(ទេសភាពទីក្រុងភ្នំពេញ: រូបថតដោយ លោក ឆយធារ៉ា)ដោយយោងទៅតាមប្រធានបទសំខាន់នៃ“ការរួមសហការបង្កើតតម្លៃរួមនៃអចលនវត្ថុប្រកបដោយនិរន្តរភាពនៅប្រទេសកម្ពុជា”ព្រឹត្តិការណ៍”Rainmaking Cambodia “ត្រូវបានជ្រើសរើសមួយក្នុងចំណោមព្រឹត្តិការណ៍”Rainmaking Series “ដែលត្រូវ ប្រារព្ធឡើងក្នុងចំណោមប្រទេសចំនួន ១០ នៅទូទាំងទ្វីបអាស៊ី អាហ្វ្រិក និងអាមេរិកខាងជើង។ ការរៀបចំព្រឹត្តិការណ៍នេះត្រូវបានប្រារព្ធឡើងដោយមូលនិធិទីក្រុងល្អ(Good City Foundation) រូមជាមួយដៃគូយុទ្ធសាស្រ្តក្នុងស្រុកប្រចាំប្រទេសចំនួន ១០ នៅថ្ងៃទី ២៥ ខែឧសភាឆ្នាំ ២០២១ ខាងមុខនេៈដែលទទួលបានការគាំទ្រដោយ InvestHK និង StartmeupHK ។ ព្រឹត្តិការណ៍”Rainmaking Cambodia “នេះបានកំពុងអំពាវនាវឱ្យមានការដាក់បញ្ចូលគម្រោងបច្ចេកវិទ្យានៅទីក្រុងនិងមានការគោរពអញ្ជើញអ្នកជំនាញអចលនទ្រព្យ អ្នកដឹកនាំវ័យក្មេង អ្នកធ្វើគោលគំរោងសាធារណៈនិងក្រុមហ៊ុនដែលមានចំណាប់អារម្មណ៍ដើម្បីអញ្ជើញមកចុះឈ្មោះនិងសហបង្កើតទំព័រថ្មីនៃគុណតម្លៃសម្រាប់ទីក្រុងនាពេលអនាគតក្នុងប្រទេសកម្ពុជា។ព្រឹត្តិការណ៍ “Rainmaking Cambodia” នឹងមានការរិៈរកអំពីការបង្កើតគំរោងផែនការនិងរបៀបវារៈការអភិវឌ្ឍន៍អចលនទ្រព្យដែលនិយាយអំពីអចលនទ្រព្យប្រកបដោយនិរន្តរភាពនាពេលអនាគតនៅកម្ពុជាដូចជាផែនការសេដ្ឋកិច្ចទីក្រុង ការវិនិយោគ ការវិនិយោគហិរញ្ញវត្ថុប្រកបដោយចីរភាព និងប្រព័ន្ធអេកូឡូស៊ីសហគ្រិនអចលនទ្រព្យអំពីវិធីសាស្រ្តដែលអ្នកពាក់ព័ន្ធគ្រប់រូបសំខាន់ៗអាចធ្វើអន្តរកម្មបាន។ របៀបវារៈរំពឹងថានឹងទទួលបានអ្នកធ្វើគោលគំរោងធារណៈ អ្នករៀបចំផែនការទីក្រុង អ្នកអភិវឌ្ឍន៍ សហគ្រិនបច្ចេកវិទ្យាអចលនទ្រព្យ ការិយាល័យគ្រួសារ និងបញ្ញវន្តគ្រប់រូបដើម្បីចូលរួមសហការកសាងនិរន្តរភាពអនាគតនៅកម្ពុជា។លីងសំរាប់ចូលទៅក្នុងគេហទំព័រព្រឹត្តិការណ៍“Rainmaking Series”: https://www.goodcityfoundation.org/programs/rainmaking-seriesលីងសម្រាប់ចុៈឈ្មោះចូនរួមព្រឹត្តិការណ៍“Rainmaking Cambodia” ”:   https://www.goodcityfoundation.org/programs/register-as-delegateព្រឹត្តិការណ៍ “Rainmaking Cambodia”  នឹងត្រូវធ្វើឡើងក្នុងទម្រង់នៃការថ្លែងសុន្ទរកថា ការចូលរួមពិភាក្សារវាងសំណាក់វាគ្មិននិង Tech For Good City Roadshowដែលជាការធ្វើបទ​បង្ហាញអំពីបច្ចេកវិទ្យាទីក្រុង (ដើម្បីជួបជាមួយវិនិយោគិន) ។អ្នកតំណាងនៃវេទិកាសេដ្ឋកិច្ចពិភពលោក InvestHK សមាគមអចលនទ្រព្យកម្ពុជា ក្រុមហ៊ុនអន្តរជាតិ Knight Frank (Knight Frank Cambodia) និងអ្នកពាក់ព័ន្ធសំខាន់ៗដទៃទៀតនឹងចូលរួមក្នុងកិច្ចពិភាក្សាដើម្បីស្វែងយល់ពីបញ្ហាប្រឈមនិងទស្សនវិស័យនៃការអភិវឌ្ឍអចលនទ្រព្យនៅកម្ពុជានិងតួនាទីដែលបច្ចេកវិទ្យា គោលគំរោងធារណៈ ហុងកុងក៍ដូចជាតំបន់ឈូងសមុត្រ(Greater Bay Area)អាចគាំទ្រនិងសហការបាន។Tech for Good Cities Roadshow នឹងត្រូវបានរៀបចំឡើងជាមួយដៃគូក្នុងស្រុកដែលត្រូវរួមសហការគ្នាដើម្បីកំណត់យកក្រុមហ៊ុនបច្ចេកវិទ្យាទីក្រុង ដែលមានសក្តានុពលក្នុងការផ្គូផ្គងការវិនិយោគ ការប្រឹក្សាទីផ្សារ ការពង្រីកទីផ្សារ និងភាពជាដៃគូសាជីវកម្មរវាងកម្ពុជា ហុងកុង និងប្រទេសចិន ដើម្បីលើកកម្ពស់តម្លៃអាជីវកម្មជាយុទ្ធសាស្ត្រ។(កិច្ចប្រជុំកំពូលទីក្រុងអនាគតនៅឆ្នាំ២០១៩ ទីក្រុងហុងកុង)ដៃគូគាំទ្រជាសាកលមានដូចជាInvestHK ដែលជាទីភ្នាក់ងារលើកកម្ពស់ការវិនិយោគរបស់រដ្ឋាភិបាលហុងកុង, ធនាគារពិភពលោក IFC, Global Changemakers, Ventures Platform Hub និង Hong Kong Scheme of Excellence Scholarship Scholar Association (HKSESSA)។ ចំណែកអង្គការក៏ដូចជាក្រុមហ៊ុនគាំទ្រក្នុងស្រុកមានដូចជាក្រុមហ៊ុនអន្តរជាតិKnight Frank(Knight Frank Cambodia), Realestate.com.kh, Property Area Asia, Cambodia Real Estate Association,  និង Digital Commerce Association of Cambodia.មូលនិធិទីក្រុងល្អ(Good City Foundation )គឺជាអង្គការអភិវឌ្ឍន៍ក្រៅរដ្ឋាភិបាលដែលត្រូវបានបង្កើតឡើងក្នុងឆ្នាំ ២០១៦ ដោយក្រុមបញ្ញវ័ន្ត និងសហគ្រិនហុងកុងដែលមានចក្ខុវិស័យទៅលើការការអភិវឌ្ឍទីក្រុងអោយល្អប្រសើក្នុងបណ្តាលចំនួន១០០ទីក្រុង នៅក្នុងប្រទេសកំពុងរីកចម្រើនដូចជាអាស៊ីនិងអាហ្វ្រិក​។ មូលនិធិមានបំណងចង់លើកកម្ពស់ភាពជាដៃគូសាធារណៈនិងឯកជនប្រកបដោយភាពច្នៃប្រឌិតក្នុងទីក្រុងដែលកំពុងរីកចម្រើន ហើយមូលនិធិបានទទួលបានការទាក់ទាញយ៉ាងខ្លាំងពី ការិយាល័យគ្រួសារ អ្នកបង្កើតគំរោង អ្នកដឹកនាំវ័យក្មេង និងក្រុមហ៊ុនដើម្បីស្វែងរកការអភិវឌ្ឍនៃការរចនាទីក្រុងសេដ្ឋកិច្ចបច្ចេកវិទ្យា ការច្នៃប្រឌិតថ្មី និងស្វែងរកភាពជាដៃគូ។ មូលនិធិនេះគឺជាដៃគូស្ថាប័ននៃសម្ព័ន្ធទីក្រុងឆ្លាតវៃសកល G20(G20 Global Smart Cities Alliance) និងជាគណៈកម្មាធិការឯកជននៃបណ្តាញទីក្រុងអាស៊ានក្នុងនាមជំនួសឱ្យប្រទេសថៃ និងក៏បម្រើការជាគណៈកម្មាធិការមិនរកប្រាក់ចំណេញនៅក្នុងកម្មវិធីIOTនិងកម្មវិធីផ្លាស់ប្តូរទីក្រុង (ក្រុមសកម្មភាពអាស៊ី) The IoT and Urban Transformation Platform (Asia Action Group)និងក្រុមការងារអចលនៈទ្រព្យអនាគតនៃវេទិកាសេដ្ឋកិច្ចពិភពលោក (ចិននិងអាស៊ាន) ។(ខួបលើកទី ៥ នៃកិច្ចប្រជុំកំពូលទីក្រុងអនាគតមូលនិធិទីក្រុងល្អនៅហុងកុងក្នុងឆ្នាំ ២០២០)កញ្ញាចាន់ពេជ្រមូនីកាដែលជាដៃគូរបស់មូលនិធិទីក្រុងល្អ(City Partner of Good City Foundation) ត្រូវបានលើកទឹកចិត្តដោយមូលនិធិឱ្យក្លាយជាអ្នកដឹកនាំវ័យក្មេងប្រចាំកម្ពុជានិងបន្តបង្កើនសមត្ថភាពរបស់កញ្ញា។ បន្ទាប់ពីកិច្ចប្រជុំកំពូល កញ្ញាបានពង្រឹងតួនាទីដឹកនាំរបស់កញ្ញានៅក្នុងប្រទេសកម្ពុជានិងអាស៊ី ដោយកញ្ញាបានចូលរួមបញ្ចេញមតិក្នុងការការអភិវឌ្ឍនិងត្រូវបានជ្រើសរើសជាប្រតិភូវ័យក្មេងទៅចូលរួមសន្និសីទគំរូរបស់អង្គការសហប្រជាជាតិនៅទីក្រុងហ្សឺណែវនិងញូវយ៉ក។បច្ចុប្បន្ននេះតាមរយៈបទពិសោធន៍របស់កញ្ញាក្នុងនាមជាcity partner របស់មូលនិធិ និងជាអ្នកវិភាគការវិនិយោគអចលនទ្រព្យ (Capital Markets) នៅក្រុមហ៊ុនអន្តរជាតិKnight Frank(Knight Frank Cambodia)ដែលជាក្រុមហ៊ុនប្រឹក្សាអចលនទ្រព្យពិភពលោកដែលមានការិយាល័យនៅប្រទេសកម្ពុជា កញ្ញាសង្ឃឹមថានឹងអាចពន្លឿនកំណើនទីផ្សារអចលនទ្រព្យនៅកម្ពុជាអោយកាន់តែរីកចំរេីន។“នៅក្នុងឆ្នាំនៃព្រឹត្តិការណ៍ “Rainmaking Cambodia”ខាងមុខនេៈ នាងខ្ញុំសូមធ្វើការគោរពអញ្ជើញភ្ញៀវកិត្តិយសគ្រប់រូបអោយចូលរួមជាផ្នែកនៃការរៀបចំព្រឹត្តិការណ៍របស់យើងក្នុងការចូលរួមការអភិវឌ្ឍសក្តានុពលទីក្រុងអនាគតនិងសហគ្រិនភាពនៅក្នុងបរិបទនៃប្រទេសកម្ពុជាដែលកំពុងរីកចម្រើន។ ដូចលទ្ធផលរំពឹងទុកជារួម គោលដៅចុងក្រោយនៃព្រឹត្តិការណ៍គឺដើម្បីផ្សារភ្ជាប់ផលប្រយោជន៍ទាំងអស់ដែលជាបណ្តាញនិងធនធានដ៏មានឥទ្ធិពលសម្រាប់ការជំនួបពិភាក្សានាពេលអនាគតនិងកិច្ចសហប្រតិបត្តិការដែលមានឥទ្ធិពលនៅក្នុងប្រព័ន្ធអេកូឡូស៊ីអចលនៈទ្រព្យនិងសហគ្រិនភាពនៅក្នុងប្រទេសកម្ពុជានិងនៅទូទាំងតំបន់មានដូចជាអាស៊ាន ហុងកុងនិងតំបន់ឈូងសមុទ្រ(Greater Bay Area)។ អចលនទ្រព្យដែលមាននិរន្តរភាពមិនមែនគ្រាន់តែជាពេលវេលាប៉ុណ្ណោះទេប៉ុន្តែជាមួយគ្នានេៈដែរ តាមរយៈការប្តេជ្ញាចិត្តសម្រាប់ការកសាងសកម្មភាពនានា យើងអាចដោៈស្រាយបញ្ហានិងបង្កើតគុណតម្លៃរួមបាន។”ប្រតិភូដែលមានចំណាប់អារម្មណ៍និងភាគីនានាសម្រាប់ភាពជាដៃគូអាចទាក់ទងបានទៅកញ្ញាចាន់ពេជ្រមូនីកា(monyka@futurecitysummit.org)លីងចូលទៅក្នុងគេហទំព័រព្រឹត្តិការណ៍ “Rainmaking Cambodia” : https://www.goodcityfoundation.org/programs/rainmaking-seriesលីងសម្រាប់ចុៈឈ្មោះចូនរួមព្រឹត្តិការណ៍“Rainmaking Cambodia”   https://www.goodcityfoundation.org/programs/register-as-delegate

ក្រាហ្វ និងទិន្នន័យទីផ្សារផ្សេងៗទៀត មិនអាចត្រូវមើលរំលងនោះទេ នៅពេលដែលគេចង់វិភាគ អំពីនិន្នាការរបស់អ្នកទិញអចលនទ្រព្យក្នុងស្រុក។ ទោះជាបែបនេះក្ដី យើងក៏មិនអាចមិនឱ្យតម្លៃសារៈសំខាន់ នៃការសួរដោយផ្ទាល់ទៅម្ចាស់ផ្ទះ ឬអ្នកស្វះស្វែងរកអចលនទ្រព្យថា៖ “តើអ្នកសម្លឹងមើលអ្វី នៅពេលដែលទិញអចលនទ្រព្យ?” ផងដែរ។សប្ដាហ៍នេះ កញ្ញាម៉ុម សុត្ថាវត្តី ប្រធានគ្រប់គ្រងទូទៅនៃRealestate.com.kh នឹងចែករំលែកបទពិសោធរបស់កញ្ញាក្នុងការទិញផ្ទះ និងការស្វែងយល់នានា ទៅលើផ្នត់គំនិតរបស់អ្នកស្វះស្វែងរកអចលនទ្រព្យនៅកម្ពុជា។ ជួបជាមួយកញ្ញានៅថ្ងៃទី០៥ ខែឧសភា (ពុធ) វេលាម៉ោង២រសៀល GMT+& នៅលើទំព័រFacebook របស់Realestate.com.kh។កញ្ញាសុត្ថាវត្តីមានបទពិសោធន៍ជាង៥ឆ្នាំ នៅក្នុងវិស័យអចលនទ្រព្យនៅកម្ពុជា និងបានបម្រើការងារជាមួយRealestate.com.khជាង៣ឆ្នាំកន្លងមកហើយ។ ជាមួយRealestate.com.kh វត្តីបានធ្វើការពាក់ព័ន្ធនឹងការលក់តាមប្រព័ន្ធឌីជីថល ការគ្រប់គ្រងទំនាក់ទំនងជាមួយអ្នកអភិវឌ្ឍ និងទីផ្សារ មុនពេលដែលកញ្ញាក្លាយជាអ្នកប្រធានគ្រប់គ្រងទូទៅ ដោយមានការងារស្នូលផ្តោតទៅលើការនិយាយជាមួយអ្នកទិញអចលនទ្រព្យ និងត្រួតពិនិត្យកំណើនទីផ្សារ ដែលពួកយើងបានជម្រុញសម្រាប់អតិថិជនរបស់យើង និងកំណើនទីផ្សារទាំងនោះ ត្រូវបានផ្ដល់ក្នុងកម្រិតមួយខ្ពស់។វត្តី ក៏បានក្លាយជាម្ចាស់ផ្ទះនាពេលថ្មីៗនេះផងដែរ។ ហេតុដូចនេះ យើងនឹងស្វែងយល់អំពីដំណើរការសម្រេចចិត្តរបស់កញ្ញា ក្រោមទស្សនទានរបស់អ្នកទិញអចលនទ្រព្យក្នុងស្រុក ព្រមទាំងពិភាក្សាអំពីអ្វី ដែលអ្នកទិញក្នុងស្រុក សម្លឹងរកនាពេលបច្ចុប្បន្ន ពីទស្សនទានរបស់ម្ចាស់ផ្ទះលើកដំបូង ទៅកាន់ទស្សនទានរបស់អ្នកវិនិយោគក្នុងស្រុក។ប្រសិនបើអ្នកជាភ្នាក់ងារលក់ អ្នកអភិវឌ្ឍអចលនទ្រព្យ និងអ្នកវិនិយោគលើអចលនទ្រព្យ ការផ្សាយផ្ទាល់តាមអនឡាញនេះ នឹងផ្ដល់គំនិត និងការយល់ឃើញដែលត្រូវការជាចាំបាច់ ដើម្បីមើលធ្លុះផ្នត់គំនិតអ្នកស្វះស្វែងរកអចលនទ្រព្យក្នុងស្រុក។ចុះឈ្មោះជាមុន សម្រាប់កម្មវិធីនៅទីនេះ៖ ចុះឈ្មោះនៅទីនេះ

កូវីដ១៩ បានជះឥទ្ធិពលយ៉ាងខ្លាំងធ្វើឲ្យប៉ះពាល់ដល់ស្ទើរតែគ្រប់វិស័យចាប់តាំងពីដើមឆ្នាំ២០២០ រហូតដល់បច្ចុប្បន្ន ក្នុងនោះក៏មានវិស័យអចលនទ្រព្យដែរ។ ដោយសារតែស្ថានភាពធ្ងន់ធ្ងរលើសកលលោក រាល់ការហោះហើរ និងការធ្វើដំណើរត្រូវសម្រេចចិត្តផ្អាកដំណើរការរហូតដល់ពេលស្ថានភាពប្រសើរឡើងវិញ។កំឡុងពេលនៃជំងឺរាតត្បាតនេះដែរ ស្ទើរតែទីផ្សារទាំងមូលត្រូវបានថយចុះយ៉ាងខ្លាំង ហេតុផលនេះធ្វើឲ្យអ្នកទិញមានអតិភាព និងឥទ្ធិពលច្រើនជាងអ្នកលក់ក្នុងការចចារតម្លៃ ដែលធ្វើឲ្យគម្រោងជាច្រើនបានប្រើប្រាស់យុទ្ធសាស្ត្របញ្ចុះតម្លៃ ដើម្បីទាក់ទាញអតិថិជន និងបង្កើនការលក់។ ប៉ុន្តែ គម្រោង Le Condé BKK1 បានដំណើរការយ៉ាងរលូនក្នុងរយៈពេល២ត្រីមាសចុងក្រោយនៃឆ្នាំ២០២០ ហើយសម្រេចបានអត្រាលក់យ៉ាងល្អគួរឲ្យកត់សម្គាល់ ដែលធ្វើឲ្យគម្រោងនេះក្លាយជាគម្រោងដែលលក់ដាច់ខ្លាំងជាងគេនៅក្នុងទីផ្សារ។ ដូចគ្នានេះដែរ គម្រោងនេះមានការទទួលស្គាល់ថាជាគម្រោងខុនដូដ៏ល្បីមួយនៅក្នុងទីផ្សារកម្ពុជា។ ចាប់ពីថ្ងៃទី២៣ មេសា ២០២១ Le Condé BKK1 សូមជូនដំណឹងថាតម្លៃយ៉ូនីតនឹងកើនឡើង ៥%។ ដូចនេះ សូមអបអរសាទរដល់ម្ចាស់ផ្ទះនៃគម្រោងLe Condé BKK1 អចលនទ្រព្យរបស់អ្នកទទួលបានផលចំណេញ៥% បន្ធែម។  តាមការយល់ឃើញរបស់អតិថិជន​ និងភ្នាក់ងារអចលនទ្រព្យ បានលើកឡើងថា Le Condé BKK1 គឺជាគម្រោងខុនដូដ៏កម្រ និងលេចធ្លោមួយដែលមានលទ្ធិភាពល្អប្រសើរសម្រាប់ការរស់នៅ និងវិនិយោគ។ ហេតុនេះហើយបានជាកេរ្តិ៍ឈ្មោះនៃគម្រោងនេះត្រូវបានទទួលស្គាល់ និងបានឈ្នះពានរង្វាន់ពី PropertyGuru។  ស្ថិតនៅទីតាំងដ៏ល្អនៃតំបន់បឹងកេងកង១ Le Condé BKK1 ត្រូវបានគិតគូរយ៉ាងល្អិតល្អន់ ក្នុងការរចនាគម្រោងខុនដូដែលមានភាពលេចធ្លោមួយនេះនៅក្នុងទីផ្សារកម្ពុជា ដោយផ្សារភ្ជាប់ទៅនឹងបរិយាកាសល្អក្នុងការរស់នៅដែលមានផាសុកភាព ភាពប្រណិត និងស្មាតហូម។ កត្តាចម្បងៗទាំងនេះធ្វើឲ្យគម្រោងនេះជាជម្រើសដ៏ល្អសម្រាប់ការរស់នៅ និងងាយស្រួលជួលត្រឡប់ជាមួយអត្រាខ្ពស់ នៅក្នុងទីផ្សារដែលធ្វើឲ្យមានតម្រូវការជាច្រើនពីអតិថិជនទូទៅ ជាពិសេសបច្ចេកវិទ្យាស្មាតហូម។  គោលការណ៍សំខាន់មួយគឺ Le Condé BKK1 មានគោលជំហររឹងមាំក្នុងការការពារអត្ថប្រយោជន៍របស់ម្ចាស់ផ្ទះនៃគម្រោង។ ហេតុដូចនេះ ការវិនិយោគរបស់អ្នកជាមួយគម្រោង Le Condé BKK1 គឺនៅតែមានសុវត្ថិភាពខ្ពស់ជាបន្តបន្ទាប់។ Le Condé BKK1 ពិតជាសប្បាយរីករាយណាស់ចំពោះការទុកចិត្តពីអតិថិជនទាំងអស់មកលើក្រុមការងារពួកគេ ហើយពួកគេសន្យាថានឹងធ្វើឲ្យការវិនិយោគនេះសាកសមទៅនឹងតម្លៃ ដើម្បីទំនាក់ទំនងដ៏វែងឆ្ងាយ។ ក្រៅពីខុនដូប្រភេទប្រណិត ជាមួយបច្ចេកវិទ្យាស្មាតហូម និងបរិក្ខារដ៏សំបូរបែប ដើម្បីធ្វើឲ្យគម្រោងនេះក្លាយជាសហគមន៍ដ៏គួរឲ្យចង់រស់នៅ Le Condé BKK1 នឹងណែនាំផលិតផលថ្មីមួយក្នុងពេលឆាប់ៗនេះ អ្នកអភិវឌ្ឍគម្រោងនឹងប្រកាសជូននូវព័ត៌មានលម្អិតក្នុងខែឧសភានេះ។រង់ចាំតាមដានទាំងអស់គ្នា!

Quarantine Fun Challenge គឺជាការប្រកួតបែបអនឡាញដែលផ្តល់ភាពសប្បាយ រីករាយ ហើយមានរង្វាន់ជាច្រើនផងដែរ វាត្រូវបានបង្កើតដោយគម្រោង Le Condé BKK1 ដើម្បីបង្កើតបរិយាកាសសប្បាយរីករាយកំឡុងពេលធ្វើចត្តាឡីស័ក ឬការបិទខ្ទប់នេះ។ដើម្បីគាំទ្រដល់រដ្ឋាភិបាលកំឡុងពេលនេះ Le Condé BKK1 បានបង្កើតការប្រកួតអនឡាញនេះឡើង សម្រាប់អ្នកធ្វើចត្តាឡីស័ក អាចកម្សាន្តបាន ឥឡូវនេះយើងអាចចូលរួមលេងបានរហូតដល់ថ្ងៃទី០៥ ឧសភា និងលទ្ធផលនឹងប្រកាសនៅថ្ងៃទី០៧ ឧសភា ២០២១។ Le Condé BKK1 យល់ថាវាជាពេលវេលាដ៏លំបាកសម្រាប់យើងទាំងអស់គ្នា ឆ្លៀតឱកាសនេះ Le Condé BKK1 ចង់លើកទឹកចិត្តប្រជាជនទូទៅរក្សាកម្លាំងចិត្តឱ្យបានរឹងមាំ និងប្រុងប្រយ័ត្ន កំឡុងពេលបិទខ្ទប់នេះ តែពួកគេនៅតែអាចកំសាន្តសប្បាយបានតាមរយៈការចូលរួមលេងការប្រកួតនេះនៅផ្ទះ។ អ្វីដែលអស្ចារ្យនោះគឺ មានរង្វាន់ជាច្រើនសម្រាប់អ្នកឈ្នះ រង្វាន់ធំ ទឹកប្រាក់១៥០០ ដុល្លារសម្រាប់អ្នកឈ្នះ ដែលបានធ្វើវីដេអូដែលមានការច្នៃប្រឌិតខ្ពស់។ត្រឹមរយៈពេលខ្លីបន្ទាប់ពីប្រកាសឲ្យលេង មានអ្នកចូលរួមលេងរាប់រយនាក់ បង្កើតវីដេអូប្លែកៗ លេងកម្សាន្ត ដើម្បីចែករំលែកពីការធ្វើចត្តាឡីស័កនៅផ្ទះ នេះបង្ហាញថាការធ្វើចត្តាឡីស័កមិនគួរឲ្យធុញទ្រាន់ពេកទេ តែយើងក៏អាចកម្សាន្តបានដែរ។ យើងសង្កេតឃើញថាក៏មានអាយដូលល្បីៗមួយចំនួនដែលបានចូលរូមលេង ដូចជា ព្រះអង្គម្ចាស់ក្សត្រី នរោត្តម ពង្សសូរិយា និងតារាយ៉ូធូបស្រស់សង្ហារ លោក ហេង វិសាលផងដែរ។មានអ្នកចូលរួមជាច្រើនបានបង្ហាញពីការយល់ឃើញរបស់គាត់ថា ការប្រកួតនេះពិតជាគំនិតដ៏អស្ចារ្យមួយ ពេលដែលមនុស្សជាច្រើនកំពុងតែជាប់នៅក្នុងផ្ទះ ពិតណាស់ពួកគេនឹងមានអារម្មណ៍ធុញទ្រាន់ តែការប្រកួតនេះពិតជាគួរឲ្យចង់លេង ហើយសប្បាយមែន។ ហើយពួកគេក៏បានចែករំលែកបន្តទៅមិត្តភក្តិ និងបងប្អូនគេចូលរួមលេងផងដែរ។Le Condé BKK1 គឺជាគម្រោងខុនដូរបែបប្រណិតមួយ ដែលមានទីតាំងដ៏ល្អនៅចំកណ្តាលនៃសង្កាត់បឹងកេងកង១ ជាមួយនឹងបរិក្ខារទំនើបៗ ដ៏សំបូរបែប។ នៅក្នុងទីផ្សារវិញ Le Condé BKK1 ត្រូវបានគេទទួលស្គាល់ថាជាគម្រោងស្មាតហូមដំបូងគេនៅកម្ពុជា។ កត្តាចម្បងៗទាំងនេះហើយ បានធ្វើឲ្យ Le Condé BKK1 ជាគម្រោងដែលលក់ដាច់ជាងគេ និងលេចធ្លោមួយក្នុងពេលបច្ចុប្បន្ននេះ។

យោងតាមការប្រកាសដោយសម្តេចអគ្គមហាសេនាបតីតេជោ ហ៊ុន សែន កាលពីយប់មិញបានបញ្ជាក់ថា មិនមានហេតុផលណាដែលត្រូវតម្រូវអោយមានការបន្តបិទខ្ទប់ទីតាំងភូមិសាស្ត្ររាជធានីភ្នំពេញ និងក្រុងតាខ្មៅបន្តទៀតនោះទេ។ ការលើកឡើងនេះគឺស្របពេលដែលប្រជាពលរដ្ឋកំពុងមាន ការតាមដានថាតើរដ្ឋបាលរាជធានីភ្នំពេញ និងក្រុងតាខ្មៅ អាចនឹងនៅបន្តការបិទខ្ទប់លើស ពីថ្ងៃកំណត់ទៀតរឺយ៉ាងណា។បន្ថែមលើប្រសាសន៍លើកឡើងនេះដែរ លោកបន្តបញ្ជាក់ថា ទីតាំងមួយចំនួនតូចបំផុតនៅក្នុងរាជធានី និងខេត្តទាំងពីរនេះ អាចនឹងបន្តការបិទខ្ទប់មួយរយៈទៀត ប្រសិនជារកឃើញថានៅមានហានិភ័យ នៃការឆ្លងរីករាលដាលជម្ងឺកូវីត១៩នេះខ្ពស់។ ទន្ទឹមនឹងការបិទខ្ទប់នេះ មានប្រជាពលរដ្ឋជាច្រើនដែលបានធ្វើការត្អូញត្អែរពាក់ព័ន្ធនឹង បញ្ហាប្រាក់ចំនូល ក៏ដូចជាកង្វះចំនីអាហារ ជាពិសេសសម្រាប់អ្នករស់នៅនៅក្នុងតំបន់ក្រហម។ ទោះជាយ៉ាងណាក័ដោយ ដើម្បីការពារការកើនឡើងនៃចំនួនអ្នកឆ្លង និងអ្នកស្លាប់ដោយសារ ជម្ងឺនេះបន្តទៀត រដ្ឋាភិបាលប្រទេសកម្ពុជាបានធ្វើការអំពាវនាវដល់ប្រជាពលរដ្ឋឱ្យមានការយោគយល់ និងមានភាពអំណត់ដើម្បីអាចឆ្លងកាត់ឧបសគ្គនេះទាំងអស់គ្នា។គួរបញ្ជាក់ផងដែរថា មកទល់ពេលនេះ ប្រជាពលរដ្ឋដែលរស់នៅតំបន់លឿង និងតំបន់ទឹកក្រូច​ គឺអាចធ្វើដំណើរទៅផ្សារ និងប្រកបរបរអាជីវកម្មចំនីអាហារបានដូចធម្មតាវិញ រួចមកហើយ ខណៈដែលអ្នករស់នៅតំបន់ក្រហមនៅតែត្រូវបន្តនៅក្នុងផ្ទះ មិនអាចចរាចរណ៍ទៅខាងក្រៅ ហើយតំបន់ទាំងបីនៅត្រូវរក្សាបម្រាមគោលចរណ៍ដដែល។ ដូច្នេះដើម្បីសុវត្ថិភាពអ្នក ក្រុមគ្រួសារអ្នក និងអាចធ្វើឱ្យប្រទេសកម្ពុជាវិលត្រលប់ទៅសភាពដើមវិញ សូមលោកអ្នកប្រកាន់គោលការណ៍៣កុំ និង៣ការពារ ដើម្បីធានាមិនឱ្យមានការឆ្លងរីករាលដាលបន្តទៀត៕​

Oasis Villa គឺជាផ្ទះមួយក្នុងចំណោមផ្ទះផ្សេងទៀតរបស់បុរី វីលៀម ផ្ទះនេះមានលក្ខណៈពិសេសជាច្រើនដែលអ្នកគួរតែយកចិត្តទុកដាក់នឹងស្វែងយល់អំពីវានោះគឺផ្ទៃដី៤០០ម៉ែត្រក្រឡា ដែលជាទំហំមួយដែលធំ ហើយមានតែមួយគត់នៅក្នុងគំរោងដែលមានផ្ទៃដីធំជាងគេ។កន្លែងចតរថយន្តទទឹង4.50ម៉ែត្រមានសភាពកោង ដែលអាចចតរថយន្តបានពី 3-4 គ្រឿង នៅផ្នែកចំហៀងនៃផ្ទះផ្នែកខាងស្តាំសល់ដីទំហំរហូតដល់ 4.3 ម៉ែត្រងាយស្រួលសំរាប់ការរៀបចំជាសួនផ្សេងៗតាមតម្រូវការរបស់អ្នក ផ្នែកខាងមុខវិញមានសួនច្បារធំចំកណ្តាល ហើយមានច្រកចេញចូលចំនួន២ងាយស្រួលក្នុងការចេញចូល ហើយផ្នែកចំហៀងខាងឆ្វេងវិញសល់ដីទំហំរហូតដល់ 3.3 ម៉ែត្រដែលទំហំនេះខុសគ្នាមួយម៉ែត្រប៉ុណ្ណោះពីចំហៀងម្ខាងទៀត។ ចំណែកខាងក្រោយផ្ទះវិញសល់ត្រឹមតែ1.7 ម៉ែត្រដែលទំហំនេះយើងអាចរៀបចំជាកន្លែងហាសលំលៀកបំពាក់ ឬទុកដាក់ឥវ៉ាន់បានយ៉ាងងាយស្រួលផងដែរ។វាថែមទាំងមានបន្ទប់គេងមួយនៅជាន់ក្រោមផងដែរដែលវាមានភាពងាយស្រួលសម្រាប់មនុស្សចាស់ ឬឪពុកម្តាយរបស់អ្នក។ជាន់ទី១ ដើរលើជណ្តើរកាច់ពីរតង់យើងក៏ឡើងមកដល់ជាន់ទី១នៃផ្ទះមួយនេះ ហើយខ្ញុំជឿងថាលោកអ្នកបងប្អូនប្រហែលជាគិតថាជាន់នេះវាមានបន្ទប់គេងច្រើនដូចផ្ទះដ៏ទៃទៀតហើយមើលទៅ តែវាមិនដូចការគិតរបស់លោកអ្នកបងប្អូននោះទេ សម្រាប់ជាន់ទីមូយវាមានតែបន្ទប់មេគ្រួសារមួយគត់ ដោយមានភ្ជាប់ជាមួយកន្លែងទទួលភ្ញៀវតូចមួយ (LOFT) ទំហំ 24ម៉ែត្រការ៉េ ដែលយើងអាចមើលពីកន្លែងមួយនេះទៅកាន់ជាន់ផ្ទាល់ដីយ៉ាងច្បាស់នឹងងាយស្រួល។​ សម្រាប់បន្ទប់មេគ្រួសារ ( Master Bedroom ) វាពិតជាធំនឹងសាកសមសម្រាប់គួរស្វាមីដោយវាមានស្ទើគ្រប់យ៉ាងដែលអ្នកត្រូវការ រួមមានបន្ទប់សំលៀកបំពាក់ដាច់ដោយឡែក (Walk-in Closet) ដែលមានទំហំរ15ម៉ែត្រការ៉េនៅជាប់ជាមួយបន្ទប់មេគ្រួសារតែម្តង បន្ថែមពីនោះវេរ៉ង់ដាដ៏វែងទំហំ22 ម៉ែត្រក្រឡា ដែលលយចេញពីក្បែរបន្ទប់ទទួលភ្ញៀវលយមកមុខដែលបង្កើតបរិយាកាសមួយដ៏ស្រស់ស្រាយ និងមានភាពថ្លៃថ្នូរសម្រាប់គ្រួសារ។ជាន់ទី២ វាជាជាន់ខ្ពស់ជាងគេ និងពិសេសប្លែកពីជាន់ផ្ទាល់ដី និងជាន់ទី១ ជាន់ទី២មានបន្ទប់សរុបចំនួន២ នៅជាប់គ្នា បន្ទប់ទី១មានទំហំ13 ម៉ែត្រការ៉េ ដែលវាពិតជាសាកសមសម្រាប់កូនប្រុស បន្ទប់ទី២ជាបន្ទប់ដែលជាប់ជាមួយវ៉េរ៉ង់ដានិងមានទំហំ 16ម៉ែត្រការ៉េ និងវេរ៉ងដាទំហំ5.5ម៉ែត្រការ៉េ ដែលវាពិតជាសាកសមសម្រាប់កូនស្រីខ្លាំបំផុត។ ក្រៅពីបន្ទប់ទាំងពីរ វ៉េរ៉ង់ដានៅជាប់បន្ទប់វាក៏មានផងដែរនូវ បន្ទប់ទឹកនៅមុខបន្ទប់នីមួយៗ រួចជាស្រេច លើសពីនេះបើយើងដើរហួសបន្ទប់ទឹកបន្តិចយើងឃើញមានវេរ៉ង់ដាធំជាងគេដែលមានទំហំរហូតដល់ 51 ម៉ែត្រក្រឡា ដែលទំហំនេះវាពិតជាធំជាងគេហើយនៅក្នុងផ្ទះមួយនេះដែលផ្នែកនេះយើងអាចរៀបចំជាកន្លែងអង្គុយលេង ឬជាកន្លែងសំហែរមួយសម្រាប់គ្រួសាររបស់យើងក៏បាន។សូមបញ្ជាក់ផងដែរថា ផ្ទះ Oasis Villa នេះគឺជាម៉ូតថ្មីបំផុតដែលទើបនឹងចេញនៅដើមឆ្នាំ២០២១នេះ ហើយមានការគាំទ្រច្រើនពីសំណាក់បងប្អូនអតិថិជនរបស់យើង។ ផ្ទះនេះមានការរចនាយ៉ាងពិសេសសំរាប់ឧត្តមភាពនៃគ្រួសារទាំងមូល ដោយបុរី វីលៀម បានប្រើប្រាស់គ្រឿងបង្គុំរល្អៗមកប្រើប្រាស់ដើម្បីសង់វាឡើង។ បន្ថែមពីនេះផ្ទះនេះផ្នែកខាងក្នុងមានពីរពណ៍ ខាងក្រៅ៣ពណ៍ដាច់ដោយឡែកពីគ្នាដែលធ្វើអោយផ្ទះមួយនេះកាន់តែស្រស់ស្អាត និងបញ្ជាក់ពីភាពថ្លៃថ្នូររបស់គ្រួសារអ្នកលើសង្គមទាំងមូល។ តម្លៃ ២៧៥៥០០ដុល្លារ សម្រាប់បង់ប្រចាំខែត្រឹមតែ ១,២៧២ដុល្លារប៉ុណ្ណោះ! ទីតាំងស្ថិតនៅលើផ្លូវរដ្ឋ ៣០ម៉ែត្រ សង្កាត់ស្នោរ ខណ្ឌកំបូល រាជធានីភ្នំពេញ។Google Map: http://bit.ly/bwilliamសម្រាប់ព័ត៌លម្អិតបន្ថែម៖ 092 92 1000តម្លៃ ២៧៥៥០០ដុល្លារ សម្រាប់បង់ប្រចាំខែត្រឹមតែ ១,២៧២ដុល្លារប៉ុណ្ណោះ!

កាលពីសប្តាហ៍មុន គេហទំព័រអចលនទ្រព្យ​ Realestate.com.kh បានប្រកាសជាផ្លូវការពី ការវិលត្រលប់មកវិញ នៃកម្មវិធីលក់អចលនទ្រព្យតាមប្រព័ន្ធអនឡាញ ដែលក្រុមហ៊ុននេះ ធ្លាប់បានរៀបចំដោយជោគជ័យកាលពីឆ្នាំ២០២០។ កាលពីឆ្នាំមុន កម្មវិធីនេះបានអនុញ្ញាតឱ្យ អតិថិជនជាច្រើនធ្វើការបញ្ជាទិញអចលនទ្រព្យតម្លៃពិសេសមិនធ្លាប់មាន ដោយមិនចាំបាច់ធ្វើ ដំណើរទៅណានោះទេ ពោលគឺកម្មវិធីត្រូវបានរៀបចំតាមប្រព័ន្ធអ៊ីនធើណែត និងមានការគាំទ្រ យ៉ាងច្រើនលើសលប់ ដោយទទួលបានការកក់អចលនទ្រព្យរហូតដល់ ១១០ផ្ទះ និងលក់អលចនទ្រព្យសរុបតម្លៃរហូតដល់ ៤០លានដុល្លារនៅក្នុងកម្មវិធីទាំងមូល។កាលពីដើមឆ្នាំ២០២១ កម្មវិធីនេះត្រូវបាននាំយកត្រលប់មកវិញ ដោយគ្រោងនឹងប្រព្រឹត្តទៅ ចំនួន៤ថ្ងៃ ចាប់ផ្តើមពីថ្ងៃទី០៦ ខែឧសភា និងបញ្ចប់នៅថ្ងៃទី០៩ ខែដដែល។ ប៉ុន្តែដោយសារ បញ្ហាកូវីតនៅតែបន្តរីករាលដាល គេហទំព័រអចលនទ្រព្យបានសម្រេចបន្ថែមពេលវេលាកម្មវិធី គឺចាប់ពីថ្ងៃទី ០៦ ខែឧសភា រហូតដល់ថ្ងៃទី ០៦ ខែមិថុនា ក្នុងគោលបំនងអនុញ្ញាតឱ្យអតិថិជន មានពេលច្រើនជាងមុនក្នុងការសម្រេចចិត្តទិញអចលនទ្រព្យដែលខ្លួនពេញចិត្ត។ខាងក្រោមនេះគឺជាព័ត៌មានលម្អិត ដែលលោកអ្នកគួរដឹងពីកម្មវិធីលក់អចលនទ្រព្យ Online Flash Sale៖នៅថ្ងៃទី០៦ ខែឱសភា - អតិថិជនដែលកំពុងស្វែងរកទិញអចលនទ្រព្យក្នុងតម្លៃពិសេស អាចធ្វើការចុះឈ្មោះលើគម្រោងលំនៅដ្ឋាន ដែលលោកអ្នកពេញចិត្ត និងសិក្សាពី ព័ត៌មានលម្អិតរបស់គម្រោងពីថ្ងៃទី០៦ ខែឧសភា ដល់ថ្ងៃទី០១ ខែ មិថុនា - លោកអ្នកអាចស្វែងរកមើល គម្រោង លំនៅដ្ឋានដែលចូលរួមដាក់លក់ក្នុងកម្មវិធីនេះ ហើយគម្រោងទាំងនេះសុទ្ធតែនឹង ផ្តល់ជូនតម្លៃពិសេសរៀងៗខ្លួនថ្ងៃទី០២ ខែមិថុនា - លោកអ្នកអាចចូលរួមសិក្ខាសាលាតាមប្រព័ន្ធអនឡាញ ដែលនឹងលើកយកប្រធានបទសំខាន់ៗពាក់ព័ន្ធនឹងការវិនិយោគលើវិស័យអចលនទ្រព្យ ដោយក្រុមហ៊ុនអភិវឌ្ឍន៍គម្រោងលំនៅដ្ឋាន ភ្នាក់ងារអចលនទ្រព្យ ក្រុមហ៊ុនច្បាប់ និងប្រឹក្សាជាច្រើនថ្ងៃទី០៣ ដល់ ថ្ងៃទី០៦ ខែមិថុនា - លោកអ្នកអាចមើលឃើញការបញ្ចុះតម្លៃពិសេស ប្រចាំឆ្នាំ ដែលនឹងផ្តល់ជូនរយៈពេល៤ថ្ងៃប៉ុណ្ណោះកម្មវីធីនេះអនុញ្ញាតឱ្យអតិថិជនទាំងអស់ចូលរួមដោយឥតគិតថ្លៃលោកអ្នកអាចធ្វើការកក់លំនៅដ្ឋានដែលលោកអ្នកពេញចិត្តដោយចំនាយត្រឹមតែ $២០០ ប៉ុណ្ណោះ ហើយប្រាក់កក់នេះអាចបង្វិលជូនលោកអ្នកវិញប្រសិនជាអ្នកមិនបាន ទិញលំនៅដ្ឋាននោះទន្ទឹមនឹងការបន្ថែមពេលនៃកម្មវិធីនេះ លោក Tom O’Sullivan នាយកប្រតិបត្តិ គេហទំព័រអចលនទ្រព្យ Realestate.com.kh បានលើកឡើងថា  “កាលពីឆ្នាំមុនកម្មវិធីលក់ អចលនទ្រព្យតាមអនឡាញនេះធ្វើឡើងត្រឹមតែរយៈពេល៤ម៉ោងប៉ុណ្ណោះ។ ថ្វីត្បិតថាកម្មវិធី របស់ក្រុមហ៊ុនលោកបានទទួលកាលជោគជ័យលើសពីការរំលឹកទុកក៏ពិតមែន ប៉ុន្តែមាន អតិថិជនប្រមាណជាង១ពាន់នាក់ ដែលបន្តចូលទៅកាន់គេហទំព័ររបស់កម្មវិធីដើម្បីព្យាយាម បញ្ជារទិញអចលនទ្រព្យ នៅពេលដែលកម្មវិធីបានបញ្ចប់ ដូច្នេះវាគឺជាកត្តាមួយជម្រុញឱ្យលោក សម្រេចចិត្តបន្ថែមពេលកម្មវិធីនេះអោយដំណើរការយូរថ្ងៃជាងមុន”ក្នុងរយៈពេលមិនដល់ពីរសប្តាហ៍តាំងពីពេលដែលកម្មវិធីលក់អចលនទ្រព្យនេះបានប្រកាសជាផ្លូវការ កម្មវិធីនេះទទួលបានអតិថិជនចុះឈ្មោះជាង៥០០នាក់រួចហើយ ក្នុងនោះមានរួមគ្នាទាំង ភ្ញៀវជាតិ និងអន្តរជាតិ ដែលមានបំនងចង់ស្វែងរកទិញអចលនទ្រព្យក្នុងតម្លៃពិសេស ជាពិសេសដោយមិនចាំបាច់ធ្វើដំណើរមកផ្ទាល់។ការបន្ថែមពេលនៃកម្មវិធីនេះ ក៏បានធ្វើឡើងតាមការសំណូរពរពីសំណាក់អតិថិជនភាគច្រើន ដែលលើកឡើងថា ដោយសារតែមួយរយៈនេះ ការធ្វើដំណើរទៅមកមានការពិបាកជាងមុន ដូច្នេះប្រសិនជាកម្មវិធីនេះអាចធ្វើបានយូរបន្តិច ពួកគាត់អាចនឹងងាយស្រួលក្នុងការរៀបចំធ្វើ ដំណើរទៅកាន់គម្រោងផ្ទាល់ផង។ ម្យ៉ាងទៀត ពួកគាត់អាចនឹងមានពេលច្រើនក្នុង ការសម្រេចចិត្ត ក៏ដូចជាសិក្សាពីគម្រោងដែលអាចនឹងផ្តល់ផលចំនេញច្រើននាពេលអនាគត។ដោយមើលឃើញពីមូលហេតុទាំងនេះ គេហទំព័រអចលនទ្រព្យ Realestate.com.kh នឹងរៀបចំ កម្មវិធីលក់អចលនទ្រព្យតាមប្រព័ន្ធអនឡាញរបស់ខ្លួនចាប់ពីថ្ងៃទី០៦ ខែឧសភា ដល់ថ្ងៃទី០៦ ខែមិថុនាវិញ។ លោក O’Sullivan សង្ឃឹមថា ការបន្ថែមពេលនៃកម្មវិធីនេះនឹងផ្តល់ឱកាសដល់ អតិថិជន ក៏ដូចជាម្ចាស់គម្រោង និងភ្នាក់ងារអចលនទ្រព្យក្នុងការទិញ និងការលក់គម្រោង លំនៅរបស់ពួកគេបានកាន់តែច្រើនជាងមុន ដែលនេះគឺជាការរួមចំនែកមួយដល់សេដ្ឋកិច្ច ប្រទេសកម្ពុជា ដែលបានរងផលប៉ះពាល់ដោយជម្ងឺកូវីត១៩។ដូច្នេះសម្រាប់អតិថិជនដែលមានបំនងចង់ទិញអចលនទ្រព្យជាច្រើនប្រភេទដើម្បីទទួលបានតម្លៃពិសេស និងផលចំនេញច្រើន សូមកុំភ្លេចចូលរួមកម្មវិធីនេះទាំងអស់គ្នា៕

សប្ដាហ៍នេះ នាយកប្រតិបត្តិRealestate.com.kh លោកTom O'Sullivan នឹងមកអង្គុយជាមួយ នាយកប្រតិបត្តិCambodian Investment Management Holding  លោកAnthony Galliano ដើម្បីពិភាក្សាអំពីផលប៉ះពាល់ នៃការបិទខ្ទប់ លើសេដ្ឋកិច្ចកម្ពុជា និងវែកញែកអំពីឥទ្ធិពលរបស់​វា លើវិស័យអចលនទ្រព្យក្នុងស្រុក។សូមចុចនៅទីនេះ ដើម្បីចុះឈ្មោះចូលរួមWebinarWebinarនេះ នឹងធ្វើឡើង នៅថ្ងៃពុធ ទី២៨ ខែមេសា ឆ្នាំ២០២១ វេលាម៉ោង២រសៀល GMT+7។ ដោយសារវិធានការ នៃការបិទខ្ទប់ កិច្ចសម្ភាសនឹងធ្វើឡើងតាមរយៈZoom ព្រមទាំងផ្សាយផ្ទាល់លើទំព័រFacebook របស់Realestate.com.khផងដែរ។Realestate.com.kh កំពុងធ្វើការយ៉ាងសស្រាក់សស្រាំ ដើម្បីផ្ដល់ឱ្យអ្នកស្វះស្វែងរកអចលនទ្រព្យក្នុងស្រុក និងអ្នកវិនិយោគអន្តរជាតិ ឧបករណ៍ និងព័ត៌មានដែលត្រឹមត្រូវ ពាក់ព័ន្ធនឹងទីផ្សារអចលនទ្រព្យនៅកម្ពុជា។ប្រសិនបើអ្នកខកខានមិនបានចូលរួមWebinarកាលពីសប្ដាហ៍មុន (បច្ចុប្បន្នភាពអំពីកូវីឌ និងព័ត៌មានសំខាន់ សម្រាប់វិស័យអចលនទ្រព្យនៅកម្ពុជា) ដែលបានធ្វើការសម្ភាសជាមួយប្រធានសមាគមន៍អ្នកវាយតម្លៃ និងភ្នាក់ងារអចលនទ្រព្យនៅកម្ពុជា លោកច្រឹក សុខនីមទេនោះ អ្នកអាចទស្សនាបាននៅទីនេះ។

ប្រធានCVEA លោកច្រឹក សុខនីម បានផ្ដល់ឱ្យពួកយើងទស្សនទានរបស់លោក អំពីការឆ្លើយតបនៃទីផ្សារអចលនទ្រព្យកម្ពុជា ទៅនឹងវិធានការនៃការបិទខ្ទប់ ដែលត្រូវបានដាក់ចេញនៅរាជធានីភ្នំពេញ។ អត្ថបទនេះ គឺជាសេចក្ដីសង្ខេបនៃកិច្ចសម្ភាសន៍ ដែលអ្នកអាចមើលកិច្ចសម្ភាសន៍ទាំងស្រុងតាមរយៈទំព័រFacebook របស់Realestate.com.kh។នៅថ្ងៃទីមួយ នៃបុណ្យចូលឆ្នាំប្រពៃណីខ្មែរ (១៤ មេសា) រាជរដ្ឋាភិបាលកម្ពុជាបានអនុវត្តវិធានការបិទខ្ទប់យ៉ាងតឹងរឹង នៅរាជធានីភ្នំពេញ និងក្រុងតាខ្មៅដើម្បីបញ្ចៀសការរីករាលដាល នៃជម្ងឺកូវីដ-១៩។ ការចេញវិធានការដូច្នេះ ត្រូវបានបន្ថែមពីលើបំរាមគោចរណ៍ដែលមានស្រាប់ ចន្លោះពីម៉ោង៨យប់ដល់ម៉ោង៥ព្រឹក ដែលត្រូវបានអនុវត្តនៅរាជធានីភ្នំពេញ។ អាជីវកម្ម និងធុរកិច្ចជាច្រើន ជាពិសេសនៅក្នុងវិស័យអចលនទ្រព្យកំពុងមានចម្ងល់ថា៖ “តើមានអ្វីកំពុងកើតឡើង នាពេលនេះ?”ប្រធានសមាគមន៍អ្នកវាយតម្លៃ និងភ្នាក់ងារអចលនទ្រព្យនៅកម្ពុជា (CVEA) លោកច្រឹក សុខនីម បានចូលរួមជាមួយនាយកប្រតិបត្តិRealestate.com.kh លោក Tom O’Sullivan ក្នុងការពិភាក្សាអំពី ការរកច្រកចេញនៅក្នុងស្ថានភាពបច្ចុប្បន្ន និងការពិភាក្សា អំពីលទ្ធភាពនៃកំណែទម្រង់នានាដែលអនុញ្ញតឱ្យភ្នាក់ងារ និងវិស័យអចលនទ្រព្យទាំងមូល នៅតែអាចបន្តការធ្វើអាជីវកម្ម កំលុងពេលបិទខ្ទប់នេះ។“គ្រប់គ្នាកំពុងតែជួបប្រទះការប្រឈម ក្នុងកំលុងពេលនៃការបិទខ្ទប់នេះ” ថ្លែងឡើងដោយលោកច្រឹក សុខនីម។ លោកច្រឹក សុខនីមបន្តថ្លែងថា “ការបិទខ្ទប់ ជាក់ជាប្រាកដ ប៉ះពាល់ដល់ទីផ្សារអចលនទ្រព្យកម្ពុជា ជាពិសេសសម្រាប់រាជធានីភ្នំពេញ ប៉ុន្តែវាមិនបានរារាំងឆន្ទៈរបស់ពួកយើងក្នុងការបន្តអាជីវកម្ម ជាមួយនឹងជំនួយពីបច្ចេកវិទ្យានោះទេ។”លោកច្រឹក សុខនីមផងដែរ ក៏បានកត់សម្គាល់ពីសារៈសំខាន់ នៃការទទួលស្គាល់គ្រោះថ្នាក់ ដែលកើតចេញពីជម្ងឺកូវីឌ-19 ដោយការអនុវត្តតាមវិធានការសុខាភិបាលចេញដោយរាជរដ្ឋាភិបាល និងការត្រួសត្រាយផ្លូវរកវិធីក្នុងការធ្វើជំនួញ បើទោះជាស្ថិតនៅក្នុងកាលៈទេសៈបច្ចុប្បន្នក៏ដោយ។ចំណោទបញ្ហានៅត្រង់ថា តើការទិញដូរអចលនទ្រព្យ នៅតែបន្តឬអត់ នៅក្នុងទីផ្សារ ដោយលោកច្រឹក សុខនីមបញ្ជាក់ថា ទីផ្សារនៅតែបន្តការទិញ-លក់។ លោកលើកឡើងថា “កិច្ចសន្យាទិញ-លក់នៅតែត្រូវបានចុះ និងសម្របសម្រួល កំលុងពេលបិទខ្ទប់។”ចំនួនអចលនទ្រព្យដែលត្រូវបានលក់ បានធ្លាក់ចុះគួរឱ្យកត់សម្គាល់ ប៉ុន្តែភ្នាក់ងារអចលនទ្រព្យនៅតែទទួលបានសំណួរពីអតិថិជនដែលមានចំណាប់អារម្មណ៍។ ផងដែរ លោកច្រឹក សុខនីមសង្កេតឃើញថា គម្រោងដែលកំពុងតែអភិវឌ្ឍ មានភាពងាយស្រួលក្នុងការលក់ជាងផ្ទះដែលសង់ហើយស្រាប់ នៅក្នុងកំលុងពេលបិទខ្ទប់នេះ។ប្រសិនជាអ្នកចង់ដឹងបន្ថែម អំពីគម្រោងអភិវឌ្ឍន៍ថ្មីៗដែលមានលក់នៅលើទីផ្សារកម្ពុជា សូមស្វែងរកព័ត៌មាននៅRealestate.com.kh។ជាទូទៅ “អ្នកស្វះស្វែងរកអចលនទ្រព្យ អាចទទួលបានគ្រប់ព័ត៌មានដែលពួកគេត្រូវការ នៅលើអ៊ីនធើណេត ហើយខ្ញុំគិតថា ពួកគេនឹងចូលមកស្វែងយល់ម្ដងទៀត អំពីទីផ្សារអចលនទ្រព្យ នៅពេលដែលវិធានការបិទខ្ទប់ ត្រូវបានដកចេញ។ ចង់ឬមិនចង់ របៀបនៃការធ្វើជំនួញ ក្នុងទីផ្សារអចលនទ្រព្យ គឺជាការសម្លឹងទុកមុន នូវអចលនទ្រព្យដែលសមគួរ” លោកច្រឹក សុខនីមលើកឡើង។ លោកច្រឹក សុខនីមសង្កត់ធ្ងន់លើការផ្ដល់ព័ត៌មាន តាមអនឡាញ ដែលជាមធ្យោបាយដ៏សំខាន់ក្នុងការទាក់ទាញ និងរក្សាចំណាប់អារម្មណ៍របស់អ្នកទិញ កំលុងពេលបិទខ្ទប់។លោកក៏បានផ្ដល់ការពិចារណាររបស់លោកដែរថា ស្ថានការណ៍បច្ចុប្បន្នជារួម ស្ថិតនៅឆ្ងាយពីវិបត្តិខ្លាំងណាស់។ “ទីផ្សារអចលនទ្រព្យ នៅតែខ្លាំង ដោយសារនៅតែមានចំណាប់អារម្មណ៍ពីអ្នកចង់ទិញ។ វាគ្រាន់តែជាបញ្ហាថា តើអ្នកដែលចង់ទិញអាចមកមើលអចលនទ្រព្យដោយផ្ទាល់ បានដែរឬទេ ដូច្នេះអ្នកទិញ អាចធ្វើការសម្រេចចិត្តត្រឹមត្រូវសម្រាប់ពួកគេ” លោកច្រឹក សុខនីមលើកឡើង។ ផ្ទុយមកវិញ លោកឃើញថា ស្ថានការណ៍នាពេលបច្ចុប្បន្នជាឱកាសសម្រាប់ ភ្នាក់ងារអចលនទ្រព្យ ក្នុងការរៀនជំនាញថ្មីៗ ខណៈពេលដែលពួកគេត្រូវនៅផ្ទះ។“មានធនធានអនឡាញជាច្រើន ដែលបង្រៀនពីជំនាញចរចារ លក់ និងធ្វើទីផ្សារ” លោកលើកឡើងដូចនេះ ខណៈលោកច្រឹក សុខនីមផ្ទាល់ ក៏កំពុងរៀនមុខវិជ្ជាអនឡាញមួយ ទាក់ទងនឹងជំនាញចរចារ និងគ្រប់គ្រងផងដែរ។ នេះគឺជាឱកាសល្អ សម្រាប់ភ្នាក់ងារអចលនទ្រព្យ ក្នុងការពង្រីក និងពង្រឹងជំនាញរបស់ពួកគេ ដូច្នេះពួកគេនឹងមានគុណតម្លៃកាន់តែច្រើន សម្រាប់ផ្ដល់ជូនអតិថិជន នៅពេលដែលស្ថានភាពទីផ្សារត្រលប់មករកប្រក្រតីភាពឡើងវិញ។”ទស្សនាទាំងស្រុង Webinar នៅលើទំព័រFacebook របស់Realestate.com.kh។

ខណៈពេលដែលប្រទេសកម្ពុជាកំពុងជួបប្រទះ​នឹងជម្ងឺកូវីត១៩ ដែលកំពុងអូសបន្លាយរយៈពេលជាង១ឆ្នាំមកហើយ ទើបតែរយៈពេលប៉ុន្មានថ្ងៃចុងក្រោយនេះទេ ដែលយើងបានឆ្លងកាត់ការបិទខ្ទប់មិនឱ្យធ្វើដំណើរ ដើម្បីការពារការរីករាលដាលបន្តខ្លាំង។ នៅក្នុងពេលជាមួយគ្នានេះ អាជីវកម្មជាច្រើន ជាពិសេសប្រភេទអាជីវកម្មពាក់ព័ន្ធនឹងវិស័យ អចលនទ្រព្យ សុទ្ធតែកំពុងបារម្ភថា  “តើនឹងមានអ្វីកើតឡើងបន្តទៀត?”លោក ច្រឹក សុខនីម ប្រធានសមាគមន៍អ្នកវាយតម្លៃ និងភ្នាក់ងារអចលនទ្រព្យនៅកម្ពុជា នឹងផ្តល់វត្តមានក្នុងកិច្ចសម្ភាសន៍មួយជាមួយលោក Tom O’Sullivan នាយកប្រតិបត្តិក្រុមហ៊ុន Realestate.com.kh ដើម្បីពិភាក្សាលើប្រធានបទសំខាន់មួយគឺ “តើទីផ្សារអចលនទ្រព្យនៅកម្ពុជានឹងត្រូវសម្របខ្លន និងរៀបចំយុទ្ធសាស្ត្របែបណាដើម្បីបន្តដឹកនាំអាជីវកម្មរបស់ខ្លួនក្នុងកំឡុងពេលបិទខ្ទប់នេះ?”សូមចុចចូល Link នេះដើម្បីចួលរូមស្តាប់កិច្ចសម្ភាសន៍កិច្ចសម្ភាសន៍នឹងចាក់ផ្សាយនៅថ្ងៃទី២១ ខែមេសា ឆ្នាំ២០២១​ នៅម៉ោង២រសៀល តាមរយៈកម្មវិធី និងផ្សាយបន្តផ្ទាល់តាមរយៈ ទំព័រហ្វេសប៊ុកផ្លូវការរបស់ក្រុមហ៊ុនRealestate.com.khក្រុមហ៊ុន Realestate.com.kh នៅតែបន្តការផ្តល់ជូនព័ត៌មាន និងចំនេះដឹងសំខាន់ៗពាក់ព័ន្ធនឹង​ វិស័យអចលនទ្រព្យនៅកម្ពុជា ទៅកាន់អតិថិជនដែលកំពុងស្វែងរកអលចនទ្រព្យទាំងក្នុង និងក្រៅប្រទេស។

រូបភាព (RFI)៖ សាលារាជធានីភ្នំពេញយោងតាមក្រុមតេឡេក្រាម “ឯកសារមន្ត្រីសាធារណៈ” នៅថ្ងៃថ្ងៃច័ន្ទ ទី១៩ ខែមេសា ឆ្នាំ២០២១នេះ រដ្ឋបាលរាជធានីភ្នំពេញបានប្រកាសអនុញ្ញាតឱ្យម្ចាស់អាជីវកម្ម និងសហគ្រាសដែលត្រូវបានអនុញ្ញាតឱ្យប្រតិបត្តិការកំលុងពេលបិទខ្ទប់ យោងតាមប្រការ៣ នៃអក្រឹត្យ៥៥សសរ ចុះថ្ងៃទី១៧ ខែមេសា ឆ្នាំ២០២១ ដាក់ពាក្យស្នើសុំលិខិតធ្វើដំណើរ សម្រាប់បុគ្គលិករបស់ខ្លួន កំលុងពេលបិទខ្ទប់រាជធានីភ្នំពេញ ដែលត្រូវបានចាប់ផ្ដើមអនុវត្តចាប់តាំងពីថ្ងៃទី១៥ ខែមេសា ដល់ថ្ងៃទី២៨ ខែមេសា ឆ្នាំ២០២១។អាជីវកម្ម និងសហគ្រាសដែលត្រូវបានអនុញ្ញាតឱ្យបន្តប្រតិបត្តិការត្រូវបានបែងចែងជាបីករណី រួមមាន៖ ១) ករណីមិនត្រូវអនុញ្ញាតឱ្យកាត់បន្ថយបុគ្គលិក ២) ករណីអាជ្ញាធរជាអ្នកកំណត់ចំនួនបុគ្គលិក និង៣) ករណីតម្រូវឱ្យកាត់បន្ថយបុគ្គលិកត្រឹមកំរិត២%។ករណីមិនតម្រូវឱ្យកាត់បន្ថយបុគ្គលិក រួមមានសេវាសង្គ្រោះបន្ទាន់ សេវាសុខាភិបាល និងឱសថស្ថាន, រោងចក្រ សហគ្រាស សិប្បកម្ម ឬទីកន្លែងផលិតម្ហូបអាហារ និងគ្រឿងឧបភោគបរិភោគ, រោងចក្រ សហគ្រាស សិប្បកម្ម ឬទីកន្លែងផលិតឱសថ និងសម្ភារៈបរិក្ខាពេទ្យ រួមទាំងម៉ាស អាកុល អុកស៊ីសែន, ផ្សារលក់ដុំ និងផ្សារឬទីតាំងលក់ដូរគ្រឿងឧបភោគបរិភោគដែលមានសណ្ដាប់ធ្នាប់, ស្ថានីយប្រេងឥន្ធនៈ-ហ្គាស និងទីតាំងលក់ហ្គាស, សេវាកម្មដឹកជញ្ជូនម្ហូបអាហារ ឬគ្រឿងឧបភោគបរិភោគ (មិនត្រូវដឹកជញ្ជូនមនុស្សឡើយ) និងសេវាដឹកជញ្ជូនទំនិញទូទៅចេញចូល ឬឆ្លងកាត់ភូមិសាស្ត្រដែលត្រូវបានបិទខ្ទប់ដើម្បីបម្រើឱ្យវិស័យសង្គម-សេដ្ឋកិច្ច (មិនត្រូវដឹកជញ្ជូនមនុស្សឡើយ)។ករណីអាជ្ញាធរជាអ្នកកំណត់ចំនួនបុគ្គលិកមានដូចជា ផ្សារម៉ាត និងភោជនីយដ្ឋាន-អាហារដ្ឋានដែលលក់ជាអាហារវេចខ្ចប់, ការដឹកជញ្ជូនបុគ្គលិកដែលបានបញ្ចប់ការធ្វើចត្តាឡីស័ក និងអ្នកជម្ងឺចេញពីមន្ទីរពេទ្យ ឬកន្លែងសម្រាកព្យាបាល, សេវាកម្មសណ្ឋាគារ និងផ្ទះសំណាក់ដែលបម្រើឱ្យការធ្វើចត្តាឡីស័ក និងបុគ្គលិកប្រចាំការសម្រាប់គ្រប់គ្រង និងថែររក្សាឃ្លាំងស្តុកទំនិញ ឬគ្រឿងឧបភោគបរិភោគ។ករណីតម្រូវឱ្យកាត់បន្ថយបុគ្គលិកត្រឹមកម្រិត២% មានដូចជាសេវាធនាគារ និងហរិញ្ញវត្ថុ, សេវាប្រៃសនីយ៍ និងទូរគមនាគមន៍, សេវាកម្មសណ្ឋាគារ និងផ្ទះសំណាក់ និងសកម្មភាពការងារ មុខរបរ និងអាជីវកម្មដែលដំណើរការតាមប្រព័ន្ធអនឡាញ។ម្ចាស់អាជីវកម្ម ឬសហគ្រាសដែលស្ថិតនៅក្នុងករណីណាមួយ ក្នុងចំណោមករណីទាំង៣ខាងលើ ត្រូវបានតម្រូវឱ្យរៀបចំ និងបំពេញឯកសារ ដាក់មកសាលារាជធានីភ្នំពេញ ឬរដ្ឋបាលខ័ណ្ឌទាំង១៤ ដែលឯកសារទាំងនោះរួមមាន ១)លិខិតស្នើសុំការអនុញ្ញាតធ្វើដំណើរសម្រាប់បុគ្គលិកក្រុមហ៊ុន (ក្រុមហ៊ុនរៀបចំលិខិតនេះដោយខ្លួនឯង) ២)បំពេញទម្រង់៖ ពិព័ណ៌នាអំពីក្រុមហ៊ុន និងបុគ្គលិក ៣)បំពេញទម្រង់៖ បញ្ជីររាយនាមបុគ្គលិកដែលត្រូវស្នើសុំលិខិតធ្វើដំណើរ ៤)បំពេញទម្រង់៖ លិខិតអនុញ្ញាតឱ្យធ្វើដំណើរ និង៥)ភ្ជាប់ឯកសារសំខាន់ៗមកជាមួយនូវ៖ វិញ្ញាបនបត្រចុះបញ្ជីក្រុមហ៊ុន និងលិខិតអនុញ្ញាតប្រកបអាជីវកម្ម។ ម្ចាស់សហគ្រាសអាជីវកម្ម អាចធ្វើការដាក់ស្នើឯកសារទាំងនេះ ទៅសាលារាជធានីភ្នំពេញ ឬរដ្ឋបាលខ័ណ្ឌទាំង១៤ តាមរយៈក្រុមតេឡេក្រាមរបស់សាលារាជធានីភ្នំពេញ ឬរដ្ឋបាលខ័ណ្ឌទាំង១៤ ដែលអាជីវកម្មសហគ្រាសតាំងនៅ។បំពេញទម្រង់៖ ពិព័ណ៌នាអំពីក្រុមហ៊ុន និងបុគ្គលិក បំពេញទម្រង់៖ បញ្ជីររាយនាមបុគ្គលិកដែលត្រូវស្នើសុំលិខិតធ្វើដំណើរបំពេញទម្រង់៖ លិខិតអនុញ្ញាតឱ្យធ្វើដំណើរ

សកម្មភាពទីផ្សារអចលនទ្រព្យនៅរាជធានីភ្នំពេញត្រូវគេសង្កេតថាមានការថមថយ ខណៈដែលប្រទេសកម្ពុជាកំពុងអនុវត្តន៍ការបិទខ្ទប់ដោយរួមមានទាំងបម្រាមគោចរណ៍ឆ្លងខណ្ឌ។វិស័យអចលនទ្រព្យនៅក្នុងប្រទេសកម្ពុជា កំពុងតែជួបប្រទះបញ្ហាប្រឈម បន្ទាប់ពីមានការប្រកាស បិទខ្ទប់រាជធានីទាំងស្រុងកាលពីកំឡុងចូលឆ្នាំខ្មែរប៉ុន្មានថ្ងៃមុននេះ។ ចំពោះអាជីវកម្មជាច្រើន ក៏ដូចជាវិស័យអចលនទ្រព្យនៅក្នុងរាជធានីភ្នំពេញជាពិសេស សុទ្ធតែកំពុងរៀបចំខ្លួនធ្វើយ៉ាងណា ដើម្បីអាចសម្របខ្លួនជាថ្មីម្តងទៀតទៅនឹងកាលៈទេសៈថ្មីនេះ។យោងតាមរបាយការណ៍ទីផ្សារប្រចាំត្រីមាសទី១ របស់ក្រុមហ៊ុនអចលនទ្រព្យល្បី CBRE Cambodia កាលពីមុនពេលចូលឆ្នាំខ្មែរបានបង្ហាញថា ទីផ្សារខុនដូសម្រាប់ខុនដូតម្លៃថ្លៃទទួលបានការកើនឡើង ច្រើនជាងមុនរហូតដល់ ៤.៨% និងខុនដូតម្លៃទាបកើតឡើងប្រមាណ ៣.៥% ខណៈដែលខុនដូ តម្លៃមធ្យមមានទីផ្សារធ្លាប់ចុះបន្តិច​ ពោលគឺប្រមាណ ០.៤%។​កំណើនទីផ្សារនៃការលក់ខុនដូតម្លៃថ្លៃនៅឆមាសទី១ឆ្នាំ២០២១នេះ គឺមានស្ថិតិគួរឱ្យចាប់អារម្មណ៍មួយ ដោយវាមានលក្ខណៈផ្ទុយគ្នាពីទីផ្សារអចលនទ្រព្យ កាលពីពេលដែលកម្ពុជាបានឆ្លងកាត់ព្រឹត្តការណ័ ឆ្លងសហគមន៍ ២៨វិច្ឆិកា។ ធនគារជាតិនៃកម្ពុជាបានធ្វើការប៉ាន់ស្មានថាសេដ្ខកិច្ចកម្ពុជានឹង ទទួលបានផលវិជ្ជមាននាឆ្នាំថ្មី២០២១នេះ ដែលនេះគឺជាការលើកឡើងមុនពេលដែលមាន ព្រឹត្តការណ៍២០កុម្ភៈ។​តាមរយៈរបាយការណ៍ជាមួយគ្នានេះបានកត់សម្គាល់ដែរថា ក្នុងចំនោម១៩គម្រោងដែលកំណត់ថា នឹងបញ្ចប់ ការសាងសង់របស់ខ្លួននៅឆ្នាំ២០២០ មានតែគម្រោងខុនដូចំនួន១២ប៉ុណ្ណោះ ដែលពិតជា បានបញ្ចប់ការសាងសង់រួចរាល់។ ការពន្យាពេលបញ្ចប់នេះ ត្រូវបានមើលឃើញថាជាការបង្កដោយបញ្ហា ក្នុងការចែកចាយទំនិញទូទៅពិភពលោកទាំងមូលតែម្តង។បើនិយាយអំពីថ្លៃជួលអលចនទ្រព្យវិញ ក្រុមហ៊ុន CBRE បានសិក្សាឃើញថាវាមានលក្ខណៈប្រសើរជាង កាលពីឆមាសមុនៗដូចគ្នា។ ក្នុងនោះប្រភេទអចលនទ្រព្យសម្រាប់ជួលតម្លៃខ្ពស់បានកើតឡើង ១.៣% និងប្រភេទតម្លៃមធ្យមកើនឡើង១.៧%។ រីឯការជួលតម្លៃទាបបានលោតឡើងខ្ពស់ជាងគេ ពោលគឺ កើនឡើងរហូតដល់ ៣.៥% ដោយសារតម្រូវការទីផ្សារចាប់ផ្តើមបែរមកផ្តោតគឺការជួលតម្លៃទាបច្រើន ជាងមុន។​តាមការសិក្សាក័បានលើកឡើងដែរថា ថ្វីត្បិតតែយើងអាចមើលឃើញពីភាពវិជ្ជមាននៃកំណើនទីផ្សារ អចលនទ្រព្យកើនឡើងល្អជាងឆ្នាំមុនក៏ពិតមែន ប៉ុន្តែកាលក់និងជួលនៅដើមឆ្នាំ២០២១​នេះ នៅតែមិនទាន់មានលក្ខណៈប្រសើរនោះទេ ព្រោះថាបញ្ហាដែលកើតមានឡើងកាលពីឆ្នាំ២០២០ បានធ្វើឱ្យប៉ះពាល់ដល់ចំនូលអាជីវកម្មដែលត្រូវទទួលបានពីទីផ្សារច្រើនជាងនេះទៅទៀត។​​ តួយ៉ាង ថ្វីបើការជួលអចលនទ្រព្យតម្លៃថ្លៃមានការកើនឡើងក៏ពិតមែន ប៉ុន្តែតម្លៃអចលនទ្រព្យធាតុពិត ត្រូវបានធ្លាក់ចុះរហូតដល់៩.៤% បើធ្រៀបនឹងតម្លៃទ្រព្យតែមួយកាលពីដើម្បីឆ្នាំ២០២១។ដើម្បីឱ្យទីផ្សារអចលនទ្រព្យកម្ពុជាទទួលបានលទ្ធផលប្រសើរឡើងវិញ កត្តាសំខាន់បំផុតគឺនៅពេល ដែលអតិថិជនចាប់ផ្តើមហ៊ានចេញទៅក្រៅ និងចំនាយឡើងវិញ។ នៅត្រីមាសទី១នេះ យើងមិនទាន់អាចនិយាយបានច្រើននោះទេ ពិសេសខណៈដែលប្រទេសកម្ពុជាកំពុងមានការបិទខ្ទប់ តាមកន្លែងដូច្នេះ ថាតើស្ថានភាពទីផ្សារពិតជាអាចប្រសើរឡើងជាងមុន រឺអាក្រក់ជាងឆ្នាំ២០២០៕

បុរី Lorn City គឺជាគម្រោងអភិវឌ្ឍបុរីមួយ ក្នុងចំណោមគម្រោងបុរីដែលត្រូវបានរំពឹងទុកផ្សេងៗទៀត ដែលនឹងលេចចេញជារូបរាងឆាប់ៗនេះ នៅក្នុងសង្កាត់ចោមចៅ២ ខ័ណ្ឌពោធិ៍សែនជ័យ​ Supplied.ការផ្ទត់ផ្គង់គម្រោងគេហដ្ឋានផ្ទាល់ដី នៅក្នុងក្រុងភ្នំពេញ​ បានមានកាន់តែច្រើនក្នុងល្បឿនដ៏លឿន នារយៈពេល៦ខែឈានទៅកាន់ត្រីមាសទី១ឆ្នាំ២០២១ នេះបើយោងតាមរបាយការណ៍ទិដ្ឋភាពទីផ្សារអចលនទ្រព្យប្រចាំត្រីមាសទី១ឆ្នាំ២០២១ ដែលចេញដោយទីភ្នាក់ងារអចលនទ្រព្យCBRE Cambodia។ក្នុងរយៈពេល៦ខែឈានទៅឆមាសទី១ឆ្នាំ២០២១នេះ គម្រោងចំនួន២១ហើយ បានចាប់ផ្ដើមសម្ភោធ នៅក្នុងខ័ណ្ឌចំនួន៩ផ្សេងៗគ្នា សម្រាប់វិស័យអចលនទ្រព្យផ្ទាល់ដីនៅឯទីក្រុងភ្នំពេញ។ របាយការណ៍របស់CBRE ក៏បានប៉ាន់ប្រមាណដែរថា គម្រោងទាំង២១នេះនឹងបង្កើតគេហដ្ឋានចំនួន១៥ ៥០០យូនីធ ក្នុងការផ្គត់ផ្គង់អចលនទ្រព្យផ្ទាល់ដីនៅឯទីក្រុងភ្នំពេញ។ សម្រាប់ការសាងសង់បញ្ចប់គម្រោង ក្នុងរយៈពេលដូចគ្នានេះ CBREរាយការណ៍ថា គម្រោងថ្មីៗចំនួន១១ នឹងបើកទទួលស្វាគមន៍អ្នកចូលមករស់នៅ ដោយបានបន្ថែមគេហដ្ឋានចំនួន៤​៥០០យូនីធ ទៅលើចំនួនគេហដ្ឋានសរុបដែលមានក្នុងរាជធានីភ្នំពេញ។ការផ្លាស់ប្ដូរទៅកាន់ការអភិវឌ្ឍផ្ទះដែលមានតម្លៃសមរម្យនៅតែបន្ត ដោយមានគម្រោងដែលទើបតែចាប់ផ្ដើមមួយចំនួន បានកំពុងផ្ដោតទៅលើវិស័យគេហដ្ឋានតម្លៃសមរម្យនេះ។ យោងតាមរបាយការណ៍របស់CBRE ជាង៦០%នៃផ្ទះជាប់ និងជាង៧០%នៃវីឡាទោល ស្ថិតនៅក្នុងចំណោមគេហដ្ឋានដែលមានតម្លៃសមរម្យ។របាយការណ៍ដដែលក៏បានបង្ហាញពីតំបន់ ដែលការផ្គត់ផ្គង់គេហដ្ឋានថ្មី ជារួមផ្ទះដែលស្ថិតនៅក្នុងដំណាក់កាលសាងសង់ និងគម្រោងដែលទើបតែត្រូវបានសម្ភោធ ស្ថិតនៅផងដែរ។ ខ័ណ្ឌសែនសុខ នៅតែជាជម្រើសទី១សម្រាប់គម្រោងអភិវឌ្ឍលំនៅដ្ឋានផ្ទាល់ដីជាច្រើន ដោយសារតែផ្ទៃរៀបស្មើដ៏ធំទូលាយ របស់ខ័ណ្ឌមួយនេះ ការរីកចម្រើននូវបណ្ដាញផ្លូវថ្នល់ និងការកើនឡើងវត្តមានស្ថាប័នសម្រាប់បម្រើឱ្យវិស័យពាណិជ្ជកម្ម ដែលជម្រុញឱ្យមានចលនាសកម្មភាពសេដ្ឋកិច្ច និងសង្គមនៅក្នុងតំបន់។ខ័ណ្ឌច្បារអំពៅ ដែលស្ថិតនៅម្ខាងទៀតនៃទីក្រុងភ្នំពេញ ឈរនៅលេខរៀងឆ្ងាយទី២ សម្រាប់ការផ្គត់ផ្គង់គេហដ្ឋាននាពេលបច្ចុប្បន្ន។ ខ័ណ្ឌដែលមានលក្ខណៈជ្រោយកោះមួយនេះជាទីដៅប្រកបដោយភាពពេញនិយម សម្រាប់អ្នកអភិវឌ្ឍបុរី។ ទោះបីជាយ៉ាងណាក៏ដោយ ខ័ណ្ឌដង្កោរ នឹងវ៉ាដាច់ខ័ណ្ឌច្បារអំពៅ សម្រាប់ការផ្គត់ផ្គង់លំនៅដ្ឋាន បើសិនជារាល់គម្រោងដែលត្រូវបានចុះបញ្ជីរទាំងអស់ក្នុងខ័ណ្ឌមួយនេះ ត្រូវបានបញ្ចប់។ការស្ទង់មតិអចលនទ្រព្យឆ្នាំ២០២១ដែលនឹងចេញផ្សាយឆាប់ៗនេះ របស់Realestate.com.kh ក៏បានរាយការណ៍ផងដែរអំពីចំណាប់អារម្មណ៍ដ៏ក្លៀងក្លារក្នុងចំណោមអ្នកស្វះស្វែងរកអចលនទ្រព្យ សម្រាប់ការទិញយកអចលនទ្រព្យផ្ទាល់ដី នៅក្នុងខ័ណ្ឌសែនសុខ និងជ្រោយចង្វារនៅក្នុងរយៈពេល១២ខែខាងមុខ។ របាយការណ៍ពន្យល់ថា ចំណូលចិត្តសម្រាប់គេហដ្ឋានផ្ទាល់ដី ក្នុងចំណោមប្រជាជនកម្ពុជា កំពុងធ្វើឱ្យមានប្រជាប្រិយភាព សម្រាប់ការរស់នៅឯជាយក្រុង ហើយប្រជាប្រិយភាពនេះនឹងនៅតែបន្តរហូតដល់អនាគតកាលដែលគេអាចសម្លឹងមើលឃើញ។គួរឱ្យចាប់អារម្មណ៍ផងដែរ របាយការណ៍របស់CBRE ក៏បានកត់សម្គាល់អំពីការប្រែប្រួល សម្រាប់ការធ្លាក់ចុះ នូវតម្លៃមធ្យមដាក់លក់របស់អចលនទ្រព្យផ្ទាល់ដី។ ចាប់តាំងពីត្រីមាសទី៣ឆ្នាំ២០២០ វីឡាទោលមានការធ្លាក់ថ្លៃរហូតដល់២០.១% តាមពីក្រោយដោយផ្ទះជាប់ជាមួយនឹងការធ្លាក់ថ្លៃរហូតដល់១៩.៥%។ ប្រភេទអចលនទ្រព្យផ្ទាល់ដីផ្សេងទៀត ក៏ស្ថិតនៅក្នុងការប្រែប្រួល នៃការធ្លាក់តម្លៃផងដែរ ជាមួយនឹង១៦.៧%នៃផ្ទះហាង, ១៥.៤% នៃផ្ទះល្វែង និង១៣.៥%នៃវីឡាភ្លោះ។ហេតុដូច្នេះ អ្នកស្វះស្វែងរកអចលនទ្រព្យផ្ទាល់ដី នឹងកាន់តែមានភាពងាយស្រួល ក្នុងការរកអចលនទ្រព្យដែលមានតម្លៃល្អៗ នៅលើទីផ្សារ។ ដើម្បីជាជំនួយក្នុងការស្វះស្វែងរកអចលនទ្រព្យ Realestate.com.khនឹងប្រារព្ធព្រឹត្តិការណ៍អនឡាញ Flash Sale អចលនទ្រព្យ ចាប់ពីថ្ងៃទី០៦ ដល់ថ្ងៃទី០៩ ខែឧសភា ឆ្នាំ២០២១ ដោយមានការលក់អចលនទ្រព្យ សម្រាប់គម្រោងថ្មីៗ និងប្រភេទអចលនទ្រព្យលក់បន្ត ផ្ដល់ជូនក្នុងតម្លៃពិសេសជាងទីផ្សារ។ អ្នកទិញដែលមានចំណាប់អារម្មណ៍ ត្រូវបានលើកទឹកចិត្ត សម្រាប់ការចុះឈ្មោះដោយឥតគិតថ្លៃ។

គម្រោងអភិវឌ្ឍន៍អគារពាណិជ្ជកម្ម និង លំនៅឋាន “ភូមិកីឡដ្ឋាន វើលដ៍ប្រ៊ីដ” ដ៏ធំស្កឹមស្កៃទំនើបដំបូងគេបង្អស់មួយនឹងផុសរូបរាងឡើងនៅក្នុងទីក្រុងនាគសម្តេចតេជោសែន ភាគខាងជើងរាជធានីភ្នំពេញក្នុងពេលឆាប់ៗខាងមុខនេះហើយ។ គម្រោង“ភូមិកីឡដ្ឋាន វើលដ៍ប្រ៊ីដ” ដ៏ធំចម្លែកប្លែកគេថ្មីមួយនេះដែរ នឹងធ្វើការសាងសង់សម្រាប់ការប្រកួតកីឡាប្រជាជាតិអាស៊ីអាគ្នេយ៍  និង អាស៊ានប៉ារ៉ាហ្គេម ក្នុងឆ្នាំ២០២៣ ដែលនឹងប្រារព្ធធ្វើឡើងនៅលើទឹកដីអច្ឆរិយៈនៃព្រះរាជាណាចក្រកម្ពុជា។ គម្រោងនេះនឹងសាងសង់អមជាមួយស្ថាបត្យកម្មយ៉ាងវិសេសវិសាល​ លាតសន្ធឹងលើផ្ទៃដីជាង​ ៦ហិចតា ជាប់នឹងពហុកីឡដ្ឋានជាតិមរតកតេជោ ដែលស្ថិតនៅក្នុងទីក្រុងនាគសម្តេចតេជោ លាតសន្ធឹងលើផ្ទៃដីចំនួន ៣៥.០០០ ហិចតា នៅភាគខាងជើងនៃតំបន់អភិវឌ្ឍន៍ថ្មីរបស់រាជធានីភ្នំពេញ ។ សំណង់អគាររំលេចទៅដោយស្ថាបត្យកម្មដ៏ល្អឯក បូករួមនឹងសោភណ្ឌភាពដ៏គួរឲ្យចាប់អារម្មណ៍បំផុតបែបនេះ គឺជាការសាងសង់ដោយក្រុមហ៊ុន ដាប់ប៊ែលយូប៊ី ស្ព័ត វីលេច​ ឯ.​ក​  ដែលជាបុត្រសម្ព័ន្ឋក្រុមហ៊ុន វើលដ៏ប្រ៊ីដគ្រុប ដែលជាអ្នកអភិវឌ្ឍ និង ជាក្រុមហ៊ុនសាងសង់លំនៅដ្ឋានដែលមានកេរ្តិ៍ឈ្មោះបោះសម្លេងល្បីល្បាញក្នុងវិស័យអចលនទ្រព្យជាង៣០ឆ្នាំមកហើយ។ ដោយស្ថិតនៅក្នុងតំបន់ ពាណិជ្ជកម្ម “ភូមិកីឡដ្ឋាន វើលដ៍ប្រ៊ីដ” ត្រូវបានសិក្សាយ៉ាងល្អិតល្អន់ជាមួយនឹងរចនាបថលំនៅឋានសម័យទំនើបដែលមានខុនដូ១២អាគារស្មើនឹង ១៣១៩បន្ទប់ អាគារខុនដូប្រភេទស្ទូឌីយ៉ូ ១អគារស្មើនឹង ១៦៣បន្ទប់ ដែលមានកម្ពស់១៣ជាន់  ផ្ទះល្វែង ផ្ទះអាជីវកម្ម វីឡាភ្លោះ ផ្សារទំនើប សារមន្ទីរកីឡា មានចំណតធំទូលាយ ល្អឥតខ្ចោះសម្រាប់ការរស់នៅ និងវិនិយោគនាពេលអនាគត។ មិនតែប៉ុណ្ណោះ “ភូមិកីឡដ្ឋាន វើលដ៍ប្រ៊ីដ” មានហេដ្ឋារចនាសម្ព័ន្ធតភ្ជាប់យ៉ាងសម្បូរបែបហ៊ុមព័ទ្ធទៅដោយ ស្ពាន ផ្លូវគមនាគមន៍ខ្វាត់ខ្វែង ប្រព័ន្ធដឹកជញ្ជូនសាធារណៈ មន្ទីរពេទ្យ សាលារៀនជាតិ និងអន្តរជាតិ ក្លឹបហាត់ប្រាណ កន្លែងវាយកូនហ្គោលលំដាប់ផ្កាយ៥ និង ផ្សេងៗទៀត។បន្ទាប់ពី ការប្រកួត​​កីឡាប្រជាជាតិអាស៊ីអាគ្នេយ៍ឆ្នាំ២០២៣ត្រូវបានបញ្ចប់ យើងមានជំនឿយ៉ាងមុតមាំថា “ភូមិកីឡដ្ឋាន វើលដ៍ប្រ៊ីដ” នឹងផ្លាស់ប្តូរមុខមាត់តែស្រស់អស្ចារ្យ នឹងចូលរួមចំណែកលើកសម្រស់រាជធានីភ្នំពេញទៅជាទីក្រុងកីឡា និង ជាទីប្រជុំជនដែលមានទំនើបកម្មក្នុងតំបន់ជាក់ជាពុំខានឡើយ។ ស្ថិតនៅក្នុងរង្វង់​នៃពហុកីឡដ្ឋានជាតិ​មរតកតេជោ “ភូមិកីឡដ្ឋាន វើលដ៍ប្រ៊ីដ” មាន​ចំងាយត្រឹមតែ ១៥ នាទីប៉ុណ្ណោះពីតំបន់​មជ្ឈមណ្ឌល​ពាណិជ្ជកម្ម ដោយសារតែ​មានការតភ្ជាប់​នូវហេដ្ឋារចនា​សម្ព័ន្ធ​ដែលមានស្រាប់នាពេលបច្ចុប្បន្ន និង ការពង្រីក​ហេដ្ឋារចនាសម្ព័ន្ធ​ទៅកាន់តំបន់មជ្ឈមណ្ឌល​ពាណិជ្ជកម្ម ផ្សេងៗទៀត ដែលក្នុងនោះ មានស្ពានជាង៤កន្លែង ផ្លូវគមនាគមន៍​ខ្វាត់ខ្វែងទាំងចាស់ទាំងថ្មី ប្រព័ន្ធដឹកជញ្ជូនសាធារណៈ ក៏ដូចជាគម្រោងផ្លូវខ្សែរថភ្លើងលើអាកាសដែលតភ្ជាប់ទៅកាន់តំបន់មជ្ឈមណ្ឌលពាណិជ្ជកម្ម ដែលត្រូវបានរចនាឡើងសម្រាប់ទទួលបាននូវភាពជោគជ័យយូរអង្វែង រួមជាមួយកន្លែងផ្សេងទៀតដែលត្រូវបានសាងសង់ឡើងសម្រាប់ការប្រកួតកីឡាផងដែរ។លើសពីនេះទៅទៀត ក្រុមហ៊ុនវើលប្រ៊ីដគ្រុបដែលធ្លាប់មានបទពិសោធន៍ពេញលេញក្នុងការអភិវឌ្ឍអគារខ្ពស់ទំនើបៗ និង លំនៅឋានដ៏ប្រណីតៗនៅកម្ពុជា នឹងធ្វើការប្តេជ្ញាចិត្តក្នុងការនាំមកនូវបទពិសោធន៍ថ្មីៗ និង ភាពជឿជាក់ក្នុងការរស់នៅរបស់អតិថិជន។ អ្វីដែលគួរឱ្យចាប់អារម្មណ៍នោះ គឺការ​ពន្លឿនការសាង​សង់ ដោយ​ផ្តោត​ជា​ចម្បង​លើ​គុណភាព​សំណង់ និង​លក្ខខណ្ឌ​បង់​ប្រាក់​ងាយ​ស្រួល​សម្រាប់​អតិថិជន គឺជា​ផ្នែក​មួយ​នៃ​ភាព​ជោគ​ជ័យ​របស់​គម្រោង​“ភូមិកីឡដ្ឋាន វើលដ៍ប្រ៊ីដ” នេះផងដែរ។ ជាពិសេសក្នុងដំណាក់កាលដំបូងនេះ អតិថិជនអាចចំណាយប្រាក់កក់ត្រឹមតែ ១០០០ ដុល្លារអាមេរិកតែប៉ុណ្ណោះដើម្បីក្លាយជាម្ចាស់ផ្ទះ!!! សូមទំនាក់ទំនងអាសយដ្ឋាន៖ ការិយាល័យលក់ អាគារ The Bridge SOHO វិថីរដ្ឋសភា សង្កាត់ទន្លេបាក់ ខណ្ឌចម្ការមន រាជធានីភ្នំពេញសម្រាប់ព័ត៌មានលំអិតសូមទំនាក់ទំនងមកកាន់ក្រុមការងារផ្នែកលក់តាមរយៈលេខទូរស័ព្ទ 010 699 333

ស្របពេលជាមួយនឹងការកកើតឡើងនូវគម្រោងលំនៅឋានប្រភេទបុរី និងខុនដូ រីកឡើងយ៉ាងច្រើននាប៉ុន្មាន៥ឆ្នាំចុងក្រោយមកនេះ ក្រសួងប្រៃសណីយ៍ និងទូរគមនាគមន៍ បានធ្វើសេចក្តីណែនាំទៅកាន់ក្រុមហ៊ុនដែលជាអ្នកអភិវឌ្ឍន៍បុរី រឺអាគារខុនដូទាំងអស់ ដោយមិនត្រូវផ្តល់សិទ្ធិផ្តាច់មុខរបស់ក្រុមហ៊ុនសេវាទូរស័ព្ទ រឺអ៊ឺនធើណែតណាមួយនោះទេ។ សេចក្តីណែនាំនេះត្រូវបានធ្វើឡើងក្នុងគោលដៅរក្សាផលប្រយោជន៍របស់ពលរដ្ឋដែលរស់នៅក្នុងបុរី​ រឺខុនដូ និងលើកទឹកចិត្តឱ្យមានការប្រកួតប្រជែងដោយតម្លាភាព និងមានប្រសិទ្ធិភាព ក្នុងការផ្តល់សេវាកម្មរបស់ខ្លួនទៅកាន់អតិថិជន។ជាមួយគ្នានេះដែរ ក្រសួងប្រៃសនីយ៍ និងទូរគមនាគមន៍ក៏បានបន្ថែមថា ក្រុមហ៊ុនអភិវឌ្ឍន៍បុរី និងខុនដូគួររៀបចំកន្លែងសម្រាប់សាងសង់ស្ថានីយ៍អង់តែន រឺបង្គោលភ្លើង ដើម្បីងាយស្រួលក្នុង ការតម្លើង រឺបំពាក់ឧបករណ៍សេវាទូរស័ព្ទ និងអ៊ីនធើណែតទុកជាមុន ដោយសារប្រព័ន្ធទាំងអស់ នេះ គួរមានការយកចិត្តទុកដាក់ក្នុងការរៀបចំដូចជាប្រព័ន្ឭទឹក និងអគ្គីសនីដែរ។​គួរបញ្ជាក់ផងដែរថា ក្រសួងពេលនេះកំពុងធ្វើការរៀបចំលិខិតបទដ្ឋានគតិយុត្ត ជុំវិញការធ្វើ យ៉ាងណាដើម្បីពង្រឹងគុណភាពសេវាទូរគមនាគមន៍។ លើសពីនេះទៅទៀត ប្រតិបត្តិករសេវា​ ទូរស័ព្ទដៃ ក៏នឹងអាចទទួលការពិន័យផ្សេងៗ ក្នុងហេតុផលដែលខ្លួនមិនបានគោរពបានច្បាប់ ស្តីពីការប្រតិបត្តិសេវាកម្មទូរគមនាគមន៍។ការលើកឡើងនេះគឺស្របជាមួយនឹងការប្រកាសរបស់ក្រសួងប្រៃសនីយ៍ និងទូរគមនាគមន៍ បានធ្វើការហាមឃាត់ជាដាច់ខាតចំពោះប្រតិបត្តិករផ្គត់ផ្គង់សេវាអ៊ីនធើណែត ដែលមិនត្រូវ ផ្គត់ផ្គង់អ៊ីនធើណែតទាបជាងកញ្ចប់ដែលខ្លួនបានផ្សព្វផ្សាយនោះទេ។ ចំពោះអតិថិជនដែលមានបញ្ហាក្នុងការប្រើប្រាស់ប្រព័ន្ធសេវាទូរគមនាគមន៍ទាំងពីរនេះដោយបញ្ហាណាមួយ លោកអ្នកក៏អាចធ្វើការទំនាក់ទំនងទៅកាន់និយ័តករទូរគមនាគមន៍បានដោយ ឥតគិតថ្លៃដោយហៅទៅលេខ ១២៧២៕កំពុងស្វែងរកអចលនទ្រព្យល្អៗក្នុងតម្លៃសមរម្យមែនទេ? ចុះឈ្មោះចូលរួមព្រឺត្តិការណ៍ Realestate.com.kh Flash Sale នៅថ្ងៃទី ៦ ដល់ថ្ងៃទី ៩ ខែឧសភា ខាងមុខនេះសម្រាប់ ទទួលបានការបញ្ចុះតម្លៃយ៉ាងច្រើន!

Photo by City Hallខណៈដែលជម្ងឺកូវីត១៩នៅតែបន្តការរីករាលតាមបណ្តារាជធានីខេត្តនានាក្នុងប្រទេសកម្ពុជា ដែលមកទល់ពេលនេះមានធ្វើឱ្យចំនួនអ្នកស្លាប់កើនឡើងរហូតដល់ ករណី (គិតមកត្រឹមថ្ងៃទី០១ ខែមេសា ឆ្នាំ២០២១) ប្រមុខរាជរដ្ឋាភិបាលនៅតែបន្តពង្រឹងការការពារ និងទប់ស្កាត់ដោយប្រើប្រាស់វិធានការគ្រប់បែបយ៉ាង ក្នុងការប្រយុទ្ធប្រឆាំងនឹងជម្ងឺដ៏សាហាវមួយនេះ។ ទន្ទឹមនឹងនេះ កាលពីពេលថ្មីនេះ រាជរដ្ឋាភិបាលក៏បានធ្វើសេចក្តីប្រកាសស្តីអំពីការអនុវត្តវិធានការរដ្ឋបាលជាបណ្តោះអាសន្ន នៅក្នុងភូមិសាស្ត្ររាជធានីភ្នំពេញ។ ការអនុវត្តនេះនឹងត្រូវធ្វើឡើងចាប់ពីថ្ងៃ០១ ខែមេសា ឆ្នាំ២០២១ រហូតដល់ថ្ងៃទី១៤ ខែមេសា ឆ្នា២០២១ ដោយក្នុងនោះគឺមានវិធានការដូចតទៅ៖១. តម្រូវឱ្យផ្អាកបណ្តោះអាសន្ននូវសកម្មភាពអាជីវកម្មរួមមានតូបអាហារ និងភោជនីយដ្ឋានផ្សេងៗ ចាប់ពីម៉ោង៨យប់ រហូតដល់ម៉ោង៥ទាបភ្លឺ ដោយបន្តអនុញ្ញាតឱ្យមានការលក់ជាលក្ខណៈវេចខ្ចប់ ធម្មតា។ ២.ផ្អាកការប្រមូលផ្តុំ រឺជួបជុំទទួលទានអាហារ និងភេសជ្ជៈគ្រឿងស្រវឹងចាប់ពីម៉ោង៨យប់ រហូតដល់ ម៉ោង៥ទាបភ្លឺ ប៉ុន្តែអាចករណីលើកលែងមួយចំនួនបើជាគ្រួសារតែមួយស្នាក់នៅជាមួយគ្នា រឺកងកម្លាំងសន្តិសុខ និងការជួបជុំដែលមានលក្ខណៈចាប់បាច់។៣.ផ្អាកការចរាចរណ៍ពីម៉ោង៨យប់ រហូតដល់ម៉ោង៥ទាបភ្លឺនៅក្នុងភូមិសាស្ត្ររាជធានីភ្នំពេញលើកលែងតែករណីចាំបាច់ដូចជាបញ្ហាសុខភាព ការធ្វើដំណើររបស់មន្ត្រី និងបុគ្គលិកផ្នែកសុខាភិបាល និងសន្តិសុខ ក្រុមពន្លត់អគ្គីភ័យ រថយន្តដឹកទំនិញ បុគ្គលិកដឹកជញ្ជូនអាហារ និងករណីចាំបាច់ដែលមានការអនុញ្ញាតពីសមត្ថកិច្ច។៤. ចំពោះបុគ្គលដែលមិនគោរពតាមការណែនាំដូចខាងលើនឹងត្រូវទទួលទោសបានលិខិតបទដ្ឋាន គតិយុទ្ធពាក់ព័ន្ធជាធរមាន ពោលគឺអាចនឹងត្រូវមានការឃាត់ទុកមធ្យោបាយធ្វើដំណើររបស់បុគ្គលនោះ ជាដើម។ បម្រាមគោចរណ៍នេះគឺជាការអនុវត្តន័ដ៏សំខាន់មួយក្នុងការទប់ស្កាត់នៅការរីករាលដាលនៃជម្ងឺកូវីត១៩នេះ ដូច្នេះសូមបងប្អូនប្រជាពលរដ្ឋធ្វើការគោរពឱ្យបានខ្ជាប់ខ្ជួន ជៀសវាងការចម្លងជម្ងឹនេះបន្តទៅកាន់មនុស្សក្នុងសហគមន៍របស់ខ្លួន។ កំពុងស្វែងរកអចលនទ្រព្យល្អៗក្នុងតម្លៃសមរម្យមែនទេ? ចុះឈ្មោះចូលរួមព្រឺត្តិការណ៍ Realestate.com.kh Flash Sale នៅថ្ងៃទី ៦ ដល់ថ្ងៃទី ៩ ខែឧសភា ខាងមុខនេះសម្រាប់ ទទួលបានការបញ្ចុះតម្លៃយ៉ាងច្រើន!

តោះ មកទទួលការបញ្ចុះតម្លៃពិសេស សម្រាប់អចលនទ្រព្យល្អៗ នៅក្នុងទីផ្សារអចលនទ្រព្យកម្ពុជា នាខែឧសភាខាងមុខនេះ!Realestate.com.kh ដែលជាទីផ្សារអចលនទ្រព្យអនឡាញនាំមុខគេនៅកម្ពុជា មានមោទនភាពក្នុងការប្រកាស កម្មវិធីអនឡាញលក់បញ្ចុះតម្លៃអចលនទ្រព្យRealestate.com.kh ដែលនឹងប្រារព្ធចាប់ពីថ្ងៃទី៦ ដល់ថ្ងៃទី៩ ខែឧសភា ឆ្នាំ២០២១។ កម្មវិធីលក់បញ្ចុះតម្លៃនេះ ប្រារព្ធលើអនឡាញ១០០% និងជាព្រឹត្តិការណ៍លក់បញ្ចុះតម្លៃ៤ថ្ងៃ ដ៏ធំបំផុត នៅក្នុងប្រវត្តិសាស្ត្រកម្ពុជា ដែលអ្នកតាមប្រមាញ់អចលនទ្រព្យល្អៗនៅកម្ពុជា អាចទិញផ្ទះក្នុងក្ដីស្រម៉ៃរបស់ខ្លួន ជាមួយតម្លៃពិសេស ដែលមិនធ្លាប់មាន។កម្មវិធីអនឡាញលក់បញ្ចុះតម្លៃអចលនទ្រព្យRealestate.com.khបរិច្ឆេទ៖ ថ្ងៃព្រហស្បតិ៍ ទី០៦ ខែឧសភា ដល់ថ្ងៃអាទិត្យ ទី០៩ ខែឧសភាម៉ោង៖ ៩៖០០ GMT+7មកធានាការបញ្ចុះតម្លៃ ពីគម្រោងអភិវឌ្ឍ និងភ្នាក់ងារអចលនទ្រព្យលំដាប់ នៅកម្ពុជាការចុះឈ្មោះដោយឥតគិតថ្លៃ១០០%តម្លៃកក់ការបញ្ចុះតម្លៃ២០០ដុល្លារ ដែលនឹងសងត្រលប់មកវិញ ពេញរយៈពេល៤ថ្ងៃ អតិថិជនដែលចង់ទិញផ្ទះដំបូង អ្នកវិនិយោគអចលនទ្រព្យ និងអ្នកណាក៏ដោយ អាចធ្វើការទិញតាមអនឡាញ នូវអចលនទ្រព្យក្នុងក្ដីស្រម៉ៃ ជាមួយតម្លៃមិនធ្លាប់មានប្រចាំឆ្នាំ ពីអ្នកអភិវឌ្ឍ និងភ្នាក់ងារអចលនទ្រព្យលំដាប់ របស់កម្ពុជា។ការចុះឈ្មោះ ចូលរួមកម្មវិធីអនឡាញនេះ មិនត្រូវបានគិតថ្លៃនោះទេ ខណៈដែលអ្នកចាប់អារម្មណ៍ត្រូវបានលើកទឹកចិត្តឱ្យធ្វើការចុះឈ្មោះពីឥលូវនេះទៅ ដើម្បីទទួលបានព័ត៌មានសំខាន់ៗ ពាក់ព័ន្ធនឹងគម្រោងអភិវឌ្ឍន៍ចំបងៗ មុនពេលដែលកម្មវិធីចាប់ផ្ដើម។ ទោះយ៉ាងណាក៏ដោយ ព័ត៌មានលំអិតពីការបញ្ចុះតម្លៃ លើអចលនទ្រព្យនិមួយៗ នឹងត្រូវបានបង្ហាញនៅថ្ងៃសម្ភោធកម្មវិធី គឺថ្ងៃព្រហស្បតិ៍ ទី០៦តែប៉ុណ្ណោះ!នេះជាឆ្នាំទី២ នៃកម្មវិធីបែបដូច្នេះ បន្ទាប់ពីភាពជោគជ័យមហាសាល នៃកម្មវិធីលក់បញ្ចុះតម្លៃអចលនទ្រព្យអនឡាញដូចគ្នានេះ រៀបចំដោយRealestate.com.kh កាលពីឆ្នាំ២០២០ ជាមួយនឹងការកក់ដ៏ច្រើនលើសលប់ នៃអចលនទ្រព្យដែលមានតម្លៃសរុបរហូតដល់ជាង២០លានដុល្លារ។កំលុងកម្មវិធី អ្នកទិញអចលនទ្រព្យ នឹងអាចរកមើលអចលនទ្រព្យជាទីពេញចិត្ត និងកក់ការបញ្ចុះតម្លៃ ដោយការបង់តម្កល់ប្រាក់ចំនួន២០០ដុល្លារ ដែលនឹងត្រូវសងត្រលប់មកវិញទាំងស្រុង។ លោកអ្នក ដែលកក់អចលនទ្រព្យផ្ទះមួយយូនីធ កំលុងកម្មវិធី៤ថ្ងៃនេះ នឹងត្រូវផ្ដល់ពេលយ៉ាងតិច១៤ថ្ងៃ ក្នុងការជ្រើសរើសផ្ទះជាក់ស្ដែង ជាមួយអ្នកអភិវឌ្ឍ ជជែកអំពីល័ក្ខខ័ណ្ឌ និងចុះហត្ថលេខាកិច្ចសន្យាទិញ-លក់។ ក្នុងករណីដែលអ្នកដែលបានកក់ហើយ មិនបានទិញអចលនទ្រព្យនោះទេ ពួកគេនឹងនៅតែទទួលបានការសងប្រាក់តម្កល់២០០ដុល្លារមកវិញដដែល។មេរៀនពីវិបត្តិសេដ្ឋកិច្ចមុនៗ បញ្ជាក់ថាតម្លៃអចលនទ្រព្យអាចនឹងធ្លាក់ចុះ ប៉ុន្តែនឹងងើបឡើងមកវិញជាក់ជាប្រាកដ ដែលផ្ដលឱកាសសម្រាប់លោកអ្នក ក្នុងការទិញអចលនទ្រព្យទាំងនោះ ជាមួយតម្លៃដែលគួរឱ្យទាក់ទាញ។ កម្មវិធីអនឡាញលក់បញ្ចុះតម្លៃអចលនទ្រព្យរបស់Realestate.com.kh ព្យាយាមផ្ដល់ឱកាសទាំងអស់នេះ ទៅកាន់អ្នកទិញអចលនទ្រព្យក្នុងស្រុក និងអ្នកវិនិយោគអន្តរជាតិ ដែលមានចំណាប់អារម្មណ៍ជាមួយទីផ្សារអចលនទ្រព្យកម្ពុជា។Realestate.com.kh នឹងធ្វើការជាមួយគម្រោងអភិវឌ្ឍន៍ល្បីៗ និងគួរឱ្យទាក់ទាញ នៅក្នុងទីផ្សារកម្ពុជា ក៏ដូចជាភ្នាក់ងារ និងទីភ្នាក់ងារអចលនទ្រព្យដែលគួរឱ្យជឿទុកចិត្ត ដើម្បីផ្ដល់ឱកាសបញ្ចុះតម្លៃនេះ ទៅកាន់អ្នកទិញច្រើនបំផុតតាមដែលអាចធ្វើបាន ទាំងក្នុងស្រុក និងក្រៅស្រុក។វិធីដែលធ្លាប់ប្រើ ក្នុងការប្រាស្រ័យទាក់ទងទៅកាន់អតិថិជន មិនអាចធ្វើទៅរួចឡើយ នាពេលបច្ចុប្បន្ន ដោយសារការកំណត់ចត្តាឡីស័ក និងវិធានការណ៍រក្សាសុខភាពសាធារណៈនានាដែលត្រូវបានដាក់ចេញ។ កម្មវិធីអនឡាញលក់បញ្ចុះតម្លៃអចលនទ្រព្យ នៅខែឧសភាខាងមុខនេះ នឹងក្លាយជាទីកន្លែងដែលអ្នកទិញអាចរកមើលផ្ទះដែលខ្លួនពេញចិត្ត ដោយសុវត្ថិភាព ខណៈដែលភ្នាក់ងារ និងអ្នកអភិវឌ្ឍអាចបង្ហាញអចលនទ្រព្យរបស់ពួកគេ ទៅកាន់អតិថិជន ដោយគ្រប់គ្នាស្ថិតនៅក្នុងវិធានរក្សាសុវត្ថិភាព! ភ្នាក់ងារ និងអ្នកអភិវឌ្ឍ ត្រូវបានលើកទឹកចិត្តក្នុងការទាក់ទងមកRealestate.com.kh ឆាប់បំផុតតាមដែលអាចធ្វើទៅបាន។Realestate.com.kh គឺជាទីផ្សារនាំមុខក្នុងការភ្ជាប់អ្នកទិញ ទៅអ្នកអភិវឌ្ឍ និងភ្នាក់ងារអចលនទ្រព្យ ក៏ដូចជាចូលរួមចំណែកក្នុងកំណើនទីផ្សារអចលនទ្រព្យនៅកម្ពុជាតាំងពីឆ្នាំ២០០៩មកម្លេះ។ គោលបំណង នៃកម្មវិធីអនឡាញលក់បញ្ចុះតម្លៃអចលនទ្រព្យនេះ គឺដើម្បីបន្តជម្រុញកំណើន បើទោះជាមានការកំហិតចត្តាឡីស័ក តាមរយៈកិច្ចខិតខំបន្តម៉ាឃីតធីងតាមអនឡាញ។ប្រសិនបើអ្នកជាភ្នាក់ងារលក់ ឬអ្នកអភិវឌ្ឍ និងចង់ដឹងព័ត៌មានបន្ថែមពីកម្មវិធីនេះ សូមទាក់ទងទៅកាន់៖Shengwei Zhao 赵生伟English/Chinese+855 085 321 897shengwei.zhao@realestate.com.khSumey Soun ស៊ូមុី សួនKhmer+855 077 241 285mey.soun@realestate.com.kh

បុរីណាឌី គឺជាគម្រោងអភិវឌ្ឍន៍បុរីថ្មីមួយ នៅក្នុងសង្កាត់ជ្រោយចង្វារ ជាមួយរចនាបថប្លែក សម្រាប់ការរស់នៅបែបសហគមន៍ទំនើបការដែលនៅតែត្រូវបន្តញាំញ៉ីពីរលកចុងក្រោយនៃជម្ងឺកូវីឌ-១៩ នៅកម្ពុជា កំពុងធ្វើឱ្យប្រជាជនទូទៅស្ថិតនៅក្នុងផ្ទះ។ ខណៈដែលប្រជាជនកាន់តែច្រើន មិនហ៊ានចេញក្រៅគេហដ្ឋានរបស់ខ្លួន ប្រជាជនកាន់តែតិចទៅៗហ៊ានចេញទៅមើលបន្ទប់តាំងបង្ហាញ សម្រាប់គេហដ្ឋានដែលខ្លួនស្រម៉ៃចង់ទិញ។ បើទោះជាបែបនេះក្ដី ការនិយមទិញផ្ទះដែលស្ថិតនៅជាប់ដី នៅតែជាជម្រើសទីមួយ សម្រាប់អ្នកស្វះស្វែងរកទិញគេហដ្ឋានជាច្រើន។យោងតាមការស្ទង់មតិអចលនទ្រព្យឆ្នាំ២០២១ ដែលនឹងចេញផ្សាយឆាប់ៗ របស់Realestate.com.kh ប្រហែល៦៦% នៃអ្នកត្រូវបានស្ទង់មតិជាង២០០០នាក់ ជ្រើសយកទីក្រុងភ្នំពេញ ជាជម្រើសសម្រាប់ការទិញគេហដ្ឋានរបស់ពួកគេ។ ខ័ណ្ឌដែលមានការពេញនិយម នៃរាជធានីមួយនេះ សម្រាប់គេហដ្ឋានដែលស្ថិតនៅជាប់ដី រួមមានខ័ណ្ឌសែនសុខដែលមាន២២% និងខ័ណ្ឌជ្រោយចង្វារដែលមាន២១%។សែនសុខ ជាខ័ណ្ឌដែលមានផ្ទៃដីរាបស្មើធំទូលាយ ជាមួយនឹងការកើនឡើងកាន់តែច្រើន នូវហេដ្ឋារចនាសម្ព័ន្ធដែលទ្រទ្រង់ សកម្មភាពអភិវឌ្ឍន៍ទាំងសម្រាប់ពាណិជ្ជកម្ម និងការរស់នៅ។ ពិសេស ផ្សារទំនើបអេអេនសែនសុខ មានទីតាំងស្ថិតនៅក្នុងខ័ណ្ឌមួយនេះ។ Realestate.com.khក៏ធ្លាប់បានរាយការណ៍ផងដែរថា ខ័ណ្ឌសែនសុខ ជាខ័ណ្ឌមួយដែលមាន តម្លៃលក់មេដ្យានរបស់អចលនទ្រព្យទាបបំផុតសម្រាប់ទីក្រុងភ្នំពេញ។រីឯសង្កាត់ជ្រោយចង្វារវិញ ក៏កំពុងទទួលបានចំណាប់អារម្មណ៍ជាបន្តបន្ទាប់ ពីអ្នកអភិវឌ្ឍបុរី និងខុនដូរផងដែរ។ បើទោះខ័ណ្ឌជ្រោយចង្វារ មិនត្រូវបានចាត់ទុកជាតំបន់ដែលទាក់ទាញសម្រាប់សកម្មភាពពាណិជ្ជកម្ម ខ័ណ្ឌមួយនេះបំពេញចន្លោះខ្វះខាតរបស់ខ្លួន ជាមួយនឹងសម្រស់ធម្មជាតិ និងការរស់នៅឯជាយក្រុង ដែលចាប់ផ្ដើមពេញនិយមក្នុងចំណោមអ្នកស្វះស្វែងរកគេហដ្ឋាន។ លក្ខណៈពិសេសរបស់ខ័ណ្ឌមួយនេះ ច្របាច់បញ្ចូលគ្នា បាន និងកំពុងទាក់ទាញការអភិវឌ្ឍដ៏គួរឱ្យចាប់អារម្មណ៍ជាច្រើន ដូចជាបុរីណាឌី។ បុរីមួយនេះ គឺជាគម្រោងអភិវឌ្ឍន៍ថ្មីមួយ ក្នុងខ័ណ្ឌជ្រោយចង្វារ ដែលចាប់យករសនិយមបែបទំនើប សម្រាប់ការរស់នៅបែបសហគមន៍ ជាមួយសោភ័ណ្ឌភាពដ៏ត្រកាល ព្រមទាំងដើមផ្កាសាគូរ៉ារីកស្គុះស្គាយក្នុងបរិវេណបុរី ដែលនេះគ្រាន់តែជាលក្ខណៈពិសេសត្រួសៗរបស់បុរីនេះតែប៉ុណ្ណោះ។គួរឱ្យចាប់អារម្មណ៍ផងដែរ ការស្ទង់មតិក៏បានប្រមូលទិន្នន័យដែរថា អ្នកចូលរួមស្ទង់មតិកម្ពុជា មានការពេញនិយមជាខ្លាំង ចំពោះប្រភេទអចលនទ្រព្យ ជាដីធ្លី និងផ្ទះជាប់ដី នៅពេលដែលយើងនិយាយពីជម្រើសអចលនទ្រព្យរបស់ពួកគេ។ ប្រហែល៤៥% ជ្រើសយកដីធ្លី ជាប្រភេទអចលនទ្រព្យ ដែលពួកគេទំនងនឹងទិញបំផុត។ គេហដ្ឋានជាប់ដី មានដូចជាផ្ទះប្រភេទShophouse និងផ្ទះវីឡា ទទួលបានការគាំទ្រ២២% និង១៦% តាមលំដាប់លំដោយ។គេហដ្ឋានប្រភេទអាផាតឺមិនយូនីធ ជាជម្រើសគេហដ្ឋានពេញនិយមចុងក្រោយ សម្រាប់ប្រជាជនកម្ពុជាដែលត្រូវបានស្ទង់មតិ ជាមួយនឹងលទ្ធផល១៣%។ ៤% នៃអ្នកដែលនៅសេសសល់ ពេញចិត្តជម្រើសអចលនទ្រព្យសម្រាប់ពាណិជ្ជកម្ម ឬឧស្សាហកម្ម។ ទោះបីជាបែបនេះក្ដី អ្នកទិញបរទេស ដែលចូលរួមក្នុងការស្ទង់មតិនេះដែរនោះ មានច្រើនលើសលប់ ដែលជ្រើសយកប្រភេទអាផាតឺមិនយូនីធ ជាជម្រើសដំបូង ដែលយើងមិនគួរចម្លែកចិត្តឡើយ ដោយសារជនបរទេសមិនត្រូវបានអនុញ្ញាត្តឱ្យក្លាយជាម្ចាស់កម្មសិទ្ធផ្ទះជាប់ដីនោះទេ នៅកម្ពុជា។ប្រជាជនកម្ពុជាភាគច្រើន នៅតែចាប់អារម្មណ៍ក្នុងការទិញអចលនទ្រព្យ ខណៈមួយភាគបី ជ្រើសយកជម្រើសសន្សំប្រាក់ សម្រាប់ការទិញ ឬវិនិយោគនៅពេលអនាគតវិញ។ ភាពធ្ងន់ធ្ងរ នៃព្រឹត្តិការណ៍សហគមន៍២០កុម្ភៈ នៅតែបន្តជះឥទ្ធិពលដល់ប្រជាជនទូទាំងប្រទេស ដែលធ្វើឱ្យអ្នកត្រូវបានស្ទង់មតិ ដែលមានចំណាប់អារម្មណ៍ចង់ទិញផ្ទះថ្មី បញ្ជាក់ក្នុងការស្ទង់មតិថា ពួកគេមិនច្បាស់ថាពួកគេនឹងទិញអចលទ្រព្យទាំងនោះនៅពេលណានោះឡើយ។បើទោះជាមានការធ្លាក់ចុះសកម្មភាពទិញដូរអចលនទ្រព្យ គម្រោងអភិវឌ្ឍហេដ្ឋារចនាសម្ព័ន្ធរបស់រដ្ឋាភិបាល មិនត្រូវបានផ្អាកឡើយ។ វាត្រូវបានអះអាងថា ហេដ្ឋារចនាសម្ព័ន្ធ ជាពិសេសផ្លូវថ្នល់ គឺជាការអភិវឌ្ឍសម្រាប់ជំនាន់ក្រោយ ក៏ដោយសារតែការអភិវឌ្ឍបែបនេះ នឹងត្រូវការច្រើនឆ្នាំ បើមិនច្រើនទស្សវត្សទេនោះ ក្នុងការទទួលបានផលពីការវិនិយោគមកវិញ។ រដ្ឋាភិបាល ដែលកំពុងបន្តការអភិវឌ្ឍរយៈពេលវែង កំលុងការធ្លាក់ចុះនៃកំណើនសេដ្ឋកិច្ច កំពុងរក្សាបាននូវសក្ដានុពលនាពេលអនាគត សម្រាប់អចលនទ្រព្យជាប់ដីជាច្រើន នៅក្នុង និងជុំវិញរាជធានីភ្នំពេញ។

ភ្នំពេញ, ថ្ងៃទី 27 ខែមីនា ឆ្នាំ 2021 - ថ្ងៃនេះ ក្រុមហ៊ុន GCC បានប្រកាសបើកសម្ភោធជាផ្លូវការ សេវាកម្ម ណាឌីឃែរ សម្រាប់ម្ចាស់គេហដ្ឋាន​បុរី ណាឌី។ កម្មវិធី ដ៏អស្ចារ្យនេះ គឺជាសេវាកម្មដែល សម្រិតសម្រាំងទ្បើងជាពិសេស សម្រាប់ម្ចាស់គេហដ្ឋាន ​ដែលរស់នៅក្នុងបុរី ណាឌី។ កម្មវិធី ណាឌីឃែរនេះត្រូវបានប្រកាសសម្ភោធជាផ្លូវការព្រមជាមួយថ្ងៃគម្រប់ខួប 5 ឆ្នាំ ដែល GCC បានបង្កើតឡើងនៅក្នុងប្រទេសកម្ពុជា។លោក អេរិច ឆុង អគ្គនាយកនៃក្រុមហ៊ុន បុរី ណាឌី GC Empire និង GC Realty បានមានប្រសាសន៏ថា “នេះ ជាប្រភេទសេវាកម្មដំបូងគេបំផុតមួយនៅក្នុងប្រទេសកម្ពុជា។ GCC ជាអ្នកអភិវឌ្ឍន៍ គម្រោងដែលមានការយកចិត្តទុកដាក់ និងមានទំនុកចិត្តខ្ពស់ ក្នុងការផ្ដល់ជូននូវសេវាកម្ម ល្អបំផុត សម្រាប់អតិថិជន។ យើងដឹងច្បាស់ថា គេហដ្ឋានថ្មីតំណាងឲ្យ ការវិនិយោគដ៏មាន សារៈសំខាន់មួយ ដូច្នេះហើយ យើងព្យាយាមអភិវឌ្ឍន៍ និងបង្កើតសហគមន៍មួយ ប្រកបដោយ ជំនាញ និងការយកចិត្តទុកដាក់ខ្ពស់បំផុត សម្រាប់លោកអ្នក។ លំនៅឋាន សហគមន៍ និង បរិក្ខាររស់នៅ ដ៏សម្បូរបែប ត្រូវបានរចនាឡើង ដើម្បីបំពេញតម្រូវការ របស់អស់លោកអ្នក និងក្រុមគ្រួសារ។ ណាឌីឃែរ ត្រូវបានរៀបចំជាពិសេស ដើម្បីធានាថាការរស់នៅ  នៃម្ចាស់គេហដ្ឋាន ទាំងអស់ ប្រកបដោយប្រណិតភាពនៅក្នុងសហគមន៍មួយនេះ។ យើងមិនត្រឹមតែមានរថយន្តឯកជន សម្រាប់ជូនលោកអ្នកទៅកាន់ផ្សារទំនើប នានា ដូចជា  អ៊ីអនម៉ល ប៉ុណ្ណោះទេ យើងក៏អាចរៀបចំកម្មវិធី ជប់លៀង ឬពិធីមង្គលការ សម្រាប់លោកអ្នកនៅក្នុងសាលកញ្ចក់បុរី ណាឌី ព្រមជាមួយនឹង សេវាកម្មជាច្រើនទៀត ដែលក្រុមការងារបុរី ណាឌីនឹងរៀបចំជូន ដើម្បីឲ្យម្ចាស់គេហដ្ឋាន ទាំងអស់ទទួលបាន ផាសុកភាព គ្រប់ពេលវេលា។ យើងចង់ធ្វើឲ្យប្រាកដថា អ្នករស់នៅក្នុងបុរី ណាឌីទាំងអស់មិនបាច់បារម្មណ៍អំពីឪពុកម្ដាយ និងបុត្រធីតានោះទេ ដោយពួកគាត់អាចប្រើប្រាស់សេវាកម្មឡានក្រុងដឹកអ្នកដំណើរឯកជនទៅកាន់ផ្សារអ៊ីអនម៉ល ឬនៅទីតាំងផ្សេងទៀតប្រកបដោយសុវត្ថិភាព”។ លោកក៏បានបានបន្ថែមទៀតថា៖ គ្រប់អតិថិជនទាំងអស់ ដែលបានទិញបុរី ណាឌីនឹងក្លាយជាសមាជិករបស់ ណាឌីឃែរ ដោយស្វ័យប្រវត្តិ លោកអ្នកអាចរីករាយជាមួយនឹងគ្រប់សេវាកម្មរបស់ណាឌីឃែរ ព្រមទាំងទទួលបានការបញ្ចុះ តម្លៃពិសេសនៅក្រុមហ៊ុនជាច្រើនទៀត ដែលជាបុត្រសម្ព័ន្ធរបស់ GCC។ សេវាកម្មទាំង 12 របស់ណាឌីឃែរ រួមមានសេវាកម្មមូលដ្ឋានដូចជា៖ សេវាកម្មរថយន្តដឹកអ្នកដំណើរឯកជន សេវាកម្មប្រព័ន្ធសន្តិសុខ 24 ម៉ោង​ និង សេវាកម្មជំនួយរៀបចំរថយន្តសង្គ្រោះបន្ទាន់ 24 ម៉ោង ព្រមទាំងសេវាកម្មពិសេសបន្ថែម ដែលមានដូចជា៖ សេវាកម្មជួសជុលបន្ទាន់ 24 ម៉ោង សេវាកម្មរើចូលគេហដ្ឋាន សេវាកម្មថែទាំសម្អាតផ្ទះ សេវាកម្មគ្រូបង្វឹកហាត់ប្រាណផ្ទាល់ខ្លួន សេវាកម្មបោកអ៊ុតសម្លៀកបំពាក់ សេវាកម្មថែរក្សាយានយន្ត សេវាកម្មជួលរថយន្ត និងតាក់ស៊ី សេវាកម្មរៀបចំកម្មវិធី និងសេវាកម្មផ្គត់ផ្គង់គ្រឿងទេស។ “យើងជឿជាក់លើការអភិវឌ្ឍបុរីដំបូងបំផុតរបស់យើងក្នុងប្រទេសកម្ពុជា ហើយយើងប្ដេជ្ញាចិត្ត ធ្វើឲ្យទីនេះក្លាយជាគម្រោងដ៏ល្អបំផុតនៅក្នុងទីផ្សារ។ បុរី ណាឌី បានប្រតិស្ឋានឡើងនៅក្នុងតំបន់ ជ្រោយចង្វារ ដែលហ៊ុំព័ទ្ធទៅដោយ គម្រោងអភិវឌ្ឍជាច្រើន​ ដែលខ្លះបានបញ្ចប់ការសាងសង់ និងខ្លះទៀតកំពុងសាងសង់ដូចជា ពហុកីឡដ្ឋានជាតិមរតកតេជោ ភ្នំពេញសាហ្វារី វិមានឈ្នះ ឈ្នះ សួនដាយណូស័រ ក្លឹបវាយកូន​ហ្គោល ហ្គាដិន ស៊ីធី សាកលវិទ្យាល័យភូមិន្ទភ្នំពេញសាខាទី 3 ទីក្រុងរណបជ្រោយចង្វារ និងគម្រោងជាច្រើនទៀត​។ ស្របពេលដែល ណាឌីឃែរ បើកសម្ភោធ ជាផ្លូវការ យើងបានឈានមួយជំហានបន្ថែមទៀត ទៅរកចក្ខុវិស័យនៃការបង្កើតថ្មី គឺការរស់នៅ ពោរពេញដោយប្រណិតភាព ទៅកាន់ទីផ្សារ និងជូនទៅដល់អតិថិជនរបស់យើងផងដែរ។  យើងធ្វើជាអ្នកអភិវឌ្ឍគម្រោងមួយ ដែលមាន លក្ខណៈសម្បត្តិ ដូចនឹងអចនទ្រព្យដែលផ្ដល់ជូន ទៅកាន់អតិថិជន ទាំងគុណភាពលំដាប់អន្តរជាតិ​​ ការច្នៃប្រឌិត និងគុណតម្លៃប្រកបដោយនិរន្តរភាព និងភាពយកចិត្តទុកដាក់។បុរី ណាឌី បានសហការជាដៃគូជាមួយនឹងក្រុមហ៊ុនអន្តរជាតិដ៏ល្បីល្បាញចំនួន 2 មានដូចជា  ទីប្រឹក្សាសេវាកម្មគ្រប់គ្រងបុរី Keystone Properties Consultants និង ទីប្រឹក្សាផ្នែកច្បាប់ Bun & Associates ។ នៅថ្ងៃនេះជាមួយនឹងការបើកសម្ភោធ ណាឌីឃែរ ជាផ្លូវការ សេវាកម្ម នាំមកជូនដោយបុរីណាឌី បានបង្កើននូវស្តង់ដារ និងលើកកម្ពស់គុណភាពរស់រវើកនៃការរស់នៅ បន្ថែមមួយកម្រិតទៀតជូនអតិថិជន ដែលមិនធ្លាប់មានពីមុនមកនៅប្រទេសកម្ពុជា។ លោក អេរិច ឆុង បានបានបន្ថែមទៀតថា៖ “ក្រុមហ៊ុន GCC  បានអង្កេតមើលបរិបទនៃការរស់នៅ យ៉ាងលម្អិត ទើបបុរី ណាឌី អាចបញ្ចេញនូវចក្ខុវិស័យ នៅក្នុងក្តីស្រមៃរបស់យើងបញ្ចូល ទៅក្នុងគម្រោងអភិវឌ្ឍនេះ ។ ពួកយើងពេញចិត្តនឹងបង្កើននូវកិច្ចខិតខំប្រឹងប្រែង និងធនធានបន្ថែមទៀតដើម្បីឲ្យ ណាឌីឃែរទទួលបានជោគជ័យ។ អតិថិជនដែលមានការប្រមើល មើលជាក់លាក់ នឹងឲ្យតម្លៃលើការព្យាយាមរបស់យើង។ បុរី ណាឌី មានក្តីសោមនស្សរីករាយជាខ្លាំងដែលទទួលបាននូវ ការឆ្លើយតប និងការកោតសរសើរជាវិជ្ជមានជាច្រើនពីអតិថិជន ចាប់តាំងពីយើងចាប់បើកដំណើរការមក។ ពួកយើងក៏មាននូវគម្រោងជាច្រើនបន្ថែមទៀតដែលគ្រោងនៅក្នុងឆ្នាំនេះ តួយ៉ាងដូចជាគម្រោង ផ្សារជីស៊ី អូរឫស្សីដែលជាផ្សារបោះដុំដែលជានឹងក្លាយជាទីតាំងដ៏ល្បីល្បាញនាពេលអនាគត ព្រមទាំងទាក់ទាញទាំងភ្ញៀវទេសចរណ៍ជាតិ​ និងអន្តរជាតិមកដើរកម្សាន្ត។ យើងសង្ឃឹមថាលោកអ្នកនឹងមានការរំពឹងទុកខ្ពស់ជាមួយនឹងគម្រោងថ្មីៗរបស់យើង”។នៅក្នុងសន្និសីទនេះ​ លោក អេរិច ឆុង ក៏បានធ្វើបង្ហាញពីព័ត៌មានលម្អិត នៃសេវាកម្មណាឌីឃែរ ព្រមបង្ហាញពីវីដេអូនៃ កម្មវិធីណាឌីឃែរ App លើទូរសព្ទ័ដៃផងដែរ ។ លោកក៏បានបញ្ជាក់បន្ថែម អំពីការផ្ដល់ជូនពិសេសសម្រាប់អតិថិជនរបស់បុរី ណាឌី ក្នុងឱកាសបុណ្យចូលឆ្នាំខ្មែរ សម្រាប់អតិថិជនដែលកក់ចាប់ពីថ្ងៃទី  27 ខែមិនា រហូតដល់ថ្ងៃទី 30 ខែមេសា ឆ្នាំ 2021 នឹងទទួលបានកញ្ចប់ដំណើរកម្សាន្តក្នុងប្រទេស និងក្រៅប្រទេស ទៅកាន់កោះសង្សារ ឬប្រទេសជប៉ុន។ មិនតែប៉ុណ្ណោះក្នុងប្រូម៉ូសិនសម្រាប់ពិធីបុណ្យចូលឆ្នាំខ្មែរ បុរី ណាឌីក៏ផ្ដល់ជូននូវ ជម្រើសបង់ប្រាក់ដ៏ពិសេស និងចាំបាច់សម្រាប់អតិថិជនផងដែរ គឺអតិថិជនអាចក្លាយជាម្ចាស់ គេហដ្ឋានក្នុងក្ដីស្រមៃដោយអត្រាបង់ប្រាក់ត្រឹមតែ 688$ ប៉ុណ្ណោះក្នុងមួយខែ។បញ្ចប់ក្រុមហ៊ុន GCC គឺជាក្រុមហ៊ុនវិនិយោគ ដែលមានទីស្នាក់ការកណ្ដាលនៅទីក្រុងហុងកុង ដែលមានជំនាញលើ វិស័យ អភិវឌ្ឍអចលនទ្រព្យ  វិនិយោគដីធ្លី និងសេវាកម្មហិរញ្ញវត្ថុ (trust and fund management)។ ចក្ខុវិស័យដ៏ធំបំផុតនៃ GCC គឺក្លាយជាអ្នកអភិវឌ្ឍអចលនទ្រព្យ ផ្តល់ជូនសេវាកម្មពេញលេញ 360० នៅក្នុងប្រទេសកម្ពុជា។ បច្ចុប្បន្ននេះ GCC មានក្រុមហ៊ុនបុត្រសម្ព័ន្ធចំនួន 7 ទៀត រួមមាន GC City, GC Land, GC Empire, GC Realty, GC Design, GC Management និង GC Credit ។ គម្រោងបច្ចុប្បន្នរបស់ GCC រួមមាន៖ បុរី ណាឌី ដោយជីស៊ី ស៊ីធី, CEO Wyndham Residence ផ្សារជីស៊ី អូរឫស្សី GC Residence ជ្រោយចង្វារ  និង Ream City ក្រុងព្រះសីហនុ។

ទិវានេះត្រូវបានប្រារព្ធទូទាំងសកលលោកក្នុងគោលបំនងលើកកម្ពស់ការយល់ដឹងអំពីសារៈសំខាន់នៃព្រៃឈើ ដែលអាចគាំពារ និងធ្វើឲ្យយើងគ្រប់គ្នារស់នៅប្រកបដោយនិរន្តរភាព។ក្នុងឱកាសនេះ ក្រុមការងារ Le Condé BKK1 ក៏បានចូលរួមផងដែរតាមរយៈការប្រើប្រាស់ពាក្យស្លោកផ្សេងៗ ដាក់នៅតាមដើមឈើក្នុងតំបន់បឹងកេងកង១ ដើម្បីជួយផ្សព្វផ្សាយបន្ថែម។ព្រៃឈើពិតជាមានសារៈសំខាន់ណាស់សម្រាប់ជីវិតមនុស្សសត្វ និងជីវៈចម្រុះផ្សេងៗទៀត  ដូចនេះយើងត្រូវរួបរួមគ្នាស្រឡាញ់ និងការពារធនធានធម្មជាតិដែលយើងមានឲ្យបានគង់វង្សសម្រាប់មនុស្សជំនាន់ក្រោយ។ ប៉ុន្មានឆ្នាំចុងក្រោយនេះស្ថានភាពសត្វព្រៃនៅក្នុងតំបន់ការពារធម្មជាតិត្រូវបានអ្នកជំនាញវាយតម្លៃថា មានភាពប្រសើរឡើងមួយកម្រិត វត្តមានសត្វព្រៃនៅក្នុងតំបន់ការពារធម្មជាតិមានការកើនឡើង នេះដោយសារតែលទ្ធផលនៃការការពារនិងអភិរក្សធនធានធម្មជាតិ ព្រៃឈើដែលជាជម្រករបស់ពពួកសត្វព្រៃមានភាពប្រសើរឡើង ការអនុវត្តច្បាប់កាន់តែមានប្រសិទ្ធិភាព។ចំនុចវិជ្ជមានទាំងនេះ ដោយសារតែមានការខិតខំប្រឹងប្រែងរួមគ្នារវាងមន្ត្រីជំនាញ អង្គការដៃគូ និងសហគមន៍តំបន់ការពារធម្មជាតិក្នុងការគ្រប់គ្រងនិងអភិរក្សតំបន់ធម្មជាតិ។ក្នុងឱកាសនេះ ក្រុមការងារ Le Condé BKK1 ក៏បានចូលរួមផងដែរតាមរយៈការរប្រើប្រាស់ពាក្យស្លោកផ្សេងៗ ដាក់នៅតាមដើមឈើក្នុងតំបន់បឹងកេងកង១ ដើម្បីជួយផ្សព្វផ្សាយបន្ថែម។ កន្លងមក យើងក៏ធ្លាប់មានសកម្មភាព ដាំដើមឈើនៅតាមសហគមន៍នានាដែលយើងបានចុះទៅដល់ ដើម្បីធ្វើការចែកអំណោយ។មួយវិញទៀត ក្នុងនាមជាអ្នកអភិវឌ្ឍគម្រោងអចលនទ្រព្យ យើងសង្កេតឃើញថានៅក្នុងទីក្រុងរបស់យើងមិនសូវមានភាពបៃតងច្រើន ដោយយល់ឃើញពីតម្រូវការនេះ គម្រោងក៏បានរចនាជាមួយសួនច្បារបៃតង នៅជាន់ទី៣២ ដែលមានទំហំដល់ទៅជាង១០០០ម៉ែត្រការ៉េ ដើម្បីផ្គត់ផ្គង់តម្រូវការនេះដល់អ្នករស់នៅទាំងអស់ នូវការរស់នៅដែលប្រកបដោយភាពស្រស់ស្រាយបែបធម្មជាតិ។ជាចុងក្រោយ យើងទាំងអស់គ្នាត្រូវការពារ និងថែរក្សាធនធានធម្មជាតិ និងព្រៃឈើឲ្យបានស្ថិតស្ថេរសម្រាប់អនាគតយើង។ ទាំងអស់នេះនឹងផ្តល់ផលវិជ្ជមានដល់យើងផងដែរទាំងសុខភាព សោភ័ណ្ឌភាព ព្រមទាំងបរិស្ថានទាំងអស់នៅជុំវិញយើងផងដែររួមគ្នាការពារ និងអភិរក្សព្រៃឈើ ដើម្បីសហគមន៍យើង និងមនុស្សជំនាន់ក្រោយ!