អ្នកហាក់ដូចជាមានភាពលំបាកបន្តិចក្នុងការស្វែងរកលំនៅដ្ឋានសម្រាប់ជួលក្នុងទីក្រុងភ្នំពេញ ជាពិសេសប្រសិនបើអ្នកជាអ្នកទើបមករស់នៅក្នុងទីក្រុងភ្នំពេញ។ ថ្មីៗនេះតំបន់ជាច្រើនក្នុងទីក្រុងភ្នំពេញបានកំពុងតែកើនឡើងជាមួយនឹងលំនៅដ្ឋានសម្រាប់ជួលជាច្រើនដូចជា៖ វីឡាដែលមានទំហំធំៗ អាផាតមេនដែលមានសេវាកម្មគ្រប់ប្រភេទ ផ្ទះអាជីវកម្ម និងផ្ទះល្វែង ដែលយើងអាចកែកុនទៅជាហាងលក់ទំនិញ ឬរចនាទៅជាឱ្យទៅជាលំនៅដ្ឋានបែបទាន់សម័យបាន។ ក្នុងចំណោមខណ្ឌទាំង១២ក្នុងទីក្រុងភ្នំពេញ សក្ដានុពលនៃតំបន់នីមួយៗអាស្រ័យលើទីតាំងភូមិសាស្រ្ត តម្លៃដីនិងហេដ្ឋារចនាសម្ព័ន្ធនៅជុំវិញដែលគាំទ្រដល់ការរស់នៅរបស់ម្ចាស់លំនៅដ្ឋាន។ ដោយសារតែកិច្ចសន្យាជួលយ៉ាងហោចណាស់មានរយៈពេល១ឆ្នាំអ្នកត្រូវប្រាកដថាអ្នកបានស្រាវជ្រាវច្បាស់លាស់មុននឹងចុះហត្ថលេខាក្នុងកិច្ចសន្យាថ្មីមួយ។ Realestate.com.kh បានធ្វើការដ៏ស្មុកស្មាញមួយនេះដើម្បីជាជំនួយដល់លោកអ្នកដោយធ្វើការប្រមូលព័ត៌មានទាំងអស់ដែលលោកអ្នកត្រូវការនៅក្នុងតំបន់សំខាន់ៗមួយចំនួនក្នុងទីក្រុងភ្នំពេញ។ ខណ្ឌចំការមន បច្ចុប្បន្នខណ្ឌចំការមនគឺជាតំបន់លំនៅដ្ឋានដ៏ពេញនិយមមួយបើសិនបើយើងនិយាយអំពីជីវិតបែបទាន់សម័យ និងភាពងាយស្រួល។ ក្នុងខណ្ឌចំការមនមានសង្កាត់ចំនួន១២។ ក៏ប៉ុន្តែសង្កាត់ចំនួន៤ដែលពេញនិយមនោះគឺមានសង្កាត់បឹងកេងកង១ បឹងកេងកង២​ បឹងកេងកង៣និងទួលទំពូង។ សង្កាត់បឹងកេងកង១គឺជាសង្កាត់ដែលមានប្រជាប្រិយភាពនិងមានសក្ដានុពល ជាងគេទាំងសម្រាប់ជនបរទេស និងប្រជាជនក្នុងស្រុក។ តើនៅក្នុងខណ្ឌចំការមនមានប្រភេទលំនៅដ្ឋានសម្រាប់ជួលអ្វីខ្លះ? បើយោងតាមលោក រឿន វេហា តំណាងផ្នែកលក់របស់ក្រុមហ៊ុន Pin Point Real Estate បាននិយាយថាមានផ្ទះ៣ប្រភេទសម្រាប់ជួលក្នុងខណ្ឌចំការមន ផ្ទះទាំងនេះរួមមានផ្ទះល្វែង អាផាតមេន និងវីឡា។ តើអចលនទ្រព្យសម្រាប់ជួលទាំងនេះមានតម្លៃប៉ុន្មានក្នុងមួយខែ?  តម្លៃជួលនៃផ្ទះល្វែងក្នុងបឹងកេងកង១ មានចន្លោះពី ៧០០ ទៅ ១,៨០០ ដុល្លារក្នុងមួយខែ។ តម្លៃនេះគឺ ជាតម្លៃ ដែលខ្ពស់ជាងសង្កាត់សំខាន់ៗដ៏ទៃទៀត។ ផ្ទះល្វែងជួលនៅបឹងកេងកង២ បឹងកេងកង៣ និងទួលទំពូងមានតម្លៃចាប់ពី ៣០០ ដុល្លារទៅទៅ ១,៣០០ ដុល្លារក្នុងមួយខែ។ ផ្ទះល្វែងដែលមានទីតាំងនៅខាងក្នុងនិងផ្ទះដែលនៅតាមបណ្ដោយផ្លូវធំៗតម្លៃអាចមានការប្រែប្រួលផ្សេងៗគ្នា។   អាផាតមេនដែលមានមួយបន្ទប់គេង ក្នុងបឹងកេងកង១មានតម្លៃប្រហែល ៨០០ ដុល្លារក្នុងមួយខែ  អាផាតមេន​ដែលមាន២បន្ទប់គេងមានតម្លៃជាង ១,០០០ ដុល្លារក្នុងមួយខែ ហើយអាផាតមេនដែលមាន៣បន្ទប់គេងមានតម្លៃពី ២,៥០០ ទៅ ៣,០០០ ដុល្លារក្នុងមួយខែ។ ខណៈដែលបឹងកេងកង២ បឹងកេងកង៣និងទូលទំពូងតម្លៃជួលសម្រាប់អាផាតមេនដែលមាន១បន្ទប់គេងមានតម្លៃចាប់ពី ៣០០ ទៅ ៤០០ ដុល្លារក្នុងមួយខែ។ វីឡាក្នុងបឹងកេងកង១ ជាពិសេសតាមបណ្ដោយផ្លូវ៥១ និង៦៣​ មានតម្លៃចាប់ពី១,៥០០ ទៅ ១០,០០០ដុល្លារក្នុងមួយខែ។ ខណៈដែលក្នុងសង្កាត់បឹងកេងកង២ និង៣ ឬទួលទំពូងមានតម្លៃចន្លោះពី ១,០០០ ទៅ ៦,០០០ ដុល្លារនេះបើតាមលោកវេហាបានលើកឡើង។ ហេតុអ្វីបានជាតំបន់ទាំងនេះមានលក្ខណៈល្អប្រសើរសម្រាប់ការជួល? នៅក្នុងសង្កាត់បឹងកេងកង១ បឹងកេងកង២ បឹងកេងកង៣ និងទួលទំពូងគឺជាសង្កាត់ដែលមានពោរពេញ  ភោជនីយដ្ឋាន ហាងកាហ្វេដែលមានយីហោល្បីៗ បារ ខារ៉ាអូខេ ក្លឹប ផ្សារទំនើប សូណា ស្ប៉ារ កន្លែងហាត់ប្រាណ សាលារៀនជាតិ និងសាលាអន្តរជាតិ ឃ្លីនិកដែលមានស្តង់ដាខ្ពស់ និងមន្ទីរពេទ្យជាច្រើនទៀត។ ដូច្នេះប្រសិនបើអ្នកចង់រស់នៅចំកណ្ដាលទីក្រុងភ្នំពេញ និងជាកន្លែងដែលមានអ្វីៗ គ្រប់យ៉ាង អ្នកគួតែជ្រើសរើសតំបន់​ទាំងនេះ។ សូមស្វែងយល់បន្ថែមអំពីតំបន់បឹងកេងកងនៅទីនេះ។  ខណ្ឌដូនពេញ៖ ខណ្ឌដូនពេញមានសង្កាត់ចំនួន១១ ក្នុងនោះសង្កាត់៤ក្នុងចំណោមសង្កាត់ទាំងអស់មានជនបរទេសនិងប្រជាជនក្នុងស្រុកកំពុងតែជួលរស់នៅទាំងក្នុងរយៈពេលវែង និងរយៈពេលខ្លី។ ក្នុងតំបន់ទាំងនេះមានសង្កាត់ផ្សារចាស់ ផ្សារកណ្ដាល១ ផ្សារកណ្ដាល២ និងជ័យជំនេះ។ តើមានផ្ទះជួលប្រភេទផ្ទះអ្វីខ្លះក្នុងខណ្ឌដូនពេញ?  ផ្ទះល្វែង និងអាផាតមេនអាចរកជួលបានក្នុងខណ្ឌដូនពេញ។ ផ្ទះជួលក្នុងតំបន់នេះភាគច្រើនជាប្រភេទផ្ទះជាន់ទី២ដែលបានកែប្រែពីផ្ទះចាស់ៗ ឬកែប្រែពីផ្ទះល្វែងដែលមានលក្ខណៈសមរម្យសម្រាប់ជួល។ តើផ្ទះជួលក្នុងតបន់នេះតម្លៃមធ្យមប៉ុន្មាន? កញ្ញា អ៊ិន ចាន់ស្រីល័ក្ខ តំណាងផ្លែកលក់របស់ក្រុមហ៊ុន Yong Yap Property បាននិយាយថាតម្លៃ ជួលក្នុងសង្កាត់សំខាន់ទាំង៤នេះមានលក្ខណៈប្រហាក់ប្រហែលគ្នា។ តម្លៃជួលសម្រាប់ផ្ទះល្វែងដែលមាន១បន្ទប់គេងមានតម្លៃចាប់ពី ៣៥០ ទៅ ៨០០ ដុល្លារក្នុងមួយខែ ផ្ទះល្វែងដែលមាន២បន្ទប់គេងមានតម្លៃចាប់ពី ៤៥០ ទៅ ១,៥០០ ដុល្លារក្នុងមួយខែ ហើយផ្ទះល្វែង ដែលមាន៣បន្ទប់គេងមានតម្លៃចាប់ពី ១,៥០០ ទៅ ២៥,០០០ ដុល្លារក្នុងមួយខែ។ នៅទីតំបន់នេះក៏មានសេវាកម្មអាផាតមេនជាច្រើនសម្រាប់ជួលដូចជា Season Apartments & Residence Co, Ltd និង Kiwi apartment។ បើយោងតាមកញ្ញាស្រីល័ក្ខបានឱ្យដឹងថាអាផាតមេនដែលមានមួយបន្ទប់គេងមានតម្លៃចាប់ពី ៦០០ ទៅ ១,២០០ ដុល្លារក្នុងមួយខែអាផាតមេនដែលមាន២បន្ទប់គេងមានតម្លៃ ១,៨០០ ដុល្លារក្នុងមួយខែ ហើយអាផាតមេនដែលមាន ៣បន្ទប់គេងមានតម្លៃរហូតដល់ពី ២,៨០០ ដុល្លារក្នុងមួយខែ។ ហេតុអ្វីបានជាតំបន់ទាំងនេះមានសក្ដានុពលសម្រាប់ការជួល? តំបន់ទាំងនេះស្ថិតនៅតាមបណ្ដោយមាត់ទន្លេ និងនៅជិតព្រះបរមរាជវាំង។ ហើយក៏មានហាង លក់ទំនិញជាច្រើនដែលស្ថិតនៅក្នុងតំបន់នេះផងដែរដូចជា ភោជនីយដ្ឋាន បារ ហាងកាហ្វេ ផ្សាររាត្រី និងមានច្រើនទៀត។ ទាំងអស់នេះហើយដែលធ្វើឱ្យតំបន់នេះទាក់ទាញភ្ញៀវទេសចរកាន់តែច្រើនឡើង។ ខណ្ឌទួលគោក៖ អ្នកជំនាញអចលនទ្រព្យរំពឹងថាខណ្ឌទួលគោនឹងក្លាយជាសង្កាត់បឹងកេងកងទីមួយទៀតនាពេលដ៏ខ្លីខាងមុខនេះ។ បច្ចុប្បន្ននេះមនុស្សជាច្រើនបានចាប់អារម្មណ៏ទៅរស់នៅក្នុងតំបន់នេះ ជាពិសេសនោះពីព្រោះវានឹងក្លាយជាមជ្ឈមណ្ឌលពាណិជ្ជកម្មទីក្រុងភ្នំពេញក្នុងពេលអនាគត។ លំនៅដ្ឋានក្នុងតំបន់ទាំងនេះក៏មានសក្ដានុពលសម្រាប់ទាំងគោលបំណងលំនៅដ្ឋាន និងគោលបំណងពាណិជ្ជកម្មផងដែរ។ តើមានប្រភេទអចលនទ្រព្យអ្វីខ្លះសម្រាប់ជួលក្នុងតំបន់នេះ?​ ក្នុងខណ្ឌទួលគោកមានអចលនទ្រព្យចំនួន៣ប្រភេទដែលអាចរកជួលបាន។ អចលនទ្រព្យទាំងនោះរួមមាន ផ្ទះវីឡា អាផាតមេន និងផ្ទះល្វែង តម្លៃជួលសម្រាប់ប្រភេទអចលនទ្រព្យទាំង នេះមានការប្រែប្រួល។ ស្វែងរកបន្ថែមអំពីផ្ទះសម្រាប់ជួលក្នុងខណ្ឌទួលគោក! តើតម្លៃជួលសម្រាប់អចលនទ្រព្យទាំងនេះមានតម្លៃប៉ុន្មានក្នុងមួយខែ? តម្លៃជួលសម្រាប់ផ្ទះល្វែងអាចមានតម្លៃចាប់ពី ៣០០ ទៅ ១,៥០០ ដុល្លារក្នុងមួយខែ។ អាផាតមេនដែលមាន១បន្ទប់គេងមានតម្លៃចាប់ពី ៣០០ ទៅ ៦០០ ដុល្លារក្នុងមួយខែ។ ហើយអាផាតមេនដែលមាន ២ បន្ទប់គេងមានតម្លៃចាប់ពី៨០០ ទៅ១០០០ដុល្លារក្នុងមួយខែ។ តម្លៃជួលសម្រាប់វីឡាក្នុងខណ្ឌទួលគោកជាទូទៅមានតម្លៃចាប់ពី ៨០០ ដុល្លារឡើងទៅហើយអាចឡើងដល់ ៦,០០០ ដុល្លារក្នុងមួយខែ។ ហេតុអ្វីបានជាតំបន់ទាំងនេះមានសក្ដានុពលសម្រាប់ជួល? ខណ្ឌទួលគោកគឺជាតំបន់អភិវឌ្ឍន៍ថ្មីមួយនៃទីក្រុងភ្នំពេញ។ មានគម្រោងអភិវឌ្ឍន៍ពាណិជ្ជកម្មថ្មីៗជាច្រើនកំពុងតែកើនឡើងក្នុងតំបន់ទាំងនេះ។ ទីផ្សារលំនៅដ្ឋានក៏កំពុងតែបង្វែទិសទៅតំបន់នេះផងដែរ។ ជាងនេះទៅទៀតតំបន់នេះមានភាពងាយស្រួលក្នុងការធ្វើដំណើរឆ្ពោះទៅព្រលានយន្តហោះអន្តរជាតិភ្នំពេញ។ ស្វែងយល់បន្ថែមអំពីខណ្ឌទួលគោគ! តើអ្នកគឺជាអ្នកចរចាដ៏ល្អម្នាក់មែនទេ? នៅពេលដែលអ្នកចង់ជួលផ្ទះក្នុងទីក្រុងភ្នំពេញមិនថានៅក្នុងខណ្ឌដែលមានប្រជាប្រិយភាពដូចជាខណ្ឌចំការមន ខណ្ឌដូនពេញ និងខណ្ឌទួលគោក ឬក៏តំបន់ផ្សេងទៀតនោះទេ អ្នកត្រូវតែប្រាកដថាអ្នកមានប្រាក់ប៉ុន្មានហើយតម្លៃប៉ុន្មានដែលអ្នកចង់ស្វែងរក។ ជាទួទៅម្ចាស់ផ្ទះតែងតែទាមទាតម្លៃជួលខ្ពស់។ ក៏ប៉ុន្តែអ្នកត្រូវតែចេះចរចារ! ត្រូវបង្កើនការទំនាក់ទំនងល្អនិងស្នើសុំបញ្ចុះតម្លៃ ឬព្យាយាមស្នើសុំសេវាកម្ម ឬគ្រឿងសង្ហារឹមផ្សេងៗបន្ថែម។ តើអ្នកអាចស្វែងរកអចលនទ្រព្យក្នុងទីក្រុងភ្នំពេញបានដោយរបៀបណា?  ប្រសិនបើលោកអ្នកមិនមានពេលវេលាគ្រប់គ្រាន់ អ្នកអាចប្រើប្រាស់គេហទំព័រអចលនទ្រព្យ Realestate.com.kh ដើម្បីស្វែងរក និងប្រៀបធៀបតម្លៃអចលនទ្រព្យមួយណាដែលអ្នកពេញចិត្ត។ អ្នកក៏អាចពិចារណាដោយផ្អែកលើភ្នាក់ងារអចលនទ្រព្យវាអាចជួលដល់អ្នកបាន។ គ្រាន់តែលោកអ្នកត្រូវមានភាពច្បាស់លាស់ខ្លួន​ឯងថាអ្នកបានស្រាវជ្រាវ និងស្វែងរកភ្នាក់ងារជំនាញណាមួយ! ប្រសិនបើមិនដឹងថាត្រូវស្វែងរកដោយរបៀបណាទេ? ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។ សម្រាប់កម្មវិធី iOS និង Android។ ស្វែងយល់បន្ថែមអំពីផ្ទះសម្រាប់ជួលទាំងអស់ក្នុងទីក្រុងភ្នំពេញ! លោកអ្នកក៏អាចចូរអានមគ្គុទេសនៃការវិនិយោគឆ្នំា២០១៩របស់យើងបានផងដែរ! អត្ថបទដោយ 

នៅក្នុងវិស័យអចលនទ្រព្យនៅក្នុងប្រទេសកម្ពុជាពិតជាទីផ្សារមួយដែលផ្តល់នូវទំនុកចិត្តសម្រាប់អ្នកវិនិយោគក៏ដូចជាភ្នាក់ ងារអចលនទ្រព្យផងដែរ។ ទន្ទឹមនឹងភាពជោគជ័យការងារជាភ្នាក់ងារអចលនទ្រព្យពិតជាមានការប្រកួតប្រជែងយ៉ាងខ្លំាង។ក្រុមការងារ Realestate.com.kh បានជួបជជែកដោយផ្ទាល់ជាមួយ លោក ស៊ន សៀប នាយកប្រតិបត្តិរបស់ក្រុមហ៊ុនអចលនទ្រព្យ Key Real Estateលោក ស៊ន សៀប បានប្រលូកនៅក្នុងវិស័យអចលនទ្រព្យជាង១០ឆ្នាំមកហើយនៅក្នុងប្រទេសកម្ពុជា លោកបានចាប់ដំណើរការក្រុមហ៊ុន Key Real Estate នៅក្នុងឆ្នាំ២០១០។ លោកបាននិយាថា “ខ្ញុំចាប់អារម្មណ៍ការរងារនៅក្នុងវិស័យអចលនទ្រព្យចាប់តាំងពីខ្ញុំរៀននៅមហាវិទ្យាល័យមកម្លេះវាគឺជាមុខរបរមួយដែលមានអនាគតវែងឆ្ងាយដែលអាចក្លាយជាជំនួញមួយដ៏ធំ ហើយសព្វថ្ងៃក្រុមហ៊ុនអចលនទ្រព្យរបស់យើងបានដំណើរការយ៉ាងរលូន”។ ទន្ទឹមនឹងភាពជោគជ័យការចាប់ផ្តើមពីដំបូងវាពិតជាពិបាកដោយសារប្រជាជនខ្មែរយើងនៅពេលនោះមិនទាន់បានដឹងថាអ្វីជាភ្នាក់ងារអចលនទ្រព្យនៅឡើយ។ ប៉ុន្តែសព្វថ្ងៃអ្វីៗកាន់តែប្រសើរដោយសារភ្នាក់ងារអចលនទ្រព្យត្រូវបានស្គាល់យ៉ាងទូលំទូលាយ។លោកបានបន្ថែមថា “ក្រុមហ៊ុនយើងដំបូងគ្រាន់តែផ្តល់សេវាវាយតម្លៃអចលនទ្រព្យតែប៉ុណ្ណោះ បន្ទាប់មកនៅពេលដំណើរការបានបន្តិចពួកយើងបានបន្ថែមសេវាគ្រប់គ្រងអចលនទ្រព្យ និងសេវាលក់ឬជួល។”នៅក្នុងប្រទេសកម្ពុជាជាទីផ្សារសេរីដូច្នេះអាជីវកម្មទាំងអស់មានសិទ្ធិស្មើគ្នាក្នុងការប្រកួតប្រជែងដោយឡែកយើងក៏ឃើញមានការប្រកួតប្រជែងគ្នាដោយអនាធិបតេយ្យដូចជាការយកតម្លៃសេវាទាបពេក ការធ្វើការដោយខ្វះវិជ្ជាជីវៈជាពិសេសមានបុគ្គលឯកជនដែលតាំងខ្លួនជាភ្នាក់ងារអចលនទ្រព្យ ឬភាសាសាមញ្ញហៅថាអ្នកគួកជេ។លក្ខខណ្ឌទទួលស្គាល់អាជ្ញាប័ណ្ណសម្រាប់ក្រុមហ៊ុនអ​ចលនទ្រព្យហាក់បីដូចជាមិនមានភាពតឹងរឹងដែលជាហេតុធ្វើឱ្យគ្រប់គ្នាអាចបង្កើតក្រុមហ៊ុនអចលនទ្រព្យបានយ៉ាងងាយស្រួល។ បរិយាកាសនេះបានធ្វើឲ្យអ្នកប្រកបរបរអាជីវកម្មនៅក្នុងវិស័យនេះមួយចំនួនមិនបានគោរពវិជ្ជាជីវៈរបស់ខ្លួនឡើយ ជាក់ស្តែងករណីនេះបានធ្វើឲ្យអតិថិនជនបាត់បង់ទំនុកចិត្តដោយសារការបំប៉ោងតម្លៃជាដើម។ក្នុងនាមជាក្រុមហ៊ុនអចលនទ្រព្យមួយក្នុងប្រទេសកម្ពុជា ក្រុមហ៊ុន Key Real Estate បានរក្សានូវគុណតម្លៃ និងវិជ្ជាជីវៈរបស់ខ្លួនក្នុងវិស័យមួយនេះ។ ប្រាកដណាស់ក្រុមហ៊ុនដែលបានបោះជំហានចូលក្នុងវិស័យនេះពិតជាខ្វះការបណ្តុះបណ្តាលច្រើនមែន ដោយគ្រាន់តែប្រកបរបនេះដោយគិតតែទទួលប្រាក់ចំណេញហើយមិនបានគិតគូដល់ក្រមសីលធម៌អ្វីឡើយ។ ពួកយើងតែងតែផ្តល់នូវលទ្ធផលជូនដល់អតិថិជនដែលបានមករកពួកយើង ទាំងគុណភាពសេវាកម្ម តម្លៃសមរម្យជាពិសេសភាពស្មោះត្រង់ដើម្បីរក្សាទំនាក់ទំនងយូរអង្វែងជាមួួយអតិថិជន។ដើម្បីទទួលបានស្តង់ដារមួយមានភាពច្បាស់លាស់ចាំបាច់ណាស់ត្រូវមានការបណ្តុះបណ្តាលប្រកបដោយវិជ្ជាជីវៈនិងស្តង់ដាររួមគ្នាមួយ។ នៅពេលថ្មីនេះៗក្រុមហ៊ុនអចលនទ្រព្យ Century 21 Cambodia បានចុះហត្ថលេខាអនុស្សរណៈយោគយល់គ្នាជាមួយនឹងសាកលវិទ្យាល័យសេដ្ឋកិច្ចនិងហិរញ្ញវត្ថុដើម្បីបើកវគ្គបណ្តុះបណ្តាលដល់ក្រុមហ៊ុនអចលនទ្រព្យកម្ពុជា។ នេះជាវគ្គបណ្តុះបណ្តាល លើកដំបូងនៅក្នុងប្រទេស នៅពេលដែលមានការបណ្តុះបណ្តាលមួយដ៏ពិតប្រាកដធ្វើឲ្យអតិថិជនក្នុងតំបន់ និងជនបរទេសមានទំនុកចិត្តកាន់តែខ្លាំងចំពោះភ្នាក់ងារអចលនទ្រព្យ ជាពិសេសចំណេះដឹងទាំងនេះអាចយកទៅប្រកួតប្រជែងយ៉ាងត្រឹមត្រូវនៅក្នុងទីផ្សារ។លោក ស៊ន សៀប​មានគំនិតគាំទាំ្រយ៉ាងខ្លំាងជាមួយនឹងវគ្គបណ្តុះបណ្តាលទៅដល់ក្រុមហ៊ុន និងភ្នាក់ងារអចលនទ្រព្យ។ នៅពេលដែលយើងមានការបណ្តុះបណ្តាលមួយប្រកបដោយភាពច្បាស់លាស់ យើងទាំងអស់គ្នាស្ថិតនៅលើផ្លូវតែមួយដូចនេះយើងត្រូវជួយគ្នាដើម្បីឲ្យវិស័យមួយនេះដើរទៅរកការអភិវឌ្ឍន៍។ លោកបានបន្តទៀតថា “នេះជាការរួមគ្នាមួយដ៏ល្អសម្រាប់ការបង្កើនទីផ្សារដែលមានស្តង់ដារមួយ និងការពង្រឹងភាពខ្លាំងក្នុងទីផ្សារអចលនទ្រព្យហេតុនេះហើយបានជាខ្ញុំសម្រេចចិត្តធ្វើជាសមាជិករបស់សមាគមអ្នកវាយតម្លៃនិងភ្នាក់ងារអចលនវត្ថុកម្ពុជា។”យើងឃើញថាសេដ្ឋកិច្ចរបស់ប្រទេសកម្ពុជានៅតែរក្សាកំណើន៧ភាគរយដដែលតួយ៉ាងវិស័យអចលនទ្រព្យក៏ជាផ្នែកមួយនៃការ ជួយជម្រុញផ្នែកសេដ្ឋកិច្ចផងដែរ។ វិស័យសេដ្ឋកិច្ចកាន់តែឆ្ពោះទៅមុខហើយយើងឃើញថាគម្រោងអភិវឌ្ឍន៍ធំៗមានវត្តមាននៅក្នុងកម្ពុជាយ៉ាងច្រើន។ ជាក់ស្តែងកម្មវិធី Cambodia Property Awards ឆ្នាំ ២០១៧ ខាងមុខនេះ លោក ស៊ន សៀប ដែលជានាយកប្រតិបត្តិរបស់ក្រុមហ៊ុនអចលនទ្រព្យ Key Real Estate បានត្រូវជ្រើសរើសជាគណកម្មការក្នុងកម្មវិធីដ៏ធំមួយ​នេះ។ លោកបានបន្ថែមថា “នេះជាមោទនភាពដែលខ្ញុំត្រូវបានគេជ្រើសរើសធ្វើជាគណកម្មការក្នុងកម្មវិធីមួយនេះ។​ ខ្ញុំគិតថាកម្មវិធីនេះវាពិតជាជម្រុញឲ្យវិស័យអចលនទ្រព្យ និងវិស័យសាងសង់របស់ប្រទេសកម្ពុជាយើងវិវត្តន៍ទៅរកភាពល្អប្រសើរឡើង៕”ស្វែងរកអចលនទ្រព្យជាមួយក្រុមហ៊ុន Key Real Estate តាមរយៈ Realestate.com.kh

ការពិនិត្យមើលអចលនទ្រព្យជាលើកដំបូងអាចជាកិច្ចការដ៏លំបាកមួយសម្រាប់លោកអ្នក។ អ្នកត្រូវក្រឡេកមើលទិដ្ឋភាព និងលក្ខណៈពិសេសរបស់លំនៅដ្ឋាននោះឱ្យបានគ្រប់ជ្រុងជ្រោយពីព្រោះគ្មាននរណាម្នាក់ចង់ទិញផ្ទះក្នុងក្ដីសុបិន្តរបស់ពួកគេជាផ្ទះដែលមានតម្លៃថ្លៃតែប្រែក្លាយជាមានរឿងមិនល្អនោះទេ! ត្រូវត្រួតពិនិត្យមើលឱ្យបានច្បាស់ហើយមើលអត្ថប្រយោជន៍រយៈពេលវែងទៅពេលអនាគត។ យើងសូមណែនាំឱ្យលោកអ្នកស្វែងរកអ្នកជំនាញផ្នែកត្រួតពិនិត្យអគារដើម្បីពិនិត្យមើលអចលនទ្រព្យនោះជូនលោកអ្នក!ទោះជាយ៉ាងណាក៏ដោយនៅខាងក្រោមនេះជាវិធីសាស្រ្តពិនិត្យមើលអចលនទ្រព្យទូទៅមួយចំនួនដែល លោកអ្នកអាចត្រួតពិនិត្យមើលបានដោយខ្លួនឯង៖ តើអ្នកមើលឃើញទឹកជ្រាប ឬស្រក់លើជញ្ជាំងជុំវិញបន្ទប់ទឹកឬអាងទឹកដែរឺទេ? ឬតើមានសញ្ញាសើមណាមួយជុំវិញអាងឬបន្ទប់ទឹកដែរឺទេ? នេះអាចជាសញ្ញាមួយនៃការលេចចេញដែលអាចជា បន្ទុកលើការជួសជុលបន្ថែម។តើពិដានមានជ្រាបទឹកដែរឬទេ? នៅពេលដែលលោកអ្នកធ្វើការត្រួតពិនិត្យលអចលនទ្រព្យ      របស់អ្នកសូមយកពិលបញ្ចាំងមើលជុំវិញពិដាន ការធ្វើដូចនេះអាចមើលឃើញការខ្វះចន្លោះមួយចំនួនបាន។ តើពិដានត្រូវបានជួសជុលយ៉ាងល្អដែរឬទេ ឬតើវាមានភាពខ្វះចន្លោះណាមួយកើត ឡើងដែរឬទេ?ត្រូវត្រួតពិនិត្យមើលទុយោបង្ហូទឹកចុះទាំងអស់ថាតើវាធ្លាក់ចូលក្នុងអាងដែរឬយ៉ាងណាឬវាហូរដល់ដីឬទេ។ ប្រាកដណាស់ថាលោកអ្នកមិនចង់ឱ្យផ្ទះរប​ស់អ្នកមានទឹកហូរចូលនៅរដូវភ្លៀវធ្លាក់នោះទេ។ហើយផងដែរនោះត្រូវស្វែងរកមើលសញ្ញាមួយចំនួននៃការស្រក់ទឹកកន្លងមកនៅជុំវិញទុយោនៅលើពិដាន។ នេះអាចបង្ហាញថាអាងទឹកមិនមានទំហំត្រឹមត្រូវនោះឡើយឬត្រូវការសម្អាតចេញដែលវាអាចជាតម្លៃបន្ថែមលើកការថែទាំ។ ក៏ប៉ុន្តែប្រសិនបើអចលនទ្រព្យនោះមិនមានប្រព័ន្ធលូ បង្ហូរទឹកត្រឹមត្រូវទេនោះការដំឡើងស្តុកទឹកអាចមានតម្លៃថ្លៃខ្លាំង។ការត្រួតពនិត្យមើលអចលនទ្រព្យមួយលោកអ្នកត្រូវស្វែងរកមើើលស្មាមប្រេះនៅលើជញ្ជាំង។ ជាពិសេសជញ្ជាំងខាងក្នុង និងខាងក្រៅត្រូវតែពិនិត្យមើលស្នាមប្រេះចន្លោះពី២មីលីម៉ែត្រម្ដង។ ប្រសិនបើអ្នករកឃើញថាមានស្នាមប្រេះលើជញ្ជាំងណាមួយអ្នកត្រូវតែហៅអ្នកត្រួតពិនិត្យអគារ មកដើម្បី ពិនិត្យមើថាតើគ្រោងអចលនទ្រព្យនោះមានលក្ខណៈយ៉ាងណា។សូមត្រួតពិនិត្យមើលលក្ខណៈខាងក្នុងជាពិសេសកន្លែងដែលសើមទាំងអស់។ ត្រូវបើកមើលទូដាក់ចានទាំងអស់ដើម្បីសង្កេតមើលថាតើមានក្លិនស្អុយនិងដុះផ្សិតដែររឺទេ។ ប្រសិនបើមានក្លិនស្អុយណាមួយនោះបង្ហាញថាមានការជ្រាបទឹក ហើយនេះជាបញ្ហាដែលអាក្រក់បំផុតនៅក្នុងលំនៅ ដ្ឋានទាំងអស់។អត្ថបទដោយលោក James Whitehead នាយកផ្នែកអត្ថបទនៅក្រុមហ៊ុន Realestate.com.khចង់ស្វែងយល់បន្ថែម សូមចូលមើលគេហទំព័រ Realestate.com.khថ្ងៃនេះដែលជាគេហទំព័រប្រភពព័ត៌សម្រាប់អ្នកទិញ និងលក់អចលនទ្រព្យឈានមុខគេក្នុងប្រទេសកម្ពុជា។ស្វែងយល់បន្ថែមអំពីអចលនទ្រព្យសម្រាប់លក់និងជួលតាមរយៈ Realestate.com.kh

អគារ Exchange Square អភិវឌ្ឍន៍ដោយក្រុមហ៊ុន Hong Kong Land ដែលជាអគារការិយាល័យប្រភេទ A ថ្មីនឹងត្រូវបានសម្ពោធក្នុងទីក្រុងភ្នំពេញក្នុងពេលឆាប់ៗខាងមុខនេះ។ ជាមួយគ្នានេះដែរអ្នកជំនាញអចលនទ្រព្យមានសុទិដ្ឋិនិយមថា តម្រូវការទីផ្សារការិយាល័យនឹងកើនឡើងក្នុងឆ្នាំ២០១៧នេះ។កញ្ញា អាន សុធីតា អគ្គនាយករបស់ក្រុមហ៊ុន CBRE Cambodia និងភ្នាក់ងារជួលសម្រាប់អគារ Exchange Square បាននិយាយថាអគារការិយាល័យដែលមានកម្ពស់២០ជាន់នឹងបើកសម្ពោធជាផ្លូវការនៅដើមត្រីមាសទី១ក្នុងឆ្នាំ២០១៧នេះ។ អគារ នេះត្រូវបានបែងចែកជា២ផ្នែកទី១មាន៤ជាន់សម្រាប់ហាងលក់រាយនិងហាងលក់ទំនិញ។ អគារការិយាល័យមានទំហំសរុប១៨,០០០ម៉ែត្រការ៉េ។កញ្ញាបាននិយាយបន្តថា “ក្រុមហ៊ុនដែលបានអភិវឌ្ឍន៍ផែនការនេះគឺជាក្រុមហ៊ុនជំនាញមួយ និងមានភាពជោគជ័យក្នុងវិស័យនេះរួចមកហើយ ដូច្នេះគឺមិនមានការព្រួយបារម្ភអំពីការប្រកួតប្រជែងឡើយ។” កញ្ញាបានបន្ថែមទៀតថា“គម្រោងស្ថិតនៅទីតាំងល្អពីព្រោះវាស្ថិតនៅជិតទាំងតំបន់មជ្ឈមណ្ឌលពាណិជ្ជកម្ម និងព្រលានយន្តហោះ អន្តរជាតិ ភ្នំពេញ។”អគារការិយាល័យ និងហាងលក់ទំនិញនៃអគារ Exchange Square មានទីតាំងស្ថិតនៅតាមបណ្ដោយផ្លូវលេខ១០៦ សង្កាត់វត្ដភ្នំ ខណ្ឌដូនពេញស្ថិតនៅខាងក្រោយស្ថានទូតអាមេរិកប្រចាំប្រទេសកម្ពុជា។កញ្ញាបាននិយាយថា រហូតមកដល់បច្ចុប្បន្នអគារត្រូវបានកក់អស់ប្រមាណ៦០%រួមមានហាងទំនិញ  និងការិយាល័យ។ កញ្ញាបានបន្តថា “ទីផ្សារនៃអគារនឹងមានសក្ដានុពលយ៉ាងខ្លាំងសម្រាប់ឆ្នាំ២០១៧ ដោយសារមានអាជីវកម្មធំៗការពង្រីកទីផ្សារ និងវិនិយោគិនអន្តរជាតិកំពុងឈានចូលក្នុងប្រទេសកម្ពុជា។លោក ភិន ភារុន នាយគ្គគ្រប់គ្រងទូទៅរបស់អគារកាណាឌីយ៉ាបាននិយាយថាតម្រូវការអគារការិយាល័យក្នុងចុងឆ្នាំនេះហាក់បីដូចជាមានតិចតួចបើធៀបទៅកាលពីដើមឆ្នាំ។ ក៏ប៉ុន្តែរហូតមកដល់់ពេលនេះ តម្រូវការការិយាល័យត្រូវបានគេមើលឃើញថាមានការកើនឡើង១០%បើធៀបទៅរយៈពេលដូចគ្នាកាលពីឆ្នាំកន្លងទៅ។ លោកនៅតែមានសុទដ្ឋិនិយមថាក្នុងឆ្នាំតម្រូវការអគារការិយាល័យនឹងកើនឡើងខ្ពស់ដូចដែលលោកបានឃើញមានវិនិយោគិនចិនជាច្រើនបានចូលមកវិនិយោគក្នុងទីផ្សារកម្ពុជា។  លោក​ ភារុន បាននិយាយថា “ចំពោះអគារការិយាល័យកាណាឌីយ៉ាមានការិយាល័យសរុបប្រហែល១៧,០០០ ម៉ែត្រការ៉េហើយអត្រាជួលកន្លងមកនេះមានប្រហែល៩០%។ ការិយាល័យក្នុងអគារកាណាឌីយ៉ាគឺគិតចាប់​ពីជាន់ទី១៦ទៅជាន់ទី២៧និងជាន់មួយចំនួនទៀតនៅផ្នែកខាងក្រោម។”លោកបាននិយាយថា ការិយាល័យនេះត្រូវបានជួលក្នុងតម្លៃ២៥ ដុល្លារបូកនឹងតម្លៃសេវាកម្មគ្រប់គ្រង៥ដុល្លារក្នុងមួយម៉ែត្រ ការ៉េ។អគ្គនាយកគ្រប់គ្រងក្រុមហ៊ុនអចលនទ្រព្យ VTRUST PROPERTY Co, Ltd លោក ហុក ម៉េងហ៊ាង បាននិយាយថាតម្រូវការការិយាយល័យក្នុងឆ្នាំនេះត្រូវបានគេមើលឃើញថាពិតជាមានការកើនឡើងយឺតបើធៀបទៅដើមឆ្នាំកន្លងទៅ។ ក៏ប៉ុន្តែកន្លងមកនេះ តម្រូវការអគារការិយាល័យក្នុងអគារ VTRUST TOWER ត្រូវបានគេមើលឃើញថាបាន កើនឡើងប្រហែល១៥% បើធៀបទៅនឹងរយៈពេលដូចគ្នាកាលពីឆ្នាំកន្លងទៅ។ លោកបានបន្ថែមថាអគារ VTRUST TOWER មានកម្ពស់១៥ជាន់ ហើយមានទំហំសរុបប្រមាណ១៨,០០០ម៉ែត្រការ៉េហើយមានតម្លៃចាប់ពី១៦ទៅ២០ដុល្លារក្នុងមួយម៉ែត្រការ៉េបូកនឹងតម្លៃសេវាគ្រប់គ្រង៤ដុល្លារ ឬច្រើនជាងនេះ។លោកបាននិយាយទៀតថា​ “សម្រាប់ឆ្នាំ២០១៧លោកមានសុទិដ្ឋិនិយមអំពីតម្រូវការអគារការិយាល័យហើយខ្ញុំរំពឹងថាអត្រាជួលនឹងកើនឡើងដល់៩០%។”អត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែមករា ឆ្នំា ២០១៧ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយជាមួយទស្សនាវដ្តីអចលនទ្រព្យ Property View ដែលជាទស្សនាវដ្តីបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជាសូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សនាវដ្តី Property View សូមធ្វើការទាក់ទងទៅកាន់លោក វីរិទ្ធតាមរយៈអ៊ីម៉េល virith007@yahoo.com ឬទូរស័ព្ទលេខ 078 959 567  - 098 66 26 68ទទួលព័ត៌មានអចលនទ្រព្យថ្មីៗបំផុតតាមរយៈ Realestate.com.kh

ក្រុមហ៊ុនអចលនទ្រព្យមួយក្នុងចំណោមក្រុមហ៊ុនអចលនទ្រព្យដែលឈានមុខគេក្នុងប្រទេសកម្ពុជាគឺក្រុមហ៊ុន Knight Frank បានបញ្ចេញរបាយការណ៏មួយស្ដីពីការបង្ហាញពីអចលនទ្រព្យក្នុងប្រទេសកម្ពុជានៅពាក់កណ្ដាលឆមាសទីពីរឆ្នាំ២០១៦។ លោក Ross Wheble អ្នកគ្រប់គ្រងប្រចាំប្រទេសរបស់ក្រុមហ៊ុនបានផ្ដល់ទិដ្ឋភាពជាក់ស្ដែងនៃអ្វីដែលបានប្រែប្រួល និងអ្វីដែលយើងរំពឹងថានឹងកើតឡើង នៅពេលអនាគតដោយសារបម្រែបម្រួលទាំងនេះជាពិសេសក្នុងទីក្រុងភ្នំពេញ។លោក Wheble បានបញ្ចេញរបាយការណ៏មួយដោយនិយាយថា បើទោះបីជាមានព្រឹត្តិការអន្តរជាតិដូចជា Brexit និងការឈ្នះឆ្នោតរបស់លោក Trump និង “ខណៈពេលដែលទិដ្ឋភាពសេដ្ឋកិច្ចសកលមានបម្រែ បម្រួលរយៈពេលខ្លីមួយដែលកម្ពុជាបានបន្តបន្តកើនឡើងដោយមានការវិនិយោគពីប្រទេសចិនដែលវាគឺជាផ្នែកមួយនៃគោលនយោបាយ ´ ខ្សែក្រវ៉ាត់មួយ ផ្លូវមួយ ´។”ក៏ប៉ុន្តែតើមានអ្វីកើតឡើងបន្តទៀតនៅក្នុងទីផ្សារប្រទេសកម្ពុជា? លោក Wheble សូមណែនាំលោកអ្នកក្នុងវិស័យពីរគឺវិស័យលំនៅដ្ឋាន និងវិស័យពាណិជ្ជកម្មដើម្បីផ្ដល់ចម្លើយជូនលោកអ្នក។វិស័យការិយាល័យ វិស័យការិយាល័យនឹងទទួលបានអត្ថប្រយោជន៏ជាច្រើនពីគោលនយោបាយខ្សែក្រវ៉ាត់មួយផ្លូវមួយដែលជាគំនិតផ្ដួចផ្ដើមរបស់ប្រទេសចិន។ របាយការណ៍របស់ក្រុមហ៊ុន Knight Frank បានបង្ហាញថាការវិនិយោគខាងក្រៅពីការផ្ដួចផ្ដើមនេះនឹងផ្ដល់នូវ “លំហូរដ៏រឹងមាំរបស់ក្រុមហ៊ុនចិនដែលមានបំណងចង់សាងសង់អគារការិយាល័យ។” ហើយការផ្គត់ផ្គង់ការិយាល័យត្រូវបានគេរំពឹងថានឹងកើនឡើងរហូតដល់៧៧%នៅឆ្នាំ២០២០ខាងមុខនេះ។ចាប់ពីបច្ចុប្បន្នទៅតម្លៃជួលជាមធ្យមប្រហែល១៨ដុល្លារក្នុងមួយម៉ែត្រការ៉េក្នុងមួយខែនេះគិតត្រឹមពាក់កណ្ដាលឆមាសទី២ក្នុងឆ្នាំ២០១៦កន្លងមកនេះ។ នេះគឺជាការវាស់វែងជាមធ្យមដោយក្រុមហ៊ុន  Knight Frank លើការិយាល័យទាំងអស់ទូទាំងប្រទេស។ របាយការណ៏នេះក៏បានលើកឡើងដែរថា “តម្លៃសម្រាប់កា រិយាល័យដែលមានប្លង់កម្មសិទ្ធិមានតម្លៃចាប់ពី២,១០០ដុល្លារឡើងទៅក្នុងមួយម៉ែត្រការ៉េចំពោះការិយាល័យ ប្រភេទB ហើយខ្ពស់បំផុតគឺតម្លៃ ៤,៥០០ ដុល្លារក្នុងមួយម៉ែត្រការ៉េសម្រាប់ការិយាល័យប្រភេទA។ ប្រសិនបើយើងសួរអំពីតម្លៃជួលគឺថាតម្លៃរបស់វាមិនមានភាពស្ថិតស្ថេរនោះទេក្នុងរយៈពេលខ្លីនេះស្របពេលដែលអគារការិយាល័យមួយចំនួននឹង សាងសង់រួចរាល់នាពេលឆាប់ៗខាងមុខនេះ។មិនមានបម្រែបម្រួលណាមួយដែលជាតម្រូវការដើម្បីរំពឹងថានឹងមានអ្វីកើតឡើងក្នុងវិស័យការិយាល័យប្រភេទBនិងប្រភេទ Cនោះទេ របាយការណ៏បានបង្ហាញថាការរស់នៅជាធម្មតាមាន៨៥% និងច្រើនជាងនេះ។ ទោះជាយ៉ាណាក៏ដោយតម្រូវការយូនីតដែលមានទំហំចាប់ពី១០០ទៅ២០០ម៉ែត្រការ៉េមានតម្លៃចាប់ ពី១៥ដុល្លារក្នុងមួយម៉ែត្រការ៉េក្នុមួយខែ។វិស័យលក់រាយ ការផ្គត់ផ្គង់នៃហាងលក់រាយកើនឡើងដល់១៣៨,១៥៤ម៉ែត្រការ៉េក្នុងហាងលក់ចំនួន១១។ ការប៉ាន់ប្រមាណគម្រោងយូនីតលក់រាយមិនបានសាងសង់ទាន់តម្រូវការនោះទេ។  ដូច្នេះហើយមិនការប្រែប្រួលណាដែលត្រូវបានគេមើលឃើញក្នុងវិស័យមួយនេះឡើយ។  តម្លៃជួលនៅតែស្ថិតនៅដដែលចាប់តាំងតែពីមានការបង្កើតហាងលក់រាយជាច្រើនដូចជាក្នុងផ្សារទំនើបអ៊ីអនម៉ល និងអគារវឌ្ឍនៈ អត្រានៃការជួលនៅតែខ្ពស់ដដែលរហូតដល់៩០%។របាយការណ៍ក៏លើកឡើងដែរថា “តម្លៃហាក់បីដូចជានឹងមានការប្រែប្រួលក្នុងឆ្នាំ២០១៨ខាងមុខនេះ ដោយសារតែមានគម្រោងពីរធំៗនឹងបញ្ចប់ការសាងសង់រួចរាល់នៅពេលខាងមុខនេះដូចជាគម្រោងផ្សារទំនើបផាកសាន់និងគម្រោងផ្សារទំនើបអ៊ីអន ម៉លទី២។” ក៏ប៉ុន្តែនេះមិនមានការប្រែប្រួលឆាប់ៗនោះទេបន្ទាប់ពីមានការកើនឡើង១៩៦% លើការផ្គត់ផ្គង់នៃហាងលក់សរុប។ គម្រោងផ្សារទំនើបអ៊ីអនម៉លទី២នឹងបន្ថែមការិយាល័យប្រហែល៧០, ៥០០ម៉ែត្រការ៉េបន្ថែមទៀតនៃហាងលក់ទាំងអស់។ការកើនឡើងនៃការផ្គត់ផ្គង់នេះនឹងអាចប្រែប្រួលនៅពេលដែលមានអ្នកលក់ច្រើន។ របាយការណ៍បាននិយាយដែរថា“អ្នកលក់រាយទំនងជានឹងបន្តបង្កើតហាងលក់ដាច់ដោយឡែកតែឯងមួយនៅក្នុងតំបន់លំនៅដ្ឋានដ៏ពេញនិយមមួយខណៈពេលដែលគម្រោងលំនៅដ្ឋានប្រណិតៗមាននៅក្នុងខណ្ឌចំការមន និងខណ្ឌទួលគោកដែលអាចឱ្យពួកគេបង្កើតលំនៅដ្ឋានជាសហគមបាន។” រឿងរ៉ាវនេះវាពិបាកនិយាយបន្តិចប៉ុន្តែវាអាចទៅរួច!………វិស័យសេវាកម្មអាផាតមេនថ្មីៗនេះ មានយូនីតចំនួន៤,២១៤យូនីតអាចរកជួលបានក្នុងទីផ្សារកម្ពុជានាពេលបច្ចប្បន្ន ដែលសេវាកម្មអាផាតមេនជាមធ្យមបន្តកើនឡើងដើម្បីបង្កើតជាការផ្គត់ផ្គង់សេវាកម្មអាផាតមេន។ តម្លៃជាមធ្យមសម្រាប់គម្រោងប្រណិតៗមានតម្លៃចាប់ពី២០ ដុល្លារហើយអាចឡើងដល់៣៣ដុល្លារក្នុងមួយម៉ែត្រការ៉េក្នុងមួយខែ។ ដូច្នេះហើយតម្លៃជួលជាមធ្យមសម្រាប់យូនីតកម្រិតមធ្យមក្នុងត្រីមាសទី៤ក្នុងឆ្នាំ២០១៦មានតម្លៃចាប់ពី៩ដុល្លារទៅ១៨ដុល្លារក្នុងមួយខែ។អត្រាផ្គត់ផ្គង់ចំពោះសេវាកម្មអាផាតមេននៅតែមានកម្រិតខ្ពស់ ប៉ុន្តែការស្នាក់នៅក្នុងអាផាតមេន វាគ្រាន់តែជាការរស់នៅ រយៈពេលខ្លីតែប៉ុណ្ណោះ។ទោះជាយ៉ាងណាក្ដី ក្រុមហ៊ុន Knight Frank បានព្យាករណ៍ថាវិស័យសេវាកម្មអាផាតមេននឹងមានការធ្លាក់ចុះនៅពេលណាមួយបន្ទាប់ពីសេវាកម្មអាផាតមេនថ្មីៗនិងគម្រោងអភវិឌ្ឍន៏ខុនដូធំៗសាងសង់រួចរាល់។ ពួកគេបានសន្និដ្ឋានថានឹងមានសេវាយូនីតអាផាតមេនបន្ថែមចំនួន១,០៥៣យូនីតទៀតនៅក្នុងឆ្នាំ២០១៨ខាងមុខនេះ។ ក៏ប៉ុន្តែពួកគេបានអះអាងថា“ការកើនឡើងនៃសំណង់ដោយមានការចូលរស់នៅក្នុងគម្រោងដែលមានគុណភាពខ្ពស់នឹងទទួលបានអត្ថប្រយោជន៏ដល់សហគ្រាស ខណៈដែលក្រុមហ៊ុនទាំងមូលបានផ្ដល់នូវជម្រើសជាច្រើនសម្រាប់អ្នករស់នៅក៏ដូចជាដើម្បីលើកស្ទួយស្តង់ដាររបស់សហគ្រាស។”វិស័យពាណិជ្ជកម្មការផ្គត់ផ្គង់ខុនដូដែលមានស្រាប់ និងខុនដូបច្ចុប្បន្នសម្រាប់ត្រីមាសទី៤ឆ្នាំ២០១៦កន្លងទៅគឺមាន៣,០៣៣ ខណៈដែលគម្រោងជាង៥៤ត្រូវបានដាក់បញ្ចូលប​ន្ថែមអំឡុងពេលឆមាសទី២កាលពីឆ្នាំ២០១៦កន្លងទៅ។  បើយោងតាមក្រុមហ៊ុន Knight Frank “អ្នកអភិវឌ្ឍន៍ក្នុងតំបន់ដែលទុកចិត្តកន្លងទៅ បានអភិវឌ្ឍន៍គម្រោងលំនៅដ្ឋានបុរីបច្ចុប្បន្នកំពុងតែអភិវឌ្ឍន៍ក្នុងវិស័យខុនដូរួមបញ្ចូលទាំងគម្រោង លំនៅដ្ឋានដែលតម្លៃសមរម្យដ៏ល្អប្រណិតក្នុងដីគម្រោងរបស់ពួកគេ។”ក៏ប៉ុន្តែស្រដៀងគ្នាទៅគម្រោងហាងលក់រាយដែលកំពុងតែត្រូវបានសាងសង់ក្នុងទីក្រុងភ្នំពេញដែរនោះ មិនមានខុនដូណាមួយដែលមាន៣,១៨៤យូនីតដែលបានសាងសង់រួចក្នុងត្រីមាសទី៤នោះទេ។ បើយោងតាមរបាយការណ៍បានឱ្យដឹងថា២%នៃគម្រោងសរុបបានជាប់គាំងហើយ៩៨%នឹងសាងសង់រួចក្នុងឆ្នាំ២០១៧ខាងមុខ។ រឿងដែលល្អគឺថា៤៦%នៃគម្រោងដែលបានដាក់ចេញរួចរាល់នោះបានលក់រួចរាល់ហើយកាលពីចុងឆ្នាំកន្លងទៅ។ នេះស្មើនឹង៣០%បានកើនឡើងបើធៀបទៅនឹងពាក់កណ្ដាលឆមាសទី១កាល ពីឆ្នាំ២០១៦។របាយការណ៏បានថ្លែងថា​ “អត្រាលក់ខ្ពស់របស់គម្រោងអភិវឌ្ឍន៍ថ្មីដែលត្រូវបានកំណត់តម្លៃដោយអ្នក អភវិឌ្ឍន៏ដោយកាត់បន្ថយនូវផលលំបាកនៃការទិញដោយទទួលយកនូវភាពបត់បែននៃការបង់ និងកាត់បន្ថយនូវប្រាក់បង់រំលស់វិញ។ក្រុមហ៊ុន Knight Frank បាននិយាយថាជាលទ្ធផលគម្រោងជាច្រើនត្រូវបានរំពឹងថានឹងដាក់លើទីផ្សារនៅក្នុងឆ្នាំ២០២០ខាងមុខនេះខណៈដែលទំនុកចិត្តនៅក្នុងវិស័យនេះបានកើនឡើង។ គម្រោងជាង៧២ដែលមានប្រមាណជា២៥,៥៤៤យូនីត។ហើយថ្វីបើអំណះអំណាងរបស់ប្រជាជនចំពោះគម្រោងខុនដូមធ្យមវាហាក់បីដូចជាថា៧០% និងការផ្គត់ផ្គង់នៅពេលអនាគតនឹងកើតចេញពីខុនដូប្រណិតៗ។ នេះផ្ទុយជាមួយនឹងស្ថានភាពបច្ចុប្បន្នដែលរបាយការណ៏បានបង្ហាញថា “គម្រោងជាច្រើនបានដាក់ចេញលក់ក្នុងពាក់ កណ្ដាលឆមាសទី២ឆ្នាំ២០១៦កន្លងទៅជាមួយប្រភេទគម្រោងមធ្យមដែលមានយូនីតផ្ដល់ជូនក្នុងតម្លៃ ចាប់ពី ១,២០០ ទៅ១,៨០០ដុល្លារក្នុងមួយម៉ែត្រការ៉េ។”ទីផ្សារក្នុងប្រទេសមានការឡើង និងធ្លាក់នេះជារឿងធម្មតាដោយយោងតាមរបាយការណ៍របស់Knight Frank បានព្យាករណ៍វាមានហេតុផលដែលអាចឈានទៅរកភាពជោគជ័យក្នុងការវិនិយោគ ប្រសិនបើអ្ន​កបានដឹងច្បាស់អំពីទិន្នន័យនិងទីផ្សារក្នុងប្រទេសច្បាស់លាស់ទឹកប្រាក់វិនិយោគរបស់លោកអ្នក នឹងចំណាយត្រូវគោលដៅ។ ទាញយករបាយការណ៍ទាំងមូលនៅទីនេះ!សូមមើលរបាយការណ៍អំពីទីផ្សារអចលនទ្រព្យថ្មីៗតាមរយៈ Realestate.com.kh!

កំណើនខុនដូបានកើនឡើងជាលំដាប់ ហើយខុនដូក៏មានប្រជាប្រិយគួរឲ្យកត់សំគាល់ផងដែរសម្រាប់មនុស្សសម័យថ្មីដែលចូលចិត្តរស់នៅក្នុងស្តង់ដារមួយដែលមានភាពស៊ីវិល័យ។ ភ្នំពេញគឺជាទីក្រុងមួយដែលមានសក្តានុពលសម្រាប់ការវិនិយោគមកពីក្រៅប្រទេស។ តួយ៉ាងក៏មានកំណើនជនបរទេសមកស្នាក់នៅក្នុងប្រទេសកម្ពុជាយើងយ៉ាងច្រើនដោយសារការចាយវាយនៅក្នុងប្រទេសមានកម្រិតទាប ហើយជាទិសដៅក្នុងការវិនិយោគ។ទីក្រុងភ្នំពេញគឺជាទីក្រុងនៃទីផ្សារលំនៅដ្ឋានថ្មីមួយក្នុងតំបន់អាស៊ីអាគ្នេយ៍ដែលគេមើលឃើញថាការអភិវឌ្ឍន៍ខុនដូមានការកើនឡើង។ ដែលក្នុងនោះបានផ្លាស់ពីអគារសំណង់អគារទាបទៅជាអគារខ្ពស់ៗដែលមានលក្ខណៈទំនើប និងអគារមជ្ឈមណ្ឌលពាណិជ្ជកម្មក្នុងទីក្រុងភ្នំពេញជាដើម។បច្ចុប្បន្នមានគម្រោងអភិវឌ្ឍន៏ខុនដូថ្មីៗមួយចំនួនក្នុងទីក្រុងដែលអ្នកទិញអាចរកទិញបាន។ត្រឹមតែត្រីមាសទី៣ក្នុងឆ្នាំ២០១៦មានគម្រោងអភិវឌ្ឍន៍ខុនដូប្រហែលជាង៧៤គម្រោងដែលមានជាង៣០,១៣០យូនីតក្នុងទីក្រុងភ្នំពេញ នេះបើតាមរបាយការណ៍របស់ក្រុងមហ៊ុន (CBRE Cambodia report.)។ មានការកើនឡើងប្រហែល៨.៣%ពីត្រីមាសមុនៗ។ គម្រោងអភិវឌ្ឍន៏ថ្មីនឹងបន្ថែមដល់២២,៣៦៦យូនីតហើយការផ្គត់ផ្គង់ខុនដូកើនឡើងប្រហែល៨៤២%នៃការផ្គត់ផ្គង់សរុបនៅចុងឆ្នាំ២០១៨។ ខណៈដែលក្រហ៊ុន CBRE Cambodiaក៏បានពន្យល់ដែរថាគម្រោងខុនដូភាគច្រើនរបស់កម្ពុជាមានជាគម្រោងខុនដូ “កម្រិតមធ្យម” និង “កម្រិតខ្ពស់”។ប៉ុន្តែដោយសារតែខុនដូមានច្រើនលំដាប់ តើអ្នកគួរតែជ្រើសរើសប្រភេទណាមួយដើម្បីវិនិយោគ?ដើម្បីឱ្យជីវិតរបស់លោកអ្នកកាន់តែមានភាពងាយស្រួល realestate.com.kh បានជ្រើសរើសគម្រោងអភិវឌ្ឍន៏ល្អៗមួយចំនួននៅក្នុងទីក្រុងដូចខាងក្រោម៖គម្រោងខុនដូ One Parkតើអ្វីជាលក្ខណៈពិសេសរបស់គម្រោងខុនដូ One Park?គម្រោងខុនដូ One Park ត្រូវបានរចនាឡើងដោយក្រុមហ៊ុន GRED សហការជាមួយក្រុមហ៊ុនស្ថាបត្យកម្មដ៏ល្បីរបស់សិង្ហបុរីឈ្មោះ DPA Singapore។ គម្រោងមានការរចនាម៉ូតបែបអឺរ៉ុបប្រើប្រាស់ឈើក្រាលធ្វើផ្លូវដើរយ៉ាងធំទូលាយព័ទ្ធជុំវិញហាងលក់ទំនិញ បារ ហាងកាហ្វេ និងភោជនីយដ្ឋាននៅក្នុងបរិវេណអគារ។ នៅចំកណ្តាលនៃអគារគម្រោងនឹងធ្វើផ្សារផ្លាហ្សាដែលឆ្លងកាត់រវាង គម្រោងលំនៅដ្ឋានភ្លោះទាំងនោះ។តើគម្រោងខុនដ One Park ស្ថិតនៅតំបន់ណា? គម្រោងខុនដូ One Park នឹងប្រើប្រាស់ដីជាង៧.៩ហិចតា ហើយស្ថិតនៅចំកណ្ដាល នៃមជ្ឍមណ្ឌលទីក្រុងភ្នំពេញ។ គម្រោងនេះស្ថិតនៅក្នុងមជ្ឈមណ្ឌលរាជធានីភ្នំពេញ ហើយក៏ស្ថិតនៅជិតស្ថាប័នរដ្ឋ និងស្ថាប័នហិរញវត្ថុនៅតាមបណ្ដោយមហាវិថីសហព័ន្ធ រុស្សី។តើយូនីតខុនដូរបស់ One Park មានតម្លៃប៉ុន្មាន? ខុនដូ One Park មានតម្លៃ​១៧០,០០០ដុល្លារក្នុងមួយយូនីតបំពាក់ដោយគ្រឿងសង្ហារឹមគ្រប់គ្រាន់។ស្វែងយល់បន្ថែមអំពីគម្រោងខុនដូ One Park!គម្រោងខុនដូ Axis Residencesតើអ្វីជាលក្ខណៈពិសេសរបស់គម្រោង Axis Residences?គម្រោងនេះត្រូវបានអភិវឌ្ឍន៍ដោយក្រុមហ៊ុន SPRING CJW Development Pte Ltd ជាមួយក្រុមការងារមកពីប្រទេសសិង្ហបុរី។ អ្នករស់នៅក្នុងគម្រោងអាចរីករាយជាមួយសេវាកម្មដូចជាប្រព័ន្ធសូឡាPVចំណតរថយន្តចំនួន៦ជាន់ដែលអាចផ្ទុករថយន្តបាន៥៦៦គ្រឿងប្រព័ន្ធសុវត្ថិភាព៣ជាន់មាន កន្លែងហាត់ប្រាណទាំងខាងក្នុង និងខាងក្រៅការអភិវឌ្ឍន៍ចម្រុះមានដូចជា៖ សម្រាប់ប្រជុំ និងស្វ័យសិក្សា​ ហាងទំនិញ ភោជនីយដ្ឋាន កន្លែងអាំងសាច់ កន្លែងក្មេងលេង សួនច្បារ អាងហែលទឹកទំហំ៥០ម៉ែត្រនឹងសម្ភារៈហាត់ប្រាណជាច្រើនទៀតនៅនឹងកន្លែង។តើគម្រោង Axis Residences មានទីតាំងស្ថិតនៅកន្លែងណា? Axis Residences ស្ថិតនៅតាមបណ្ដោយផ្លូវ ដួង ងៀបលេខ៣ បត់ពីផ្លូវ២០០៤ នៅជិតព្រលានយន្តហោះអន្តរជាតិភ្នំពេញ។តើគម្រោង Axis Residences មានតម្លៃប៉ុន្មានក្នុងមួយយូនីត? តម្លៃក្នុងមួយយូនីតរបស់គម្រោង  Axis Residences ចាប់ពី ១០០,០០០ដុល្លារ។ស្វែងយល់បន្ថែមអំពីគម្រោង Axis Residences!គម្រោងខុនដូ The Gateway Cambodiaតើអ្វីជាលក្ខណៈពិសេសរបស់គម្រោង The Gateway?គម្រោង The Gateway ត្រូវបានអភិវឌ្ឍន៍ដោយក្រុមហ៊ុន TACC (C.R) Ldt,. វាគឺជាគម្រោងអភិវឌ្ឍន៏ចម្រុះ ដែលមាន លំនៅដ្ឋាន យូនីតពាណិជ្ជកម្ម និងយូនីតការិយាល័យ។ គម្រោងអភិវឌ្ឍន៍នេះមានអគារការិយាល័យកម្ពស់៣៦ជាន់ ដែលអគារការិយាល័យ ២៩៩ យូនីត ភ្ជាប់ជាមួយប្លង់កម្មសិទ្ធិរួម យូនីតលំនៅដ្ឋានមានកម្ពស់ ៣៩ជាន់ មាន៥៧២យូនីត ហើយមានហាងលក់ទំនិញចំនួនពីរជាន់។ គម្រោងមានរួមបញ្ចូលសេវាកម្មជាច្រើនដូចជា អាងហែលទឹក កន្លែងហាត់ប្រាណ កន្លែងអាំងសាច់ ចំណតរថយន្ត និងមានផ្សេងៗទៀត។តើគម្រោង the The Gatewayមានទីតាំងនៅកន្លែងណា?គម្រោងនេះមានទីតាំងស្ថិតនៅតាមបណ្ដោយមហាវិថីសហព័ន្ធរុស្សីុ និងជិតព្រលានយន្តហោះអន្តរជាតិភ្នំពេញនិងតំបន់ពាណិជ្ជកម្មក្នុងទីក្រុងភ្នំពេញ។ គម្រោងមួយនេះក៏ស្ថតិនៅជិតផ្សារទំនើបផាកសិនហើយក៏ស្ថិតនៅជិតទីស្ដីការគណៈរដ្ឋមន្រ្តី គ្រឹះស្ថានហិរញវត្ថុ ស្ថានទូត មន្ទីរពេទ្យ សាលារៀនជាតិ និងអន្តរជាតិ និងអាជីវកម្មផ្សេងផេ្សងៗ ទៀត។គម្រោង Axis Residences មានតម្លៃប៉ុន្មានក្នុងមួយយូនីត?​គម្រោង Axis Residences ជាទូទៅក្នុងមួយយូនីតមានតម្លៃចាប់ពី ១៥០,០០០ដុល្លារ។ស្វែងយល់បន្ថែមអំពីគម្រោង The Gateway!គម្រោង East One Apartmentតើគម្រោង East One Apartment មានលក្ខណៈពិសេសអ្វីខ្លះ?គម្រោង East One គឺជាគម្រោងអគារខ្ពស់២៣ជាន់ដែលអភិវឌ្ឍន៏ដោយក្រុមហ៊ុន Guangzhou Yuetai Group Co., Ltd.។ គម្រោងផ្ដល់នូវសេវាកម្មដូចសណ្ឋាគារដែរមានដូចជា៖ អាងហែលទឹក នៅដំបូល ហាងកាហ្វេ ចំណតរថយន្ត និងសេវាកម្មថែទាំ។ ហើយមានអាជីវកម្មសំខាន់ៗមួយចំនួននៅជិតនោះផងដែរមានដូចជា ធនាគារ ផ្សារទំនើប  KFC ហាងកាហ្វេ Brown Coffee ការិយាល័យអាកាសចរណ៍ ក្លឹបកំសាន្ត និងបារជាច្រើនក៏ស្ថិតនៅតាមបណ្តោយផ្លូវដ៏ពេញនិយមរបស់ទីក្រុងនៅតាមបណ្ដោយផ្លូវ៥១។តើគម្រោង East One Apartment មានទីតាំងស្ថិតនៅកន្លែងណា? គម្រោង East One Apartment មានទីតាំងស្ថិតនៅកែងផ្លូវ២១៤និងផ្លូវ៥១ស្ថិតនៅចន្លោះវិមានឯករាជ្យ សារមន្ទីរជាតិ ព្រះបរមរាជវាំង និងផ្សារថ្មី។ វាគឺជាទីតាំងដ៏សំខាន់ដែលស្ថិតនៅជិតស្ថានទូត ស្ថានប័នក្រសួង និងតំបន់មជ្ឈមណ្ឌលពាណិជ្ជកម្មទៀតផង។តើគម្រោង East One Apartment មានតម្លៃប៉ុន្មានក្នុងមួយយូនីត? ក្នុងមួយយូនីតមានតម្លៃចាប់ពី ៩០,០០០ដុល្លារឡើងទៅ។ស្វែងយល់បន្ថែមអំពីគម្រោង East One Apartment!គម្រោង 88 Suitesតើគម្រោង 88 Suites មានលក្ខណៈពិសេសអ្វីខ្លះ?គម្រោង 88 Suites គឺជាគម្រោងលំនៅដ្ឋានជាមួយការិយាល័យ(SoHo)ដំបូងគេនៅក្នុងប្រទេសកម្ពុជា។ គម្រោង 88Suites ផ្ដល់ជូនដល់អតិថិជនរបស់ខ្លួននូវភាពជាឯកជន និងភាពងាយស្រួល។ វាមានសេវាកម្មដូចជា៖ អាងហែលទឹក កន្លែងហាត់ប្រាណ កន្លែងអង្គុយលេង បន្ទប់ប្រជុំ សាលសន្និសិទ្ធ និងមជ្ឈមណ្ឌលពាណិជ្ជកម្មគម្រោងនេះក៏ផ្ដល់នូវប្រព័ន្ធសុវត្ថិភាពចំនួន៤ជាន់ផងដែរ។តើគម្រោង 88 Suites មានទីតាំងស្ថិតនៅកន្លែងណា? គម្រោងថ្មីនេះមានទីតាំងស្ថិតនៅក្នុងបឹងកេងកង១ស្ថិតនៅតាមបណ្ដោយមហាវិថីម៉ៅសេទុង ហើយនៅជិតមហាវិថីព្រះនរោត្តមតើគម្រោង 88 Suites មានតម្លៃប៉ុន្មានក្នុងមួយយូនីត? គម្រោង 88 Suites មានតម្លៃចាប់ពី ១០០,០០០ដុល្លារក្នុងមួយយូនីត។ ស្វែងយល់បន្ថែមអំពីគម្រោង 88 Suites!គម្រោងខុនដូ HABITATតើគម្រោង Habitat Condo មានលក្ខណៈពិសេសអ្វីខ្លះ?គម្រោងខុនង Habitat គឺជាគម្រោងថ្មីមួយក្នុងទីក្រុងភ្នំពេញដែលមានត្រឹមតែ១៣យូនីតប៉ុណ្ណោះ។ យូនីតនីមួយៗត្រូវបានរចនាម៉ូតឡើងដើម្បីផ្ដល់ភាពជាឯកជននិងរបៀបរស់នៅបែបទំនើប។ អតិថិជននឹងរីករាយជាមួយសេវាកម្មដូចជា៖ អាងហែលទឹកទំហំ ១០ម X ៤​ម នៅលើដំបូល កន្លែងហាត់ប្រាណបំពាក់ដោយសម្ភារៈគ្រប់គ្រាន់កន្លែងអាំងសាច់ និងកន្លែងកម្សាន្តនៅខាងលើដំបូល។ គម្រោងខុនដូ Habitat មានប្រព័ន្ធចតរថយន្តដោយស្វ័យប្រវត្តិដែលអាចចំណេញពេលវេលា។ គម្រោងមានផ្ដល់ជូននូវចំណតរថយន្តឯកជន និងសុវត្ថិភាពខ្ពស់សម្រាប់អតិថិជន។តើគម្រោងខុនដូ Habitat មានទីតាំងស្ថិតនៅកន្លែងណា?គម្រោងខុនដូ​ Habitat ស្ថិតនៅខាងក្រោយមហាវិថីព្រះសុធារសក្នុងសង្កាត់ទន្លេបាសាក់តាមបណ្ដោយផ្លូវម៉ៅសេទុង។ វាស្ថិតនៅជិតតំបន់បឹងកេងកង១ចំកណ្ដាលនៃទីក្រុងភ្នំពេញនិងក្នុងតំបន់ដែលមានប្រជាជនរស់នៅច្រើន។ Habitat ស្ថិតនៅជិតសាកវិទ្យាល័យសាលារៀន បារ ភោជនីដ្ឋាន គ្រឹះស្ថានមីក្រូហិរញវត្ថុ និងអាជីវកម្មផ្សេងៗទៀត។តើគម្រោងខុនដូ Habitat មានតម្លៃប៉ុន្មានក្នុងមួយយូនីត? ក្នុងមួយយូនីតមានតម្លៃចាប់ពី២៣៥,០០០ដុល្លារ។ស្វែងយល់បន្ថែមអំពីគម្រោង Habitat Condo!គម្រោង The Edgeគម្រោងគម្រោង The Edge មានលក្ខណៈពិសេសអ្វីខ្លះ? គម្រោង The Edge គឺជាគម្រោងដែលមានបរិបទមួយហៅថា Retail Office Versatile Office  (ROVO)។ ក្រុមហ៊ុន Shukaku Inc បានចាប់ដៃគូជាមួយក្រុមហ៊ុន GRED ដើម្បីនាំមកនូវរបៀបរស់នៅថ្មី រួមជាមួយការធ្វើអាជីវកម្មសម្រាប់មនុស្សសម័យថ្មីក្នុងប្រទេសកម្ពុជា។ យូនីត ROVO គឺត្រូវបានរចនាឡើងដោយមានភាពបត់បែនបំផុតដោយផ្ដល់កន្លែងធ្វើអាជីវកម្ម ទៅតាមការចង់បានរបស់អតិថិជន។ គម្រោងមួយនេះស្ថិតនៅជិត ហាងកាហ្វេ ភោជនីដ្ឋាន ការិយាល័យពាណិជ្ជកម្ម ធនាគារ សណ្ឋាគារ ហាងទំនិញ បន្ទប់ប្រជុំ ឬស្ទូតយូតន្រ្តីជម្រើសគឺមានផ្តល់ជូនគ្មានដែនកំណត់។តើគម្រោង The Edge មានទីតាំងស្ថិតនៅកន្លែងណា? គម្រោងអភិវឌ្ឍន៍ចម្រុះមួយនេះមានទីតាំងស្ថិតនៅកណ្ដាលមជ្ឈមណ្ឌលទីក្រុងភ្នំពេញ ដែលជា គម្រោងអភិវឌ្ឍន៍ទីក្រុងដំបូងគេរបស់ប្រទេសកម្ពុជា ហើយវានឹងក្លាយជាតំបន់ពាណិជ្ជកម្មរបស់ទីក្រុងភ្នំពេញនាពេលអនាគត។ ក្នុងតំបន់នេះក៏មានសេវាកម្មជាច្រើនរួមមាន ផ្សារទំនើប ផ្សាររាត្រី ហាងលក់ម្ហូបអាហារ និងភេសជ្ជៈ សាលារៀន ស្ថាប័នរដ្ឋ និងមានច្រើនទៀត។ស្វែងយល់បន្ថែមអំពីគម្រោង The Edge!គម្រោងខុនដូ TK Royal Oneតើគម្រោងខុនដូ TK Royal One មានទីតាំងស្ថិតនៅកន្លែងណា?​គម្រោងខុនដូ TK Royal One មានបំណងផ្ដល់នូវភាពប្រណិត សុវត្ថិភាព និងភាពជាឯកជន។ វាគឺជាគម្រោងអភិវឌ្ឍន៏ចម្រុះគម្រោងទាំងមូលមានយូនីតការិយាល័យ៤ជាន់យូនីតលំនៅដ្ឋាន ១៤ជាន់ ចំណតរថយន្ត៤ជាន់ និងមានផ្តល់ជូនសេវាកម្មទូទៅដូចជាអាងហែលទឹក កន្លែងហាត់ប្រាណ និងកន្លែងអង្គុយលេងនៅលើដំបូល។តើគម្រោងខុនដូ TK Royal One មានទីតាំងស្ថិតនៅកន្លែងណា?គម្រោងខុនដូ TK Royal One មានទីតាំងស្ថិតនៅចំកណ្ដាលនៃទីក្រុងភ្នំពេញ នៅតាមបណ្ដោយ មហាវិថីសហព័ន្ធរុស្សីនិងទល់មុខសាកលវិទ្យាល័យភូមិនភ្នំពេញ។ នេះគឺជាគម្រោងដ៏ល្អបំផុតមួយពីព្រោះវាព័ទ្ធជុំវិញដោយសេវាកម្មដូចជា៖ ហាងលក់ទំនិញ ស្ថាប័នរដ្ឋ គ្រឹះស្ថានហិរញវត្ថុ សាលារៀនជាតិ និងអន្តរជាតិ និងមន្ទីរពេទ្យ។ ជានេះទៅទៀត យើងអាចចំណាយពេលត្រឹមតែ ៥នាទីប៉ុណ្ណោះធ្វើដំណើទៅព្រលានយន្តហោះ អន្តជាតិភ្នំពេញ។តើគម្រោងខុនដូ TK Royal One មានតម្លៃប៉ុន្មានក្នុងមួយយូនីត?​ តម្លៃក្នុងមួយយូនីតចាប់ពី ១៩៤,០០០ដុល្លារឡើងទៅ។ យូនីតទាំងអស់មាន៣ប្រភេទ ដែលមានចាប់ពី ១ទៅ៣បន្ទប់គេង។ស្វែងយល់បន្ថែមអំពីគម្រោង TK Royal One!គម្រោង The Peak Residencesតើគម្រោង The Peakមានលក្ខណៈពិសេសអ្វីខ្លះ?គម្រោង The Peak មានបីអគារខ្ពស់ៗជាមួយអគារភ្លោះពីរនឹងសាងសង់ជាលំនៅដ្ឋាន។ អគារទីបី២០ជាន់ខាងលើសម្រាប់ប្រើប្រាស់ជាអគារលំនៅដ្ឋាន ហើយយូនីតដែលនៅសល់សម្រាប់ទុកធ្វើជាការិយាល័យ។ គម្រោងនេះត្រូវបានអភិវឌ្ឍន៏ដោយក្រុមហ៊ុនអន្តរជាតិ Oxley International របស់សិង្ហបុរី និងក្រុមហ៊ុនក្នុងស្រុក Cambodia’s Worldbridge Land។តើគម្រោង The Peak មានទីតាំងស្ថិតនៅឯណា?គម្រោង The Peak ស្ថិតនៅក្នុងសង្កាត់ ទន្លេបាសាក់ ខណ្ឌចំការមន ភ្នំពេញ។ គម្រោងនេះក៏ស្ថិតនៅជិតណាហ្គាវើល១ និងណាហ្គាវើល២ ផ្សារទំនើបអ៊ីអន និងសាលសន្និសិទ្ធតំបន់ពាណិជ្ជកម្មកោះពេជ្រ។តើគម្រោងនេះមានតម្លៃប៉ុន្មានក្នុងមួយយូនីត? គម្រោងនេះមានតម្លៃចាប់ពី ៧៩,០០០ឡើងទៅ។ស្វែងយល់បន្ថែមអំពីគម្រោង The Peak!គម្រោងខុនដូ East View Residenceតើគម្រោង East View Residence មានលក្ខណៈពិសេសអ្វីខ្លះ?គម្រោង​នេះគឺជាគម្រោងអភិវឌ្ឍន៍បែបទាន់សម័យមួយដែលមានការរួមបញ្ចូលគ្នាទាំងរចនាបទបែបខ្មែរបុរាណនិងស្ថាបត្យកម្មសម័យទំនើប។ គម្រោងនេះគឺជាគម្រោងអភិវឌ្ឍន៏ចម្រុះសម្រាប់ទាំងលំនៅដ្ឋាននិងអាជីវកម្ម គម្រោងអគារលំនៅដ្ឋាននឹងមាន៣៨ជាន់និងមានយូនីតសរុប៧៣៦យូនីត។ គម្រោងត្រូវបានរចនាឡើងដើម្បីផ្ដល់នូវកន្លែងមានភាពស្ងប់ស្ងាត់ និងកន្លែង សម្រាកលំហែកាយ។ អ្នករស់នៅក្នុងគម្រោងនេះនឹងត្រូវបានធានាសុវត្ថិភាពកម្រិតខ្ពស់ និងមានបម្រើសេវាកម្មដូចជា៖ ភោជនីយដ្ឋានកន្លែងហាត់ប្រាណដែលបំពាក់ដោយសម្ភារៈគ្រប់គ្រាន់ហាងលក់ទំនិញនិងមជ្ឈមណ្ឌលពាណិជ្ជកម្មអន្តរជាតិ។គម្រោង East View Residence មានទីតាំងស្ថិតនៅឯណា?គម្រោងខុនដូ East View មានទីតាំងស្ថិតនៅតាមបណ្ដោយមហាវិថីព្រះនរោត្ដមហើយស្ថិតនៅជិតអគ្គកុងស៊ុលនិងតំបន់ពាណិជ្ជកម្មដ៏មមាញឹក។ វាគឺជាកន្លែងបណ្ដាញសេដ្ឋកិច្ចនិងដឹកជញ្ជូនដ៏មានភាពងាយស្រួល។ យើងអាចធ្វើដំណើរត្រឹមតែពីរបីនាទីប៉ុណ្ណោះទៅផ្សារទំនើបអ៊ីអនម៉ល វិមានឯករាជ្យ និងកន្លែងសំខាន់ៗជាច្រើនទៀត។តើមានតម្លៃប៉ុន្មានក្នុងមួយយូ​នីត? សម្រាប់គម្រោង East View តម្លៃក្នុងមួយយូនីតមានចាប់ពី៧០,០០០ដុល្លារឡើងទៅ។ស្វែងយល់បន្ថែមអំពីគម្រោងខុនដូ East View Residence!ជម្រើសក្នុងការវិនិយោគមានច្រើនក្នុងទីក្រុងភ្នំពេញហើយតម្លៃវិញមានទំហំផ្សេងៗគ្នា។ ប្រសិនបើអ្នកពិតជាចង់វិនិយោគក្នុងវិស័យអចលនទ្រព្យក្នុងប្រទេសកម្ពុជា សូមស្វែងបន្ថែមអំពីច្បាប់ទាក់ទងនឹងអចលនទ្រព្យឥឡូវនេះ។ស្វែងយល់បន្ថែមអំពីគម្រោងខុនដូទាំងអស់ក្នុងទីក្រុងភ្នំពេញ!

វិនិយោគិនចិន និងក្រុមហ៊ុនជាង១០០បានមកវិនិយោគក្នុងតំបន់សេដ្ឋកិច្ចពិសេសក្នុងខេត្តព្រះសីហនុដែលប្រែក្លាយជាតំបន់អភិវឌ្ឍនចម្រុះហើយបានទាក់ទាញវិនិយោគិនអចលនទ្រព្យជាតិ និងអន្តរជាតិជាច្រើនដើម្បីសាងសង់គម្រោងវិនិយោគរបស់ពួកគេក្នុងតំបន់ឆ្នេរមួយនេះ។វាមានទេសភាពស្រស់ត្រកាលបណ្តុំកោះតូចៗជាច្រើនជាមួយនឹងឆ្នេរខ្សាច់សក្បុសលាតសណ្ឋឹងយ៉ាងវែង ហើយត្រូវបានគេចាត់ចំណាត់ថ្នាក់ជាឆ្នេរខ្សាច់ដ៏ស្រស់ស្អាតបំផុតក្នុងពិភពលោក។ នេះធ្វើឱ្យកើនឡើងចំនួនភ្ញៀវទេសចរបរទេសជាច្រើនកំពុងចូលមកទស្សនាខេត្តនេះប្រហែល១០%ជារៀងរាល់ឆ្នាំ ហើយក៏បានបង្កើនចំនួននៃការហោះហើរនៅក្នុងតំនប់ផងដែរ។អគ្គនាយកគ្រប់គ្រងរបស់ក្រុមហ៊ុន  FURI Real Estate លោក លី សែនលៀប បាននិយាយថាខេត្តព្រះសីហនុមានសក្ដានុពលដោយសារចំនួននៃការភ្ជាប់ជើងហោះហើរពីប្រទេសចិន និងខេត្តសៀមរាប។ លោកមានការភ្ញាក់ផ្អើលខ្លាំងណាស់ដែលលោកបានឃើញភ្ញៀវទេសចរចិនជាច្រើនមកទស្សនានិងវិនិយោគក្នុងខេត្តមួយនេះ។ លោកបាននិយាយថាខេត្តមួយនេះមានសក្ដានុពលសម្រាប់ការអភិវឌ្ឍន៍ក្នុងវិស័យអចលនទ្រព្យពីព្រោះវាជាដីទំនេរដែលជាជម្រើសសម្រាប់អ្នកអភិវឌ្ឍន៍។“ជាមួយការសាងសង់ខុនដូក្នុងខេត្តព្រះសីហនុ យើងនឹងមានសំណួរមួយចោទសួរឡើងថាតើអ្នកអភិវឌ្ឍន៍គួរតែផ្តោតទៅលើគោលដៅមួយឬយ៉ាងណា! ប្រសិនបើវិនិយោគិនផ្ដោតទៅលើអតិថិជនក្នុងស្រុកខ្ញុំមានទំនុកចិត្តតិចណាាស់” នេះបើតាមសំដីលោកសែនលៀប។  លោកបានបន្ថែមថា “ប្រជាជនក្នុងខេត្តព្រះសីហនុភាគច្រើនមិនចាប់​អារម្មណ៍លើខុនដូនោះទេ។ ក៏ប៉ុន្តែពួកគេនៅតែចាប់អារម្មណ៍លើលំនៅដ្ឋានឯកជនជាប់ដីក្នុងខេត្តដែលមានដីទំនេរ។ ជាមួយតម្លៃដែលពួកគេអាចទទួលយកបាន។”ខេត្តព្រះសីហនុនឹងក្លាយជាទីក្រុងសំខាន់ទីពីរបន្ទាប់ពីទីក្រុងភ្នំពេញជាទីកន្លែងដែលវិនិយោគិនបរទេសកំពុងតែអភិវឌ្ឍន៍ គម្រោងខុនដូដូចជា៖ គម្រោងខុនដូ D’Seaview គម្រោង Sunshine Bay គម្រោងខុនដូ Bayview និងគម្រោងខុនដូផ្សេងៗជាច្រើនទៀតដែលកំពុងតែត្រូវបានសាងសង់។លោកច្រឹក សុខនីម អគ្គនាយកគ្រប់គ្រងរបស់ក្រុមហ៊ុន  Century21 Mekong បាននិយាយថាពីព្រោះខេត្តព្រះសីហនុគឺជាតំបន់ទេសចរ ហើយរាជរដ្ឋាភិបាលកំពុងតែរៀបចំខេត្តមួយនេះឱ្យក្លាយទៅជាតំបន់ពាណិជ្ជកម្មនាពេលអនាគត ហើយវិនិយោគិនក៏កំពុងតែគ្រោងនឹងវិនិយោគលើការវិនិយោគរយៈពេលវែងក្នុងតំបន់មួយនេះដែរពីព្រោះវាជាខេត្តមួយដែលមានសក្ដានុពេលនៅពេលអនាគត។លោកបាននិយាយថា “រាជរដ្ឋាភិបាលបានផ្ដោតទៅលើតំបន់នេះដោយរៀបចំតំបន់ឆ្នេរមួយនេះជាកន្លែងដ៏ស្រស់ស្អាតមួយ។ ដោយដាក់នូវគម្រោងសាងសង់ផ្លូវល្បឿនលឿនមួយពីទីក្រុងភ្នំពេញទៅព្រះសីហនុ ព្រលានយន្តហោះអន្តរជាតិ និងកំណើនៃភ្ញៀវទេសចរដែលជាកត្តាសំខាន់សម្រាប់វិនិយោគិនក្នុងការសាងសង់ខុនដូក្នុងខេត្តមួយនេះ។” “នៅពេលដែលមានការរៀបចំកម្មវិធីម្ដងៗក្នុងខេត្តតួយ៉ាងបុណ្យសមុទ្រវាពិតជាលំបាកក្នុងការស្វែងរកផ្ទះសំណាក់  និងសណ្ឋាគារសម្រាប់ស្នាក់នៅខ្លាំងណាស់ ដូចនេះការទិញខុនដូសម្រាប់លំហែកាយអាចជាជម្រើសដ៏ល្អមួយ។”ថ្លែងក្នុងលក្ខខណ្ឌមិនបញ្ចេឈ្មោះវិនិយោគិនម្នាក់ដែលបានវិនិយោគលើគម្រោងខុនដូនៅក្នុងខេត្តព្រះសីហនុនេះបាននិយាយថា “ឆ្នេរខ្សាច់ខេត្តព្រះសីហនុគឺជាទិសដៅទេសចរដ៏ស្រស់ស្អាតបំផុតមួយចំណាត់ថ្នាក់លេខ២បន្ទាប់ពីខេត្តសៀមរាប។ ដូចនេះខ្ញុំគិតថាវាជាជម្រើសល្អមួយសម្រាប់ការសាងសង់ខុនដូពីព្រោះខេត្តមួយនេះមិនទាន់មានខុនដូប្រណិត និងសណ្ឋាគារប្រណិតៗនៅឡើយទេ។”គាត់បានបន្ថែមទៀតថា “យើងកំពុងតែសាងសង់គម្រោងខុនដូដើម្បីទាក់ទាញភ្ញៀវទេសចរបរទេសឱ្យមកប្រទេសរបស់យើង។ ហើយនៅក្នុងឆ្នាំ២០១៨ការបូមប្រេងចេញពីសមុទ្ររបស់យើងនិងជាផ្នែកដ៏សំខាន់មួយក្នុងការទាក់ទាញវិនិយោគិនកាន់តែច្រើនឡើងដើម្បីមកវិនិយោគនៅទីនេះ។”លោក ហូ វាន់ឌីអគ្គលេខាធិការនៃសម្ព័ន្ធភាពជាតិទេសចរណ៍កម្ពុជាបាននិយាយថាបច្ចប្បន្នមាន ក្រុមហ៊ុនហោះហើរពីរដូចជា ក្រុមហ៊ុន កម្ពុជាអង្គរ និងក្រុមហ៊ុន បាយ័នអ៊ែរដែលបានកំពុងតែហោះហើរវាងពីខេត្តសៀមរាប និងទីក្រុងភ្នំពេញទៅកាន់ខេត្តព្រះសីហនុជារៀង រាល់ថ្ងៃ។ ហើយក៏មានជើងហោះហើពីក្រៅប្រទេសដែលចុះចត និងទស្សនាម្ដងម្កាលផងដែរ។លោកបានបន្ថែមថា “ខេត្តមួយនេះនឹងមានសក្ដានុពល និងការរីកចម្រើនកាន់តែខ្លាំងឡើងប្រសិនបើនៅតែរក្សាហេដ្ឋារចនាសម្ព័ន្ធ និងបរិយាកាសល្អទាំងធម្មជាតិលើដី និងក្នុងទឹក។” លោកបន្ថែមថា “ភាពជោគជ័យនៃការសាងសង់ខុនដូ និងអចលនទ្រព្យនៅទីនេះអាស្រ័យលើការថែរក្សានៃធនធានធម្មជាតិ និងការរៀបចំតំបន់នោះឱ្យកាន់តែទាក់ទាញខ្លាំងឡើង។”លោក យន់ មៀន អភិបាលខេត្តព្រះសីហនុបាននិយាយថាបច្ចុប្បន្នមានគម្រោងខុនដូ៣ដែលកំពុងតែសាងសង់ក្នុងខេត្តមួយនេះដែលមានទាំងវិនិយោគិនក្នុងស្រុក និងវិនិយោគិនបរទេស។ លោកបាននិយាយបន្តទៀតថាខេត្តព្រះសីហនុបានបន្តអភិវឌ្ឍនន៍យ៉ាងឆាប់រហ័សដោយសារតែរដ្ឋាភិបាលបានរៀបចំខេត្តឱ្យក្លាយទៅជាតំបន់ពាណិជ្ជកម្មចម្រុះ ហើយពីព្រោះវាមានឆ្នេរសមុទ្រដ៏ស្រស់ស្អាតតែមួយគត់ក្នុងប្រទេសកម្ពុជា។ ហើយមានជើងហោះហើរដោយផ្ទាល់ឆ្ពោះទៅខេត្តមួយនេះផងដែរ។លោយ យន់ មៀន បាននិយាយថា“សន្តិភាពធ្វើឱ្យមានអ្វីៗគ្រប់យ៉ាងក្នុងខេត្តតួយ៉ាងប្រជាជនក៏មានចំណាប់អារម្មណ៍ លើគម្រោងខុនដូក្នុងខេត្តគួរឲ្យកត់សម្គាល់ផងដែរ៕”សូមពិនិត្យមើលគម្រោងអភិវឌ្ឍន៍សំខាន់ៗនៅក្នុងខេត្តព្រះសីហនុ៖អត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែមករា ឆ្នំា ២០១៧ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយជាមួយទស្សនាវដ្តីអចលនទ្រព្យ Property View ដែលជាទស្សនាវដ្តីបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជាសូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សនាវដ្តី Property View សូមធ្វើការទាក់ទងទៅកាន់លោក វីរិទ្ធតាមរយៈអ៊ីម៉េល virith007@yahoo.com ឬទូរស័ព្ទលេខ 078 959 567  - 098 66 26 68

SEARA ផ្ដល់ជូននូវការផ្គត់ផ្គង់ឧបករណ៍ហាត់ប្រាណឈានមុខគេមិនត្រឹមតែក្នុងប្រទេស​កម្ពុជាតែប៉ុណ្ណោះទេ ប៉ុន្តែថែមទាំងក្នុងតំបន់អាស៊ីអាគ្នេយ៍ទាំងមូល។ក្រុមហ៊ុន SEARA ត្រូវបានបង្កើតឡើងជាង១៧ឆ្នាំមកហើយជាមួយនឹងបេសកកម្មដើម្បីផ្ដល់ជូននូវឧបករណ៏ហាត់ប្រាណស្តង់ ដារអន្តរជាតិមួយនៅក្នុងទីផ្សារអាស៊ី។ ខណៈដែលតម្រូវការឧបករណ៍ហាត់ប្រាណដែលមានគុណភាពខ្ពស់នៅមានកម្រិតតិចតួចនៅឡើយក្នុងរយៈពេលប៉ុន្មានឆ្នាំដំបូង។​ ក្រុមហ៊ុន SEARA នៅតែមានទំនុកចិត្តថាទីផ្សារនឹងត្រូវការសម្ភារៈហាត់ប្រាណ និងសម្ភារៈកីឡាស្តង់ដារអន្តរជាតិស្របពេលដែលតំបន់អាស៊ីកំពុងតែមានការរីកចម្រើនផ្នែកធនធាន និងចំណេះដឹងពាក់ព័ន្ធទៅនឹងបច្ចេកវិទ្យាឧបករណ៍ហាត់ប្រាណ។ខណៈដែលទីផ្សារអចលនទ្រព្យក្នុងតំបន់អាស៊ីអាគ្នេយ៍បានចាប់ផ្តើមកើនឡើងយ៉ាងឆាប់រហ័សចាប់ពីឆ្នាំ២០០០កន្លងមកហើយអ្នកអភិវឌ្ឍន៍អចលនទ្រព្យបានចាប់ផ្តើមសម្លឹងមើលការរៀបចំកន្លែងហាត់ប្រាណនិងទីលានលេងកីឡានៅក្នុងគម្រោងរបស់ពួកគេពេលនោះកេរ្តិ៌ ឈ្មោះរបស់ SEARA គឺចាប់ផ្ដើមមានការទទួលស្គាល់យ៉ាងលេចធ្លោទូទាំងតំបន់អាស៊ីអាគ្នេយ៍ ។ក្រុមហ៊ុន SEARA ទទួលបានកេរ្តិ៍ឈ្មោះល្បីល្បាញដ៏ឆាប់រហ័សដោយបានទទួលភាពជោគជ័យក្នុងការរចនាក្លឹបហាត់ប្រាណ ការផ្គត់ផ្គង់ និងការដំឡើងសម្ភារៈលំហាត់ប្រាណដល់សណ្ឋាគារល្បីៗ រម្មណីយដ្ឋានមួយចំនួន និងគម្រោងអភិវឌ្ឍន៍ប្រណិតៗក្នុងតំបន់អាស៊ីអាគ្នេយ៍។ ក្រុមហ៊ុនបានពង្រីកខ្លួនយ៉ាងឆាប់រហ័សក្រៅពីការិយាល័យកណ្ដាលក្នុងទីក្រុងបាងកកដែលមានការិយាល័យ និងបន្ទប់តាំងបង្ហាញនៅក្នុងខេត្តភូកេត ផាតាយ៉ា កោះសាម៊ុយ ហ៊ួហ៊ីន ទីក្រុងហូជីមិញ ទីក្រុងហាណូយ ទីក្រុងរ៉ងហ្គូន​​ ទីក្រុងដាកា និងទីក្រុងភ្នំពេញ។ក្នុងប្រទេសកម្ពុជាក្រុមហ៊ុន SEARA សម្រេចបាននូវគម្រោងជាច្រើនគួរឱ្យកត់សម្គាល់រួមមាន៖ ស្ថានទូតសហរដ្ឋអាមេរិកក្នុងទីក្រុងភ្នំពេញ សណ្ឋាគារ Sofitel Phokeethra សណ្ឋាគារ Rosewood Hotel សណ្ឋាគារ Marriott Courtyard Hotels (ភ្នំពេញ និងសៀមរាប) សណ្ឋាគារ Hotel Intercontinental សណ្ឋាគារ  Raffles le Royal សណ្ឋាគារ Le Meridien Angkor រមណីយដ្ឋានភូមិបៃតង សណ្ឋាគារ Garden City Hotel សណ្ឋាគារភ្នំពេញ សណ្ឋាគារ Sun & Moon Hotel លំនៅដ្ឋាន Embassy Residences សាលាអន្តរជាតិភ្នំពេញ (ISPP)  ក្លឹបវាយកូនហ្គោល City Golf ក្លឹបវាយកូនហ្គោល Huione Golf Club ក្លឹប Cambodian Country Club ក្លឹបហាត់ប្រាណពិសេស Banteay Athletics Training Center និងមានជាច្រើនទៀត។ក្រុមហ៊ុនផ្គត់ផ្គង់សម្ភារៈលំហាត់ប្រាណ SEARA ផ្ដល់ជូនអតិថិជនរបស់ខ្លួននូវសេវាកម្មពេញលេញទាំងខ្នាតតូច និងខ្នាតធំដើម្បីឱ្យសកម្មភាពលំហាត់ប្រាណក្លាយទៅជាទំលាប់ប្រចាំថ្ងៃរបស់ពួកគាត់។ សេវាកម្មពេញលេញរបស់ក្រុមហ៊ុន SEARA ​​​ទាំងនេះ រួមមាន ការរចនាប្លង់កន្លែងហាត់ប្រាណ ការអភិវឌ្ឍន៍គម្រោង ការផ្គត់ផ្គង់ជាសម្ភារៈហាត់ប្រាណ រហូតដល់ការដំឡើងបញ្ចប់ នៃកន្លែងហាត់ប្រាណ និងកន្លែងកម្សាន្តជាលក្ខណៈអាជីវកម្ម​ និងលក្ខណៈឯកជន។ ហើយក្រុមហ៊ុនក៏ផ្ដល់ជូនជម្រើសយ៉ាងច្រើននៃសម្ភារៈហាត់ប្រាណដែលមានគុណភាពខ្ពស់ដ៏សាកសម្យសម្រាប់អ្នកដែលចង់ហាត់ប្រាណប្រកបដោយផាសុកភាពក្នុង គេហដ្ឋាន ឬនៅការិយាល័យរបស់ពួកគាត់។ក្រុមហ៊ុន SEARA គឺជាក្រុមហ៊ុនដែលផ្គត់ផ្គង់ផ្តាច់មុខនៃសម្ភារៈហាត់ប្រាណដែលមានយីហោល្បីឈានមុខគេក្នុងនោះរួមមាន យីហោ Life Fitness, Hammer Strength, Brunswick, Octane Fitness, Power Plate, Vectra Fitness, Balanced Body, SCI-FIT, InMovement និងមានម៉ាកច្រើនទៀត។ ក្រុមហ៊ុនក៏បានចាប់ដៃគូជាមួយក្រុមហ៊ុន Escape Fitness និង Reebok ដើម្បីផ្គត់ផ្គង់សម្ភារៈកីឡាដែលមានភាពពេញនិយម និងមានគុណភាពខ្ពស់ សម្រាប់ការធ្វើលំហាត់ប្រាណ និងការហ្វឹកហ្វឺនប្រភេទ functional fitness។មិនថាជាការប្រឹក្សារបច្ចេកទេស ការច្នៃម៉ូតសម្រាប់កន្លែងហាត់ប្រាណនៅគេហដ្ឋាន ឬកន្លែងហាត់ប្រាណលក្ខណៈអាជីវកម្មនោះទេ ក្រុមហ៊ុន SEARA មានការផ្គត់ផ្តង់ទាំងសម្ភារៈនិងជំនាញការ ដើម្បីឆ្លើយតបទៅនឹងតម្រូវការរបស់អតិថិជនយ៉ាងរហ័សទាន់ចិត្ត។ស្វែងរកព័ត៌មានអចលនទ្រព្យថ្មីៗតាមរយៈ Realestate.com.kh

កម្ពុជាត្រូវបានគេមើលឃើញថាជាប្រទេសដែលមានកំណើនផលិតផលក្នុងស្រុកសរុបប្រហែល៨.១%ក្នុងរយៈពេល២ទសវត្សមកនេះ ការកើនឡើងនេះត្រូវបានសាធារណៈជនសាទរយ៉ាងខ្លាំង។ ធនាគារអភិវឌ្ឍន៍អាស៊ីបានដាក់ថែមទាំងហៅកម្ពុជាថាជាកូនខ្លាសេដ្ឋកិច្ចរបស់អាស៊ីក្នុងឆ្នាំ២០១៦ វិស័យមួយដែលមានការរីកចម្រើនខ្លាំងនោះគឺវិស័យអចលនទ្រព្យ។យោងតាមសារព័ត៌មានខ្មែរថាមស៍ការកើនឡើងនៃការវិនិយោគកាលពីឆ្នាំកន្លងទៅត្រឹមតែវិស័យសំណង់មួយទឹកប្រាក់វិនិយោគបានកើនឡើងដល់៨.៥ពាន់លានដុល្លារដែលបានអភិវឌ្ឍន៍លើទំហំផ្ទៃដីប្រហែល១៣លានម៉ែត្រការ៉េ។ ទំហំនេះគឺគ្រាន់តែជាផ្នែកតូចមួួយប៉ុណ្ណោះ មានប្រហែល០.០០៧%នៃផ្ទៃដីរ​បស់ប្រទេសកម្ពុជា ដែលអាចបញ្ជាក់បានថា​ឱកាសនៃការ វិនិយោគនៅមានជាច្រើនទៀតក្នុងនៅពេលអនាគត។បច្ចុប្បន្នយើងបានទទួលស្គាល់ថាវិស័យអចលនទ្រព្យក្នុងប្រទេសកម្ពុជាគឺកំពុងតែកើនឡើងយ៉ាងខ្លាំងប៉ុន្តែតើការអភិវឌ្ឍន៍ថ្មីដ៏ល្អបំផុតអ្វីខ្លះនៅកម្ពុជាដែលយើងមើលឃើញថាមានចង្ខុវិស័យពិតប្រាកដ?មជ្ឈមណ្ឌលរាជធានីភ្នំពេញ (PPCC)មជ្ឈមណ្ឌលរាជធានីភ្នំពេញ(PPCC)នឹងក្លាយជាមជ្ឈមណ្ឌលពាណិជ្ជកម្មដំបូងបង្អស់របស់ទីក្រុងនៅពេលដែលតំបន់នេះបានបញ្ចប់ការសាងសង់របស់ខ្លួននៅក្នុងឆ្នាំ២០៣៥។ វាស្ថិតនៅចំកណ្ដាលទីក្រុងភ្នំពេញ ហើយត្រូវបានរំពឹងថានឹងប្រែក្លាយរាជធានីរបស់កម្ពុជាទៅជាទីក្រុងដ៏ធំមួយនាពេលអនាគត។ មជ្ឈមណ្ឌលទីក្រុងភ្នំពេញនឹងបម្រើដល់ជនបរទេស និងប្រជាជនក្នុងស្រុកដែលកំពុងតែស្វែងរកបរិបទនៃការរស់នៅនិងការធ្វើអាជីវកម្មប្រកបដោយភាពប្រឌិតដោយមានរចនា សម្ព័ន្ធស្តង់ដាអន្តរជាតិ។ តំបន់នេះត្រូវបានរំពឹងថានឹងអភិវឌ្ឍន៍ជាគម្រោងលំនៅដ្ឋាជា​​ច្រើនប្រភេទដែលអាចឱ្យមនុស្សរស់នៅបានជាង ៥៦,០០០នាក់ ហើយមានអ្នកមកលេងកំសាន្តមានចំនួនដល់ ១៩០,០០០ជារៀងរាល់ថ្ងៃ។វិនិយោគិនមានគម្រោងអភិវឌ្ឍន៍អចលនទ្រព្យជាច្រើនប្រភេទនៅក្នុងតំបន់នេះដែលពួកគេអាចទិញសម្រាប់បើកជាហាងទំនិញ ទិញសម្រាប់វិនិយោគ ឬសម្រាប់ទុកដាក់ជួលនៅពេល​អនាគត។ ក្នុងចំណោមគម្រោងល្អបំផុតទាំងនោះមានដូចជាគម្រោងខុនដូ One Park  គម្រោងខុនដូ The EDGE និងគម្រោងលំនៅដ្ឋាន Residence 90។គម្រោង One Parkគម្រោងខុនដូ One Park គឺជាគម្រោងអភិវឌ្ឍន៍ចម្រុះដែលមានភាពទាន់សម័យបំផុតក្នុងប្រទេសកម្ពុជា។ គម្រោងបានរចនាឡើងសម្រាប់ដង់ស៊ីតេប្រជាជនបានយ៉ាងត្រឹមត្រូវ និងបានកសាងឡើងទៅតាមស្តង់ដាហេដ្ឋារចនាសម្ព័ន្ធល្អប្រណិត។ គម្រោងមានអគារទល់មុខគ្នាខាងត្បូង-ខាងជើង ដែលត្រូវបានរចនាឡើងឆ្លងកាត់តាមការស្រាវជ្រាវហើយត្រូវបានយកតាមលក្ខណៈធម្មជាតិ ដែលធ្វើឲ្យមានម្លប់ និងមានខ្យល់អាកាសចេញចូលបានយ៉ាងល្អ។គម្រោងខុនដូ One Park មានសោភ័ណភាពបែបអឺរ៉ុប និងមានសេវាកម្មដូចជា៖ អាងហែលទឹក កន្លែងក្មេងលេង និងកន្លែងហាត់ប្រាណជាដើម។ ផ្ទះអាជីវកម្មក្នុងគម្រោងត្រូវបានសាងសង់រួចរាល់ហើយនឹងក៏ត្រូវបានប្រគល់ឱ្យអតិថិជនអាចចូលទៅស្នាក់នៅឬប្រកបរបរអាជីវកម្មផងដែរ។ យូនីតទាំងនេះត្រូវបានលក់អស់ស្ទើតែ១០០%ហើយដែលមានតម្លៃចាប់ពី ១៧០,០០០ដុល្លារក្នុងមួយយូនីត។ស្វែងយល់បន្ថែមអំពីគម្រោង One Park តាមរយៈ Realestate.com.kh!គម្រោងខុនដូ The EDGEគម្រោង The Edge គឺជាគម្រោងអភិវឌ្ឍន៍ដែលមាន៩៣យូនីតមានកម្ពស់ចាប់ពី៤ទៅ៥ជាន់។ អ្វីដែលធ្វើឱ្យគម្រោងកាន់តែមានការចាប់អារម្មណ៏គឺយូនីតប្រភេទការិយាល័របស់វា។  ប្រភេទការិយាល័យ(ROVO)​យូនីតត្រូវបានរចនាឡើងដើម្បីភាព បត់បែនសម្រាប់អាជីវកម្មទៅតាមប្រភេទអាជីវកម្មរបស់អ្នក។ ដែលទាំងនេះរួមមាន៖ ហាងកាហ្វេ ភោជនីដ្ឋាន ការិយាល័យ ធនាគារ សណ្ឋាគារបូទីក ស្ទូដយូ និងបន្ទប់ប្រជុំ។ យូនីតប្រភេទការិយាល័យ ROVO​ មានរចនាបទមានភាពសម័យ ដែលមានរួមបញ្ជូលរចនាបទខ្មែរ ជញ្ជាំងធ្វើពីឥដ្ឋនិងមានក្បាច់ចាប់ជ្រីនៃសំណង់យ៉ាងស្រស់ស្អាតហើយនៅក្នុងយូនីតនីមួយៗមានពន្លឺគ្រប់គ្រាន់ចេញពីចំណាំងផ្ទាំងកញ្ចក់។ស្វែងយល់បន្ថែមអំពីគម្រោង The Edge តាមរយៈ Realestate.com.kh!គម្រោង Residence 90គម្រោងលំនៅដ្ឋាន The Residence 90 គឺជាគម្រោងអភិវឌ្ឍន៍លំនៅដ្ឋានដ៏ល្អមួយដែលព័ទ្ធជុំវិញ ដោយ មជ្ឈមណ្ឌលពាណិជ្ជកម្ម កន្លែងលេងកីឡា និងមានផ្លូវសម្រាប់ធ្វើចរាចរធំទូលាយ។ ហើយក៏មានគម្រោងអភិវឌ្ឍន៍ចម្រុះដ៏ទៃទៀតដែលនឹងមាននៅក្នុងតំបន់នេះនាពេលខាងមុខ និងគម្រោងលំនៅដ្ឋានផ្សេងៗទៀតគម្រោងមួយនេះស្ថិតនៅជាប់មហាវិថីព្រះមុនីវង្ស និងមហាវិថីសហព័ន្ធរុស្សី។គម្រោងលំនៅដ្ឋាន Residence 90 មានវីឡាជាច្រើនដែលក្នុងនោះមានសេវាកម្មដូចជា៖ ក្លឹបហោស ដែលមានអាងហែលទឹក កន្លែហាត់ប្រាណ កន្លែងអាំងសាច់ និងកន្លែងក្មេងលេង។ស្វែងយល់បន្ថែមអំពីគម្រោង The Residence 90 តាមរយៈ Realestate.com.kh!ខេត្តព្រះសីហនុការរីកចម្រើននៃទីក្រុងភ្នំពេញបានទាក់ទាញចំណាប់អារម្មណ៍អ្នកអភិវឌ្ឍន៍ដែលកំពុងស្វែងរកតំបន់ដែលមានសក្ដានុពលផ្សេងទៀតសម្រាប់វិស័យអចលនទ្រព្យ តាមរយៈការស្រាវជ្រាវរបស់ពួកគេបានធ្វើឱ្យពួកគេងាកទៅរកខេត្តព្រះសីហនុបន្តទៀត។ ទោះបីជាខេត្តព្រះសីហនុមិនមែនជាទីផ្សារថ្មីសម្រាប់វិស័យអចលន​ទ្រព្យក៏ដោយ ក៏ប៉ុន្តែបច្ចប្បន្នមានការប្រែប្រួលដូចជាមានការអភិវឌ្ឍន៍ គម្រោងផ្លូវដែក the Royal Railways និង ការចែកចំណាត់ថ្នាក់ខេត្តព្រះសីហនុទៅជាតំបន់សេដ្ឋកិច្ចពិសេសដែលបានផ្ដល់ឱ្យអ្នកអភិវឌ្ឍន៍នូវទំនុកចិត្តកាន់តែខ្លាំងឡើងដើម្បីស្វែង រកឱកាសអភិវឌ្ឍន៍នៅទីនេះ។ក្នុងខេត្តមួយនេះក៏មានការកើនឡើងភ្ញៀវទេសចរណ៍ប្រមាណ១៧%កាលពីឆ្នាំកន្លងទៅ ហើយ មិនមានសញ្ញានៃការធ្លាក់ចុះវិញនោះទេ។ ក្នុងនោះភ្ញៀវទេសចរណ៍សរុបជាង១លាននាក់ បានមកទស្សនាខេត្តមួយនេះក្នុងពាក់កណ្ដាលឆ្នាំ២០១៦។តាមការសន្និដ្ឋានបានបង្ហាញថាខេត្តព្រះសីហនុនឹងមានភាពទាក់ទាញយ៉ាងខ្លាំង ដែលអនុញាតឱ្យជនបរទេសអាចទិញអចលនទ្រព្យដោយស្របច្បាប់ក្នុងតំបន់នោះបាននាពេលឆាប់ៗខាងមុខ។អ្នកអភិវឌ្ឍន៍មួយដែលបានមើលឃើញឱកាសជាច្រើនក្នុងខេត្តព្រះសីហនុមុនគេ តួយ៉ាងគម្រោងខុនដូD’Seaviewជាដើមបានបោះជំហានមកកាន់ខេត្តមួយនេះដើម្បីអភិវឌ្ឍន៍លំនៅដ្ឋាន។គម្រោងខុនដូ D’Seaviewគម្រោងខុនដូ D’Seaview គឺជាគម្រោងអភិវឌ្ឍន៍ចម្រុះដំបូងរបស់ខ្លួននៅកម្ពុជា ដែលមានទីតាំងស្ថិតនៅតាមបណ្ដោយឆ្នេរសមុទ្រដ៏ស្រស់ស្អាតនៃខេត្តព្រះសីហនុដែលជាខេត្តទិសដៅទេសចរណ៍ដ៏សំខាន់របស់ប្រទេសកម្ពុជា និងតំបន់ពាណិជ្ជកម្មដែលរីកចម្រើនបំផុតក្រៅពីទីក្រុងភ្នំពេញ។ គម្រោងព័ទ្ធជុំវិញដោយភោជនីយដ្ឋានខ្មែរ កន្លែងរាំកម្សាន្តផ្សាររាត្រី បារ ហាងលក់អីវ៉ាន់ និងកន្លែងថែរក្សាសម្រស់ជាដើម។ក្រុមអ្នកអភិវឌ្ឍន៍បានផ្ដល់នូវជម្រើសការបង់ប្រាក់ដោយធ្វើការបង់ប្រាក់រំលស់រយៈពេលវែងដែលវិនិយោគិនអាចទិញយូនីតមួយដោយបង់ប្រាក់មុនត្រឹមតែ៣០% និងបង់រំលស់ប្រាក់ដែលនៅសល់៧០%រហូតដល់គម្រោងត្រូវបានបញ្ចប់។  នេះមានន័យ ថាអ្នកទិញអាចចំណេញប្រហែល៥%នៃតម្លៃដែលបានទិញ។ គម្រោងនឹងមានការធានា៣០%នៃការជួលត្រឡប់ក្នុងរយៈពេល៣ឆ្នាំដែលស្មើ១០%ក្នុងមួយឆ្នាំ។ស្វែងយល់បន្ថែមអំពីគម្រោង D’Seaview តាមរយៈRealestate.com.kh!ប្រទេសកម្ពុជានៅតែស្ថិតនៅដំណាក់កាលដំបូងនៃកំណើនក្នុងទីផ្សារអចលនទ្រព្យនៅឡើយ។ ហើយនៅពេលឆ្នាំ២០១៧ចូលមកដល់ទីផ្សារអចលនទ្រព្យក្នុងប្រទេសកម្ពុជាកាន់តែមានភាពទាក់ទាញលើការវិនិយោគកាន់តែខ្លាំង។ នេះបើយោងតាមលោក Simon Griffiths អគ្គនាយកជាន់ខ្ពស់ របស់ក្រុមហ៊ុន CBRE Cambodia។លោកបានពន្យល់ថា “ជាមួយការប្រកួតប្រជែងដ៏ខ្លាំងក្លា អ្នកអភិវឌ្ឍន៍គួរតែផ្ដល់ការធានាលើផលចំណេញឱ្យកាន់តែប្រសើរឡើង និងផ្តោតសំខាន់ដល់ជនបរទេស និងអ្នកទិញក្នុងស្រុក។ នៅក្នុងស្ថានភាពដែលសេដ្ឋកិច្ចមានការរីកចម្រើនត្រូវមានការធានាលើផលចំណេញ៥% ឬច្រើនជាងនេះ ដើម្បីបង្កើននូវតម្លៃអចលនទ្រព្យ ប្រសើរជាងការយកលុយទៅទុកក្នុងធនាគារ។ដូច្នេះប្រសិនបើអ្នកបានស្រាវជ្រាវរួចរាល់ហើយ ហើយអ្នកកំពុងតែស្វែងរកឱកាសវិនិយោគក្នុង ប្រទេសកម្ពុជាសូមស្វែងរកមើលអចលនទ្រព្យដែលបានលើកឡើងខាងលើពីព្រោះតែបច្ចុប្បន្នគឺជាពេលដ៏ល្អសម្រាប់វិនិយោគ។សម្រាប់គម្រោងអភិវឌ្ឍន៍ល្បីៗជាច្រើននៅក្នុងប្រទេសកម្ពុជាសូមចូលទៅកាន់  Realestate.com.kh

សមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា (CVEA) នឹងរៀបចំវេទិកាសាធារណៈមួយស្ដីពី “ភាពស្របច្បាប់ក្នុងការកាន់កាប់អចលនទ្រព្យក្នុងប្រទេសកម្ពុជា” សម្រាប់ឱ្យម្ចាស់ភាគហ៊ុន និងនិយោជិតទាំងអស់ក្នុងវិស័យអចលនទ្រព្យដើម្បីចូលរួមស្វែងយល់ពីប្រធានបទមួយចំនួនលើផ្នែកច្បាប់ស្ដីពីអចលនទ្រព្យក្នុងប្រទេសកម្ពុជា។ វេទិកាសាធារណៈនេះនឹងផ្ដោតសំខាន់ទៅលើទិដ្ឋភាពសំខាន់ៗចំនួន៤ រួមមាន៖ប្រភេទប័ណ្ណសម្គាល់អចលនទ្រព្យក្នុងប្រទេសកម្ពុជាក្រោយឆ្នាំ ១៩៧៩ ដល់ឆ្នាំ ២០១៧របៀបនៃការផ្ទេរសិទ្ធិអចលនទ្រព្យ និងការបង់ពន្ធប្រថាប់ត្រាទាំងប្លង់រឹង និងប្លង់ទន់របៀបនៃការគណនាពន្ធប្រថាប់ត្រាពន្ធអចលនទ្រព្យប្រចាំឆ្នាំ និងពន្ធលើដីមិនទាន់ ប្រើប្រាស់របៀបនៃការរៀបចំកិច្ចសន្យាលក់ ទិញ និងជួលកម្មវិធីនេះនឹងធ្វើឡើងនៅថ្ងៃទី២៦ ខែកុម្ភៈ ឆ្នាំ២០១៧ ចាប់ពី៧ៈ០០ព្រឹកទៅ១២ៈ០០ថ្ងៃត្រង់នៅមជ្ឍមណ្ឌលសហប្រតិបត្តិការកម្ពុជា កូរ៉េ (CKCC) ក្នុងទីក្រុងភ្នំពេញ។វេទិកាសាធារណៈមួយនេះធ្វើឡើងសម្រាប់អ្នកជំនាញក្នុងវិស័យអចលនទ្រព្យ ទាំងសិស្សនិស្សិត និងសាធារណៈជនទាំងអស់ដើម្បីជម្រុញឱ្យមានការចែករំលែកចំណេះដឹង និងសិក្សាបន្ថែមទាក់ទងទៅនឹងច្បាប់ក្នុងកាន់កាប់អចលនទ្រព្យក្នុងប្រទេសកម្ពុជា។អ្នកចូលរួមនឹងត្រូវបង់ប្រាក់ចំនួន៥ដុល្លារសម្រាប់សិស្ស និស្សិត និង១០ដុល្លារសម្រាប់សាធារណៈជនទូទៅ។  ចំណែកឯសមាជិកនៃ សមាគមអ្នកវាយតម្លៃ និងភ្នាក់ងារអចលនទ្រព្យកម្ពុជាអាចបញ្ចូនតំណាងរបស់ខ្លួនបានចំនួន៣នាក់ ចូលរួមក្នុងកម្មវិធីនេះបានដោយមិនគិតថ្លៃ។សម្រាប់ព័ត៌មានបន្ថែម និងការចុះឈ្មោះ សូមទំនាក់ទំនងមកលោក មុត វណ្ណណេតតាមរយៈ៖  ទូរស័ព្ទលេខៈ ០៦៩​ ២១១ ២៦៨/០៦៩ ៥២៧ ៩៤៤Email:   vanneth@cvea.org.khស្វែងរកព័ត៌មានអំពីអចលនទ្រព្យសំខាន់ៗតាមរយៈRealestate.com.kh

ខេត្តកំពតធ្លាប់តែមានសភាពស្ងប់ស្ងាត់ប៉ុន្តែបច្ចុប្បន្នវាបង្ហាញពីសក្ដានុពលរបស់ខ្លួនដល់ទាំងក្រុមហ៊ុនវិនិយោគជាតិ និងអន្តរជាតិដែលទាក់ទាញការវិនិយោគរាប់ពាន់លានដុល្លារនៅទីនោះ។​ ខេត្តកំពតត្រូវបានគេចាត់ទុកថាជាខេត្តមួយក្នុងចំណោមខេត្តដែលជាប់តំបន់សមុទ្រទាំងបួនដែលមានសក្តានុពល។ លោក ពីង សិរី នាយកប្រតិបត្តិរបស់ក្រុមហ៊ុន Cambodia Angkor Real Estate បាននិយាយថាខេត្តកំពតមានសក្ដានុពលយ៉ាងខ្លាំងសម្រាប់ភ្ញៀវទេសចរ និងពាណិជ្ជកម្មពីព្រោះទីតាំង និងបរិយាកាសរបស់វាជាកន្លែងដែលមានលំហូទន្លេប្រសព្វទៅនឹងសមុទ្រ នេះបើធៀបទៅខេត្តដែលជាប់ឆ្នេរសមុទ្រដ៏ទៃទៀត។ លោកបាននិយាយទៀតថាទីផ្សារនៃការពុះចែកដីលក់នៅក្នុងខេត្តក៏មានលក្ខណៈប្រសើរពីព្រោះវាស្ថិតនៅជិតសមុទ្រហើយការលក់គម្រោងកើនឡើងដល់ប្រមាណ៩០%ដែរ។ ក្រុមហ៊ុន Cambodia Angkor Real Estate មានដីឡូត៏ពុះលក់នៅទីនោះដែលទំហំដីគម្រោងសរុបមាន ចំនួន ៤ ហិចតាក្នុងទំហំទឹកប្រាក់វិនិយោគជិត៤លានដុល្លារ។ គម្រោងដីនេះមានទីតាំងស្ថិតនៅឃុំចង់គ្រៀល ស្រុកទឹកឈូ ខេត្តកំពត។ ពួកគេក៏មានដីឡូត៏លក់សម្រាប់សាងសង់វីឡាផងដែរដែលមានតម្លៃ ៥២,០០០ ដុល្លារក្នុងមួយឡូត៏។ ក្នុងតំបន់ដែលមានសក្ដានុពលនេះក្រុមហ៊ុនរបស់លោកបានសហការជាមួយក្រុមហ៊ុនដៃគូមកពីប្រទេសម៉ាឡេស៊ីហើយបានសម្រេចវិនិយោគរួមគ្នាក្នុងទឹកប្រាក់ប្រហែល១លានដុល្លារលើគម្រោងការពុះដីឡូត៏លក់ក្នុងគម្រោងថ្មីនេះក្នុងតម្លៃចន្លោះពី ៣,៨៦១ ដុល្លារឡើងទៅ។ ក្រៅពីគម្រោងខាងលើក្រុមហ៊ុន Pallas Group របស់លោក ឧកញ៉ា ទ្រី ភាព ក៏បានចាប់ផ្ដើមសាងសង់ផែអន្តរជាតិមួយក្នុងខេត្តមួយនេះផងដែរក្នុងការសហការជាមួយអាជ្ញាធរខេត្តកំពតនិងក្រសួងទេសចរ ក្រោមជំនួយពីធនាគារអភិវឌ្ឍន៏អាស៊ីហើយក៏កំពុងតែ សាងសង់ផែទេសចរណ៍មួយក្នុងទឹកប្រាក់ប្រហែល១០លានដុល្លារក្នុងតំបន់នោះផងដែរដែលគម្រោងនោះមានឈ្មោះថា “ត្រើយកោះ” ដែលសាងសង់ឡើងដើម្បី ទាក់ទាញភ្ញៀវទេសចរបរទេសរវាងប្រទេសកម្ពុជា វៀតណាម និងថៃ។ កាលពីខែតុលាកន្លងទៅរដ្ឋាភិបាលបានសម្រេចចិត្តផ្ដល់ភ្លើងខៀវដល់គម្រោងអភិវឌ្ឍន៏មួយដែលមានទំហំទឹកប្រាក់ប្រហែល ២៣,២រយលានដុល្លារលើគម្រោងមួយដែលមានឈ្មោះថា “ French Riviera Marina” ដើម្បីអភិវឌ្ឍន៏ក្នុងខេត្តកំពត និងកែបដើម្បីឱ្យខេត្តពីរនេះក្លាយជាតំបន់ដែលមានសក្ដានុពលសម្រាប់​ទីផ្សារលំនៅដ្ឋាន ផ្សារទំនើប និងគម្រោងអភិវឌ្ឍន៏មជ្ឈមណ្ឌលពាណិជ្ជកម្ម។ លោក ឈាង សុផាន់ណា ប្រធានផ្នែកលក់អន្តរជាតិរបស់ក្រុមហ៊ុន Pallas Group បាននិយាយថ្មីៗនេះថាក្រុមហ៊ុនរបស់លោកមានគម្រោងអភិវឌ្ឍន៏ក្នុងខេត្តកំពត និងកែបដែលរួមមាន លំនៅដ្ឋាន អាជីវកម្ម និងវិស័យទេសចរ និងអគារ រម្មណីយដ្ឋានដូចជា រោងភាពយន្ត កន្លែងជិះសេះនិងមានច្រើនទៀត។ គម្រោងទាំងនេះត្រូវបានរដ្ឋាភិបាលអនុញ្ញាតរួចរាល់ហើយកាលពីថ្ងៃទី ១២ ខែតុលាកន្លងទៅ ហើយការ សាងសង់នឹងចាប់ផ្ដើមនៅខែមិនាខាងមុខនេះ។ លោកបាននិយាថា “មានគម្រោងថ្មីជាច្រើនទៀតដែលមិនធ្លាប់មានក្នុងប្រទេសកម្ពុជាគម្រោងទាំងនោះមានស្តង់ដាអន្តរជាតិ ហើយស្វាគមន៏ដល់អតិថិជនទាំងអស់ពីជុំវិញពិភពលោក។” បើយោងតាមឯកសារបស់ក្រុមហ៊ុន Pallas Group ដែលជាក្រុមហ៊ុនវិនិយោគអចលនទ្រព្យអន្តរជាតិមួយនោះក្រុមហ៊ុនបានវិនិយោគក្នុងទំហំដីប្រមាណ ៤,១៥៨ ហិចតាក្នុងខេត្តកំពត និង១៤៤ហិចតាក្នុងខេត្តកែប។ ខេត្តកំពតមានទីតាំងស្ថិតនៅចម្ងាយប្រមាណ ១៤៨គីឡូម៉ែត្រ ហើយកែប ប្រហែល១៧០គីឡូម៉ែត្រពីទីក្រុង ភ្នំពេញ។ ខេត្តកំពតមានស្រុកចំនួន ៧ ក្រុង១ដែលស្រុកទាំនោះមានដូចជា៖ ស្រុកកំពត ស្រុកទឹកឈូ ស្រុកជុំគីរី ស្រុកកំពង់ត្រាច ស្រុកអង្គរជ័យ ស្រុកអង្គរមាស និងក្រុងកំពតដែលប្រជាជននសរុបក្នុងខេត្តប្រមាណ៦០០,០០០នាក់។ ប្រជាជនសរុបក្នុងក្រុងប្រហែល៧០,០០០នាក់។ លោកស្រី Siriluck Choochart អគ្គនាយកក្រុមហ៊ុន Pallas Group បាននិយាយថាគម្រោង “French Riviera Marina” ក្នុងខេត្តកំពត និងខេត្តកែបនឹងក្លាយជាទិសដៅសម្រាប់ការរស់នៅអន្តរជាតិការធ្វើអាជីវកម្ម ទេសចរ និងផលិតកម្មភាពយន្ត។ ក្រុមហ៊ុន Pallas Group នឹងបង្កើតការងារប្រហែល ៥០,០០០កន្លែងអំឡុងពេលនៃការសាងសង់ ការអភិវឌ្ឍន៏ និងការងាររាប់ពាន់ទៀតបន្ទាប់ពីគម្រោងត្រូបានសាងសង់រួច។ អ្នកស្រីបានបន្ថែមថា “គម្រោងនឹងសាងសង់ឡើងដោយភ្ជាប់ជាមួយបរិកាសដ៏ស្រស់ស្អាតដោយប្រើប្រាស់ឧបករណ៏សំណង់ដែលមានគុណភាពខ្ពស់ហើយវានឹងក្លាយជាគម្រោងសំណង់ដ៏ធំ និងប្រណិតបំផុតក្នុងខេត្តទាំងនេះ។” លោក ចាន់ ចេស្ដា អភិបាលខេត្តកំពត បានមានប្រសាសន៍តាមទូរស័ព្ទថា គម្រោងវិនិយោគដ៏ធំរបស់ក្រុមហ៊ុន Pallas Group មិនទាន់បានចាប់ផ្ដើមសាងសង់នៅឡើយទេ ហើយគម្រោងកំពុងតែស្ថិតក្នុងការសិក្សា។ បន្ទាប់ពីគម្រោងនេះត្រូវបានអនុម័តដោយក្រុមប្រឹក្សាអភិវឌ្ឍន៏កម្ពុជា លោកបាននិយាយទៀតថាគម្រោងស្ថិតនៅក្នុងឃុំជុំគ្រៀល និងឃុំត្រពាំងអូសង្កែ ស្រុកទឹកឈូ។ វាមានចម្ងាយប្រហែលជា ១០គីឡូម៉ែត្រពីក្រុងកំពតហើយក៏ជាប់ក្នុងទឹកដីខេត្តកែបផងដែរ។ គម្រោងនេះស្ថិតនៅតាមបណ្ដោយមាត់សមុទ្រពីខេត្តកំពតទៅខេត្តកែប ទស្សននៃការអភិវឌ្ឍន៍មិនបានចាក់លុបដីលើផ្ទៃសមុទ្រនោះទេ ក៏ប៉ុន្តែក្រុមហ៊ុនយកខ្សាច់មកពីសមុទ្រដើម្បីបង្កើតកោះសិប្បនិម្មិតដែលអាចមើលឃើញទាំងការអភិវឌ្ឍន៍ និងការអភិរក្សនេះបើយោងតាមប្រសាសន៏របស់លោក ចាន់ ចេស្ដា។ លោកបានបន្ថែមថា “ប្រសិនបើគម្រោងធ្វើទៅតាមផែនការវានឹងទាក់ទាញភ្ញៀវទេសចរកាន់តែច្រើនឡើងមកទស្សនាក្នុងខេត្តមួយនេះ។ ហើយខ្ញុំសូមអំពាវនាវដល់ក្រុមហ៊ុន​ឯកជនទាំងអស់ឱ្យមកវិនិយោគលើសណ្ឋាគារ និងផ្ទះសំណាក់ក្នុងខេត្ត។ លោកបានបន្ថែមថា “អ្វីដែលអាជ្ញាធរខេត្តខិតខំប្រឹងប្រែងនោះគឺ ព្យាយាមអភិវឌ្ឍន៏នូវធនធានដ៏អស្ចារ្យក្នុងខេត្តមួយនេះ។” អាជ្ញាធរខេត្តក៏មានផែនការអភិវឌ្ឍន៏ដោយធ្វើការជាមួយក្រសួងទេសចរលើទំហំដីចំនួន២០០ហិចតា ដើម្បីសាងសង់តំបន់ទេសចរថ្មីផងដែរដែលគម្រោងនោះមានឈ្មោះថា“កំពតថ្មី”។ គម្រោងបាន ទៅដល់គណៈកម្មកាឆ្នេរសមុទ្រហើយក៏ប៉ុន្តែគម្រោងនេះនឹងត្រូវសិក្សាបន្ថែមជាមួយគម្រោងអភិវឌ្ឍន៏ដ៏ទៃទៀតដើម្បីឱ្យដឹងថាតើពួកគេអាចធ្វើការួមគ្នាបានដែរឬទេ នេះបើយោងតាមប្រសាសន៏របស់លោក ចេស្ដា។ អត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែមករា ឆ្នំា ២០១៧ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។ Realestate.com.kh មានកិត្តិយសធ្វើជាដៃគូផ្សព្វផ្សាយជាមួយទស្សនាវដ្តីអចលនទ្រព្យ Property View ដែលជាទស្សនាវដ្តីបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជាសូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សនាវដ្តី Property View សូមធ្វើការទាក់ទងទៅកាន់លោក វីរិទ្ធតាមរយៈអ៊ីម៉េល virith007@yahoo.com ឬទូរស័ព្ទលេខ 078 959 567  - 098 66 26 68 ស្វែងរកអចលនទ្រព្យសម្រាប់លក់នៅខេត្តកំពតនៅថ្ងៃនេះ! 

យើងសង្កេតឃើញថាបរិបទរស់នៅរបស់ប្រជាជនក្នុងតំបន់កាន់តែទាមទារនូវភាពទាន់សម័យជាក់ស្តែងគម្រោងអភិវឌ្ឍន៍ដូចជា៖ ខុនដូ គម្រោង​បុរីនៅក្នុងប្រទេសកម្ពុជាពិត​ជាមាន​សន្ទុះ​អភិវឌ្ឍន៍​គួរឲ្យកត់សម្គាល់ជាពិសេស​នៅក្នុងក្រុងភ្នំពេញ។ វាពិតណាស់យើងត្រូវមានការប្រុងប្រយ័ត្នបំផុតនៅពេលជ្រើសរើសទិញគម្រោងណាមួយយើងត្រូវប្រាកដថាគម្រោងដែលយើងមានបំណងទិញត្រូវតែមានភាពស្របច្បាប់ដែលទទួលអាជ្ញាប័ណ្ឌត្រឹមត្រូវពីក្រសួងដែលជាប់ពាក់ព័ន្ធ។ ​ជាក់ស្តែងមានគម្រោងបុរីមួយចំនួន​ត្រូវបានប្រកាសថាមិន​មានភាពស្រប​ច្បាប់នោះឡើងហើយអ្នកទិញទំាងអស់ត្រូវមានការប្រុងប្រយ័ត្ន  ការប្រកាសនេះត្រូវបានធ្វើ​ឡើងដោយក្រសួងសេដ្ឋកិច្ច។ ដោយឡែកគម្រោងមួយចំនួនមានភាពពេញនិយម និងផ្តល់ជូនទំនុកចិត្តដល់សាធារណជនយ៉ាងខ្លំាងស្របតាមបទពិសោធន៍ គុណភាពសាងសង់ទីតំាង និងឱកាសវិនិយោគបានធ្វើឲ្យគម្រោងបុរីទំាងនោះនៅតែជាគម្រោងដ៏ពេញនិយមដដែល។ គម្រោងបុរីល្អៗបំផុតទំាង ១០ ដែលមានតម្លៃចាប់ពី ៣០,០០០ ដុល្លារ​ ខាងក្រោមនេះ Realestate.​com.khបានបង្ហាញ៖១. បុរី ប៉េងហួត ជាបុរីដែលមានកេរ្តិ៍ឈ្មោះល្បីល្បាញយូរណាស់មកហើយមានទីតាំងស្ថិតនៅតំបន់អភិវឌ្ឍន៍ដូចជា៖ ប៉េងហួតឧកញ្ញាម៉ុង ឬទ្ធី ប៉េងហួត ផ្សារ PC ប៉េងហួតស្ទឹងមានជ័យ និងប៉េងហួតផ្លូវជាតិ6អា។ គម្រោងបុរី ប៉េង ហួតមានតម្លៃចាប់ពី ៦០,០០០ ដុល្លារឡើងទៅអាស្រ័យទៅតាមប្រភេទលំនៅដ្ឋាន បុរីប៉េងហ៊ួតបានឈ្នះពានរង្វាន់ការអភិវឌ្ឍន៍លំនៅដ្ឋានល្អជាងគេក្នុងកម្មវិធីពានរង្វាន់អចលនទ្រព្យកម្ពុជា២០១៦។ អស់រយៈពេល ១០ ឆ្នាំកន្លងមកទៅលើគុណភាពសំណង់ និងការរចនាម៉ូតគេហដ្ឋានទាន់សម័យជាមួយបទពិសោធន៍យូរឆ្នាំមកហើយបានចូលរួមចំណែកក្នុងការអភិវឌ្ឍន៍សំណង់អគារលំនៅដ្ឋានទទួលបានទំនុកចិត្តពីអតិថិជន។ ដូចរៀបរាប់ខាងលើក្រុមហ៊ុនបុរីប៉េង ហ៊ួត បានសម្រេចគម្រោងជាច្រើនហើយពេលថ្មីៗនេះក៏មានគម្រោងដូចជាគម្រោង The Star Premier ស្ថិតតាមបណ្តោយផ្លូវជា សុផារ៉ា និងគម្រោង The Star Premier ស្ថិតតាមបណ្តោយផ្លូវ ៦ អា។ លោកអ្នកអាចធ្វើការទំនាក់ទំនងដើម្បីសាកសួរព័ត៌មានបន្ថែមដើម្បីទទួលបានផ្ទះក្នុងក្តីស្រមៃមានការផ្តល់ជូនប្រភេទផ្ទះផ្សេងៗគ្នាតាមតម្រូវការនិងទំហំដែលលោកអ្នកពេញចិត្ត។២. បុរី មេគង្គរ៉ូយ៉ាល់គម្រោងបុរីឌឹមេគង្គរ៉ូយ៉ាល់ជាគម្រោងស្ថិតនៅក្រោមការអភិវឌ្ឍន៍មេគង្គភ្នំពេញឌីវើឡុបមេនខូភើរេ សិនគីជាក្រុមហ៊ុនវិនិយោគលើអចលនទ្រព្យក្នុងស្រុកមួយ។ គម្រោងបុរីនេះមានទីតាំងស្ថិតនៅតាមបណ្តោយផ្លូវជាតិ៦អានៅជិតសាលាកសិកម្មព្រែកលាភ។  ជាគ​ម្រោងបុរីដែលមានទីតំាងស្ថិតនៅតាមបណ្តោយផ្លូវជាតិលេខ​6អាមានប្រភេទលំនៅដ្ឋានដូចជា៖ ផ្ទះល្វែង វីឡាទោលវីឡាកូនកាត់ និងផ្ទះអាជីវកម្មហើយតម្លៃលក់ចាប់ពី ១០០,០០០ ដុល្លារ។ គម្រោងបុរីនេះវាសាកសមបំផុតសម្រាប់ប្រជាជនខ្មែរវាជាបរិបទរស់នៅប្រកបដោយសុវត្ថិភាព និងស្តង់ដាររស់នៅបែបទាន់សម័យ ដូច្នេះហើយបានជាក្រុមហ៊ុនយើងបានសម្រេចចិត្តអភិវឌ្ឍន៍លំនៅដ្ឋានប្រភេទបុរី។ គម្រោងបុរីនេះពិតជាពិសេសវាមានទីតាំងរស់នៅដ៏មានភាពប្រសើរនៅតាមបណ្តោយផ្លូវជាតិ៦អាដែលទក្រុងរណបថ្មី និងជាផ្លូវជាតិសម្រាប់ឆ្លងកាត់ទៅខេត្តធំៗមួយចំនួនដូចជា៖ ខេត្តកំពង់ចាម ខេត្តកំពង់ធំ និងខេត្តសៀមរាបជាដើមអមដោយទេសភាពមាត់ទន្លេដ៏ស្រស់ស្អាតរស់នៅប្រកបដោយសុភមង្គល និងឱកាស វិនិយោគដ៏ធំសម្បើមជាមួយនឹងបុរីឌឺមេគង្គរ៉ូយ៉ាល់។៣. បុរី ពិភពថ្មី ជាក្រុមហ៊ុនដែលមានបទពិសោធន៍ក្នុងការអភិវឌ្ឍន៍លំនៅដ្ឋានប្រមាណ១០ឆ្នាំមកហើយ ក្នុងការសាងសង់លំនៅដ្ឋានប្រមាណ ១០,០០០ យូនីត។  ក្រុមហ៊ុ​ននេះបានផ្តល់ទំនុកចិត្ត និងគុណភាពសម្រាប់អ្នកទិញយ៉ាងពិតប្រាកដ។ គម្រោងបុរីពិភពថ្មីមានទីតាំងដូចជា៖ បឹងឈូក ផ្សារប៉េ សេ កាំប៊ូល ចំការដូង ហើយថ្មីៗនេះក៏មានគម្រោងសាងសង់ដ៏មានសក្តានុពលសម្រាប់ការរស់នៅ និងអភិវឌ្ឍន៍ដែលមានទីតាំងស្ថិតនៅផ្លូវ ជា សុផារ៉ា និងក្រុងតាខ្មៅ។ គម្រោងលំនៅដ្ឋានរបស់បុរីពិភពថ្មីពិតជាសាកសមអ្នកដែលមានជីវភាពមធ្យមតម្លៃលក់ចាប់ពី ៦០,០០០ ដុល្លារ។៤. បុរី ភ្នំពេញថ្មី មានគម្រោងជាច្រើនដែលមានទីតាំងជាច្រើននៅក្នុងក្រុងភ្នំពេញជាពិសេសនៅក្នុងតំបន់អភិវឌ្ឍន៍បុរីភ្នំពេញមានគម្រោងសរុបចំនួន៨។ នៅពេលថ្មីៗនេះដែលមានទីតាំងនៅតាមបណ្តោយផ្លូវជា សុផារ៉ា ហើយមានប្រភេទវីឡា ផ្ទះល្វែងដែលមានទំហំ និងប្រភេទផ្ទះច្រើនប្រភេទ។ តម្លៃលក់ចាប់ពី១០០,០០០ដុល្លារទៅ ៥០០,០០០ ដុល្លារគម្រោងចុងក្រោយនេះអភិវឌ្ឍន៍លើផ្ទៃដីប្រមាណ៦ហិកតាចំណែកឯការបញ្ជាទិញនិងកក់បានធ្វើឡើងបណ្តើរៗហើយ។៥. បុរី មហាសែនសុខ ជាគម្រោងលំនៅដ្ឋានស្ថិតនៅក្រោមការអភិវឌ្ឍន៍របស់ក្រុមហ៊ុនជប៉ុនដែលជាក្រុមហ៊ុនអភិវឌ្ឍន៍ជប៉ុន Creed Group។ មានលំនៅដ្ឋានប្រមាណ៦៨៣ខ្នងដែលសាងសង់លើផ្ទៃដី១១៤,០០៥ម៉ែត្រការ៉េ។ គម្រោងលំនៅដ្ឋានដែលផ្តល់ជូននៅស្តង់ដាររស់នៅយ៉ាងល្អប្រសើរផ្តល់ជូននូវប្រភេទលំនៅដ្ឋានជាច្រើនប្រភេទដូចជា៖ ផ្ទះល្វែង វីឡាទោល វីឡាឃីង វីឡាឃ្វីន និងផ្ទះល្វែងអាជីវកម្ម លើសពីនេះមានសួនកំសាន្ត អាងហាងទឹក ក្លឹបហាត់ប្រាណជាដើម។ រស់នៅជាមួយជីវិតដ៏ ស្រស់បំព្រងក្នុងគម្រោងបុរីដែលអភិវឌ្ឍន៍ដោយក្រុមហ៊ុន ជប៉ុនដែលមានតម្លៃលក់ចាប់ពី ៤០,០០០ដុល្លារ។៦. បុរី អង្គរភ្នំពេញបានសាងសង់លំនៅដ្ឋានស្នាក់នៅសម្រាប់ប្រជាជនលក្ខណៈបុរីដែលផ្តល់ជូននូវស្តង់ដាររស់នៅខ្ពស់។ រាល់ការសាងសង់គម្រោងនីមួយៗធ្វើឡើងប្រកបដោយគុណភាព សោភ័ណ្ឌភាពហើយប្រភេទលំនៅដ្ឋានមានដូចជា៖ ផ្ទះល្វែង វីឡាកូនកាត់ វីឡាភ្លោះ និងផ្ទះវីឡាជាច្រើនប្រភេទទៀត។ រាល់គម្រោងលំនៅដ្ឋានដែលសាងសង់ដោយក្រុមហ៊ុនបុរីអង្គរភ្នំពេញបានបញ្ចប់តែងតែទទួលបានការ គាំទ្រពីអ្នកទិញ។ លោកអ្នកអាចស្វែងរកទិញ និងសាកសួរព័ត៌មានបន្ថែមនៅថ្ងៃនេះអំពីគម្រោងបុរីអង្គរភ្នំពេញIគម្រោងបុរីអង្គរភ្នំពេញ II និងគម្រោងបុរីអង្គរភ្នំពេញIII ដែលតម្លៃលក់លំនៅដ្ឋានចាប់ពី ១០០,០០០ ដុល្លារ។៧. បុរី ហាយទិក ជាគម្រោងបុរីដ៏មានប្រជាប្រិយភាពមួយដែរក្នុងចំណោមគម្រោងបុរីធំៗនៅក្នុងក្រុងភ្នំពេញ។ មានទីតាំងស្ថិតនៅតាមបណ្តាយផ្លូវជាតិលេខមួយចំងាយ ៨០០ ម៉ែត្រពីស្ពានព្រះមន្នីវង្ស ភូមបឹងឈូក សង្កាត់និរោធ ខណ្ឌមានជ័យ រាជធានីភ្នំពេញ។ លំនៅដ្ឋានទាំងឡាយត្រូវបានស្ថាបនាឡើងដោយគុណភាព និងបានត្រួតពិនិត្យយ៉ាងល្អឥតខ្ចោះ ទាំងវីឡាទោលនិងវីឡាភ្លោះដែលមានតម្លៃលក់ប្រមាណ ៣០០,០០០ដុល្លារ . . .។៩. បុរី អរគីដេវីឡា ជាលំនៅដ្ឋានប្រកបដោយស្តង់ដារខ្ពស់លំនៅដ្ឋានឯកជនប្រណិតរបស់គម្រោងបុរីអរគីដេវីឡា។ មានទីតាំងស្ថិតនៅសែនសុខទឹកថ្លានិងគម្រោងថ្មីស្ថិតនៅតាមបណ្តោយផ្លូវជាតិលេខ៦អា។ លំនៅដ្ឋានលក់ក្នុងតម្លៃចាប់ពី ១៥០,០០០ដុល្លារឡើងទៅ រស់នៅក្នុងលំនៅដ្ឋានដែលប្រកបដោយភាពសុខសាន្តលើសពីការស្នាក់នៅគម្រោងនេះក៏បានផ្តល់ជូនជីវិតរស់នៅយា៉ងសំបូរបែបមានដូចជា៖ អាងហែលទឹក សួនកំសាន្ត កន្លែងក្មេងលេង ក្លឹបកីឡាជាដើម។៩. បុរី ហ្រ្គេនភ្នំពេញ បានចេញគម្រោងក្នុងការសាងសង់លំនៅដ្ឋានដែលស្ថិតនៅទីក្រុងរណបទៅកាន់ ក្រុងភ្នំពេញគម្រោងនេះវាពិតជាទីតាំងដែលសម្រាប់ធ្វើការពង្រីកការរស់នៅថ្មីរបស់ប្រជាជនពិតប្រាកដតួយ៉ាជាទីក្រុងអភិវឌ្ឍន៍ថ្មីមួយផងដែរ។ គម្រោងហ្គ្រេនភ្នំពេញផ្តល់ជូនលំនៅដ្ឋានឯកជនច្រើនប្រភេទផ្សេងៗគ្នាដូចជាវីឡា និងផ្ទះល្វែងជាដើមមានទំហំខុសៗគ្នាផងដែរ។ ដែលមានតម្លៃចាប់ពី ១០០,០០០ ដុល្លារទៅ ២០០,០០០ ដុល្លាឡើងទៅរស់នៅប្រកបដោយភាពទាន់សម័យ និងសុវត្ថិភាពជាមួយនឹងលំនៅដ្ឋានដែលធ្វើឲ្យគ្រួសាររបស់លោកអ្នកមានភាពកក់ក្តៅ។10. បុរី លឹម ឈាងហាក់ ជាក្រុមហ៊ុនសាងសង់គម្រោងលំនៅដ្ឋានដែលបានបង្កើតនៅឆ្នាំ ១៩៩០ យើងគឹជាអ្នកនាំមុខក្នុងការសាងសង់ផ្ទះល្វែងប្រកបដោយភាពទាក់ទាញនិងគួរអោយចង់រស់នៅសម្រាប់គ្រប់ក្រុមគ្រួសារក្នុង​ភ្នំពេញដោយគិតទៅលើតម្រូវការនៃអតិថិជន។ យើងកំពុងតែបន្តការលូតលាស់និងទទួលបាននូវកិតិ្តសព្ទជាអ្នកដឹកនាំនៅក្នងសហគ្រាសសាងសង់នៅក្នុងទីក្រុងភ្នំពេញកម្ពុជា។ មានគម្រោងជាច្រើនដែលបានសាងសង់រួច និងកំពុងសាងសង់គម្រោងទាំងនោះមានទីតាំងស្ថិតនៅចោមចៅ ចំការដូង ស្ទឹងមានជ័យ វាលស្បូវ ភ្នំពេញថ្មីជាដើម ហើយមានប្រភេទផ្ទះវីឡា ផ្ទះល្វែង ផ្ទះល្វែងអាជីវក​ម្មដែលមានតម្លៃលក់ប្រមាណ ៦០,០០០ដុល្លារ។គម្រោងបុរីក្នុងក្រុងភ្នំពេញពិតជាឃើញថាមានការកើនឡើងគួរឲ្យកត់សម្គាល់ដែលធ្វើឲ្យមានការប្រកួតប្រជែងយ៉ាខ្លាំងក្នុងទីផ្សារដូចនេះទាំងគុណភាព និងស្តង់ដារការសាងសង់កាន់តែមានភាពប្រសើរឡើង។ ចំណែកឯការផ្តល់ជូនពិសេសក៏មានភាពសម្បូរបែបដែលផ្តល់ភាពទាក់ទាញយ៉ាងខ្លាំងសម្រាប់អតិថិជន៕ស្វែងយល់បន្ថែមគម្រោងបុរីជាច្រើនតាមរយៈ Realestate.com.kh

ការវិនិយោគលើខុនដូ៖ ក្នុងរយៈពេលប៉ុន្មានឆ្នាំចុងក្រោយ អ្នកអភិឌ្ឍន៍បានចាប់ផ្តើមផ្លាស់ប្តូរនូវទិសដៅវិនិយោគរបស់ខ្លួនទៅរកការ​វិនិយោគជាប្រភេទលំនៅដ្ឋានខុនដូដើម្បីបំពេញទៅតាមតម្រូវការរបស់មនុស្យសម័យថ្មី។ខុនដូគឺជាប្រភេទលំនៅដ្ឋានបែបទំនើបនិងមានលក្ខណៈប្រណិត។ ខុនដូមានលក្ខណៈពិសេសខុសពីប្រភេទ លំនៅដ្ឋានផ្សេងទៀតនៅក្នុងទីក្រុងភ្នំពេញ។​ ខុនដូបានផ្តល់ផលចំណេញច្រើនសម្រាប់អ្នកធ្វើការងារនៅក្នុងក្រុងដោយផ្តល់ជូនភាពងាយស្រួលក្នុងការធ្វើដំណើរដោយសារតែចរាចរណ៍កាន់តែមានការលំបាកខ្លាំងឡើង។ ជាងនេះទៅទៀតខុនដូជាជម្រើសល្អឥតខ្ចោះសម្រាប់អ្នកដែលចង់រស់នៅក្នុងបណ្តុំនៃមជ្ឈមណ្ឌលពាណិជ្ជកម្មនៃទីក្រុងរួមមាន៖ សាលារៀន អគារពាណិជ្ជកម្ម និងសេវាកម្មល្អៗជាច្រើនទៀតដែលធ្វើឲ្យជីវិតរស់នៅរបស់អ្នកកាន់តែមានភាពទាន់សម័យ។ ការវិនិយោគលើអចលនទ្រព្យប្រកបដោយភាពជោគជ័យ គឺជាជំហានដ៏ធំមួយដែលវិនិយោគិនត្រូវពិចារ ណាឲ្យបានច្បាស់លាស់ និងសម្រេចចិត្តវិនិយោគឲ្យបានត្រឹមត្រូវដើម្បីការពារការខាតបង់ការចំណាយលើសកំណត់ ឫក៏ចំណាយពេលឥតប្រយោជន៍លើបញ្ហាដែលមិនចង់បាន។ ប្រសិនបើកំពុងពិចារណាលើការវិនិយោគខុនដូនៅភ្នំពេញអ្នកត្រូវពិចារណាលើចំណុចមួយចំនួន។ ទោះបីជាការវិនិយោគក្នុងវិស័យ អចលនទ្រព្យជាប្រធានបទដ៏ធំមួយក៏ដោយ អត្ថបទខាងក្រោមនេះជាព័ត៌មានប្រយោជន៍មួយចំនួនដែលយើងចង់ឲ្យវិនិយោគិនពិ​ចារណា។ តើតំបន់ណាខ្លះដែលមានសក្តានុពលសម្រាប់វិនិយោគខុនដូនៅភ្នំពេញ?នៅពេលដែលនិយាយតំបន់ដែលមានសក្តានុពលសម្រាប់ខុនដូ សម្រាប់បច្ចុប្បន្នគេមិនអាចមើល រំលងពីខណ្ឌចំការមន ដែលមានសង្កាត់បឹងកេងកង១ បឹងកេងកង២ បឹងកេងកង៣ និងទួលទំពូង។ ជាក់ស្តែងក្នុងតំបន់បឹងកេងកង១មានគម្រោងខុនដូ ដូចជា៖ ខុនដូ Imperial Crown, គម្រោងខុនដូ 88 Suite។ នៅក្នុងខណ្ឌចំការមនមានគម្រោងខុនដូផ្សេងទៀតដូចជាខុនដូ East View  គម្រោងខុនដូ  East commercial Centre គម្រោងខុនដូ​ The Penthouse Residence គម្រោងខុនដូ The Bridge គម្រោខុនដូ Habitat និងផ្សេងៗ ទៀត។ស្វែងយល់អំពីបឹងកេងកង១! តើទួលគោលជាតំបន់មានសក្តានុពលសម្រាប់វិនិយោគខុនដូដែរឫទេ? ​ហើយចំណែកខណ្ឌដទៃទៀតមាន លក្ខណៈដូចម៉េចដែរ? បច្ចុប្បន្នទួលគោកបានក្លាយជាគោលដៅអភិវឌ្ឍន៍វិស័យលំនៅដ្ឋាន និងពាណិជ្ជកម្មរបស់ទីក្រុងបើទោះបីជា តំបន់នេះមិនទាន់មានលក្ខណៈដូចនៅខណ្ឌចំការមនក៏ដោយ។ ប៉ុន្តែអ្នកអភិវឌ្ឍន៍រំពឹងថាថ្ងៃអនាគតដ៏ខ្លីខាង មុខទួលគោកក៏នឹងក្លាយជាតំបន់ដ៏មានសក្តានុពលមួយសម្រាប់ការអភិវឌ្ឍន៍វិស័យលំនៅដ្ឋានជាពិសេសខុនដូ។គេឃើញមានគម្រោងខុនដូធំៗមួយចំនួនបានចាប់ដំណើរការ ហើយនឹងបញ្ចប់ការសាងសង់នៅពេលខាងមុខ នៅតំបន់នេះរួមមាន៖ គម្រោងខុនដូ TK Royal One ដែលស្ថិតនៅទល់មុខសាកលវិទ្យាល័យភូមិន្ទភ្នំពេញ គម្រោងខុនដូ Apennines នៅបឹងកក់ទី២  គម្រោង The Gateway ដែលស្ថិតនៅជាប់ជាមួយនឹងគម្រោង Parkson Mall ស្ថិតនៅតាមមហាវិថីសហព័ន្ធរុស្ស៊ី។ ស្វែងយល់ពីតំបន់ទួលគោក!តើអតិជនបែបណាដែលចង់រស់នៅខុនដូ?ការរស់នៅក្នុងខុនដូ គឺជាជីវិតរស់នៅបែបទំនើបផ្តោតសំខាន់លើភាពឯកជន ភាពងាយស្រួល ផាសុកភាព និងសុវត្ថិភាព។ ខុនដូភាគច្រើនត្រូវបានកាន់កាប់ដោយជនបរទេសខណៈពេលដែលជនជាតិខ្មែរចូលចិត្តរស់នៅបែបប្រពៃណី ហើយចូលចិត្តរស់នៅជាមួយក្រុមគ្រួសារមានសមាជិកច្រើននៅក្នុងផ្ទះជាប់ដីដែលងាយស្រួលក្នុងការធ្វើអាជីវកម្មជាដើម។ ទោះជាយ៉ាងណាអ្នកអភិវឌ្ឍន៍ជាច្រើនជាមានការរំពឹងទុកថាក្នុងរយៈពេល១០ឆ្នាំទៅមុខទៀតជនជាតិខ្មែរនិងផ្លាស់ប្តូរនិន្នាការនេះ ហើយនឹងចាប់ផ្តើមផ្លាស់ប្តូរពីការរស់នៅ ក្នុងផ្ទះបុរី ឫផ្ទះល្វែង ទៅកាន់ខុនដូវិញ។  អានអត្ថបទបន្ថែមនៅទីនេះ! តើតំបន់ណាខ្លះដែលជនបរទេសចូលចិត្តរស់នៅ? ខណ្ឌចំកាមន៖ សង្កាត់ពេញនិយមបំផុតចំនួន៤ដូចជា៖ សង្កាត់បឹងកេងកង១ បឹងកេងកង២ បឹងកេងកង៣និងសង្កាត់ ទួលទំពូង។ សង្កាត់ទាំងនេះមានការពេញនិយមដោយសារតែ នៅតំបន់ទាំងនេះនៅចំកណ្តាលរាជធានីភ្នំពេញនិងមានបណ្តុំនៃអាជីវកម្មគ្រប់ប្រភេទដូចជា៖ ហាងកាហ្វេ ហាងស្រា បារ ខារ៉ាអូខេ ក្លឹបកំសាន្ត ស្ទីម សូណា កន្លែងហាត់ប្រាណ ភោជនីដ្ឋាន និងសេវាកម្មចម្រុះសព្វបែបយ៉ាងមានទាំងអស់នៅក្នុងតំបន់ទាំងនេះ។  ខណ្ឌដូនពេញ៖ខណ្ឌដូនពេញគឺជាតំបន់មួយទៀត ដែលមានការពេញនិយមសម្រាប់ការរស់នៅរបស់ជនបរទេសនៅក្នុង ភ្នំពេញ។  តំបន់នេះក៏មានកន្លែងកំសាន្តមួយចំនួនផងដែរជាពិសេសតំបន់ទេសចរណ៍ មាត់ទន្លេដ៏ស្រស់ស្អាត និងព្រះបរមរាជវាំង។ មានសង្កាត់ចំនួនដែលមានជនបរទេសចូលចិត្តរស់នៅច្រើនដូចជា៖ សង្កាត់ផ្សារ កណ្តាល១ ផ្សារកណ្តាល២ ផ្សារចាស់ និងសង្កាត់ជ័យជំនះ។សិក្សាពីតំបន់ដូនពេញនៅទីនេះ! តើអ្នកត្រូវស្វែងរកក្រុមហ៊ុនគ្រប់គ្រងអចលនទ្រព្យដែលមានវិជ្ជាជីវៈត្រឹមត្រូវសម្រាប់ការវិនិយោគខុនដូ របស់អ្នកដែរឬទេ? ក្រុមហ៊ុនសេវាកម្មគ្រប់គ្រងអចលនទ្រព្យគឺជាក្រុមហ៊ុនដែលទទួលខុសត្រូវលើប្រតិបត្តិការការថែទាំ ការគ្រប់គ្រងទូទៅលើអចលនទ្រព្យ។ ការគ្រប់គ្រងនេះត្រូវធ្វើឡើងលើផ្នែកទូទៅទាំងអស់លើអចលនទ្រព្យជំនួស ឲ្យម្ចាស់អចលនទ្រព្យ។ នៅពេលសម្រេចចិត្តវិនិយោគលើខុនដូត្រូវប្រាកដថាអ្នកបានធ្វើការសិក្សាពីក្រុមហ៊ុន គ្រប់គ្រងអចលនទ្រព្យឲ្យទទួលខុសត្រូវលើ គម្រោងអភិវឌ្ឍន៍របស់អ្នក។ សូមចាំថាក្រុមហ៊ុននឹងយកចិត្តមើលការខុសត្រូវនិងគ្រប់គ្រងលើ​តំបន់ទូទៅហើយសេវាកម្មនេះត្រូវធ្វើឡើងសម្រាប់សេវាកម្មខុនដូ ដូច្នេះជាការចាំបាច់អ្នកត្រូវស្វែងរកក្រុមហ៊ុនមួយដែលមានសមត្ថភាពនិងបទពិសោធន៍ច្បាស់លាស់។​ សិក្សាបន្ថែមពីភាពខ្វះខាតគុណភាពនៃការគ្រប់គ្រងអចលនទ្រព្យអាចធ្វើឱ្យវិនិយោគិនបាត់បង់ទំនុកចិត្តក្នុងទីផ្សារអភិវឌ្ឍន៏គម្រោងថ្មី!តើអ្នកជាជនបរទេសដែលចង់វិនិយោគលើខុនដូដែរឬទេ? នេះជាកម្មសិទ្ធិកាន់កាន់លើអចលនទ្រព្យ នៅកម្ពុជា៖ជនបរទេសគឺមិនមានសិទ្ធិទិញដី ឬអចលនទ្រព្យជាប់ដីនៅក្នុងប្រទេសកម្ពុជាបានទេ នេះបើ​យោងទៅតាមច្បាប់ភូមិបាលឆ្នាំ២០០១និងច្បាប់រដ្ឋធម្មនុញ្ញកម្ពុជា។ ទោះជាយ៉ាងណាជនបរទេសអាចកាន់កាប់លើក្រុមហ៊ុន ឬអចលនទ្រព្យបានក្នុងករណីបង្កើតក្រុមហ៊ុនដែលមានភាគហ៊ុនជាមួយជនជាតិខ្មែរ។ ភាគីតំណាង៖ ទម្រង់នេះត្រូវបានប្រើប្រាស់ដោយជនរទេសមួយចំនួនដើម្បីកាន់កាប់លើដីធ្លី ឬអចលនទ្រព្យដែលជាប់ដីនៅក្នុងប្រទេស។ វិធីនេះមានភាពងាយស្រួលឆាប់រហ័សនិងចំណាយតិច។ ជាទូទៅជន បរទេសតែងតែទិញអចលនទ្រព្យនៅកម្ពុជា។ សិទ្ធិកាន់កាប់ត្រូវផ្ទេរពីប្លង់អចលនទ្រព្យទៅជាឈ្មោះរបស់ភាគីតំណាង។ នៅពេលដែលទទួលបានប្លង់កាន់កាប់ដែលបានចុះឈ្មោះនៅការិយាល័យសង្កាត់គឺ​អាចដាក់ជាអ៊ីប៉ូតែកនិងជួលបានរយៈពេលវែង។ ឯកសារផ្លូវច្បាប់់គឺត្រូវចុះហត្ថលេខាទាំងភាសាខ្មែរនិងភាសាអង់គ្លេសបន្ទាប់មកជនបរទេស អាចត្រូវរក្សាទុកនូវប្លង់អចលនទ្រព្យនោះ។ សម្រាប់ព័ត៌មានបន្ថែមអំពីភាគីតំណាងសូមស្វែងយល់ពីការណែនាំពីទម្រង់ភាគីតំណាងនៅទីនេះ! ប្លង់កម្មសិទ្ធិរួម៖ ប្លង់កម្មសិទ្ធិរួមជាទម្រង់នៃវិញ្ញាបនបត្រកម្មសិទ្ធិសម្រាប់យូនីតនីមួយៗនៅក្នុងអគារ សហ កម្មសិទ្ធិ។ ក្នុងនោះមានច្បាប់គោលនយោបាយ និងការធ្វើវិសោធនកម្មលើច្បាប់នៅកម្ពុជាដើម្បីការពារលើការកាន់កាប់ខុនដូ និងយន្តកម្មនៃការចេញប្លង់កម្មសិទ្ធិរួម។ ជនបរទេសគឺមិនអនុញ្ញាតឲ្យកាន់កាប់លើយូនីតនៅជាន់ផ្ទាល់ដីនៅឡើយ​ ម្យ៉ាងវិញទៀតជនបរទេសក៏មិនអនុញ្ញាតឲ្យកាន់កាប់លើសពី៧០%នៃយូនីតនៅក្នុងអគារទាំងមូលដែរ។សម្រាប់ព័ត៌មានលំអិតអំពីប្លង់កម្មសិទ្ធិរួម សូមមើលនៅទីនេះ! កាតព្វកិច្ច៖ ការផ្ទេរប្លង់សហកម្មសិទ្ធិមួយត្រូវចំណាយប្រមាណ៤%នៃតម្លៃអចលនទ្រព្យសរុបដែលបានវាយតម្លៃនិងកំណត់ដោយមន្រ្តីសុរិយោដី។ តើការលក់គម្រោងខុនដូមុនគម្រោង ជាការវិនិយោគមានសក្តានុពលដែលឬទេ? ការលក់មុនគម្រោងសំដៅដល់ការទិញយូនីតខុនដូមុនពេលបញ្ចប់ការសាងសង់។​ យូនីតដែលបានលក់មុនគម្រោងទាំងអស់ជាធម្មតាបានបង្ហាញពីគុណសម្បត្តិមួយចំនួនដូចជា៖ ការបញ្ចុះតម្លៃនិងអាចផ្តល់ត្រលប់មកវិញផលចំណេញពីការវិនិយោគយ៉ាងឆាប់រហ័ស។ ទោះជាយ៉ាងណាអ្នកអភិវឌ្ឍន៍ជារឿយៗមានបំណង​ពន្យារពេលសាងសង់របស់ខ្លួនរីឯអ្នកទិញត្រូវបានផ្តល់យោបល់ឲ្យមានការប្រឹក្សាយោបល់ជាមួយមេធាវី និងដាក់បញ្ចូលនូវលក្ខខណ្ឌរបស់ខ្លួននៅក្នុងកិច្ចព្រមព្រៀងជាពិសេសទាក់ទងជាមួយនឹងកាលបរិច្ឆេទនៃ ការបញ្ចប់ការសាងសង់ និងចំនួនប្រាក់កក់។ ហេតុអ្វីអ្នកគួរសម្រេចចិត្តលើការវិនិយោគខុនដូនៅភ្នំពេញ?វិនិយោគិនអន្តរជាតិកំពុងតែសម្រុកចូលមកកាន់ទីក្រុងភ្នំពេញប្រទេសកម្ពុជាដើម្បីស្វែងរកភាគហ៊ុនក្នុងទីផ្សារអចនលទ្រព្យថ្មីចុងក្រោយនៅក្នុងតំបន់អាស៊ី។ការប្រៀបធៀបតម្លៃទៅនឹងប្រទេសជិតខាង៖​ប្រទេសកម្ពុជាផ្តល់ជូននៅប្រភេទលំនៅដ្ឋានប្រណិតៗជាច្រើនប្រភេទ។ ប្រភេទលំនៅដ្ឋានទាំងនេះក៏ផ្តល់ ជូនស្តង់ដារគុណភាពនៃការរស់នៅសមរម្យ​​បើធៀបទៅនឹងប្រទេសជិតខាង។​ របាយការណ៍នៃការស្ទង់មតិ របស់ Global Retirement Index បានបង្ហាញថាកម្ពុជាជាប់ចំណាត់ថ្នាក់លេខ១ក្នុងចំណោម២៣ប្រទេសដែលមានការចំណាយតិចសម្រាប់ការរស់នៅ។ ដូច្នេះវាមិនមែនជាការភ្ញាក់ផ្អើលទេដែលមានចំនួនជនបរទេសកាន់តែច្រើនឡើងចូលមកកម្ពុជា ដើម្បីស្វែងរកការរស់នៅបែបទាន់សម័យក្នុងរយៈពេលប៉ុន្មានឆ្នាំចុងក្រោយ។យើងទៅតាមក្រុមហ៊ុន Bonna Realty បង្ហាញថាសម្រាប់ខុនដូប្រភេទAមានតម្លៃចន្លោះ២,៣០០ដុល្លារទៅ ៥,៧៩១ ដុល្លារក្នុង១ម៉ែត្រការ៉េ ប្រភេទBមានតម្លៃចាប់ពី១, ៧១៨ ដុល្លារទៅ៣,៧២៥ដុល្លារក្នុង១ម៉ែត្រការ៉េ និងប្រភេទCដែលមានតម្លៃចាប់ពី៧៨៩ដុល្លារទៅ១,៧០០​ដុល្លារក្នុង​១ម៉ែត្រការ៉េ។ ធៀបទៅនឹងប្រទេសវៀតណាមយោងទៅតាមរបាយការណ៍ក្រុមហ៊ុន​ CBRE Vietnam ខុនដូត្រូវបានដាក់លក់ក្នុងតម្លៃជាមធ្យម២,០៤៦ដុល្លារក្នុង១ម៉ែត្រការ៉េ។ ចំណែកនៅទីក្រុងបាងកកមានខុនដូចំនួន៦ប្រភេទ៖ ប្រភេទ Super Luxury មានតម្លៃខ្ពស់ជាង៧,០៥៨ដុល្លារក្នុង១ម៉ែត្រការ៉េប្រភេទLuxuryមានតម្លៃ៤,៧៩៩ដុល្លារទៅ៧,០៥៧ដុល្លារ ក្នុង១​ម៉េត្រការ៉េប្រភេទ High End មានតម្លៃពី៣,៣៨៧ដុល្លារទៅ៤,៧៩៨ដុល្លារក្នុង១ម៉ែត្រការ៉េប្រភេទ Upper-Mid-range មានតម្លៃ​២,៥៤១ដុល្លារទៅ៣,៣៨៨ដុល្លារក្នុង១ម៉ែត្រការ៉េប្រភេទ Mid-range មានតម្លៃ១,៩៧៦ដុល្លារ ទៅ២,៥៤០ដុល្លារក្នុង១​ម៉ែត្រការ៉េ និងប្រភេទ Entry Level មានតម្លៃទាបជាង១,៩៧៤ម៉ែត្រការ៉េនេះបើតាមរបាយការណ៍ CBRE Thai ។  អនាគតនៃការផ្គត់ផ្គង់ខុនដូនៅភ្នំពេញ៖យោងទៅតាម របាយការណ៍សិក្សាទីផ្សាររបស់ CBRE Cambodia ត្រឹមត្រីមាសទី២បានព្យាករណ៍ថា បន្ថែមលើ២២,៤៦៤យូនីតនឹងកើនឡើងដល់២៥,២៥០យូនីតត្រឹមឆ្នាំ២០១៨ដែលកើនឡើងចំនួន៨០៦%។ លើសពីនេះទៅទៀតក្រុមហ៊ុន Knight Frank បានព្យាករណ៍ថា​ត្រឹមឆ្នាំ២០២០មានខុនដូ៧៤គម្រោងដែលនឹងមានដល់២៤,៥៣៣យូនីតនៅក្នុងទីផ្សារលំនៅដ្ឋានដែលកើនឡើង៧ដងនៃចំនួនផ្គតផ្គង់សរុបដែលកើនឡើងដល់៧២៣.៥%។ ការព្យាករណ៍មួយធំជាងនេះទៀតដោយក្រុមហ៊ុន  Century21 Cambodia បានបង្ហាញថានៅឆ្នាំ២០២០ ការផ្គត់ផ្គង់ខុនដូនឹងកើនដល់ប្រមាណជា៣៧,៥៧០យូនីត។ការព្យាករណ៍ទាំងនេះមើលឃើញថា កម្ពុជាកំពុងតែអភិវឌ្ឍន៍យ៉ាងឆា​​ប់រហ័ស ហើយវិនិយោ​ គិនកំពុងតែមានទំនុកចិត្តខ្លាំងនៅក្នុងទីផ្សារ។ បច្ចុប្បន្នមានចំនួនជនបរទេសកាន់តែច្រើនឡើងបានផ្លាស់ប្តូរគោលដៅរស់នៅមកកាន់តំបន់អាស៊ី។ តើអ្នកជាម្នាក់ក្នុងចំណោមជនបរទេសទាំងនោះដែរឬទេ? សូមមើលគម្រោងខុនដូទាំងអស់នៅទីនេះ! ពិនិត្យមើលគម្រោងខុនដូជាច្រើននៅក្នុងប្រទេសកម្ពុជា៖

ខេត្ត​សៀមរាប​ជា​ខេត្ត​មួយ​ស្ថិត​នៅ​តំ​បន់​ពាយ័ព្យនៃ​ប្រទេស​កម្ពុជា​តាម​បណ្តោយ​ផ្លូវ​ជាតិ​លេខ​៦ ដែល​មាន​ចំងាយ​ប្រវែង​៣១៤​គ.មពីទីក្រុងភ្នំពេញ។ សៀមរាបជាខេត្តមួយក្នុងចំណោមខេត្តដែលមានសក្តានុពលសេដ្ឋកិច្ចសំខាន់ៗទាំងបីនៅក្នុងប្រទេសកម្ពុជា។ ក្នុងនោះរួមមានក្រុងភ្នំពេញជាទីក្រុងពាណិជ្ជកម្ម ខេត្តព្រះសីហនុជាទីក្រុងកំពង់ផែធំជាងគេ និងខេត្ត សៀមរាបជាតំបន់ទេសចរណ៍ដ៏ល្បីល្បាញរបស់ពិភពលោកដែលមានប្រាសាទអង្គរវត្ត។ តើនៅខេត្តសៀមរាបមានប្រភេទលំនៅដ្ឋានបែបណាខ្លះ?ចំនួនភ្ញៀវទេសចរណ៍មានការកើនឡើងពីមួយឆ្នាំទៅមួយឆ្នាំក្រលេកមើលវិស័យលំនៅដ្ឋាននៅក្នុងខេត្តកាន់តែមានភាពរីកចម្រើន និងមានការអភិវឌ្ឍន៍កាន់តែមានភាពដុះដាលយ៉ាងខ្លាំង។ ការអភិវឌ្ឍន៍ក្នុងរយៈពេលប៉ុន្មានឆ្នាំចុងក្រោយបានធ្វើឲ្យខេត្តនេះកាន់តែមានការពេញនិយមជាមួយនឹងប្រភេទនៃលំនៅដ្ឋានផ្សេងៗគ្នាដែលមានផ្ទះល្វែង បុរី ផ្ទះវីឡា អាផាតមេន និងខុនដូជាដើម។ប្រភេទលំនៅដ្ឋានទាំងនេះមានរចនាខុសៗគ្នាអាស្រ័យទៅលើបរិបទនៃការរស់នៅរូបរាងផ្ទះ មុខងារនៃការប្រើប្រាស់និងរស់នៅទៅតាមតម្រូវការទីផ្សាររបស់អ្នកក្នុងស្រុក និងជន បរទេស។ផ្ទះបុរីសម្រាប់លក់នៅសៀមរាបអ្វីទៅជាផ្ទះក្នុងបុរី? ផ្ទះបុរីត្រូវបានគេចាត់ទុកថាជាប្រភេទលំនៅដ្ឋានមួយ ដែលមានការពេញនិយមរស់នៅ សំណាក់ប្រជាជនខ្មែរដែលមានជីវភាពមធ្យមនិងលើមធ្យមឫអ្នកមានជីវភាពធូធារ។ គម្រោងបុរីក៏ជាការវិនិយោគដ៏ល្អមួយសម្រាប់អ្នកអភិវឌ្ឍន៍គម្រោងលំនៅដ្ឋាននៅក្នុងប្រទេសនាពេលបច្ចុប្បន្ន ហើយបុរីនៅសៀមរាបគឺជាទូទៅមានទីតាំងនៅក្នុងតំបន់មានសក្តានុពល​ និងនៅជិតផ្សារសំខាន់ៗនៅក្នុងក្រុង។នៅក្នុងក្រុងសៀមរាបគេឃើញមានគម្រោងអភិវឌ្ឍន៍បុរីមួយចំនួន​បានដំណើរការរួមមាន៖ បុរី perfect Angkor បុរី Angkor Palace បុរី Nagara និងបុរីប្រិមប្រិយដែលជាគម្រោងរបស់កាណាឌីយ៉ាជាដើម។   ផ្ទះក្នុងបុរីមានចាប់ពី១បន្ទប់គេង និង១បន្ទប់ទឹកឡើងទៅហើយតម្លៃអាចរកបានចាប់ពី៦០,០០០ ដុល្លារឡើងទៅ។  ស្វែងរកផ្ទះបុរីសម្រាប់លក់នៅសៀមរាប!ផ្ទះអាជីវកម្មសម្រាប់លក់នៅសៀមរាប៖ អ្វីទៅជាផ្ទះអាជីវកម្ម? ផ្ទះអាជីវកម្ម៖ គឺដូចគ្នាទៅនឹងផ្ទះល្វែងហើយនៅសៀមរាបផ្ទះអាជីវកម្ម ឬផ្ទះល្វែងមិនមានលក្ខណៈខុសគ្នាទេ។ ផ្ទះអាជីវកម្មភាគច្រើនមានកម្ពស់ពីរ ឬបីជាន់ដែលមានហាងនៅជាន់ ផ្ទាល់ដីសម្រាប់ធ្វើអាជីវកម្ម​ ឬពាណិជ្ជកម្ម ហើយជាន់ខាងលើជាន់ផ្ទាល់ដីអាចប្រើប្រាស់សម្រាប់ស្នាក់នៅ។ ផ្ទះអាជីវកម្មជាទូទៅមានទំហំពី ៤x១៦ ទៅ ៥x២០ ម៉ែត្រការ៉េមានតម្លៃចាប់ពី ៦០,០០០ ដុល្លារឡើងទៅ។  ជាធម្មតាផ្ទះអាជីវកម្មគឺប្រើប្រាស់សម្រាប់ការលក់ទំនិញឬជំនួញផ្សេងៗ។ ផ្ទះប្រភេទនេះល្អបំផុតសម្រាប់ទាំង​ការវិនិយោគ និងការរស់នៅ អ្នកអាចប្រកបរបរអាជីវកម្មនិងស្នាក់នៅ គឺអាចធ្វើបាននៅកន្លែងតែមួយ។ ប៉ុន្តែផ្ទះអាជីវកម្មគឺមិនមានទីធ្លាខាងមុខ​និងសួនច្បារនោះទេ មានត្រឹមតែចន្លោះតូចមួយខាងក្រោយផ្ទះ។ ផ្ទះប្រភេទនេះក៏មិនមានរបងការពារនោះទេជាធម្មតា មានទ្វារមុខ និងទ្វារក្រោយជាមួយរបាំងដែកសម្រាប់ការពារសុវត្ថិភាព។ ការចតរថយន្តគឺមានការពិបាក ប៉ុន្តែគេអាចចតរថយន្តនិងម៉ូតូនៅខាងក្នុងខាងក្រោមបន្ទប់សម្រាប់សុវត្ថិភាពនៅពេលយប់ ។តើផ្ទះអាជីវកម្មមានលក្ខណៈខុសប្លែកគ្នាដែរឬទេ?ផ្ទះអាជីវក​ម្មមានប្រភេទផ្សេងៗគ្នា ផ្ទះអាជីវកម្មបែបខ្មែរជាការរចនាបែបសមញ្ញតាមទំលាប់ដែលផ្តោតសំខាន់ទៅតាមការចង់បាន និងតម្រូវការរបស់អ្នកក្នុងស្រុក។ ផ្ទះអាជីវកម្មបែបទំ នើបបានរួមបញ្ចូលគ្នាជាមួយរចនាបទបែបលោកខាងលិច។ វាមានកាពិបាកក្នុងការសម្គាល់ ពីភាពខុសប្លែកគ្នានៃការរចនាខាងក្នុង ដោយសារតែផ្ទះអាជីវកម្មរបស់លោកខាងលិចមួយចំនួនគឺគ្រាន់តែកែលម្អរពីរចនាបទខ្មែរ ប៉ុន្តែនៅផ្ទៃខាងក្នុងមានលក្ខណៈដូចគ្នា។ ផ្ទះវីឡាសម្រាប់លក់នៅសៀមរាប៖អ្វីទៅជាផ្ទះវីឡា?​ ផ្ទះវីឡា៖ ជាប្រភេទលំនៅដ្ឋានឯកជន និងលំដាប់ប្រណិតមួយនៅក្នុងខេត្ត។វីឡាខុសពី ផ្ទះដទៃទៀតត្រង់ថា នៅដាច់ពីគ្នា មានទីធ្លាមុខផ្ទះធំទូលាយ ពិសេសគឺផ្ទះវីឡាបែបខ្មែរហើយផ្ទះវីឡាមានប្រភេទផ្សេងគ្នាដូចជា វីឡា ភ្លោះ វីឡាកូនកាត់ និងវីឡាទោល។ គម្រោងវីឡាជាច្រើនបានរីកដុះដាលឡើងនៅក្នុងខេត្តសៀមរាប។ អ្វីដែលធ្វើឲ្យផ្ទះវីឡាមានភាពទាក់ទាញសម្រាប់ការរស់នៅ?ខេត្តសៀមរាបគឺជាកន្លែងដែលមានលក្ខណៈធម្មជាតិដែលមានដើមឈើធំៗពណ៌បៃតង មានសួនច្បារ និងមានខ្យល់អាកាសបរិសុទ្ធល្អ ទីនេះក៏ជាកន្លែងមានភាពស្ងប់ស្ងាត់ និងសន្តិភាព​ក្នុងចិត្តយ៉ាងស្រស់ថ្លា។ ចរាចរណ៍ក៏មិនមានការរំខានហើយក៏មិនមានសំឡេងរំខានអ្វីឡើយ។ ផ្ទះវីឡាគឺផ្តល់ជូននូវភាពឯកជនដល់​លោកអ្នក ក្រៅពីនោះផ្ទះវីឡាមានទីធ្លាធំទូលាយសម្រាប់គ្រួសារមិត្តភក្តិនិងថែមទាំងសម្រាប់សត្វចិញ្ចឹមដ៏គួរឲ្យស្រលាញ់របស់អ្នក។ ជាទូទៅផ្ទះវីឡានៅសៀមរាបមានតម្លៃចាប់ពី១៥០,០០០​ដុល្លារទៅ២៣០,០០០ដុល្លារអាស្រ័យទៅតាមទីតាំងរបស់ផ្ទះថាតើនៅក្នុងក្រុងឫនៅឆ្ងាយពីក្រុង។ កត្តាមួយផ្សេងទៀតដែលធ្វើឲ្យផ្ទះវីឡាមានភាពទាក់ទាញគឺជាការវិនិយោគរយៈពេលវែង។ វាមិនគ្រាន់តែជាផ្ទះសម្រាប់រស់នៅនិងរីករាយជាមួយគ្រួសារប៉ុណ្ណោះទេ វាថែមទាំងជាការវិនិយោគដែលអាចផ្តល់ផលចំណេញដ៏ច្រើនសម្រាប់អ្នក។ តម្លៃអចលនទ្រព្យតែងតែប្រែប្រួលគ្រប់ពេលប៉ុន្តែតម្រូវការផ្ទះវីឡានៅសៀមរាបគឺតែងតែកើនឡើងជានិច្ច។លោក​ សារ៉ាត បានលើកឡើងដែរថាស​ម្រាប់នៅសៀមរាបប្រជាជនចូលចិត្តរស់នៅរស់នៅផ្ទះជាន់ផ្ទាល់ដីជាងផ្ទះជាន់លើដោយសារចំនួនប្រជាជននៅតិច​ ហើយចរាចរណ៍នៅមានភាពងាយស្រួលមិនស្ទះមិនមានសំឡេងរំខាន និងផ្សែងបំពុលដែលអំណោយផលដល់ការរស់នៅ។ ខេត្តសៀមរាបរាប​បានស្រូបយកភ្ញៀវទេសចរណ៍អន្តរជាតិប្រមាណជាង២លាននាក់ក្នុងមួយឆ្នាំ នេះបើតាមរបាយការណ៍របស់អាជ្ញាធរជាតិអប្សរា។ស្វែងរកផ្ទះវីឡាសម្រាប់លក់នៅសៀមរាប!ខុនដូសម្រាប់លក់នៅសៀមរាប៖ អ្វីទៅជាខុនដូ?ខុនដូជាអគារលំនៅដ្ឋានមួយដែលមានអ្នករស់នៅច្រើនជាមួយគ្នា។ ម្ចាស់យូនីតផ្ទាល់ខ្លួន បានកាន់កាប់លើតំបន់ទូទៅជាមួយគ្នានៅក្នុងខុនដូនោះដែលមានដូចជា៖ កន្លែងហាត់ប្រាណ កន្លែងក្មេងលេងសួនច្បារ និងកន្លែងអង្គុយលេង។ តំបន់ទៅទៅទាំងនេះអាចឲ្យអ្នកគ្រប់គ្នា ដែលរស់នៅក្នុងខុនដូប្រើប្រាស់។ ប៉ុន្តែយូនីតខុនដូរផ្ទាល់ខ្លួនគឺមានការកាន់កាប់ដោយឯកជនទៅតាមអ្នកទិញនីមួយៗ។ ខុនដូជាធម្មតាមានបុគ្គលិកគ្រប់គ្រងនៅនឹងកន្លែងដើម្បីជួយដល់ម្ចាស់យូនីតនីមួយៗនៅពេលដែលមានតម្រូវការចាំបាច់។ ខុនដូក៏មានសន្តិសុខការពារ និងកន្លែងចតរថយន្តសម្រាប់ម្ចាស់យូនីតនីមួយៗផងដែរ។អ្វីដែលធ្វើឲ្យខុនដូមានភាពទាក់ទាញសម្រាប់ការរស់នៅ? ខុនដូជាលំនៅដ្ឋានដ៏ប្រណិតដែលផ្តល់ការរស់នៅល្អប្រសើរជាទីគាប់ចិត្ត និងផ្តល់ជូនសេវាកម្មគ្រប់គ្រងល្អប្រសើរ។ ជាទូទៅគម្រោងខុនដូគឺស្ថិតនៅក្នុងក្រុង ដូច្នេះ​វានឹងនៅជិតកន្លែងធ្វើការងារ និងថែមទាំងមានទេសភាពស្រស់ស្អាតជាមួយនឹងខ្យល់អាកាសស្រស់ស្រាយ និងត្រជាក់ស្រួល ។ទោះបីជាយូនីតខុនដូមានត្រឹមតែជញ្ជាំងដែលបែងចែកអ្នកពីអ្នកជិតខាងរបស់អ្នកក៏ដោយ ក៏យូនីតខុនដូនៅតែមានភាពឯកជនជាងផ្ទះនៅដាច់តែឯងដែរ ហើយខុនដូនឹងមានរួម បញ្ចូលទាំងសេវាកម្មសន្តិសុខថែមទៀតផង។  សម្រាប់នៅក្រុងសៀមរាប ការរចនាខុនដូធ្វើ ទៅតាម បែបទំនើប​ និងរចនា​បទតុបតែងបែបលោកខាងលិច។ ទោះជាយ៉ាងណាថ្លៃសេវា ថែរក្សា និងគ្រប់គ្រងនឹងត្រូវបានគិតពីអ្នក រស់នៅក្នុងខុនដូទាំងអស់ ទាក់ទងទៅនឹងការគ្រប់ គ្រងតំបន់ទូទៅ។ ខុនដូនៅសៀមរាបត្រូវបានរឹតបន្តឹងទាក់ទងទៅការកែទម្រង់យូនីត។តើមានគម្រោងខុនដូច្រើនដែរឬទេនៅសៀមរាប?បច្ចុប្បន្ននៅសៀមរាបមានខុនដូចំនួនប្រហែលតែ៣-៤គម្រោង ហើយគម្រោងទាំងនេះបានបញ្ចប់ការលក់របស់ខ្លួនអស់រួចរាល់។ ខុនដូដែលមាននៅក្នុងខេត្តនេះអាចរកបាន​ក្នុងតម្លៃចាប់ពី ៥០,០០០ ដុល្លារក្នុងមួយូនីតដែលមានចាប់ពីពីរបន្ទប់គេងគ្រប់ដណ្តប់លើផ្ទៃចាប់ពី៦០០​ម៉ែត្រការ៉េទៅ៧០០​ម៉ែត្រការ៉េ។គម្រោងខុនដូទាំងនោះមាន៖ ដូចជាគម្រោង Angkor Oasis Condominium និងគម្រោង Inter Angkor Condominium។ចង់់ស្វែងរកព័ត៌មានបន្ថែមទៀតពីខុនដូសម្រាប់លក់នៅសៀមរាប! តើបរទេសចូលចិត្តរស់នៅតំបន់ណា ហើយខ្មែរចូលចិត្តតំបន់ណាក្នុងក្រុងសៀមរាប? សម្រាប់ប្រជាជនក្នុងស្រុកការរស់នៅក្នុងតំបន់ណាមួយមិនបានចោទជាបញ្ហានោះឡើយគ្រាន់តែអាស្រ័យទៅតាមស្ថានភាពហិរញ្ញវត្ថុ ចំណង់ចំណូលចិត្តនិងតម្រូវការនៃគ្រួសារនីមួយៗប៉ុណ្ណោះ។ ប៉ុន្តែសម្រាប់ជនបរទេសវិញមានពីរតំបន់សំខាន់ៗ ដែលពួកគេចូល ចិត្តរស់នៅ។   ជនជាតិអាស៊ីដូចជា៖ ចិន និងកូរ៉េចូលចិត្តរស់នៅប៉ែកខាងលិចនៃស្ទឹងសៀមរាបដោយសារក្នុងតំបន់នេះមាន ក្រុមហ៊ុនទេសចរណ៍ច្រើន​ ហើយពួកគេមិនចាំចាច់ឆ្លងមកមាត់ស្ទឹងខាងកើតទេ។ ម្យ៉ាងទៀតនៅប៉ែកខាងលិចមានភោជនីយដ្ឋាន បារ ហាងលក់ទំនិញ ហាងលក់វត្ថុអនុស្សាវរីយ៍ជាដើម។សម្រាប់ជនបរទេសមកពីប៉ែកអឺរ៉ុប ពួកគេចូលចិត្តរស់នៅប៉ែកខាងកើតនៃស្ទឹងសៀមរាបដោយសារនៅតំបន់ខាងកើតស្ទឹងភាគច្រើនជាលំនៅដ្ឋានបែបធម្មជាតិ​មានដើមឈើធំៗ ហើយតាំងពីយូរមកហើយដែលបរទេសទាំងនោះចូលចិត្តរស់នៅកន្លែងនេះ ម្យ៉ាងទៀតអ្នកខ្លះជាបុគ្គលិកអង្គការ ហើយការិយាល័យអង្គការ ដែលបរទេសទាំងនោះកំពុងធ្វើការក៏ស្ថិតក្នុងតំបន់នោះដែរ។  ប្រសិនបើខ្ញុំទិញផ្ទះនៅសៀមរាបសម្រាប់វិនិយោគ តើគួរទិញនៅតំបន់ណា? លោក​ សុខ សារ៉ាត ជាភ្នាក់អចលនទ្រព្យនៅខេត្តសៀមរាបលើកឡើងពីការទិញសម្រាប់វិនិយោគតំបន់នៅក្នុងក្រុង គឺក្នុងបរិវេណខ្សែក្រវ៉ាត់ក្រុងនៅតែជាសក្តានុពលមិនថាសម្រាប់រស់ នៅឫលក់ចេញវិញនោះទេ។ ទោះបីជាយ៉ាងណាតំបន់ពីរដែលមានប្រជាប្រិយភាពសម្រាប់ ការទិញលំនៅដ្ឋានសម្រាប់វិនិយោគនោះគឺមានផ្សារកណ្តាល និងផ្សារលើ។ហេតុអ្វីវិនិយោគនៅសៀមរាប មិនមែននៅភ្នំពេញ ​ឫក្រុងព្រះសីហនុ? លក្ខណៈពិសេសនៃខេត្តគឺដោយសារតម្លៃដីនៅក្នុងតំបន់មានកម្រិតទាបនៅឡើយ បើធៀបទៅនឹងតម្លៃដីនៅក្នុងទីក្រុងភ្នំពេញ ចំនួនប្រជាជននៅមានកម្រិតទាបផ្តល់នូវភាពស្ងប់ស្ងាត់សម្រាប់អ្នកដែលចង់បានភាពឯកជន ហើយម្យ៉ាងទៀតការធ្វើចរាចរណ៍ក៏មានភាពងាយស្រួលជានៅក្នុងរាជធា​នីដែរ។ លើសពីនេះទៅទៀតខេត្តសៀមរាបក៏មើលឃើញថាមានការកើនឡើងខ្លាំងលើអាជីវកម្មផ្សេងៗមានដូច ជា៖ សណ្ឋាគារ ភោជនីយដ្ឋាន គ្លីនីក សាលារៀនឯកជន ហើយបច្ចុប្បន្នមានជនជាតិ ចម្រុះទៅដោយជនជាតិខ្មែរ និងបរទេសកំពុងស្នាក់នៅ។ ខេត្តសៀមរាបក៏ជាតំបន់ដែលមានសន្តិសុខ និងសុវត្ថិភាពល្អបំផុតស​ម្រាប់ការរស់នៅ។តើតំបន់ណាដែលមានការអភិវឌ្ឍន៍ខ្លាំងនៅក្នុងក្រុងសៀមរាប?លោក សារ៉ាតលើកឡើងថាសម្រាប់គម្រោងលំនៅដ្ឋានគឺមានច្រើននៅក្នុងបរិវេណខាងក្នុង ខ្សែក្រវ៉ាត់ក្រុងជាពិសេសនៅតាមផ្លូវធំសំខាន់ដូចជាមហាវិថីស៊ីវុត្ថា៖ ផ្លូវ Charles de Gaulle និងផ្លូវជាតិលេខ៦ដែលឆ្លងកាត់ក្រុងជាដើម។ ដោយសារនៅក្នុងក្រុងចរន្តនៃការចេញចូលរប​ស់ភ្ញៀវក៏ដូចជាការរស់នៅទាំងអ្នកក្រុងស្រុក និងជនបរទេសនៅមានច្រើនបំផុត។ក្នុងពេលជាមួយគ្នាក្រុមហ៊ុនផ្សេងៗទៀតដូចជាក្រុមហ៊ុនលក់គ្រឿងសំណង់ និងក្រុមហ៊ុនកសិកម្ម បានងាកចេញពីក្នុងក្រុងមកកាន់ផ្លូវមកស្រុកប្រាសាទបាគង​តាមផ្លូវជាតិលេខ៦សំដៅមកកាន់ក្រុងភ្នំពេញ។ តំបន់នេះក៏មានការអភិវឌ្ឍន៍ខ្លាំងគួរឲ្យកត់សម្គាល់ក្នុងពេលបច្ចុប្បន្ន។តើខេត្តសៀមរាបមានទឹកជំនន់ដែរឬទេ? ការរស់នៅក្នុងក្រុងសៀមរាបគឺហាក់មិនមានការបារម្ភពីទឺកជំនន់ទេ។ ក្នុងឆ្នាំកន្លងមកគឺមិន មានទឹក ជំនន់កើតមានឡើងនៅក្នុងតំបន់ោះទេ។ ទឹកជំនន់អាចកើតអាចលុះត្រាតែមានទឹកជំនន់ខ្លាំងហូរមកពីប្រទេសថៃ។ ទោះបីជាយ៉ាងណាប្រសិនបើអ្នកគម្រោងនឹងទិញផ្ទះនៅជាន់ផ្ទាល់ដី សូមធ្វើការត្រួតពិនិត្យឲ្យបានច្បាស់លាស់ជាមួយម្ចាស់ផ្ទះពីមុននិងអ្នកជិតខាងថាតើផ្ទះ ថ្មីរបស់អ្នកលិចទឹកដែរឬទេ។ ប្រសិនបើមានទឹកលិចមែនអ្នកអាចរៀបចំទុកមុនបានល្អ​មុននឹងរដូវភ្លៀវចូលមកដល់។  ម្យ៉ាងទៀតប្រសិនបើអ្នកទិញផ្ទះនៅក្នុងតំបន់មានទឹកជំនន់តម្លៃគួរចុះទាបជាងធម្មតា។តើខេត្តសៀមរាបមានហេដ្ឋារចនាសម្ព័ន្ធដូចម្ត៉េច?ប្រព័ន្ធផ្លូវថ្នល់៖ ហេដ្ឋារចនាសម្ព័ន្ធខេត្តសៀមរាបគឺកំពុងមានការអភិវឌ្ឍន៍យ៉ាងឆា​ប់រហ័ស។ ផ្លូវថ្នល់បានតភ្ជាប់គ្នានៅក្នុងខេត្តពីមួយកន្លែងទៅមួយកន្លែងដែលជាចំណុចអទិភាពសម្រាប់ការអភិវឌ្ឍន៍ និងការពង្រីកទីក្រុង។ ហេដ្ឋារចនាសម្ព័ន្ធខេត្តសៀមរាបគឺកំពុងមានការអភិវឌ្ឍន៍យ៉ាងឆា​ប់រហ័ស។ ផ្លូវថ្នល់បានតភ្ជាប់គ្នា នៅក្នុងខេត្តពីមួយកន្លែងទៅមួយកន្លែងដែលជាចំណុចអទិភាពសម្រាប់ការអភិវឌ្ឍន៍និងការពង្រីកទីក្រុង។ ចំណែកឯផ្លូវតភ្ជាប់ទៅកាន់ខេត្តផ្សេងទៀតក៏កាន់តែមានភាពងាយស្រួល ដែលបានជួយសម្រួលដល់ការធ្វើដំណើររបស់អ្នកដំណើរដែលចេញចូលខេត្តសៀមរាប។ ផ្លូវថ្នល់បានភ្ជាប់សៀមរាបទៅកាន់ប្រាសាទសំខាន់ជាច្រើន​  និងភ្ជាប់ទៅកាន់ក្រុងភ្នំពេញ បាត់ដំបង កំពត កែប  ក្រុងព្រះ សីហនុ និងកំពង់ចាមជាដើម។ ​ផ្លូវតភ្ជាប់រវាងតំបន់និងតំបន់គឺពិតជាបានបានផ្តល់ផលប្រយោជន៍មហាសាល ដល់ទីផ្សារអចលនទ្រព្យនៅខេត្តសៀមរាប។  សេវាកម្មសាធារណៈ៖ សេវាកម្មសាធារណៈសម្រាប់ពលរដ្ឋនៅក្នុងខេត្តសៀមរាបនាពេលបច្ចុប្បន្នមានកំណើន កាន់តែច្រើនឡើង សេវាកម្មសាធារណៈទាំងនោះមានដូចជា៖ ​សាលារៀនជាតិ និងអន្តរជាតិដែលផ្តល់ជូននូវគុណភាពនៃការអប់រំកាន់តែប្រសើរឡើង។ ក្នុងនោះសេវាថែទាំសុខមាភាពពលរដ្ឋក៏កំពុងតែមានការកើនឡើងច្រើនជាងមុនដែរ។​ សៀមរាបមានមន្ទីរពេទ្យស្តង់ដារអន្តរជាតិ​គឺមន្ទីរពេទ្យអន្តរជាតិរ៉ូយ៉ាល់អង្គរ ដែលបានសហការគ្រប់គ្រងជាមួយនឹងជាមួយមន្ទីរពេទ្យក្រុងបាកក។  សម្រាប់ជនបរទេសមន្ទីរ ពេទ្យនេះមានផ្តល់ជូនសេវាកម្មរថយន្តសង្រ្គោះបន្ទាន់ទៅដល់ប្រទេសថៃ។​ការកំសាន្ត និងអាហារនៅក្នុងខេត្តសៀមរាបខេត្តសៀមរាបប្រជុំទៅដោយជនជាតិផ្សេងៗគ្នាមកពីជុំវិញពិភពលោក។ វាគឺហាក់មិនមានបញ្ហាអ្វីនោះទេសម្រាប់ការស្វែងរកអាហារសម្រាប់បរិភោគ ភោជនីយដ្ឋានអាហារបែបខ្មែរ អឺរ៉ុប ចិន កូរ៉េ ជប៉ុន ថៃ ឥណ្ឌា បារាំង ​និងផ្សេងៗទៀតជាច្រើនអាហារអន្តរជាតិមានគ្រប់ប្រភេទ ទាំងអស់បានដំណើរការនៅក្នុងក្រុង ជាពិសេសនៅលើផ្លូវផាប់ស្ទី្រត ដែលជាកន្លែងមួយ ដែលយើងមានអារម្មណ៍ថា ដូចជានៅក្នុងទីក្រុងនៃប្រទេសអឺរ៉ុប។ក្រៅពីការញ៉ាំអាហារសៀមរាបក៏មានទាមស្រា បារ ហាងខារ៉ាអូខេ និងក្លឹបកំសាន្ត សម្រាប់អ្នក ដែលចង់មានការជួបជុំមិត្តភក្តិ និងការរាំកំសាន្តនៅពេលរាត្រី៕ស្វែងរកអចលនទ្រព្យសម្រាប់លក់នៅសៀមរាបជាមួយ Realestate.com.kh!អត្ថបទដោយ

ទួលគោកគឺជាខណ្ឌមួយក្នុងចំណោមខណ្ឌទំាង ១២ នៅក្នុងក្រុងភ្នំពេញ ដែលផ្ទៃដីនៃខណ្ឌ​ទំាងមូលមានទំហំប្រមាណ​ ៧.៩៩ គីឡូម៉ែត្រការ៉េ។ ទួលគោកត្រូវបានស្គាល់ថាជាតំបន់ដែលសម្បូរដោយផ្ទះប្រភេទវីឡាជាច្រើន។ ក្រលេកមើលបច្ចុប្បន្ន យើងឃើញថាមានការអភិវឌ្ឍន៍យ៉ាងសម្បើមនៅក្នុងខណ្ឌមួយនេះ ក្នុងនោះមានដូចជា សាលារៀន អន្តរជាតិ ភោជនីយដ្ឋានចម្រុះជាតិសាសន៍ អគារពាណិជ្ជកម្ម ផ្សារទំនើប ក្លឹបហាត់ប្រាណ និងហាងកាហ្វេជាដើម។លើសពីនេះ ខណ្ឌនេះក៏មានគម្រោងអភិវឌ្ឍន៍លំនៅដ្ឋានទំនើបៗដូចជា៖ TK Royal One, The Gateway, Apennines Condominium​ និងមានគម្រោងជាច្រើនទៀត។ ខណ្ឌទួលគោកពិតជាសម្បូរបែបទាំងការរស់នៅ ឬធ្វើការដោយសារមានភាពអំណោយផលដូចនេះហើយបានជាតម្រូវការស្នាក់នៅក្នុងតំបន់នេះកាន់តែខ្ពស់។ បច្ចុប្បន្នមានលំនៅដ្ឋានសម្រាប់លក់ និងលំនៅដ្ឋានសម្រាប់ជួលនៅក្នុងតំបន់ទួលគោក។ នេះគឺជាការផ្តល់យោបល់មួយចំនួនពី Realestate.com.kh សម្រាប់លោកអ្នក ដែលមានបំណងស្វែងរកលំនៅដ្ឋានសម្រាប់ជួលនៅក្នុងតំបន់ទួលគោក៖តើមានឯកសារផ្លូវការអ្វីខ្លះត្រូវតែយល់ដឹង?ប្រសិនបើអ្នកសម្រេចចិត្តស្វែងរកលំនៅដ្ឋានសម្រាប់ជួលនៅក្នុងតំបន់ទួលគោក អ្នកត្រូវតែប្រាកដថាម្ចាស់ផ្ទះរបស់អ្នកបានចេញឯកសារស្របច្បាប់ដល់លោកអ្នក។ អ្នកត្រូវរក្សានូវច្បាប់ចំលងកិច្ចសន្យាជួលផ្ទះ​ ហើយត្រូវគោរពតាមលក្ខខណ្ឌទាំងអស់ដែលបានចែងនៅក្នុងកិច្ចសន្យា។ដើម្បីធានាលើភាពរឹងមាំនៃកិច្ចសន្យាជួលផ្លូវច្បាប់រប​ស់អ្នកក្នុងនោះដែរត្រូវមានភាគីទី៣ ដូចជា​៖ មេធាវី ឬភ្នាក់ងារអចលនទ្រព្យដើម្បីឲ្យជួយធានាផ្នែកច្បាប់លើការសម្រេចដែលមាននៅក្នុងកិច្ចសន្យា ហើយភាគីទី៣ក៏នឹងត្រូវរក្សាទុកនូវកិច្ចសន្យាជួលនេះមួយច្បាប់ដែរ។ត្រូវយល់ដឹងអំពីលំនៅដ្ឋានដែលអ្នកមានបំណងជួល ថាតើជាលំនៅដ្ឋានដែលមានបំពាក់គ្រឿងសង្ហារិម និងផ្តល់ជូនសេវាកម្មផ្សេងៗទំាងស្រុង ឬជាលំនៅដ្ឋានធម្មតា!ជាធម្មតាផ្ទះដែលអ្នកមានបំណងជួលមានការផ្តល់ជូនសេវាកម្ម និងលក្ខខណ្ឌផ្សេងៗគ្នាទៅតាមប្រភេទលំនៅដ្ឋាន។ តួយ៉ាងសេវាកម្មអាផាតមេនមានការផ្តល់ជូនច្រើនបែបសម្រាប់អតិថិជនទៅតាមការចង់បានរបស់អតិថិជន។ ជាក់ស្តែង សេវាកម្មអាផាតមេនលំដាប់ខ្ពស់អាចផ្តល់ជូនលោកអ្នកគ្រប់តម្រូវការដែលអ្នកចង់បាន។ ការផ្តល់ជូនមានដូចជា៖ គ្រឿងសង្ហារិម ម៉ាស៊ីនទឹកក្តៅទឹកត្រជាក់ ម៉ាស៊ីនបោកខោអាវ ចង្រ្កានទាន់សម័យ ប្រព័ន្ធអ៊ីនធើណិតទូរទស្សន៍ខ្សែកាប ក៏ដូចជាការផ្តល់សេវាកម្មអនាម័យ ក្លឹបហាត់ប្រាណ អាងហែលទឹក និងកន្លែងចតឡានជាដើម។រយៈពេលចុងក្រោយនេះ សូម្បីតែផ្ទះដែលមិនមែនជាសេវាកម្មអាផាតមេនក៏មានការផ្តល់ជូនប្រហាក់ប្រហែលគ្នានេះផងដែរ គ្រាន់តែមិនមានសេវាកម្មច្រើន។អ្នក មីង សេងលី ជាម្ចាស់ផ្ទះជួលមួយកន្លែងនៅក្នុងក្រុងភ្នំពេញនៅម្តុំសង្កាត់បឹងកក់១ ដែលផ្ទះអ្នកមីងនៅជាន់ទី២ អ្នកមីងបាននិយាយថា៖«ដំបូងខ្ញុំគ្រាន់តែដាក់ជួលធម្មតាដោយគ្មានដាក់សំភារៈអ្វីនោះឡើយហើយការជួលវាដូចជាមិនសូវបានកាក់កបអ្វីនោះឡើយ។ ក្រោយមក​ផ្ទះជួលរបស់ខ្ញុំមានបំពាក់ដោយសាឡុង គ្រែ ខ្សែកាបជាដើម​ឃើញថាមានអ្នកជួលច្រើនហើយតម្លៃជួលក៏បានខ្ពស់ជាងមុនផងដែរ»។តម្លៃជួលបូករួមនឹងតម្លៃសេវាកម្មផ្សេងៗ ដែលលោកអ្នកគួរយល់ដឹង៖អាស្រ័យលើចំណង់ចំណូលចិត្ត និងតម្រូវការអ្នកអាចជ្រើសរើសយកការជួលខុនដូនៅទួលគោក។ អ្នកអាចជួលខុនដូ មួយបន្ទប់គេងរួមជាមួយគ្រឿងសង្ហារិមក្នុងតម្លៃចាប់ពី ១៨០ ដុល្លារឡើងទៅក្នុងមួយខែ។ ចំណែកឯប្រភេទខុនដូមាន ៤ បន្ទប់គេងជាមួយគ្រឿងសង្ហារិមមួយឈុតក្នុងតម្លៃ ២,០០០ ដុល្លារក្នុងមួយខែនៅជិតមជ្ឈមណ្ឌល TK Avenue។ សម្រាប់ប្រភេទយូនីតលំដាប់ខ្ពស់នៅតំបន់បឹងកក់១ មានយូនីតដែលមាន ៣ បន្ទប់គេង ក្នុងតម្លៃប្រមាណ ២,១០០ ដុល្លារក្នុងមួយខែ។សេវាកម្មអាផាតមេនមានផ្តល់ជូនយ៉ាងទូលំទូលាយតម្លៃចាប់ផ្តើមពី ៣៥០ ដុល្លារដល់ប្រហែល ៤,០០០ ដុល្លារក្នុងមួយខែអាស្រ័យលើតំបន់ សេវាកម្ម និងកន្លែងគាប់ចិត្តផ្សេងៗទៀត។សម្រាប់វីឡាតម្លៃជួលមានចាប់ពី ៥៥០ ដុល្លារឡើងទៅអាស្រ័យលើគុណភាពចំនួនបន្ទប់ និងសេវាកម្ម ដូចជាអាងហែលទឹក។ ផ្ទះវីឡាគឺមានច្រើនអាចរកបានដោយងាយមានសេវាកម្មសម្រាប់ជួល និងសម្រាប់លក់នៅទួលគោកបើធៀបទៅនឹងតំបន់សំខាន់នៅក្នុងទីក្រុងបច្ចុប្បន្ននៅមានវីឡាតិចតួចណាស់ដែលអាចរកបានចំណែកតម្លៃវិញគឺថ្លៃជាងនៅទួលគោកឆ្ងាយណាស់។កំណើននៃចំនួននៃការអភិវឌ្ឍន៍បុរីកំពុងលេចរូបរាងឡើងនៅជុំវិញតំបន់ទួលគោកដែលមានការពេញ និយមពីសំណាក់អ្នកទិញក្នុងស្រុកដែលស្វែងរកផ្ទះដែលអាចលក់ទំនិញបាន និងវីឡាដែលមានហេដ្ឋារចនាសម្ព័ន្ធល្អមានសុវត្ថិភាព និងបរិស្ថានរស់នៅល្អប្រសើរ។តើអ្វីជាអត្ថប្រយោជន៍នៃកិច្ចសន្យាជួលផ្ទះរយៈពេលវែង និងកិច្ចសន្យាជួលផ្ទះរយៈពេលខ្លី? ម្ចាស់ផ្ទះ និងអ្នកជួលតែងតែធ្វើកិច្ចសន្យាមួយដើម្បីចងក្រងលក្ខខណ្ឌមួយច្បាស់លាស់។ ក្នុងកិច្ចសន្យាជួលផងដែរក៏បានចែងអំពីរយៈពេលនៃការជួលផងដែរ។ ជាធម្មតាកិច្ចសន្យារយៈពេលនៃការជួល គេតែងតែធ្វើចាប់ពី ៦ ខែដល់ ១២ ខែឡើងទៅ។ជាធម្មតាជនបរទេសហាក់បីដូចមានការអល់អែកក្នុងការជួលដែលមានកិច្ចសន្យារយៈពេលជួលវែង ពួកគាត់ចូលចិត្តជ្រើសរើសរយៈពេលខ្លី ហើយជ្រើសរើសការបង់ប្រាក់មួយខែម្តងៗ ដោយហេតុផលម្យ៉ាងទៀតដោយសារតែជនបរទេសភាគច្រើនគាត់មិនស្នាក់នៅរយៈពេលវែងនោះឡើយ។ប៉ុន្តែកិច្ច​សន្យាជួលរយៈពេលវែងវាអាចជាអត្ថប្រយោជន៍មួយផងដែរសម្រាប់អ្នកជួល វាផ្តល់នូវឱកាសដ៏ល្អសម្រាប់ធ្វើកាចរចារជាមួយម្ចាស់ លោកអ្នកអាចធ្វើការកែប្រែលក្ខន្តិកៈមួយចំនួនដូចជា៖ ប្រាក់ជួល ប្រចាំខែ ប្រាក់កក់ តម្លៃសេវាបន្ថែមជាដើម។ ការចរចារទាំងប៉ុន្មានទំនងម្ចាស់ផ្ទះមានការយល់ព្រមតាមសំណើអ្នកជួលមួយចំនួនក្នុងករណីដែលអ្នកមានបំណងស្នាក់នៅរយៈពេលវែង។ តើធ្វើដូចម្តេចដើម្បីរកផ្ទះជួលមួយដ៏ល្អ?អាចនិយាយបានថាការស្វែងរកផ្ទះជួល វាជារឿងមានភាពស្មុគស្មាញលោកអ្នកត្រូវចំណាយពេលច្រើន ដើម្បីស្វែងរកផ្ទះជួលមួយដ៏ល្អ។ ជាក់ស្តែងលោកអ្នកត្រូវចំណាយពេលយា៉ងច្រើនក្នុងការស្វែងរកផ្ទះសម្រាប់ជួល ហើយប្រសិនបើអ្នកជាជនចំណូលថ្មីនៅក្នុងទីក្រុងមួយ។ មនុស្សមួយចំនួនបានពឹងពាក់បុគ្គលឯកជនដែលតាំងខ្លួនជាអ្នកស្វែងរកផ្ទះជួលឲ្យករណីនេះបុគ្គលទាំងនោះអាចនឹងជាអាជ្ញាកណ្តាលធ្វើការចរចារតម្លៃ និងយកកម្រៃជើងសារ។ ជាធម្មតាពួកគេយកកម្រៃជើងសារពីម្ចាស់ផ្ទះ។ បុគ្គលដែលតាំងខ្លួន​ជាអ្នកស្វែងរកអចលនទ្រព្យឲ្យលោកអ្នកដែលភាសាសាមញ្ញហៅថា អ្នកគួកជេរ ពួកគាត់អាចធ្វើឲ្យមានភាពច្របូកច្របល់ជាមួយតម្លៃក៏ដូចជាថ្លៃសេវាកម្រៃជើងសារផងដែរ នេះជាហេតុធ្វើឲ្យម្ចាស់ផ្ទះអាចតម្លើងថ្លៃឈ្នួលដោយហេតុតែឈ្មួញកណ្តាលនោះទាមទារតម្លៃសេវា​កម្រៃជើងសារខ្ពស់ពេកដោយគ្មានការកំណត់មួយត្រឹមត្រូវ។ដោយឡែកយើងគួរស្វែងរកភ្នាក់ងារអចលនទ្រព្យណាដែលមានអាជ្ញាប័ណ្ណត្រឹមត្រូវប្រកបដោយវិជ្ជាជីវៈត្រឹមត្រូវ។ ជាធម្មតាភ្នាក់ងារអចនទ្រព្យទាំងនោះផ្តល់សេវាជាច្រើនទាក់ទងនឹងអចលនទ្រព្យរួមមានទាំងការស្វែងរកផ្ទះជួលជាដើម យើងអាចពឹងលើភ្នាក់ងារអចលនទ្រព្យណាមួយដែលយើងស្គាល់ច្បាស់។ ជាទូទៅនៅពេលអ្នកស្វែងរកផ្ទះជួលតាមរយៈភ្នាក់ងារអចលនទ្រព្យ វាផ្តល់ភាពងាយស្រួល និងចំណេញពេលវេលាបានច្រើន។ សាកសម្យបំផុតសម្រាប់អ្នក ដែលមានថវិការសមល្មមនៅពេលដែលយើងទៅរកសេវាកម្មពីភ្នាក់ងារអចលនទ្រព្យ ពួកគេមិនគិតកម្រៃសេវាអ្វីឡើយចំណែកឯ​កម្រៃជើងសារត្រូវបានគិតពីម្ចាស់ផ្ទះជួល ហើយតម្លៃត្រូវបានធ្វើឡើងដោយមានស្តង់ដារច្បាស់លាស់បំផុត។ ទោះបីជាយ៉ាងនេះក្តីក៏ពួកគេនៅតែមានភាពស្វិតស្វាញក្នុងស្វែងរកផ្ទះជូនលោកអ្នកដដែល ព្រោះអតិថិជនម្នាក់អាចជាអ្នកនាំសារដ៏ល្អទៅកាន់អតិថិជនផ្សេងៗទៀត នោះកេរ្តិ៍ឈ្មោះយរបស់ភ្នាក់ងារអចលនទ្រព្យក៏កាន់តែត្រូវបានគេស្គាល់។ កញ្ញា អ៊ិន ចាន់ស្រីល័ក្ខ បុគ្គលិកផ្នែកលក់នៅក្នុងក្រុមហ៊ុនអចលនទ្រព្យ យ៉ុង យ៉ាប់ ដែលជាភ្នាក់អចលនទ្រព្យដែលមានសេវាកម្មលក់ និងជួលអចលនទ្រព្យក្នុងក្រុងភ្នំពេញបាននិយាយថា “ក្នុងនាមជាភ្នាក់ងារអចលនទ្រព្យមួយមានស្តង់ដារច្បាស់លាស់ ពួកយើងផ្តល់សេវាកម្មមួយដ៏មានប្រសិទ្ធិភាព និងភាពស្មោះត្រង់ជូនដល់អតិថិជន។” កញ្ញា ស្រី ល័ក្ខ បានបន្តទៀតថា“ពួកយើងយល់ពីតម្រូវការដែលភ្ញៀវចង់បាន។ លើសពីនេះយើងផ្តល់ការផ្តល់ការប្រឹក្សា និងជួយដោះស្រាយបញ្ហានានានៅពេលដែលពួកគាត់ជួបបញ្ហាអំឡុងពេលស្នាក់នៅ។ ភាពស្មោះត្រង់និងវិជ្ជាជីវៈច្បាស់លាស់នោះជាអ្វីដែលលោកអ្នកគួរតែជ្រើសរើសយកភ្នាក់ងារអចលនទ្រព្យដើម្បីជួយស្វែងរកផ្ទះជួល ឬលក់។”  សម្រាប់ជនបរទេសផងដែរវាកាន់តែផ្តល់ភាពងាយស្រួលសម្រាប់ពួកគាត់ ជាពិសេស​អាចជួយកាត់បន្ថយពេលវេលាបានទៀតផង វាពិតជាពិបាកខ្លាំងសម្រាប់ជនបរទេសដែលទើបតែផ្លាស់ទីលំនៅមកកាន់ប្រទេសកម្ពុជា។  លោកអ្នកអាចស្វែងរកផ្ទះសម្រាប់ជួលដោយតាមរយៈភ្នាក់ងារអចលនទ្រព្យ មានវិធីម្យ៉ាងទៀតគឺការស្វែងរកលំនៅដ្ឋានតាមប្រព័ន្ធអនឡាញ។តើមានវិធីសាស្រ្តផ្សេងៗទៀតដើម្បីស្វែងរកអចលនទ្រព្យដោយខ្លួនឯងដែរឬទេ?លោកអ្នកអាចចូលទៅកាន់គេហទំព័រ Realestate.com.kh ដែលជាគេហទំព័រអចលនទ្រព្យឈានមុខគេនៅកម្ពុជា។ មានអចលនទ្រព្យប្រមាណ ៤៥,០០០  មកពីភ្នាក់ងារអចលនទ្រព្យ ១៥០ និងម្ចាស់គម្រោង​អភិវឌ្ឍន៍ផ្សេងៗទៀត។ លោកអ្នកអាចស្វែងរកលំនៅដ្ឋានគ្រប់ប្រភេទទាំងសម្រាប់ជួល និងលក់បានគ្រាន់តែចូលទៅគេហទំព័រអចលនទ្រព្យមួយ​នេះងាយស្រួលស្វែងរកមានតម្លៃច្បាស់លាស់ បែងចែកទីតាំងទៅតាមគេហដ្ឋាននីមួយៗច្បាស់លាស់។ យើងមិនគិតសេវាកម្រៃជើ់ងសារអ្វីឡើយ នៅពេលអ្នកស្វែងរកអចលនទ្រព្យណាមួយ ឬក៏ចុះផ្សាយអចលនទ្រព្យសម្រាប់លក់ និងសម្រាប់ជួលដោយឥតគិតថ្លៃ ។តើខ្ញុំត្រូវបង់ពន្ធដែរឬទេ នៅពេលដែលខ្ញុំជួលផ្ទះ?បើតាមច្បាប់ម្ចាស់អចលនទ្រព្យនៅពេលដែលធ្វើការជួលទៅឲ្យបុគ្គលណាម្នាក់ អ្នកជួលនោះត្រូវបង់ពន្ធ ១០% នៃប្រាក់ឈ្នួលផ្ទះប្រចាំខែ។ ប៉ុន្តែតាមភាពជាក់ស្តែងគឺអាស្រ័យទៅលើការចរចាររវាងម្ចាស់ផ្ទះ និងអ្នកជួលផ្ទះករណីមួយចំនួនអាចជាម្ចាស់ផ្ទះជាអ្នកបង់ពន្ធ។ប្រសិនបើករណីអ្នកជួលផ្ទះនោះបានធ្វើការជួលបន្តទៅឲ្យអ្នកដទៃផ្សេងទៀតតាមច្បាប់ចាស់ត្រូវកាត់ពន្ធ ១០% នៃប្រាក់ថ្លៃជួលពីម្ចាស់អចលនទ្រព្យរបស់ខ្លួនហើយនៅក្នុងលក្ខខណ្ឌនៃការជួលអចលនទ្រព្យបន្ត អ្នកជួលអចលនទ្រព្យបន្តដោយត្រូវកាត់ពន្ធ១០%នៃថ្លៃជួលពីក្រុមហ៊ុនអចលនទ្រព្យនោះទៀត។ ក្នុងសេចក្ដីណែនាំលេខ១៨៤១០ បច្ចុប្បន្នបានផ្តល់ការលើកលែងពន្ធលើអ្នកជួលបន្តប្រសិនបើម្ចាស់អចលនទ្រព្យ  និងអ្នកជួលដំបូងនោះបានជាប់កាតព្វកិច្ចបង់ពន្ធដូចគ្នា។ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។ សម្រាប់កម្មវិធី iOS និង Android។ស្វែងរកអចលនទ្រព្យសម្រាប់ជួលនៅក្នុងតំបន់ទួលគោក!លោកអ្នកក៏អាចចូរអានមគ្គុទេសនៃការវិនិយោគឆ្នំា២០១៩ របស់យើងបានផងដែរ!អត្ថបទដោយ

គម្រោងលំនៅដ្ឋានធំៗជាច្រើនបញ្ចប់ការសាងសង់របស់ខ្លួនក្នុងទីក្រុងភ្នំពេញនាឆ្នាំ២០១៧នេះ គម្រោងទាំងនេះមានដូចជា ខុនដូ បុរី និងគម្រោងអភិវឌ្ឍន៏ចម្រុះជាច្រើនទៀត។  អ្នកនៅក្នុងវិស័យនេះបានបង្កើនការយកចិត្តទុកដាក់យ៉ាងខ្លាំងដោយផ្ដោតលើលក្ខណៈ និងសេវាកម្មនៃអគារលំនៅដ្ឋានសម្រាប់ពលរដ្ឋ រស់នៅ។ ជាងនេះទៅទៀតនោះថាតើអចលនទ្រព្យទាំងនោះនឹងត្រូវបានគ្រប់គ្រងដោយរបៀបណា!ប្រទេសកម្ពុជាមានទីផ្សារមួយដែលគ្រួសារកាន់កាប់អគារដោយផ្ទាល់ ដោយអគារទាំងនោះត្រូវបានគ្រប់គ្រងដោយសមាជិកគ្រួសារតែមួួយជាមួយការប្រមូលថ្លៃសេវាថែរក្សាពីអ្នកជួល។ ក៏ប៉ុន្តែនៅក្នុងអគារខុនដូជាង២០០ក៏មិនគួរប្រើប្រាស់គំរូនេះទេ ព្រោះវាជាគំរូមួួយមិនល្អ។លោក Sunny Soo ដែលជាអគ្គនាយកក្រុមហ៊ុន Keystone Property Consultants Co., Ltd ដែលជាក្រុមហ៊ុនអន្តរជាតិ Savills បាននិយាយថា “ភាពខ្វះខាតកើតឡើងមកពីការខ្វះបទពិសោធន៍ ក្នុងទីផ្សារ អ្វីដែលសំខាន់ថាតើអ្នកបានស្វែងរកអ្នកគ្រប់គ្រងអចលនទ្រព្យដែលមានបទពិសោធន៏ ឬប្រធានវិស្វករ ឬនាយកប្រតិបត្តិក្រុមហ៊ុនដែលមានជំនាញច្បាស់លាស់ដែរឬទេ។”លោក Soo បានបន្តថា “មិនដូចជានៅប្រទេសមួយចំនួនដូចជាប្រទេស ចិន ថៃ ឬវៀតណាម នោះទេ ការគ្រប់គ្រងអចលនទ្រព្យក្នុងទីផ្សារប្រទេសទាំងនេះគឺមានភាពចាស់ទុំរួចទៅហើយ។ បញ្ហាធំបំផុតរបស់កម្ពុជា នោះគឺកត្តាធនធានមនុស្ស ។”លោក Simon Griffiths ជាអគ្គនាយកជាន់ខ្ពស់របស់ក្រុមហ៊ុន CBRE Cambodia យល់ស្របជាមួយនឹងការលើកឡើងនេះ លោកថា “នៅកម្ពុជាមានអ្នកគ្រប់គ្រងអចលនទ្រព្យដែលមាន បទពិសោធន៏តិចតួចណាស់ វាមិនគួរឱ្យភ្ញាក់ផ្អើលនោះទេដែលកម្ពុជាមានការរីកចម្រើនយឺតយ៉ាវ រហូត ទើបតែមានការអភិវឌ្ឍន៏ថ្មីៗនេះ។ នេះបានបញ្ជាក់ឲ្យឃើញថាកម្ពុជាមិនទទួលផលប្រយោជន៍ពីការរៀនសូត្យពីអ្នកជំនាន់មុននោះឡើយហើយនៅក្នុងវិស័យគ្រប់គ្រងអចលនទ្រព្យវិញក៏មិនទាន់មានលក្ខណៈ សម្បត្តិគ្រប់គ្រាន់នៅឡើយ។” លោក Griffiths បាននិយាយទៀតថា “ក្នុងពេលជាមួយគ្នានេះដែរក្របខ័ណ្ឌច្បាប់នៃការគ្រប់គ្រងអចលនទ្រព្យមិនទាន់មានច្បាស់លាស់នៅឡើយក្នុងប្រទេសកម្ពុជា។”លោកបានបន្តថា “ដោយសារតែភាពខ្សោយក្នុងរចនាសម្ព័ន្ធច្បាប់ បានធ្វើឲ្យនៅតែ មានម្ចាស់អចលនទ្រព្យ/អ្នកជួលមិនចង់ចំណាយថ្លៃសេវារបស់ពួកគេ ហើយពួកគេមានជម្រើសជាច្រើនសម្រាប់យកលេសដោះសារ ឬហេតុផលជាច្រើនដើម្បីគេចវេសការបង់ពន្ធទៀតផង។ ប្រសិនបើមិនមានថវិកា ក្នុងគណនីគ្រប់គ្រងអចលនទ្រព្យសម្រាប់អគារនោះទេ អគ្គីសនីទាំងអស់នឹងត្រូវកាត់ផ្តាច់ជណ្ដើរយន្ត មិនត្រូវបានជួសជុលហើយបុគ្គលិកនឹងត្រូវបញ្ឍប់។ កត្តាទាំងអស់នេះវានឹងធ្វើឱ្យមានការប្រឈមនឹង ផលលំបាកជាច្រើន។  លោក Soo បានលើកឡើងទៀតថា “ពេលបច្ចុប្បន្នមានចំណុចខ្វះខាតមួយរវាងការរំពឹងទុករបស់អ្នក អភិវឌ្ឍន៏ដែលជាធម្មតាមិនអាចសម្រេចបាននូវចំនួនសរុបទាបបំផុតនៃការប្រមូលថ្លៃសេវាគ្រប់គ្រង ដែលពួកគេចង់បាន។”លោក Matthew Rendall ជាដៃគូជាន់ខ្ពស់របស់ក្រុមហ៊ុន Sok Siphana & Associates និងជាសមាជិករបស់ក្រុមហ៊ុនច្បាប់ ZICOlaw បានលើកឡើងថា “ត្រូវតែមានការអភិវឌ្ឍន៏ដោយក្រុមហ៊ុនច្រើនរួមគ្នា (ដែលម្ចាស់ក្រុមហ៊ុនទាំងអស់នោះជាអ្នកគ្រប់គ្រង និងគ្រប់គ្រង់លើថវិកាសម្រាប់ហានីភ័យនាពេលអនាគត)។ មានភាពបរាជ័យក្នុងការអនុវត្តន៍ចំណុចនេះ ដោយសារថាតើអ្នកអភិវឌ្ឍន៏ត្រូវតែគ្រប់គ្រងអគារនោះរហូត  ឬត្រូវប្រឈមមុខនឹងហានិភ័យនៃគម្រោងអភិ​ វឌ្ឍន៍នេះ។” នៅពេលដែលគម្រោងជាច្រើនបានបញ្ចប់ការសាងសង់ ហានិភ័យនឹងកើតឡើងសម្រាប់អ្នកទិញចុងក្រោយប្រសិនបើមិនមានការគ្រប់គ្រងអចលចទ្រព្យឱ្យបានល្អទេនោះ។ លោក Benny Tan ដែលជាប្រធានផ្នែកប្រឹក្សានៅក្រុមហ៊ុន Raffles Strata Management (Cambodia) Pte Ltd បានលើកឡើងថា “គម្រោងប្រណិតៗមានស្តង់ដារខ្ពស់បានជួលក្រុមហ៊ុនគ្រប់គ្រងអចលនទ្រព្យបរទេសដើម្បីគ្រប់គ្រង។ រីឯអ្នកទិញត្រូវកត់សម្គាល់ពីតម្រូវការទីផ្សារដែលមានបញ្ហានៃអចលនទ្រព្យដែលគ្រប់គ្រងដោយម្ចាស់ផ្ទាល់ ដូច្នេះគឺអាចសម្រេចចិត្តចាត់វិធានការកែតម្រូវកាន់តែឆាប់កាន់តែល្អ។ ប្រព័ន្ធគ្រប់គ្រងមួយដែលល្អនឹងកើតមានឡើងគ្រប់ពេលនៅពេលដែលអ្នកអភិវឌ្ឍន៍មានគម្រោងច្បាស់លាស់។” លោក Griffiths បាននិយាយទៀតថា ត្រូវចងចាំថា “តម្លៃកាន់តែទាបមិនល្អនោះទេ!” ប្រសិនបើអ្នកចង់បានតម្លៃទាបបន្ទាបមកត្អូញត្អែរថាមិនល្អអ្នកមិនគួរភ្ញាក់ផ្អើលនោះទេព្រោះអ្នកបានចំណាយនូវអ្វីដែលមានតម្លៃថោក ហើយវាក៏ដូចគ្នាទៅនឹងការគ្រប់គ្រងអចលនទ្រព្យអញ្ចឹងដែរអ្នកនឹងទទួលអ្វីដូចគ្នាទៅនឹងតម្លៃដែរ។” លោក Griffiths​ បានបន្តថា “ប្រសិនបើអ្នកភិវឌ្ឍន៏ព្យាយាមលក់ខុនដូឱ្យអ្នកជាមួយតម្លៃសេវាកម្មទាប រំពឹងលើគុណភាពទាប និងតម្លៃនៃការវិនិយោគរបស់អ្នកនឹងស្ថិតនៅក្នុងហានិភ័យដូចគ្នា។  តម្លៃសេវាកម្ម១ដុល្លារក្នុងមួយម៉ែត្រការ៉េក្នុងសម្រាប់លំនៅដ្ឋានខុនដូ ដោយសារតែការណែនាំលើការអនុវត្តទីផ្សារនោះ មានកំហុសឆ្គង ព្រោះតម្លៃនេះទាបពេកហើយ។ អ្នកទិញត្រូវមើលផែនការថវិកាសម្រាប់ការគ្រប់គ្រង អចលន ទ្រព្យពីអ្នកអភិវឌ្ឍន៏។ ប្រសិនបើអ្នកអភិវឌ្ឍន៏មិន​ច្បាស់ទេនោះទេនោះវាអាចជាក្តីបារម្ភមួយលើ​ ការការគ្រប់គ្រងអចលនទ្រព្យនោះ”។ លោក Rendall បានសន្និដ្ឋានថា “អ្នកទិញទាំងអស់ត្រូវពិនិត្យពិច្ច័យលើកិច្ចសន្យលក់ដើម្បីកំណត់ឱ្យបាន ច្បាស់អ្វីដែលជាគោលបំណងរបស់អ្នកអភិវឌ្ឍន៏ទាក់ទងទៅនឹងការសេវាកម្មគ្រប់គ្រងអគារនាពេលខាងមុខ។ នេះពិតជាសំខាន់ដូចទៅនឹងគុណភាព និងការរចនាម៉ូតរបស់សំណង់អគារ។ ប្រសិនបើកិច្ចសន្យាមិនមានភាពច្បាស់លាស់​ទេនោះត្រូវប្រុងប្រយ័ត្ន។ អ្នកទិញក៏គួរតែពិនិត្យមើលស្នាដៃអភិវឌ្ឍន៏កន្លងមក របស់អ្នកអភិវឌ្ឍន៏ហើយយើងអាចវាយតម្លៃថាតើពួកគេមានការគ្រប់គ្រងបានល្អកម្រិតណា (នៅពេលដែលអ្នកសម្រេចចិត្តថាតើត្រូវទិញ ឬយ៉ាងណានោះ។) ប៉ុន្ដែទីផ្សារក្នុងប្រទេសកម្ពុជាប្រហែលជាស្ថិតនៅក្នុងដំណាក់កាលនៃការរៀនសូត្រនៅឡើយ។ លោក Tan​ បាននិយាយថា “តំបន់ទីផ្សារផ្សេងៗទៀតក៏ដូចគ្នាដែរ។ការខ្វះចន្លោះបែបនេះមានតាំងពីដំបូង ប៉ុន្តែនៅពេលទីផ្សារក្នុងស្រុកបើកទូលាយទៅកាន់ស្តង់ដារលំដាប់ខ្ពស់នៅគ្រប់កន្លែង និងមានលក្ខណៈដូចគ្នានោះចន្លោះប្រហោងនឹងកាន់តែរួមតូចទៅៗ និងបាត់បង់ទៅនៅពេលចុងក្រោយ។”

ខណ្ឌដូនពេញគឺជាឈ្មោះបានមកពីរឿងព្រេងដែលមានដូនចាស់ម្នាក់ឈ្មោះយាយពេញ។ ដូនពេញបានប្រទះឃើញរូបចំលាក់ព្រះពុទ្ធរូបនៅក្នុងដើមគគីរអណ្ដែតទឹកនៅក្នុងទឹកទន្លេមេគង្គ បន្ទាប់មកទីក្រុងមួយនេះក៏បានក្លាយជាឈ្មោះថាភ្នំពេញរហូតដល់សព្វថ្ងៃ។ ចំណែកឯខណ្ឌដូនពេញត្រូវបានគេចាត់ទុកថាជាខណ្ឌមួយដ៏មានប្រជាប្រិយភាពបំផុត ហើយវាជាតំបន់ពាណិជ្ជកម្មធំបំផុតក្នុងទីក្រុងភ្នំពេញ។ វាបណ្តុំដោយស្ថាបត្យកម្មប្រណិតៗ ផ្សារ ហាងលក់ទំនិញជាច្រើនដែលផ្តល់នូវតម្រូវការជាច្រើនដូចជាអាហារនិងភេសជ្ជៈ ហើយគឺជាខណ្ឌមួយដែលស្ថិតនៅជាប់ផ្លូវសំខាន់ៗនៅក្នុងរាជធានី។ ខណ្ឌដូនពេញមាន១១សង្កាត់ មានដូចជា៖ សង្កាត់ស្រះចក សង្កាត់ផ្សារចាស់ សង្កាត់ផ្សារកណ្ដាល១ សង្កាត់ផ្សារកណ្ដាល២ សង្កាត់ជ័យជំនះ សង្កាត់ចតុមុខ សង្កាត់ផ្សារថ្មី១ សង្កាត់ផ្សារថ្មី២ សង្កាត់ផ្សារថ្មី៣ សង្កាត់បឹងរាំង ហើយនិងកន្លែងដែលយាយពេញដាក់ព្រះពុទ្ធរូបនោះគឺសង្កាត់វត្ដភ្នំ។ តើទីផ្សារអចលនទ្រព្យក្នុងខណ្ឌដូនពេញមានលក្ខណៈយ៉ាងដូចម្ដេចដែរ? ទីផ្សាដីក្នុងខណ្ឌដូនពេញ៖តម្លៃដីក្នុងទីក្រុងភ្នំពេញនៅតែបន្តកើនឡើងចាប់ពីឆ្នាំ២០១០ដល់២០១៦។ ខណ្ឌដូនពេញគឺខណ្ឌ មួយ ដែលតំណាងឱ្យខណ្ឌទាំងអស់ក្នុងទីក្រុងភ្នំពេញដែលដែលមានតម្លៃដីខ្ពស់បំផុត។ តម្លៃដីក្នុងខណ្ឌដូនពេញជាធម្មតាមានតម្លៃចាប់ពី៤,០០០ទៅ ៤,៣០០ដុល្លារក្នុងមួយម៉ែត្រការ៉េ នេះបើយោងតាមរបាយការណ៏ទីផ្សារដីពាក់កណ្ដាលត្រីមាសទី២របស់ក្រុមហ៊ុន CBRE Cambodia។ វាអាចត្រូវបានគេចាត់ទុកថាមានតម្លៃថោកជាងដីក្នុងបឹងកេងកង១និង២ក៏ប៉ុន្តែតម្លៃដីនៅតែមានតម្លៃខ្ពស់នៅក្នុងខណ្ឌដូនពេញ ដែលស្ថិតនៅតាមតំបន់និងតាមបណ្ដោយផ្លូវសំខាន់ៗ។ ចំពោះចំណតរថយន្តវិញវាគឺជាខណ្ឌដែលមានតម្រូវការខ្ពស់ដីដែលទំនេរជាច្រើនត្រូវបានប្រើប្រាស់សម្រាប់ចំណតរថយន្ត។  Duan Penh Residential Property Market:ខុនដូនៅក្នុងតំបន់នេះមានតម្លៃជាទូទៅចាប់ពី២១,៥០០ដុល្លារសម្រាប់បន្ទប់មួយមិនមានបំពាក់គ្រឿង សង្ហារឹម សម្រាប់យូនីតដែលមាន២បន្ទប់គេងមានបំពាក់គ្រឿងសង្ហារឹមគ្រប់គ្រាន់តម្លៃ៥២០,០០០ដុល្លារ។ អាត្រាជួលមានតម្លៃចាប់ពី១៥០ ដុល្លារក្នុងមួយខែសម្រាប់យូនីតដែលនៅជិតផ្សារ ទំនើបសុរិយាហើយយូនីតដែលនៅជិតផ្សារធំថ្មីមានតម្លៃ ២,៨០០ ដុល្លារក្នុងមួយខែ។ ទាំងតម្លៃជួលនិងលក់របស់ខុនដូទាំងនេះមានប្រភេទផ្សេងៗគ្នាអាស្រ័យលើគុណភាពនៃសំណង់ ការគ្រប់គ្រង និងទីតាំង របស់ខុនដូ។ មានវីឡាមួយចំនួនសម្រាប់លក់ក្នុងខណ្ឌដូនពេញប៉ុន្តែការផ្គត់ផ្គង់មានកំណត់។ វីឡាជាច្រើនត្រូវបានទិញដោយអ្នកអភិវឌ្ឍន៏ អាផតមេន សណ្ឋាគារ និងខុនដូដើម្បីធ្វើការសាងសង់ថ្មី។ ហេតុដូច្នេះហើយត្រូវរំពឹងអ្វីដែលអ្នកអាចទទួលយកបានពីព្រោះវីឡាដែលមាន ព្រោះវីឡាគុណភាពល្អដែលព័ទ្ធជុំវិញដោយដី កំពុងតែ មានតម្រូវការខ្ពស់សម្រាប់អ្នកមានក្នុងតំបន់នេះ។ អ្នកអាចជួលវីឡាដែលមានទំហំ២០០ត្រការ៉េមានតម្លៃ៦០០ ដុល្លារក្នុងមួយខែហើយ២៥,០០០ក្នុងមួយខែសម្រាប់វីឡាដែលល្អប្រណិត មានទំហំ ៦០០ ម៉ែត្រការ៉េ។ ចំពោះតម្លៃលក់តម្លៃចាប់ពី២០០,០០០ដុល្លារ ហើយអាចកើនឡើងដល់១លានដុល្លារ អាស្រ័យលើគុណភាពទំហំដីនិងទីតាំង។​ផ្ទះល្វែង និងផ្ទះអាជីវកម្មសម្រាប់លក់មានតម្លៃចាប់ពី ២៩,៥០០ដុល្លារ។ វាអាចកើនឡើងដល់ ២លាន ដុល្លារសម្រាប់ផ្ទះល្វែងដែលមាន៤បន្ទប់គេង និង៤បន្ទប់ទឹក។  អត្រាជួលមានតម្លៃចាប់ពី៩០ដុល្លារ ក្នុងមួយខែអាស្រ័យលើទីតាំង និងគុណភាពផ្ទះនោះ។ ក្នុងខណ្ឌនេះផងដែរក៏មានគម្រោងអភិវឌ្ឍន៏បុរីជាច្រើនដែលអ្នកអាចជ្រើសរើសបានប្រសិនបើអ្នកចង់ទិញអចលនទ្រព្យដែលមានសហគមរស់នៅច្រើន។ គម្រោងមួយចំនួននៃគម្រោងទាំងនោះត្រូវបានសាងសាង់រួចរាល់ផងដែរ ហើយគម្រោងមួយចំនួនទៀតកំពុងតែត្រូវបានសាងសង់។ការិយាល័យ និងមជ្ឈមណ្ឌលពាណិជ្ជកម្មក្នុងខណ្ឌដូនពេញ៖អត្រាជួលសម្រាប់ការិយាល័យក្នុងខណ្ឌដូនពេញទាបបំផុតមានតម្លៃ ៦ដុល្លារក្នុងមួយម៉ែត្រការ៉េសម្រាប់មួយខែ ហើយខ្ពស់បំផុត១៥ លានដុល្លារសម្រាប់ការទិញអគារការិយាល័យទាំងមូលដែលមានទំហំដី​ ១,០៧០ម៉ែត្រការ៉េ។តំបន់ពាណិជ្ជកម្មសំខាន់ៗនៅទីនេះគឺ អគាធនាគារកាណឌីយ៉ា ស្ថិតនៅតាមបណ្ដោយវីថីព្រះអង្គឌួង។ អគារមួយនេះមានកម្ពស់៣២ជាន់ ហើយមានទំហំសរុប៦,០០០ម៉ែត្រការ៉េ។ វាមានកន្លែងអាជីវកម្ម កន្លែងធ្វើការ បន្ទប់ប្រជុំការិយាល័យការងារក្រៅម៉ោង ការិយាល័យពេញម៉ោង ការិយាល័យខាងក្នុង និងការិយាល័យខាងក្រៅដែលអ្នកអាចរកជួលបានតាមការពេញចិត្ត។អគារវឌ្ឍនៈគឺជាអគារមួយដែលមានទីតាំងមានសក្ដានុពលបំផុតសម្រាប់អាជីវកម្មក្នុងទីក្រុងភ្នំពេញ    វាមានកម្ពស់សរុប ១៨៧.៣ម៉ែត្រនិងមានកម្ពស់៣៩ជាន់។ វាត្រូវបានសាងសង់ឡើងប្រកបដោយស្តង់ដារអន្តរជាតិបានទទួលវិញ្ញាបនបត្រជាអគារល្អបំផុតផ្នែកថាមពលនិងបរិស្ថានពីសហរដ្ឋអាមេរិក។អគារភ្នំពេញគឺជាតំបន់ពាណិជ្ជកម្មមួយផ្សេងទៀតនៅតំបន់នេះ។ អគារនេះមានទំហំសរុបចំនួន ១,១៧២ ម៉ែត្រការ៉េ។ វាផ្ដល់នូវការិយាល័យតាមតែអ្នកត្រូវការហើយអាចធ្វើអោយអ្នកជួបជុំគ្នាពីម្នាក់ទៅច្រើននាក់ទៀតផង។អគារការិយាល័យ Grade A ក៏អាចជួលបានដែរតាមរយៈ Hong Kong Land ដែល រំពឹងថានឹងសាងសង់រួចរាល់ក្នុងឆ្នាំ២០១៧នេះ។ គម្រោងអភិវឌ្ឍន៏នោះមានទំហំ៣០,០០០ម៉ែត្រការ៉េ ហើយអគារនេះក៏មានហាងលក់ទំនិញចំនួន៤ជាន់ផងដែរ។ ជីវិតរស់ក្នុងខណ្ឌដូនពេញ៖តើខណ្ឌដូនពេញមានបរិយាកាសយ៉ាងដូចម្ដេច?ខណ្ឌដូនពេញត្រូបានគេចាត់ថ្នាក់ថាជាខណ្ឌវប្បធម៏ចម្រុះ និងភាពផ្សេងគ្នា។ វាមានប្រវត្ដមិនអាចកាត់ ថ្លៃបានតាមរយៈរឿងព្រេងប្រវត្ដសាស្រ្តប៉ុន្តែវាក៏មានសំណង់ស្នារដៃទំនើបៗមានដូចជា ភោជនីយដ្ឋាន បារ សណ្ឋាគារ តំបន់ពាណិជ្ជកម្ម​និងខុនដូ។ វាជាកន្លែងដែលមានសកម្មភាពទេសដ៏ខ្លាំងក្លាមួយ ការរស់នៅក្នុងខណ្ឌដូនពេញអ្នកអាចធ្វើអ្វីៗដែលអ្នកចង់ពីព្រោះអ្នកមានជម្រើសរស់នៅផ្សេងៗគ្នា។​ខណ្ឌដូនពេញស្ថិតនៅជាប់តំបន់មាត់ទន្លេ ហើយអាចមើលទេសភាពដ៏ស្រស់ស្អាតរបស់ទន្លេសាប។ មានជីវិតរស់នៅយា៉ងរីករាយនៅតាមបណ្ដោយមាត់ទន្លេអ្នកមានជម្រើសជាច្រើនក្នុងការជ្រើសរើស ភោជនីយដ្ឋាន និងបារ​ ងាយស្រួលសម្រាប់មនុស្សថ្មីៗ។ ច្បាស់ណាស់ការរស់នៅទល់មុខទន្លេមានន័យថាគឺជាការរស់នៅក្នុងទេសភាពដ៏ស្រស់ស្អាត និងខ្យល់អាកាសស្រស់ស្រាយនៅតាមមាត់ទន្លេក៏មានផ្សារជាច្រើនផងដែរ។ សម្រាប់អ្នកដែលចាប់អារម្មណ៏អចលនទ្រព្យតាមបណ្ដោយមាត់ទន្លែ កន្លែងទាំងអស់នេះល្អ​ខ្លាំងណាស់ អ្វីៗទាំងអស់គ្រាន់តែដើរបន្តិចដល់តែម្តង។ ទាក់ទងទៅនឹងទេសចរណ៏វិញមាត់ទន្លេគឺជាទិសដៅលេខ១សម្រាប់ភ្ញៀវទេសចរណ៏ក្នុងទីក្រុងភ្នំពេញ ហើយគឺ ជាកន្លែងកម្សាន្តដ៏ធំរសប់ប្រទេសកម្ពុជា។ នៅតំបន់នេះអ្នកអាចបម្រើសេវាកម្មទេសចរណ៏បាន យ៉ាងងាយស្រួលដូចជា៖ សំបុត្រឡានទេសចរណ៏តាមនាវា ផ្សាររាត្រី ព្រះបរមរាជវាំង ហើយតំបន់មាត់ទន្លេគឺជាកន្លែងសម្រាប់ប្រារព្ធពិធីបុណ្យជាតិផ្សេងៗជាច្រើនទៀតផង។តើមានកន្លែងទិញអីវ៉ាន់ ភោជនីយដ្ឋាន ឬកម្សាន្តដែរឬទេក្នុងខណ្ឌដូនពេញ?មានកន្លែងជាច្រើនសម្រាប់ដើកម្សាន្តក្នុងខណ្ឌដូនពេញដូចជា ផ្សារធំថ្មីនៅតាមផ្លូវ ១២៦ និងផ្លូវ ១៣៦។ វាត្រូវបានសង់ឡើងក្នុងទសវត្សន៏ឆ្នាំ១៩៣០  ហើយវាគឺជាផ្សារលក់វត្ថុអនុស្សាវរីយ៏ ផលិតផលសិប្បកម្ម អាវ និងគ្រឿងអលង្កា។ ហើយនៅភាគខាងត្បូងផ្សារធំថ្មីដែលជាផ្សារមួយដែលធំបំផុតក្នុងប្រទេសកម្ពុជាគឺផ្សារទំនើបសុរីយ៉ាដែលជាផ្សារទំនើបដ៏ពេញនិយមរបស់ជនបរទេស។ ផ្សារទំនើបសុរិយាបច្ចុប្បន្នកំពុងតែត្រូបានកែតម្រូវឡើងវិញដើម្បីទាក់ទាញផលិតផលថ្មីៗ និងបង្កើតផ្សារឱ្យកាន់តែមានភាពទាន់សម័យឡើង។ ផ្សារទំនើប Golden Sorya Mall ជាផ្សារទំនើបមួយស្ថិតនៅក្នុងខណ្ឌដូនពេញ។ វាមាន អាហារដ្ឋាន និងហាងលក់ទំនិញជាច្រើននៅក្នុងតំបន់នេះ ក៏ប៉ុន្តែប្រសិនបើអ្នកចង់បានផលិតផលនាំចូលពីក្រៅប្រទេសអ្នកអាចរកបាននៅផ្សារទំនើប Lucky Market នៅតាមបណ្ដោយមហាវិថីព្រះសីហនុ ដែលនេះជាផ្សារទំនើបមានផលិតផលជាច្រើនមុខ។មានភោជនីយដ្ឋាន ហាងអាហារប្រភេទហ្វាសហ្វូត និងហាងកាហ្វេជាច្រើនដែលមានដូចជា KFC, Lucky Burger, The Deli Bistro Gourmet នៅតាមបណ្ដោយផ្លូវ ១៧៨ ភោជនីយដ្ឋានរតនៈគិរី នៅតាម បណ្ដោយផ្លូវ៥១ ហាងកាហ្វេ  Le Point Café Restaurant ភោជនីយដ្ឋាន Mekong Korean Restaurant Sarpino’s Pizzeria, Golden Mermaid Restaurant, Brown Coffee, KOI Café Vattanac Capital, Bloom Café ហើយមានជាច្រើនទៀត។ សម្រាប់អ្នកដែលចង់ចម្អិននៅឯផ្ទះអ្នកអាចស្វែងរកបាននៅផ្សារធំថ្មី ផ្សារទំនើប Pencil ផ្សារអូឬស្សី និង ផ្សារចាស់ នៅទីនេះអ្នកអាចទិញអ្វីៗគ្រប់យ៉ាងទាំងត្រី និងបន្លែសាច់ជាដើម។តើកន្លែងហាត់ប្រាណមាននៅកន្លែងណាក្នុងខណ្ឌដូនពេញ? សម្រាប់អ្នកដែលចង់ស្វែងរកកន្លែងលំហែកាយខណ្ឌដូនពេញគឺជាកន្លែងដែលមានក្លឹបហាត់ប្រាណ និងថែរក្សាសុខភាពយ៉ាងច្រើន។ ក្នុងនោះមាននៅតាមបណ្ដោយផ្លូវ ២៧៨ គឺ កន្លែងហាត់ប្រាណ  Prokout Fitness and Fight Center Paddy’s Fight Club និងកន្លែងហាត់ប្រាណ Kim Hour។ មានស្ប៉ាដូចជា SK Relax Massage & Spa I, M Health Khmer Spa, និង the Rock Hotel and Spa។​ តើការកំសាន្តនៅពេលរាត្រីមានលក្ខណៈយ៉ាងណាដែរក្នុងខណ្ឌដូនពេញ?សម្រាប់ការកំសាន្តនាពេលរាត្រីនៅក្នុងតំបន់ដូនពេញ នៅផ្លូវ៥១ដែលមានការរាង្គសាល ក្លឹប បារ ដែលមានភ្លេងរាំកំសាន្ត សម័យថ្មី។ ក្លឹបកំសាន្ត Heart of Darkness នៅលើបណ្តោយផ្លូវ៥១ចាប់បើកដំណើរកការតាំងពីឆ្នាំ១៩៩៣។  ផ្លូវ៥១ត្រូវបានស្គាល់ថាជាតំបន់ដែលសំបូរដោយក្លឹបកំសាន្តនាពេលរាត្រីនៅក្នុងក្រុងភ្នំពេញ។ដើរកំសាន្តនៅតាមបណ្តោយមាត់ទន្លេវាក៏ជាកន្លែងពោរពេញដោយមនុស្សច្រើនកុះករ ទទួលភាពរីករាយ ភោជនីយដ្ឋាន និងបារមីត្រូជាកន្លែងមានប្រជាប្រិយភាពមួួយដែរស្ថិតនៅក្នុងចំណោមហាងដទៃទៀត។ រាត្រីដ៏រីករាយចែករំលែកភាពសប្បាយរីករាយជាមួួយមនុស្សជាទីស្រលាញ់ ញាុំអាហារ និងក្រេបស្រាក្រហមយ៉ាងឆ្ងាញ់ពិសារ។ តំបន់ទីបីនៅតាមបណ្ដោយផ្លូវ ១៧២ ដែលអ្នកអាចស្វែងរកការកម្សាន្តតាម បារ ភោជនីយដ្ឋាន និងសណ្ឋាគារ។ ចាប់តាំងពីបឹងកក់ត្រូវបានគេចាក់បំពេញជាច្រើនឆ្នាំជាមួយការអភិវឌ្ឍន៍ទន្ទឹមនឹងដំណាក់ការសាងសង់នៅឡើយ ភ្ញៀវទេសចរណ៍ជាច្រើនបានផ្លាស់ទីមកកាន់តំបន់ដូនពេញវិញ។ ហើយតំបន់នេះនៅពេលរាត្រីមានក្លឹបរាត្រីយ៉ាងច្រើនរួមមាន៖ Blue Chilli Bar នៅតាបណ្ដោយ ១៧៨ he Empire Movie House, Bar & Restaurant, Velkommen Backpackers, Shanghai Bar and Restaurant, Oasis Bar, Eden’s Bar, Dream Bar និងបារនៅក្នុងសណ្ឋាគារដូចជា Monsoon Boutique Hotel, Le Grand Mekong Hotel និងសណ្ឋាគារកាំបូឌីយ៉ាណា។  តើមានសាលាអ្វីខ្លះក្នុងតំបន់នេះ?ខណ្ឌដូនពេញគឺជាខណ្ឌដែលពោពេញទៅដោយសាលាជាច្រើនដែលទទួលស្គាល់គុណភាពអប់រំដោយ IELTS និង TOEFL។ សាលាមួយចំនួនផ្ដល់ការអប់រំដូចសហរដ្ឋអាមេរិកដែរនៅក្នុងប្រទេសកម្ពុជា។ សាលាទាំងនេះរួមមាន៖ វិទ្យាល័យវត្ដកោះ វិទ្យាល័យព្រះស៊ីសុវត្ថិ សាលាវេសស្លាញន៏ អនុវិទ្យល័យចតុមុខ សាកលវិទ្យាល័យបញ្ញាសាស្រ្តកម្ពុជា សាលាអន្តរជាតិប៉េកាំង វិទ្យាស្ថានអភិវឌ្ឍន៏និស្សិត វិទ្យាល័យហ៊ុនសែនប៊ុរ៉ានីវត្ដភ្នំ សាលាព្រះសីហនុរាជ សាលាអាមេរិកាំង Golden Gate សាលាអន្តរជាតិICS និងសាលាសុវណ្ណភូមិ។ សាលាជាច្រើនទាំងនេះត្រូវបានចុះបញ្ជីជាមួយក្រសួងអប់រំយុវជននិងកីឡាកម្ពុជា និងទទួលស្គាល់គុណ ភាពអប់រំដោយការប្រឡងជាអន្តរជាតិ Cambridge International Exams Western Association of Schools and Colleges, Middle States Association of Colleges and Commissions on Elementary and Secondary Schools និងក្រុមប្រឹក្សាជាតិ សម្រាប់សាលាឯកជន។ តើខ្ញុំអាចធ្វើដំណើជុំវិញទីក្រុងដោយរបៀបណា?មានជម្រើសដឹកជញ្ជូនជាច្រើនក្នុងខណ្ឌដូនពេញដែលដឹកជញ្ជូនដោយស្ថានីយជាច្រើនដោយភ្ជាប់ទំនាក់ទំនងជាមួយតំបន់មួយចំនួននៅតាមខេត្ត និងទីក្រុងនៃប្រទេសកម្ពុជា។ ស្ថានីយរថភ្លើងកម្ពុជាគឺជាស្ថានីយមួយក្នុងចំណោមស្ថានីយនៅក្នុងប្រទេសម្ពុជា ហើយស្ថានីយ នេះអាចដឹកអ្នកដំណើទៅខេត្តកំពត និងព្រះសីហនុ។ ស្ថានីយមួយចំនួនទៀតរួមមានស្ថានីយរថយន្តតាក់ស៊ីបាត់ដំបង ស្ថានីយឡានក្រុងផ្សារធំថ្មី ស្ថានីយឡានក្រុងលឿន G.S.T ស្ថានីយឡានក្រុងសាកលវិទ្យាល័យឱសថសាស្រ្ត ស្ថានីយឡានក្រុង BKC ស្ថានីយឡានក្រុង៣៦តាមមហាវិថីព្រះមុនីវង្ស កំពង់ចម្លងភ្នំពេញ ស្ថានីយឡាន ក្រុងពេទ្យព្រះកេតុមាលា ស្ថានីយឡានក្រុងមន្ទីរពេទ្យកាល់ម៉ែត ស្ថានីយឡានក្រុងរង្វង់មូលស្តាតចាស់ ស្ថានីយឡានក្រុងGiant​Ibis ស្ថានីយLarryta Express terminal និង ស្ថានីយមណ្ឌលសុខភាពខណ្ឌដូនពេញ។ មានតុតុ និងម៉ូតូឌុបជាច្រើនផងដែរនៅក្នុងតំបន់នេះ ប៉ុន្តែអ្នកក៏អាចប្រើប្រាស់យានយន្ត និងកង់ របស់អ្នកដើម្បីធ្វើដំណើរជុំវិញខណ្ឌដូនពេញបានដែរ។ ហើយក៏មានឡានដឹកជញ្ជូនទៅតំបន់ផ្សេងៗនៃទីក្រុងភ្នំពេញដែរតាមរយៈផ្លូវសំខាន់ៗព័ទ្ធជុំវិញខណ្ឌដូនពេញ។តើត្រូវធ្វើដូចម្ដេចបើខ្ញុំឈើ? តើមានមណ្ឌលសុខភាពដែរឬទេក្នុងខណ្ឌដូនពេញ?ក្នុងខណ្ឌដូនពេញជាខណ្ឌដែលមានសាកលវិទ្យាល័យពេទ្យ មណ្ឌលសុខភាព មន្ទីរពេទ្យ និងឱសថស្ថានជាច្រើនស្ថិតនៅក្នុងតំបន់នេះដែរ។ ឱសថស្ថាននៅក្នុងខណ្ឌមាន ឱសថស្ថាន Gold Palace នៅតាមបណ្ដោផ្លូវជាតិលេខ៥ ឱសថស្ថាន the Pharmart UHS និងឱសថស្ថាន Pharmacie De La Gare តាមបណ្ដោយមហាវិថីព្រះមុនីវង្ស ឱសថស្ថាន U-Care នៅតាមបណ្ដោយមហាវិថីព្រះនរោត្ដម និង U Care នៅតាមបណ្ដោយមហាវិថីសម្ដេចសុធារស។ មជ្ឈមណ្ឌលក្នុងខណ្ឌដូនពេញមានដូចជា៖ មណ្ឌលសុខភាពខណ្ឌដូនពេញ មន្ទីរពេទ្យកាល់ម៉ែតនៅលើផ្លូវ៨០ មន្ទីពេទ្យបាយ័ន្ត នៅតាមមហាវិថីព្រះនរោត្ដម មន្ទីរពេទ្យព្រះកេតុមាលា នៅតាមផ្លូវ៤៧ និងមន្ទីរពេទ្យព្រះអង្គឌួង។ សម្រាប់ការថែទាំសុខភាពធ្មេញ មានពេទ្យធ្មេញ  Roomchang ស្ថិតនៅលើផ្លូវ១៨៤ក្នុងសង្កាត់ផ្សារថ្មី៣។ នេះត្រូវបានគេស្គាល់ថាជាមន្ទីរពេទ្យធ្មេញដែលឈានមុខគេក្នុងប្រទេសកម្ពុជា។តើខណ្ឌដូនពេញអាចមានគ្រោះធម្មជាតិដែរឬទេ? ខណ្ឌដូនពេញអាចមានទឹកជំនន់ ថ្មីៗនេះសេក្ដីរាយការណ៏មួយបានរាយការណ៏ពីខណ្ឌដូនពេញមានសង្កាត់ផ្សារថ្មី ខណ្ឌចំការមន មានសង្កាត់ទន្លេបាសាក់ និងខណ្ឌទួលគោកមាន ផ្សារដើមគរត្រូវបានលិចទឹក។ ការខិតខំប្រឹងប្រែងរបស់រដ្ឋាភិបាលដើម្បីកាត់បន្ថយការលិេចទឹកកំពុងតែត្រូវបានធ្វើឡើងយ៉ាងប្រញាប់ប្រញាល។ មានស្ថានីយបូមទឹកច្រើនជាង១០ ក្នុងទីក្រុងភ្នំពេញបន្ទាប់ពីមានការសាងសង់ស្ថានីយបូមទឹកបានចាប់ផ្ដើមក្នុងឆ្នាំ ២០១៥។ អ្នកនាំពាក្យសាលាក្រុង លោក ជិន ប៊ុនធឿន បាននិយាយថា “ផ្អែកលើស្ថានីយបូមទឹកថ្មីៗដែលបំពាក់ដោយឧបករណ៍គ្រប់គ្រាន់ជាមួយកម្លាំងបូបខ្លាំងដែលពួកយើងបានរៀបចំឡើង រដ្ឋាភិបាលធានាថាទី ក្រុងភ្នំពេញនឹងមិនលិចទឹកម្ដងទៀតនោះទេ។”ប្រសិនបើអ្នកចង់ឱ្យប្រាកដថាកន្លែងដែលអ្នកនឹងទៅរស់នៅគ្នានបញ្ហាទឹកជំនន់ អ្នកត្រូវត្រួតពិនិត្យ មើលតំបន់ជុំវិញ ឬមើលទីតាំងអចលនទ្រព្យនោះដោយផ្ទាល់។ កត្តាទាំងនេះតែងតែមិនមានភាពទាក់ទាញហើយស្ថិតនៅបន្ទាត់ក្រោមបំផុតអ្នកក៏អាចពិនិត្យមើលឱ្យបានច្បាស់នូវឬសគល់នៃអចលនទ្រព្យ នោះ។ ប្រសិនបើអ្នកបានទិញឬជួលផ្ទះរួចរាល់ហើយអ្នកត្រូវអានអត្ថបទនេះហើយធ្វើដំណើជុំវិញទីក្រុងអំឡុងពេល ទឹកជំនាន់អ្នកនឹងអាចគ្រប់គ្រងបានដោយប្រើប្រាស់តុតុឬតាក់ស៊ី។ ព្យុះក្នុងប្រទេសកម្ពុជាជាធម្មតាគឺខ្យល់ដូច្នេះអ្នកអាចពាក់អាវក្រាស់ៗដែលមិនជ្រាបទឹក និងមិនអាចជ្រាបទឹកបានអាចប្រសើជាងការប្រើប្រាស់ឆ័ត្រ។ ឥឡូវអ្នកដឹងព័ត៌មានខ្លះហើយ សូមស្វែងយល់បន្ថែមអំពីអចលនទ្រព្យបន្ថែម៖អចលនទ្រព្យសម្រាប់ជួលក្នុងខណ្ឌដូនពេញ អចលនទ្រព្យសម្រាប់លក់ក្នុងខណ្ឌដូនពេញ

ប្រសិនបើអ្នកចង់ទិញផ្ទះក្នុងរាជធានីភ្នំពេញអ្នកត្រូវដឹងអំពីចំណុចសំខាន់ដូចជា៖ តម្លៃ គុណភាព និងទីតាំង។ ប៉ុន្តែមានកត្តាផ្សេងៗទៀតដែលអ្នកត្រូវយល់ដោយខ្លួនឯងមុននឹងអ្នកសម្រេចចិត្តទិញផ្ទះក្នុងរាជធានីភ្នំពេញ។Realestate.com.kh បានធ្វើការណែនាំជាជំហ៊ានៗដើម្បីជ្រើសរើសផ្ទះដ៏ត្រឹមត្រូវក្នុងរាជធានីភ្នំពេញ។ តើមានប្រភេទផ្ទះអ្វីខ្លះសម្រាប់លក់ក្នុងរាជធានីភ្នំពេញ?មានប្រភេទអចលនទ្រព្យមួយចំនួនដែលអ្នកត្រូវស្វែងយល់មុននឹងសម្រេចចិត្តថាទិញ ជាទូទៅក្នុងប្រទេសកម្ពុជាមានប្រភេទលំនៅដ្ឋានដូចជា៖ ផ្ទះល្វែង វីឡា បុរី និងខុនដូ។ប្រភេទផ្ទះនីមួយៗមានលក្ខខណ្ឌ និងសិទ្ធិក្នុងការកាន់កាប់ខុសគ្នាបន្តិច ចំណែកឯការផ្គត់ផ្គង់ក្នុងទីផ្សារក៏មានច្រើនសម្រាប់លោកអ្នកជ្រើសរើស។ ការជ្រើសរើសប្រភេទផ្ទះអាស្រ័យលើទំហំគ្រួសាររបស់អ្នក ថវិការរបស់អ្នក និងការធ្វើដំណើរទៅកន្លែងធ្វើការរបស់អ្នកហើយប្រភេទនៃផ្ទះនីមួយៗផ្ដល់នូវគុណសម្បត្តិ និងគុណវិបត្តិផ្សេងៗគ្នា។ ហើយទាក់ទងទៅនឹងម្ចាស់ផ្ទះអាស្រ័យលើថាតើអ្នកជាជនជាតិខ្មែរ ឬមិនមែនហើយអចលនទ្រព្យមួយចំនួនប្រហែលជាមិនមានសម្រាប់ឱ្យអ្នកទិញនោះទេ។ផ្ទះល្វែងសម្រាប់លក់ក្នុងរាជធានីភ្នំពេញ៖តើអ្វីជាផ្ទះអាជីវកម្ម?ផ្ទះល្វែងនេះក៏ត្រូវបានគេស្គាល់ថាជា ថោនហៅស៍ ផ្ទះល្វែង ឬវីឡាកូនកាត់ ដែលត្រូវបានហៅផ្សេងៗគ្នាតាមស្តង់ដារនៃគម្រោងរបស់ខ្លួន។ ផ្ទះល្វែងប្រភេទនេះមានទីតាំងនៅជាប់ផ្លូវ មានហាងប្រកបរបរអាជីវកម្មនៅជាន់ផ្ទាល់ដី និងនៅលើជាន់ផ្ទាល់ដី។ ដូច្នេះហើយបានជាយើងហៅថា “ផ្ទះអាជីវកម្ម”។ គម្រោងផ្ទះល្វែងអាជីវកម្មជាទូទៅមានទំហំ ៤x១៦ ម៉ែត្រ ហើយជាទូទៅមានកម្ពស់ ២ ទៅ ៣ ជាន់។ គម្រោងផ្ទះល្វែងអាជីវកម្មជាធម្មតាត្រូវបានសាងសង់ឡើងជាប់គ្នា។គម្រោងផ្ទះអាជីវកម្មត្រូវបានសាងសង់ឡើងក្នុងទីប្រជុំជននៃទីក្រុងផ្ដល់នូវអត្ថប្រយោជន៍ជាច្រើន ដោយនៅខាងមុខផ្ទះអាចធ្វើជាភោជនីយដ្ឋាន ហាងលក់ទំនិញ ឬតូបលក់តូចៗ។ ក៏ប៉ុន្តែផ្នែកដែលនូវសល់នៃផ្ទះនៅតែត្រូវបានប្រើប្រាស់សម្រាប់ការរស់នៅរបស់គ្រួសារ។ ការនិយាយដូច្នេះមានន័យថាអ្នកមិនចាំបាច់ទៅជួលតូបអីនោះទេព្រោះថាអ្នកមានផ្ទះល្វែងអាជីវកម្មហើយ។ជាទូទៅផ្ទះល្វែងអាជីវកម្មមិនមានទីធ្លាខាងមុខនោះទេ ហើយជាធម្មតាមានទីធ្លានៅខាងក្រោយផ្ទះ។ ហើយជាធម្មតាវាស្ថិតនៅជាប់ៗគ្នា ប៉ុន្តែវាមានច្រកចូលខាងមុខនិងខាងក្រោយយ៉ាងមានសុវត្ថិភាពខ្ពស់និងមានបំពាក់កាមេរ៉ាសុវត្ថិភាពថែមទៀតផង។ ចំពោះចំណតរថយន្តតែងតែលំបាកសម្រាប់ផ្ទះល្វែងប្រភេទនេះ ក៏ប៉ុន្តែម្ចាស់ផ្ទះល្វែងអាចចតឡានរបស់ពួកគេក្នុងបន្ទប់ជាន់ខាងក្រោមសម្រាប់ជាសុវត្ថិភាពនៅពេលយប់បានដែរ។ មានប្រភេទផ្ទះល្វែងអាជីវកម្មផ្សេងៗគ្នាមានដូចជា៖ ផ្ទះល្វែងអាជីវកម្មបែបខ្មែរមានការច្នៃម៉ូតបែបបុរាណ និងការរចនាម៉ូតខាងក្នុងល្អសមរម្យ។ ប៉ុន្តែផ្ទះល្វែងអាជីវកម្មបែបទំនើប និងអុឺរ៉ុបមានការរចនាម៉ូតឡើងបែបមសម័យហើយការតុបតែងផ្នែកខាងក្នង និងសេវាកម្មដែលជនបរទេសត្រូវការជាពិសេសដូចជា៖ បន្ទប់ទឹក បន្ទប់កម្ដៅ និងម៉ាស៊ីន ត្រជាក់បែបទំនើបជាដើម។ វាពិតជាពិបាកក្នុងការកត់សម្គាល់នូវភាពខុសគ្នាចំពោះផ្នែកខាងក្រៅ ខ្លាំងណាស់ពីព្រោះផ្ទះល្វែងអាជីវកម្មបែបអ៊ឺរ៉ុបឆ្លុះបញ្ចាំងតែពីភាពខាងក្នុងតែប៉ុណ្ណោះ។តម្លៃគ្រប់គ្រងអចលនទ្រព្យនៃការថែរក្សានិងការគ្រប់គ្រងផ្ទះល្វែងអាជីវកម្មត្រូវបានចូលទៅក្នុងប្រភេទអចលនទ្រព្យដែលមានទំហំតូច។ ផ្ទះល្វែងអាជីវកម្មបង្កើតឡើងគឺត្រូវបានធ្វើឡើងដើម្បីជាកន្លែងដែលផ្តល់ភាពងាយស្រួលក្នុងការដើរដើម្បីធ្វើការដើរ ទិញទំនិញពីហាងមួយទៅហាងមួយ។តើផ្ទះល្វែងអាជីវកម្មអាចលិចទឹកដែរទេនៅក្នុងរដូវវស្សា?ដោយសារតែអ្នកស្ថិតនៅលើជាន់ផ្ទាល់ដីសូមមានការប្រុងប្រយ័ត្នចំពោះការទិញផ្ទះក្នុងតំបន់លិចទឹក។ សូមមេត្ថាពិនិត្យមើលជាមួយម្ចាស់ផ្ទះមុន និងអ្នកជិតខាងថាតើផ្ទះថ្មីរបស់អ្នកអាចលិចទឹកដែរឬទេ។ ប្រសិនបើវាលិចអ្នកត្រូវតែរៀបចំឱ្យរួចរាល់  ក៏ដូចជាមានការប្រុងប្រយ័ត្នខ្ពស់នៅពេលដែលមានភ្លៀងធ្លាក់។ ប្រសិនបើអ្នកទិញផ្ទះនៅកន្លែងដែលលិចទឹកការទិញផ្ទះបែបនេះគួតែមានតម្លៃទាប។តើជនបរទេសអាចទិញផ្ទះល្វែងអាជីវកម្មបានដែរឬទេ? ជនបរទេសអាចកាន់កាប់ផ្ទះល្វែងតាមភាគីតំណាងបាន នៅពេលដែលវិនិយោគិនដែលជាជនបរទេសចូលមកវិនិយោគដោយមានកិច្ចព្រមព្រៀងជាមួយម្ចាស់ផ្ទះ។ ដី ឬអចលនទ្រព្យត្រូវបានដាក់ជាកម្ចីអ៊ីប៉ូតែក ហើយត្រូវបានធ្វើការជួលទៅឲ្យជនបរទេសនោះ។ អ្នកត្រូវមាន​កិច្ចសន្យាកម្ចីទិញផ្ទះមួយ កិច្ចសន្យាជួល កិច្ចសន្យាយល់ព្រមផ្ដល់ប្រាក់កម្ចី និងកិច្ចសន្យាសុវត្ថិភាព។ ក៏ប៉ុន្តែការទិញតាមភាគីតំណាងនេះអាចមានហានិភ័យកើតឡើង។ យើងអាចនិយាយបានថាវានៅតែផ្ទុយពីរដ្ឋធម្មនុញនៃច្បាប់ភូមិបាលនៃប្រទេសកម្ពុជា។ ផ្ទះល្វែងដែលមានកម្ពស់ ៣ ជាន់នឹងមិនមានប័ណ្ណកម្មសិទ្ធិនោះទេសម្រាប់ជាន់ទី២ និងទី៣ ពីព្រោះវាត្រូវបានសាងសង់ឡើងមុននឹងច្បាប់ចេញជាធរមានក្នុងឆ្នាំ២០១០ ហើយ ម្ចាស់កម្មសិទ្ធិប្រហែលជាត្រូវបង្កើតប័ណ្ណកម្មសិទ្ធិ ទោះជាយ៉ាងណាក៏ដោយជនបរទេសមិនអាចទិញផ្ទះល្វែង ដូចពួកគេទិញខុនដូនោះទេ។ស្វែងយល់អំពីការទិញផ្ទះល្វែងអាជីវកម្មតាមរយៈប័ណ្ណកម្មសិទ្ធិរួម ស្វែងយល់បន្ថែមអំពីប័ណ្ណកម្មសិទ្ធិផ្សេងៗគ្នានៅក្នុងប្រទេសកម្ពុជាសម្រាប់ជនជាតិកម្ពុជាតើគួរទិញផ្ទះល្វែងអាជីវកម្មជាមួយប្លង់រឹង ឬប្លង់ទន់?ចំពោះប្រជាជនកម្ពុជាណាដែលចង់ទិញផ្ទះល្វែងត្រូវចងចាំថាផ្ទះល្វែងជាច្រើនត្រូវបានលក់ចេញត្រឹមតែប្លង់ទន់តែប៉ុណ្ណោះ។ ពីព្រោះប្លង់ទន់មានតម្លៃថោកហើយងាយនឹងទទួលបានការធ្វើបែបនេះនឹងមានហានិភ័យជាច្រើនទៅអនាគតពីព្រោះភាពជាម្ចាស់របស់អ្នកនៅមិនទាន់មានភាពច្បាស់លាស់នោះទេ។ សូមព្យាយាមទិញផ្ទះល្វែងណាដែលមានប្លង់រឹង ការទិញដូច្នេះនឹងមានតម្លៃកើនឡើងប្រហែល (៤% នៃតម្លៃអចលនទ្រព្យហើយនិងតម្លៃការិយាធិបតេយ្យមួយចំនួន) ហើយមានការធានាពីសិទ្ធិស្របច្បាប់ទៀតផង។ត្រូវចងចាំថាប្រសិនបើអ្នកលក់មិនអាចផ្ដល់ឱ្យប្លង់រឹងក្នុងភាពជាម្ចាស់អចលនទ្រព្យ ឬមានភាពមិនច្បាស់លាស់អំពីការផ្តល់ជូនប្លង់ នេះអាចមានបញ្ហាមួយចំនួនជាមួយនឹងប្លង់នោះមិនខាន។ ដូច្នេះអ្នកត្រូវព្យាយាមស្វែងយល់បន្ថែមអំពីប័ណ្ណកម្មសិទ្ធិ និងម្ចាស់ពិតនៃអចលនទ្រព្យនោះមុននឹងអ្នកប្រគល់ថវិការជូនទៅម្ចាស់គម្រោង។ឯកសារការរៀបចំគម្រោង និងគ្រប់គ្រងដីប័ណ្ណកម្មសិទ្ធិក៏អាចត្រូវបានប្រើប្រាស់បានដែរ។ នេះចាត់ទុកថាជាប្រភេទមួយដែលសុវត្ថិភាពបំផុតនៃប័ណ្ណកម្មសិទ្ធិដីពីព្រោះវាប្រើប្រាស់ប្រព័ន្ធជីភីអេសដោយដៅទីតាំងដីលើផ្ទះល្វែងនោះ។ ការធ្វើដូច្នេះអាចបង្ហាញពីព្រំដែននៃដីដែលបានទិញ។ វាមិនមានភាពខុសគ្នាពីប្លង់រឹងនោះទេតាមពិតទៅវាគ្រាន់តែបន្ថែមព័ត៌មានលម្អិតបន្ថែមតែប៉ុណ្ណោះ។ ជាងនេះទៅទៀតប្រសិនបើអ្នកអាចទទួលបានប័ណ្ណកម្មសិទ្ធិប្រភេទនេះអ្នកនឹងមានសុវត្ថិភាពខ្ពស់ដើម្បីអះអាងថាផ្ទះនោះជាកម្មសិទ្ធិពិតរបស់អ្នកនៅពេលអនាគត ពីព្រោះអ្នកមានការបញ្ជាក់ពីព្រំប្រទល់ជាក់លាក់នៃភាពជាម្ចាស់របស់អ្នក។ចង់ទិញផ្ទះល្វែងអាជីវកម្មនៅក្នុងក្រុងភ្នំពេញមែនទេ? ស្វែងរកផ្ទះល្វែងអាជីវកម្មនៅក្នុងក្រុងភ្នំពេញឥឡូវនេះ!វីឡាសម្រាប់លក់នៅក្នុងក្រុងភ្នំពេញ៖តើអ្វីជាវីឡា?វីឡាគឺជាប្រភេទផ្ទះដែលមានច្រកចូលធំទូលាយ។ វាគ្រាន់តែបង្ហាញពីភាពខុសគ្នារវាងវីឡាខ្មែរដែលថាវាត្រូវបានគេសាងសង់ឡើងដាច់ពីគេហើយមានទីធ្លាខាងមុខផ្ទះធំទូលាយ។ អ្នកប្រហែលជាអាចច្រឡំនូវពាក្យពីរទៀតគឺ វីឡាភ្លោះ និងវីឡាកូនកាត់។ នេះមានន័យថាផ្ទះនោះត្រូវបានគេសាងសង់ផ្ដាច់ពីគេឬក៏តូចជាង។  ទីធ្លាខាងមុខជាធម្មតាមានដើមឈើ ទេសភាពព័ណ៌បៃតង ឬសួនផ្កា។ អត្ថប្រយោជន៏របស់ទីធ្លាមុខផ្ទះគឺអាចឱ្យ អ្នកចតឡាន និងម៉ូតូរបស់អ្នកយ៉ាងមានសុវត្ថិភាព។អ្នកក៏អាចលេងជាមួយសត្វចិញ្ចឹម និងគ្រួសាររបស់អ្នកនៅទីនោះបានដែរ។ មានផ្ទះវីឡាជាមធ្យោបាយមួយដែលមានភាពស្ងប់ស្ងាត់ សុវត្ថិភាព និងមានបរិយាកាសរស់នៅឯកជនជាងផ្ទះល្វែងធម្មតា។ ពេលខ្លះអាចមានអាងហែលទឹកសម្រាប់កម្សាន្តទៀតផង ក៏ប៉ុន្តែអ្នកក៏ត្រូវការថែទាំវាជាចាំបាច់ផងដែរ។ចំពោះអ្នកមានវីឡាមិនថាតូចឬធំនោះទេវាមានទីធ្លាធំទូលាយ ហើយមានការរចនាម៉ូតជាច្រើនសម្រាប់ ជ្រើសរើសទៀតផង។ វីឡាប្រភេទនេះមានគ្រប់ទីកន្លែងតាមតាមបែបរចនារបស់ខ្មែរ រចនាបែបបារាំង ដើម្បីឆ្លើយតបទៅតាមសម័យទំនើប។ ពីព្រោះវីឡារបស់អ្នកសមស្របនឹងគ្រួសារហើយប្រសិនបើអ្នកទិញក្នុងទីប្រជុំជនវិញវាពិតជាមានសក្ដានុពលសម្រាប់ការជួល ត្រលប់ពីគ្រួសារផ្សេង ឬអ្នកជួលជាក្រុមបានផងដែរ។តើវីឡាអាចលិចទឹកដែរឬទេក្នុងរដូវវស្សា?ដោយសារតែអ្នកស្ថិតនៅលើជាន់ផ្ទាល់ដីសូមមានការប្រុងប្រយ័ត្នចំពោះការទិញផ្ទះក្នុងតំបន់លិចទឹក។ សូមមេត្ថាពិនិត្យមើលជាមួយម្ចាស់ផ្ទះមុន និងអ្នកជិតខាងថាតើផ្ទះថ្មីរបស់អ្នកអាចលិចទឹកដែរឬទេ។ ប្រសិនបើវាលិចអ្នកត្រូវតែរៀបចំឱ្យរួចរាល់  ក៏ដូចជាមានការប្រុងប្រយ័ត្នខ្ពស់នៅពេលដែលមានភ្លៀងធ្លាក់។ ប្រសិនបើអ្នកទិញផ្ទះនៅកន្លែងដែលលិចទឹកការទិញផ្ទះបែបនេះគួតែមានតម្លៃទាប។តើជនបរទេសអាចទិញវីឡាក្នុងទីក្រុងភ្នំពេញបានដែរឬទេ? ចម្លើយដ៏សាមញ្ញគឺមិនអាចទេ ប៉ុន្តែជនបរទេសអាចមានជម្រើសគឺប្រើប្រាស់ភាគីតំណាងដូចទៅនឹងផ្ទះល្វែងបានដែរ។ ស្វែងយល់បន្ថែមអំពីការទិញវិឡាតាមរយៈប័ណ្ណកម្មសិទ្ធិរួម ស្វែងយល់បន្ថែមអំពីប័ណ្ណកម្មសិទ្ធិផ្សេងៗគ្នានៅក្នុងប្រទេសកម្ពុជាសម្រាប់ជនជាតិកម្ពុជាតើគួរទិញផ្ទះល្វែងអាជីវកម្មជាមួយប្លង់រឹង ឬប្លង់ទន់?ចំពោះប្លង់ទន់មិនថ្វីទេប្រសិនបើអ្នកប្រាកដថាមិនមានជម្លោះជាមួយម្ចាស់វីឡាទេនោះ។ ប៉ុន្តែប្លង់រឹងគឺជាភស្ដុតាងដ៏ធំសម្រាប់សំអាងភាពជាម្ចាស់កម្មសិទ្ធិ។ វាគឺជាប័ណ្ណកម្មសិទ្ធិដែលបានផ្ដល់ឱ្យដោយក្រសួងរៀបចំដែនដីនគរូបនីយកម្មនិងសំណង់។ វាបញ្ជាក់ពីព័ត៌មានលម្អិតដែលទទួលស្គាល់ដោយការិយាល័យសុរិយោដី និងក្រសួងគ្រប់គ្រង់ដែនដីនគរូបនីយកម្មនិងសំណង់ជាខ្នាតជាតិ។ ពន្ធផ្ទេរប្លង់កម្មសិទ្ធិ៤%ត្រូវបានបង់នៅពេលដែលអចលនទ្រព្យនោះត្រូវបានលក់ គម្រោងរៀបចំ​និងគ្រប់គ្រងដែនដីប័ណ្ណកម្មសិទ្ធិក៏ត្រូវបានប្រើប្រាស់ដើម្បីកំណត់តាមប្រព័ន្ធជីភីអេសក្នុងប្លង់ដីនោះ។ស្វែងរកវីឡាសម្រាប់លក់ក្នុងក្រុងភ្នំពេញឥឡូវនេះ!បុរីសម្រាប់លក់ក្នុងរាជធានីភ្នំពេញ៖ គម្រោងអភិវឌ្ឍន៏បុរីជម្រើសដ៏ល្អមួយទៀតគឺការទិញផ្ទះក្នុងគម្រោងអភិវឌ្ឍន៏បុរី  វាគឺជាជម្រើសល្អមួយពីព្រោះវាមានន័យថាផ្ទះថ្មីរបស់អ្នកនឹងត្រូវបានព័ទ្ធជុំវិញដោយហេដ្ឋារចនាសម្ព័ន្ធត្រឹមត្រូវ​ដូចជា៖ ប្រព័ន្ធទឹក ភ្លើង និងផ្លូវថ្នល់។ វាក៏មានន័យថាមានសុវត្ថិភាពក្នុងការរស់ នៅក្នុងសហគមរួមគ្នា និងមានកន្លែងសមរម្យមួយសម្រាប់គ្រួសាររបស់អ្នកដើម្បីរីករាយនឹងវាផងដែរ។តើអ្វីជាគម្រោងអភិវឌ្ឍន៍បុរី?គម្រោងអភិវឌ្ឍន៏បុរីត្រូវបានគេចាត់ថ្នាក់ជាក្រុមអចលនទ្រព្យលំនៅដ្ឋានមានការកើនឡើងទាបស្ថិតនៅក្នុងសហគម។​ គម្រោងនេះរួមមាន៖ វីឡា ផ្ទះល្វែង ថោនហោស​ ផ្ទះល្វែងអាជីវកម្ម ពេលខ្លះមានគម្រោងខុនដូផងដេរ។ គម្រោងអភិវឌ្ឍន៏បុរីមានប្រភេទអចលនទ្រព្យផ្សេងៗគ្នាដែលមានផ្ដល់ការស្នាក់នៅទាំងគ្រួសារ និងបុគ្គល។ វាជាធម្មតាមានហេដ្ឋារចនាសម្ព័ន្ធផ្ទាល់ខ្លួន និងសេវាកម្មដែលមានដូចជា៖ ផ្លូវថ្នល់ ប្រព័ន្ធទឹកភ្លើង និងការគ្រប់គ្រងអចលនទ្រព្យ។ ក៏ប៉ុន្តែចំណុចដែលលក់ដាច់បំផុតរបស់បុរីគឺទីធ្លាដ៏ធំរបស់ខ្លួន និងសុវត្ថិភាព ជាពិសេសមានភាពស្ងប់ស្ងាត់ និងភាពប្រណិតក្នុងការរស់នៅ។តើខ្ញុំអាចទិញផ្ទះបុរីបានដែរឬទេប្រសិនបើខ្ញុំមិនមែនជាជនជាតិខ្មែរ?ជនបរទេសមិនអនុញាតឱ្យទិញផ្ទះក្នុងបុរីឡើយពីព្រោះគឺជាអចលនទ្រព្យជាប់ដី។ ក្នុងមាត្រា៨នៃច្បាប់ភូមិបាលបានថ្លែងថា “ ជនបរទេសដែលក្លែងបន្លំសញ្ជាតិខ្មែរដើម្បីក្លាយជាម្ចាស់កម្មសិទ្ធិដីក្នុងប្រទេសកម្ពុជានឹងត្រូវបានពិន័យទៅតាមការកំណត់ក្នុងមាត្រា២៥១នៃច្បាប់នេះ។ អចលនទ្រព្យដែលបានមកដោយលក្ខខ័ណ្ណនេះនឹងត្រូវរឹបអូសទៅជាសម្បត្តិរដ្ឋដោយគ្មានការទូទាត់សំណងពីរដ្ឋឡើយ។” ក៏ប៉ុន្តែបុរីមួយចំនួនមានយូនីតខុនដូជាប័ណ្ណកម្មសិទ្ធិពេញលេញសម្រាប់អ្នកទិញជាជនបរទេស។ ហើយផងដែរនោះអ្នកទិញជាជនបរទេសក៏អាចទិញផ្ទះក្នុងបុរីបានដែរគឺតាមរយៈភាគីតំណាង។ស្វែងយល់បន្ថែមអំពីការទិញវិឡាតាមរយៈប័ណ្ណកម្មសិទ្ធិរួម ស្វែងយល់បន្ថែមអំពីប័ណ្ណកម្មសិទ្ធិផ្សេងៗគ្នានៅក្នុងប្រទេសកម្ពុជាខ្ញុំជាជនជាតិខ្មែរ តើខ្ញុំអាចទិញផ្ទះដោយស្របច្បាប់សម្រាប់លក់ក្នុងបុរីបានដែរឬទេ?ប្រជាជនកម្ពុជាអាចទិញអចលនទ្រព្យជាប់ដីក្នុងគម្រោងអភិវឌ្ឍន៏បុរីបានដោយគ្មានបញ្ហានោះទេ ដោយគ្រាន់តែតម្រូវឲ្យមានហិរញវត្ថុគ្រប់គ្រាន់ និងឯកសារផ្លូវច្បាប់ត្រឹមត្រូវតែប៉ុណ្ណោះ។តើឯកសារអ្វីខ្លះដែលខ្ញុំត្រូវតែដឹងនៅពេលសម្រេចិត្តទិញផ្ទះថ្មីក្នុងគម្រោងអភិវឌ្ឍន៏បុរី?អ្នកអភិវឌ្ឍន៍ជាច្រើនបានហៅខ្លួនឯងថាបុរី ប៉ុន្តែជាក់ស្តែងមានតែឈ្មោះតែប៉ុណ្ណោះដោយគ្មានការទទួលស្គាល់ ឬឯកសារផ្លូវច្បាប់ណាមួួយឡើយ ការហៅបែបនេះដើម្បីធ្វើពាណិជ្ជកម្មផ្សព្វផ្សាយតែប៉ុណ្ណោះ។ អ្នកទិញត្រូ​វតែពិនិត្យឲ្យបានច្បាស់លាស់មុននឹងសម្រេចចិត្តទិញតួយ៉ាងមានឯកសារធំៗចំនួន៥ដែលអាចធ្វើឲ្យយើងប្រាកដក្នុងចិត្តមុនពេលអ្នកសម្រេចចិត្តទិញ។ ឯកសារចាំបាច់សំខាន់ៗទាំង៥មានដូចជា៖ ប្លង់រឹង លិខិតចុះបញ្ជីក្រុមហ៊ុន ផែនការមេអាជ្ញាប័ណ្ណសាងសង់ និងអាជ្ញាប័ណ្ណបុរី។ប្លង់រឹង៖ អ្នកត្រូវប្រាកដថាម្ចាស់គម្រោងមានសិទ្ធិកាន់​កាប់ស្របច្បាប់ទៅលើគម្រោងអភិវឌ្ឍន៍​នេះ ហើយ​គម្រោងបុរីដែលអ្នកមានបំណងទិញត្រូវមានប្លង់រឹងមេមួយដែល​ត្រូវ​ធ្វើ​ការបែង​ចែក​ប្លង់រឹងទៅឲ្យម្ចាស់ផ្ទះនីមួយៗជាចំាបាច់។  ឯកសារខាងលើវាពិតជាចំណុចចាំបាច់ត្រូវយល់ដឹងដើម្បីកុំឲ្យមានការខាតបង់ថវិការជា​យ​ថាហេតុនៅពេលអ្នកទិញគម្រោងបុរីណាមួយ។លិខិតចុះបញ្ជីក្រុមហ៊ុន៖ សម្រាប់ក្រុមហ៊ុនអភិវឌ្ឍន៍ទំាងអស់ត្រូវមកចុះបញ្ជីនៅក្រសួងពាណិជ្ជកម្មដើម្បីទទួលសិទ្ធិក្នុងការប្រកបរបរអាជីវកម្មនេះជាកាតព្វកិច្ចដែលក្រុមហ៊ុនអភិវឌ្ឍន៍ត្រូវតែបំពេញជាចាំបាច់។ នៅពេលដែលគម្រោងមួយមានលិខិតចុះបញ្ជីក្រុមហ៊ុនគ្រាន់តែចង់ប្រាកដថាគម្រោង និងអ្នកអភិវឌ្ឍន៍ដំណើរការគម្រោងអភិវឌ្ឍន៍គម្រោងនេះដោយស្របច្បាប់។ផែនការមេ៖ ផែនការមេរបស់គម្រោងបុរីគឺជាប្លង់មេដ៏សំខាន់របស់គម្រោងប្លង់មេនឹងអាចប្រាប់ថាតើគម្រោងមានហេដ្ឋារចនាសម្ព័ន្ធដូចម្តេចមានប្លង់លំនៅដ្ឋានដូចម្ត៉េចមិនត្រឹមតែប៉ុណ្ណោះ​មុននឹងផ្តល់អាជ្ញាប័ណ្ណសាងសង់ទៅឲ្យគម្រោងអភិវឌ្ឍន៍ណាមួយក្រសួងរៀបចំដែនដីនគរូ​បនីយកម្ម​ និង​សំណង់បានតម្រូវឲ្យម្ចាស់គម្រោងធ្វើបទបង្ហាញពីផែនការមេច្បាស់លាស់ជាមុនសិន។  ការអភិវឌ្ឍន៍ទំាងអស់ត្រូវគោរពតាមគោលការណ៍នៃការ​ផែនការមេ​សម្រាប់​​​អភិវឌ្ឍន៍ទីក្រុង និយាយជារួមការមានផែនការមេមួយច្បាស់លាស់​វាពិតជាធ្វើ​ឲ្យ​គម្រោង​​បុរីនោះ​ធ្វើឡើងប្រកបដោយស្តង់ដារកាន់តែប្រសើរឡើង។អាជ្ញាប័ណ្ណសាងសង់៖ ក្រៅពីផែនការមេគម្រោងបុរីនោះត្រូវតែមានអាជ្ញាប័ណ្ណសាងសង់ត្រឹមត្រូវដែលចេញដោយ ក្រសួងរៀបចំដែនដីនគរូ​បនីយកម្ម​និង​សំណង់។   ដើម្បីទទួលបានអាជ្ញាប័ណ្ណនេះគម្រោងត្រូវមានផែនការមេ​មានប្រាក់តម្កល់២%ប្រភពប្រាក់ចំណូលច្បាស់លាស់ដើមទុនមានវត្ថុដាក់ធានាមានប្លង់ និងទ្រព្យផ្សេងៗទៀតដែលជួយគាំទ្រដល់គម្រោងនោះ។អាជ្ញាប័ណ្ណបុរី៖ ឯកសារសំខាន់ដែលអ្នកត្រូវតែត្រួតពិនិត្យផងដែរនោះគឺអាជ្ញាប័ណ្ណបុរីនៅពេលដែលបុរីមានឯកសារនេះហើយបានន័យថាបុរីនេះជាបុរីដែលទទួលស្គាល់ដោយ​​ក្រសួងសេដ្ឋកិច្ច។ តួយ៉ាងមានគម្រោងផ្ទះល្វែងមួយចំនួនដែលមានការសាងសង់មានភាព​ប្រហាក់ប្រហែលទៅនឹងគម្រោងបុរី ប៉ុន្តែពួកគេមិនបានបញ្ជីទទួលយកអាជ្ញាប័ណ្ណត្រឹមត្រូវជាមួយក្រសួងឡើយ​ដោយសារពួកគេចង់ជៀសវាងការចំណាយច្រើនក៏ដូចជាគេចវេសពីការត្រួតពិនិត្យបទដ្ឋានផ្លូវច្បាប់ផ្សេងៗ។ ដូច្នេះគម្រោងដែលមិនមានអាជ្ញាប័ណ្ណត្រឹមត្រូវពិតជាមានហានិភ័យខ្លាំងណាស់សម្រាប់អតិថិជន។ស្វែងយល់បន្ថែមអំពីការណែនាំក្នុងការទិញបុរីតាមរយៈ Realestate.com.kh តើខ្ញុំគួរតែទិញផ្ទះក្នុងបុរីដោយមានប្លង់រឹង ឬប្លង់ទន់?អ្នកត្រូវតែមើលប្លង់រឹងជាមុនសិននៅពេលដែលអ្នកចង់ទិញផ្ទះក្នុងបុរីពីព្រោះវាជាគម្រោងខ្នាតធំ។ កញ្ញា ឡាយ សុលីដា ជាមេធាវីនៅក្រុមហ៊ុនច្បាប់នៅក្នុងក្រុងភ្នំពេញបាននិយាយថា “គម្រោងបុរីគួរតែធ្វើឡើងដោយស្របច្បាប់ និងទទួលស្គាល់ដោយក្រសួងពាក់ព័ន្ធ រឿងដែលសំខាន់គឺថាគម្រោងសាងសង់បុរីមាន ប្លង់រឹងមេមួយ។”ការលើកឡើងដូចនេះគឺព្រោះតែវានៅតែជាជម្រើដែលមានសុវត្ថិភាពដើម្បីធានាបានថាអ្នកមានប្លង់រឹងឯកជនសម្រាប់ផ្ទះរបស់អ្នក។ នេះអាចសម្រេចបាន ប៉ុន្តែវាមានតម្លៃបន្ថែម៤%នៃតម្លៃដី។ នៅពេលដែលអ្នកទទួលបានប្លង់រឹងឯកជននេះអ្នកអាចរស់នៅបានដោយគ្នានការភ័យខ្លាចនឹងបញ្ហាប្លង់កម្មសិទ្ធិនៅេពេលអនាគតនោះឡើយ។ស្វែងរកមើល បុរីសម្រាប់លក់ក្នុងទីក្រុងភ្នំពេញឥឡូវនេះ! ខុនដូសម្រាប់លក់ក្នុងទីក្រុងភ្នំពេញ៖តើអ្វីជាខុនដូ?ខុនដូយូនីតស្ថិតនៅក្នុងអគារមួយជាមួយផ្ទះជាច្រើន ម្ចាស់កម្មសិទ្ធិនិមួយៗមានសិទ្ធិកាន់កាប់ផ្ទាល់រៀងៗខ្លួនទៅតាមផ្នែកក្នុងខុនដូនោះដូចជា៖ បន្ទប់កម្សាន្ត កន្លែងលេង សួនច្បារ និងក្លឹបកីឡា។ កន្លែងទាំងអស់នេះអ្នករស់ក្នុងខុនដូអាចប្រើប្រាស់បាន ក៏ប៉ុន្តែយូនីតខុនដូឯកជននៅតែមានម្ចាស់លំនៅដ្ឋានឯកជនមួយផ្សេងទៀត។ ខុនដូជាធម្មតាមានបុគ្គលិកជួយគ្រប់គ្រង និងចាំជួយនៅពេលដែលម្ចាស់ខុនដូត្រូវការ វាមានសន្តិសុខ និងកន្លែងចំណតរថយន្តផងដែរ។ខុនដូគឺជាលំនៅដ្ឋានដែលល្អសម្រាប់អ្នកដើម្បីចាប់ផ្ដើមជីវិតរស់នៅរបស់អ្នកតាមបែបសម័យថ្មី។ វាមានកន្លែងដែលអាចគ្រប់គ្រងបានជាមួយនឹងសេវាកម្មគ្រប់គ្រង និងសេវាកម្មផ្សេងៗ។ នេះមានន័យថាម្ចាស់ខុនដូមិនត្រូវការខិតខំថែរក្សា និងសំអាតនោះទេ។ ហើយជាធម្មតាវាស្ថិតនៅក្នុងទីក្រុងដូច្នេះហើយវាផ្ដល់នូវភាពងាយស្រួល និងចំណាយពេលតិចសម្រាប់អ្នកធ្វើដំណើរទៅធ្វើការនៅក្នុងទីក្រុង។ គយគនទេសភាពទីក្រុងជាមួយខ្យល់អាកាសស្រស់ស្រាយ និងអាកាសធាតុត្រជាក់។ យូនីតខុនដូមួយគឺមានភាពឯកជន ជាងផ្ទះដែលនៅដាច់ពីគេហើយមានសេវាសន្តិសុខសុវត្ថិភាពទៀតផង។ ខុនដូក្នុងទីក្រុងភ្នំពេញជាទូទៅមានមានភាពពេញនិយម មានការរចនាម៉ូតបែបអ៊ឺរ៉ុប និងមានការរចនាខាងក្នុងតាមបែបទាន់សម័យ។ តម្លៃសេវាកម្មថែទាំនឹងត្រូវគិតគ្រប់លំនៅដ្ឋានទាំងអស់នៅក្នុងខុនដូ ក៏ដូចជាមានបទបញ្ជាផ្ទៃក្នុងដើម្បីថែរក្សាខុនដូផងដែរ។តើជនបរទេសអាចទិញខុនដូក្នុងប្រទេសកម្ពុជាបានដែរឬទេ?ជនបរទេសក៏អាចទិញខុនដូ ហើយទទួលបានបណ្ណកម្មសិទ្ធិដោយស្របច្បាប់ក្នុងភាពជាម្ចាស់។ ក៏ប៉ុន្តែពួកគេអាចទិញបានត្រឹមតែខុនដូដែលអភិវឌ្ឍន៏ថ្មីប៉ុណ្ណោះពីព្រោះខុនដូដែលអភិវឌ្ឍន៏មុនឆ្នាំ២០១០មិនទាន់មានប័ណ្ណកម្មសិទ្ធិនៅឡើយទេ។ ពួកគេអាចកាន់កាប់បាន៧០% នៃយូនីតទាំងមូលក្នុងអគារ។ នៅ៣០%នឹងត្រូវបានកាន់កាប់ដោយជនជាតិខ្មែរ ភាពជាម្ចាស់៧០% មិនរាប់បញ្ចូលជាមួយនឹងម្ចាស់ជាន់ផ្ទាល់ដីឡើយ។តើអ្វីជាប្លង់កម្មសិទ្ធិរួម?ច្បាប់បានធ្វើវិសោធនកម្មថ្មីនៅថ្ងៃទី ២៤ ខែឧសភា ឆ្នាំ២០១០ទាក់ទងទៅនឹងភាពជាម្ចាស់កម្មសិទ្ទិរបស់ជនបរទេសនៃអចលនទ្រព្យ ប័ណ្ណកម្មសិទ្ធិអាច អនុញ្ញាតឱ្យជនបរទេសកាន់កាប់អគារជាសហកម្មសិទ្ធិបាន។ លក្ខខ័ណ្ណគឺថាជាបរទេសត្រូវបានអនុញ្ញាតឱ្យកាន់កាន់ត្រឹមតែ៧០%នៃអគារប៉ុណ្ណោះដោយមិនរាប់បញ្ចូលទាំងជាន់ផ្ទាល់ដីនោះទេ។ ដូច្នេះជនបរទេសមិនអាចប្រើប្រាស់ផ្ទះជាប់ដីដើម្បីលក់ក្នុងទីក្រុងភ្នំពេញបានឡើយ។ ក៏ប៉ុន្តែវាពិតជាមានសារៈសំខាន់ណាស់ដែល ត្រូវដឹងថាជនជាតិខ្មែរអាចទទួលបានអត្ថប្រយោជន៏ពីវាប្រសិនបើពួកគេសម្រេចចិត្ត អភិវឌ្ឍន៏អចលនទ្រព្យដោយមានប្លឹងកម្មសិទ្ធិនោះ។ ប្លង់កម្មសិទ្ធិត្រូវបានទទួលស្គាល់ដោយក្រសួងរៀបចំ​​ ដែនដីនគរូបនីយកម្ម និងសំណង់ហើយវាមានសុវត្ថិភាពដូចនឹងប្លង់រឹងដទៃទៀតក្នុងប្រទេសកម្ពុជាដែរ។តើខ្ញុំធ្វើយ៉ាងដូចម្ដេចដើម្បីទទួលបានប្លង់កម្មសិទ្ធិចំពោះខុនដូសម្រាប់លក់ក្នុងទីក្រុងភ្នំពេញ?ការបង្កើតប្លង់កម្មសិទ្ធិជាប់ទាក់ទងនឹងការស្នើសុំរបស់អ្នកអភិវឌ្ឍន៏ដី និងការទទួលបានប្លង់រឹងលើដីនោះ។  វាពិតជាមានសារៈសំខាន់ណាស់ដែលត្រូវចំណាំថាភាពជាម្ចាស់លើយូនីតឯកជនមិនអាចផ្ទេរបានតាមមធ្យោបាយប្លង់មេនោះបានទេ។ ការធ្វើដូច្នេះអាចធ្វើបានដោយការពុះប្លង់មេដែលស្ថិតនៅក្រោម ម្ចាស់កម្មសិទ្ធិ និងឈ្មោះរបស់អ្នកអភិវឌ្ឍន៏។ជំហ៊ានបន្ទាប់គឺសម្រាប់ក្រសួងរៀបចំដែនដីនគរូបនីយកម្ម និងសំណង់ដើម្បីពិនិត្យនូវការបង្កើតបទបញ្ជា និងការអនុវត្តទាក់ទងទៅនឹងការធានា និងការគ្រប់គ្រងរបស់អចលនទ្រព្យនោះ។ នៅពេលដែលធ្វើដូច្នេះរួចរាល់ហើយ ប្លង់កម្មសិទ្ធិនឹងចេញដោយក្រសួងទៅអ្នកអភិវឌ្ឍន៏ នេះមានន័យថាប្លង់ កម្មសិទ្ធិឯកជននីមួយៗអាចចែកជូនបានទៅឲ្យអតិថិជនបាន។ការផ្ទេរនឹងអំពាវនាវឱ្យតំណាងនៃម្ចាស់អចលនទ្រព្យ និងក្រុមគ្រួសាររបស់អ្នកទិញទៅក្រសួងរៀបចំដែនដីនគរូបនីយកម្ម និងសំណង់ដើម្បីព្រមព្រៀងធ្វើដំណើរការនៃការធ្វើប័ណ្ណកម្មសិទ្ធិរួមមួយនេះ។ ឯកសារទាំងនេះត្រូវតែជាភាសារខ្មែរ អ្នកទិញនឹងត្រូវបកប្រែឈ្មោះរបស់ ពួកគេជាភាសាខ្មែរពីព្រោះប្លង់កម្មសិទ្ធិនឹងចេញជាភាសាខ្មែរ។ អ្នកទិញអាចជ្រើសរើសប្រើប្រាស់សេវាកម្មបកប្រែអាជីពនិងជំនួយការច្បាប់ដើម្បីពិនិត្យមើលកិច្ចសន្យានោះ។ការផ្ទេរប្លង់កម្មសិទ្ធិមានតម្លៃ៤%នៃតម្លៃខុនដូយូនីត ក្នុងនោះក៏មានសេវាសាធារណៈសម្រាប់ការចេញ ប្លង់កម្មសិទ្ធិនិមួយៗដោយស្ថិតក្រោមឈ្មោះរបស់អ្នកទិញផងដែរ។ ស្វែងរក ខុនដូសម្រាប់លក់ក្នុងទីក្រុងភ្នំពេញ ឥឡូវនេះ!អំពីដំណើការទិញផ្ទះធម្មតាចំពោះផ្ទះសម្រាប់លក់ក្នុងទីក្រុងភ្នំពេញវិញ៖ តើព័ត៌មានអ្វីខ្លះដែលខ្ញំត្រូវដឹងមុននឹងទិញផ្ទះសម្រាប់លក់ក្នុងទីក្រុងភ្នំពេញ? ការបង្កើតការស្រាវជ្រាវពីប្លង់កម្មសិទ្ធិមុននឹងទិញអចលនទ្រព្យគឺជាគំនិតដ៏ល្អមួយ។ ការធ្វើដូច្នេះនឹងបង្ហាញឱ្យឃើញច្បាស់ថាតើវាមានមានបញ្ហាផ្លូវច្បាប់ ឬភាពខុសគ្នាជាមួយដីនោះឬយ៉ាងណា។ បន្ទាប់ទៀតរឿងដែលអ្នកត្រូវធ្វើគឺប្រមូលព័ត៌មានអំពីអចលនទ្រព្យនោះតាមរយៈមន្រ្តីឃុំ ឬសង្កាត់។ តើខ្ញុំត្រូវធ្វើដូចម្ដេចដើម្បីជៀសវាងទិញពីក្រុមហ៊ុនឆបោក ឬក្រុមហ៊ុនក្លេងបន្លំ?អ្នកទិញគួរសុំមើលច្បាប់ថតចម្លងនៃលេខសម្គាល់របស់តំណាងក្រុមហ៊ុនថាតើអ្នកលក់នោះជាក្រុមហ៊ុនស្របច្បាប់ ឬយ៉ាងណា? ច្បាប់ថតចម្លងរបស់ក្រសួងពាណិជ្ជកម្មដែលបានចេញលិខិតបញ្ជាក់មានមេធាវី និងការចុះហត្ថលេខាចេញដោយក្រុមប្រឹក្សាភិបាលដែលបានផ្ដល់សិទ្ធិឱ្យអ្នកតំណាងដើម្បីដោះស្រាយជាមួយការិយាល័យសុរិយោដីដែលត្រូវការ។តើមានអ្វីកើតឡើងនៅពេលអ្នកទិញ និងអ្នកលក់ធ្វើការព្រមព្រៀងគ្នា?ការបង់ប្រាក់កក់ដំបូង១០%តែងតែធ្វើឡើងចំពោះការទិញផ្ទះ។ បន្ទាប់មកការទិញត្រូវបញ្ជូនទៅការិយាល័យរបស់ក្រសួងរៀបចំដែនដី នគរូប​នីយកម្ម​ និងសំណង់ក្នុងខណ្ណណាមួយ។ ការរៀបចំឯកសារផ្លូវច្បាប់ផ្សេងៗត្រូវបានធ្វើឡើងនូវការិយាល័យសុរិយោដី ទាំងអ្នកទិញនិងអ្នកលក់ត្រូវបង្ហាញខ្លួននៅការិយាល័យសុរិយោដីដើម្បីចុះហត្ថលេខា និងរៀបចំនូវឯកសារដែលក្រសួងត្រូវការ។បន្ទាប់មកអ្នកលក់ត្រូវបង្ហាញប័ណ្ណកម្មសិទ្ធិដើមទៅខណ្ឌអំឡុងពេលចុះហត្ថលេខាដើម្បីកែប្រែវាទៅជាឈ្មោះម្ចាស់កម្មសិទ្ធិថ្មី។ នៅពេលផ្ទេរឈ្មោះហើយអ្នកទិញត្រូវបង់ប្រាក់កក់១០%ទៅឲ្យអ្នកលក់។ ពេលវេលាដំណើការទាំងមូលប្រហែលពី២០​ទៅ៣០ថ្ងៃនៅការិយាល័យណាក៏ដោយ។តើខ្ញុំត្រូវទទួលខុសត្រូវលើពន្ធអ្វីខ្លះ?ពន្ធលើការផ្ទេរប្លង់តម្រូវឱ្យបង់៤%ទៅអគ្គនាយកដ្ឋានពន្ធដា ដំណើរការនេះជាធម្មតាចំណាយពេល១ថ្ងៃ។ ពន្ធលើការផ្ទេរគឺ តម្រូវឱ្យបង់នៅពេលដែលមានប្លង់រឹងប៉ុណ្ណោះ។ ទាំងអ្នកទិញ និងអ្នកលក់ត្រូវត្រឡប់ទៅ ការិយាល័យសុរិយោដីម្ដងទៀតដើម្បីផ្ទេរវិក្កយបត្រពន្ធ។ ពួកគេត្រូវចុះហត្ថលេខាឯកសារទិញ និងលក់នៅមុខអាជ្ញាធរមានសត្ថកិច្ចក្នុងតំបន់។ ដំណើការទាំងមូលត្រូវចំណាយពេលប្រហែល៥ថ្ងៃ។ ចំពោះប្លង់ទន់មិនមានពន្ធនេះទេ ប៉ុន្តែទោះជាយ៉ាងណាក៏ដោយមធ្យោបាយនេះអាចធ្វើឱ្យអ្នកចំណាយ កាន់តែច្រើននៅពេលអនាគត។ ប្លង់កម្មសិទ្ធិរបស់ឈ្មោះម្ចាស់ថ្មីនឹងចេញដោយការិយាល័យសុរោយដីដីរាជធានីភ្នំពេញនៅពេលដែលការិយាល័យសុរិយោដីស្រុក/ខណ្ឌបានផ្ញើឯកសារសំខាន់ៗទាំងអស់រួចរាល់ និងនៅពេលដែលអ្នកទិញបានបង់អស់៨០%នៃតម្លៃដីរួចរាល់។ ដំណើរការទាំង មូលត្រូវចំណាយពេលប្រហែល៥ទៅ២១ថ្ងៃ។ ត្រូវយល់ដឹងអំពីការឆបោក!មានការឆបោកអចលនទ្រព្យមួយចំនួនដែលតែងតែកើតមានក្នុងប្រទេសកម្ពុជា។ ហើយអ្នកទិញគួរតែយល់ដឹងនូវការឆបោកនេះនៅពេលដែលអ្នកស្វែងរកទិញផ្ទះសម្រាប់លក់ក្នុងទីក្រុងភ្នំពេញ! ប្រសិនបើមានការសង្ស័យណាមួយ​ស្វែងរកការប្រឹក្សាជាមួយភ្នាក់ងារអចលនទ្រព្យឯករាជ ឬមេធាវីណាមួយដែលមានបទពិសោធន៏ក្នុងច្បាប់អចលនទ្រព្យ។តើខ្ញុំគួរតែធ្វើការជាមួយអ្នកវាយតម្លៃអចលនទ្រព្យ ​ឬភ្នាក់ងារអចលនទ្រព្យនៅពេលដែលខ្ញុំចង់ទិញផ្ទះ សម្រាប់លក់ក្នុងទីក្រុងភ្នំពេញ?ប្រទេសកម្ពុជាត្រូវបានគេមើលឃើញថាមានស្ថិរភាពក្នុងវិស័យអចលនទ្រព្យខណៈពេលដែលមានសុវត្ថិភាពល្អក្នុងវិស័យនេះ វា ជាទិដ្ឋភាពដ៏សំខាន់មួយក្នុងការវិនិយោគ។ ក៏ប៉ុន្តែចាប់តាំងពីពេលដែលកម្ពុជាមានការរីកចម្រើនយ៉ាងខ្លាំងនោះ គោលការណ៏ និងការរឹតបន្តឹងក៏វិវឌ្ឍទៅរកភាពជោគជ័យយ៉ាងឆាបរហ័ស។ ហេតុដូច្នេះហើយការធ្វើការជាមួយអ្នកវាយតម្លៃអចលនទ្រព្យគឺពិតជាមានសារៈសំខាន់ខ្លាំងណាស់ពីព្រោះពួកគេយល់ដឹងច្បាស់ពីបរិយាកាសខាងក្នុង និងខាងក្រៅក្នុងវិស័យអចលនទ្រព្យនេះ។  ពួកគេអាចផ្ដល់សេវាប្រឹក្សាយ៉ាងកក់ក្ដៅ និងអាចជួយអ្នកបានយ៉ាងងាយស្រួលក្នុងទិញអចលនទ្រព្យមួយដ៏មានសុវត្ថិភាព។ ពួកគេក៏អាចផ្ដល់ការប្រៀបធៀបតម្លៃ និងប្រភេទផ្ទះដែលអ្នកចង់ទិញបាន ហើយពួកគេក៏មានទំនាក់ទំនងយ៉ាងជិតស្និទ្ធជាមួយអ្នកជំនាញខាងកម្ចីទិញផ្ទះដែលអាចជួយអ្នកបាន។ ការនិយាយដូច្នោះគឺថា ភ្នាក់ងារអចលនទ្រព្យទាំងអស់ក្នុងប្រទេសកម្ពុជាមិនដូចគ្នាទេ អ្នកចាំបាច់ត្រូវជ្រើសរើសភ្នាក់ងារអចលនទ្រព្យដែលអាចជឿទុកចិត្តបាន!ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។ សម្រាប់កម្មវិធី iOS និង Android។ស្វែងរកអចលនទ្រព្យនៅភ្នំពេញ ថ្ងៃនេះ។ លោកអ្នកក៏អាចចូរអានមគ្គុទេសនៃការវិនិយោគឆ្នំា២០១៩របស់យើងបានផងដែរ!អត្ថបទដោយ

កញ្ញា អ៊ិន ចាន់ស្រីល័ក្ខ ជាអ្នកពិគ្រោះយោបល់ផ្នែកលក់របស់ក្រុមហ៊ុនអចលនទ្រព្យយ៉ុងយ៉េប បានចូលរួមជាមួយកម្មវិធី Realestate.com.kh បានជជែកអំពីការបង់វិក្កបត្រទឹកនៅក្នុងប្រទេសកម្ពុជា។ តើមានវិធីណាខ្លះដែលអាចបង់បង់វិក្កបត្រទឹកនៅក្នុងប្រទេសកម្ពុជា?សម្រាប់ការបង់វិក្កបត្រទឹកអ្នកមានជម្រើសមួយចំនួនដែលអាចជ្រើសរើសបាន។ មានវិធីងាយៗដែលអាចជ្រើសរើស អ្នកអាចបង់ប្រាក់នៅរដ្ឋាករទឹកផ្ទាល់ ឫអ្នកក៏អាចបង់តាមរយៈធនាគារ ឬភ្នាក់ងារវីងក៏បាន។តើអ្នកអាចប្រាប់ខ្ញុំពីរបៀបបង់វិក្កយបត្រទឹកនៅភ្នាក់ងារវីងបានដែរទេ?ការសំខាន់អ្នកត្រូវពិនិត្យមើលថាតើកាលបរិច្ឆេទនៃការទូទាត់ថ្លៃទឹកផុតកំណត់ហើយឫនៅ។ ប្រសិនបើវាផុតកំណត់នោះភ្នាក់ងារវីងនឹងមិនទទួលយកការបង់ប្រាក់របស់អ្នកនោះទេ។នៅក្នុងករណីកាលបរិច្ឆេទនៃការបង់ប្រាក់របស់អ្នកផុតកំណត់ អ្នកត្រូវទៅបង់ប្រាក់នៅរដ្ឋាករទឹកដោយផ្ទាល់។តើដំណើរការនៃការបង់ប្រាក់នៅភ្នាក់ងារវីងមានលក្ខណៈដូចម្តេច? ប្រសិនបើអ្នកត្រូវបង់ថ្លៃទឹកទាបជាង១០០,០០០រៀល អ្នកនឹងត្រូវចំណាយលើថ្លៃសេវាកម្ម១,០០០រៀល ហើយប្រសិនបើអ្នកត្រូវការបង់ថ្លៃទឹកខ្ពស់ជាង១០០,០០០រៀល អ្នកនឹងត្រូវចំណាយលើថ្លៃសេវាកម្ម២,០០០រៀល។ ហេតុអ្វីបានជាទឹកត្រូវបានកាត់ផ្តាច់?ទាក់ទងទៅនឹងការកាត់ផ្តាច់ទឹកគឺពាក់ព័ន្ធទៅនឹងករណីចំនួន២ ទីមួយអាចមកពីបញ្ហាខាងរដ្ឋាករទឹកប្រព័ន្ធទឹកខូចដូចជាទុយោទឹកខូច ឬដោយសារករណីមួយទៀតដោយសារអ្នកមិនបង់វិក្កយបត្រទឹក។   ក្នុងករណីទុយោទឹកខូចនោះវានឹងត្រូវបានជួសជុលភ្លាម តែប្រសិនបើអ្នកមិនទាន់បង់វិក្កយបត្រ អ្នកត្រូវតែទៅធ្វើការបង់ប្រាក់ផ្ទាល់នៅរដ្ឋាករទឹកដើម្បីបានទឹកប្រើប្រាស់ដូចដើមវិញ។តើមានការផាកពិន័យដែរឬទេ ប្រសិនបើមានការបង់ប្រាក់យឺតពេល?អ្នកនឹងត្រូវបានពិន័យជាប្រាក់ចំនួន៦០,៥០០រៀលថែមជាមួយនឹងប្រាក់ដែលអ្នកបានជំពាក់។ អ្នកអាចប្រើប្រាស់ទឹកបានដូចធម្មតាវិញបន្ទាប់ពីបង់ប្រាក់បានមួយថ្ងៃ ឫពីរថ្ងៃ។ ស្វែងយល់បន្ថែមអំពី Young Yap property នៅលើគេហទំព័រ  Realestate.com.kh

កញ្ញា អ៊ិន ចាន់ស្រីល័ក្ខ ជាអ្នកពិគ្រោះយោបល់ផ្នែកលក់របស់ក្រុមហ៊ុនអចលនទ្រព្យយ៉ុងយែប បានចូលរួមជាមួយកម្មវិធី Realestate.com.khរៀបរាប់អំពីការបង់វិក្កបត្រអគ្គិសនីជាមួយភ្នាក់ងារវីង។ តើមានវិធីណាខ្លះដែលអាចបង់បង់វិក្កបត្រអគ្គិសនីនៅក្នុងប្រទេសកម្ពុជា?សម្រាប់ការបង់វិក្កបត្រទឹកអ្នកមានជម្រើសមួយចំនួនដែលអាចជ្រើសរើសបាន។ មានវិធីងាយៗដែលអាចជ្រើសរើស អ្នកអាចបង់ប្រាក់នៅការិយាល័យអគ្គីសនីកម្ពុជាផ្ទាល់ ឫអ្នកក៏អាចបង់តាមរយៈធនាគារ ឬភ្នាក់ងារវីងក៏បាន។តើអ្នកអាចប្រាប់ខ្ញុំពីរបៀបបង់វិក្កយបត្រអគ្គិសនីនៅភ្នាក់ងារវីងបានដែរទេ? ប្រសិនបើអ្នកត្រូវបង់ថ្លៃអគ្គិសនីទាបជាង ១០០,០០០រៀល អ្នកនឹងត្រូវចំណាយលើថ្លៃសេវាកម្ម១,០០០រៀល ហើយប្រសិនបើអ្នកត្រូវការបង់ថ្លៃទឹកខ្ពស់ជាង១០០,០០០រៀល អ្នកនឹងត្រូវចំណាយលើថ្លៃសេវាកម្ម២,០០០រៀល ។ហេតុអ្វីបានជាតម្លៃក្នុងមួយគីឡូវ៉ាត់មានការប្រែប្រួលខុសគ្នា?ទាក់ទងនឹងចំណុចតែងតែកើតឡើងដោយសារតែប្រទេសរបស់យើងទិញអគ្គិសនីពីប្រទេសជិតខាង។ ដូច្នេះអាជ្ញាធរបានអនុវត្តតាមគោលការណ៍ប្រើប្រាស់អគ្គិសនីកម្ពុជា។កាលណាអ្នកប្រើប្រាស់អស់គីឡូវ៉ាត់អគ្គិសនីតិច តម្លៃក្នុងមួយគីឡូវ៉ាត់ក៏ទាបដែរ។ ប៉ុន្តែក្នុងករណី ដែលអ្នកប្រើប្រាស់អស់គីឡូវ៉ាត់អគ្គិសនីច្រើន ការគិតថ្លៃក្នុងមួយគីឡូវ៉ាត់ក៏ខ្ពស់ជាងដែរ។ស្វែងយល់បន្ថែមអំពី Young Yap property នៅលើគេហទំព័រ  Realestate.com.kh