ក្រុមហ៊ុន​គេហទំព័រ​អចលនទ្រព្យ Realestate.com.kh ដែល​ជា​ក្រុមហ៊ុន​ផ្តល់​សេវាកម្ម​ផ្សព្វផ្សាយ និង​ធ្វើ​ទីផ្សារ​អចលនទ្រព្យ​ឈានមុខ​គេ​នៅ​ក្នុង​ប្រទេស​កម្ពុជា​បាន​សហការ​ជា​ដៃគូ​ធ្វើ​ទីផ្សារ​ជាមួយនឹង​គម្រោង Orkide the Royal Condominium ដែល​ជា​គម្រោង​អភិវឌ្ឍន៍​លំនៅ​ឋាន​ប្រណីត​បែប​ពាណិជ្ជកម្ម និង​ការ​កម្សាន្ត ។ព័ត៌មានលម្អិតអំពីគម្រោង ! លក្ខណៈ​ពិសេស​ប្លែក​នៃ​ការ​អភិវឌ្ឍន៍​របស់​គម្រោង Orkide the Royal Condominium គឺ​មាន​សួនច្បារ និង​អាង​ទឹក​ដែល​មាន​ឆ្នេរ​សម្រាប់​កម្សាន្ត​ដំបូង​គេ​មិន​ធ្លាប់​មាន ដែល​ប្រសព្វ​គ្នា​ជាមួយនឹង​ប៉ម​ចំនួន​៦ មាន​ទាំងអស់​១៨​ជាន់​(១៩៩៩​យូ​នី​ត​) អម​ដោយ​ខុន​ដូ​ឈរ​នៅ​ចំ​កណ្តាល​រាជធានី ផ្សារ​ទំនើប​រ៉ូ​យ៉ា​ល់ សណ្ឋាគារ និង​ផ្សារ​ទំនើប​អន្តរជាតិ រួម​ជាមួយនឹង​គ្រឿង​បរិក្ខារ​ដ៏​ប្រណីត​ៗ​ជា​ច្រើន​ទៀត ។ព័ត៌មានលម្អិតអំពីគម្រោង ! គម្រោង Orkide the Royal Condominium ត្រូវ​បាន​អភិវឌ្ឍន៍​ដោយ Orkide Development ដែល​ធ្វើការ​សាងសង់​ឡើង​តាំងពី​ត្រីមាស​ទី​២ ក្នុង​ឆ្នាំ​២០១៦ ។ ជាមួយនឹង​ការ​ខិតខំ​សាងសង់​យ៉ាង​យកចិត្តទុកដាក់ គម្រោង Orkide the Royal Condominium នឹង​ធ្វើការ​ប្រគល់​ជូន​អតិថិជន​ក្នុង​ពេល​ឆាប់​ៗ​នេះ ។ព័ត៌មានលម្អិតអំពីគម្រោង ! ក្នុងថ្ងៃនេះ​ផង​ដែរ​គម្រោង Orkide the Royal Condominium បាន​ធ្វើការ​សហការ​ជា​ដៃគូ​ជាមួយនឹង​ក្រុមហ៊ុន​គេហទំព័រ​អចលនទ្រព្យ Realestate.com.kh ក្នុង​ការ​ធ្វើ​ទីផ្សារ​ក្នុង​ប្រទេស​កម្ពុជា ។ ដំណើរការ​សហការ​រវាង​ក្រុមហ៊ុន​គេហទំព័រ​អចលនទ្រព្យ Realestate.com.kh ជាមួយនឹង​គម្រោង Orkide the Royal Condominium នេះ​នឹង​ធ្វើ​ឱ្យ​ការ​ធ្វើ​ទីផ្សារ​នៅ​ក្នុង​ប្រទេស​កម្ពុជា​របស់​គម្រោង​មួយ​នេះ​កាន់តែ​មាន​ភាព​រីក​ចម្រើន និង​ទទួល​បាន​អតិថិជន​គោលដៅ​បាន​កាន់តែ​ច្រើន ៕កំពុងស្វែងរកទិញ-លក់ ឬជួលអចលនទ្រព្យមែនទេ? ពួកយើងអាចជួយបាន !

តាម​រយៈ​ភ្នាក់ងារ​អ​ល​ចនទ្រ​ព្យ​អន្តរជាតិ CBRE Cambodia កាលពី​ពេល​ថ្មី​ៗ​កន្លង​ទៅ​នេះ​បាន​ចងក្រង និង​ចេញផ្សាយ​របាយការណ៍​មួយ​ដែល​មានឈ្មោះ​ថា «​ការ​ព្យាករ​លើ​វិស័យ​អចលនទ្រព្យ​នៅ​កម្ពុជា​សម្រាប់​ឆ្នាំ​២០២២ (Fearless Forecast 2022 : Foundations of a Tiger)» ដែល​ធ្វើការ​ព្យាករណ៍​អំពី​និន្នាការ​ថ្មី​ៗ​មួយ​ចំនួន​ដែល​នឹង​កើតឡើង​ចំពោះ​វិស័យ​អចលនទ្រព្យ ។CBRE Cambodia បាន​ធ្វើការ​ព្យាករណ៍​ថា ក្នុង​ឆ្នាំ​២០២២​នេះ​លុយ​ឌី​ជី​ថ​លអាច​នឹង​ឈាន​ជើង​ចូល​វិស័យ​អចលនទ្រព្យ ។ ពោល​គឺ​អ្នក​អភិវឌ្ឍន៍ និង​អ្នក​វិនិយោគ​លើ​អចលនទ្រព្យ​ធំ​ៗ​នឹង​ងាក​ទៅ​រក​ការ​ប្រើប្រាស់ Blockchain និង​លុយ​ឌី​ជី​ថ​ល (Cryptocurrency) ដើម្បី​កៀរគរ​ប្រមូល​ស្វែងរក​ទុន​ក្នុង​ការ​វិនិយោគ​លើ​អចលនទ្រព្យ ។មិនតែប៉ុណ្ណោះ បើ​យោង​តាម​ប្រភព​ទីភ្នាក់ងារសារព័ត៌មាន Forbes ទើបតែ​បាន​ចេញផ្សាយ​ថា សហរដ្ឋអាមេរិក​បាន​ប្រើប្រាស់​រូបិយ​បណ្ណ​ឌី​ជី​ថ​ល​គ្រីប​តូ (Cryptocurrency) ក្នុង​ការ​ទិញ​លក់​អចលនទ្រព្យ​រួច​ទៅ​ហើយ ។សារព័ត៌មាន Forbes ដដែល​ក៏​បានឱ្យ​ដឹងផង​ដែរ​ថា កាលពីដើម​ឆ្នាំ​២០២១​កន្លង​ទៅ​នេះ អភិបាលក្រុង​ម៉ៃ​អា​មី​បាន​ស្នើ​ឱ្យ​ប្រជាជន​បង់ពន្ធ​អចលនទ្រព្យ ឬ​ថ្លៃ​ទីក្រុង​ជាមួយនឹង​រូបិយ​បណ្ណ​គ្រីប​តូ (Cryptocurrency) ។ ហើយ​កាលពី​ពេល​ថ្មី​ៗ​កន្លង​ទៅ​នេះ​ផ្ទះ​មួយ​កន្លែង​នៅ​ទីក្រុង​ម៉ៃ​អា​មី​បាន​លក់​ទៅ​ឱ្យ​អ្នកទិញ​ម្នាក់​ក្នុង​តម្លៃ 28 លាន​ដុល្លារ​ដោយ​ប្រើប្រាស់​រូបិយ​បណ្ណ​គ្រីប​តូ​ក្នុង​ការ​ទិញ​លក់​អចលនទ្រព្យ​នោះ ។តាម​រយៈ​សារព័ត៌មាន Forbes បាន​ស្រង់​សម្តី​របស់​អភិបាលក្រុង​ម៉ៃ​អា​មី​ថា ៖«​ថ្ងៃនេះ​ខ្ញុំ​ឃើញ​អ្នកលក់ និង​អ្នក​អភិវឌ្ឍន៍​កាន់តែ​ច្រើន​ឡើង​ទទួលយក​រូបិយ​បណ្ណ​គ្រីប​តូ​ជា​ទម្រង់​នៃ​ការ​ទូទាត់ ។ បួន​ឆ្នាំ​ចាប់ពី​ពេល​នេះ​ទៅ ខ្ញុំ​ព្យាករណ៍​ថា​អចលនទ្រព្យ​ដែល​រួម​បញ្ចូល Blockchain នឹង​ត្រូវ​បាន​អនុវត្ត​នៅ​លើ​កម្រិត​ថ្មី​ទាំងមូល​លើស​ពី​ការ​ទូទាត់​ជា​រូបិយ​បណ្ណ​ឌី​ជី​ថ​ល​» ។សូម​បញ្ជាក់​ផង​ដែរ​ថា Blockchain គឺជា​ប្រព័ន្ធ​ទិន្នន័យ (Database) មួយ​ប្រភេទ​ដែល​មាន​តួនាទី​បែប​វិមជ្ឈការ (Decentralized) ។ ប្រព័ន្ធ Blockchain អាច​អាច​រក្សា​ទិន្នន័យ​បាន​សុវត្ថិភាព​បាន​ខ្ពស់ ព្រោះ​ទិន្នន័យ​ដដែល​ដូច​គ្នា​ត្រូវ​បាន​គេ​រក្សា​ទុក​នៅ​ច្រើន​កន្លែង ។ចំណែក​លុយ​ឌី​ជី​ថ​ល ឬ Cryptocurrency ជា​រូបិយ​បណ្ណ​មួយ​ប្រភេទ ដែល​បង្កើត​ឡើង​ដោយ ការ​សរសេរ​កូដ​របស់​អ្នក​បង្កើត​កម្មវិធី​កុំព្យូទ័រ (Programmer) ។ លុយ​នេះ គ្មាន​រូបរាង​អាច​ប៉ះពាល់​បាន​នោះ​ទេ មិនតែប៉ុណ្ណោះ វា​ក៏​គ្មាន​ប្រព័ន្ធ​ធនាគារកណ្ដាល ឬ​ប្រទេស​ណាមួយ​មក​គ្រប់គ្រង និង​ផ្ទៀងផ្ទាត់​រាល់​ប្រតិបត្តិការ​ផ្ញើ​លុយ​ទៅ​មក​បាន​ផង​ដែរ ។ លុយ​ឌី​ជី​ថ​ល ជា​មធ្យោបាយ​នៃ​ការ​ចាយវាយ​សម័យ​ថ្មី ដោយ​ពឹងផ្អែក​ទៅ​លើ​ប្រព័ន្ធ​បច្ចេកវិទ្យា Blockchain ៕តើក្នុងពេលអនាគត ​លុយ​ឌី​ជី​ថ​ល ឬ Cryptocurrency អាចប្រើប្រាស់សម្រាប់ទិញ-លក់អចលនទ្រព្យនៅទូទាំងប្រទេសលើពិភពលោកឬយ៉ាងណា?កំពុងស្វែងរកទិញ-លក់ ឬជួលអចលនទ្រព្យមែនទេ? ពួកយើងអាចជួយបាន !

សម្ដេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី​ នៃ​ព្រះរាជាណាចក្រ​កម្ពុជា​បាន​អញ្ជើញ​ជា​អធិបតីភាពដ៏​ខ្ពង់ខ្ពស់ក្នុង​ពិធី​បើក​ការដ្ឋាន​សាងសង់​ស្ពាន​អាកាស​ថ្មី​មួយទៀត​ក្នុង​រាជធានី​ភ្នំពេញ ។ ពិធី​បើក​ការដ្ឋាន​នេះ​ត្រូវ​បាន​ធ្វើ​ឡើង​កាលពី​ថ្ងៃ​ទី​៣១ ខែមករា ឆ្នាំ​២០២២ ស្ថិត​នៅ​ក្នុង​ខណ្ឌឫស្សីកែវ ។តាម​ការ​ឱ្យ​ដឹង​ពី ឯកឧត្តម ឃួ​ង ស្រេង អភិបាល​រាជធានី​ភ្នំពេញ​បានឱ្យ​ដឹង​ថា ស្ពាន​អាកាស​ដែល​បើក​ការដ្ឋាន​សាងសង់​ថ្មី​នេះ ស្ថិត​នៅ​លើ​បណ្តោយ​ផ្លូវជាតិ​លេខ​៥ ចំណុច​ប្រសប់ នៃ​ផ្លូវ​ត​ភ្ជាប់​ពី​ស្ពាន​ខ្សែកាប​ឫស្សី​កែវ ឆ្លងកាត់​ទន្លេសាប ដែល​ត​ភ្ជាប់​រវាង​ផ្លូវជាតិ​លេខ​៥ និង​ទីក្រុង​រណប​ជ្រោយចង្វា ។លោក​អភិបាល​រាជធានី​ភ្នំពេញ​បានឱ្យ​ដឹងផង​ដែរ​ថា ស្ពាន​អាកាស​នេះ​មាន​បណ្តោយ​សរុប​ប្រវែង ៤៨៣​ម៉ែត្រ (​បណ្តោយ​ស្ពាន​អាកាស ១៤៥​ម៉ែត្រ និង​ផ្លូវ​គល់​ស្ពាន​សងខាង ៣៣៨​ម៉ែត្រ​), មាន​ទទឹង ១៥.៨​ម៉ែត្រ ។ គ្រោង​ចំណាយ​ថវិកា​សាងសង់​ជិត​១០​លាន​ដុល្លារ​អា​មេ​រិ​ក ។ គម្រោង​ស្ពាន​អាកាស​នេះ សាងសង់​ដោយ​ក្រុមហ៊ុន​វិនិយោគទុន​អនិកជន​កម្ពុជា (OCIC) ដោយ​ប្រើ​រយៈពេល​ប្រមាណ​១៥​ខែ ។សម្តេច​តេ​ជោ​នាយក​រដ្ឋមន្ត្រី​បាន​មាន​ប្រសាសន៍​ថា តាម​រយៈ​ការ​សាងសង់​ស្ពាន​អាកាស​ត្រង់​ចំណុច​នេះ​នឹង​រួមចំណែក​យ៉ាង​សំខាន់​ក្នុង​ការ​សម្រួលការ​កកស្ទះ​ចរាចរណ៍ ខណៈ​ដែល​តំបន់​នេះ​កំពុង​មាន​គម្រោង​អភិវឌ្ឍន៍​ជា​ច្រើន ។សម្ដេច​តេ​ជោ​នាយក​រដ្ឋមន្ត្រី​ក៏​បាន​អបអរសាទរ​ចំពោះ​សមិទ្ធផល​នៃ​ការ​សាងសង់​ស្ពាន​អាកាស​ថ្មី​មួយទៀត​នៅ​ថ្ងៃនេះ និង​ជូនពរ​ឱ្យ​បងប្អូន​ប្រជាពលរដ្ឋ​ទាំងអស់​ជួប​តែ​សេចក្តីសុខ សេចក្តីចម្រើន ។ មុន​នឹង​បញ្ចប់​សម្តេច​តេ​ជោ​នាយក​រដ្ឋមន្ត្រី ក៏​បាន​អញ្ជើញ​ចុច​ប៊ូ​តុង​ជា​តំណាង បើក​ការដ្ឋាន​សាងសង់​ស្ពាន​អាកាស​នៅ​ផ្លូវជាតិ​លេខ​៥ ឫស្សី​កែវ ចាប់ពី​ពេល​នេះ​តទៅ ៕កំពុងស្វែងរកទិញ-លក់ ឬជួលអចលនទ្រព្យមែនទេ? ពួកយើងអាចជួយបាន !

​GC Realty គឺជា​ចំណែក​មួយ​នៃ Golden Cambodia Century (GCC) ដែល​បាន​បង្កើត​ឡើង​នៅ​ក្នុង​ឆ្នាំ​២០២០ ដោយ​មាន​ចក្ខុវិស័យ​រួម​ក្នុង​ផ្នែក​អចលនទ្រព្យ ។ ក្រុមហ៊ុន​នេះ​ត្រូវ​បាន​បង្កើត​ឡើង​ក្នុង​គោលបំណង​ពង្រីក និង​បង្កើន​ទំនាក់ទំនង​រវាង​ម្ចាស់​គម្រោង ភ្នាក់ងារ​លក់ និង អតិថិជន​(​អ្នកទិញ​) ។ត្រឹម​រយៈពេល​ខ្លី GC Realty ទទួល​បាន​សន្ទុះ​នៃ​ការ​គាំទ្រ​យ៉ាង​ខ្លាំង​ពី​អតិថិជន​បាន​ធ្វើ​អោយ​យើង​ទទួល​បាន​ពាន Diamond Class Executive ពី Golden Cambodia Century (GCC)​កាលពី​ចុងឆ្នាំ​២០២១​កន្លង​ទៅ ​។ភាព​ជោគជ័យ​ទាំង​អស់នេះ​សុទ្ធសឹងតែ​ជា​ការ​ខិតខំ​ប្រឹងប្រែង របស់​សមាជិក​ទាំងអស់ រួម​ទាំង​ភ្នាក់ងារ​លក់​ដ៏​មាន​ទេព​កោសល្យ​របស់​យើង ។ រាល់​ភ្នាក់ងារ​របស់​យើង​បាន​ឆ្លងកាត់​វគ្គ​បណ្តុះបណ្តាល និង​សិក្ខាសាលា​នានា​ពី​ក្រុម​អ្នកជំនាញ​ផ្នែក​អចលនទ្រព្យ​ដោយ​ផ្ទាល់ ដើម្បី​បង្កើន​សមត្ថភាព ឈាន​ទៅ​មុខ​រួម​គ្នា ជាមួយនឹង​លទ្ធផល​ជាទី​គាប់ចិត្ត​ ។​ដើម្បី​ជា​ការ​លើកទឹកចិត្ត និង​ស្វែងរក​ភ្នាក់ងារ​បន្ថែម GC Realty បាន​រៀបចំ​ព្រឹត្តិ​ការណ៍​ដ៏​ធំ​ និង​ថ្មី​បំផុត​ប្រចាំឆ្នាំសម្រាប់​ភ្នាក់ងារ​លក់​របស់ GC Realty ទាំងអស់​នឹង​ទទួល​បាន​ប្រាក់​កម្រៃជើងសារ​ខ្ពស់​បំផុត​រហូត​ដល់​ទៅ ៧០%+២០% រួម​ជាមួយ​នឹង​ប្រាក់​ចំណូល​អសកម្ម​រហូត​ដល់​ទៅ​២០%​បន្ថែម​ទៀត ។កម្មវិធី​នេះ​ចាប់ផ្តើម​ពី​ថ្ងៃ​ទី​០១ ខែកុម្ភៈ ឆ្នាំ២០២២ ដល់ ថ្ងៃ​ទី​៣០ ខែ​មេ​សា ឆ្នាំ២០២២ ហើយ​លោក​អ្នក​អាច​ចូលរួម​ជាមួយ​យើង​បាន​ដោយ​សេរីជាមួយនឹង​ឱកាស​មាសឱកាស​ប្រាក់​ដែល​មិន​ធ្លាប់មាន​ពី​មុន​មក ។ទាំងនេះ​ជា​ហេតុផល​សំខាន់​ៗ​ដែល​អ្នក​ទាំងអស់​គ្នា​គួរតែ​ចូលរួម​ជាមួយ​យើង​ ៖1.​ ​សម្រាប់​ភ្នាក់ងារ​លក់​ថ្មី ឬ​ពុំ​ធ្លាប់​មានបទពិសោធន៍​ពី​មុន​មក GC Realty នឹង​មានកម្ម​វិធី​វគ្គ​បណ្តុះបណ្តាល​ជា​រៀង​រាល់​ស​ប្តា​ហ៍ សម្រាប់​ទុកជា​មេរៀន​ជូន​ដល់​ភ្នាក់ងារ GC Realty ដែល​មានការ​ចូលរួម​ពី​អ្នកជំនាញ និង​មានបទពិសោធន៍​យូ​រឆ្នាំ​លើ​វិស័យ​អចលនទ្រព្យ2.​ ​សម្រាប់​ការ​លក់ GC Realty មាន​ក្រុមការងារ​ដែល​មាន​ជំនាញ និង​បច្ចេកទេស រង់ចាំ​ជួយ​សម្រួល​ដល់​ភ្នាក់ងារ​ទាំងអស់ ដែល​ទាក់ទង​ទៅ​នឹង​ការ​លក់​ជូន​អតិថិជន​ទាំង​តាម​រយៈ Online Offline និង​ពេល​មក​ដល់​ផ្ទាល់3.​ ​ភ្នាក់ងារ​លក់​របស់​GC Realty ទាំងអស់​នឹង​មានឱកាស​ទទួល​បាន​ពានរង្វាន់​ភ្នាក់ងារ​លក់​ឆ្នើម​ប្រចាំខែ ប្រចាំត្រីមាស និង​ប្រចាំឆ្នាំ រួម​ជាមួយ​ការ​ដូរ​លើកទឹកចិត្ត និង​កម្មវិធី​ជួបជុំ​នានា​បន្ថែម​ទៀត ជា​ពិសេស​មាន​ចេញ​នូវវិ​ញ្ញា​បណ្ណ​បត្រ​បញ្ជាក់​សមត្ថ​ភា​ពជា​ភ្នាក់ងារ​ឆ្នើមដែល​ទទួលស្គាល់​ដោយ GCC Group4.​ ​ដំណើរ​កម្សាន្ត​ប្រចាំឆ្នាំ​ដែល​រៀបចំ​ដោយ​ក្រុមហ៊ុន​ផ្ទាល់5.​ ​ការិយាល័យ​ដ៏​ធំ​បំផុត​មាន​ទំហំ​ដល់​ទៅ​ជាង១០០០​ម៉ែ​ត្រ​កា​រ៉េដែល​នឹង​ដាក់​អោយ​ប្រើប្រាស់​សម្រាប់​ភ្នាក់ងារ​លក់​របស់ GC Realty នេះ​ជា​ចំណែក​សំខាន់​ៗ​ដែល GC Realty បាន​រៀបចំ ​និង​ផ្តល់​ដល់​ភ្នាក់ងារ​លក់​ទាំងអស់​ ។សម្រាប់​អ្នក​ដែល​មាន​បំណង​ក្លាយជា​សមាជិកគ្រួសារ​យើង និង​ទទួល​បានអត្ថប្រយោជន៍​ទាំង​អស់នេះ​អាច​សាកសួរ​ព័ត៍​មានបាន​ដោយ​សេរី តាម​រយៈ​គេហទំព័រ​ហ្វេ​ស​ប៊ុ​ក​របស់ GC Realty ឬ តាម​ទំនាក់ទំនង​មក​កាន់ 016 362 263

Realestate.com.kh ដែលជាក្រុមហ៊ុនធ្វើទីផ្សារអចលនទ្រព្យឈានមុខគេបំផុតក្នុងប្រទេសកម្ពុជាបានសហការជា​មួយ​នឹងសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) រួមជាមួយនឹងក្រសួងសេដ្ឋកិច្ច និងហិរញ្ញវត្ថុបានធ្វើការរៀបចំព្រឹត្តិការណ៍ដ៏អស្ចារ្យសម្រាប់វិស័យអចលនទ្រព្យកម្ពុជាប្រចាំឆ្នាំ២០២២គឺកម្មវិធីប្រគល់ពានរង្វាន់អចលនទ្រព្យកម្ពុជា (CREA) ប្រចាំឆ្នាំ២០២២ ។ចុះឈ្មោះធ្វើជាម្ចាស់ឧបត្ថម្ភឥឡូវនេះ !កម្មវិធីពានរង្វាន់អចលនទ្រព្យកម្ពុជា (CREA) ជាផ្នែកមួយដែលមានកិត្យានុភាពបំផុតក្នុងវិស័យអចលនទ្រព្យជា មួយនឹងព្រឹត្តិការណ៍អចលនទ្រព្យប្រចាំឆ្នាំ ដោយមានអ្នកជំនាញ និងអ្នកអភិវឌ្ឍន៍អចលនទ្រព្យឈានមុខគេជា​ច្រើនចូលរួម ។ បេសកកម្មរបស់ CREA គឺដើម្បីទទួលស្គាល់សមិទ្ធិផលជោគជ័យ​នៃវិស័យអចលនទ្រព្យកម្ពុជាប្រកប​ដោយ​វត្ថុ​បំណងពិតប្រាកដដោយមិនលំអៀង ។ម្ចាស់ឧបត្ថម្ភក្នុងព្រឹត្តិការណ៍ពានរង្វាន់អចលនទ្រព្យនេះនឹងទទួលបានឱកាសនៃការចូលរួម និងបង្កើតទំនាក់ទំនង​ជាមួយអ្នក​ចូលរួមដែលជាវិនិយោគិនរាប់ពាន់លានដុល្លារក្នុងការអភិវឌ្ឍន៍គម្រោងរបស់ពួកគេជារៀងរាល់ឆ្នាំ ដែល​កំពុងបន្តស្វែង​រកកិច្ចសន្យាថ្មី, អ្នកផ្គត់ផ្គង់ និងសេវាកម្មដែលពាក់ព័ន្ធនានាជាដើម ។ចុះឈ្មោះធ្វើជាម្ចាស់ឧបត្ថម្ភឥឡូវនេះ !តាមរយៈការក្លាយជាម្ចាស់ឧបត្ថម្ភកម្មវិធីពានរង្វាន់អចលនទ្រព្យកម្ពុជា (CREA) កម្មវិធីនឹងបង្ហាញឈ្មោះក្រុមហ៊ុនដែលចូលរួមឧបត្ថម្ភ ដែលមានទាំងម៉ាកយីហោ (Logo) និងឈ្មោះរបស់ពួកគេភ្ជាប់ដោយផ្ទាល់ទៅនឹង​ព្រឹត្តិការណ៍ដ៏​មាន​កិត្យានុភាព​នេះតែម្តង ។ពានរង្វាន់នេះនឹងមានសម្រាប់ភ្នាក់ងារអចលនទ្រព្យ, ក្រុមហ៊ុនវាយតម្លៃ, ក្រុមហ៊ុនគ្រប់គ្រងអចលនទ្រព្យ, អ្នក​អភិវឌ្ឍន៍ និងការអភិវឌ្ឍន៍ទូទាំងប្រទេស ។ នេះនឹងផ្តល់ការទទួលស្គាល់ដល់ក្រុមហ៊ុនរបស់អ្នក​ក្នុង​វិស័យ​អចលន​ទ្រព្យ ដោយសារវាក្លាយជាម៉ាកល្បីក្នុងចំណោមអ្នកជំនាញក្នុងឧស្សាហកម្មឈានមុខគេ ។មិនតែប៉ុណ្ណោះ កម្មវិធីក៏មានផ្សាយផ្ទាល់នៅលើទំព័រ​ហ្វេសប៊ុក The Cambodia Real Estate Awards ក៏ដូចជាទំព័រ Facebook ដៃគូសំខាន់ៗដែលមាន​ដូចជា Realestate.com.kh, B2B Cambodia, Freshnews និង​បណ្តាព័ត៌មាន​ជាច្រើនផ្សេងទៀត ។ដើម្បីក្លាយជាម្ចាស់ឧបត្ថម្ភកម្មវិធីពានរង្វាន់អចលនទ្រព្យកម្ពុជាប្រចាំឆ្នាំ២០២២ លោកអ្នកអាចធ្វើការទំនាក់ទំនងតាមរយៈលេខទំនាក់ទំនង ឬចុចប៊ូតុងចុះឈ្មោះខាងក្រោម ៖ផ្នែកពានរង្វាន់សម្រាប់អ្នកអភិវឌ្ឍន៍ និងការអភិវឌ្ឍន៍English & Khmer:Name: Khiem Darina Stefania (Steff)Position: CREA Developers & DevelopmentEntry Facilitator & REAKH Relationship ManagerEmail: stefania.khiem@realestate.com.khPhone: +855 (0) 10 699 333Chinese:Name: Taing Muyngy (Muyngy)Position: CREA Developers & Development Entry Facilitator & REAKH Relationship ManagerEmail: muyngy.taing@realestate.com.khPhone: +855 (0) 10723379ផ្នែកពានរង្វាន់សម្រាប់ភ្នាក់ងារEnglish & Khmer:Name: Tin Mashington (Ton)Position: CREA Agent Entry Facilitator &REAKH Relationship ManagerEmail: ton.mashington@realestate.com.khPhone: +855 (0) 81 305 205Chinese:Name: Taing Muyngy (Muyngy)Position: CREA Agent Entry Facilitator &REAKH Relationship ManagerEmail: muyngy.taing@realestate.com.khPhone: +855 (0) 10723379ផ្នែកម្ចាស់ឧបត្ថម្ភកម្មវិធីពានរង្វាន់អចលនទ្រព្យName: Jeff SteevesPosition: Business Development ManagerEmail: jeff.steeves@realestate.com.khPhone: +855 (0) 85 250 962 ចុះឈ្មោះធ្វើជាម្ចាស់ឧបត្ថម្ភឥឡូវនេះ !

ព្រឹត្តិការណ៍ដ៏អស្ចារ្យប្រចាំឆ្នាំ២០២២ ដែលគ្រប់គ្នាបានទន្ទឹងរង់ចាំបានមកដល់ហើយគឺជាកម្មវិធីនៃការ​ប្រគល់ពាន​រង្វាន់​អចលនទ្រព្យកម្ពុជា (CREA) ប្រចាំឆ្នាំ២០២២  ។ កម្មវិធីដ៏ល្អអស្ចារ្យសម្រាប់វិស័យអចលនទ្រព្យនៅកម្ពុជាមួយ​នេះ​ត្រូវ​បានរៀបចំឡើងដោយក្រុមហ៊ុន Realestate.com.kh ដែលជាក្រុមហ៊ុនអចលនទ្រព្យឈានមុខគេនៅកម្ពុជា​បានធ្វើការ​សហ​ការ​ជាមួយ​សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) និងក្រសួងសេដ្ឋកិច្ច និងហិរញ្ញវត្ថុ (MEF) ដើម្បីបង្កើតព្រឹត្តិការណ៍ដ៏មានកិត្យានុភាពនេះឡើង ។ព្រឹត្តិការណ៍ CREA កន្លងមកកម្មវិធីប្រគល់ពានរង្វាន់អចលនទ្រព្យកម្ពុជាប្រចាំឆ្នាំ២០២២នេះមានសារៈសំខាន់បំផុតសម្រាប់វិស័យ​អចនល​ទ្រព្យ​ទាំងមូល​នៅក្នុងប្រទេសកម្ពុជា ដែលពានរង្វាន់នេះបង្កើតឡើងដើម្បីទទួលស្គាល់ស្នាដៃក៏ដូចជាភាពជោគជ័យរបស់​អ្នកអភិវឌ្ឍន៍អចលនទ្រព្យ ភ្នាក់ងារអចលនទ្រព្យ និងក្រុមហ៊ុនអចលនទ្រព្យផ្សេងៗទៀតនៅទូទាំងប្រទេសកម្ពុជា​ដោយមិន​គិតអំពីទំហំក្រុមហ៊ុនតូចឬធំ និងតិចឬច្រើន គឺសុទ្ធតែអាចចុះឈ្មោះចូលរួមដើម្បីទទួលបានបានរង្វាន់នេះ​បាន​ទាំងអស់ ។ចុះឈ្មោះឥឡូវនេះ !ជាងនេះទៅទៀត ភ្ញៀវកិត្តិយសដែលបានចូលរួមក្នុងព្រឹត្តិការណ៍ពានរង្វាន់អចលនទ្រព្យកម្ពុជាប្រចាំឆ្នាំ២០២២នេះ និងមានឱកាសជួបជុំគ្នាមួយដ៏សំខាន់សម្រាប់អ្នកមានអាជីពក្នុងវិស័យអចលនទ្រព្យដើម្បីធ្វើការពិភាក្សាគ្នា ផ្លាស់​ប្ដូរ​យោបល់ និងឆ្លុះបញ្ចាំងអំពីភាពជោគជ័យដែលពួកគេសម្រេចបានក្នុងឆ្នាំកន្លងទៅ​នេះ ។ ចុះឈ្មោះឥឡូវនេះ !ពានរង្វាន់អចលនទ្រព្យកម្ពុជាប្រចាំឆ្នាំ២០២២ បានបន្ថែមប្រភេទពានរង្វាន់ថ្មីផ្សេងៗសម្រាប់អ្នកអភិវឌ្ឍន៍អចលនទ្រព្យដែលរួមមានដូចជា ៖ អ្នកអភិវឌ្ឍន៍ប្រចាំឆ្នាំ (Developer of the Year) , អ្នកអភិវឌ្ឍន៍ខុនដូប្រចាំឆ្នាំ (Condominium Developer of the Year) , អ្នកអភិវឌ្ឍន៍បុរីប្រចាំឆ្នាំ (Borey Developer of the Year), អ្នកអភិវឌ្ឍន៍ពាណិជ្ជកម្មប្រចាំឆ្នាំ (Commercial Developer of the Year) និង CSR & Social Impact Developer of the Year ។ពានរង្វាន់អចលនទ្រព្យកម្ពុជាប្រចាំឆ្នាំ២០២២នេះធ្វើឡើងដោយមានភាពសុក្រិតបំផុតពីគណកម្មាធិការវាយតម្លៃរបស់កម្មវិធី ហើយសម្រាប់អ្នកដែល​ទទួល​បានពានរង្វាន់នឹងទទួលបាននូវ ៖ពានរង្វាន់ដែលបានរចនាយ៉ាងស្រស់ស្អាតត្រាពានរង្វាន់អចលនទ្រព្យកម្ពុជាដ៏មានកិត្យានុភាពដែលអាចប្រើប្រាស់សម្រាប់ធ្វើទីផ្សារចំពោះអតិថិជនគោលដៅវិញ្ញាបនបត្រដែលមានស៊ុមបញ្ជាក់ពីសមិទ្ធិផលព្រឹត្តិការណ៍ CREA កន្លងមកសមាជិកជាច្រើនបាន និងកំពុងធ្វើការចុះឈ្មោះចូលរួមដែលមានដូចជា មន្ត្រីរាជរដ្ឋាភិបាល, អ្នកអភិវឌ្ឍន៍​គម្រោង​អចលនទ្រព្យ,​ វិនិយោគគិន និងអ្នកជំនាញផ្នែកអចលនទ្រព្យជាច្រើនផ្សេងៗទៀត ។ កម្មវិធីនេះផងដែរ មានចំនួន​កំណត់សម្រាប់ភ្ញៀវកិត្តិយសដែលមានបំណងចុះឈ្មោះចូលរួម ដូច្នេះលោកអ្នកអាចចាប់ផ្តើម​​ចុះឈ្មោះ​ចូលរួម​ចាប់​ពីថ្ងៃនេះ​តទៅបាន ។កម្មវិធីពានរង្វាន់អចលនទ្រព្យកម្ពុជាប្រចាំឆ្នាំ២០២២ នេះនឹងប្រារព្ធធ្វើឡើងនៅសណ្ឋាគារ​ សូហ្វីតែល ភ្នំពេញ​ដែល​មាន​ការ​រៀបចំសម្រាប់ការពិសារអាហារពេលល្ងាចជុំគ្នា និង ការប្រកាសជាផ្លូវការរបស់ម្ចាស់ជ័យលាភី​នៃកម្មវិធី​ប្រគល់​ពានរង្វាន់អចលនទ្រព្យកម្ពុជាប្រចាំឆ្នាំ២០២២ផងដែរ ៕ដើម្បីចុះឈ្មោះចូលរួមសូមចុចប៊ូតុងចុះឈ្មោះខាងក្រោមចុះឈ្មោះឥឡូវនេះ !

នៅថ្ងៃទី 22 ខែមករា ឆ្នាំ 2022 នេះ Morgan EnMaison ដែលជាប្រធានគម្រោងឆ្នេរទន្លេនៅជ្រោយចង្វារដែលបង្កើតឡើងដោយក្រុមហ៊ុន Morgan Group បានរៀបចំពិធីបញ្ចប់ប្លង់សេ(ដំបូល)ដ៏អធិអធមសម្រាប់រចនាសម្ព័ន្ធសំខាន់នៃអគារទី២និអគារទី៧និង សកម្មភាពអភិវឌ្ឍន៍ទីតាំង។  ប្រធានក្រុមប្រឹក្សាភិបាលក្រុមហ៊ុន លោក Ding Yongjun និងអ្នកគ្រប់គ្រងជាន់ខ្ពស់របស់ ក្រុមហ៊ុន តំណាងក្រុមហ៊ុនខានសំណង់ វិស្វករត្រួតពិនិត្យនិងតំណាងក្រុមហ៊ុនលក់ក៏បានចូល រួមក្នុងពិធីនេះដែរ។ នៅក្នុងពិធីថ្លែងសុន្ទរកថារបស់ លោក Ding Yongjun ប្រធានក្រុមប្រឹក្សាភិបាល Morgan Group បានសម្តែងការរីករាយអបអរសាទរ រួមនិងក្តីរំពឹងយ៉ាងកក់ក្តៅចំពោះការបញ្ចប់ការចាក់ប្លង់សេ(ដំបូល)ដែលជារចនាសម្ព័ន្ធសំខាន់នៃគម្រោងMorgan EnMaison ។ លោកបានបន្តថា ពិធីបញ្ចប់ការចាក់ប្លង់សេ(ដំបូល)នេះមិនត្រឹមតែជាការជួបជុំអបអរប៉ុណ្ណោះ ទេហើយក៏ជាជំនួបសម្បថផងដែរ។ នៅក្រោមស្ថានភាពនៃកូវីដ Morgan និងអង្គភាពដៃគូ របស់ខ្លួនបានរួបរួមស្រុះគ្នាជាធ្លុងមួយបន្តទប់ទល់នឹងសម្ពាធនៃកង្វះកម្លាំងពលកម្មក្នុងការ សាងសង់ ផលវិបាកក្នុងការដឹកជញ្ជូនវត្ថុធាតុដើម ការកើនឡើងនូវតម្លៃសំភារៈសំណង់ និង ការផ្ទុះឡើងនៃកូវីដ ជាច្រើនលើកច្រើនសារ និងសម្ពាធដទៃទៀត។ល។ តែ Morgan EnMaison នៅតែអាចសំរេចបញ្ចប់ការចាក់ប្លង់សេតាមកាលបរិច្ឆេទកំណត់ដដែល ដែលនេះបានឆ្លុះបញ្ចាំងពីភាពមុះមុតជំនះរាល់ការលំបាកទាំងអស់ដែលកើតមានឡើង ដើម្បីសំរេចការងារក្នុង "ស្មារតី ម៉រហ្គេន (Morgan Spirit) "។ក្នុងនាមជាសហគមន៍ឆ្នេរទន្លេដ៏ធំបំផុតក្នុងសង្កាត់ ជ្រោយចង្វារ រាជធានីភ្នំពេញ Morgan EnMaison អនុវត្តបេសកកម្មដ៏ខ្ពង់ខ្ពស់ក្នុងការបង្កើតជីវិតកាន់ តែប្រសើរឡើងសម្រាប់គ្រួសារ រាប់ពាន់ និងម្ចាស់អាជីវកម្មរាប់ម៉ឺននាក់ និងការកសាងតំបន់លំនៅឋានមាត់ទន្លេសុខភាព ពណ៌បៃតងដំបូងគេនៅក្នុងរាជធានីភ្នំពេញ។ លោកក៏សង្ឃឹមថាៈ គ្រប់នាយកដ្ឋាន និងអង្គ ភាពដែលចូលរួមនឹងបន្តធ្វើការរួមគ្នាក្នុងការងារសាងសង់បន្ទាប់ ដើម្បីធានាបញ្ចប់គម្រោង នេះតាមកាលកំណត់ និងបំពេញការចែកចាយប្រកបដោយគុណភាពខ្ពស់ ដើម្បីផ្តល់ជូនម្ចាស់ លំនៅឋាននូវបទពិសោធន៍ និងអារម្មណ៍នៃការរស់នៅប្រកបដោយគុណភាពយ៉ាងល្អឥតខ្ចោះ របស់ Morgan ។   បន្ទាប់មក ថ្នាក់ដឹកនាំនៃកិច្ចប្រជុំបានរួមគ្នាចាក់បេតុង Morgan EnMaison ជាតំណាងនៃការបញ្ចប់ការចាក់បេតុងជាលើកចុងក្រោយសម្រាប់ គម្រោង Morgan EnMaison អគារទី ២ ដែលជាសម្គាល់ពីការបញ្ចប់ការងារសាងសង់សំខាន់ៗរបស់ គម្រោង Morgan EnMaison អគារទី ២ និងអគារទី ២ ដោយជោគជ័យ។  MORGAN ENMAISON ជាចុងក្រោយ លោក Ding Yongjun ប្រធានក្រុមប្រឹក្សាភិបាល Morgan Group បានមាន ប្រសាសន៍ថា ក្រុមហ៊ុន Morgan បានចាក់ឫសក្នុងវិស័យសាងសង់ទីក្រុងនៅ កម្ពុជាអស់រយៈ ពេល 14 ឆ្នាំមកហើយ។ ក្នុងនាមជាអ្នកសាងសង់ទីក្រុង Morgan មានទំនួលខុសត្រូវនិង សមត្ថភាពខ្ពស់ ក្នុងការរួមចំណែកដល់ការកសាងអន្តរជាតិទំនើបរបស់កម្ពុជា រួមគ្នាជាមួយ ដៃគូរអភិវឌ្ឍន៍អាជីវកម្មជាច្រើនទៀត ដើម្បីបន្តជំរុញ និងលើកកម្ពស់វឌ្ឍនភាពទីក្រុងនិង សង្គម។ នាពេលអនាគត ក្រុមហ៊ុន Morgan Group នឹងបន្តរក្សានូវគោលចំហរដដែលក្នុង ការបំពេញតម្រូវការរស់នៅតាមការរំពឹងទុករបស់ម្ចាស់អាជីវកម្មគ្រប់រូបបន្តកែលម្អជាលំដាប់ នូវល្បឿននៃការសាងសង់ ដោយធានានូវគុណភាពជាដំបូង គ្រប់គ្រងពេលវេលាអោយបានល្អ ដើម្បីបំពេញតាមតម្រូវការអោយបានល្អឥតខ្ចោះជាមួយនឹងសកម្មភាពជាក់ស្តែង។ ការបញ្ចប់ ការចាក់ប្លង់សេ(ដំបូល) របស់អគារទី ២ និងអគារទី ៧ ថ្ងៃនេះគឺជាការបញ្ចប់ការងារសាងសង់ ដ៏ ជោគជ័យមួយ ហើយក៏ជាការចាប់ផ្តើមជាថ្មីមួយ។ នាថ្ងៃខាងមុខនេះ Morgan នឹងបន្តឈាន ទៅមុខទៀតដោយមិនផ្លាស់ប្តូរគោលជំហរដើមឡើយ។ ទាក់ទងនឹងចក្ខុវិស័យរបស់ Morgan EnMaison អំពីជីវិតកាន់តែប្រសើរ ដោយផ្អែកតាមគម្រោងដែលបានត្រៀមទុកប្រកាន់ នូវគំនិត ច្នៃចេញពីឥដ្ឋមួយដុំ ក្បឿងមួយសន្លឹក មួយដុំៗមួយសន្លឹកៗផ្គុំជាគេហដ្ឋានដែល មានសម្រស់ស្រស់ស្អាត និងអនាគតដ៏ភ្លឺស្វាង!  Morgan EnMaison គម្រោងនេះមានទីតាំងស្ថិតនៅចំចំណុចប្រសព្វនៃទន្លេទាំងបីដែលអំណោយផលក្នុងការប្រើប្រាស់ផ្តាច់មុខពីធនធាននៃដងទន្លេមេគង្គ។ ហើយមានទីតាំងស្ថិតនៅក្នុងកណ្តាលរាជធានីភ្នំពេញផងដែរ។ មិនតែប៉ុណ្ណោះ ស្ពានមិត្តភាពកម្ពុជា-កូរ៉េ ដែលនឹងចាប់ផ្តើមសាងសង់ក្នុងពេលឆាប់ៗនេះ នៅពេលអនាគត នឹងក្លាយជាប្រធានសហគមន៏កំពូល ដើម្បីអនុវត្តនិន្នាការអភិវឌ្ឍន៍នៃ "តំបន់សេដ្ឋកិច្ចឆ្នេរទន្លេ" ក្នុងរាជធានីភ្នំពេ   គម្រោងនេះមានគ្រឿងបរិក្ខារកម្រិតកំពូលមានចំណតឧទ្ធម្ភាគចក្រឯកជនក្លឹបជិះទូកកម្សាន្ត ចំណតផែ ក្លឹប VIP កម្ពស់ 210 ម៉ែត្រ អាងហែលទឹកជញ្ជាំងកញ្ចក់គ្មានដែនកំណត់ ទេសភាពសួនច្បារមាត់ទន្លេ កន្លែងហាត់ប្រាណ សាលស៊ីហ្គាស្រា ស្ប៉ា សាល និងបទពិសោធន៍ផ្សេងៗយ៉ាងសម្បូរបែបមាននៅទីនេះទាំងអស់។  ស្ថាបត្យកម្មសំខាន់ៗចំនួន ៤ ប្រភេទដែលមានទំហំ 44-800㎡  ដូចជា មាត់ទន្លេខុនដូ (Riverside Condo) Golden Sky Villa និង Smart Loft បំពេញគ្រប់តម្រូវការរបស់ស្នាក់រស់នៅគ្រប់ប្រភេទ។  柬埔寨房产项目咨询请添加↓↓↓ 查看柬埔寨更地理简介及新闻，跟随柬埔寨房地产网Realestate.com.kh

គម្រោង​អភិវឌ្ឍន៍​ឆ្នេរ​ប្រវែង​ជាង​២​គីឡូម៉ែត្រ​ក្នុង​ខេត្ត​កែប​បាន​សម្រេច​ជិត​រួចរាល់​ហើយ ដោយ​គ្រោង​នឹង​បើក​ឱ្យ​ប្រជាពលរដ្ឋ​ចូល​កម្សាន្ត​នា​ឱកាស​បុណ្យចូលឆ្នាំ​ខ្មែរ​ក្នុង​ខែមេសា​ខាង​មុខ​នេះ ។ នេះ​បើ​យោង​តាម​ការ​ប្រកាស​ឱ្យ​ដឹង​របស់​រដ្ឋបាល​ខេត្ត​កែប ។តាម​ប្រភព​អភិបាលខេត្ត​កែប​លោក សោម ពិសិដ្ឋ បាន​មាន​ប្រសាសន៍​ថា បច្ចុប្បន្ន​គម្រោង​អភិវឌ្ឍន៍​ឆ្នេរ​ដែល​មាន​ប្រវែង​២,៧​គីឡូម៉ែត្រ​នេះ​ត្រូវ​បាន​ក្រុមការងារ​កំពុង​ព​ន្លឿ​ន​ការ​ចាក់​ដី​ធ្វើ​សួនច្បារ និង​បន្ថែម​ខ្សាច់​ដើម្បី​ធ្វើ​ឆ្នេរ​ឱ្យ​កាន់តែ​មាន​សោ​ភណ្ឌ​ភាព ។គណៈកម្មាធិការ​ជាតិ​គ្រប់គ្រង និង​អភិវឌ្ឍន៍​ឆ្នេរ បាន​ចាប់ផ្តើម​ការងារ​លើ​គម្រោង​ផ្លាស់​ប្តូរ​ឆ្នេរ​ប្រវែង​២,៧ គីឡូម៉ែត្រ​ទៅ​ជា​រមណីយដ្ឋាន​ឆ្នេរ​សាធារណៈ ។ នៅ​ក្រោម​គម្រោង​នេះ ឆ្នេរ​ដ៏​វែង​មួយ​នឹង​ត្រូវ​បាន​បង្កើត​ឡើង​ជាមួយនឹង​សួនផ្កា និង​ដើមឈើ​សាធារណៈ​។លោក​អភិបាលខេត្ត​កែប​បាន​មាន​ប្រសាសន៍​ឱ្យ​ដឹងផង​ដែរ​ថា ៖ «​នៅ​ក្នុង​ខេត្ត​កែប យើង​មាន​ឆ្នេរ​ខ្សាច់​ស​ប្រវែង ៣០០​ម៉ែត្រ​ប៉ុណ្ណោះ ដូច្នេះ​ហើយ​ឥឡូវនេះ​យើង​កំពុង​អភិវឌ្ឍ​ឆ្នេរ​ថ្មី​មួយ ដើម្បី​ផ្តល់​ជា​គោលដៅ​សម្រាប់​ភ្ញៀវ​ទេសចរ​» ។លោក សោម ពិសិដ្ឋ បាន​បញ្ជាក់​ថា គណៈកម្មាធិការ​ជាតិ​គ្រប់គ្រង និង​អភិវឌ្ឍន៍​ឆ្នេរ​បាន​យល់ព្រម​ជំរុញ​ការងារ​ដែល​បាន​ធ្វើ និង​បើក​ជា​សាធារណៈ​មុន​ចូល​ឆ្នាំ​ខ្មែរ ដើម្បី​ឱ្យ​ប្រជាពលរដ្ឋ​មាន​ជម្រើស​ក្នុង​ការ​ទៅ​លេង​ក្នុង​ខេត្ត​កែប ៕កំពុងស្វែងរកទិញ-លក់ ឬជួលអចលនទ្រព្យមែនទេ? ពួកយើងអាចជួយបាន !

សម្តេចតេជោ ហ៊ុន សែន ប្រមុខរាជរដ្ឋាភិបាល នៃព្រះរាជាណាចក្រកម្ពុជាបានបញ្ជាក់រួចហើយថា កូរ៉េខាងត្បូងនឹងជួយធ្វើការសាងសង់ស្ពានមិត្តភាពកម្ពុជា-កូរ៉េខាងត្បូង ដែលនឹងតភ្ជាប់ពីរាជធានីភ្នំពេញទៅកាន់ស្រុកល្វាឯម នៃខេត្តកណ្តាល ដោយឆ្លងកាត់ទន្លេមេគង្គត្រង់ចំណុចទន្លេចតុមុខ ។ការមានប្រសាសន៍ថ្លែងរបស់សម្តេចបានធ្វើឡើងនាព្រឹកនៅថ្ងៃទី០៣ ខែមករា ឆ្នាំ២០២២ កន្លងទៅនេះក្នុងការអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ តភ្ជាប់ខេត្តព្រះសីហនុទៅកាន់ខេត្តកោះកុងប្រវែង១៤៨គីឡូម៉ែត្រ ។តាមប្រសាសន៍របស់ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្រ្ដីក្រសួងសាធារណការ និងដឹកជញ្ជូន បានថ្លែងក្នុងពេលចុះពិនិត្យសកម្មភាពសាងសង់ផ្លូវទាំង៣៨ខ្សែក្នុងក្រុងសៀមរាបកាលពីពេលកន្លងទៅនេះបានឱ្យដឹងថា ការសាងសង់ស្ពានមិត្តភាពកម្ពុជា-កូរ៉េខាងត្បូង (ស្ពានស្វាយជ្រុំ) អាចនឹងចាប់ផ្តើមសាងសង់ក្នុងឆ្នាំ២០២៣ខាងមុខ ។ឯកឧត្តម ស៊ុន ចាន់ថុល បានមានប្រសាសន៍បន្តថា ចំណែកឯទីតាំងក្នុងការសាងសង់ស្ពានមិត្តភាពកម្ពុជា-កូរ៉េខាងត្បូងវិញមានជម្រើស២ ៖ ទី១-ស្ពានអាចនឹងធ្វើការសាងសង់នៅជិតស្ថានីយបូមទឹករបស់រដ្ឋាករទឹកភ្នំពេញ (ស្វាយជ្រុំ) និងទី២-អាចនឹងសាងសង់នៅម្តុំផ្សារចាស់ទៅសណ្ឋាគារសុខារួចទៅកាន់តំបន់អរិយក្សត្រតែម្តងដែលត្រូវកសាងស្ពានចំនួន២ ។ឯកឧត្តមទេសរដ្ឋមន្ត្រី រដ្ឋមន្រ្ដីក្រសួងសាធារណការ និងដឹកជញ្ជូនបានបញ្ជាក់ផងដែរថា ជម្រើសសាងសង់ស្ពានកម្ពុជា-កូរ៉េខាងត្បូងនេះមាន៣ប្រភេទមាន ស្ពានធម្មតា, ស្ពានខ្សែកាបិ៍ ដូចនៅអ្នកលឿង ដែលយើងឃើញ។ល។ បច្ចុប្បន្នក្រសួងកំពុងសិក្សា និងពិនិត្យចុងក្រោយ រួចជ្រើសរើស និងរៀបចំដាក់ដេញថ្លៃសាងសង់ស្ពានឆ្លងទន្លេមេគង្គ ដើម្បីកាត់បន្ថយផលប៉ះពាល់ និងការចំណាយថវិកាតិច ៕កំពុងស្វែងរកទិញ-លក់ ឬជួលអចលនទ្រព្យមែនទេ? ពួកយើងអាចជួយបាន !

ក្រសួងទេសចរណ៍នៃព្រះរាជាណាចក្រកម្ពុជាបានចេញឯកសារកំណត់ច្បាប់សម្រាប់ភ្ញៀវទេសចរអន្តរជាតិដែលចូលមកកម្ពុជាក្នុងដំណាក់កាលរីករាលដាលនៃមេរោគកូវីដ-១៩ ។ ការសម្រេចចេញគោលការណ៍ណែនាំនេះគឺដើម្បីពង្រឹងការអនុវត្តវិធានការសុវត្ថិភាពទេសចរណ៍សម្រាប់វេទិកាទេសចរណ៍អាស៊ានឆ្នាំ២០២២ (ATF2022) ដែលគ្រោងនឹងប្រារព្ធធ្វើឡើងចាប់ពីថ្ងៃទី១៦ ដល់ថ្ងៃទី២២ ខែមករា ឆ្នាំ២០២២ នៅខេត្តព្រះសីហនុ ។លើសពីនេះ ក្រសួងទេសចរណ៍ក៏បានបញ្ជាក់ពីអ្វីដែលអ្នកទេសចរអន្តរជាតិត្រូវធ្វើ និងឈ្វេងយល់មុននឹងមកទស្សនាកម្សាន្តក្នុងប្រទេសកម្ពុជា និងរបៀបរបបក្នុងការចូលមកកម្ពុជា រួមទាំងលក្ខខណ្ឌទូទៅនៃសេវាកម្មទេសចរណ៍ផងដែរ ។ខាងក្រោមនេះជាគោលការណ៍ណែនាំសម្រាប់ភ្ញៀវទេសចរដែលមានបំណងមកកម្សាន្តនៅកម្ពុជា ៖ កំពុងស្វែងរកទិញ-លក់ ឬជួលអចលនទ្រព្យមែនទេ? ពួកយើងអាចជួយបាន !

គម្រោង​សាងសង់​កំពង់​ផែ​ទេសចរណ៍​អន្តរជាតិ​នៅ​ខេត្តកំពត ក្នុងស្រុក​ទឹកឈូ ដែល​មាន​ចម្ងាយ​ប្រហែល​៦​គីឡូម៉ែត្រ​ភាគ​ខាងលិច​ក្រុង​កំពត​ដែល​ស្ថិត​ក្រោម​ហិរញ្ញប្បទាន​ធនាគារអភិវឌ្ឍន៍អាស៊ី (ADB) រហូត​មក​ដល់​ពេល​នេះ​សម្រេច​បាន​៩០​ភាគរយ​ហើយ ។​ កំពង់​ផែ​ទេសចរណ៍​អន្តរជាតិ​នៅ​ខេត្តកំពត​នេះ​ជា​គម្រោង​មួយ​ក្នុង​ការ​រួមចំណែក​លើកកម្ពស់​វិស័យ​ទេសចរណ៍​នៅ​កម្ពុជា​ក៏​ដូច​ជា​ខេត្តកំពត​ដែល​ជា​ទិស​ដៅ​តំបន់ឆ្នេរ​ផង​ដែរ ។គម្រោង​នេះ​បាន​ចាប់ផ្តើម​សាងសង់​កាលពី​ថ្ងៃ​ទី​០៨ ខែសីហា ឆ្នាំ​២០១៨ ដោយ​ក្រសួង​សាធារណការ និង​ដឹក​ជញ្ជូន ហើយ​បើ​តាម​ផែនការ​ដំបូង​គម្រោង​នេះ​ត្រូវ​បញ្ចប់​តាំងពី​ពាក់កណ្តាល​ខែវិច្ឆិកា ឆ្នាំ​២០២១ ។​គម្រោង​សាងសង់​កំពង់​ផែ​ទេសចរណ៍​អន្តរជាតិ​នៅ​ខេត្តកំពត​ត្រូវ​បាន​ធនាគារអភិវឌ្ឍន៍អាស៊ី (ADB) ឯកភាព​ឱ្យ​ពន្យារពេល​អនុវត្ត​គម្រោង​រហូត​ដល់​ថ្ងៃ​ទី​៣០ ខែមិថុនា ឆ្នាំ ២០២២ ប៉ុន្តែ​ការ​សាងសង់​ជាក់ស្តែង​នឹង​ត្រូវ​បញ្ចប់​ត្រឹម​ថ្ងៃ​ទី​៣១ ខែមីនា ឆ្នាំ ២០២២ ។​យោង​តាម​របាយការណ៍​របស់​ធនាគារអភិវឌ្ឍន៍អាស៊ី​ស្តី​ពី​ទេសចរណ៍​នៃ​មហា​អនុ​តំបន់​ទន្លេមេគង្គ (GMS) ឱ្យ​ដឹង​ថា កំពង់​ផែ​សមុទ្រ​នេះ​នឹង​ផ្តល់​សេវា​ទេសចរណ៍​អន្តរជាតិ និង​ក្នុងស្រុក​ចំនួន ៣៦០.០០០ នាក់​ក្នុង​១​ឆ្នាំ​នៅ​ពេល​បើក​ដំណើរការ ។អគ្គនាយករង​អភិវឌ្ឍន៍​ទេសចរណ៍​នៃ​ក្រសួងទេសចរណ៍​លោក សុខ សុ​គុណ បានឱ្យ​ដឹង​ថា គម្រោង​នេះ​មានការ​យឺតយ៉ាវ​ខ្លះ​ដែល​បណ្តាល​ពី​វិបត្តិ​នៃ​ជំងឺ​កូ​វី​ដ​១៩ និង​បញ្ហា​អាកាសធាតុ ។ កំពង់​ផែ​ទេសចរណ៍​អន្តរជាតិ​នេះ​នឹង​ក្លាយជា​ច្រក​សមុទ្រ​អន្តរជាតិ​ដ៏​សំខាន់​ដែល​ត​ភ្ជាប់​ឆ្នេរសមុទ្រ​ភាគ​ខាងត្បូង​របស់​ប្រទេស​កម្ពុជា​ពី​ខេត្តកំពត​ទៅ​កាន់​ពិភពលោក ។ម្យ៉ាងទៀត​កំពង់​ផែ​នេះ​ក៏​នឹង​លើក​ស្ទួយ​វិស័យ​ទេសចរណ៍​កម្ពុជា​ថែម​ទៀត ជា​ពិសេស​រមណីយដ្ឋាន​នានា​ក្នុង​ខេត្តកំពត និង​ទិស​ដៅ​តំបន់ឆ្នេរ​ផ្សេង​ៗ​ទៀត ។​ប្រធាន​មន្ទីរ​ទេសចរណ៍​ខេត្តកំពត​បាន​ថ្លែង​ថា ក្នុង​ខេត្តកំពត​មិន​ទាន់​មាន​ទេសចរណ៍​ផ្លូវទឹក​ទេ ដូច្នេះ​វត្តមាន​កំពង់​ផែ​នេះ​នឹង​ជួយ​ឱ្យ​មានការ​ផ្លាស់​ប្តូរ ។ កំពង់​ផែ​នេះ​នឹង​រួមចំណែក​យ៉ាងច្រើន​ក្នុង​ការ​ទាក់ទាញ​ភ្ញៀវ​ទេសចរ​ពី​ប្រទេស​ជិតខាង​ឱ្យ​ចូល​មក​កម្សាន្ត​នៅ​កម្ពុជា ។សូមរម្លឹកផងដែរថា កំពង់​ផែ​ទេសចរណ៍​អន្តរជាតិ​ខេត្តកំពត​ត្រូវ​បាន​សាងសង់​លើ​ផ្ទៃដី​ទំហំ៤ហិ​កតា ស្ថិត​ក្នុងស្រុក​ទឹកឈូ ដោយ​មាន​ចម្ងាយ​ប្រមាណ៦គីឡូម៉ែត្រ​ពី​ក្រុង​កំពត​ ។ កំពង់​ផែ​នេះ​មាន​ជម្រៅ​ទឹក ៤,៥ ម៉ែត្រ​ ដែល​មាន​តម្លៃ​ប្រមាណ១០លាន​ដុល្លារជា​ហិរញ្ញប្បទាន​របស់​ធនាគារអភិវឌ្ឍន៍អាស៊ី (ADB)​ ៕កំពុងស្វែងទិញ លក់ ឬជួលអចលនទ្រព្យមែនទេ? ពួកយើងអាចជួយបាន !

ឆ្នាំ២០២២នឹងមានសុទិដ្ឋិនិយមចំពោះវិស័យសំណង់ និងអចលនវត្ថុក្នុងប្រទេសកម្ពុជា ប៉ុន្តែវានឹងមានការកើនឡើងដោយសារលំហូរនៃប្រាក់ចំណូលក្នុងស្រុក និងការវិនិយោគមកកម្ពុជា នេះបើតាមរបាយការណ៍ថ្មីៗស្តីពីវឌ្ឍនភាពម៉ាក្រូសេដ្ឋកិច្ច នៃវិស័យធនាគារនៅឆ្នាំ២០២១ និងទស្សនវិស័យឆ្នាំ២០២២ របស់ធនាគារជាតិនៃកម្ពុជា ។ទិដ្ឋភាពពីលើអាកាសនៃការដ្ឋានសំណង់ណាហ្គា៣ ក្នុងសង្កាត់ទន្លេបាសាក់ រាជធានីភ្នំពេញ (រូបភាព ៖ KhmerTimes)តាមរយៈរបាយការណ៍របស់ធនាគារជាតិនៃកម្ពុជាបានឱ្យដឹងថា សេដ្ឋកិច្ចពិភពលោករំពឹងថានឹងមានការកើនឡើងក្នុងអត្រាផ្សេងគ្នា អាស្រ័យលើប្រសិទ្ធភាពនៃការបង្ការជំងឺរាតត្បាតកូវីដ១៩ និងវិធានការគាំទ្ររបស់រដ្ឋាភិបាល ។ វីរុស Omicron ថ្មីនៅតែបន្តជាបញ្ហាប្រឈមដ៏ធំមួយដែលវាអាចនឹងបង្កជាហានិភ័យសម្រាប់នយោបាយ, ពាណិជ្ជកម្ម និងសេដ្ឋកិច្ចរបស់ប្រទេសនីមួយៗ ។ប៉ុន្តែក្នុងនោះផងដែររបាយការណ៍របស់ ធនាគារជាតិនៃកម្ពុជា (NBC) ក៏បានឱ្យដឹងផងដែរថា ការបន្តងើបឡើងវិញនៃសេដ្ឋកិច្ចពិភពលោកនឹងគាំទ្រដល់ការនាំចេញសម្លៀកបំពាក់ និងការនាំចេញផ្សេងៗទៀតរបស់កម្ពុជា ជាពិសេសការនាំចេញគ្រឿងបន្លាស់អេឡិចត្រូនិច និងកង់ ដែលនឹងលើកកម្ពស់ការនាំចេញរបស់កម្ពុជា ។យោងតាមធនាគារជាតិ វិស័យកសិកម្មដែលស្រូបយកជិតមួយភាគបីនៃកម្លាំងពលកម្មសរុប ត្រូវបានគេរំពឹងថានឹងបន្តរីកចម្រើនជាងឆ្នាំចាស់ (២០២១) ។ ការចូលជាធរមាននៃកិច្ចព្រមព្រៀងពាណិជ្ជកម្មសេរី នឹងធ្វើឱ្យកម្ពុជា-ចិន និងកម្ពុជា-កូរ៉េខាងត្បូង កាន់តែពង្រឹងបាននូវសក្តានុពលចំពោះវិស័យកសិកម្ម ជាពិសេសកសិ-កែច្នៃ និងកសិ-ឧស្សាហកម្ម ។លើសពីនេះ កិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់ (RCEP) ដែលជាកិច្ចព្រមព្រៀងរវាងរដ្ឋសមាជិកអាស៊ានទាំង១០ និងដៃគូពាណិជ្ជកម្មសេរី (អូស្ត្រាលី, នូវែលសេឡង់, ចិន, កូរ៉េខាងត្បូង និងជប៉ុន) បានចូលជាធរមាននៅដើមឆ្នាំនេះ ហើយនឹងផ្តល់ឱកាសសម្រាប់ពាណិជ្ជកម្មលើសេវាកម្ម និងទំនិញ, ការវិនិយោគ និងពាណិជ្ជកម្មអេឡិចត្រូនិក ។ការបើកដំណើរការសេដ្ឋកិច្ចឡើងវិញ សកម្មភាពសេដ្ឋកិច្ចក្នុងស្រុក រួមទាំងការលក់ដុំ ការលក់រាយ ទូរគមនាគមន៍ និងការដឹកជញ្ជូន និងទេសចរណ៍ក្នុងស្រុកត្រូវបានគេរំពឹងថានឹងកើនឡើងជាលំដាប់ ខណៈដែលទេសចរណ៍អន្តរជាតិអាចកើនឡើងជាលំដាប់ ហើយត្រូវការពេលវេលា និងការខិតខំប្រឹងប្រែងដើម្បីឱ្យវិស័យនេះរីកចម្រើនដូចមុនពេលជួបវិបត្តិកូវីដ១៩ ៕ស្វែងរកផ្ទះក្នុងក្តីស្រមៃមែនទេ? ពួកយើងអាចជួយបាន !

គម្រោងស្ថាបនាហេដ្ឋារចនាសម្ព័ន្ធផ្លូវទាំង៣៨ខ្សែក្នុងក្រុងសៀមរាប ដែលមានប្រវែងសរុប ១០៦,៤២៤ គីឡូម៉ែត្របានបញ្ចប់ការសាងសង់ជាស្ថាពរ១០០%ហើយកាលពីថ្ងៃទី២៩ ខែធ្នូ ឆ្នាំ២០២១ កន្លងទៅនេះ ។ នេះបើយោងតាមរបាយការណ៍របស់អគ្គនាយកដ្ឋានបច្ចេកទេស នៃក្រសួងសាធារណការ និងដឹកជញ្ជូន ។ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជាអនុប្រធានប្រចាំការនៃគម្រោងស្ថាបនាហេដ្ឋារចនាសម្ព័ន្ធផ្លូវ៣៨ខ្សែនៅក្នុងក្រុងសៀមរាប ខេត្តសៀមរាប បានអញ្ជើញ ធ្វើដំណើរដោយថ្មើរជើងដើម្បីពិនិត្យមើលការកែលម្អរង្វង់មូលស្វាយធំ លើកំណាត់ផ្លូវជាតិលេខ៦ ស្ថិតក្នុងឃុំកណ្ដែក ស្រុកបាគង ខេត្តសៀមរាប ផ្លូវសម្រាប់អ្នកធ្វើដំណើរដោយទោចក្រយានតាមបណ្ដោយផ្លូវជាតិលេខ៦ក្នុងក្រុងសៀមរាប ខឿនចិញ្ចើមផ្លូវដែលបានរៀបរួច គម្របលូនៅសងខាងផ្លូវ ការដាំដើមឈើនៅក្នុងសួនពុះទ្រូងចែកផ្លូវ និងផ្លូវឆ្ពោះទៅកាន់ប្រាសាទអង្គរវត្តផងដែរ។ឯកឧត្តមទេសរដ្ឋមន្ត្រី ស៊ុន ចាន់ថុល បានជម្រាបជូនផងដែរអំពីការតភ្ជាប់ប្រព័ន្ធលូទឹកកខ្វក់ពីខ្នងផ្ទះប្រជាពលរដ្ឋមកកាន់ប្រព័ន្ធលូមេ ហើយបង្ហូរចូលទៅប្រព័ន្ធចម្រោះទឹកកខ្វក់សាងសង់ដោយក្រសួងសាធារណការ និងដឹកជញ្ជូន ក្រោមប្រាក់កម្ចីពីសាធារណរដ្ឋកូរ៉េ ដែលបានសាងសង់រួចក្នុងជំហានទី១ និងបច្ចុប្បន្នក្រសួងកំពុងសិក្សាជាមួយភាគីកូរ៉េបន្ថែមទៀតនៅក្នុងជំហានទី២ ដើម្បីពង្រីកសមត្ថភាពនៃការចម្រោះទឹកកខ្វក់នៅក្នុងក្រុងសៀមរាប និងលើកកម្ពស់សុខុមាលភាពសាធារណៈឱ្យកាន់តែប្រសើរឡើង ។បើយោងតាមរបាយការណ៍របស់អគ្គនាយកដ្ឋានបច្ចេកទេស នៃក្រសួងសាធារណការ និងដឹកជញ្ជូន បានឱ្យដឹងថា គម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែ នៅក្រុងសៀមរាប ខេត្តសៀមរាប រួមមានការងារស្ថាបនាកម្រាលផ្លូវដោយបេតុងសរសៃដែក, ការងារកម្រាលផ្លូវដោយអ៊ុតបេតុងកៅស៊ូ(AC), ការងារប្រព័ន្ធបណ្ដាញលូមេទឹកភ្លៀង-ទឹកកខ្វក់, ការងាររៀបខឿនចិញ្ចើមផ្លូវ និងការងារកម្រាលក្រានីត ពេលនេះបានបញ្ចប់ការសាងសង១០០% តាមផែនការដែលបានគ្រោងទុក តាំងពីថ្ងៃទី២៩ ខែធ្នូ ឆ្នាំ២០២១ នៅសល់តែការងារសម្អាត និងរៀបចំសោភ័ណភាពតែប៉ុណ្ណោះ ។ដោយឡែកការងារបំពាក់កាមេរ៉ាសុវត្ថិភាពចំនួន២០០ទីតាំង ការងារដំឡើងបង្គោលភ្លើងបំភ្លឺផ្លូវចំនួន ៥០០៣ដើម ការងារដំឡើងភ្លើងសញ្ញាចរាចរណ៍ចំនួន២០ទីតាំង ការងារដាំដើមឈើចំនួន៣១២៥ ដើម និងការងារបំពាក់បរិក្ខារចរាចរណ៍ លើខ្សែផ្លូវដែលស្ថិតក្នុងគម្រោងស្ថាបនាហេដ្ឋារចនាសម្ព័ន្ធផ្លូវទាំង៣៨ ជាលទ្ធផលសម្រេចបាន ៧២,៧៤% ។គួររម្លឹកផងដែរថា គម្រោងស្ថាបនាហេដ្ឋារចនាសម្ព័ន្ធផ្លូវទាំង៣៨ខ្សែក្នុងក្រុងសៀមរាបដែលមានប្រវែងសរុប ១០៦,៤២៤​គីឡូម៉ែត្រដែលប្រើប្រាស់ថវិកាជាតិសរុបប្រមាណជាង ១៤៩លានដុល្លារអាមេរិក ដោយក្នុងនោះមានចំនួន៩លានដុល្លារអាមេរិកបន្ថែមទៀតនឹងត្រូវចំណាយលើការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ ។ គម្រោងស្ថាបនាផ្លូវទាំង៣៨ខ្សែក្នុងក្រុងសៀមរាបនេះបានបើកការដ្ឋានសាងសង់កាលពីថ្ងៃទី៣០ ខែវិច្ឆិកា ឆ្នាំ២០២០ ក្រោមវត្តមានសម្ដេច ហ៊ុន សែន ដែលចំណាយពេលសាងសង់ចំនួន១៣ខែ ។គម្រោងសាងសង់ផ្លូវចំនួន៣៨ខ្សែក្នុងទីរួមខេត្តសៀមរាប ខេត្តសៀមរាបនេះ មានគោលដៅប្រែក្លាយក្រុងសៀមរាប ខេត្តសៀមរាបឱ្យក្លាយជាទីក្រុងដ៏ទំនើបពោរពេញដោយសោភ័ណភាព បរិស្ថានល្អសម្រាប់ការរស់នៅ ឱ្យសក្តិសមជាទីក្រុងទេសចរណ៍ វប្បធម៌ និងប្រវត្តិសាស្ត្រ អាចទាក់ទាញភ្ញៀវទេសចរណ៍បានកាន់តែច្រើនសំដៅលើកស្ទួយសេដ្ឋកិច្ចជាតិឱ្យកាន់តែមានការរីកចម្រើន ព្រមទាំងធ្វើឱ្យប្រសើរឡើងដល់ការតភ្ជាប់ពីទីប្រជុំជនក្រុងសៀមរាបទៅកាន់តំបន់ដាច់ស្រយាលផងដែរ ៕កំពុងស្វែងរកអចលនទ្រព្យក្នុងក្តីស្រមៃរបស់លោកអ្នកមែនទេ? ពួកយើងអាចជួយបាន !

ក្រុមហ៊ុន Realestate.com.kh ដែលជាក្រុមហ៊ុនធ្វើទីផ្សារអចលនទ្រព្យឈានមុខក្នុងប្រទេសកម្ពុជាថ្មីៗនេះបានចាប់ផ្តើមការស្ទង់មតិអចលនទ្រព្យប្រចាំឆ្នាំរបស់ខ្លួនសម្រាប់ឆ្នាំ 2022 ។ គេហទំព័រអចលនទ្រព្យដ៏ពេញនិយមបើកការស្ទង់មតិប្រចាំឆ្នាំនេះដើម្បីជួយឱ្យវិស័យអចលនទ្រព្យរបស់ប្រទេសកម្ពុជាកាន់តែរីកចម្រើន, កែលម្អស្តង់ដារ និងផ្តល់នូវការយល់ដឹងដ៏មានតម្លៃ និងទិន្នន័យសម្រាប់អ្នកពាក់ព័ន្ធក្នុងវិស័យអចលនទ្រព្យទាំងអស់ដោយឥតគិតថ្លៃ ។ទំព័រស្ទង់មតិ និងរបាយការណ៍អចលនទ្រព្យរបស់ក្រុមហ៊ុន Realestate.com.kh គឺជានិន្នាការ​​ទីផ្សារ​ ​អចលនទ្រព្យ និងការសង្កេតពីការវិវឌ្ឍន៍លើវិស័យអចលនទ្រព្យនៅក្នុងប្រទេសកម្ពុជា ។ អ្នកទិញ,  អ្នកលក់, ភ្នាក់ងារអចលនទ្រព្យ និងអ្នកអភិវឌ្ឍន៍អចលនទ្រព្យទាំងអស់សុទ្ធតែអាចទទួលបានការយល់ ដឹងបន្ថែមតាមរយៈការស្ទង់មតិអចលនទ្រព្យកម្ពុជាប្រចាំឆ្នាំ២០២២ ។ចុចទីនេះដើម្បីធ្វើការស្ទង់មតិអចលនទ្រព្យប្រចាំឆ្នាំ2022 ការស្ទង់មតិអំពីអចលនទ្រព្យកម្ពុជារបស់ក្រុមហ៊ុន Realestate.com.kh នេះត្រូវបានធ្វើឡើងជារៀងរាល់ ឆ្នាំដើម្បីឆ្លុះបញ្ចាំងអំពីការខិតខំប្រឹងប្រែងរបស់ក្រុមហ៊ុន Realestate.com.kh ក្នុងការផ្តល់ជូនអំពីទីផ្សារ អចលនទ្រព្យនៅក្នុងប្រទសកម្ពុជាឱ្យកាន់តែទូលំទូលាយ ដែលផ្តល់ជូនសម្រាប់អ្នកដែលកំពុងស្វែងរកទិញ ឬជួលអចលនទ្រព្យ, ភ្នាក់ងារ និងជាពិសេសសម្រាប់អ្នកអភិវឌ្ឍន៍អចលនទ្រព្យទាំងអស់នូវព័ត៌មាន សំខាន់ៗ និងការយល់ដឹងអំពីទីផ្សារអចលនទ្រព្យក្នុងប្រទេសកម្ពុជាផងដែរ ។ការស្ទង់មតិអចលនទ្រព្យកម្ពុជាប្រចាំឆ្នាំ 2022 នេះនឹងផ្តល់ឱ្យអ្នកអភិវឌ្ឍន៍ទាំងអស់នូវទិដ្ឋភាពមួយចំនួន នៃទីផ្សារអចលនទ្រព្យដែលបានកើតឡើង និងការព្យាករណ៍នាពេលអនាគតផងដែរ ។ ទីផ្សារអចលន ទ្រព្យភាគច្រើនអាចទប់ទល់នឹងបញ្ហាសេដ្ឋកិច្ចដែលបង្កឡើងដោយជំងឺរាតត្បាតសកល ហើយការស្ទង់ មតិអចលនទ្រព្យប្រចាំឆ្នាំ 2022 នេះ ផ្តល់ឱ្យលោកអ្នកនូវចំណុចសំខាន់ៗដែលដើរតួយ៉ាងសំខាន់ក្នុង ការរក្សាទីផ្សារអចលនទ្រព្យឱ្យមានស្ថេរភាព ។ចុចលើរូបភាពដើម្បីធ្វើការស្ទង់មតិអចលនទ្រព្យឆ្នាំ2022ក្រុមហ៊ុន Realestate.com.kh មានសេចក្តីសោមនស្សរីករាយក្នុងការចេញបញ្ចេញនូវការស្ទង់មតិ អចលនទ្រព្យកម្ពុជាប្រចាំឆ្នាំ2022សម្រាប់អ្នកប្រើប្រាស់ទាំងអស់ ។ ការស្ទង់មតិអចលននេះនឹងផ្លូវនូវ ព័ត៌មានសំខាន់ៗមួយចំនួនសម្រាប់អ្នកវិនិយោគ, អ្នកអភិវឌ្ឍន៍, អ្នកលក់, អ្នកទិញ, គ្រឹះស្ថានហិរញ្ញវត្ថុ,  ក្រុមហ៊ុនធានារ៉ាប់រង និងអ្នកប្រើប្រាស់ដោយផ្ទាល់ផងដែរ ។ គោលបំណង និងវិសាលភាពនៃការស្ទង់មតិអចលនទ្រព្យប្រចាំឆ្នាំ2022នេះគឺដើម្បីឈ្វេងយល់ឱ្យកាន់ តែស៊ីជម្រៅអំពីការយល់ឃើញ និងគំនិតរបស់អ្នកប្រើប្រាស់អចលនទ្រព្យដែលផ្តោតលើប្រទេសកម្ពុជា ជាចម្បងដែលទាក់ទងទៅនឹងការយល់ឃើញរបស់ពួកគេចំពោះទីផ្សារនៃអចលនទ្រព្យកម្ពុជា ។ ដូច្នេះហើយតាមរយៈការស្ទង់មតិនេះអាចអនុញ្ញាតឱ្យយើងព្យាករណ៍អំពនិន្នាការទិញ-លក់នាពេលអនាគតនៅក្នុងទីផ្សារអចលនទ្រព្យនៃប្រទេសកម្ពុជាបាន ។ជាងនេះទៅទៀត នៅក្នុងការស្ទង់មតិអចលនទ្រព្យកម្ពុជាប្រចាំឆ្នាំ2022នេះផងដែរលោកអ្នកក៏អាចមាន ឱកាសក្នុងការឈ្នះការធ្វើដំណើរកម្សាន្តតាមរយៈឧទ្ធម្ភាគចក្រនៅជុំវិញរាជធានីភ្នំពេញផងដែរដែលផ្តល់ជូនដោយ Yugo Private Aviation ដែលជាក្រុមហ៊ុនផ្តល់សេវាអាកាសចរណ៍ឯកជននៅទូទាំងអាស៊ីប៉ាស៊ី ហ្វិក សម្រាប់អតិថិជនក្នុងការហោះហើរឯកជនគ្រប់ទីកន្លែង និងគ្រប់ពេលវេលា ដោយឧទ្ធម្ភាគចក្រ និងយន្តហោះឯកជន ។ចូលរួមធ្វើការស្ទង់មតិអចលនទ្រព្យប្រចាំឆ្នាំ2022នៅថ្ងៃនេះដើម្បីទទួលបានឱកាសឈ្នះដំណើរកម្សាន្តតាមឧទ្ធម្ភាគចក្រនៅជុំវិញរាជធានីភ្នំពេញ !!!ចុចទីនេះដើម្បីធ្វើការស្ទង់មតិអចលនទ្រព្យប្រចាំឆ្នាំ2022

ក្រុមហ៊ុនគេហទំព័រអចលនទ្រព្យ Realestate.com.kh ដែលផ្តល់សេវាកម្មផ្សព្វផ្សាយ និងធ្វើទីផ្សារអចលនទ្រព្យឈានមុខគេនៅក្នុងប្រទេសកម្ពុជាបានសហការជាដៃគូធ្វើទីផ្សារជាមួយនឹងគម្រោងបុរី ខាសិន ភ្នំពេញ ដែលជាគម្រោងអភិវឌ្ឍន៍លំនៅដ្ឋានថ្មីជាប់នឹងផ្លូវជាតិលេខ៣ ។ បុរី ខាសិន ភ្នំពេញ ជាគម្រោងបុរីធំជាងគេដែលស្ថិតនៅជាប់នឹងផ្លូវជាតិលេខ៣តែម្តងដោយធ្វើដំណើរត្រឹមតែ៧នាទីប៉ុណ្ណោះពីរង្វង់មូលចោមចៅ និង១០នាទីពីអាកាសយានដ្ឋានអន្តរជាតិភ្នំពេញតែប៉ុណ្ណោះ ។ បុរី ខាសិន ភ្នំពេញ ដែលជាគម្រោងអភិវឌ្ឍន៍លំនៅដ្ឋានថ្មីនេះស្ថិតនៅលើទីតាំងដែលមានសក្តានុពលនេះ ត្រូវបានអភិវឌ្ឍន៍ដោយក្រុមហ៊ុន Cambodia Kasen International Real Estate Co., Ltd. ដែលជាក្រុមហ៊ុនបុត្រសម្ព័ន្ធរបស់ Kasen International Holdings ដោយផ្តោតសំខាន់ទៅលើទាំងការរស់នៅប្រកបដោយផាសុកភាព និងការប្រកបអាជីវកម្ម ។មិនតែប៉ុណ្ណោះ បុរី ខាសិន ភ្នំពេញ មានផ្ទះអាជីវកម្មច្រើនប្រភេទសម្រាប់អតិថិជនដែលនៅជាប់នឹងផ្លូវជាតិលេខ៣ និងផ្លូវធំក្នុងបុរីដែលឆ្លងកាត់ទៅផ្លូវរដ្ឋ និងឆ្ពោះទៅកាន់គម្រោងផ្លូវក្រវ៉ាត់ក្រុងទី៣តែម្តងដែលអំណោយផលខ្លាំងដល់ការប្រកបអាជីវកម្មរបស់អតិថិជនបុរី ខាសិន ភ្នំពេញគ្រប់ប្រភេទ ។បុរី ខាសិន ភ្នំពេញ លេចឡើងជាមួយរចនាបទស្ថាបត្យកម្មស្អាតប្លែក និង គុណភាពសំណង់រឹងមាំ មានទំហំធំទូលាយ យូនីតនីមួយៗត្រូវបានបំពាក់ដោយគ្រឿងសង្ហារឹម និង​គ្រឿង​បរិក្ខារ​ទំនើប​ៗ និងសល់ទីធ្លាខាងមុខជាចំណតភ្ញៀវ ។ បុរី ខាសិន ភ្នំពេញ ក៏គ្រោងនឹងបង្កេីតវិថីពាណិជ្ជកម្មប្រវែង២២០ម៉ែត្រ រួមមាន ហាងទំនិញ ក្លឹប សាលារៀនអន្តរជាតិ មន្ទីពេទ្យ -ល- ។ហើយក្នុងថ្ងៃនេះផងដែរគម្រោងបុរី ខាសិន ភ្នំពេញ បានធ្វើពិធីបើកលក់គម្រោងបុរី ខាសិន ភ្នំពេញ ជាផ្លូវការដែលមានទីតាំងស្ថិតនៅផ្លូវជាតិលេខ៣ ក្នុងសង្កាត់ភ្លើងឆេះរទេះ ខណ្ឌកំបូល ដោយបានធ្វើការសហការជាដៃគូជាមួយនឹងក្រុមហ៊ុនគេហទំព័រអចលនទ្រព្យ Realestate.com.kh ក្នុងការធ្វើទីផ្សារក្នុងប្រទេសកម្ពុជា ។ដំណើរការសហការរវាងក្រុមហ៊ុនគេហទំព័រអចលនទ្រព្យ Realestate.com.kh ជាមួយនឹងគម្រោងបុរី ខាសិន ភ្នំពេញ នេះនឹងធ្វើឱ្យការធ្វើទីផ្សារនៅក្នុងប្រទេសកម្ពុជារបស់គម្រោងមួយនេះកាន់តែមានភាពរីកចម្រើន និងទទួលបានអតិថិជនគោលដៅបានកាន់តែច្រើន ៕

គម្រោងសាងសង់ស្ពានអរិយក្សត្រដែលគ្រប់គ្នាទន្ទឹងរង់ចាំជាយូរឆ្នាំមកហើយ ដែលនឹងតភ្ជាប់ពីរាជធានីភ្នំពេញទៅកាន់ស្រុកល្វាឯម នៃខេត្តកណ្តាល ដោយឆ្លងកាត់ទន្លេមេគង្គត្រង់ចំណុចទន្លេចតុមុខនោះពេលនេះប្រមុខរាជរដ្ឋាភិបាលកម្ពុជាបានបញ្ជាក់ហើយថា រដ្ឋាភិបាលកូរ៉េខាងត្បូងនឹងសាងសង់ជូននៅពេលខាងមុខ ។នេះបើតាមការមានប្រសាសន៍ឱ្យដឹងរបស់សម្តេចតេជោ ហ៊ុន សែន នាព្រឹកនៅថ្ងៃទី០៣ ខែមករា ឆ្នាំ២០២២ នេះក្នុងការអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ តភ្ជាប់ខេត្តព្រះសីហនុទៅកាន់ខេត្តកោះកុងប្រវែង១៤៨គីឡូម៉ែត្រ ដោយមានការអញ្ជើញចូលរួមពីសំណាក់ឯកឧត្ដមឯកអគ្គរដ្ឋទូតកូរ៉េប្រចាំនៅកម្ពុជាផងដែរ ។ក្នុងការអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ សម្តេចតេជោ ហ៊ុន សែន បានមានប្រសាសន៍ថ្លែងអំណរគុណចំពោះរដ្ឋាភិបាល និងប្រជាជនកូរ៉េ ដែលបានជួយកសាងនូវហេដ្ឋារចនាសម្ព័ន្ធនៅកម្ពុជា ជាពិសេសការបើកការដ្ឋានសាងសង់ និងលើក​កម្រិតគុណភាពផ្លូវជាតិលេខ៤៨នាពេលនេះ ។សម្តេចតេជោ ហ៊ុន សែន បានមានប្រសាសន៍ថា ៖ «ឯកឧត្តមឯកអគ្គរដ្ឋទូត (កូរ៉េខាងត្បូង) បានលើកឡើងអំពីសំណើររបស់ខ្ញុំ និងការសម្រេចចិត្តរបស់កូរ៉េ ដែលនឹងកសាងស្ពានមិត្តភាពកម្ពុជា-កូរ៉េមួយនៅទីក្រុងភ្នំពេញតែម្តង ។ សូមអបអរសាទរទាំងអស់គ្នាថាយើងនឹងបានស្ពានហ្នឹង (ស្ពានអរិយក្សត្រ)...។...នេះមានស្ពានមិត្តភាពកម្ពុជា-កូរ៉េមួយដែលតភ្ជាប់រវាងភ្នំពេញជាមួយនឹងអរិយក្សត្រ...» ។សម្តេចតេជោ ហ៊ុន សែន បានមានប្រសាសន៍បញ្ជាក់យ៉ាងដូច្នេះថា ៖ «ខ្ញុំសង្ឃឹមថា មិត្តកូរ៉េនឹងបន្ត ហើយអ្វីដែលជាក្តីសង្ឃឹមរបស់យើង គឺយើងនឹងមានស្ពានឆ្លងទន្លេមេគង្គពីភ្នំពេញទៅកាន់ស្វាយជ្រុំ ខាងល្វាឯម ដែលអាចចាត់ទុកថា ជានិមិត្តរូបនៃសាមគ្គីភាពរវាងកម្ពុជា និងកូរ៉េថែមទៀត ហើយយើងក៏សង្ឃឹមថាពលករកម្ពុជាក៏នឹងបន្តកើនឡើងទៅធ្វើការនៅប្រទេសកូរ៉េជាមួយនឹងទំហំពាណិជ្ជកម្មកាន់តែមានការរីកចម្រើន...» ។សម្តេចតេជោនាយករដ្ឋមន្ត្រីបានថ្លែងអំណរគុណទៅកាន់រដ្ឋាភិបាលកូរ៉េខាងត្បូងដែលបានសម្រេចជួយសាងសង់ស្ពានមួយខ្សែឆ្លងកាត់ទន្លេដោយតភ្ជាប់ពីភ្នំពេញទៅកាន់អរិយក្សត្រនាពេលខាងមុខនេះ ។ ហើយតាមរយៈការទទួលបានស្ពាននេះ (ស្ពានអរិយក្សត្រ) នឹងធ្វើការតភ្ជាប់រវាងទីក្រុងភ្នំពេញទៅកាន់តំបន់អរិយក្សត្រកាន់តែខិតជិតគ្នា ហើយតំបន់អរិយក្សត្រនឹងក្លាយជាទីក្រុងរណបផងដែរនាពេលខាងមុខ ។គួររម្លឹកផងដែរថា កាលពីដើមឆ្នាំ២០២០កន្លងទៅ សម្តេចតេជោ ហ៊ុន សែន នាយករដ្ឋមន្ត្រី នៃប្រទេសកម្ពុជា ក្នុងអំឡុងដំណើរទស្សនកិច្ចទៅកាន់ប្រទេសកូរ៉េខាងត្បូងបានស្នើទៅកាន់ប្រធានាធិបតីកូរ៉េខាងត្បូងឯកឧត្តម មូន ជេអ៊ីន (Moon Jae-in) ជួយផ្តល់ជំនួយសាងសង់ស្ពានមិត្តភាពកម្ពុជា-កូរ៉េ ដើម្បីជានិម្មិតរូបនៃចំណងមិត្តភាពរវាងប្រទេសទាំងពីរ ខណៈបច្ចុប្បន្នមានតែស្ពានមិត្តភាពកម្ពុជា-ចិន និងស្ពានមិត្តភាពកម្ពុជា-ជប៉ុន ដោយពុំទាន់មានស្ពានមិត្តភាពកម្ពុជា-កូរ៉េនោះទេ ។ ហើយពេលនេះភាគីកូរ៉េខាងត្បូងបានសម្រេចយល់ព្រមសាងសង់ស្ពានមិត្តភាពកម្ពុជា-កូរ៉េតាមសំណើររបស់សម្តេចតេជោ ហ៊ុន សែន នាយករដ្ឋមន្ត្រី នៃប្រទេសកម្ពុជាហើយ ៕កំពុងស្វែងរកដី ផ្ទះ ឬខុនដូ តែមិនដឹងធ្វើបែបណាមែនទេ? ពួកយើងអាចជួយបាន !

កាលពីឆ្នាំ២០២១កន្លងទៅនេះ ប្រទេសកម្ពុជាបានជួបនូវវិបត្តិជំងឺរាតត្បាតកូវីដ-១៩ដែលបង្កផលប៉ះពាល់ជាសកល ដែលធ្វើឱ្យមានការរាំងស្ទះលើគ្រប់វិស័យមិនថា តែវិស័យអចលនទ្រព្យ និងការសាងសង់នោះទេ សុទ្ធសឹងតែត្រូវកាត់បន្ថយសកម្មភាពអភិវឌ្ឍន៍របស់ខ្លួនទាំងអស់ ។ប៉ុន្តែសម្រាប់ការបើកស្វាគមន៍នូវទំព័រថ្មីនៃឆ្នាំ២០២២នេះ រាជរដ្ឋាភិបាលកម្ពុជាបានផ្តល់ជូនកាដូរថ្មីសម្រាប់បងប្អូនប្រជាពលរដ្ឋ២ខេត្ត (ព្រះសីហនុ-កោះកុង) ដោយបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ ដែលតភ្ជាប់រវាងខេត្តព្រះសីហនុទៅកាន់ខេត្តកោះកុង ។នៅព្រឹកថ្ងៃចន្ទ ទី០៣ ខែមករា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ តភ្ជាប់ខេត្តព្រះសីហនុទៅកាន់ខេត្តកោះកុង ដែលមានប្រវែង១៤៨គីឡូម៉ែត្រ ។ផ្លូវជាតិលេខ៤៨នេះចាប់ផ្តើមសាងសង់ពីចំណុចប្រសព្វជាមួយផ្លូវជាតិលេខ៤ ត្រង់គីឡូម៉ែត្រលេខ ១៤១+៧៥០ ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិល រហូតដល់ក្រុងខេមរភូមិន្ទ ខេត្តកោះកុង ។ គម្រោងផ្លូវនេះរួមមាន ៖ ផ្លូវ២គន្លងមានប្រវែង១២២.៩គីឡូម៉ែត្រដែលទទឹងផ្លូវ១១ម៉ែត្រ និងផ្លូវ៤គន្លងមានប្រវែង២៥.១គីឡូម៉ែត្រដែលមានទទឹងចាប់ពី១៨.៥ម៉ែត្រដល់២១.៥ម៉ែត្រ ។គួរបញ្ជាក់ផងដែរថា គម្រោងនេះប្រើប្រាស់រយៈពេលសាងសង់ចំនួន៣២ខែ ហើយគ្រោងនឹងបញ្ចប់នៅអំឡុងខែមិថុនា ឆ្នាំ២០២៤ សាងសង់ដោយសម្ព័ន្ធក្រុមហ៊ុនកូរ៉េ ILSUNG & HANIL Joint Venture និងត្រួតពិនិត្យបច្ចេកទេសដោយសម្ព័ន្ធក្រុមហ៊ុនទីប្រឹក្សាបច្ចេកទេស KCI & KECC Joint Venture ប្រើប្រាស់ថវិកាសរុបប្រមាណ ៦៥.១៤លានដុល្លារអាមេរិក ក្រោមឥណទានសម្បទានពីរដ្ឋាភិបាលសាធារណរដ្ឋកូរ៉េ រួមជាមួយនឹងថវិកាបដិភាគរបស់រាជរដ្ឋាភិបាលសម្រាប់ការងារដោះស្រាយផលប៉ះពាល់ និងយុទ្ធភ័ណ្ឌមិនទាន់ផ្ទុះផងដែរ ៕កំពុងស្វែងផ្ទះក្នុងក្តីស្រមៃរបស់លោកអ្នកមែនទេ? ពួកយើងអាចជួយបាន !

ខេត្តកំពង់ស្ពឺជាខេត្តស្ថិតនៅតំបន់ខ្ពង់រាប ហើយនៅចំកណ្ដាលរវាងតំបន់ប៉ូលសេដ្ឋកិច្ចកម្ពុជាគឺរវាងទីក្រុងភ្នំពេញ និងខេត្តព្រះសីហនុ ដែលមានផ្លូវជាតិលេខ៣ និងលេខ៤ ។ ​អ្វីដែលពិសេសនោះគឺខេត្តកំពង់ស្ពឺកំពុងតែមានសក្កានុពលយ៉ាងខ្លាំងក្នុងការស្រូបយកគម្រោងជាច្រើនមកវិនិយោគ និងធ្វើឲ្យវិស័យអចលនទ្រព្យកាន់តែរីកចម្រើនបន្ថែមទៀត ។បច្ចុប្បន្នខេត្តកំពង់ស្ពឺកំពុងតែមានសក្តានុពលខ្លាំងចំពោះវិស័យអចលនទ្រព្យ ជាពិសេសបើតាមការសង្កេតជាក់ស្តែងគឺតាមបណ្តោយផ្លូវជាតិលេខ៤១ និង៥១កំពុងតែលេចធ្លោទាក់ទាញការវិនិយោគគម្រោងធំៗកាន់តែច្រើនឡើងៗដែលអាចធ្វើឱ្យដីធ្លីនៅផ្លូវទាំង២នេះចាប់ផ្តើមត្រូវប៉ាន់ជាបណ្តើរៗ ។ផ្លូវជាតិលេខ៤១ដែលពីមុនធ្លាប់តែជាវាលស្រែដ៏ធំល្វឹងល្វើយដាច់កន្ទុយភ្នែកពេលនេះបានប្រែរូបរាងជាដីរាបស្មើជាមួយនឹងគម្រោងអភិវឌ្ឍជាច្រើនគម្រោងដែលធ្វើឱ្យតម្លៃដីធ្លីតាមបណ្តោយផ្លូវមួយនេះកាន់តែកើនឡើងជាបន្តបន្ទាប់ ដោយដីធ្លីចេញពីផ្លូវជាតិលេខ៤ ប្រមាណ៥ទៅ១០មានតម្លៃចាប់ពី១០០ ទៅ២០០ ដុល្លារក្នុងមួយម៉ែត្រការ៉េ ហើយចេញកាន់តែឆ្ងាយមានតម្លៃចាប់ពី៨០ ទៅ១៥០ ដុល្លារក្នុងរមួយម៉ែត្រការ៉េទៅតាមប្រភេទដី ។ចំណែកឯផ្លូវជាតិលេខ៥១វិញមានគម្រោងអភិវឌ្ឍន៍ និងប្រជាជនរស់នៅច្រើនជាងបណ្តោយផ្លូវជាតិលេខ៤១ និងថែមទាំងអាចជួលសម្រួលដល់ការដឹកជញ្ជូនធ្វើឱ្យបណ្តោយផ្លូវជាតិលេខ៥១កាន់តែមានសកម្មភាពសេដ្ឋកិច្ចជារៀងរាល់ថ្ងៃ ។ ផ្លូវជាតិលេខ៥១មានសក្តានុពលសេដ្ឋកិច្ចដោយសារតំបន់នេះសំបូរទៅដោយរោងចក្រឧស្សាហកម្ម សិប្បកម្ម គម្រោងលំនៅដ្ឋាន និងការអភិវឌ្ឍន៍ដីឡូត៍ជាច្រើនកន្លែង ។មានរោងចក្រជាង៥០កន្លែងកំពុងដំណើរការ និងមានផ្សារ សាលារៀន និងស្ថាប័នហិរញ្ញវត្ថុ ធនាគារ គ្រឹះស្ថានមីក្រូហិរញ្ញវត្ថុ និងកន្លែងសេវាកម្មផ្សេងៗទៀតដែលធ្វើឱ្យតម្លៃដីធ្លីតាមបណ្តោយផ្លូវជាតិលេខ៥១ចាប់ផ្តើមឡើងស្រឺតៗជាបន្តបន្ទាប់ដោយដីឡូត៍មានទំហំ ៥ម x ២០ម មានតម្លៃចាប់ពី ២០,០០០ដុល្លារ រហូតដល់ជិត ៤០,០០០ដុល្លារ ។ សម្រាប់ដីមិនទាន់មានការអភិវឌ្ឍន៍មានក្បាលពី ២០ ទៅ ៣០ ម៉ែត្រមានតម្លៃពី៦០ ដុល្លារ ទៅ ១០០ ដុល្លារ/ម៉ែត្រការ៉េ បើធៀបនឹងមួយឆ្នាំមុនមានតម្លៃពីត្រឹមតែ៣០ដុល្លារទៅ៥០ដុល្លារក្នុង១ម៉ែត្រការ៉េប៉ុណ្ណោះ ៕កំពុងស្វែងរកទិញ លក់ ឬជួលអចលនទ្រព្យមែនទេ? ពួកយើងអាចជួយបាន !

ក្រោយបុរីជាច្រើនមានបញ្ហាទាក់ទងទៅនឹងការគ្មានសេវាទូរសព្ទសម្រាប់ប្រើប្រាស់ និងត្រូវបង្ខំឱ្យប្រើប្រាស់​សេវាអុី​ន​ធើណេត​ផ្តាច់មុខរបស់ក្រុមហ៊ុនមួយដែលធ្វើឱ្យពិបាកក្នុងការប្រើប្រាស់ និងមិនមានតម្លាភាព ។ ពេលនេះ​ក្រសួង​ប្រៃសណីយ៍ និងទូរគមនាគមន៍បានចេញសេចក្តីព្រមានដោយទុករយៈពេល៣ខែចុងក្រោយ ដើម្បីឱ្យ​ប្រតិបត្តិករ​សេវាអុីនធើណេត និងសេវាទូរសព្ទ ពិនិត្យ និងកែលម្អគុណភាពសេវាអុីនធេីណេត និងសេវាទូរសព្ទ​នៅក្នុងបុរី​នានា​ទាំងអស់ បើផុតកំណត់នេះក្រសួងនឹងចាត់វិធានការតាមផ្លូវច្បាប់ ។ក្រសួងប្រៃសណីយ៍ និងទូរគមនាគមន៍កម្ពុជា ធ្លាប់បានចេញសេចក្តីណែនាំស្តីពី «វិធានការបង្កើនប្រសិទ្ធភាព និង​ពង្រឹង​គុណភាពសេវាទូរគមន៍» ក្នុងគោលបំណងលើកកម្ពស់ផលប្រយោជន៍សាធារណៈ និងការធ្វើអាជីវកម្ម​ប្រកប​ដោ​​យសុចរិតភាព និងការទទួលខុស​ត្រូវចំពោះសង្គម​តាមរយៈការបង្កើនប្រសិទ្ធភាពនៃការ​ផ្តល់សេវា​ទូរគមនាគមន៍ និង​ពង្រឹងគុណភាពសេវាទូរសព្ទចល័តក៏ដូចជាសេវាអុីនធើណេត ។រូបតំណាងកាលពីខែវិច្ឆិកាកន្លងទៅនេះ ទីស្តីការគណៈរដ្ឋមន្ត្រី ក៏ធ្លាប់បានដាក់ចេញវិធានការថ្មី៦ចំណុច​ ដើម្បីពង្រឹងគុណ​ភាព​សេវាទូរសព្ទ និងអុីនធើ​ណេត​នៅ​តាមបុរី និងអគារសហកម្មសិទ្ធិនានា ពិសេសហាមដាច់ខាត​មិនឱ្យមានការផ្ដល់​សេវា​ផ្ដាច់​មុខឡើយ ។យោងតាមលិខិតរបស់ទីស្តីការគណៈរដ្ឋមន្ត្រី លេខ៦១៨ សជណ ចុះថ្ងៃទី៥ ខែវិច្ឆិកា ឆ្នាំ២០២១ ជម្រាមជូនឯកឧត្តមរដ្ឋមន្ត្រីក្រសួងប្រៃសណីយ៍ និងទូរគមនាគមន៍ នូវវិធានការទាំង៦ចំណុចរួមមាន ៖១- ម្ចាស់បុរី និងប្រតិបត្តិករផ្តល់សេវាទូរសព្ទចល័ត និងអុីនធើណេត ត្រូវសហការគ្នាជាមួយក្រសួង ដើម្បីពិនិត្យ​លើ​ការងារបច្ចេកទេសក្នុងការស្ថាបនាហេដ្ឋារចនាសម្ព័ន្ធខ្សែកាបអុបទិក និងបង្គោលអង់តែន បង្គោលអង់តែនរួម ឬបង្គោលភ្លើងដែលអាចបំពាក់ឧបករណ៍ផ្តល់សេវាទូរសព្ទចល័ត។២- ត្រូវបញ្ចប់រាល់កិច្ចសន្យាផ្ដល់សិទ្ធិផ្តាច់មុខក្នុងការផ្គត់ផ្គង់សេវាអុីនធើណេតនៅតាមបុរី ដែលផ្ទុយនឹងមាត្រា៦២ នៃច្បាប់ស្តីពីទូរគមនាគមន៍។៣- បញ្ចប់ការហាមឃាត់ការសាងសង់បង្គោលអង់តែន ឬបង្គោលភ្លើងដែលបំពាក់ឧបករណ៍ផ្តល់សេវា ទូរសព្ទ​ចល័តនៅតាមបុរី ដែលផ្ទុយនឹងមាត្រា១៤ និងមាត្រា១៥ នៃច្បាប់ស្តីពីទូរគមនាគមន៍។៤- អនុញ្ញាតឱ្យមានប្រតិបត្តិករផ្ដល់សេវាអុីនធើណេតយ៉ាងតិច ៣ ផ្តល់សេវាក្នុងបុរី ដើម្បីប្រកួតប្រជែង ដោយស្មើភាព និងមានតម្លៃសមរម្យ។៥ -ម្ចាស់អគារសហកម្មសិទ្ធិ និងប្រតិបត្តិការផ្តល់សេវាទូរសព្ទចល័តនិងអុីនធើណេត ត្រូវសហការជាមួយក្រសួង ដើម្បីពិនិត្យលទ្ធភាពកែលម្អ និងពង្រឹងគុណភាពសេវាទូរសព្ទចល័ត និងអុីនធើណេតនៅក្នុងអគារ។៦- ព្រមាននិងចាត់វិធានការចំពោះបុគ្គលដែលនាំចូលផ្គត់ផ្គង់ ចែកចាយលក់ និងដំឡើងឧបករណ៍ស្រូប និងបញ្ជូនសេវាទូរគមនាគមន៍ខុសច្បាប់ ខុសស្ដង់ដា និងក្លែងក្លាយ ។ឯកឧត្តម ជា វ៉ាន់ដេតរដ្ឋមន្ត្រីក្រសួងប្រៃសណីយ៍ និងទូរគមនាគមន៍ ឯកឧត្តម ជា វ៉ាន់ដេត កាលពីថ្ងៃទី២៥ ធ្នូ កន្លងទៅបានលើក​ឡើង​ ក្នុងកិច្ចសំណេះសំណាលជាមួយប្រតិបត្តិករផ្តល់សេវាទូរសព្ទចល័តអុីនធេីណេតថា បញ្ហាគុណភាពសេវាអិនធើណេត និងទូរសព្ទចល័ត អាចប៉ះពាល់ដល់ការធ្វើការ ការប្រកបអាជីវកម្ម ក៏ដូចជាការ​សិក្សា​ក្នុងអំឡុងពេលកូវីដ-១៩ ។ បញ្ហាមានជាច្រើនឆ្នាំមកហើយ ជាពិសេសនៅពេលមានកំណើនលំនៅឋាន និងប្រជាពលរដ្ឋ ។ឯកឧត្តមបានបន្តថា ៖ «ក្រសួងបាន និងកំពុងដោះស្រាយជាបន្ដបន្ទាប់ ។ កន្លងមក ក្រសួងបានបំពាក់​ឧបករណ៍​វាស់ស្ទង់​គុ​ណ​ភាពសេវា និងបានបង្កើតក្រុមការងារដោះស្រាយបញ្ហាផ្ទាល់នៅតាមបុរី និងសហការជាមួយម្ចាស់បុរី ព្រមទាំងប្រតិបត្តិករទូរគមនាគមន៍ជាដើម» ។រូបតំណាងសូមបញ្ជាក់ផងដែរថា នេះជាការទុកឱសានវាទរយៈពេល៣ខែសម្រាប់ម្ចាស់បុរី និងអគារសហកម្មសិទ្ធនានា​ដើម្បីឱ្យ​ប្រតិបត្តិករ​សេវាអុីនធើណេត និងសេវាទូរសព្ទ ពិនិត្យ និងកែលម្អគុណភាពសេវាអុីនធេីណេត និងសេវា​ទូរសព្ទ​​នៅក្នុងបុរី​នានា​ទាំងអស់ដោយចៀសវាងប្រើប្រាស់សេវាទូរសព្ទ ឬអុីនធើណេតផ្តាច់មុខ បើផុតកំណត់នេះ​ក្រសួងនឹងចាត់វិធានការតាមផ្លូវច្បាប់ ៕កំពុងស្វែងរកទិញ លក់ ឬជួលអចលនទ្រព្យមែនទេ? ពួកយើងអាចជួយបាន !

ពានរង្វាន់អចលនទ្រព្យកម្ពុជាត្រូវបានចាត់ទុកថា ជាពានរង្វាន់ថ្នាក់ជាតិ​ដ៏សំខាន់​សម្រាប់​ឧត្តម​ភាព​ក្នុង​វិស័យ​អចលនទ្រព្យកម្ពុជា ។ ក្រសួងសេដ្ឋកិច្ច និងហិរញ្ញវត្ថុ, សមាគមអ្នកវាយតម្លៃ និងភ្នាក់ងារ​អចលន​វត្ថុ​កម្ពុជា រួមជាមួយនឹងក្រុមហ៊ុនគេហទំព័រអចលនទ្រព្យ Realestate.com.kh មានមោទកភាព​ក្នុងការ​ធ្វើជា​ម្ចាស់ផ្ទះក្នុងពិធីប្រគល់ពានរង្វាន់ឆ្នាំ២០២១-២២ ដែលនឹងប្រព្រឹត្តទៅនៅខែមីនា ឆ្នាំ២០២២ ខាងមុខនេះ ។លោក Tom O'Sullivan នាយកប្រតិបត្តិ នៃក្រុមហ៊ុនអចលនទ្រព្យ Realestate.com.kh បាននិយាយអំពីការ​រីក​ចម្រើន​ដែលកើតឡើងនៅក្នុងវិស័យអចលនទ្រព្យរបស់ប្រទេសកម្ពុជា ដោយលើកឡើងថា «រួមជាមួយនឹងការកើន​ឡើង​នៃវណ្ណៈកណ្តាលនៅកម្ពុជា និងផលប៉ះពាល់នៃ Covid-19 យើងបានឃើញ​ការផ្លាស់​ប្តូរគួរ​ឱ្យកត់សម្គាល់​នៅ​ក្នុង​វិស័យអចលនទ្រព្យ ។ យើង​ក៏​បាន​ឃើញ​អ្នក​អភិវឌ្ឍន៍​ខុន​ដូ​​មួយ​ចំនួន​ចូល​ទីផ្សារ​អចលនទ្រព្យ (បុរី)» ។Cambodia Real Estate Awards (CREA) ឬពានរង្វាន់អចលនទ្រព្យកម្ពុជាមានគោលបំណងលើកតម្កើង និង​ទទួលស្គាល់ភ្នាក់ងារអចលនវត្ថុ និងអ្នកអភិវឌ្ឍន៍អចលនទ្រព្យដែលមានសមត្ថភាពខ្ពស់រួមមាន​ អចលន​ទ្រព្យដីធ្លី, ការអភិវឌ្ឍន៍ខុនដូ, អចលនទ្រព្យពាណិជ្ជកម្មពីគ្រប់វិស័យ និងជាលើកដំបូងដែលមិនធ្លាប់​មានប្រភេទ​សម្រាប់​អ្នក​អភិវឌ្ឍន៍​អចលនទ្រព្យ ។ចៅក្រមដែលជាអ្នកជំនាញ និងជាអ្នកដឹកនាំក្នុងវិស័យអចលនទ្រព្យ​នឹងទទួលខុសត្រូវក្នុងការកំណត់អត្តសញ្ញាណ និងវាយតម្លៃអ្នកឈ្នះចុងក្រោយទាំងបីនៅគ្រប់ប្រភេទពានរង្វាន់ទាំងអស់ ហើយពួកគេ​នឹងជ្រើសរើស​អ្នកឈ្នះ​សរុប​ដោយផ្អែកលើកំណើនអាជីវកម្ម និងការអភិវឌ្ឍន៍អចលនទ្រព្យ ។វាមានគោលបំណងទទួលស្គាល់សមិទ្ធិផលនៃឧស្សាហកម្មនេះដោយវត្ថុបំណង និងដោយគ្មានភាពលំអៀង ដែល​ផ្តល់​ឱកាសដល់ក្រុមហ៊ុន និងបុគ្គលទាំងអស់ដើម្បីចូលរួមដោយមិនគិតពីទំហំ ឬទ្រព្យសម្បត្តិនៃប្រតិបត្តិការ​របស់​ពួកគេ ។ពានរង្វាន់នេះនឹងត្រូវបានផ្តល់ជូនដល់បេក្ខជនបីរូបដោយផ្អែកលើអត្រាខ្ពស់បំផុតនៃកំណើនអាជីវកម្ម ។ អ្នកឈ្នះជារួមនឹងត្រូវបានកំណត់ដោយអ្នកជំនាញក្នុងប្រភេទដែលនឹងជ្រើសរើសអ្នកឈ្នះសរុបដោយផ្អែកលើកំណើនអាជីវកម្ម រួមជាមួយនឹងការអភិវឌ្ឍន៍ និងភាពជោគជ័យដ៏សំខាន់របស់ពួកគេ ។អ្នកឈ្នះរង្វាន់ធំទទួលបានពានរង្វាន់ដែលបានរចនាយ៉ាងស្រស់ស្អាត ដែលមានការរចនាដ៏អស្ចារ្យ​ដែល​បំផុស​គំនិត​ដោយស្ថាបត្យកម្មវប្បធម៌កម្ពុជា ។ រួមជាមួយនឹងឱកាសក្នុងការប្រើប្រាស់ត្រា CREA ដ៏មានកិត្យានុភាពសម្រាប់ការ​បណ្តាក់​ទុ​ននា​ពេលអនាគតរបស់ពួកគេក្នុងទីផ្សារបន្ទាប់ពីព្រឹត្តិការណ៍នោះ វិញ្ញាបនបត្រដែលបញ្ជាក់ពី​សមិទ្ធិផល​របស់ពួកគេនឹងត្រូវបានប្រគល់ជូនអ្នកឈ្នះផងដែរ ។ ការឈ្នះពានរបស់លោក​អ្នកនឹងជួយក្នុងការទទួលបាន​ទំនុកចិត្ត​ពីអតិថិជនគោលដៅនាពេលអនាគត ។ប្រសិនបើលោកអ្នកមានចំណាប់អារម្មណ៍ចង់ចូលរួមទទួលពានរង្វាន់ ឬក្លាយជាអ្នកឧបត្ថម្ភនៃពានរង្វាន់ សូមធ្វើចូលតាមតំណភ្ជាប់ទៅកាន់គេហទំព័រផ្លូវការ (តំណភ្ជាប់) ហើយបំពេញទម្រង់បែបបទចូលតាមអនឡាញនៅថ្ងៃនេះ ឬស្វែងរកព័ត៌មានទំនាក់ទំនងសហការីរបស់យើងខាងក្រោម ។ ការ​ចូលរួម​កម្មវិធី​ពានរង្វាន់​អចលនទ្រព្យ​កម្ពុជា​បាន​បើក​ជា​ផ្លូវការ​ហើយ​ !Developers & Development Awards Entry Contacts:English & Khmer: Name: Khiem Darina Stefania (Steff) Position: CREA Developers & DevelopmentEntry Facilitator & REAKH Relationship Manager Email: stefania.khiem@realestate.com.kh Phone: +855 (0) 10 699 333Chinese: Name: Taing Muyngy (Muyngy) Position: CREA Developers & Development Entry Facilitator & REAKH Relationship Manager Email: muyngy.taing@realestate.com.khPhone: +855 (0) 10723379Agency Awards Entry Contacts: English & Khmer: Name: Tin Mashington (Ton) Position: CREA Agent Entry Facilitator & REAKH Relationship Manager Email: ton.mashington@realestate.com.khPhone: +855 (0) 81 305 205Chinese: Name: Taing Muyngy (Muyngy) Position: CREA Agent Entry Facilitator & REAKH Relationship Manager Email: muyngy.taing@realestate.com.khPhone: +855 (0) 10723379Cambodia Real Estate Awards - Sponsorship Contacts:Name: Jeff Steeves Position: Business Development ManagerEmail: jeff.steeves@realestate.com.kh Phone: +855 (0) 85 250 962