រាជធានី​ភ្នំពេញ ៖ តាម​ការ​លើក​ឡើង​របស់​ឯកឧត្តម​ទេស​រដ្ឋមន្ត្រី ស៊ុន ចាន់​ថុ​ល រដ្ឋមន្ត្រីក្រសួង​សាធារណការ និង​ដឹក​ជញ្ជូន ក្នុង​ឱកាស​ដំណើរ​ទស្សនកិច្ច​កំពង់​ផែ​ស្វយ័ត​ក្រុងព្រះសីហនុ កាលពី​ថ្ងៃ​ទី​២៧ មេ​សា កន្លង​ទៅ​ថ្មី​ៗ​នេះ​បាន​ថ្លែង​ឱ្យ​ដឹង​ថា ផ្លូវដែក​ចាប់ពី​ភ្នំពេញ​-​ប៉ោយ​ប៉ែ​ត នៃ​ខេត្តបន្ទាយមានជ័យ និង​ភ្នំពេញ​-​ក្រុងព្រះសីហនុ ត្រូវ​បាន​ក្រសួង​សាធារណការ និង​ដឹក​ជញ្ជូន កំពុង​សិក្សា​កែ​លម្អ​ផ្លូវដែក​នេះ​ឱ្យទៅ​ជា​ផ្លូវដែក​ដែល​មាន​ល្បឿន​លឿន​វិញ ។ថ្លែង​ទៅ​កាន់​ក្រុម​អ្នក​សារព័ត៌មាន​ក្នុង​ឱកាស​ដំណើរ​ទស្សនកិច្ច​នោះ ឯកឧត្តម​ទេស​រដ្ឋមន្ត្រី ស៊ុន ចាន់​ថុ​ល បានឱ្យ​ដឹងផង​ដែរ​ថា កម្ពុជា​កំពុង​សិក្សា​ពី​លទ្ធភាព​នៃ​ការ​ធ្វើ​ទំនើប​កម្ម​លើ​ផ្លូវដែក​ដែល​មាន​ស្រាប់​នៅ​កម្ពុជា​ឱ្យទៅ​ជា​ផ្លូវដែក​ល្បឿន​លឿន​សម្រាប់​គាំទ្រ​ដល់​វិស័យ​ដឹក​ជញ្ជូន (Logistics) ។ឯកឧត្តម​បាន​បញ្ជាក់​យ៉ាង​ដូច្នេះ​ថា ៖«​បច្ចុប្បន្ន​យើង​កំពុង​សិក្សា​កែ​ផ្លូវដែក​យើង​ឱ្យទៅ​ជា​ផ្លូវដែក​ល្បឿន​លឿន ដោយ​ពី​ភ្នំពេញ​-​ប៉ោយ​ប៉ែ​ត និង​ពី​ភ្នំពេញ​-​ក្រុងព្រះសីហនុ ហើយ​ផ្លូវដែក​នឹង​ចូល​ដល់​កំពង់​ផែ​ព្រះ​សីហ​នុ​តែ​ម្តង​» ។ ការ​ពិនិត្យ​លទ្ធភាព​ធ្វើ​ទំនើប​កម្ម​ផ្លូវដែក​ដែល​មាន​ស្រាប់​នៅ​កម្ពុជា​ឱ្យទៅ​ជា​ផ្លូវដែក​ល្បឿន​លឿន​នេះ ស្រប​ពេល​កម្ពុជា​-​ថៃ​កំពុង​សិក្សា​លើ​គម្រោង​សាងសង់​រចនាសម្ព័ន្ធ​ឆ្លងកាត់​ព្រំដែន និង​ស្ពាន​មិត្តភាព​កម្ពុជា​-​ថៃ ស្ទឹង​បត់​-​បាន​ណ​ង​អៀន ដើម្បី​ជួយ​សម្រួល​ដល់​ការ​កកស្ទះ​នៅ​តាម​ច្រក​ទ្វារ​ព្រំដែន​ប៉ោយ​ប៉ែ​ត​-​អារញ្ញ​ប្រា​ថេ​ត ។ការ​សិក្សា​ធ្វើ​ទំនើប​កម្ម​កែ​លម្អ​ផ្លូវដែក​ដែល​មាន​ស្រាប់​នៅ​កម្ពុជា​នេះ​គឺ​ធ្វើ​ឡើង​បន្ទាប់​ពី​សម្តេច​តេ​ជោ ហ៊ុន សែន បាន​បញ្ជា​ឱ្យ​ឯកឧត្តម ស៊ុន ចាន់​ថុ​ល ស្វែងរក​ដៃគូ​សហការ​មក​អភិវឌ្ឍន៍​ផ្លូវ​រថភ្លើង​ចាស់​ឱ្យទៅ​ជា​ផ្លូវ​រថភ្លើង​ល្បឿន​លឿន​ដើម្បី​បម្រើ​ការ​ដឹក​ជញ្ជូន​ក្នុង​ប្រទេស​ផង​ក៏​ដូច​ជាត​ភ្ជាប់​ជាមួយ​ប្រទេស​ជិតខាង​ផង ។ហើយ​ក្នុង​នោះ​ផង​ដែរ ភាគី​ខាង​ប្រទេស​ថៃ​តាម​រយៈ​គម្រោង​ទាំង​ពីរ​នេះ​ក៏​បាន​សន្យា​ផ្តល់​ជំនួយ​ដែក​រ៉ៃ​ដែល​ប្រើប្រាស់​រួច​ប្រវែង​១៤០​គីឡូម៉ែត្រ រួម​ទាំង​កំណល់ និង​ក្រចាប់​ដែល​ជា​ប្រយោជន៍​សម្រាប់​ក្នុង​ការ​ប្រើប្រាស់​នៅ​ក្នុង​វិស័យ​ផ្លូវដែក​នៅ​ក្នុង​ប្រទេស​កម្ពុជា​ផង​ដែរ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក !

អាកាសយានដ្ឋាន​អន្តរជាតិ​តារា​សាគរ តម្លៃ​៣៥០​លាន​ដុល្លារ ដែល​ស្ថិត​នៅ​ក្នុងស្រុក​បុ​ទុម​សាគរ ខេត្តកោះកុង គ្រោង​នឹង​បើក​ការ​សាកល្បង​ហោះហើរ​ក្នុង​ខែកក្កដា​ខាង​មុខ ។ នេះ​បើ​យោង​តាម​ការ​ឱ្យ​ដឹង​របស់​រដ្ឋលេខាធិការដ្ឋាន​អាកាស​ចរ​ស៊ី​វិល ។ការ​សាកល្បង​នេះ​នឹង​នាំ​ឱ្យ​មាន​សេវា​ហោះហើរ​ពាណិជ្ជកម្ម​ចាប់ផ្តើម ក៏​ដូច​ជា​រួមចំណែក​ដល់​ការ​ធ្វើ​ដំណើរ​របស់​អ្នកដំណើរ​តាម​ផ្លូវអាកាស​ទៅ​កាន់​ខេត្ត ។ ហើយ​ចំពោះ​សុពលភាព​នៃ​ការ​ហោះហើរ ឬ​ការ​ធ្វើតេស្ត​ហោះហើរ​ត្រូវ​បាន​ធ្វើ​ឡើង​ចាប់តាំងពី​ថ្ងៃ​ទី​១៩ ខែមេសា ហើយនឹង​បញ្ចប់​នៅ​ស​ប្តា​ហ៍​ក្រោយ ។អនុរដ្ឋលេខាធិការ និង​ជា​អ្នកនាំពាក្យ​របស់​រដ្ឋលេខាធិការដ្ឋាន​អាកាស​ចរ​ស៊ី​វិល (SSCA) លោក ស៊ិ​ន ចាន់​សិរី​វុ​ត្ថា បាន​មាន​ប្រសាសន៍​ឱ្យ​ដឹង​ថា ​អាកាសយានដ្ឋាន​អន្តរជាតិ​តារា​សាគរ បាន​ចាប់ផ្តើម​ការ​ធ្វើតេស្ត​ហោះហើរ​បច្ចេកទេស​រយៈពេល​ប្រាំពីរ​ថ្ងៃ ពាក់ព័ន្ធ​នឹង​ឧបករណ៍​សំខាន់​ៗ និង បច្ចេកទេស​ហោះហើរ មុន​ពេល​ចាប់ផ្តើម​ការ​សាកល្បង​ហោះហើរ​ក្នុង​ខែកក្កដា ឆ្នាំ​២០២២​ខាង​មុខ​នេះ​ ​។លោក ស៊ិ​ន ចាន់​សិរី​វុ​ត្ថា ក៏​បានឱ្យ​ដឹង​បន្ថែម​ផង​ដែរ​ថា បច្ចុប្បន្ន​អាកាសយានដ្ឋាន​នេះ​កំពុង​តែ​ដំណើរការ​សាកល្បង និង​ធ្វើការ​វាស់​ស្ទង់​ឧបករណ៍​ទាំងអស់​ដូច​ជា ភ្លើង វិទ្យុ មគ្គុទ្ទេសក៍​ចុះ​ចត ប្រព័ន្ធ​ទំនាក់ទំនង ក៏​ដូច​ជា​រថយន្ត​ពន្លត់អគ្គីភ័យ និង​ផ្នែក​ផ្សេង​ទៀត ត្រូវ​តែ​ធ្វើតេស្ត​ដើម្បី​ធានា​សុវត្ថិភាព​ឱ្យ​ត្រឹមត្រូវ​តាម​ស្តង់ដារ​គុណភាព​ស្រប​តាម​តម្រូវការ​សុវត្ថិភាព​ហោះហើរ ។សូម​បញ្ជាក់​ផង​ដែរ​ថា គម្រោង​អាកាសយានដ្ឋាន​អន្តរជាតិ​តារា​សាគរ​ដែល​មាន​ទឹកប្រាក់​៣៥០​លាន​ដុល្លារ​នេះ​គ្របដណ្តប់​លើ​ផ្ទៃដី​៤,៥​ហិ​កតា ដែល​ត្រូវ​បាន​បង្កើត​ឡើង​ដោយ​ក្រុមហ៊ុន​ចិន Tianjin Union Development Group (UDG) ។ អាកាសយានដ្ឋាន​អន្តរជាតិ​មួយ​នេះ​វា​នឹង​អាច​ដាក់​យន្តហោះ​រយៈ​ចម្ងាយ​ឆ្ងាយ រួម​ទាំង​យន្តហោះ Boeing 777 និង Airbus A340 ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក

ព្រះ​សីហ​នុ​៖ គម្រោង​សាងសង់​ផ្លូវ​ល្បឿន​លឿន​ភ្នំពេញ​-​ក្រុងព្រះសីហនុ សម្រេច​វឌ្ឍនភាព​ការងារ​បាន​៩០,៩៥%​ហើយ​គិត​ត្រឹម​ថ្ងៃ​ទី​២២ ខែមេសា ឆ្នាំ​២០២២ ដោយ​ត្រៀម​នឹង​បញ្ចប់​ដាក់​ឱ្យ​ប្រើប្រាស់​សាកល្បង នៅ​ខែកក្កដា ឆ្នាំ​២០២២ ខាង​មុខ និង​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​ក្នុង​ពេលវេលា​សម​ស្រប​ក្រោម​អធិបតីភាព​ដ៏​ខ្ពង់ខ្ពស់​របស់​សម្ដេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា ។ នេះ​បើ​តាម​ប្រសាសន៍​របស់​ឯកឧត្តម​ទេស​រដ្ឋមន្ត្រី ស៊ុន ចាន់​ថុ​ល រដ្ឋមន្ត្រីក្រសួង​សាធារណការ និង​ដឹក​ជញ្ជូន​ក្នុង​ដំណើរ​ទស្សនកិច្ច​សិក្សា​ស្វែង​យល់​ពី​ការងារ​សាងសង់​ផ្លូវ​ល្បឿន​លឿន​ភ្នំពេញ​-​ព្រះ​សីហ​នុ ។ឯកឧត្តម​ទេស​រដ្ឋមន្ត្រី ស៊ុន ចាន់​ថុ​ល បាន​ជម្រាប​ជូន​ថា បន្ថែម​ពីលើ​នេះ​ឯកឧត្តម​ទេស​រដ្ឋមន្ត្រី បាន​សម្ដែង​នូវ​ជំនឿ​យ៉ាង​មុតមាំ​ថា ផ្លូវ​នេះ​នឹង​ចូលរួម​ចំណែក​ក្នុង​ការ​ជំរុញ​ឱ្យ​ប៉ូ​ល​សេដ្ឋកិច្ច​ភ្នំពេញ និង​ប៉ូ​ល​សេដ្ឋកិច្ច​ក្រុងព្រះសីហនុ​មានការ​រីក​ចម្រើន​លឿន​ជាង​ធម្មតា​ដោយសារ​ការ​ធ្វើ​ដំណើរ​ឆាប់រហ័ស កាត់​បន្ថយ​ចំណាយ កាត់​បន្ថយ​ពេលវេលា និង​កាត់​បន្ថយ​គ្រោះថ្នាក់​ចរាចរណ៍​នៅ​លើ​ផ្លូវជាតិ​លេខ​៤ និង​បាន​បន្ថែម​ថា រាជរដ្ឋាភិបាល​កំពុង​សិក្សា​ធ្វើ​ផែនការមេ​ដើម្បី​ឱ្យ​ខេត្ត​ព្រះ​សីហ​នុ​ក្លាយទៅជា​តំបន់​សេដ្ឋកិច្ច​ពិសេស​ពហុ​បំណង ហើយ​ផ្លូវ​ល្បឿន​លឿន​នេះ​នឹង​ចូលរួម​បម្រើ​ផែនការ​មេនេះ​ក្នុង​ការ​ទាក់ទាញ​វិនិយោគិន​ជាតិ និង​អន្តរជាតិ​បន្ថែម​ទៀត ។សូម​ជម្រាប​ជូន​ថា គម្រោង​ផ្លូវ​ល្បឿន​លឿន​ភ្នំពេញ​-​ព្រះ​សីហ​នុ មាន​ប្រវែង ១៨៧,០៥​គីឡូម៉ែត្រ ដែល​បាន​បើក​ការដ្ឋាន​សាងសង់ កាលពី​ថ្ងៃ​ទី​២២ ខែមីនា ឆ្នាំ​២០១៩ គិត​ត្រឹម​ថ្ងៃ​ទី​២៦ ខែមេសា ឆ្នាំ​២០២២​នេះ ដំណើរការ​នៃ​ការដ្ឋាន​សាងសង់​គឺ​ស្ថិត​ក្នុង​ដំណាក់កាល​នៃ​ការ​សាងសង់​បញ្ចប់ ហើយ​និង​គ្រោង​បញ្ចប់​នៅ​ថ្ងៃ​ទី​៣១ ខែឧសភា ឆ្នាំ​២០២៣ និង​គ្រោង​ដាក់​ឱ្យ​ដំណើរការ​សាកល្បង​នៅ​ក្នុង​ខែកក្កដា ឆ្នាំ​២០២២ ខាង​មុខ​។គម្រោង​ផ្លូវ​ល្បឿន​លឿន​ភ្នំពេញ​-​ព្រះ​សីហ​នុ​នេះ​ត​ភ្ជាប់​ពី​ភូមិ​១ សង្កាត់ សំរោង​ក្រោម ខណ្ឌ​ពោធិ៍​សែន​ជ័យ រាជធានី​ភ្នំពេញ ដល់​ភូមិ​១ សង្កាត់​លេខ​៣ ក្រុងព្រះសីហនុ ខេត្ត​ព្រះ​សីហ​នុ ដោយ​ប្រើ​រយៈពេល​សាងសង់​៤៨​ខែ គ្រោង​ចំណាយ​ថវិកា​ប្រមាណ ២០១៩​លាន​ដុល្លារ សហរដ្ឋអាមេរិក មាន​គន្លង​ផ្លូវ​ចំនួន​៤​គន្លង ទទឹង​ផ្លូវ​សរុប ២៤,៥ ម៉ែត្រ មាន​ផ្លូវបំបែក​ទិស​៧​កន្លែង មាន​កន្លែង​ឈប់​សម្រាក​ចំនួន​៣​កន្លែង ចំណតរថយន្ត​១​កន្លែង មណ្ឌល​ប្រតិបត្តិការ និង​ថែទាំ​ចំនួន​៤​កន្លែង ស្ពាន​ធំ និង​ស្ពាន​មធ្យម​ចំនួន​៤០​កន្លែង ស្ពាន​តូច​ចំនួន​៥​កន្លែង ដែល​ឆ្លងកាត់​រាជធានី​ភ្នំពេញ​ប្រមាណ​០៨​គីឡូម៉ែត្រ និង​ខេត្ត​ចំនួន​០៤​បួន​ក្នុង​នោះ ៖ ខេត្តកណ្តាល​ប្រវែង ៩,១ គីឡូម៉ែត្រ​, ខេត្តកំពង់ស្ពឺ​ប្រវែង ៨០,៨ គីឡូម៉ែត្រ​, ខេត្តកោះកុង​ប្រវែង​១,៩២ គីឡូម៉ែត្រ និង​ខេត្ត​ព្រះ​សីហ​នុ​ប្រវែង ៨៩,៨៩​គីឡូម៉ែត្រ ។គម្រោង​សាងសង់​ផ្លូវ​ល្បឿន​លឿន​-​ភ្នំពេញ​ព្រះ​សីហ​នុ គឺជា​គម្រោង​ផ្លូវ​ល្បឿន​លឿនទី​១ និង​ជា​គម្រោង​ផ្លូវ​របៀង​យុទ្ធសាស្ត្រ​សំខាន់​បំផុត​នៅ​កម្ពុជា ជួយ​កាត់​បន្ថយ​ពេលវេលា​ធ្វើ​ដំណើរ​ពី​រាជធានី​ភ្នំពេញ​ទៅ ផែ​សមុទ្រ​ក្រុងព្រះសីហនុ ពី​ចំនួន​ប្រាំ​ម៉ោង​មក​ត្រឹមតែ​ពីរ​ម៉ោង​ប៉ុណ្ណោះ និង​ជួយ​កាត់​បន្ថយ​តម្លៃ​ភស្តុ​ភារ​កម្ម​ផង​ដែរ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក

ខេត្តតាកែវ៖ ឯកឧត្តម​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំ​ក្រុម​ការងារបច្ចេក​ទេស​ក្រសួងចុះពិនិត្យវឌ្ឍនភាពការងារគម្រោងសាងសង់ពង្រីក និងលើកកម្ពស់គុណ​ភាព​ផ្លូវជាតិ​លេខ២ និង២២ ដោយ​មានការចូលរួមពីអាជ្ញាធរដែនដី តំណាងក្រុមហ៊ុនសាងសង់ និងក្រុមហ៊ុនទីប្រឹក្សា​បច្ចេក​ទេស និងភាគីពាក់ព័ន្ធផង​ដែរ ។ការចុះពិនិត្យនេះធ្វើឡើងក្នុងគោលបំណងពិនិត្យមើលគុណភាព និងវឌ្ឍនភាពនៃការសាងសង់ថា តើក្រុមហ៊ុន​សាង​សង់ និងក្រុមហ៊ុនទីប្រឹក្សាបច្ចេកទេសអនុវត្តតាមបទដ្ឋានបច្ចេកទេស និងសៀវភៅបន្ទុក ដែលបានកំណត់ដែរ​ឬយ៉ាង​ណា និងលើសពីនេះទៀត ដើម្បីស្វែងរកដំណោះស្រាយ និងផ្ដល់អនុសាសន៍បន្ថែមដល់ភាគីសាងសង់ ដែលអាចធានាដល់ការសាងសង់ផ្លូវបានរឹងមាំប្រើប្រាស់បានយូរអង្វែង ។ក្រោយពីការធ្វើតេស្តលក្ខណៈបច្ចេកទេស ជាលទ្ធផលក្រុមការងារបច្ចេកទេសរបស់ក្រសួងបានរកឃើញថា ផ្នែកខ្លះ​នៃ​ផ្លូវនេះមិនមានគុណភាពស្របតាមស្តង់ដារបច្ចេកទេស ហើយឯកឧត្តមទេសរដ្ឋមន្ត្រី បានដាក់កំហិតឱ្យក្រុមហ៊ុន​សាងសង់​ពិនិត្យ និងកែតម្រូវឡើងវិញឱ្យបានត្រឹមត្រូវតាមសៀវភៅកិច្ចសន្យា ទើបក្រសួងអាចទទួលយកបាន ។ឯកឧត្តមទេសរដ្ឋមន្ត្រី ស៊ុន ចាន់ថុល បានមានប្រសាសន៍ក្នុងដំណើរដឹកនាំក្រុមការងារបច្ចេកទេសក្រសួងចុះពិនិត្យ​វឌ្ឍនភាពការងារយ៉ាងដូច្នេះថា ៖ «ក្រុមការងារបានចុះវាយគ្រឹះសាកល្បងច្រើនកន្លែងណាស់ កន្លែងខ្លះក៏ជាប់ ប៉ុន្តែ​​ភាគ​ច្រើនធ្លាក់ទាំងអស់ ក្រោមស្តង់ដារក្រសួងសាធារណការ និងដឹកជញ្ជូន ។ ដូច្នេះខ្ញុំបានបញ្ជាឱ្យក្រុមការ​ងារ​ចាប់ផ្តើមវាយឡើងវិញទាំងអស់ចាប់ពីដើមទីរហូតដល់ចុងទីរាប់រយ រាប់ពានកន្លែងដើម្បីធ្វើបទបង្ហាញទៅ​កាន់ក្រុម​ហ៊ុ​នត្រួតពិនិត្យបច្ចេកទេស ក៏ដូចជាក្រុមហ៊ុនសាងសង់ថា យើងខ្ញុំទទួលមិនបាន​នូវគុណភាពសាង​សង់ផ្លូវរបស់​អ្នកដែល​ធ្វើមកឱ្យយើងខ្ញុំ »។ឯកឧត្តម ស៊ុន ចាន់ថុល មានប្រសាសន៍បន្តថា ៖«ក្រុមការងារក្រសួងនឹងចាប់ផ្តើមវាយគ្រឹះឡើងវិញទាំងអស់ដើម្បី​រកនីតិវិធីក្នុងការដោះស្រាយបញ្ហាហ្នឹង ។ បើកន្លែងខ្លះត្រូវកាយចេញវិញគឺត្រូវតែកាយ ដើម្បីធ្វើតាមលក្ខណៈ​បច្ចេកទេស ហើយការធ្វើនេះដើម្បីជាគំរូក្នុងការព្រមានទៅដល់ក្រុមហ៊ុនផ្សេងៗទៀតដែលធ្វើការសាងសង់ផ្លូវ​ឱ្យមាន​គុណភាពទៅតាមអ្វីដែលយើងបានឯកភាពគ្នា ។ កុំធ្វើឱ្យតែពីដៃ ព្រោះយើងខ្ញុំចាយលុយច្រើនណាស់​លើ​ការ​សាងសង់ផ្លូវនេះ ជាង៥០លានដុល្លារអាមេរិកដែលជាកម្ចីពីសាធារណរដ្ឋកូរ៉េដើម្បីសាងសង់ផ្លូវជូនប្រជាពលរដ្ឋ​ខ្មែរប្រើប្រាស់ក្នុងរយៈពេល១០ទៅ១៥ឆ្នាំ» ។ឯកឧត្តមទេសរដ្ឋមន្ត្រីក៏បានបញ្ជាក់ផងដែរថា ៖«ក្រុមហ៊ុន Hasan ដែលដេញថ្លៃបានទទួលបន្ទុក​សាង​សង់​ផ្លូវជាតិ​លេខ២ និងផ្លូវជាតិ​លេខ​២២ ពីមុនក៏ធ្លាប់បានសាងសង់ផ្លូវជាតិលេខ២១ដែរ ហើយមានបញ្ហាម្តងរួចមកហើយ ឥឡូវមានបញ្ហាម្តងទៀត ហើយក្រុមហ៊ុននេះសាងសង់ផ្លូវជាតិលេខ៥ក៏មានការយឺតយ៉ាវទៀត ។ ហើយមូលហេតុដែលក្រុមហ៊ុននេះដេញថ្លៃសាងសង់បានទាំងផ្លូវជាតិលេខ៥, លេខ២១ និងផ្លូវជាតិលេខ២ និង២២ដែលកំពុងសាងសង់នេះ ក៏ព្រោះតែក្រុមហ៊ុន Hasan នេះដេញថ្លៃបានថោកជាងគេ ។ ប៉ុន្តែអ្វីដែលជាការកត់សម្គាល់សម្រាប់ពិភាក្សាគ្នាសម្រាប់គម្រោងផ្សេងៗទៀតថា តើយើងគួរអនុញ្ញាតឱ្យក្រុមហ៊ុន Hasan ចូលដេញថ្លៃ ឬមិនឱ្យចូលដេញថ្លៃ? ត្រូវតែសម្រេច មិនអាចអង្គុយឈឺក្បាលរហូត ហើយមិនអាចអង្គុយបក់ផ្សែងរហូតបានចំពោះក្រុមហ៊ុន Hasan ទេ ។ ត្រូវនិយាយគ្នាឱ្យច្បាស់ ត្រូវសាងសង់ផ្លូវត្រូវស្តង់ដាររបស់ក្រសួងតាមពេលវេលាកំណត់ទៅតាមកុងត្រា » ។ឯកឧត្តម ស៊ុន ចាន់ថុល បានសង្កត់ធ្ងន់បែបនេះថា ៖« យើងត្រូវឯកភាពគ្នាថា តើគួរបន្តឱ្យក្រុមហ៊ុន Hasan ដេញថ្លៃតទៅទៅ ឬត្រូវហាមក្រុមហ៊ុន Hasan ដេញថ្លៃសាងសង់ផ្លូវចំនួន៥ឆ្នាំឧទាហរណ៍ (ដាក់ក្នុងបញ្ជីខ្មៅ៥ឆ្នាំ) » ។ទន្ទឹមនឹងនេះឯកឧត្តមទេសរដ្ឋមន្ត្រី ស៊ុន ចាន់ថុល ក៏បានស្នើឱ្យបងប្អូនប្រជាពលរដ្ឋ ដែលធ្វើដំណើរ​នៅតាមដង​ផ្លូវនេះ មានការអធ្យបាស្រ័យ​ចំពោះ​ការអូស​បន្លាយ ពេលយូរចំពោះការសាងសង់ផ្លូវនេះផងដែរ ។គួរបញ្ជាក់ផងដែរថា គម្រោងផ្លូវនេះមានប្រវែងសរុប ៧២,១៧ គីឡូម៉ែត្រ ដែលក្នុងនោះកំណាត់ផ្លូវជាតិលេខ២ ចាប់ពីរង្វង់មូលតាខ្មៅ​ដល់អូរ​ចំបក់ មានប្រវែង ៦២,៥៦ គីឡូម៉ែត្រ និងផ្លូវជាតិលេខ២២ ពីអូរចំបក់ ដល់អង្គ​តាសោម មានប្រវែង ៩,៦១​គីឡូ​ម៉ែត្រ ស្ថិតក្នុងភូមិសាស្រ្តខេត្តតាកែវ ។គម្រោងនេះគ្រោងចំណាយថវិកា ៥៦,១ លានដុល្លាសហរដ្ឋអាមេរិក ដែលជាហិរញ្ញប្បទានពីរដ្ឋាភិបាល​សាធារណ​រដ្ឋ​កូរ៉េ និងថវិកាបដិភាគរបស់រាជរដ្ឋាភិបាលកម្ពុជា សាងសង់ដោយក្រុមហ៊ុន Hasan Engineering & Constructions Co., Ltd និងត្រួតពិនិត្យបច្ចេកទេសដោយសម្ព័ន្ធក្រុមហ៊ុន Dasan Constructions Co., Ltd, Dong II Engineering Consultants Co., Ltd និង Seoyoung Engineering Co., Ltd Join Venture គ្រោងចំណាយពេលសាងសង់ ៣០ខែ គិតចាប់ពីចុងឆ្នាំ២០១៩ ។ក្រោយបញ្ចប់គម្រោងជាស្ថាពរ ផ្លូវនេះនឹងជួយលើកកម្ពស់ប្រសិទ្ធភាពនៃការធ្វើដំណើរ និងប្រព័ន្ធ ភស្តុភារកម្មរបស់​កម្ពុជា សម្រួលដល់ការដឹកជញ្ជូនផលិតផល ដំណាំកសិផល និងកសិ-ឧស្សាហកម្ម របស់ក្រុមហ៊ុនវិនិយោគ និងបង​ប្អូន​​​ប្រជាពលរដ្ឋ មកពីគ្រប់តំបន់នៅទូទាំងប្រទេសទៅកាន់ទីផ្សារក្នុងស្រុក និងទីផ្សារអន្តរជាតិ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក អត្ថបទដោយ

រាជធានី​ភ្នំពេញ ៖ ប្រមុខ​រាជរដ្ឋាភិបាល​នៃ​ប្រទេស​កម្ពុជា សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​គ្រោង​ដក​បំរាម​ចំពោះ​ការ​ពាក់​ម៉ាស់​នៅ​ទី​សាធារណៈ ប៉ុន្តែ​ត្រូវ​តែ​បន្ត​ពាក់​ម៉ាស់​ដដែល​នៅ​ទីកន្លែង​ដែល​បិទ​ជិត ។ នេះ​បើ​យោង​តាម​ប្រសាសន៍​របស់​សម្តេច​ដែល​បាន​ថ្លែង​នៅ​ក្នុង​ពិធី​ប្រគល់​-​ទទួល​អំណោយ​វ៉ាក់សាំង​កូ​វី​ដ​១៩​ចំនួន​១​លាន​៥​ម៉ឺន​៦​ពាន់​ដូ​ស ដែល​ជា​អំណោយ​របស់​រដ្ឋាភិបាល និង​ប្រជាជន​អ៊ី​តា​លី នា​ព្រឹក​ថ្ងៃ​ទី​២៥ ខែមេសា ឆ្នាំ​២០២២​នេះ ។សម្តេច​តេ​ជោ ហ៊ុន សែន បាន​លើក​ឡើង​ដូច្នេះ​ថា ៖ «​យើង​មិន​ត្រូវ​មើលឃើញ​តែ​បញ្ហា​សុខភាព​មួយ​មុខ​នោះ​ទេ ត្រូវ​មើល​ឱ្យ​ឃើញ​ផង​ដែរ​នូវ​បញ្ហា​សេដ្ឋកិច្ច សង្គម​។ ការ​ពាក់​ម៉ាស់​គឺជា​ការ​តម្រូវ​ឱ្យ​ពលរដ្ឋ​យើង​ចំណាយ​យ៉ាង​ធំ ជួនកាល​មិន​ហ៊ាន​ទិញ​ខោ​ងាវ​ឱ្យ​កូនចៅ​ពាក់​ទេ ប៉ុន្តែ​ទុក​លុយ​ទិញ​ម៉ាស​ឱ្យ​កូនចៅ​ពាក់​» ។សម្តេច​តេ​ជោ ហ៊ុន សែន បាន​មាន​ប្រសាសន៍​ថា សម្តេច​មាន​បំណង​ចង់​ដក​បំរាម​ការ​ពាក់​ម៉ាស់​នៅ​ទី​សាធារណៈ ប៉ុន្តែ​នៅ​ទី​បិទ​ដែល​ជិត​នៅ​តែ​បន្ត​ពាក់​ម៉ាស់​ដដែល ប៉ុន្តែ​ការ​សម្រេច​នេះ​នឹង​រង់ចាំ​កិច្ចប្រជុំ​ពិសេស​នៅ​ថ្ងៃនេះ​សិន ដែល​ដឹកនាំ​ដោយ​ឯកឧត្តម​ឧបនាយករដ្ឋមន្ត្រី អូន ព័ន្ធ​មុនី​រ័​ត្ន ជាមួយនឹង ឯកឧត្តម ម៉​ម ប៊ុ​ន ហេង រដ្ឋមន្ត្រី​ក្រសួងសុខាភិបាល ។សម្តេច​តេ​ជោ ហ៊ុន សែន បាន​បញ្ជាក់​បន្ថែម​ថា «​ប្រទេស​មួយ​ចំនួន បាន​ដក​ចេញ​នូវ​កាតព្វកិច្ច​ពាក់​ម៉ាស​រួច​ទៅ​ហើយ យើង​ក៏​អាច​ធ្វើ​បាន ប៉ុន្តែ​ខ្ញុំ​ត្រូវ​រង់ចាំ​នូវ​ការ​ប្រជុំ​ល្ងាច​នេះ ដែល​ដឹកនាំ​ដោយ ឯកឧត្តម អូន ព័ន្ធ​មុនី​រ័​ត្ន ជាមួយនឹង​ឯកឧត្តម ម៉​ម ប៊ុ​ន​ហេង​» ។ សម្តេច​បន្ត​ថា «​តើ​យើង​គួរ​ធ្វើ​យ៉ាងម៉េច បន្ថែម​ភូមិសាស្ត្រ (​លើកលែង​ការ​ពាក់​ម៉ាស់​) ហើយ​ការ​ថែម​ភូមិសាស្ត្រ​នេះ​ជា​គំនិត​របស់ខ្ញុំ ប៉ុន្តែ​ខ្ញុំ​ត្រូវ​តែ​ទទួលយក​នូវ​គំនិត​ដែល​នឹង​ចេញពី​ការ​ប្រជុំ​នៅ​ល្ងាច​នេះ​»​។សម្តេច​បាន​គូសបញ្ជាក់​បន្ថែម​ថា «​អ្វី​ដែល​ជា​គំនិត​របស់ខ្ញុំ គឺ​គ្រប់​ភូមិសាស្ត្រ​ទុក​ឱ្យ​ប្រជាជន​ជា​អ្នក​សម្រេច​ពាក់​ម៉ាស់ ឬ​មិន​ពាក់​ម៉ាស់ ក្នុង​ពេល​ដែល​នៅ​ក្រៅ​អគារ នៅ​ទីកន្លែង​សាធារណៈ ដូច​ជា​ការ​ធ្វើ​ដំណើរ​តាម​ផ្លូវ​សាធារណៈ ឬ​នៅ​ទីកន្លែង​សាធារណៈ​នៅ​ខាងក្រៅ ប៉ុន្តែ​នៅ​ពេល​នៅ​កន្លែង​បិទ​ជិត​ដូច​ជា​នៅ​អគា​រដ្ឋាភិបាល នៅ​ទីកន្លែង​ធ្វើការ តាម​ក្រុមហ៊ុន​ដែល​មាន​ម៉ាស៊ីនត្រជាក់ យើង​គួរ​តម្រូវ​ឱ្យ​មានការ​ពាក់​ម៉ាស់​» ។ទន្ទឹម​នឹង​នេះ រាជរដ្ឋាភិបាល​ក៏​បាន​សម្រេច​ដាក់​ឲ្យ​អនុវត្ត​នូវ​ក្របខ័ណ្ឌ​យុទ្ធសាស្ត្រ និង​កម្មវិធី​ស្ដារ និង​ជំរុញ​កំណើនសេដ្ឋកិច្ច​កម្ពុជា តាម​គន្លង​ប្រក្រតី​ភាព​ថ្មី​សម្រាប់​ឆ្នាំ​១០២១-២០២៣ ដោយ​បាន​ដាក់​ចេញ​នូវ​វិធានការ​កែទម្រង់​មុត​ស្រួច សំដៅ​ស្ដារ និង​ជំរុញ​កំណើន បង្កើត​ភាព​ធន់​សង្គម​សេដ្ឋកិច្ច​កម្ពុជា និង​ឈាន​ទៅ​សម្រេច​បាន​នូវ​កំណើនសេដ្ឋកិច្ច​ប្រកបដោយ​ចីរភាព និង​បរិ​យា​ប័ន្ន ។សម្តេច​តេ​ជោ​នាយក​រដ្ឋមន្ត្រី បាន​មាន​ប្រសាសន៍ អំពាវនាវ​ឱ្យ​ប្រជាពលរដ្ឋ​នាំ​គ្នា​ទៅ​ចាក់​វ៉ាក់សាំង​កូ​វី​ដ​១៩​ដែល​ជា​ជំរុញ​បន្ថែម​ទៀត ដើម្បី​បង្កើន​ភាពស៊ាំ​នៅ​ក្នុង​សហគមន៍​ឱ្យ​បាន​កាន់តែ​ប្រសើរ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក

កម្ពុជា​-​ថៃ​កំពុង​ពិភាក្សា​លើ​គម្រោង​ជំរុញ​ការ​អនុវត្ត​គម្រោង​សាងសង់​រចនាសម្ព័ន្ធ​ឆ្លងកាត់​ព្រំដែន​ដើម្បី​បង្ក​ភាព​ភាព​ងាយស្រួល​ក្នុង​ការ​ដឹក​ជញ្ជូន​ក្នុង​គោលបំណង​បង្កើន​ទំហំ​ពាណិជ្ជកម្ម និង​ជំរុញ​កំណើនសេដ្ឋកិច្ច ។ នេះ​បើ​យោង​តាម​កិច្ចប្រជុំ​រវាង​ឯកឧត្តម ស៊ុន ចាន់​ថុ​ល ទេស​រដ្ឋមន្ត្រី រដ្ឋមន្ត្រីក្រសួង​សាធារណការ និង​ដឹក​ជញ្ជូន ដែល​បាន​ជួប​ពិភាក្សា​ការងារ​ជាមួយ​ឯកឧត្តម Saksayam Chidchob រដ្ឋមន្ត្រីក្រសួង​ដឹក​ជញ្ជូន​ថៃ កាលពី​ថ្ងៃ​ទី​២០ ខែមេសា ឆ្នាំ​២០២២ កន្លង​ទៅ​នេះ ជុំវិញ​កិច្ច​សហប្រតិបត្តិការ​ទ្វេភាគី​រវាង​កម្ពុជា​-​ថៃ ។កិច្ចប្រជុំ​រវាង​ឯកឧត្តម ស៊ុន ចាន់​ថុ​ល និង​ឯកឧត្តម Saksayam Chidchob ធ្វើ​ឡើង​គឺ​ដើម្បី​ព​ង្រឹ​ក​កិច្ច​សហប្រតិបត្តិការ​រវាង​ប្រទេស​ទាំង​ពីរ​ក្នុង​វិស័យ​សាធារណការ និង​ដឹក​ជញ្ជូន ទាំង​ក្នុង​ក្របខ័ណ្ឌ​ទ្វេភាគី និង​ក្នុង​ក្របខ័ណ្ឌ​តំបន់ ។ ថ្លែង​ទៅ​កាន់​ភាគី​ថៃ​នា​ឱកាស​នោះ​ឯកឧត្តម​ទេស​រដ្ឋមន្ត្រី​បាន​ជម្រាប​ជូន​ថា ៖ កា​រត​ភ្ជាប់​ហេដ្ឋារចនាសម្ព័ន្ធ​រូប​វន្ត​រវាង​ប្រទេស​ទាំង​ពីរ​មិន​គ្រាន់តែ​បង្កើន​ទំហំ​នៃ​ការ​ធ្វើ​ពាណិជ្ជកម្ម ទេសចរណ៍ និង​វិនិយោគ​ប៉ុណ្ណោះ​ទេ ប៉ុន្តែ​ថែម​ទាំង​ជា​កត្តា​គន្លឹះ​ជួយ​ជំរុញ​ដល់​កំណើន​ពាណិជ្ជកម្ម និង​ការ​អភិវឌ្ឍ​សេដ្ឋកិច្ច​របស់​ប្រទេស​ទាំង​ពីរ​ផង​ដែរ ។បន្ថែម​ពីលើ​នេះ ឯកឧត្តម​ទេស​រដ្ឋមន្ត្រី បាន​ជម្រាប​ជូន​ភាគី​ថៃ​ថា​៖ រាជរដ្ឋាភិបាល​កម្ពុជា​បាន​ផ្តោត​ការ​យកចិត្តទុកដាក់​ទៅ​លើ​កែ​លម្អ​ប្រព័ន្ធ​ផ្លូវដែក​កម្ពុជា ដោយ​បច្ចុប្បន្ន​នេះ​កម្ពុជា​កំពុង​តែ​ដំណើរការ​ការ​សិក្សា​សមិទ្ធិ​លទ្ធភាព (Feasibility Study) លើ​ការ​ធ្វើ​ទំនើប​កម្ម​ផ្លូវដែក​ល្បឿន​លឿន​នៅ​កម្ពុជា ។នៅ​ក្នុង​ជំនួប​នេះ ភាគី​ទាំង​ពីរ​បាន​ពិភាក្សា​រក​វិធីសាស្ត្រ​ជំរុញ​ការ​អនុវត្ត​គម្រោង​សាងសង់​រចនាសម្ព័ន្ធ​ឆ្លងកាត់​ព្រំដែន (Cross Border Facilities) នៅ​ច្រក​ទ្វារ​ព្រំដែន​អន្តរជាតិ​ស្ទឹង​បត់​-​បាន​ណ​ង​អៀន និង​ដាក់​ឱ្យ​ដំណើរការ​ច្រក​ទ្វារ​ព្រំដែន​នេះ​ឱ្យ​បាន​ឆាប់​ប្រកបដោយ​ប្រសិទ្ធភាព​សំដៅ​សម្រាល​ការ​កកស្ទះ​នៅ​ច្រក​ទ្វារ​ព្រំដែន​អន្តរជាតិ​ប៉ោយ​ប៉ែ​ត​-​អារញ្ញ​ប្រា​ថេ​ត ការ​បើក​ច្រក​ទ្វារ​ព្រំដែន​ផ្សេង​ទៀត​នៅ​តាម​បណ្តោយ​ព្រំដែន​កម្ពុជា​-​ថៃ និង​កិច្ចព្រមព្រៀង​ដឹក​ជញ្ជូន​ឆ្លងកាត់​ព្រំដែន ក្នុង​គោលបំណង​បង្កើន​កា​រត​ភ្ជាប់ បង្កើន​ទំហំ​ពាណិជ្ជកម្ម ទាក់ទាញ​ទេសចរណ៍ និង​វិនិយោគ និង​ជំរុញ​កំណើនសេដ្ឋកិច្ច​របស់​ប្រទេស​ទាំង​ពីរ ។ភាគី​ទាំង​ពីរ​ក៏​បាន​ពិភាក្សា​ផង​ដែរ​អំពី​ការ​អភិវឌ្ឍ​ធនធានមនុស្ស ដោយ​ភាគី​ថៃ​បាន​សម្តែង​ការ​គាំទ្រ​ដល់​ការ​បង្កើត​វិទ្យាស្ថាន​តេ​ជោ​សែន សាធារណការ និង​ដឹក​ជញ្ជូន និង​មាន​បំណង​គាំទ្រ​ការ​បណ្តុះបណ្តាល​ទៅ​តាម​សំណើ​របស់​វិទ្យាស្ថាន​ផង​ដែរ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក

យោង​តាម​កិច្ចប្រជុំ​បូក​សរុប​លទ្ធផល​ការងារ​របស់​អគ្គនាយកដ្ឋាន​ពន្ធដារ ត្រឹម​រយៈពេល​ត្រីមាស​ទី​១ (៣​ខែ​) ក្នុង​ឆ្នាំ​២០២២ នេះ​អគ្គនាយកដ្ឋាន​ពន្ធដារ នៃ​ក្រសួង​សេដ្ឋកិច្ច និង​ហិរញ្ញវត្ថុ​ប្រមូល​ពន្ធ​ចូល​រដ្ឋ​បាន​ប្រមាណ​១២៦៣,០៧​លាន​ដុល្លារ ស្មើនឹង​៤៤,៨០​ភាគរយ នៃ​ផែនការ​កំណត់ ។ការ​សម្រេច​បាន​នូវ​លទ្ធផល​នេះ​អាស្រ័យ​លើ​ប្រសិទ្ធភាព​នៃ​ការ​ពង្រឹង​អភិបាលកិច្ច​ល្អ ជាមួយ​ការ​គ្រប់គ្រង​ប្រមូល​ចំណូល​ពន្ធ​តាម​ប្រព័ន្ធ​បច្ចេកវិទ្យា​ព័ត៌មាន ព្រមទាំង​ការ​ភ្ជាប់​កម្មវិធី​លើ​ទូរស័ព្ទ​ដៃ ផ្តល់​លទ្ធភាព​ងាយស្រួល​ដល់​អ្នក​ជាប់ពន្ធ​ក្នុង​ការ​បង់ពន្ធ និង​ទទួល​បាន​ព័ត៌មាន​ថ្មី​ៗ​ពី​ពន្ធដារ ។ នេះ​បើ​តាម​ប្រសាសន៍​របស់​ឯកឧត្តម គង់ វិបុល អគ្គនាយក នៃ​អគ្គនាយកដ្ឋាន​ពន្ធដារ ។ឯកឧត្តម គង់ វិបុល បាន​បញ្ជាក់​ផង​ដែរ​ថា ៖«​ស្ថានភាព​នៃ​សកម្មភាព​សេដ្ឋកិច្ច​ក្នុង​ឆ្នាំ​កន្លង​មក នឹង​បន្ត​ជះ​ឥទ្ធិពល​មក​លើ​ការ​គ្រប់គ្រង​ការ​ប្រមូល​ពន្ធ ចំណូល​ពន្ធ​ក្នុង​ឆ្នាំ​បន្ទាប់ ជា​ពិសេស​ពន្ធ​លើ​ប្រាក់​ចំណូល​ប្រចាំឆ្នាំ​។ ផ្ទុយ​ទៅ​វិញ ទោះបីជា​សេដ្ឋកិច្ច​កម្ពុជា ទទួល​រង​ផល​ប៉ះពាល់​នៃ​ជំងឺ​កូ​វី​ដ​-១៩ ក្នុង​ឆ្នាំ​២០២១ យ៉ាងណា​ក្តី លទ្ធផល​នៃ​ការ​គ្រប់គ្រង​លទ្ធផល​ប្រមូល​ចំណូល​ពន្ធ របស់​អគ្គនាយក​ពន្ធដារ​សម្រេច​បាន​លទ្ធផល​ល្អ​ប្រសើរ​ដូច​បាន​ជម្រាប​ជូន​ខាងលើ​» ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក

តំបន់​ចោម​ចៅ​នៃ​ភាគ​ខាងលិច​រាជធានី​ភ្នំពេញ​នា​ពេល​ប​ច្ចុ​ប​ប្បន្ន​នេះ​កំពុង​ប្រែ​ក្លាយជា​តំបន់​ដែល​ប្រមូលផ្តុំ​ដោយ​រោងចក្រ សហគ្រាស និង​គម្រោង​អភិវឌ្ឍន៍​លំនៅ​ឋាន​ជាមួយ​សំណង់​បុរី​បែប​ទាន់សម័យ​ដែល​កាន់តែ​ជំរុញ​ឱ្យ​តំបន់​មួយ​នេះ​កាន់តែ​មាន សក្តានុពល​ខ្ពស់​ក្នុង​វិស័យ​អចលនទ្រព្យ និង​សេដ្ឋកិច្ច ។ មិនតែប៉ុណ្ណោះ ចោម​ចៅ​ក៏​ជា​តំបន់​មួយ​ដែល​ជា​មុខព្រួញ​របស់ ប្រជា​ពល រដ្ឋ​ដែល​កំពុង​ស្វែងរក​លំនៅ​ឋាន​ប្រភេទ​គម្រោង​ផ្ទះ​បុរី​ថ្មី​ៗ ដោយសារ​តែ​ចោម​ចៅ​ជា​តំបន់​ដែល​នៅ​ជាប់​ផ្ទាល់​នឹង​រាជធានី ភ្នំពេញ​តែ​ម្តង ។ប៉ុន្តែ​តើ​ត្រូវ​រក​គម្រោង​បុរី​ថ្មី​មួយ​ណា​ដែល​នៅ​ជិត​ជាងគេ​បំផុត?ទិដ្ឋភាពជាក់ស្តែងការដ្ឋានសាងសង់របស់បុរី ខាសិន ភ្នំពេញចេញពី​រង្វង់​មូល​ចោម​ចៅ​ងាក​ទៅ​កាន់​ផ្លូវជាតិ​លេខ​៣​ត្រឹមតែ​៥​នាទី​មាន​គម្រោង​បុរី​ថ្មី​មួយ​ដែល​កំពុងធ្វើការ​សាងសង់​ដើម្បី​ផ្គត់ផ្គង់​នូវផ្ទះ​បុរី​ថ្មី​ៗ​ជា​ច្រើន​ប្រភេទ ។ គម្រោង​បុរី​ថ្មី​ដែល​មានឈ្មោះ​ថា «​បុរី ខា​សិន ភ្នំពេញ​» នេះ​ស្ថិត​នៅ​ជិត​នឹង​រង្វង់​មូល​ចោម​ចៅ ជាងគេ ហើយ​នៅ​ក្បែរ​នឹង​គម្រោង​មួយ​នេះ​ប្រមូលផ្តុំ​ដូច​ជា សាកលវិទ្យាល័យ​អន្តរជាតិ ប៊ែ​ល​ធី​, បញ្ជាការដ្ឋាន​កងពលតូច​៧០, ធនាគារ​, មន្ទីរពេទ្យ និង​ផ្សារ​ជាដើម ។ហេតុ​អ្វី​ត្រូវ​ជ្រើសរើស​គម្រោង​មួយ​នេះ តើ​វា​មាន​លក្ខណៈ​ពិសេស​អ្វីខ្លះ?ទិញមុនគម្រោងអាចចំណេញច្រើនទិញ​ផ្ទះ​មិនមែន​មើល​ត្រឹមតែ​តម្លៃ​មួយ​មុខ​នោះ​ទេ ពោល​ត្រូវ​មើល​ទាំង​តម្លៃ​, គុណភាព​សំណង់ និង​តំបន់​ដែល​នៅ​ជុំវិញ​នោះ ទើប​អាច​ទទួល​បាន​ផ្ទះ​ក្នុង​ក្តី​ស្រមៃ​ប្រកបដោយ​ផាសុកភាព និង​សុវត្ថិភាព ។ សម្រាប់​លោក​អ្នក​ដែល​កំពុង​ស្វែងរក​លំនៅ​ឋាន គ្រប់​ប្រភេទ​មិន​ថា ផ្ទះ​បុរី​, ផ្ទះ​អាជីវកម្ម (Shophouse), ផ្ទះ​វីឡា​ឃ្វី​ន (Queen Villa) និង​ផ្ទះ​វីឡា​ឃី​ង (King Villa) ជាដើម ហើយ​ត្រូវការ​ទីតាំង​ជិត​ក្រុង​បំផុត​ដើម្បី​ងាយស្រួល​ក្នុង​ការ​ធ្វើ​ដំណើរ​ទៅ​មក​បំពេញការងារ និង​មាន​តម្លៃ​សមរម្យ គុណភាព​សំណង់ ប្រកបដោយ​ស្តង់ដារ​ខ្ពស់ ថែម​ទាំង​ប្រមូលផ្តុំ​ទៅ​ដោយ​ទីតាំង​សំខាន់​ៗ​ជា​ច្រើន​ទៀត​នោះ គម្រោង​ថ្មី «​បុរី ខា​សិន ភ្នំពេញ​» នេះ​ល្អ បំផុត​សម្រាប់​អ្នក​ដែល​កំពុង​ស្វែងរក​លំនៅ​ឋាន​ក្នុង​ការ​ពិចារណា​ជា​ជម្រើស​ដំបូង ។ជាង​នេះ​ទៅ​ទៀត គម្រោង​ថ្មី​មួយ​នេះ​កំពុង​តែ​មានការ​ផ្តល់​ជូន​ពិសេស​សម្រាប់​លោក​អ្នក​ដែល​មាន​បំណង​ចង់បាន​ផ្ទះ​គ្រប់​ប្រភេទ ដោយ​មានការ​បញ្ចុះតម្លៃ​រហូត​ដល់​១​ម៉ឺន​ដុល្លារ ($10,000) ឯណោះ ៕កក់ថ្ងៃនេះបញ្ចុះតម្លៃ​រហូត​ដល់​$10,000​មាននៅ​បុរី ខា​សិន ភ្នំពេញ​ !

រាជធានី​ភ្នំពេញ​ដែល​ជា​បេះដូង​របស់​ប្រទេស​កម្ពុជា​បាន​អភិវឌ្ឍន៍​ខ្លួន​យ៉ាង​ខ្លាំង​ដោយ​រីកសាយ​ភាព​ពី​ចំណុចកណ្តាល​ទៅ​កាន់​តំបន់​ជាយ​ៗ​ក្រុង​ជា​បន្តបន្ទាប់ ។ ជាក់ស្តែង​តំបន់​ទួល​ពង្រ​ដែល​នៅ​ភាគ​ខាងលិច​ឈៀង​ខាងត្បូង​រាជធានី​ភ្នំពេញ ហាក់​មានការ​អភិវឌ្ឍន៍​ខ្លាំង ដោយ​បាន​កែប្រែ​ពី​តំបន់​វាលស្រែ​ទៅ​ជា​តំបន់​លំនៅ​ឋាន​ដ៏​មាន​សក្ដានុពល និង​បាន​ជម្រុញ​តម្លៃ​ដីធ្លី​តំបន់​នោះ​កើនឡើង​ខ្ពស់​ហួស​ពី​ការ​ស្មាន ។​ប្រធាន​សមាគម​អ្នក​វាយតម្លៃ និង​ភ្នាក់ងារ​អចលនវត្ថុ​កម្ពុជា​លោក ច្រឹ​ក សុខ​នី​ម ធ្លាប់​បាន​លើក​ឡើង​ថា តំបន់​ប៉ែក​ខាងត្បូង និង​ខាងលិច​នៃ​ទីក្រុង​ភ្នំពេញ​ជា​តំបន់​ដែល​មានការ​ទាក់ទាញ​លើ​ការ​អភិវឌ្ឍ​លំនៅ​ឋាន​ក្នុង​ចំណោម​តំបន់​ផ្សេង​ៗ​ទៀត ។ កត្តា​មួយ​ចំនួន​ដែល​ធ្វើ​ឱ្យ​តំបន់​ទាំងនោះ​មានការ​អភិវឌ្ឍ​លំនៅ​ឋាន​ដូច​ឃើញ​ស្រាប់​ហើយ មាន​ផ្លូវ​ក្រ​វ៉ា​ត់​ក្រុង មាន​ហេដ្ឋារចនាសម្ព័ន្ធ​ផ្សេង​ទៀត ដែល​រដ្ឋាភិបាល​បាន​អភិវឌ្ឍ​ជា​បន្តបន្ទាប់ មាន​ផ្សារ និង​មាន​បុរី​តូច​ធំ​ជា​ច្រើន​កំពុង​ដំណើរការ​អភិវឌ្ឍន៍​គម្រោង​របស់​ខ្លួន​ផង​ដែរ ។​តំបន់​ទួល​ពង្រ​នា​ពេល​បច្ចុប្បន្ន​នេះ​បាន​អភិវឌ្ឍន៍​លឿន​សឹង​មិន​គួរ​ឱ្យ​ជឿ ជាក់ស្ដែង​ពី​មុន​តំបន់​នេះ​គ្រាន់តែ​ជា​តំបន់​វាលស្រែ និង​ដី​បឹង​តែ​ប៉ុណ្ណោះ ប៉ុន្តែ​ពេល​នេះ​បាន​ប្រែ​ក្លាយទៅជា​តំបន់​វិនិយោគ​លំនៅ​ឋាន​យ៉ាង​គគ្រឹកគគ្រេង ។ ចំពោះ​តម្លៃ​ដីធ្លី​នៅ​តំបន់​ទួល​ពង្រ​វិញ​កាលពី​១៥​ឆ្នាំ​មុន​មាន​តម្លៃ​ត្រឹមតែ​២០​ឬ​៣០​ដុល្លារ​ក្នុង​មួយ​ម៉ែត្រការ៉េ តែ​ក្នុង​ប៉ុន្មាន​ឆ្នាំ​ចុង​ក្រោយ​នេះ​ជា​មធ្យម​ម្ចាស់​ដី​គេ​ទារ​តម្លៃ​៥០០​ដុល្លារ​អា​មេ​រិ​ក​ក្នុង​មួយ​ម៉ែត្រការ៉េ ។​អ្នកជំនាញ​ផ្នែក​អចលនទ្រព្យ​ធ្លាប់​បាន​លើក​ឡើង​ពី​សក្តានុពល​តំបន់​ទួល​ពង្រ​ថា ៖«​តំបន់​ហ្នឹង​សព្វ​ថ្ងៃនេះ​ក្រោម​៥០០​ដុល្លារ​ក្នុង​មួយ​ម៉ែត្រការ៉េ​មិនដឹង​ថា​ទិញ​បាន​ឬ​អត់​ផង ព្រោះ​ម្ចាស់​ដី​ភាគច្រើន​គេ​លក់​ក្នុង​តម្លៃ​៥០០​ដុល្លារ​អា​មេ​រិ​ក » ។តាម​រយៈ​របាយការណ៍​សិក្សា​ស្រាវជ្រាវ​របស់ CBRE Cambodia បាន​បង្ហាញ​ថា ក្នុង​រយៈពេល​៦​ខែ​ចុង​ក្រោយ​នេះ កម្ពុជា​ទទួល​បាន​គម្រោង​អភិវឌ្ឍន៍​លំនៅ​ឋាន​ជា​បុរី​ចំនួន​៣៩​គម្រោង ដែល​តួលេខ​នេះ​បាន​បង្ហាញ​ពី​តម្រូវការ​លំនៅ​ឋាន​ក្នុង​បុរី​ក្នុង​ប្រទេស​កម្ពុជា​បន្ត​រីក​ចម្រើន​ទៅ​មុខ​បន្ថែម​ទៀត ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក ! អត្ថបទដោយ

ក្រុមហ៊ុន​ម៉ា​ឡេ​ស៊ី​សរុប​ចំនួន​១៦២​ត្រូវ​បាន​ក្រុមប្រឹក្សា​អភិវឌ្ឍន៍​កម្ពុជា ហៅ​កាត់ CDC បាន​ចុះបញ្ជី គិត​ត្រឹម​ខែកុម្ភៈ ឆ្នាំ​២០២២ ដែល​មាន​តម្លៃ​៣,២​ពាន់​លាន​ដុល្លារ ដោយ​ចាប់អារម្មណ៍​ក្នុង​ការ​វិនិយោគ​បន្ថែម​លើ​វិស័យ​ធំ​ៗ​ចំនួន​៣ ។ តាម​រយៈ​ការ​បង្ហាញ​ចំណាប់អារម្មណ៍​របស់​គណៈប្រតិភូ​ម៉ា​ឡេ​ស៊ី​លើ​វិស័យ​អប់រំ និង​បណ្តុះបណ្តាល​វិជ្ជាជីវៈ វិស័យ​អចលនទ្រព្យ រួម​ជាមួយនឹង​រ៉ែ និង​ថាមពល ។​កម្ពុជា​បាន​ត្រៀមខ្លួន​រួច​ជា​ស្រេច​ក្នុង​កិច្ច​សហប្រតិបត្តិការ​ជាមួយ​ឯកអគ្គរដ្ឋទូត និង​មន្ត្រី​មក​ពី​ប្រទេស​ម៉ា​ឡេ​ស៊ី ដើម្បី​ផ្តល់​ព័ត៌មាន​អំពី​ការ​វិនិយោគ និង​សម្រួល​ដល់​ដំណើរ​ទស្សនកិច្ច​របស់​គណៈប្រតិភូ​វិនិយោគ​ម៉ា​ឡេ​ស៊ី​ផ្សេង​ទៀត​នា​ពេល​ខាង​មុខ ។ នេះ​បើ​យោង​តាម​ប្រសាសន៍​របស់​លោក នុ​ត​វ័​ណ​រ៉ា អគ្គលេខាធិការ​រង នៃ​គណៈកម្មាធិការ​វិនិយោគ​កម្ពុជា​នៃ CDC ។​អនុប្រធាន​សភាពាណិជ្ជកម្ម​កម្ពុជា​លោក លឹ​ម ហេង បាន​ថ្លែង​ឱ្យ​ដឹងផង​ដែរ​ថា អ្នក​វិនិយោគ​ម៉ា​ឡេ​ស៊ី​បាន​មើលឃើញ​ប្រទេស​កម្ពុជា​ជា​គោលដៅ​វិនិយោគ​ដ៏​សំខាន់​មួយ ដោយសារ​ព្រះរាជាណាចក្រ​បាន​ចុះហត្ថលេខា​លើ​កិច្ចព្រមព្រៀង​ពាណិជ្ជកម្ម​ជាមួយ​ប្រទេស​ចិន និង​កូរ៉េ​ខាងត្បូង ។លោក​បន្ត​ថា​៖«​កម្ពុជា​ជា​ប្រទេស​ទាក់ទាញ​អ្នក​វិនិយោគ​បរទេស ដោយសារ​ព្រះរាជាណាចក្រ​បើក​ទូលាយ​ដល់​អ្នក​វិនិយោគ​គ្រប់​កម្រិត​។ ជា​លទ្ធផល មាន​ក្រុមហ៊ុន​ជា​ច្រើន​មក​ពី​ប្រទេស​ម៉ា​ឡេ​ស៊ី​បាន​ចូល​មក​បណ្តាក់ទុន​នៅ​កម្ពុជា​ស្ទើរតែ​គ្រប់​វិស័យ ដែល​បណ្តាល​មក​ពី​ការ​ជឿជាក់​របស់​អ្នក​វិនិយោគ​មក​លើ​រដ្ឋាភិបាល​កម្ពុជា ។ កម្ពុជា​បាន​ផ្តល់​ការ​អនុគ្រោះ​ទាំងអស់​ដល់​វិស័យ​ឧស្សាហកម្ម រោងចក្រ សហគ្រាស​សម្រាប់​ផលិតកម្ម និង​ការ​នាំ​ចេញ​» ។​អនុប្រធាន​សភាពាណិជ្ជកម្ម​កម្ពុជា​លោក​ក៏​បាន​លើក​ឡើង​ផង​ដែរ​ថា ៖ « ក្រុមហ៊ុន​ម៉ា​ឡេ​ស៊ី​ដែល​ចូល​មក​បណ្តាក់ទុន​នៅ​កម្ពុជា​ដោយសារ​កិច្ចព្រមព្រៀង​ពាណិជ្ជកម្ម​សេរី​ជា​ច្រើន​ដែល​កម្ពុជា​បាន​ចុះហត្ថលេខា​។ ខ្ញុំ​គិត​ថា​នេះ​ជា​រឿង​ល្អ​សម្រាប់​អ្នក​វិនិយោគ​មក​កម្ពុជា​» ។​ម៉ា​ឡេ​ស៊ី​ស្ថិត​ក្នុង​ចំណោម​វិនិយោគិន​បរទេស​សំខាន់​ៗ​ក្នុង​ប្រទេស​កម្ពុជា​ក្នុង​វិស័យ​អចលនទ្រព្យ រោងចក្រ​កាត់ដេរ និង​រោងចក្រ​កែ​ច្នៃ ។ ទំហំ​ពាណិជ្ជកម្ម​កម្ពុជា​-​ម៉ា​ឡេ​ស៊ី កើន​លើស ៥០០​លាន​ដុល្លារ​ក្នុង​ឆ្នាំ​២០២១ កើនឡើង ១៣.១៤% ធៀប​នឹង​ឆ្នាំ​មុន នេះ​បើ​យោង​តាម​ក្រសួងពាណិជ្ជកម្ម ។​ការ​នាំ​ចេញ​របស់​កម្ពុជា​ទៅ​ម៉ា​ឡេ​ស៊ី​មាន​លើស​ពី ១០១ លាន​ដុល្លារ កើនឡើង ២,៦ ភាគរយ​ពី​មួយ​ឆ្នាំទៅ​មួយ​ឆ្នាំ ហើយ​ការ​នាំ​ចូល​មាន​តម្លៃ ៣៩៩ លាន​ដុល្លារ កើនឡើង ១៦ ភាគរយ​ពី​មួយ​ឆ្នាំទៅ​មួយ​ឆ្នាំ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក !

កម្មវិធីពានរង្វាន់អចលនទ្រព្យកម្ពុជាប្រចាំឆ្នាំ2022 (CREA) ត្រូវបានប្រារព្ធឡើងកាលពីថ្ងៃព្រហស្បតិ៍ ទី07 ខែមេសា ឆ្នាំ2022 នៅសណ្ឋាគារសូហ្វីតែលភ្នំពេញ ភូគីត្រា ។ CREA គឺជាពានរង្វាន់អចលនទ្រព្យដ៏​មានកិត្យានុភាព​បំផុត​ក្នុងវិស័យអចលនទ្រព្យកម្ពុជា ដែលប្រារព្ធឡើងដើម្បីទទួលស្គាល់ភាពជោគជ័យរបស់ភ្នាក់ងារ និងអ្នកអភិវឌ្ឍន៍​ល្អបំផុត​ក្នុងវិស័យ​អចលនទ្រព្យរបស់ប្រទេសកម្ពុជា ។ ឯកឧត្តម លី រស្មី អនុរដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ព្រឹត្តិការណ៍នេះត្រូវបានរៀបចំឡើងដោយ Realestate.com.kh ដែលធ្វើការសហការជាមួយនិយ័តករអាជីវកម្មអចលនវត្ថុ និងបញ្ចាំកម្ពុជា រួមជាមួយនឹងក្រសួងរៀបចំដែនដី នគរូបនីយកម្ម និងសំណង់ និងសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ។ភ្ញៀវកិត្តិយសជាង 500 នាក់មកពីវិស័យអចលនទ្រព្យក៏ដូចជាដៃគូសហការនានាបានអញ្ជើញដើរលើកម្រាលព្រំ​ក្រហម​​ឆ្ពោះទៅសាលធំ នៃសណ្ឋាគារសូហ្វីតែល ដែលជាកន្លែងត្រូវប្រារព្ធពិធីជប់លៀងអាហារពេលល្ងាច និងការ​ប្រកាស​ជាផ្លូវការអំពីអ្នកឈ្នះពានរង្វាន់អចលនទ្រព្យកម្ពុជាឆ្នាំ 2022 ។ខណៈកំពុងទទួលទានអាហារពេលល្ងាច និងការកម្សាន្តចំនួនបីពេលយប់ ភ្ញៀវកិត្តិយសទាំងអស់ដែល​បាន​ចូល​រួម​ជា​សាក្សី និងអបអរសាទរ ខណៈដែលអ្នកឈ្នះពានរង្វាន់អចលនទ្រព្យកម្ពុជានឹងត្រូវបានបង្ហាញ និងទទួល​ស្គាល់​ចំពោះ​ស្នាដៃ និងការខិតខំប្រឹងប្រែងរបស់ពួកគេក្នុងវិស័យអចលនទ្រព្យកម្ពុជា ។អ្នកឈ្នះរង្វាន់ជាង 30 នាក់មកពីបណ្តាក្រុមហ៊ុនអភិវឌ្ឍន៍អចលនទ្រព្យ និងភ្នាក់ងារឈានមុខគេក្នុងប្រទេសកម្ពុជា​នឹងត្រូវបាន​បង្ហាញ ហើយត្រូវបានផ្តល់រង្វាន់ជានិមិត្តរូបត្រា CREA ដ៏មានកិត្យានុភាព និងពានរង្វាន់មាសដើម្បី​បញ្ជាក់​ពីភាព​ជោគជ័យរបស់ក្រុមហ៊ុន និងភ្នាក់ងារដែលបានខិតខំនាពេលកន្លងមក ។Urban Hub និង​ការ​អភិវឌ្ឍ​ Urban Village ដំណាក់​កាល​ទី 2 ត្រូវ​បាន​ផ្តល់​រង្វាន់ជា​អ្នក​អភិវឌ្ឍន៍ និង​ការ​អភិវឌ្ឍ​ប្រចាំ​ឆ្នាំ​រៀង​ខ្លួន ។ TK Central, Borey Maha Boeng Trea, Wealth Mansion, Picasso City Garden, MSQM, Prince Huan Yu ក៏ជាអ្នកឈ្នះរង្វាន់ធំនៅក្នុងផ្នែកអភិវឌ្ឍន៍ និងអ្នកអភិវឌ្ឍន៍ផងដែរ ។ខណៈដែលអ្នកឈ្នះដ៏ធំបំផុតក្នុងពេលរាត្រីរួមមាន Golden Century Cambodia ទទួលបានពានរង្វាន់ចំនួន 5 នៅ​ទូទាំងគម្រោងដែលរួមមាន Landed Property Developer of Year for Borey Nadi ក៏ដូចជាអចលន​ទ្រព្យ​ដែល​មាន​អ្នកមើល ច្រើនបំផុតសម្រាប់ GC Oressey ។អ្នកឈ្នះដ៏សំខាន់ផ្សេងទៀតដែលមានរង្វាន់ចំនួន 4 រួមមាន Morgan Group ដោយទទួលបានរង្វាន់ជា​ច្រើន​តំណាង​ឱ្យគម្រោងទាំងអស់រួមទាំង Morgan Tower និង Morgan EnMaison ដែលទើបនឹងបញ្ចប់ថ្មីៗនេះ ។IPS Cambodia, CBRE, Knight Frank និង Century 21 Advanced Proeprty បានក្លាយជាម្ចាស់ពានរង្វាន់​ទីភ្នាក់​ងារ​ឆ្នើមប្រចាំ​ឆ្នាំ (Agency of the year) ខណៈដែល Pointer Property ត្រូវបានផ្តល់រង្វាន់ជាជម្រើសនិយោជក (Employer of Choice) ។C-Herald Property Service បានក្លាយជាម្ចាស់ពានរង្វាន់ Agency of Choice Award និងពានរង្វាន់ Property Management Firm of the Year សម្រាប់ឆ្នាំ2022នេះ ។ក្នុងនោះផងដែរក៏មានសិក្ខាកាមពីររូបចូលក្នុងកម្មវិធីពានរង្វាន់អចលនទ្រព្យកម្ពុជា - Hall of Fame 2022 ។ សាជីវកម្មវិនិយោគកម្ពុជានៅបរទេស (OCIC) ត្រូវបានបញ្ចូលជាអ្នកអភិវឌ្ឍន៍សម្រាប់រយៈពេល 20 ឆ្នាំបូករួមឆ្នាំនៃការរួមចំណែកដល់វិស័យអចលនទ្រព្យកម្ពុជា និងប្រទេសទាំងមូល ។ ខណៈ​លោក​ឧកញ៉ា ចេង ខេង ប្រធានក្រុមប្រឹក្សាភិបាល និងជានាយក​ប្រតិបត្តិ​​ក្រុមហ៊ុន Cambodia Properties Limited (CPL) គឺជា​បុគ្គល​ដំបូង​គេ​ដែល​បាន​ចូល​ក្នុង​ Hall of Fame សម្រាប់​រយៈពេល 20 ឆ្នាំ​របស់​លោក​បូក​រួម​ទាំង​សេវាកម្ម​ដល់​វិស័យ​អចលនទ្រព្យ ។លោក Thomas O'Sullivan នាយកប្រតិបត្តិនៃ Realestate.com.khលោក Thomas O'Sullivan នាយកប្រតិបត្តិនៃ Realestate.com.kh បានថ្លែងថា ៖«ខ្ញុំអាចប្រាប់អ្នកថា យើងមាន​បេក្ខភាព ​ជាង 100 ក្នុងឆ្នាំនេះជាមួយនឹងជាង 50 បេក្ខភាពដែលធ្វើឱ្យ​ពានរង្វាន់​អចលនទ្រព្យ​នេះក្លាយ​ជាព្រឹត្តិ​ការណ៍​ដែលទទួលបានជោគជ័យបំផុតរបស់ខ្លួន ។ ហើយសូមអរគុណអ្នកគ្រប់គ្នាដែលបានចំណាយពេលវេលា​ដើម្បី​បញ្ចូលវីដេអូ និងរៀបចំសំណុំបែបបទដើម្បីចូលរួមទាំងអស់» ។បញ្ជីឈ្មោះបេក្ខភាពដែលទទួលបានពានរង្វាន់Agency winnersCREA Hall of Fame 2022 - Lok Oknha Cheng Kheng, Cambodia Properties Limited (CPL)Real Estate Agency of the Year (Enterprise) - CBRE Cambodia Real Estate Agency of the Year (Enterprise) - Century 21 Advanced Property Real Estate Agency of the Year (Corporate) - Knight Frank Cambodia Regional Agency of the Year - IPS Cambodia Property Management Firm of the Year - C-Herald Property Service Property Management Firm of the Year - Pointer PropertyResearch & Valuation firm of the Year - Knight Frank Cambodia International Agency of the Year - IQI Cambodia International Agency of the Year - Century 21 Fortuna InvestmentAgency - Employer of Choice - Pointer PropertyAgency of Choice - Century 21 Advanced PropertyAgency of Choice - C-Herald Property ServiceDeveloper winnersCREA Hall of Fame 2022 - Overseas Cambodian Investment Corporation (OCIC)Developer of the Year - Urban Hub Cambodia CSR & Social Impact Developer of the Year - Prince Huan Yu Real Estate (Cambodia) Group Borey (Landed) Property Developer of the Year - Golden Cambodia Century (GCC)Commercial Developer of the Year - Morgan Group Condominium Developer of the Year - MSQM ZTHDevelopment winnersDevelopment of the Year - Urban Village Phase 2 Commercial Development of the Year - Morgan TowerBorey (Landed) Property Development of the Year - Borey NadiCondominium Development of the Year - Vue AstonServiced Apartment of the Year - Picasso City GardenMixed-use Development of the Year - TK Central Retail Development of the Year - Prince Golden Bay Office Development of the Year - Morgan TowerNew City Development of the Year - Borey Nadi Borey (Landed) Property Development of the Year (Southern) - Borey Maha Boeng TreaAffordable Housing Development of the Year - Borey Maha Boeng Trea Mid-Range Housing Development of the Year - La Palm ResidencesLuxury Housing Development of the Year - Borey Nadi Premium Condominium of the Year - Picasso City GardenCondominium Design of the Year - Picasso City GardenWaterfront Condominium of the Year - Wealth MansionWaterfront Condominium of the Year - Morgan EnMaisonMost Viewed Property 2022 - GC Orussey marketSpecial Recognition - World Bridge Sport Villageកម្មវិធីពានរង្វាន់អចលនទ្រព្យកម្ពុជាប្រចាំឆ្នាំ 2022 ត្រូវបានឧបត្ថម្ភធំដោយក្រុមហ៊ុន Panasonic ដែលមានបំពាក់បច្ចេកវិទ្យា nanoe™X ថ្មីដែលផ្តល់ការការពារ 24/7 ពីបាក់តេរី និងមេរោគ

តាម​សំណើសុំ​វិនិយោគ​របស់​ក្រុមហ៊ុន​ជា​ច្រើន គណៈកម្មាធិការ​វិនិយោគ​កម្ពុជា នៃ​ក្រុមប្រឹក្សា​អភិវឌ្ឍន៍​កម្ពុជា បាន​សម្រេច​ចេញ​វិញ្ញាបនបត្រ​ចុះបញ្ជី​គម្រោង​វិនិយោគ​ជូន​ដល់​ក្រុមហ៊ុន​ដូច​ខាងក្រោម ៖កាលពី​ថ្ងៃ​ទី​៣១ ខែមីនា ឆ្នាំ​២០២២ គណៈកម្មាធិការ​វិនិយោគ​កម្ពុជា នៃ​ក្រុមប្រឹក្សា​អភិវឌ្ឍន៍​កម្ពុជា បាន​សម្រេច​ចេញ​វិញ្ញាបនបត្រ​ចុះបញ្ជី​គម្រោង​វិនិយោគ​ជូន​ដល់​ក្រុមហ៊ុន TOP NINGBO FASHION CO., LTD ដែល​ជា​គម្រោង​បង្កើត​រោងចក្រ​កាត់ដេរ​សម្លៀក​បំពាក់ ដែល​មាន​ទីតាំង​វិនិយោគ​ស្ថិត​នៅ​ភូមិ​សំណង់ សង្កាត់​រកា​ធំ ក្រុង​ច្បារមន ខេត្តកំពង់ស្ពឺ ក្នុង​ទុន​វិនិយោគ​ប្រមាណ ២,៤​លាន​ដុល្លារ​អា​មេ​រិ​ក និង​អាច​បង្កើត​ការងារ​បាន​ចំនួន ៦០៣​កន្លែង ។រីឯ​ថ្ងៃ​ទី​០១ ខែមេសា ឆ្នាំ​២០២២ វិញ​បាន​ចុះបញ្ជី​វិនិយោគ​សម្រាប់​ក្រុមហ៊ុន YOUNG CLOTHING (CAMBODIA) CO., LTD ដែល​ជា​គម្រោង​បង្កើត​រោងចក្រ​កាត់ដេរ​សម្លៀក​បំពាក់ ដែល​មាន​ទីតាំង​វិនិយោគ​ស្ថិត​នៅ​ភូមិ​រំលេច ឃុំ​រលាំងគ្រើល ស្រុក​សំរោង​ទង ខេត្តកំពង់ស្ពឺ មាន​ទុន​វិនិយោគ​ប្រមាណ ៤​លាន​ដុល្លារ​អា​មេ​រិ​ក និង​អាច​បង្កើត​ការងារ​បាន​ចំនួន​១.៦២០​កន្លែង ។ចំណែកឯ​ថ្ងៃ​ទី​១៧ ខែមេសា ឆ្នាំ​២០២២ កន្លងទៅនេះតាម​សំណើសុំ​វិនិយោគ​លើ​គម្រោង​បង្កើត​រោងចក្រ​កាត់ដេរ​សម្លៀក​បំពាក់ របស់​ក្រុមហ៊ុន RED MARS GARMENT (CAMBODIA) CO., LTD គណៈកម្មាធិការ​វិនិយោគ​កម្ពុជា នៃ​ក្រុមប្រឹក្សា​អភិវឌ្ឍន៍​កម្ពុជា បាន​សម្រេច​ចេញ​វិញ្ញាបនបត្រ​ចុះបញ្ជី​គម្រោង​វិនិយោគ ជូន​ដល់​ក្រុមហ៊ុន​ខាងលើ​ដែល​មាន​ទីតាំង​វិនិយោគ​ស្ថិត​នៅ​ភូមិ​រំដួល ឃុំ​ត្រពាំង​គង ស្រុក​សំរោង​ទង ខេត្តកំពង់ស្ពឺ ក្នុង​ទុន​វិនិយោគ​ប្រមាណ ៥,៧ លាន​ដុល្លារ​អា​មេ​រិ​ក និង​អាច​បង្កើត​ការងារ​បាន​ចំនួន ១.៦៤៨​កន្លែង ។គម្រោង​ទាំង​៣​នេះ​សរុប​ចំនួន​១២,១​លាន​ដុល្លារ និង​បង្កើត​ការងារ​ចំនួន​៣,៨៧១​កន្លែង​បន្ថែម​ទៀត​សម្រាប់​ប្រជាពលរដ្ឋ​ដែល​រស់នៅ​ក្នុង​ខេត្តកំពង់ស្ពឺ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក ! អត្ថបទដោយ

ខេត្តសៀមរាប ៖ ក្រុង​សៀមរាប​ដែល​ទើបតែ​ស្តារ​ហេដ្ឋារចនាសម្ព័ន្ធ​ផ្លូវ​ទាំង​៣៨​ខ្សែ និង​សម្ពោធ​ដាក់​ឱ្យ​ប្រើប្រាស់​កាលពី​ពេល​ថ្មី​ៗ ពេល​នេះ​រដ្ឋាភិបាល​នៃ​ប្រទេស​ជប៉ុន​កំពុង​ពិចារណា​ក្នុង​ការ​រៀបចំ​ធ្វើ​ឱ្យ​ក្រុង​សៀមរាប​ក្លាយទៅជា​ទីក្រុង​ឆ្លាត​វៃ​គំរូ​ក្នុង​តំបន់​អាស៊ាន​ដែល​ប្រើប្រាស់​បច្ចេកវិទ្យា និង​ការ​គ្រប់គ្រង​បែប​ឆ្លាត​វៃ​នា​ពេល​ខាង​មុខ ។តាម​រយៈ​លោក ប្រាក់ សោភ័ណ អភិបាលរង​ខេត្តសៀមរាប​បាន​លើក​ឡើង​ថា រដ្ឋបាល​ខេត្តសៀមរាប​បាន​ដាក់​សំណើ​ទៅ​កាន់​រដ្ឋាភិបាល​ជប៉ុន​តាម​រយៈ​ទីភ្នាក់ងារ​សហប្រតិបត្តិការ​អន្តរជាតិ​ជប៉ុន (JICA) ហើយ​ក្នុង​នោះ​ផង​ដែរ JICA ក៏​បាន​ទទួល​សំណើ និង​ពិចារណា​ដើម្បី​ធ្វើការ​រៀបចំ​ខេត្តសៀមរាប​ឱ្យ​ក្លាយទៅជា​ទីក្រុង​ឆ្លាត​វៃ​នា​ពេល​អនាគត ។លោក​អភិបាលរង​ខេត្តសៀមរាប​ក៏​បាន​លើក​ឡើង​ផង​ដែរ​ថា ប្រទេស​ជាតិ​បាន​ជួប​ប្រទះ​នូវ​បញ្ហា​ជំងឺ​រាតត្បាត​កូ​វី​ដ​១៩​បាន​ធ្វើ​ឱ្យ​សេដ្ឋកិច្ច​មានការ​ធ្លាក់​ចុះ មិនតែប៉ុណ្ណោះ​ប្រជាពលរដ្ឋ​ក្នុង​ខេត្តសៀមរាប​បាន​បាត់បង់​ការងារ​ស្ទើរ​ទាំង​ស្រុក​ដោយសារ​ការ​រង​ផល​ប៉ះពាល់​លើ​វិស័យ​ទេសចរណ៍ និង​កសិកម្ម​ព្រោះ​បញ្ហា​កូ​វី​ដ​១៩ ។លោក ប្រាក់ សោភ័ណ ក៏​បានឱ្យ​ដឹង​ទៀត​ថា នា​ឱកាស​បុណ្យចូលឆ្នាំ​ប្រពៃណី​ខ្មែរ​ខាង​មុខ​នេះ រដ្ឋបាល​ខេត្តសៀមរាប​មានការ​រៀបចំ​កម្មវិធី​សង្ក្រាន្ត​ឆ្នាំ​ថ្មី​ដើម្បី​ធ្វើការ​ទាក់ទាញ​ភ្ញៀវ​ទេសចរ​ជាតិ និង​អន្តរជាតិ​ឱ្យមក​ធ្វើ​ដំណើរ​កំសាន្ត​ដើម្បី​អាច​ឱ្យ​បងប្អូន​ប្រជាពលរដ្ឋ​អាច​រក​ចំណូល​បាន​ឡើង​វិញ ។គួរ​រម្លឹក​ផង​ដែរ​ថា កន្លង​មក​ខេត្តសៀមរាប​បាន​ចុះ​អនុស្សរណៈ​ជាមួយ​ទីភ្នាក់ងារ​សហប្រតិបត្តិការ​អន្តរជាតិ​ជប៉ុន JICA ក្នុង​គម្រោង​ពង្រីក​សមត្ថភាព​ប្រព័ន្ធ​ផ្គត់ផ្គង់​ទឹក​ស្អាត​ខេត្តសៀមរាប​ប្រើ​ទុន​វិនិយោគ​សរុប​ប្រមាណ​៩០​លាន​ដុល្លារ គ្របដណ្តប់​លើ​ការងារ​សាងសង់​រោងចក្រ​ប្រព្រឹត្ត​កម្ម​ទឹក​ស្អាត​ថ្មី​មួយទៀត ដែល​មាន​សមត្ថភាព​ផលិត​ទឹក​ស្អាត​៦០.០០០​ម៉ែត្រគូប ក្នុង​មួយ​ថ្ងៃ រួម​ជាមួយនឹង​ការ​សាងសង់​បំពង់​មេ​នាំ​ទឹក និង​ចែកចាយ​ទឹក​ស្អាត ប្រវែង​សរុប​១៩៦​គីឡូម៉ែត្រ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក ! អត្ថបទដោយ

ខេត្តសៀមរាប ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី នៃ​ប្រទេស​កម្ពុជា មាន​បំណង​ចង់​សាងសង់​ផ្លូវ​១៥​គីឡូម៉ែត្រ​ក្នុង​ក្រុង​សៀមរាប ដោយ​បាន​ថ្លែងប្រាប់​ទៅ​កាន់​ឯកឧត្តម ស៊ុន ចាន់​ថុ​ល ទេស​រដ្ឋមន្ត្រី រដ្ឋមន្ត្រីក្រសួង​សាធារណការ និង​ដឹង​ជញ្ជូន រៀបចំ​សំណើរ​ដើម្បី​សុំ​ជំនួយ​ពី​សាធារណរដ្ឋ​ប្រជាមានិត​ចិន ។ ប្រសាសន៍​ណែនាំ​របស់​សម្តេច​បាន​ធ្វើ​ឡើង​ក្នុង​ដំណើរ​ចុះ​ពិនិត្យ​ការ​សាងសង់​អាកាសយានដ្ឋាន​អន្តរជាតិ​សៀមរាប​-​អង្គរ ស្ថិត​ក្នុង​ឃុំ​តា​ជេ​ក ស្រុក​សូទ្រនិគម ខេត្តសៀមរាប ។សម្តេច​តេ​ជោ​បាន​ថ្លែង​ថា ក្រុមហ៊ុន​ចិន​បាន​វិនិយោគ ១១០ លាន​ដុល្លារ​ដើម្បី​សាងសង់​ព្រ​លាន​យន្តហោះ​ថ្មី​នៅ​ខេត្តសៀមរាប និង​ផ្លូវ​សម្រាប់​អ្នក​ធ្វើ​ដំណើរ​ទៅ​ខេត្ត ។ លោក​បាន​បន្ថែម​ថា ៖ «​ដូច្នេះ​រដ្ឋាភិបាល​ត្រូវ​គិតគូរ​ពី​ការ​សាងសង់​ផ្លូវជាតិ​លេខ​៦​ទៅ​ក្រុង​សៀមរាប​» ។ សម្តេច​បន្ត​ថា រដ្ឋាភិបាល​នឹង​ត្រូវ​ចំណាយ​ថវិកា​មួយ​ចំនួន​ទៀត​ដើម្បី​សាងសង់​ផ្លូវ​ប្រវែង ១៥ គីឡូម៉ែត្រ ដូច្នេះ​លោក ស៊ុន ចាន់​ថុ​ល រដ្ឋមន្ត្រីក្រសួង​សាធារណការ គួរ​រៀបចំ​សំណើសុំ​ជំនួយ​ពី​រដ្ឋាភិបាល​ចិន ។សម្តេច​តេ​ជោ​នាយក​រដ្ឋ​បាន​ថ្លែង​ឱ្យ​ដឹង​បន្ថែម​ថា អាកាសយានដ្ឋាន​អន្តរជាតិ​សៀមរាប​-​អង្គរ ដែល​មាន​ចម្ងាយ​ប្រមាណ​៤០​គីឡូម៉ែត្រ​ពី​អង្គរ​នេះ គឺជា​ចម្ងាយ​មួយ​ធានា​ដល់​សុវត្ថិភាព​របស់​ប្រាសាទ​អង្គរ ។ ភាព​ចាំបាច់​នៃ​ការ​សាងសង់​អាកាសយានដ្ឋាន​ថ្មី​នេះ គឺ​ដោយសារ​អាកាសយានដ្ឋាន​បច្ចុប្បន្ន មិន​អាច​ទទួល​យន្តហោះ​ខ្នាត​ធំ​បាន​នោះ​ឡើយ ។ អាកាសយានដ្ឋាន​អន្តរជាតិ​សៀមរាប​-​អង្គរ​នេះ​នឹង​អាច​ទទួល​បានការ​ហោះ​ហើយ​យន្តហោះ​គ្រប់​កម្រិត ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក !

ខេត្តសៀមរាប ៖ នា​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​នូវ​ផ្លូវ​ទាំង​៣៨​ខ្សែ​ក្នុង​ក្រុង​សៀមរាប កាលពី​ព្រឹក​ថ្ងៃ​ទី​០៤ ខែមេសា ឆ្នាំ​២០២២ នេះ​សម្តេច​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា បាន​សម្តែង​ការ​ប្រតិកម្ម​ជុំវិញ​ការ​លើក​ឡើង​របស់​អ្នក​អភិវឌ្ឍន៍​អចលនទ្រព្យ​មួយ​ចំនួន ជា​ពិសេស​ឱ្យ​លោក គឹ​ម ហ៊ា​ង អ្នក​រកស៊ី​អចលនទ្រព្យ​ដែល​ធ្លាប់​ថា ឱ្យ​អាជ្ញាធរ​ខេត្តសៀមរាប​ដែល​មិន​អនុញ្ញាត​ឱ្យ​សាងសង់​សំណង់​អគារ​ខ្ពស់​ៗ​ដែល​ធ្វើ​ឱ្យ​វិស័យ​ដីធ្លី​មិន​អាច​ឡើងថ្លៃ​បាន ត្រូវ​ឈប់​ធ្វើការ​ទិទាន​បន្ត​ទៀត ព្រោះ​ខេត្តសៀមរាប​ជា​ខេត្ត​បេតិកភណ្ឌ​មិន​ដូច​ខេត្ត​ដទៃ​ឡើយ ។សម្តេច​តេ​ជោ ហ៊ុន សែន បាន​មាន​ប្រសាសន៍​ថា កុំ​យក​ខេត្តសៀមរាប​ដែល​ជា​ខេត្ត​បេតិកភណ្ឌ​របស់​ប្រទេស​កម្ពុជា​ទៅ​ប្រៀបធៀប​ជាមួយនឹង​ទីផ្សារ​ខេត្ត​ដទៃ ដោយ​ខេត្តសៀមរាប​មិន​អាច​អភិវឌ្ឍន៍​សំណង់​អគារ​ខ្ពស់​ៗ​បាន​ទេ ព្រោះ​មានការ​ហាមឃាត់​ពី​អាជ្ញាធរ និង​អង្គការ​យូ​ណេ​ស្គូ ។សម្តេច​តេ​ជោ ហ៊ុន សែន បាន​ថ្លែង​ប្រតិកម្ម​នឹង​អ្នក​អភិវឌ្ឍន៍​អចលនទ្រព្យ​មួយ​ចំនួន​ដែល​ចង់ឱ្យ​មានការ​អភិវឌ្ឍ​អគារ​ខ្ពស់​ៗ​នៅ​ក្នុង​ក្រុង​សៀមរាប ដោយ​សម្តេច​បាន​មាន​ប្រសាសន៍​ថា ៖«​ប្រសិនបើ​ធ្វើ​អគារ​ខ្ពស់​ៗ​បែប​នោះ អង្គរវត្ត​នឹង​ត្រូវ​ដក​ចេញពី​បញ្ជី​បេតិកភណ្ឌ​ពិភពលោក​ហើយ ។ ត្រូវ​មើល​ព្រៃ​ទាំងមូល កុំ​មើល​ឈើ​មួយ​ដើម​» ។សម្តេច​តេ​ជោ​បាន​ជម្រាប​ទៅ​កាន់​អង្គការ​យូ​ណេ​ស្កូ​ថា ៖«​សូមកុំ​បារម្ភ​ចំពោះ​ការ​អនុវត្ត​នូវ​លក្ខខណ្ឌ​ទាំងឡាយ​ចំពោះ​ការ​អភិរក្ស​នៅ​តំបន់​ក្រុង​សៀមរាប គឺ​កម្ពុជា​មិន​កាប់​មេមាន់​ដើម្បី​ឆ្ងាញ់​មួយ​ពេល​នោះ​ទេ ផ្ទុយ​ទៅ​វិញ​គឺ​កម្ពុជា​ត្រូវ​ចិញ្ចឹម​មេមាន់​ឱ្យ​ធំធាត់ ដើម្បី​យក​ពង​យូរអង្វែង​» ។សម្តេច​តេ​ជោ​ក៏​បាន​បញ្ជាក់​ផង​ដែរ​ថា មិន​ខ្វះ​កន្លែង​រកស៊ី​អចលនទ្រព្យ​ទេ តែ​មិន​ត្រូវ​បំពាន​អង្គរ​ជា​ដាច់ខាត ។ ដោយ​សម្តេច​មិន​ឱ្យ​តម្លៃ​បេតិកភណ្ឌ​អង្គរវត្ត​បាត់បង់ និង​អាច​ឈាន​ដល់​ការ​ដក​ចេញពី​បញ្ជី​បេតិកភណ្ឌ​ពិភពលោក​របស់​អង្គការ​យូ​ណេ​ស្គូ ហើយ​ធ្លាប់​កើត​នៅ​ប្រទេស​ជឿនលឿន​ខ្លះ​ហើយ​ដែរ ដែល​បំពាន​លក្ខខណ្ឌ​របស់​អង្គការ​យូ​ណេ​ស្គូ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក ! អត្ថបទដោយ

រដ្ឋបាល​ខេត្តព្រះវិហារ​បាន​ជូនដំណឹង​ទៅ​កាន់​ប្រជាពលរដ្ឋ​ដែល​កំពុង​ទន្ទ្រាន​ដី​សម្បទាន​សេដ្ឋកិច្ច​ដែល​រាជរដ្ឋាភិបាល​បាន​ផ្តល់​ទៅ​កាន់​ក្រុមហ៊ុន​សម្រាប់​វិនិយោគ​លើ​ដំំ​ណាំ​អំពី ប៉ុន្តែ​ត្រូវ​បាន​ប្រជាពលរដ្ឋ​មួយ​ចំនួន​ចូល​ទន្ទ្រាន កាន់កាប់ យ៉ាង​អាណា​ធិ​ប​តេ​យ្យ ។ នេះ​បើ​យោង​តាម​សេចក្តីជូនដំណឹង​របស់​រដ្ឋបាល​ខេត្តព្រះវិហារ ។តាម​សេចក្តីជូនដំណឹង​បានឱ្យ​ដឹង​ថា រាជរដ្ឋាភិបាល​បាន​ផ្តល់​ដី​សម្បទាន​សេដ្ឋកិច្ច​សម្រាប់​វិនិយោគ​លើ​ដំណាំ​អំពៅ​ជូន​ក្រុមហ៊ុន​ចំនួន​០៥​ដែល​មាន​ទីតាំង​ស្ថិត​ក្នុងភូមិ​សាស្ត្រ​ស្រុក​ឆែប ស្រុក​ត្បែងមានជ័យ និង​ស្រុក​ជ័យ​សែន ខេត្តព្រះវិហារ ។សេចក្តីជូនដំណឹង​ដដែល​បានឱ្យ​ដឹង​បន្ត​ថា កន្លង​មក​ក្រុមហ៊ុន​បាន​ដំណើរ​សកម្មភាព​វិនិយោគ​យ៉ាង​រលូន​រហូត​ដល់​ឆ្នាំ​២០១៩​ត្រូវ​បាន​ផ្អាក​សកម្មភាព​វិនិយោគ​ជាប​ណ្ណោះ​អាសន្ន​ដោយសារ​តែ​ជំងឺ​រាតត្បាត​កូ​វិ​ដ​១៩ សម្រាប់​តែ​មាន​ប្រជាពលរដ្ឋ​ចូល​ទៅ​ទន្ទ្រាន កាន់កាប់ យ៉ាង​អាណា​ធិ​ប​តេ​យ្យ​លើ​ទីតាំង​ដី​វិនិយោគ​ដែល​ក្រុមហ៊ុន​ធ្លាប់​បាន​ដាំ​ដុះ​កន្លង​មក ។រដ្ឋបាល​ខេត្តព្រះវិហារ​តាម​រយៈ​សេចក្តីជូនដំណឹង​ខាងលើ​បាន​បញ្ជាក់​ថា ដើម្បី​ធានា​នូវ​ការ​គ្រប់គ្រង​ដី​រដ្ឋ​ប្រកបដោយ​ប្រសិទ្ធភាព និង​និរន្ត​ភាព រដ្ឋបាល​ខេត្ត​ដាក់​ចេញ​នូវ​វិធានការ​ដូច​ខាងក្រោម ៖១- ប្រជាពលរដ្ឋ ឬ​បុគ្គល​រូប​ណា​ដែល​កំពុង​ចូល​មក​ទន្ទ្រាន កាន់កាប់​លើ​ទីតាំង​ដី​វិនិយោគ ត្រូវ​ចាកចេញ និង​បញ្ឈប់​សកម្មភាព​ជា​បន្ទាន់ ។២- ចំពោះ​ប្រជាពលរដ្ឋ ឬ​បុគ្គល​ណា​ដែល​នៅ​តែ​បន្ត​ល្មើស​ចូល​មក​ទន្ទ្រាន កាន់កាប់​លើ​ទីតាំង​ដី​វិនិយោគ​បន្ត​ទៀត រដ្ឋបាល​ខេត្ត​នឹង​ចាត់វិធានការ​តាម​នីតិវិធី​ច្បាប់ ។៣- ប្រជាពលរដ្ឋ ឬ​បុគ្គល​ណា​ដែល​ត្រូវ​បាន​ជនខិលខូច​បោកប្រាស់​ថា​ជួល​ដី​ឱ្យ​ស្ថិត​នៅ​លើ​ទីតាំង​វិនិយោគ​ទាំង​០៥​ក្រុមហ៊ុន​នេះ សូម​ផ្តល់​ដំណឹង​មក​កាន់​អាជ្ញា​ធរមាន​សមត្ថកិច្ច ឬ​ត្រូវ​ដាក់​ពាក្យបណ្តឹង​ទៅ​កាន់​អាជ្ញា​ធរមាន​សមត្ថកិច្ច​ជា​បន្ទាន់ ដើម្បី​ចៀសវាង​ការ​ខាត​ប្រយោជន៍ ។ កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក ! អត្ថបទដោយ

បច្ចុប្បន្ន​ពលរដ្ឋ​កម្ពុ​ជាមួយ​ចំនួន​បាន​ជួល​ដីស្រែ ចម្ការ នៅ​តាម​បន្ទាត់​ព្រំដែន​ទៅ​ឱ្យ​ពលរដ្ឋ​ប្រទេស​ជិតខាង​ដើម្បី​ធ្វើ​អាជីវកម្ម និង​បង្កបង្កើន​ផង​នានា ព្រោះ​ការ​ជួល​ដី​ឱ្យ​គេ​វា​មាន​ភាព​ងាយស្រួល ប៉ុន្តែ​នៅ​ពេល​ជួល​យូរ​ៗ​ទៅ​ជនបរទេស​ថា​គាត់​មក​នៅ​លើ​ដី​នេះ​យូរហើយ​ទាមទារ​កម្មសិទ្ធិ ដូច្នេះ​អាច​នឹង​បង្ក​ជា​បញ្ហា​ទំនាស់​ដីធ្លី​ពិបាក​នឹង​ដោះស្រាយ ។រដ្ឋមន្ត្រី​ក្រសួងមហាផ្ទៃ​បាន​សម្តែង​ការ​ព្រួយបារម្ភ​ទាក់ទង​ទៅ​នឹង​ការ​ជួល​ដី​ពី​សំណាក់​ប្រជាពលរដ្ឋ​ខ្មែរ​នៅ​តាម​ខ្សែបន្ទាត់​ព្រំដែន​ឱ្យទៅ​ជនបរទេស​ដែល​អាច​បង្ក​បញ្ហា​ដីធ្លី និង​ការ​រស់នៅ​ខុសច្បាប់​នៅ​កម្ពុជា ។ ការ​លើក​ឡើង​របស់​សម្តេច ស ខេ​ង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ បាន​ធ្វើ​ឡើង​ក្នុង​ពិធី​សន្និបាត​បូក​សរុប​លទ្ធផល​ការងារ​ឆ្នាំ​២០២១ និង​លើក​ទិស​ដៅ​ការងារ​ឆ្នាំ​២០២២ របស់​រដ្ឋបាល​ខេត្តព្រៃវែង កាលពី​ពេល​កន្លង​ទៅ​នេះ ។សម្តេច ស ខេ​ង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ការ​គ្រប់​គ្រង់​សន្តិសុខ​ជា​ផ្នែក​មួយ​ដ៏​សំខាន់​ដើម្បី​ធ្វើការ​ទប់ស្កាត់​ការ​លួច​ឆ្លង​ដែន និង​ការ​រត់ពន្ធ​ខុសច្បាប់​ចូល​ក្នុង​ប្រទេស​កម្ពុជា ។ សម្តេច​បាន​ណែនាំ​ទៅ​កាន់​មន្ត្រី​ពាក់ព័ន្ធ និង​អាជ្ញាធរ​នៅ​តាម​បន្ទាត់​ព្រំដែន​កម្ពុជា​-​វៀតណាម​ត្រូវ​ណែនាំ​ប្រាប់​ប្រជាពលរដ្ឋ​កុំ​ជ្រួលជ្រើម​ជួល​ដី​ទៅ​ឱ្យ​ពលរដ្ឋ​វៀតណាម​បន្ត​ទៅ​ទៀត ព្រោះ​បារម្ភ​ថា​អាច​នឹង​កើតជា​ទំនាស់​ដីធ្លី​ដែល​មាន​ភាព​ស្មុគស្មាញ​ពិបាក​នឹង​ដោះស្រាយ ។សម្តេច ស ខេ​ង បាន​មាន​ប្រសាសន៍​ឱ្យ​ដឹងផង​ដែរ​ថា ៖«​កន្លង​ទៅ វា​មាន​បញ្ហា​ទាក់ទង​ការ​គ្រប់គ្រង អាហ្នឹង​វា​ពាក់ព័ន្ធ​នឹង​បូរណភាព​ទឹកដី​ដែរ គឺថា​ប្រជាពលរដ្ឋ​គាត់​ជួល​ដី​នៅ​តាម​ព្រំដែន គាត់​អត់​ធ្វើ​ទេ គាត់​ជួល​យក​លុយ វា​ស្រួល ប៉ុន្តែ​វា​ក៏​មិន​ស្រួល​ដែរ នៅ​ពេល​យូរ​ៗ​ទៅ ដែល​គាត់​ថា គាត់​មក​នៅ​លើ​ដី​ហ្នឹង​យូរហើយ ដូច្នេះ​ដោះ​មិន​ងាយ​ចេញ​ទេ នេះ​ហើយ​ជា​បញ្ហា ។ អ៊ីចឹង​ហើយ​មិន​ត្រូវ​ទេ អត់​មាន​សិទ្ធិ​ទេ ខ្ញុំ​គិត​ថា វា​អា​សិទ្ធិ​ជួល​ហ្នឹង ខ្ញុំ​មិនដឹង​ទេ អ្នក​ណា​សម្រេច​ទេ ប៉ុន្តែ​សុំ​សិក្សា​ឱ្យ​បាន​មែនទែន សិទ្ធិ​ជួល​អ៊ីចឹង​ៗ អត់ឱ្យ​ជួល​ទេ​។ អាហ្នឹង​អត់​បាន​ទេ ជួល​យូរ​ៗ​ទៅ គាត់​ថា​អាហ្នឹង​ដី​គាត់​មក​ធ្វើ​យូរហើយ នេះ​ជា​បញ្ហា​» ។គួររម្លឹកផង​ដែរ​ថា ពាក់ព័ន្ធ​ទៅនឹង​ការ​ជួល​ដី​ទៅឱ្យជនបរទេស​ជិតខាង​ចូល​មក​បង្កបង្កើន​ផល កាលពី​ថ្ងៃ​ទី​១៧ ​ខែវិច្ឆិកា ​ឆ្នាំ​២០១៥ រាជរដ្ឋាភិបាល​កម្ពុជា​បាន​ចេញ​សារាចរ ហាម​ជួល លក់​ដីស្រែ​ចំការ​ឬ​លំនៅ​ដ្ឋា​ន​នៅ​តាម​តំបន់​ព្រំដែនឱ្យ​ទៅ​​ប្រជាពលរដ្ឋ​នៃ​ប្រទេស​ជិតខាង រួម​ទាំង​តំបន់​មិន​ទាន់​បាន​កំណត់​ខណ្ឌសីមា​និង​បោះបង្គោល​ព្រំដែន​ផ្លូវការ​រួច​ជា​ស្ថាពរ ​។ រាជរដ្ឋាភិបាល​បញ្ជាក់​ក្នុង​សារាចរ​នោះ​ថា ការ​ជួល​ដី​ជាប់​ព្រំដែន​ឱ្យទៅ​ប្រទេស​ជិតខាង​គឺ​បាន​បង្ក​ភាព​ស្មុគស្មាញ​ដល់​កិច្ចការ​របស់​គណៈកម្មាធិការ​ចម្រុះ​កិច្ចការ​ព្រំដែន​ក្នុង​ការ​អនុវត្ត​ការងារ​របស់​ខ្លួន​ ៕កំពុងស្វែងរកផ្ទះក្នុងក្តីស្រមៃមែនទេ? ចុចប៊ូតុងនេះពួកយើងនឹងជួយលោកអ្នក ! អត្ថបទដោយ

បច្ចុប្បន្ន​ការ​អភិវឌ្ឍន៍​ឥត​ឈប់​ឈរ ជា​ពិសេស​គឺ​វិស័យ​លំនៅ​ឋាន វិស័យ​ពាណិជ្ជកម្ម និង​អនុ​វិស័យ​ឧស្សាហកម្ម​ដែល​ធ្វើ​ឱ្យ​តម្លៃ​ដី​កើនឡើង ។ ជាក់ស្តែង​ផ្លូវ​២០០៤ ឬ​ផ្លូវ​ម៉ៃ​ដា​ដែល​ស្ថិត​នៅ​ក្នុង​ខណ្ឌ​ពោធិ៍​សែន​ជ័យ​កំពុង​បង្ហាញ​ពី​សក្តានុពល​អភិវឌ្ឍន៍​របស់​ខ្លួន​យ៉ាង​ខ្លាំង ។ អ្វី​ដែល​កាន់តែ​គួរ​ឱ្យ​កត់សម្គាល់​ទៀត​នោះ​គឺ​វត្តមាន​លំនៅ​ឋាន​ថ្មី​ៗ និង​គម្រោង​ខុន​ដូរ​ជា​ច្រើន​កំពុង​បង្ហាញខ្លួន​ជា​បន្តបន្ទាប់​នៅ​តាម​បណ្តោយ​ផ្លូវ​២០០៤ ។ចង់​ស្វែងរក​លំនៅ​ឋាន​ដែល​សាងសង់​រួច​នៅ​ផ្លូវ​២០០៤​តើ​គួរ​ជ្រើសរើស​គម្រោង​មួយ​ណា?សម្រាប់​លោក​អ្នក​ដែល​មាន​បំណង​ស្វែងរក​លំនៅ​ឋាន​ដែល​សាងសង់​រួច​ជា​ស្ថាពរ​នៅ​តាម​បណ្តោយ​ផ្លូវ​២០០៤​អាច​ពិ​បារ​ណា​ជ្រើសរើស​គម្រោង Orkide the Royal Condominium ដែល​ស្ថិត​នៅ​តាម​បណ្តោយ​ផ្លូវ​២០០៤​ផ្ទាល់​ជាប់​នឹង​សាលា​អន្តរជាតិ Northbridge ។គម្រោង​នេះ​ផ្តល់​ជូន​នូវ​កន្លែង​ដ៏​កក់ក្តៅ និង​ប្រណិត​ភាព​ដែល​អគារ​មាន​កម្ពស់​រហូត​ដល់​១៨​ជាន់ ហើយ​យូ​នី​ត​នីមួយ​ៗ​សុទ្ធតែ​បំពាក់​ទៅ​ដោយ​សម្ភារៈ និង​គ្រឿង​បរិក្ខារ​ទំនើប​ៗ​ជា​ច្រើន ដែល​អ្នក​ត្រូវការ​សម្រាប់​ការ​រស់នៅ​ប្រកបដោយ​ផាសុកភាព ។ប្រសិនបើ​អ្នក​ចង់​រស់នៅ​ក្នុង​បរិយាកាស​ប្រណីត និង​មាន​ខ្យល់អាកាស​បរិសុទ្ធ​ល្អ គម្រោង​នេះ​គឺជា​កន្លែង​ដែល​ល្អ​បំផុត​សម្រាប់​លោក​អ្នក ព្រោះ​គ្រប់​យូ​នី​ត​មាន​បង្អួច និង​វេរ៉ង់ដា​ធំ​ទូលាយ​ដែល​នាំ​ឱ្យ​ពន្លឺ និង​ខ្យល់​ចេញចូល​បាន​ល្អ ផ្តល់​នូវ​អារម្មណ៍​ស្រស់ថ្លា​ក្នុង​ការ​រស់នៅ ។ អគារ​មាន​កន្លែង​ចត​រថយន្ត​ធំ​ទូលាយ ដូច្នេះ​ការ​ធ្វើ​ដំណើរ​ទៅ​មក​គឺ​មាន​ភាព​ងាយស្រួល ជា​ពិសេស​ជាមួយនឹង​សន្តិសុខ​២៤​ម៉ោង ដែល​អាច​ធានា​បាន​នូវ​សុវត្ថិភាព​របស់​អ្នក​រស់នៅ​ក្នុង​គម្រោង​នេះ​ជា​និច្ច ។គម្រោង Orkide the Royal Condominium បង់​មុន​ត្រឹមតែ​10%​ប៉ុណ្ណោះ​លោក​អ្នក​អាច​កាន់​សោរ​ចូល​នៅ​បាន​ភ្លាម​ៗ​ដោយ​មិន​តម្រូវ​ឱ្យធ្វើ​ការ​រង​ចាំ​យូរ និង​មានការ​ផ្តល់​ជូន​ពិសេស​ជា​ច្រើន​ទៀត ។ លោក​អ្នក​អាច​សាកសួរ​ព័ត៌មាន​លម្អិត​បន្ថែម​បាន​ដោយ​គ្រាន់តែ​ចុច​ប៊ូ​តុង​ខាងក្រោម ៕បង់មុន10%កាន់សោរចូលនៅ !

គម្រោង​សាងសង់​ផ្លូវ​ល្បឿន​លឿន​ភ្នំពេញ​-​បា​វិត​ដែល​ជា​ផ្លូវ​សេដ្ឋកិច្ច​ដ៏​សំខាន់​នឹង​ត្រូវ​ត​ភ្ជាប់​រវាង​ប្រទេស​កម្ពុជា និង​វៀតណាម មាន​ប្រវែង​១៣០​គីឡូម៉ែត្រ ពេល​នេះ​បាន​បញ្ចប់​ការ​សិក្សា​លើ​គម្រោង​សាងសង់​ផ្លូវ​នេះ​ជា​ស្ថាពរ​ហើយ ដោយ​គ្រោង​នឹង​ចំណាយ​ថវិការ​ប្រមាណ​២៥០០​លាន​ដុល្លារ ។ នេះ​បើ​យោង​តាម​ថ្នាក់ដឹកនាំ​ក្រុមហ៊ុន China Railway ប្រចាំ​នៅ​កម្ពុជា ។ថ្នាក់ដឹកនាំ​ក្រុមហ៊ុន China Railway ប្រចាំ​នៅ​កម្ពុជា​ក៏​បានឱ្យ​ដឹងផង​ដែរ​ថា គម្រោង​សាងសង់​ផ្លូវ​ល្បឿន​លឿន​ភ្នំពេញ​-​បា​វិត​នេះ​ត្រូវ​ចំណាយ​ថវិការ​ច្រើន​រហូត​ដល់​២៥០០​លាន​ដុល្លារ​ដោយសារ​តែ​ផ្លូវ​នេះ​មាន​ប្រវែង​វែង និង​ថែម​ទាំង​ត្រូវ​សាងសង់​ស្ពាន​ច្រើន​កន្លែង​ផង​ដែរ ។ថ្នាក់ដឹកនាំ​ក្រុមហ៊ុន China Railway ប្រចាំ​នៅ​កម្ពុជា​​បន្ត​ថា ៖«​គម្រោង​សាងសង់​ផ្លូវ​ល្បឿន​លឿន​ភ្នំពេញ​-​បា​វិត​នេះ​ត្រូវ​បាន​ដាក់​ឆ្លង​ប្រមុខ​ថ្នាក់ដឹកនាំ​កម្ពុជា​រួច​ហើយ និង​ត្រូវ​បា​នប​ញ្ចួ​ល​សំណើរ​ទៅ​កាន់​រដ្ឋាភិបាល​ចិន ដើម្បី​សិក្សា​ពី​លទ្ធភាព​ហិរញ្ញប្បទាន​ដើម្បី​សាងសង់​ផ្លូ​​វ​នេះ​ឬ​យ៉ាងណា​» ។គម្រោងសាងសង់ផ្លូវ​ល្បឿន​លឿន​ភ្នំពេញ​-​បា​វិតនេះត្រូវសិក្សាប្រើរយៈពេលយូរដោយសារតែ​កម្រិត​នៃ​ផល​ចំណេញ​ផ្នែក​សេដ្ឋកិច្ច​របស់​ផ្លូវ​នេះ ខណៈ​បច្ចុប្បន្ន​ផ្លូវជាតិ​លេខ​១​ក៏​បាន​ដើរតួ​នាទី​សំខាន់​ផង​ដែរ​ដើម្បី​ត​ភ្ជាប់​រវាង​កម្ពុជា​-​វៀតណាមផងដែរ ។គួរ​រម្លឹក​ផង​ដែរ​ថា ឯកឧត្តម ស៊ុន ចាន់​ថុ​ល រដ្ឋមន្ត្រីក្រសួង​សាធារណៈការ និង​ដឹក​ជញ្ជូន ធ្លាប់​បាន​មាន​ប្រសាសន៍​ថា គម្រោង​សាងសង់​ផ្លូវ​ល្បឿន​លឿន​ផ្លូវជាតិ​លេខ​១​ពី​ភ្នំពេញ​ទៅ​បា​វិត​នេះ ព្រោះតែ​ប្រទេស​កម្ពុជា​ស្ថិត​នៅ​ចន្លោះ​រវាង​ប្រទេស​វៀតណាម និង​ថៃ ដូច្នេះ​បើ​ប្រទេស​ទាំង​២​ចង់​ចរាចរ​ទំនិញ​ត្រូវ​ឆ្លងកាត់​កម្ពុជា​តាម​រយៈផ្លូវ​អាស៊ាន​ហា​យ​វេ​លេខ​១ គឺ​កា​រត​ភ្ជាប់​ពី​ចិន ភូមា ថៃ កម្ពុជា ទៅ​វៀតណាម តាម​រយៈផ្លូវ​ជាត​លេខ​៥ និង​លេខ​ជាតិ​១​របស់​កម្ពុជា ៕កំពុងស្វែងរកផ្ទះក្នុងក្តីស្រមៃមែនទេ? ពួកយើងអាចជួយបាន !

រាជធានីភ្នំពេញ ៖ ក្រុមហ៊ុន Digital Classifieds Group (DCG) ដែលមានមូលដ្ឋាននៅប្រទេសអូស្ត្រាលីដែលជាក្រុមហ៊ុនមេធំ នៃក្រុមហ៊ុនវេទិកាអចលនទ្រព្យឈានមុខគេនៅកម្ពុជា Realestate.com.kh បានសហការជាដៃគូយុទ្ធសាស្ត្រជាមួយក្រុមហ៊ុនបច្ចេកវិទ្យាអចលនទ្រព្យដ៏ធំបំផុតមួយរបស់ពិភពលោកគឺ BEIKE·REALSEE ។ R​​ealestate.com.kh ​ចាប់ដៃ​យុទ្ធសាស្ត្រ​ជាមួយ​ក្រុមហ៊ុន Beike Realsee នាំ​​បច្ចេកវិទ្យា​ទំនើបថ្មី​​មកកាន់​ វិស័យ​អចលនទ្រព្យ​DCG គឺជាក្រុមហ៊ុនអាជីវកម្មទីផ្សារឌីជីថលដែលកំពុងរីកចម្រើនយ៉ាងឆាប់រហ័សជាមួយនឹងប្រតិបត្តិការនៅក្នុង ប្រទេសកម្ពុជា, ឡាវ, ប៉ាពួញូហ្គីណេ និងហ្វីជី ខណៈដែលក្រុមហ៊ុន BEIKE·REALSEE គឺជាក្រុមហ៊ុនត្រួសត្រាយផ្នែក​ បច្ចេកវិទ្យាអចលនទ្រព្យដ៏ធំមួយ ។កិច្ចសហការថ្មីជាមួយ BEIKE·REALSEE នេះនឹងចាប់ផ្តើមជាមួយនឹងការចែករំលែកបច្ចេកវិទ្យាឱ្យសមស្របតាមពេលវេលា ដើម្បីរួមបញ្ចូលទិដ្ឋភាពផ្សេងទៀតនៃដំណើរនៃភាពជាម្ចាស់អចលនទ្រព្យ ដូចជាទីផ្សារ និងការលក់ជាដើម ។បច្ចេកវិទ្យា Virtual Tourផលិតផលដំបូងដែលនឹងចាប់ផ្តើមបន្ទាប់ពីសហការជាមួយ Beike គឺជាបច្ចេកវិទ្យា Virtual Tour របស់ក្រុមហ៊ុនដែលត្រូវ បានបង្កើតឡើងដោយផ្នែក Realsee របស់ក្រុមហ៊ុន ។ ផលិតផលទេសចរណ៍និម្មិត (Virtual Tour) របស់ Realsee ជួយសម្រួលដល់ដំណើរទេសចរណ៍និម្មិតដែលមានគុណភាពខ្ពស់ និងមានតម្លៃទាបសម្រាប់ជាប្រយោជន៍ដល់អ្នកអភិវឌ្ឍន៍ អចលនទ្រព្យ ភ្នាក់ងារ និងសំខាន់បំផុតគឺអ្នកស្វែងរកអចលនទ្រព្យ ។ឧបករណ៍ Galois Laser VR ដែលអភិវឌ្ឍដោយ Realsee បានឈ្នះពានរង្វាន់ Red Dot Design Award រួចហើយ ទៅលើប្រព័ន្ធដំណើរការល្អ និងការរចនាផលិតផលដ៏អស្ចារ្យ ។ ការបង្ហាញបីវិមាត្រ មាត្រដ្ឋាន និងព័ត៌មានលម្អិតបន្ទប់ ដែលអាចអនុញ្ញាតឱ្យលោកអ្នកមើល VR Online ដែលអាចទស្សនារូបពិតអំពីបន្ទប់ប្រៀបដូចទៅនឹងការទៅមើលផ្ទាល់ដល់កន្លែង ។លោក Tom O’Sullivan នាយកប្រតិបត្តិនៃ Realestate.com.kh បានមានប្រសាសន៍ថា ក្រុមហ៊ុនមានក្តីរំភើបក្នុងការបន្ថែមទៅលើបច្ចេកវិទ្យាទំនើបៗ និងបន្តធ្វើការជាមួយអ្នកដឹកនាំទីផ្សារនៅក្នុងតំបន់អាស៊ីអាគ្នេយ៍ ។“ក្រុមហ៊ុន Realestate.com.kh និង Beike មានចក្ខុវិស័យក្នុងការបំប្លែងបទពិសោធន៍នៃភាពជាម្ចាស់អចលនទ្រព្យ ហើយក្រុមហ៊ុន Beike គឺជាអ្នកដឹកនាំសកលលោកយ៉ាងច្បាស់នៅក្នុងកិច្ចខិតខំប្រឹងប្រែងនេះ ។ ភាពជាដៃគូដំបូងគេ ក្នុងពិភពលោកនេះនឹងនាំមកនូវភាពប្រសើរឡើង ជាក់ស្តែងសម្រាប់អ្នកស្វែងរកអចលនទ្រព្យនៅលើវេទិកា Realestate.com.kh ដែលនាំមកនូវអត្ថប្រយោជន៍យ៉ាងច្រើនដល់ភ្នាក់ងារអចលនទ្រព្យ អតិថិជន និងអ្នកអភិវឌ្ឍន៍ អចលនទ្រព្យរបស់យើង ។ វាក៏នឹងជួយ Beike យល់កាន់តែច្បាស់អំពីទីផ្សារកម្ពុជា និងអនុញ្ញាតឱ្យ Realestate.com.kh ទទួលបានបទពិសោធន៍ដ៏មានតម្លៃពីអ្នកដឹកនាំ PropTech ទូទាំងពិភពលោក ។ យើង​ទន្ទឹង​រង់ចាំ​យ៉ាង​ខ្លាំង​ក្នុង​ការ​ធ្វើ​ការ ​ជាមួយ​គ្នា” ។Tom O'Sullivan មានប្រសាសន៍បន្តថា ៖ “Realestate.com.kh គឺឈានមុខគេក្នុងការទទួលយកបច្ចេកវិទ្យា និងការ ប្រើប្រាស់ពិតជាក់ស្តែងសម្រាប់ទីផ្សារ ។ ការចូលមើលគេហទំព័រនិម្មិតរបស់ Realsee នឹងនាំបទពិសោធន៍អ្នកប្រើប្រាស់ របស់យើងទៅកាន់កម្រិតបន្ទាប់ ។ ដោយសារជំងឺរាតត្បាតនេះ អតិថិជនតែងតែមានអារម្មណ៍ថា មានសុវត្ថិភាពជាងមុនក្នុង ការមើលអចលនទ្រព្យពីចម្ងាយ ការតាំងបង្ហាញ VR អនុញ្ញាតឱ្យយើងធ្វើការប្រកបដោយប្រសិទ្ធភាពជាមួយអតិថិជនក្នុងស្រុក និងអន្តរជាតិ ខណៈដែលនៅតែផ្តល់នូវការមើលអចលនទ្រព្យដ៏អស្ចារ្យបំផុត” ។ លោក Brett Hartley មកពីផ្នែក Realsee របស់ Beike បានកត់សម្គាល់ថា “ភាពជាដៃគូតំណាងឱ្យឱកាសពិសេសមួយ ក្នុងការពន្លឿនការធ្វើឌីជីថលនៃសេវាកម្មអចលនទ្រព្យនៅក្នុងទីផ្សារដែលកំពុងរីកចម្រើនដោយចូលទៅក្នុងទីផ្សាររបស់ DCG ដែលនៅជិតមិនអាចប្រៀបផ្ទឹមបាននៅទូទាំងអាស៊ីប៉ាស៊ីហ្វិក” ។ លោកបន្ថែមថា “ការដាក់បច្ចេកវិទ្យា និងតម្លាភាព ជាស្នូលនៃប្រតិបត្តិការអចលនទ្រព្យ និងជាមូលដ្ឋានគ្រឹះសម្រាប់គំរូអាជីវកម្មរបស់ក្រុមហ៊ុនទាំងពីរ ។ យើង​រំភើប​ចិត្ត​ដែល​ ឃើញ​ភាព​ជា​ដៃ​គូ​នេះ​រីក​ចម្រើន” ។ការសហការយុទ្ធសាស្ត្រនេះនឹងពង្រឹងជំហរឈានមុខគេក្នុងទីផ្សាររបស់ Realestate.com.kh ជាមួយក្រុមហ៊ុនដែលបាន ចុះហត្ថលេខាលើអនុស្សរណៈនៃការយោគយល់ជាមួយឈ្មួញកណ្តាលអចលនទ្រព្យដែលប្រើបច្ចេកវិទ្យាឈានមុខគេ និង FazWaz Group សម្រាប់ទីផ្សារអចលនទ្រព្យកម្ពុជាក្នុងខែវិច្ឆិកា ឆ្នាំ 2020 ។ អំពីក្រុម Digital Classifieds Group (DCG)DCG កាន់កាប់ផលប័ត្រនៃទីផ្សារអនឡាញឈានមុខគេ និងរីកចម្រើនលឿនបំផុតរបស់អាស៊ីអាគ្នេយ៍ និងប៉ាស៊ីហ្វិក ។ ចាប់តាំងពីការបង្កើតឡើងក្នុងឆ្នាំ 2013 មក ក្រុមហ៊ុន Digital Classifieds Group បានពង្រីកអាជីវកម្មអចលនទ្រព្យ និងទីផ្សារនៅទូទៅប្រទេសកម្ពុជា, ឡាវ, ប៉ាពួញូហ្គីណេ និងហ្វីជី ។ក្រុមហ៊ុន DCG បានទាក់ទាញការវិនិយោគពីដៃគូភាគហ៊ុនជាច្រើន រួមទាំងក្រុមហ៊ុន Belt Road Capital ដែលមានមូលដ្ឋាននៅមេគង្គ ។សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការរបស់ DCG ៖ https://www.digitalclassifiedsgroup.comអំពី Realestate.com.khបង្កើតឡើងក្នុងឆ្នាំ 2009 ដោយស្ថាបនិកខ្មែរ លោក ម៉ឹក ចិន្តា បានធ្វើឱ្យ Realestate.com.kh រីកចម្រើនទៅជាវេទិកា អចលនទ្រព្យ និងក្រុមហ៊ុនទីផ្សារឈានមុខគេក្នុងប្រទេសកម្ពុជា ដោយធ្វើការជាមួយភ្នាក់ងារអចលនទ្រព្យ អ្នកអភិវឌ្ឍន៍ និងអ្នកផ្តល់ប្រាក់កម្ចីឈានមុខគេរបស់ប្រទេស ។ នៅក្នុងឆ្នាំ 2015 ក្រុមហ៊ុន DCG ដែលមានមូលដ្ឋាននៅប្រទេស អូស្ត្រាលីបានចាប់ដៃគូជាមួយលោក ម៉ឹក ចិន្តា ដើម្បីអភិវឌ្ឍអាជីវកម្មយ៉ាងឆាប់រហ័ស ។វេទិកានេះមានជាភាសាខ្មែរ អង់គ្លេស ចិន បារាំង និងថៃ មានអចលនទ្រព្យជាង 30,000 សម្រាប់លក់ និងជួល ហើយកំពុងមានអ្នកស្វែងរកអចលនទ្រព្យរាប់ម៉ឺននាក់ចូលមើលគេហទំព័រ និងកម្មវិធីរៀងរាល់ខែ ។សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការ ៖ http://realestate.com.khអំពី BEIKE·REALSEEBEIKE·REALSEE គឺជាវេទិកាអនឡាញ និងក្រៅបណ្តាញរួមបញ្ចូលគ្នាដែលឈានមុខគេសម្រាប់ប្រតិបត្តិការ និងសេវាកម្មលំនៅឋាន ។ ក្រុមហ៊ុនគឺជាអ្នកត្រួសត្រាយផ្លូវក្នុងការកសាងហេដ្ឋារចនាសម្ព័ន្ធ និងស្តង់ដារឧស្សាហកម្មនៅក្នុង ប្រទេសចិន ដើម្បីបង្កើតអំពីរបៀបផ្តល់សេវាកម្ម ផ្តល់ភាពងាយស្រួលសម្រាប់អតិថិជនក្នុងការស្វែងរកលំនៅឋាន និងបំពេញប្រតិបត្តិការលំនៅឋានប្រកបដោយប្រសិទ្ធភាព រាប់ចាប់ពីការលក់ផ្ទះដែលមានស្រាប់ និងថ្មី ការជួលផ្ទះ រហូតដល់ការជួសជុលផ្ទះ ដំណោះស្រាយហិរញ្ញវត្ថុអចលនទ្រព្យ និងសេវាកម្មផ្សេងទៀត ។ ក្រុមហ៊ុននេះជាម្ចាស់ និងប្រតិបត្តិការ Lianjia ដែលជាយីហោឈ្មួញកណ្តាលអចលនទ្រព្យឈានមុខគេរបស់ប្រទេសចិន និងជាផ្នែកសំខាន់មួយ នៃវេទិកា Beike របស់ខ្លួន ។ជាមួយនឹងបទពិសោធន៍ 20 ឆ្នាំនៃប្រតិបត្តិការតាមរយៈ Lianjia ចាប់តាំងពីការបង្កើតឡើងក្នុងឆ្នាំ 2001 ក្រុមហ៊ុនជឿជាក់ លើភាពជោគជ័យ និងកំណត់ត្រាបទបង្ហាញរបស់ Lianjia ដែលត្រួសត្រាយផ្លូវក្នុងការកសាងហេដ្ឋារចនាសម្ព័ន្ធ និងស្តង់ដារឧស្សាហកម្ម និងជំរុញកំណើនឱ្យកើនឡើងយ៉ាងឆាប់រហ័ស ប្រកបដោយនិរន្តរភាពរបស់ Beike ៕ទស្សនាផ្ទះពិតជាមួយបច្ចេកវិទ្យា Virtual Tour