិនិត្យស្តង់ដា និងសុវត្ថិភាពសំណង់អគារ នៅខេត្តជាប់សមុទ្រមួយនេះដែលកំពុងមានកំណើនគម្រោងសាងសង់ពីវិនិយោគិនចិន។  ការសម្រេចនេះ គឺធ្វើឡើងត្រឹមតែមួយថ្ងៃ បន្ទាប់ពីអគារកម្ពស់ ៧ ជាន់មួយដែលកំពុងសាងសង់មានទីតាំងនៅខេត្តព្រះសីហនុ បានដួលរលំ ហើយបណ្តាលឲ្យកម្មករសំណង់ ២៥ នាក់បាត់បង់ជីវិត និង ២៤ នាក់ផ្សេងទៀតរងរបួសធ្ងន់ស្រាល។ ក្រុមអ្នកសង្រ្គោះមិនទាន់បញ្ចប់ការរើបំណែកអគារដួលរលំដើម្បីស្វែងរកអ្នកជាប់ កប់ក្នុងអគារនេះនៅឡើយគិតមកទល់ពេលនេះ។សេចក្តីសម្រេចរបស់រដ្ឋាភិបាល ដែលលោកនាយករដ្ឋមន្រ្តី ហ៊ុន សែន បានចុះហត្ថលេខាកាលពីថ្ងៃ ២៣ មិថុនា បានចាត់តាំងលោក ឡៅ ទិព្ធសីហា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ជាប្រធានគណៈកម្មកានេះ និងលោក អ៊ុក គឹមលេខ អនុរដ្ឋលេខាធិការក្រសួងមហាផ្ទៃ ជាអនុប្រធាន។ គណៈកម្មការនេះមានសមាជិក ១៣ នាក់ ហើយលោក យន្ត មីន អភិបាលខេត្តព្រះសីហនុ ដែលកំពុងត្រូវបានរងការរិៈគន់ពីប្រជាពលរដ្ឋអ្នកលេងបណ្តាញសង្គមជាសមាជិកអចិន្ត្រៃយ៍។យ៉ាងនេះក៏ដោយ លោក យន្ត មីន នៅថ្ងៃច័ន្ទនេះត្រូវបានលោក នាយករដ្ឋមន្រ្តី ហ៊ុន សែន បញ្ជាក់នៅក្នុងគេហទំព័រហ្វេសប៊ុករបស់លោកថា ត្រូវបានអនុញ្ញាត្តិឲ្យលាលែងដំណែងជាអភិបាលខេត្តព្រះសីហនុហើយ តបតាមសំណើររបស់សាមីខ្លួនមកលោកនាយករដ្ឋមន្រ្តី។ តែលោកត្រូវមានតួនាទីដឹកនាំយុទ្ធនាការសង្រ្គោះរហូតដល់ចប់សព្វគ្រប់សិន។យោងតាមសេចក្តីសម្រេចរបស់រដ្ឋាភិបាល គណៈកម្មការនេះនឹងត្រូវត្រួតពិនិត្យបទដ្ឋានបច្ចេកទេស បទដ្ឋានគតិយុត្ត ស្តង់ដារសំណង់ ស្តង់ដារសុវត្ថិភាព និងគុណភាពសំណង់ នៅតាមការដ្ឋានសំណង់នៅខេត្តព្រះសីហនុ។ គណៈកម្មការនេះក៏ត្រូវត្រួតពិនិត្យលក្ខណៈសម្បត្តិរបស់ក្រុមហ៊ុនទទួលម៉ៅការសាងសង់នៅតាមការដ្ឋានសំណង់ និងធ្វើបច្ចុប្បន្នភាពសំណង់អគារដែលបានសាងសង់រួច និងកំពុងធ្វើអាជីវកម្មជាដើម។ទាក់ទងនឹងការររលំអគារកម្ពស់ ៧ ជាន់ដែលបណ្តាលឲ្យមនុស្សស្លាប់ និងរងរបួស គិតមកទល់ពេលនេះមិនទាន់មានការបញ្ជាក់ផ្លូវការពីមូលហេតុជាក់លាក់នៅឡើយ។ យ៉ាងណាក៏ដោយ ឧបទ្ទេវហេតុ នេះបានឆ្លុះបញ្ចាំងកាន់តែច្បាស់ពីគ្រោះថ្នាក់ និងហានិភ័យ ចំពោះសំណង់ដែលមិនបានទទួលច្បាប់អនុញ្ញាត្តិឲ្យសាងសង់ច្បាស់លាស់។ ទីក្រុងព្រះសីហនុ ដែលជាខេត្តជាប់មាត់សមុទ្ររបស់កម្ពុជា កំពុងផ្លាស់ប្តូរមុខមាត់យ៉ាងខ្លាំងខាងផ្នែកសំណង់អគារ ដែលរួមមានទាំងសំណង់សណ្ឋាគារ និងកាស៊ីណូ ដែលភាគច្រើនជាការវិនិយោគរបស់ជនជាតិចិន។លោក យន្ត មីន អភិបាលខេត្តព្រះសីហនុ កាលពីថ្ងៃសៅរ៍ បានលើកឡើងថា អគាដែលបាក់រលំនេះ គឺជាការវិនិយោគដោយជនជាតិចិន ហើយបានសាងសង់ដោយមិនមានច្បាប់អនុញ្ញត្តិត្រឹមត្រូវឡើយ។ លោកបញ្ជាក់នាពេលនោះថា លោកបានចុះឃាត់ និងព្រមានដល់ម្ចាស់គម្រោងនេះពីរដងហើយ តែម្ចាស់អគារមិនស្តាប់។សេចក្តីជូនដំណឹងរបស់អជ្ញាធរខេត្តបានឲ្យដឹងថា ជនជាតិចិនបីនាក់ ដែលជាប់ទាក់ទងនឹងគម្រោងសំណង់អគារនេះត្រូវបានឃាត់ខ្លួន ខណៈការស៊ើបអង្កេតពីការបាក់រលំនេះកំពុងដំណើរការ។ស្ថានទូតសាធារណរដ្ឋប្រជាមានិតចិនប្រចាំកម្ពុជាបានចេញប្រកាសមួយបង្ហាញពីអារម្មណ៍ក្ដុកក្ដួលចំពោះ ឧបទ្ទេវហេតុបាក់រលំអគារក្នុងខេត្តព្រះសីហនុ ដោយបញ្ជាក់ថាភាគីចិនគាំទ្រស្ថាប័នពាក់ព័ន្ធរបស់កម្ពុជាបើកការស៊ើបអង្កេតតាមផ្លូវច្បាប់ និងគាំទ្រទាំងស្រុងចំពោះភាគីកម្ពុជាដើម្បីចាត់វិធានការណ៍តាមផ្លូវច្បាប់ទៅលើជនល្មើសទាំងឡាយដែលពាក់ព័ន្ធក្នុងឧបទ្ទេវហេតុលើកនេះ។តាមដានព័ត៌មានថ្មីៗអំពីវិស័យអចលនទ្រព្យនៅកម្ពុជា សូមចូលទៅកាន់ Realestate.com.kh។ អ្នកអាចស្វែងរកបុរី ខុនដូ ផ្ទះល្វែង និងគម្រោងអភិវឌ្ឍន៍ថ្មីៗនៅលើគេហទំព័រអចលនទ្រព្យបាននៅថ្ងៃនេះ!

រមណីដ្ឋានបែបធម្មជាតិអមដោយព្រៃស្រល់ដ៏ធំបំផុតមួយនៅក្នុងតំបន់ឧទ្យានជាតិគិរីរម្យនៅក្នុងខេត្តកំពង់ស្ពឺ ឈ្មោះថា “គម្រោងវីគិរីរម្យ” នឹងក្លាយជាតំបន់អភិវឌ្ឍន៍ធំបំផុតសម្រាប់ការកំសាន្ត ​និងទេសចរណ៍បែបធម្មជាតិនៅក្បែរទីក្រុងភំពេញ។​ តំបន់នេះក៏នឹងត្រូវអភិវឌ្ឍជាទីក្រុងរណប ដែលមានផ្ទៃដីសរុបរហូតដល់ ៩,៧២៧ ហិចតា។  កម្ពុជាមានការអភិវឌ្ឍយ៉ាងឆាប់រហ័ស ហើយក៏កំពុងផ្តល់ជូនជម្រើសវិនិយោគអចលនទ្រព្យដ៏សម្បូរបែប។ ថ្វីបើភាគច្រើននៃការផ្តល់ជូននេះត្រូវបានប្រមូលផ្តុំនៅក្នុងរាជធានី បច្ចុប្បន្ននេះតាមបណ្តាខេត្តនានាក៏កំពុងចាប់ផ្តើមផ្តល់នូវឱកាសដ៏ទាក់ទាញជាច្រើនសម្រាប់វិនិយោគិន។លោក ជិន សំភា ជានាយកគ្រប់គ្រប់គ្រងទូទៅរបស់គម្រោងវីគិរីរម្យបានមានប្រសាសន៍ថា​ គម្រោងសាងសង់តំបន់ទេសចរណ៍ និងទីក្រុងរណបនៅក្នុងខេត្តកំពង់ស្ពឺនេះបានទទួលសិទ្ធិវិនិយោគពីរដ្ឋាភិបាលនៅក្នុងឆ្នាំ ២០១៤ ជាមួយនឹងទឺកប្រាក់វិនិយោគរហូតដល់ ៥៨៣ លានដុល្លារក្រោមការវិនិយោគពីក្រុមហ៊ុនជប៉ុន។ទេសចរណ៍ និងសេវាកម្មលោកសំភាបានបន្តថា​ គម្រោងទីក្រុងរណបនេះនឹងត្រូរសាងសង់ជា​តំបន់ទេសចរណ៍កំសាន្តលម្ហែកាយបែបធម្មជាតិដ៏ល្អបំផុតមួយ អមដោយសាវាកម្មចម្រុះ ក្នុងនោះមានដូចជា៖ ទីលានវាយកូនហ្គោលរាប់ហិចតា ផ្សារទំនើប លំនៅដ្ឋានលម្ហែកាយ ផ្ទះស្នាក់នៅ សហគមនប្រជាជន សាកលវិទ្យាល័យ មន្ទីពេទ្យ និងសេវាកម្មចាំបាច់ជាច្រើនទៀត។សម្រាប់ពេលបច្ចុប្បន្ន ការសាងសង់បានចាប់ទើបតែចាប់ផ្តើមលើផ្ទៃដី ៥ ហិចតាប៉ុណ្ណោះ ដោយមានជាគម្រោងផ្ទះលម្ហែកាយបែបវីឡា៖  Villa Justmin និង Home Suite ដែលមានតម្លៃចាប់ពី ៤០,០០០ ដុល្លារឡើងទៅ និងគម្រោងសាកលវិទ្យាល័យដែលផ្តល់ជូនអាហារូបបករណ៍ដល់សិស្សនិស្សិតទូទៅ ១០០ ភាគរយ។ ប៉ុន្តែអ្វីដែលគួរឲ្យចាប់អារម្មណ៍ត្រង់ថា ក្រុមហ៊ុនបានជួយដល់ប្រជាជនក្នុងស្រុក ឲ្យមានការងារធ្វើ និងជាបណ្តើៗបានជួយពួកគាត់ឲ្យឈប់កាប់បំផ្លាញព្រៃឈើ និងការបរបាញ់សត្វព្រៃ។   ទាក់នឹងការសាងសង់ក្នុងជំហានបន្ទាប់ លោ​ក សំភា បានអះអាងថា ឥឡូវនេះក្រុមហ៊ុនកំពុងសុំសិទ្ធិអនុញ្ញតយកគ្រឿងចក្រឈូសឆាយចូល ដើម្បីចាប់ផ្តើមកែលម្អប្រព័ន្ធផ្លូវ និងហេដ្ឋារចនាសម័ន្ធសំខាន់ៗ ឲ្យប្រសើរឡើង។ ទោះយ៉ាងណា លោកមិនទាន់បញ្ជាក់ពីកាលបរិច្ឆេទច្បាស់លាស់ថាតើគម្រោងទីក្រុងរណបដ៏ធំនេះនឹងលេចរូបរាង្គពិតប្រាកនៅឆ្នាំណានៅឡើយទេ ប៉ុន្តែលោកជឿថាក្រុមហ៊ុននឹងសម្រេចទៅតាមអ្វី ដែលបានកំណត់នៅក្នុងផែនការអភិវឌ្ឍន៍ ១៥ ឆ្នាំដំបូង។គម្រោងរមណីដ្ឋានវីគិរីរម្យត្រូវបានអភិឌ្ឍដោយក្រុមហ៊ុនជប៉ុន ដោយផ្តោតសំខាន់លើការវិនិយោគបែបអេកូទេសចរណ៍ ពោលគឺការថែរក្សា ​និងការពារសម្រស់ធម្មជាតិ ដើម្បីគុណភាពនៃការស្នាក់នៅរបស់ទេសចរណ៍ទាំងពេលបច្ចុប្បន្ន និងអនាគត៕​តាមដានព័ត៌មានថ្មីៗអំពីវិស័យអចលនទ្រព្យនៅកម្ពុជា សូមចូលទៅកាន់ Realestate.com.kh។ អ្នកអាចស្វែងរកបុរី ខុនដូ ផ្ទះល្វែង និងគម្រោងអភិវឌ្ឍន៍ថ្មីៗនៅលើគេហទំព័រអចលនទ្រព្យបាននៅថ្ងៃនេះ!

ជាទូទៅមនុស្សភាគច្រើនចង់រស់នៅក្នុងផ្ទះធំ ផ្ទះវីឡា ឬផ្ទះដែលមានទំហំទូលាយដោយសារគេជឿថាវា អាចធ្វើឲ្យអារម្មណ៍នៃការរស់នៅកាន់តែមានសុភមង្គល។ នេះប្រហែលជាការពិតមែនហើយ។  ប៉ុន្តែវាមិន មែនមានន័យផ្ទះដែលមានបន្ទប់តិច និងមានទំហំតូចមិនអាចផ្តល់ក្តីសុខឲ្យដល់ជីវិតនោះឡើយ។ការពិតផ្ទះតូច ឬធំវាអាចធ្វើឲ្យអ្នកដែលជាម្ចាស់ផ្ទះទទួលបានអារម្មណ៍កក់ក្តៅដូចគ្នា និងអាចរស់នៅក្នុងជីវិតបែបទាន់សម័យដូចគ្នា។ ប៉ុន្តែប្រហែលជាផ្ទះទំហំតូច មានកន្លែងតូចចង្អៀត បន្តិច ដូច្នេះហើយម្ចាស់ផ្ទះត្រូវតែមានភាពឆ្លាតវៃក្នុងការរៀបចំផ្ទះតូច ឲ្យទៅជាលំនៅដ្ឋានល្អបំផុត។ខាងក្រោមជាចំណុចខ្លះៗ ដែលអាចផ្លាស់ប្តូរការគិតបែបអវិជ្ជមានចំពោះផ្ទះដែលមានទំហំតូច៖ទីតាំងទីតាំងជាកត្តាសំខាន់បំផុតសម្រាប់អចលនទ្រព្យ។ ទីតាំងកាន់តែល្អ យូនីតកាន់តែថ្លៃ ដូច្នេះយូនីត​ លំនៅដ្ឋានតូចៗល្មម បែបខុនដូ អាផាមេន ផ្ទះល្វែងជាន់លើជាជម្រើសអ្នកមានប្រាក់មានកំណត់។ បើទោះបីផ្ទះរបស់អ្នកមានទំហំតូចពិតមែន តែអ្នកទទួលបានចំណេញដ៏ច្រើនពីសក្តានុពល និងសេវាកម្មដែលមានស្រាប់នៃតំបន់លំនៅដ្ឋានរបស់អ្នក។ ហើយទាំងនេះប្រហែលជាអ្វីដែលអ្នកកំពុងតែត្រូវការចាំបាច់។​ឧទារណ៍ អ្នកមានផ្ទះ ដែលមានបន្ទប់គេងមួយនៅក្នុងសង្កាត់បឹងកេងកេង ១ ឬដូនពេញ អ្នកនឹងទទួលបានសេវាកម្មគ្រប់បែបយ៉ាងដូចជា៖ សាលារៀន មន្ទីរពេទ្យ ហាទំនិញ ហាងកាហ្វេ ភោជនីយដ្ឋាន ស្ថាបនរដ្ឋ​ និងសេវាកម្មសំខាន់ៗជាច្រើនទៀត។ ពិតណាស់អ្នកត្រូវការសេវាកម្មទាំងនេះ។ប្លង់បន្ទប់ស្អាតទំហំបន្ទប់តូចមិនមែនតែងតែជាបញ្ហានោះទេ ប្រសិនបើវាមានប្លង់ ដែលមានរៀបចំដោយអ្នកជំនាញ ដែលបានបែងចែកច្បាស់លាស់នូវកន្លែងមុខងារសំខាន់ៗ ដូចជាផ្ទះបាយ កន្លែងញ៉ាំអាហារ បន្ទប់ទឹក បន្ទបគេង និងរានហាលជាដើម។ ការរៀបចំប្លង់បានត្រឹមត្រូវ អ្នកនិងមិនមានអារម្មណ៍ថា​ផ្ទះរបស់អ្នក មានទំហំតូចនោះទេ។ ជាក់ស្តែងអ្នកអាចរកបានផ្ទះ ឬខុនដូប្រភេទជាមួយគម្រោង The Vie​w គម្រោង ឡាវីស្តារ និងគម្រោង CPEC Roman garden ជាដើម។សម្រាប់បុរីវិញ នៅពេលបច្ចុប្បន្ននេះ ផ្ទះបែបនេះត្រូវបានអភិឌ្ឍន៍សាងសង់ចាប់ពី ៤ ម៉ែត្រ គុណ ៨ ម៉ែត្រឡើងទៅ។ វាតូចពិតមែន ប៉ុន្តែប្លងផ្ទះស្អាតគួរសម។​ចេះរៀបចំ និងដេគ័របន្ថែមបើអ្នករៀបចំ អ្នកនឹងទទួលបានបន្ទប់ស្អាត។ ការរៀបចំសំដៅដល់ការតុបតែលម្អឲ្យបន្ទប់នីមួយៗ មានភាពទាក់ទាញជានិច្ច។ ពោលគឺ​ការបោសសម្អាត​បន្ទប់នីមួយ​ឲ្យ​ស្អាត ការតុបតែទ្វារ និងផ្លូវចូល ការលាបពណ៌​​បន្ថែម ការដាក់កម្រាលព្រំ​នៅ​មុខទ្វារ​ផ្ទះ មានផើងផ្ការ ឬដាំកូនរុក្ខជាតិ​ឱ្យ​មាន​សណ្តាប់ធ្នាប់ និង​ស្រស់​ស្អាត។ ក្រៅពីនេះវាក៏ទាមទាឲ្យចេះ​រៀបចំ​ប្រភព​ទឹក ឬ​សួន ដោយរៀបចំ​ឱ្យ​មាន​របៀប ហើយនៅក្នុងបន្ទប់គួរប្រើ​កញ្ចក់ដើម្បីឲ្យបន្ទប់មើលទៅលូលាយ។អ្នកនឹងកាន់តែពេញចិត្ត បើសិនបើក្នុងផ្ទះរបស់អ្នកមានការិយាល័យសម្រាប់ធ្វើការងារ ឬអានសៀវភៅ។អ្នកប្រហែលជាកំពុងស្វែងរកទិញផ្ទះហើយមើលទៅ​ សូមចូលទៅកាន់ Realestate.com.kh ដើម្បីមើលគម្រោងបុរី ខុនដូ ឬគម្រោងថ្មីៗជាច្រើន!

ក្រុម​ហ៊ុន​កូរ៉េ​ធំៗបាន​បង្ហាញ​ពី​ផែន​ការ​ដណ្តើម​ទី​ផ្សារ​​​​​​​ផ្គត់​ផ្គង់​សម្ភារៈ​ក្នុង​វិ​ស័យ​សំ​ណង់នៅ​កម្ពុជា​ ​ដោយ​បាន​រៀប​ចំ​ការ​តាំង​​បង្ហាញ​ផលិត​ផល​របស់​ខ្លួន​នៅ​កម្ពុជាជា​លើក​ដំ​បូង ដោយ​បញ្ជាក់​ថា​កំណើន​ដ៏​ខ្លាំង​ក្លានៃ​វិស័យ​សំណង់​កម្ពុជា​គឺ​ជា​ឱ​កាស​សម្រាប់​ពួក​គេ​ក្នុង​ការ​ពង្រីក​អាជីវ​កម្ម។ភ្នាក់​ងា​រ​ផ្សព្វ​ផ្សាយ​និង​ជំ​រុញ​ពាណិជ្ជ​កម្ម​កូរ៉េ​ (KOTRA) ដែល​ជា​ផ្នែក​មួយ​នៃ​ស្ថាន​ទូ​ត​កូរ៉េ កាល​ពី​ថ្ងៃ​ព្រហស្បត្តិ៍​​បាន​សហ​ការ​ជា​មួយ​សមា​គម​អ្នក​សាង​សង់​កម្ពុជារៀប​ចំ​ការ​តាំង​បង្ហាញ​ផលិត​ផល​ និង​សម្ភារៈ​សំ​ណង់​នៅ​កម្ពុជា​ ជា​លើក​ដំ​បូង​ ដើម្បី​បង្កើត​ឱ​កាស​ដល់​ក្រុម​ហ៊ុន​ផ្គត់​ផ្គង់សម្ភារៈ​សំ​ណង់​របស់​​កូរ៉េ​ ២៤ ក្រុម​ហ៊ុន​ចាប់​ផ្តើម​ជ្រាត​ចូល​ទី​ផ្សារសម្ភារៈ​សំ​ណង់​​កម្ពុជា​ ដែល​កំ​ពុងត្រូវ​បាន​​ផ្គត់​ផ្គង់​​​ដោយ​​ចិន វៀត​ណាម និង​ថៃ។លោក Kyungmoo Kwon នាយក​គ្រប់​គ្រង​ Kotra Phnom Penh បាន​លើក​ឡើង​ថា​វិ​ស័យ​សំ​ណង់​កម្ពុជា​កំ​ពុង​មាន​ការ​រីក​ចម្រើន​ខ្លាំង​ ហើយ​និន្នា​ការ​នេះ​បានផ្តល់​ឱ​កាសដល់​ក្រុម​ហ៊ុន​ផ្គត់​ផ្គង់​សម្ភារៈ​សំ​ណង់​ជា​ច្រើន​ក្នុង​ការ​រីក​ចម្រើន​។លោក​បន្ត​ថា កន្លង​មក​ផលិត​ផល​សម្ភារៈ​សំ​ណង់​ត្រូវ​បាន​ផ្គត់​ផ្គង់​ជា​ចម្បង​ដោយ​ក្រុម​ហ៊ុន​ចិន វៀត​ណាម និង​ថៃ​ជា​ដើម។លោក​ថ្លែង​ថា​៖«​យើង​ពិត​ជា​ចង់​ណែ​នាំ​សម្ភារៈ​សំ​ណង់​ដែល​មាន​ប្រ​សិទ្ធភាព​ជាង សុវត្ថិ​ភាព​ជាង និង​មាន​គុណ​ភាព​ជាង​ [ផលិត​ផល​ពី​ប្រ​ទេស​ផ្សេង] សម្រាប់វិ​ស័យ​សំ​ណង់​កម្ពុជា​»។ លោក​បន្ថែម​ថា កូរ៉េ​ ចាប់​អារម្មណ៍​ខ្លាំង​លើ​សក្តា​នុ​ពល​វិ​ស័យ​សំ​ណង់​កម្ពុជា ហើយ​នឹង​ពង្រីក​អាជីវ​កម្ម​លើស​ពី​ការ​ផ្គត់​ផ្គង់​សម្ភារៈ​នា​ពេល​ខាង​មុខ​។លោក​បញ្ជាក់​ថា​៖​ «​បន្ទាប់​ពី​បញ្ចប់​ការតាំង​បង្ហាញ​នេះ យើង​នឹង​ពង្រីក​ការ​ធ្វើ​ការ​តាំង​បង្ហាញ ​គ្រឿង​ចក្រ​ក្នុង​វិ​ស័យ​សំ​ណង់ អាជីវ​កម្ម​ផ្នែក​តុប​តែង និង​ការ​ស្វែង​រក​ការ​សហ​ការ​បន្ថែម​ទៀត​ សម្រាប់​ការ​វិនិយោគ​ទាក់​ទង​នឹង​វិ​ស័យ​សំ​ណង់​កម្ពុជា»។យោង​តាម​លោក Kyungmoo គិត​មក​ទល់​ពេល​នេះ មាន​ក្រុម​ហ៊ុន​កូ​រ៉េ​ ៤០ ក្រុម​ហ៊ុនកំ​ពុង​ ដំ​ណើរ​ការ​នៅ​កម្ពុជា​ក្នុង​វិ​ស័យ​សំណង់​ និង​អចល​ន​ទ្រព្យ។វិនិយោគិន​កូរ៉េ​បាន​ចូល​ប្រ​លូត​ក្នុង​វិស័យ​សំ​ណង់​កម្ពុជា​ តាំង​ពី​វិ​ស័យ​នេះ​បាន​ចាប់​ផ្តើម​រីក ​ចម្រើន​ដំ​បូង​នៅ​កម្ពុជា ដោយ​ការ​ប្រកាស​ដំ​ណើរ​ការគម្រោង​ធំៗមួយចំ​នួន។​ តែ​ការ​វិ​វត្ត​ន៍​ ជាក់​ស្តែង​ហាក់​មាន​ភាព​យឺត​យ៉ាវ ធៀប​នឹង​វិនិយោគិន​ចិន។ គម្រោង​សំ​ណង់​អគារភ្លោះ​ ៤២ ជាន់​ជា​ឧទាហរណ៍​ស្រាប់ ត្រូវ​បាន​ប្រកាស​តាំ​ង​ពី​ឆ្នាំ ២០០៦ ហើយ​ត្រូវ​រង់​ចាំរហូត​ដល់​ឆ្នាំ ២០២០ ទើប​រួច​រាល់​ ដោយ​សារ​ការ​ពន្យាពេល​ជា​ច្រើន​លើក​ច្រើន​សារ។យ៉ាង​ណា​ក៏​ដោយ លោក ហាន់ ឃាង អនុ​ប្រ​ធាន​សមា​គម​​អ្នក​សាងសង់​កម្ពុជា ​បាន​លើក​ឡើង​ថា​ ការ​ចូល​មក​នៃ​អ្នក​វិនិយោគិន​ថ្មី និង​ការ​ចាប់​ផ្តើម​ពង្រីក​អាជីវ​កម្ម​របស់​ ក្រុម​ហ៊ុន​ផ្គត់​ផ្គង់​សម្ភារៈ​សំ​ណង់​នា​ពេល​នេះ​អាច​ជួយ​ស្តារ​ស្ថាន​ភាព​ឲ្យ​ល្អ​ឡើង​វិញ។លោក​ថ្លែង​ថា​៖​«​អ្នក​សាង​សង់​នា​ពេល​នេះ​ចាប់​ផ្តើម​មាន​ជម្រើស​ច្រើន​ជាង​មុន ល្អ​ជាង​មុន​ក្នុង​ ការ​ប្រើ​ប្រាស់​សម្ភារៈ​សំ​ណង់។ ខ្ញុំ​ឃើញ​ថា​សម្ភារៈរបស់​គាត់​ល្អ​ ហើយ​កំ​ពុង​ត្រូវ​ការ​ប្រើ​ប្រាស់ ​ក្នុង​វិស័យ​សំណង់​យើង​បច្ចុប្បន្ន។ គុណ​ភាព​​គាត់​ល្អ ហើយ​តម្លៃ​ក៏​អាច​ប្រ​កួត​ប្រ​ជែង​បាន ​ជា​មួយ​ផលិត​ផល​ពី​ប្រ​ទេស​ផ្សេងៗ»៕តាមដានព័ត៌មានថ្មីៗអំពីវិស័យអចលនទ្រព្យនៅកម្ពុជា សូមចូលទៅកាន់ Realestate.com.kh។ អ្នកអាចស្វែងរកបុរី ខុនដូ ផ្ទះល្វែង និងគម្រោងអភិវឌ្ឍន៍ថ្មីៗនៅលើគេហទំព័រអចលនទ្រព្យបាននៅថ្ងៃនេះ!

វិស័យ​កាត់​ដេរ​កម្ពុជា​នឹង​នៅ​តែរក្សា​ស្ថាន​ភាព​ល្អ​ និង​បន្ត​អភិវឌ្ឍន៍​បើ​ទោះ​បី​ជា​មាន​ការ​បារម្ភ​ពី​ឥទ្ធិ​ពល​នៃ​ការ​ផ្លាស់​ប្តូរ​ប្រ​ព័ន្ធ​បច្ចេ​ក​វិទ្យា​ និង​ការ​ប្រ​ឈមទល់​​នឹង​​​​ការ​បាត់បង់​ប្រ​ព័ន្ធ​អនុ​គ្រោះ​ពន្ធ​ពី​ទីផ្សារ​សំ​ខាន់​ក្តី។ នេះ​បើយោង​តាម​អ្នក​តំ​ណាង​សមា​គម​រោង​ចក្រ​កាត់​ដេរ​កម្ពុជា។តែ​ទន្ទឹម​នេះ​អ្នក​តំ​ណាង​រូប​នេះ​​ក្រើន​រំ​ឭក​ថា ការ​រក្សា​លំ​នឹង​នេះ​ទៅ​បាន លុះ​ត្រា​តែភាគី​ ពាក់​ព័ន្ធ​ក្នុង​ឧស្សា​ហ​កម្ម​នេះ បន្ត​ពង្រឹង​ភាព​ប្រ​កួត​ប្រ​ជែង​របស់​ខ្លួន ​ដើម្បី​ទទួល​បាន​ការ​បញ្ជា ​ទិញ​បន្ថែម​ពី​អ្នក​បញ្ជា​ទិញ​។គិត​មក​ទល់​ពេល​នេះ តម្រូវ​ការ​ដី​សម្រាប់​ដាក់​ទី​តាំង​រោង​ចក្រ​ថ្មី និង​សាង​សង់​ឃ្លាំង​នៅ​បន្ត​កើន​ឡើង ដែល​បាន​បង្កើន​តម្លៃ​ជួល​ជា​បន្ត​បន្ទាប់។​ នេះ​បើយោង​តាម​អ្នក​ជំ​នាញ​ផ្នែក​អចលនទ្រព្យ។​លោក ចន ចា សមា​ជិក​គណ​កម្ម​ធិកា​​សមាគម​រោង​ចក្រ​កាត់​ដេរ​កម្ពុជា បាន​លើក​ឡើង​ប្រាប់​អ្នក​សារព័ត​មាន​ក្នុង​សិន្និ​សិទ្ធ​ស្តី​ពី​បដិវដ្ត​ឧស្សា​ហ​កម្ម​ ៤.០ និង​អនា​គត​ឧស្សា​ហ​កម្ម​កាត់​ដេរ​កម្ពុជា​ កាល​ពី​ថ្ងៃ​ពុធ​ថា ការ​ពង្រឹង​ភាព​ប្រ​កួត​ប្រ​ជែង​ក្នុង​ឧស្សា​ហកម្ម​កាត់​ដេរ​មាន​សារៈ​សំ​ខាន់ជាង​អ្វីៗ​ទាំង​អស់​ បើ​ទោះ​បី​ជា​ស្ថិត​ក្នុង​ស្ថាន​ភាព​ដែល​ត្រូវ​សម្រប​ខ្លួននឹង​ការ​ប្រែ​ប្រួល​នៃ​បច្ចេក​វិទ្យា ឬ បាត់​បង់​ប្រ​ព័ន្ធ​អនុ​គ្រោះ​ពន្ធ​ក៏​ដោយ។លោក​ថ្លែង​ថា​៖​ «​ដរាប​ណា​យើង​ធ្វើ​ឲ្យ​ខ្លួន​ឯង​មាន​ថ្លៃ​ផលិត​មាន​ប្រ​សិទ្ធភាព ឧស្សា​ហ​កម្ម​កាត់​ដេរ​ នៅ​កម្ពុជា​នៅ​តែ​មាន​ភាព​ប្រ​កួត​ប្រ​ជែង​ជា​មួយ​ប្រ​ទេសផ្សេង​បាន​»។លោក​បន្ត​ថា​រដ្ឋា​ភិបាល​បាន​ប្រ​កាសគំ​និត​ផ្តួច​ផ្តើម​ជា​ស៊េរី​ជា​ច្រើន ​ក្នុង​គោល​ដៅ​កាត់​បន្ថយ​ ថ្លៃ​ដើមក្នុង​ការ​ធ្វើ​អាជីវ​កម្ម រាប់​តាំង​ពី​ថ្លៃ​ភ្លើង ឡូជីស្ទីក ថ្លៃ​ធ្វើ​អធិ​ការ​កិច្ច​ទំ​និញ​នាំ​ចេញ ​ជា​ដើម ដែល​កត្តា​នេះ​បាន​រួម​ចំ​ណែក​បង្កើន​ភាព​ប្រ​កួត​ប្រ​ជែង​។លោក​បន្ត​ថា​៖ ​«​នៅ​ពេល​ដែល​យើង​បាន​ទទួល​ការ​បញ្ជា​ទិញ​កាន់​តែ​ច្រើន យើង​ត្រូវ​ការ​កម្ម​ក​រ​ ច្រើន​ជាង​មុន។ យើង​មាន​បំ​ពាក់​ម៉ាស៊ីន​ស្វ័យ​ប្រ​វត្ត​រួច​ហើយ ធៀ​ប​នឹង​កាល​ពី​ ២០ ឆ្នាំ​មុន​ដែល​អ្វី​ៗ​​​ធ្វើ​ដោយ​ដៃ។ ហើយ​ម៉ា​ស៊ីន​ស្វ័យ​ប្រ​វត្ត​ទាំងនេះ​មិន​បាន​កាត់​បន្ថយ​បុគ្គលិក​ នោះ​ទេ»​។ឆ្លើយ​តប​នឹង​សំ​នួរ​អ្នក​សារព័ត​មាន​ថា​តើ​ការប្រ​ឈម​នឹង​ការ​​បាត់​បង់​ប្រ​ព័ន្ធ​អនុ​គ្រោះ​ពន្ធ​ទៅ​ទី​ផ្សារ​អ៊ឺរ៉ុប​នឹង​ប៉ះ​ពាល់​ផលិត​កម្ម​កាត់​ដេរធ្ងន់​ធ្ងរ​ឬ​យ៉ាង​ណា លោក ចន ចា បាន​លើក​ឡើង​ថាឧស្សា​ហ​កម្ម​នេះ​នៅ​តែ​អាច​រស់​បាន​ប្រ​សិន​បើ​គ្រប់​ភាគី​កែ​លម្អរ​ភាព​ប្រ​កួត​ប្រ​ជែង។ ​លោក​បញ្ជាក់​ថា​៖ ​«​យើង​បាន​កសាង​គុណ​សម្បត្តិ​​​របស់​យើង​ទាក់​ទង​នឹង​ថ្លៃ​ ទាក់​ទង​នឹង​ប្រ​ព័ន្ធ ​ឡូជី​ស្ទីក​ និងទាក់​​ទង​នឹង​បញ្ហា​ប្រ​ឈម​មួយ​ចំ​នួន​ទៀត​ដែល​ធ្លាប់​ប៉ះ​ពាល់​ដល់​ឧស្សា​ហ​កម្ម​នេះ។ យើង​បាន​ព្យាយាម​ខ្លាំង​បំ​ផុត​ អ៊ីចឹង​យើង​អាច​រស់​បាន និង​រស់​បាន​ល្អ​ទៀត​ផង​ក៏​ថា​បាន​»។ លោក​បន្ត​ថា​៖​«​ថា​តើ​ EBA ត្រូវ​ដក​ឬ មិន​ដក យើង​ត្រូវ​ពង្រឹង​ខ្លួន​ឲ្យ​ខ្លាំង​។ យើង​ត្រូវ​ពង្រឹង​ខ្លួន​ឯង​ជា​ប្រ​ចាំ​ថ្ងៃ ប្រ​ចាំ​ខែ និង​ប្រ​ចាំ​ឆ្នាំ​»។យោង​តាម​លោក ចន​ ចា វិ​ស័យ​កាត់​ដេរ​កម្ពុជា​នៅ​តែ​មាន​កំណើន​ការ​បញ្ជា​ទិញគិត​មក​ទល់​ពេល​នេះ។ កាល​ពី​ឆ្នាំ ២០១៨ ការ​នាំ​ចេញ​ផលិត​ផល​កាត់​ដេរ និង​សម្លៀក​បំ​ពាក់​មាន​តម្លៃ​ជា​ទឹក​ប្រាក់ ១០ ពាន់​លាន​ដុល្លារ​ កើន​ឡើង​ ២៤ ភាគរយ​ធៀប​នឹង​ ៨ ពាន់​លាន​ដុល្លារ​ឆ្នាំ ២០១៧។ នេះ​បើ​យោង​តាម​របាយ​ការណ៍ ​របស់​ធនាគារ​ជាតិ​នៃ​កម្ពុជា​។​ កាល​ពី​ឆ្នាំ​ ២០១៧ អត្រា​កំ​ណើន​មាន​ត្រឹម​តែ​ ៧,៦ ភាគរយ​ប៉ុណ្ណោះ។លោក សន សៀប ស្ថាប​និក​និង​ជា​អគ្គ​នាយក​ក្រុម​ហ៊ុន​វាយ​តម្លៃ​អចល​ន​ទ្រព្យ ឃី រៀលអ៊ីស្ទេត បាន​ប្រាប់​ Realestate.com.kh កាល​ពី​ថ្មី​ៗ​នេះ​ថា តម្រូវ​ការ​ទី​តាំ​ង​សម្រាប់​បើក​រោង​ចក្រ​ថ្មី និង​ឃ្លាំង​នៅ​តែ​មាន​កំ​ណើន​ ហើយ​បាន​ធ្វើឲ្យ​​ថ្លៃ​ឈ្នួល​កើន​ឡើង​ផង​ដែរ។លោក​បន្ត​ថា​៖​ «​គិត​មក​ទល់​ពេល​នេះ មិន​ទាន់​មាន​សញ្ញា​អវិជ្ជ​មាន​អី​ណា​មួយ​ដល់​តម្រូវ​ការ​ឃ្លាំង ឬ ទី​តាំង​សម្រាប់​ដាក់​រោង​ចក្រ​ទេ។ តាម​ពិត​ទៅ តម្រូវ​ការ​នៅ​តែ​កើន​ឡើង​ ហើយ​ថ្លៃ​ឈ្នួល​ក៏​ខ្ពស់​ជាង​មុន​ដែរ»៕តាមដានព័ត៌មានថ្មីៗអំពីវិស័យអចលនទ្រព្យនៅកម្ពុជា សូមចូលទៅកាន់ Realestate.com.kh។ អ្នកអាចស្វែងរកបុរី ខុនដូ ផ្ទះល្វែង និងគម្រោងអភិវឌ្ឍន៍ថ្មីៗនៅលើគេហទំព័រអចលនទ្រព្យបាននៅថ្ងៃនេះ!

ការទិញលក់អចលនទ្រព្យទាមទាឲ្យមានប្រុងប្រយ័ត្នខ្លាំង ជាពិសេសនៅពេលធ្វើកិច្ចសន្យា ព្រោះថានៅទីបំផុត អ្វីដែលអាចជួយអ្នកទិញ ឬអ្នកលក់បាន គឺត្រូវតែជាអ្វីដែលមានចែង នៅក្នុងកិច្ចសន្យា។ កិច្ចសន្យាមានច្រើនប្រភេទ និងមានន័យផ្សេងៗគ្នាទៅតាមគោលបណងនៃនីមួយៗរបស់វា។ (អ្វីទៅជាកិច្ចសន្យាទិញលក់អចលនទ្រព្យ?) ខាងក្រោមនេះគឺជាកិច្ចសន្យា ៨ ប្រភេទ ដែលអ្នករកស៊ីក្នុងវិស័យអចលនទ្រព្យ ឬអ្នកទិញ-លក់អចលនទ្រព្យគួរស្វែងយល់៖ ១. លិខិតប្រគល់សិទ្ធិកាន់កាប់អចលនទ្រព្យការទិញលក់អចលនទ្រព្យជាសកម្មភាពសំខាន់ក្នុងវិស័យអចលនទ្រព្យ ហើយវាជាប់ពាក់ព័ន្ធនឹងសិទ្ធិកាន់កាប់របស់អ្នកទទួលសិទ្ធិតែម្តង។ ជាធម្មតា ការធ្វើលិខិតនេះ បញ្ជាក់ច្បាស់ពីឈ្មោះ និងបុគ្គលដែលជាអ្នកផ្ទេរសិទ្ធិ និងបុគ្គលជាអ្នកទទួលសិទ្ធិ ហើយវាគឺជាការធានាការផ្ទេរសិទ្ធិកាន់កាប់របស់ម្ចាស់សិទ្ធិទៅកាន់បុគ្គលផ្សេងទៀតតាមការព្រមព្រៀង។ និយាយយ៉ាងខ្លី លិខិតប្រគល់សិទ្ធិកាន់កាប់អចលនទ្រព្យនេះ គឺជាភស្តុងតាងមួយដើម្បីបញ្ជាក់ពីការប្រគល់សិទ្ធិកាន់កាប់ដោយព្រមព្រៀងលើអចលនទ្រព្យមួយ។២. កិច្ចសន្យាពីការការពារប្រាក់កម្រៃជើងសារប្រាក់កម្រៃជើងសារជាថ្លៃរត់ការ ឬធ្វើកិច្ចការងារអ្វីមួយ។​ កិច្ចព្រមព្រៀងប្រភេទនេះ បញ្ជាក់ពីការព្រមព្រៀងគ្នារវាងភាគីពាក់ព័ន្ធនឹងលក្ខខណ្ឌផ្សេង ដែលភាគីទាំងពីរត្រូវតែបំពេញ ដែលលក្ខខណ្ឌទាំងនោះអាស្រ័យតាមការព្រមព្រៀងរបស់គូភាគីទាំងសងខាង។ នៅឆ្នាំ២០១៧ ក្រសួងសេដ្ឋកិច្ច និងហិរញ្ញវត្ថុបានចេញប្រកាសថ្មីស្តីពី “ថ្លៃសេវានិងកម្រៃជើងសារវិជ្ជាជីវៈសម្រាប់ការផ្តល់សេវាវាយតម្លៃ និងសេវាកម្មអចលនវត្ថុ ដែលបានកំណត់យកថ្លៃសេវាកម្ម​ ៣%។ ៣. កិច្ចសន្យារក្សាការសំងាត់ និងការមិនលូកលាន់ការងារកិច្ចសន្យាប្រភេទនេះជាកិច្ចសន្យាពិសេស ដែលយើងមិនសូវឃើញក្នុងការរស់នៅជាក់ស្តែងនោះទេ ដោយសារតែវាពាក់ព័ន្ធនឹងការកំណត់លក្ខខណ្ឌរបស់ភាគីទាំងសងខាង ក្នុងការរក្សាការសម្ងាត់នូវរឿងអ្វីមួយ ដែលទាក់ទងនឹងការងារពាណិជ្ជកម្មរបស់ភាគីទាំងសងខាង។ ក្នុងគោលការណ៍នៃច្បាប់ កិច្ចសន្យាប្រភេទនេះ មិនអាចធ្វើទៅបានទេ ប្រសិនបើលក្ខខណ្ឌដែលកំណត់ក្នុងកិច្ចសន្យា ជាការបង្ខំ ជាការធ្វើអ្វីដែលខុសច្បាប់ ឬជាសកម្មភាពដែលប៉ះពាល់ដល់ប្រពៃណី និងសណ្ដាប់ធ្នាប់សាធារណៈ។៤. កិច្ចសន្យាស្ដីពីកិច្ចសហប្រតិបត្តិការទិញ លក់ដី ឬផ្ទះស្រដៀងគ្នាទៅនឹងកិច្ចសន្យាប្រគល់សិទ្ធិកាន់កាប់អចលនទ្រព្យដែរ កិច្ចសន្យាស្តីពីការទិញលក់ដីឬផ្ទះ សំដៅទៅលើការព្រមព្រៀងគ្នាទិញ ឬលក់ដី ឬផ្ទះ។ ចំណុចដែលខុសគ្នានោះគឺ កិច្ចសន្យាប្រគល់សិទ្ធិកាន់កាប់អចលនទ្រព្យ មានកម្មវត្ថុ ជាសិទ្ធិកាន់កាប់ផ្ទាល់ ដែលខុសពីកិច្ចសន្យាស្តីពីការទិញលក់ មានកម្មវត្ថុជាដី ឬផ្ទះ។ ជាធម្មតា ក្នុងកិច្ចសន្យាទិញលក់ ច្រើនភា្ជប់ជាមួយនឹងការផ្ទេរសិទ្ធិកាន់កាប់ ឬកម្មសិទ្ធិ ពីអ្នកលក់ទៅអ្នកទិញ ដែលត្រូវធ្វើជាលាយល័ក្ខអក្សរ។ កិច្ចសន្យាប្រភេទនេះ ធានាគុណភាពនៃផ្ទះ និងដី ការប្រគល់ផ្ទះ និងដីពីអ្នកលក់ទៅអ្នកទិញ។ ប៉ុន្តែ កិច្ចសន្យាប្រភេទនេះ មិនអាចបញ្ជាក់ថាអ្នកទិញ នឹងក្លាយជាម្ចាស់កម្មសិទ្ធិលើអចលនទ្រព្យនោះទេ លុះត្រាតែអ្នកទិញយកដីនោះទៅចុះបញ្ជី ប្រសិនបើមានការកំណត់តាមច្បាប់។៥. កិច្ចសន្យាកក់ប្រាក់ (កក់ប្រាក់ទ្រនាប់ដៃ)កិច្ចសន្យាកក់ប្រាក់នេះ ច្រើនកើតមានមុនការធ្វើកិច្ចសន្យាទិញលក់។ ប៉ុន្តែគេក៏អាចដាក់បញ្ចូលលក្ខខណ្ឌប្រាក់កក់នេះ នៅក្នុងកិច្ចសន្យាទិញលក់ផងដែរ។ ដូចគ្នាទៅនឹងគោលការណ៍ព្រមព្រៀងគ្នារវាងគូភាគី ប្រាក់កក់ដែលតម្រូវស្របតាមការព្រមព្រៀងរបស់ភាគី។ កិច្ចសន្យាប្រភេទនេះ អាចធានាប្រាក់កក់របស់អ្នកទិញ ប្រសិនបើអ្នកលក់ចង់បញ្ឈប់ការលក់នោះ អ្នកលក់អាចសងការខូចខាតចំនួន២ដងនៃប្រាក់កក់នោះដល់អ្នកលក់ ប៉ុន្តែត្រង់ចំណុចនេះ មិនមានន័យថា ការសងរបស់អ្នកលក់ត្រូវធ្វើក្នុងកម្រិត២ដងនៃប្រាក់កក់នោះទេ វាអាចធ្វើក្នុងកម្រិតច្រើនជាងនេះ តាមការព្រមព្រៀង។ ប៉ុន្តែការកំណត់នេះ គឺជាកម្រិតនៃការសងអប្បបរមារបស់អ្នកលក់។៦. លិខិតប្រគល់និងទទួលប្រាក់លិខិតប្រគល់ និងទទួលប្រាក់ គឺជាលិខិតធានា ឬបញ្ជាក់ថាភាគីទាំងសងខាងបានប្រគល់ និងទទួលប្រាក់ហើយ។ ប៉ុន្តែវាមិនមានការតម្រូវឲ្យធ្វើដោយច្បាប់ជាលាយល័ក្ខអក្សរនោះទេ។ ជាគុណសម្បត្តិនៃលិខិតនេះសម្រាប់ការទិញលក់អចលនទ្រព្យ វាជួយបញ្ជៀសបញ្ហាផ្សេងៗ ដែលអាចកើតមានឡើងដោយបំណងមិនល្អរបស់គូភាគី ទាក់ទងនឹងការប្រគល់ប្រាក់។  ៧. កិច្ចព្រមព្រៀងរួមស្តីអំពីការអនុញ្ញាតិឲ្យសាច់ញាតិលក់ដីកិច្ចព្រមព្រៀងនេះ ជាកិច្ចសន្យាដែលធ្វើដោយបុគ្គលតែម្នាក់ ដែលជាអ្នកផ្តល់ឲ្យ។ ការចាត់ចែងទិញលក់ដី អាចធ្វើទៅបានសម្រាប់តែអ្នកមានកម្មសិទ្ធិតែប៉ុណ្ណោះ លុះត្រាតែមានការអនុញ្ញាតិដោយម្ចាស់កម្មសិទ្ធិ។ កិច្ចសន្យាប្រគល់សិទ្ធិឲ្យសាច់ញាតិ ក្នុងការចាត់ចែង អាចធ្វើបានដោយឲ្យសិទ្ធិមួយភាគ ឬទាំងអស់ទៅសាច់ញាតិនោះ។៨. លិខិតបញ្ជាក់បំណងទិញអចលនទ្រព្យ (សម្រាប់អ្នកទិញ)លិខិតនេះ ជាការព្រមព្រៀងបញ្ជាក់ពីបំណងក្នុងការទិញអចលនទ្រព្យមួយរបស់អ្នកទិញ។ ក្នុងបរិបទនៃច្បាប់ ដើម្បីបង្កើតឲ្យបានកិច្ចសន្យាមួយ អ្នកទិញត្រូវបញ្ជាក់ពីការចង់បានរបស់ណាមួយពីអ្នកលក់ ដែលគេហៅថាជាសំណើ។ នៅពេលដែលមានការបញ្ជាក់បែបនេះ អ្នកលក់អាចយល់ព្រមលក់ ឬមិនលក់តាមចិត្តចង់របស់គេ។ ដូច្នេះ លិខិតនេះជាការបញ្ជាក់ពីការចង់ទិញអចលនទ្រព្យនោះ៕តាមដានព័ត៌មានថ្មីៗអំពីវិស័យអចលនទ្រព្យ ឬស្វែងរកផ្ទះ ដី ខុនដូ​ សូមចូលទៅកាន់ Realestate.com.kh!

មិនថាអ្នកដែលនិយមចេញចូលប្រទេសថៃ ឬក៏មិនធ្លាប់នោះឡើយ ភាគច្រើនសុទ្ធតែធ្លាប់បានលឺពីឈ្មោះផ្សារលក់ទំនិញដ៏ល្បីមួយដែលមានឈ្មោះថា ផ្សារទំនើប Big C Super Center នេះ។​ ក្នុងមួយឆ្នាំៗ ផ្សារទំនើបនេះទទួលបានអតិថិជនជាច្រើនម៉ឺននាក់ មិនថាបរទេស និងជនជាតិថៃសុទ្ធតែនិយមទៅទិញទំនិញនៅក្នុងផ្សារនេះ ដោយសារតែផ្សារនេះមានផ្តល់នូវជម្រើសផលិតផលរាប់ម៉ឺនសែនមុខដែលប្រកបទៅដោយគុណភាពខ្ពស់ និងតម្លៃទាបជាងកន្លែងផ្សេងៗ។​អ្វីដែលធ្វើឱ្យភ្ញាក់ផ្អើលនោះគឺ ផ្សារទំនើប Big C នេះនឹងបើកសាខាដំបូងរបស់ខ្លួននៅឯប្រទេសកម្ពុជានាចុងឆ្នាំ២០១៩ នេះហើយ ពោលគឺផ្សារនេះនឹងមានទីតាំងស្ថិតនៅតំបន់កាស៊ីណូផ្កាយប្រាំ ភូមិសាមគ្គីមានជ័យ ខេត្តបន្ទាយមានជ័យ ពោលគឺមានបណ្តោយព្រំដែនអន្តរជាតិជាតិកម្ពុជា­-ថៃ។តាមការបង្ហាញជាផ្លូវការពី​​គណៈកម្មាធិការ​វិនិយោគ​កម្ពុជា នៃ​ក្រុម​ប្រឹក្សា​អភិវឌ្ឍន៍​កម្ពុជា (CDC) បានឱ្យដឹងថាប្រទេសកម្ពុជាបានចេញ​វិញ្ញាបនបត្រ​ចុះ​បញ្ជី​ជាស្ថាពរ កាលពីខែកុម្ភៈ ឆ្នាំ២០១៩ កន្លងទៅនេះ ដើម្បីអនុញ្ញាតឱ្យមានការបង្កើតគម្រោងមជ្ឈមណ្ឌលពាណិជ្ជកម្ម ដែលស្ថិតនៅក្រោមឈ្មោះក្រុមហ៊ុន BIG C SUPER​ CENTERពិតមែន។ប្រភពដដែលបានឱ្យដឹងថា ការវិនិយោគផ្សារទំនើបដ៏ល្បីរបស់ប្រទេសថៃមួយនេះគឺធ្វើឡើង ក្នុងទឹកប្រាក់ប្រមាណ ៦.៨ លាន​ដុល្លារ​ ខណៈដែលគម្រោងនេះនឹងបង្កើតការងាររហូតដល់ទៅ ១,២២២កន្លែងឯណោះនៅពេលដែលដាក់ដំណើរការជាផ្លូវការ។ចំណែកឯយោងតាមការផ្សាយពីសារព័ត៌មានថៃ Sa Kaeo Story ក៏បាន​ឱ្យដឹងដូចគ្នាថា​ផ្សារទំនើប BIG C ​សាខាប្រទេសកម្ពុជានេះកំពុងតែសាងសង់លើផ្ទៃដីសរុបប្រមាណ ៨០០០ម៉ែត្រការ៉េ ដែលគម្រោងនេះនឹងបញ្ចប់ ក៏ដូចជាដាក់ដំណើរការនៅចុងឆ្នាំ២០១៩ខាងមុខនេះហើយ។គួរបញ្ជាក់ផងដែរថា សេដ្ឋកិច្ចរបស់កម្ពុជាហាក់នៅបន្តមានការលូតលាស់ជាគំហុកក្នុងរវាងប៉ុន្មានឆ្នាំចុងក្រោយនេះ ដែលកំណើនសេដ្ឋកិច្ចយ៉ាងលឿននេះហើយបានធ្វើឱ្យអ្នកវិនិយោគបរទេសជាច្រើនបានងាកសម្លឹងមកកាន់កម្ពុជាដើម្បីស្វែងវិនិយោគលើវិស័យដែលកំពុងមានសក្តានុពលខ្លាំងៗ។ក្នុងនោះខេត្តបន្ទាយមានជ័យ ក៏ដូចជាក្រុងប៉ោយប៉ែតតែម្តងក៏ទទួលបានអ្នកវិនិយោគជាច្រើនមកដាក់ទីតាំងអាជីវកម្មផងដែរ ដោយក្នុងនោះអាជីវកម្មដែលទទួលបានប្រជាប្រិយភាពច្រើនជាងគេរួមមានដូចជាសណ្ឋាគារ កាស៊ីណូ ភោជនីយដ្ឋាន គម្រោងអភិវឌ្ឍន៍អាគារស្នាក់នៅ ក៏ដូចជាមជ្ឈមណ្ឌលកំសាន្តជាច្រើនផ្សេងៗទៀត។ស្របពេលជាមួយនឹងវត្តមានគម្រោងអភិវឌ្ឍន៍ធំៗទាំងនេះបានធ្វើឱ្យតម្លៃអចនលទ្រព្យនៅទីក្រុងប៉ោយប៉ែតហាក់មានការលោតលឿនយ៉ាងខ្ពស់ ពោលគឺតម្លៃជួលផ្ទះអាជីវកម្មនៅតាមបណ្តោយផ្លូវកាស៊ីណូផ្កាយប្រាំមានចាប់ពីជាង១ពាន់ដុល្លារឡើងទៅ (នេះបើតាមតម្លៃទទួលជួលវិញពីសំណង់ផ្ទះល្វែង និងវីឡា ស្តារហ្គោល ដែលជាគម្រោងសាងសង់លំនៅដ្ឋានស្តង់ដារមួយនៅក្នុងតំបន់នេះ)៕ស្វែងរកអចលនទ្រព្យនៅប៉ោយប៉ែត ឬតាមដានព័ត៌មានថ្មីៗ សូមចូលទៅកាន់ Realestate.com.kh!