Vann Molyvann, considered the founder of the modern Khmer architecture, completed nearly 100 projects both nationally and abroad between 1956 and 1970. The impact of his architecture is felt around numerous corners of the Kingdom - with many still applauding his architectural style.Ms. Tri Lida from Re-Edge Architecture & Design refers to Molyvann as “the father of Cambodian architecture” - holding a “unique ability to incorporate Khmer style with natural elements, creating sustainable buildings where the air and sunshine flow from the inside out.”Some of Molyvann’s most significant projects are the Independence Monument, the National Olympic Stadium, the Royal University of Phnom Penh, the Chaktomuk Conference Hall, Preah Suramarit National Theater, the Council of Ministers building and the State Palace in Chamkarmon – now the place of the Senate.There are also several of his projects which are less known by the general public; such as the stupas within the Royal Palace, the Kantha Bopha Hospital, the first Siem Reap airport and the pavilions and temples for the 2,500th anniversary of the Buddha.Aside from the many projects he completed within the Kingdom, Molyvann also worked on projects abroad such as the Exhibition Hall for the International Trade Fair in Osaka, Japan, the Exhibition Hall For the International Trade Fair of Zagreb, the Exhibition Hall at the International Trade Fair of Brno, Czechoslovakia, and the Exhibition at the Galleries Lafayette in Paris.However, when asked his most loved architectural projects, these are all national - although not all are still in existence: “The ones I love the most is the National Olympic Stadium and Preah Suramarit National Theater on Bassac in Phnom Penh. There are many other projects I was fond of, but unfortunately some of them have been replaced​ by new buildings or were destroyed,” said Mr Molyvann.The demolition of old architecture is a recurrent issue in Cambodia, which the photo expert and owner of the “Amazing Cambodia” photo archives, Mr Srin Sokmean, has likewise noted: “It is a great pain to witness those architectural heritages disappear one by one. I always question myself why they are destroyed and not suitably renovated.”This is what pushed him to produce a vintage photo collection book named “Cambodia: Half Century Then & Now” which aims to enable people to visualize the beauty of Cambodia in the past and how the current landscape has been modified. On top of this, Sokmean has a popular facebook page and blog demonstrating his collections of photography. “I strongly believe that redecoration is the best option, because each building has its own attractive point. Development and architectural conservation need to go together” he added.“Old buildings are not always useless; instead they can be perfectly converted into museums, art galleries, boutique hotels or other amenities,” he concludes.And Sokmean is not the only one trying to preserve national heritage via media platforms. Mrs. Teav Bandol of Image Printing also shares a similar concern that, “during development, many countries face the dilemma of whether to preserve or replace heritage buildings to give space for new development; sadly most countries choose the latter. Cambodia is no exception.”She continued, “It should not be destroyed but preserved. Both old and new architectural work must be kept in its place in order for the public to witness the evolution from one generation to another. Doing so will help us to preserve the national identity and maintain sustainable development.”With that in mind, Image Printing is planning to re-publish some books detailing Vann Molyvann’s works in order to ensure his contributions reach the next generation.Bandol mentioned that the publication of these books are not just for the purpose of preserving Van Molyvann’s buildings – but it’s also “a demonstration of intelligence, knowledge and innovation in the architecture industry - which is a good example for the new generation to follow.”“Moreover, we cannot regain a building that was destroyed, but we can save every document for next generations,” she concludes.Find the latest real estate news on Realestate.com.kh

ពិព័រណ៍អចលនទ្រព្យកម្ពុជាដែលរៀបចំដោយ Realestate.com.kh នៅសាលធំនៃសណ្ឋាគារណាហ្គាវើល កាលពីថ្ងៃសុក្រ និងថ្ងៃសៅរិ៍សប្តាហ៍មុនមានអ្នកចូលរួមប្រមាណ៣០០០នាក់រួមមានអ្នកវិនិយោគជាតិ និងអន្តរជាតិយ៉ាងច្រើនកុះករ។អ្នកអភិវឌ្ឍន៍ល្បីៗនៅក្នុងប្រទេសបានទទួលផលប្រយោជន៍ជាច្រើនពីអ្នកចង់ទិញ និងដែលចាប់អារម្មណ៍ទិញរាប់ពាន់នាក់ក្នុងរយៈពេលពីរថ្ងៃនេះហើយក្នុងនោះមានរហូតដល់៣០​កិច្ចសន្យាទិញបានធ្វើនៅក្នុងកន្លែងពិព័រណ៍តែម្តង ដែលតម្លៃនៃយូនីតសរុបស្នើនឹងចំនួនទឹកប្រាក់សរុបប្រមាណជាង៣លានដុល្លារអាមេរិក។ម្ចាស់គម្រោងអភិវឌ្ឍន៍ក៏ទទួលបានអ្នកចូលមើលគម្រោងយ៉ាងច្រើនក៏ដូចជាមើលលើផ្ទះគម្រូផ្ទាល់នៅក្នុងព្រឹត្តិការណ៍នេះ ហើយទទួលបានអតិថិជនដែលមានការចាប់អារម្មណ៍យ៉ាងខ្លាំងជាច្រើននាក់ ដែលនៅតែជាឱកាសលក់សម្រាប់គម្រោងអភិវឌ្ឍន៍ទាំងនោះបន្ទាប់ពីព្រឹត្តិការណ៍នេះ។  អតិថិជនដែលបានទិញលំនៅដ្ឋានចំនួន៣នាក់បានឈ្នះរង្វាន់សំបុត្រយន្តហោះទៅក្រៅប្រទេស ពីក្រុមហ៊ុនអាកាសចរកម្ពុជាអង្គរអ៊ែរ។អ្នកចូលរួមប្រមាណ៤០ភាគរយជាជនជាតិចិន ឬអ្នកចេះនិយាយភាសាចិន និងចំនួន២០ភាគជាបរទេសចំរុះជាតិសាសន៍ ចំណែកឯចំនួន៤០ភាគរយជាជនជាតិខ្មែរ។ ដោយសារពួកយើងជាគេហទំព័រអចលនទ្រព្យឈានមុខគេនៅក្នុងប្រទេសបានជា អ្នកចូលរួមក្នុងព្រឹត្តិការណ៍នេះភាគច្រើនជាអតិថិជនគោលដៅរបស់គេហទំព័រ Realestate.com.kh    និងប្រព័ន្ធផ្សព្វផ្សាយដទៃទៀត។បើតាមការឲ្យដឹងរបស់អ្នកនាង Kelly ជានាយករងផ្នែកទីផ្សារ និងផ្នែកលក់នៃក្រុមហ៊ុនអភិវឌ្ឍន៍ Creed Group បានឲ្យដឹងថា “ក្រុមហ៊ុន Creed Group បានដាក់បង្ហាញគម្រោងអភិវឌ្ឍន៍ចំនួន៣មានដូចជា៖ គម្រោង Bodaiju គម្រោងបុរីមហាសែនសុខ និងគម្រោង Arata Garden Residences ហើយទទួលបានលទ្ធផលដ៏ប្រសើរបំផុតដោយទទួលបានការកក់ទិញចំនួន២១យូនីត ពីគម្រោងអភិវឌ្ឍន៍បច្ចុប្បន្ន និងគម្រោងថ្មីបន្ទា​ប់គឺ Arata Garden Residences។”អ្នកស្រី Intan Kosem ម្ចាស់គម្រោងខុនដូ Habitat Condos បាននិយាយថា “យើងមានសេចក្តីសោមនស្សរីករាយយ៉ាងខ្លាំងក្នុងការធ្វើការបង្ហាញអំពីគម្រោងលំនៅដ្ឋានខុនដូ Habitat នៅក្នុងព្រឹត្តិការណ៍ពិព័រណ៍នេះ។ ជាក់ស្តែងពួកយើងបានលក់ខុនដូចំនួនមួយយូនីតទៅឲ្យអតិថិជនម្នាក់មកពីបរទេសនៅក្នុងព្រឹត្តិការណ៍មួយនេះ។ ក្រៅពីនេះយើងទទួលបានអ្នកចាប់អារម្មណ៍ទិញ និងអ្នកចូលមកទស្សនាគម្រោងរបស់យើងជាច្រើននាក់ផ្សេងទៀត។ យើងរំពឹងថានឹងចូលរួមក្នុងព្រឹត្តិការណ៍នេះលើកក្រោយទៀត!”“យើងមានការពេញចិត្តយ៉ាងខ្លាំងដែលពួកយើងបានចូលរួមជាមួយព្រឹត្តិការណ៍បង្ហាញអចលនទ្រព្យ ដែលរៀបចំឡើងដោយ Realestate.com.kh នៅសណ្ឋាគារណាហ្គាវើល។ ព្រឹត្តិការណ៍អាចឲ្យពួកយើងបានទទួលការលក់ដោយផ្ទាល់យ៉ាងច្រើន និងទទួលបានអ្នកដែលមានបំណងទិញពិតប្រាកដជាច្រើននាក់ពីព្រឹត្តិការណ៍នេះ។ យើងទន្ទឹមរងចាំព្រឹត្តិការណ៍ដ៏អស្ចារ្យបែបនេះលើកក្រោយទេៀតដែលរៀបចំដោយ Realestate.com.kh” យោងតាមសម្តីរបស់ លោក Laurence Hamilton នាយករងនៃក្រុមហ៊ុន  NC Max World Real Estate Development/Brokerage ដែលបានចូលរួមដាក់តាំងបង្ហាញគម្រោងដូចជា៖ គម្រោង The View និងគម្រោង East One Apartments។លោក សេង ពិសិដ្ឋ នាយកប្រតិបត្តិនៃក្រុមហ៊ុន LK Development Group ដែលជាក្រុមហ៊ុនអភិវឌ្ឍគម្រោងខុនដូ The Elements បានលើកឡើងថា “ព្រឹត្តិការណពិព័រណ៍អចលនទ្រព្យដ៏ធំមួយនេះគឺទទួលបានលទ្ធផលលើសពីការរំពឹងទុករបស់យើង” Realestate.com.kh បានបំពេញអ្វីដែលពួកគេបានសន្យាជាមួយនឹងម្ចាស់គម្រោងទាំងអស់។ យើងបានជួបអ្នកទិញដែលមានសក្តានុពលក៏ដូចជាវិនិយោគិនសំខាន់ៗជាច្រើនជាតាមការចង់បានរបស់យើង។ យើងប្រាកដណាស់ថាព្រឹត្តិការណ៍ពិព័រណ៍អចលនទ្រព្យជាកម្មវិធីដ៏ល្អបំផុតនៅក្នុងទីផ្សារ ហើយមានភាពរីករាយនឹងធ្វើការជាមួយ Realestate.com.kh នាពេលអនាគត។"លើសពីនេះទៀតពិព័រណ៍ក៏មានសិក្ខាសាលាសំខាន់ៗដែលពាក់ព័ន្ធជាមួយវិស័យអចលនទ្រព្យក្នុងស្រុក និងអន្តរជាតិ។ លោកអ្នកអាចស្វែងរកបទបង្ហាញជាវីដេអូតាមរយៈគេហទំព័រ www.realestate.com. kh/newsរថយន្តម៉ាក Porsche និង Mercedes Benz ក៏បានចូលរួមដាក់បង្ហាញនៅក្នុងព្រឹត្តិការណ៍នេះផងដែរ ដោយផ្តល់ឱកាសឱ្យភ្ញៀវបានសាកល្បងបើកបររថយន្តនៅតាមដងផ្លូវក្នុងរាជធានីភ្នំពេញធ្វើដំណើរចេញពីចំណត រថយន្តសណ្ឋាគារណាហ្គាវើល។ព្រឹត្តិការណ៍តាំងពិព័រណ៍នេះអាចដំណើរការបានដោយរលូនដោយមានការចូលរួមឧបត្ថម្ភដោយក្រុមហ៊ុន Last Mile Works VR ក្រុមហ៊ុនផ្គត់ផ្តង់សំភារៈកីឡា Seara ក្រុមហ៊ុន Ezecom និងក្រុមហ៊ុន Cellcard។ យើងក៏សូមថ្លែងអំណរគុណដល់ដៃគូរផ្សព្វផ្សាយរបស់យើងរួមមាន៖ ទស្សនាវដ្តីពាណិជ្ជកម្មកម្ពុជា សារព័ត៌មាន​អនឡាញ Bizkhmer កាសែត Khmernavi/Enjoy Cambodia, Sin Chew Daily, B2B Cambodia, Britcham, Amcham, សមាគមន៍អ្នកសាងសង់កម្ពុជា(CCA) គេហទំព័រProguru អន្តរជាតិ គេហទំព័រ Property Guru, សមាគមន៍អ្នកវាយតម្លៃ និងភ្នាក់ងារអចលនទ្រព្យកម្ពុជា(CVEA),  គេហទំព័រអចលនទ្រព្យ Juwai.com,​​ សារព័ត៌មាន Asian Property Review, Property Report​ កាសែត Khmer Times កាសែត La Reine “ពិព័រណ៍អចលនទ្រព្យរបស់យើងបានធ្វើឲ្យវិនិយោគិន កាន់តែមើលឃើញឱកាសវិនិយោគកាន់តែច្រើននៅក្នុងប្រទេសកម្ពុជា” នេះជាការលើកឡើងរបស់នាយកប្រតិបត្តិគេហទំព័រអចលនទ្រព្យ Realestate.com.kh លោក Thomas O'Sullivan។” លោកបានបន្ថែមទៀតថា “នៅពេលដែលវិនិយោគិនមកពីគ្រប់ទិសទីបានមកដល់រាជធានីភ្នំពេញសម្រាប់ការចូលរួមជាមួយពិព័រណ៍អចលនទ្រព្យរបស់យើង។ ពួកគេអាចស្វែងយល់អំពីទីផ្សារកម្ពុជាដែលបានផ្លាស់ប្តូរយ៉ាងខ្លាំងនៅក្នុងវិស័យអចលនទ្រព្យ និងសំណង់នៅក្នុងប្រទេស។ ហើយពួកគេបានធ្វើដំណើរមកដើម្បីស្វែងយល់បន្ថែមភាពរីកចម្រើនផ្នែកហេដ្ឋារចនាសម្ព័ន្ធផ្សេងៗដែលបានកំពុងធ្វើឲ្យប្រទេសកម្ពុជាក្លាយជាមជ្ឈមណ្ឌលសេដ្ឋកិច្ចដ៏សំខាន់។ ការអភិវឌ្ឍន៍ទាំងនេះបានបង្កើនទំនុកចិត្តដល់អ្នកវិនិយោគអចលនទ្រព្យនៅក្នុងប្រទេសកម្ពុជា។”បន្ទាប់ពីទទួលបានភាពជោគជ័យដែលមិនធ្លាប់មាននៅក្នុងព្រឹត្តិការណ៍ពិព័រណ៍អចលនទ្រព្យកម្ពុជា។ Realestate.com.kh មានគម្រោងរួចជាស្រេចសម្រាប់ព្រឹត្តិការណ៍បន្ទាប់ដែលកាន់តែធំ និងកាន់តែពិសេសជាងមុនសម្រាប់ក្នុងឆ្នាំ២០១៧៕ស្វែងរកព័ត៌មានល្អបំផុតទាក់ទងនឹងអចលនទ្រព្យតាមរយៈ Realestate.com.kh

ព្រឹត្តិការណ៍ពិព័រណ៍អចលនទ្រព្យកម្ពុជានឹងចាប់ផ្តើមនៅសប្តាហ៍នេះ!ព្រឹត្តិការណ៍នេះនឹងចាប់ផ្តើមនៅថ្ងៃសុក្រ និងថ្ងៃសៅរិ៍ ទី៥ និងទី៦ ខែ ឧសភា នៅសណ្ឋាគារណាហ្គាហ្វើល (សាលធំជាន់ទី២) វេលាម៉ោង ១០ៈ០០ ព្រឹក ដល់ ម៉ោង ៦:០០ ល្ងាច+ មានគម្រោងអភិវឌ្ឍន៍ចូលរួមប្រមាណ ២០គម្រោង+ សិក្ខាសាលាដែលមានការចូលរួមពីអ្នកជំនាញ ភ្នាក់ងារអចលនទ្រព្យ និងអ្នកជំនាញផ្នែកច្បាប់+ ឱកាសឈ្នះរង្វាន់សំបុត្រយន្តហោះពីក្រុមហ៊ុនខេមបូឌៀរអង្គរអ៊ែរ+ ការបើកបរសាកល្បងជាមួយរថយន្តម៉ាក Porsche និង Mercedesចូលរួមដោយសេរី ដោយមិនមានការចុះឈ្មោះអ្វីឡើយសូមអញ្ជើញចូលរួមទស្សនាឲ្យបានច្រើនកុះករ លោកអ្នកអាចចូលរួមជាមួួយមិត្តភក្តិ និងក្រុមគ្រួសារបាន ភ្ជាប់ទំនាក់ទំនង និងស្វែងយល់អំពីវិស័យអចលនទ្រព្យនៅកម្ពុជាដែលនាំមកជូនដោយ Realestate.com.kh!សូមចុឈ្មោះនៅទីនេះ និងទទួលយកព័ត៌មានថ្មីៗគោលបំណងនៃព្រឹត្តិការណ៍តាំងពិព័រណ៍អចលនទ្រព្យកម្ពុជាឆ្នាំ២០១៧នេះគឺដើម្បីផ្សព្វផ្សាយ​ពីប្រទេសកម្ពុជា និងវិស័យអចលនទ្រព្យកម្ពុជាទៅក្នុងស្រុក និងអន្តរជាតិ។ ក្រុមហ៊ុន Realestate.com.kh នឹងនាំយកគម្រោងអភិវឌ្ឍន៍ថ្មីៗនៅក្នុងប្រទេសព្រមទាំងក្រុមហ៊ុនផ្សេងៗទៀតដែលមានឥទ្ធិពលនិងដើរតួសំខាន់នៅក្នុងទីផ្សារអចលនទ្រព្យមកក្នុងការតាំងបង្ហាញនេះ។ក្នុងអំឡុងពេល២ថ្ងៃនៃព្រឹត្តិការណ៍នេះ (ថ្ងៃសុក្រ និងថ្ងៃសៅរិ៍) អ្នកចូលរួមទាំងអស់ក៏មានឱកាសចូលរួមជាមួយសិក្ខាសាលាអប់រំផ្សេងៗគ្នាដែលនឹងជួយដល់អ្នកទិញអចលនទ្រព្យ និងវិនិយោគិនឲ្យបានស្វែងយល់អំពីទីផ្សារកាតព្វកិច្ចស្រ​បច្បាប់នៃកម្មសិទ្ធិកាន់កាប់អចលន ទ្រព្យ និងក៏ដូចជាជួយដល់អ្នក​ទិញឲ្យមានភាពច្បាស់លាស់នៅពេលដែលទិញអចលនទ្រព្យនៅកម្ពុជា។ប្រធានបទនឹងត្រូវធ្វើបទបង្ហាញនៅក្នុងព្រឹត្តិការណ៍តាំងពិព័រណ៍នេះរួមមាន៖ ច្បាប់អចលនទ្រព្យ កម្មសិទ្ធិកាន់កាប់កាតព្វកិច្ចពន្ធ ការវិភាគពីការវិនិយោគក្នុងតំបន់នៅទូទាំងប្រទេសកម្ពុជា​ការពិចារណាពីការគ្រប់គ្រងអចលនទ្រព្យ និងប្រធានបទសំខាន់ៗផ្សេងៗទៀត។សិក្ខាសាលានៅក្នុងព្រឹត្តិការណ៍ពិព័រណ៍អចលនទ្រព្យនេះគឺអាចចូលរួមដោយសេរីសម្រាប់អ្នកចូលរួមទាំងអស់។ អ្នកចូលរួមក៏អាចចោទជាសំនួរទៅកាន់វាគ្មិននីមួយៗដែលបានធ្វើបទបង្ហាញ។កាលវិភាគលម្អិតសម្រាប់វគ្គសិក្ខាសាលានៅថ្ងៃសុក្រ និងថ្ងៃសៅរិ៍​ មានដូចខាងក្រោម៖កាលវិភាគសម្រាប់ថ្ងៃទី១ ថ្ងៃសុក្រ ទី៥ ខែឧសភា៖ទស្សនលើកំណើនសេដ្ឋកិច្ចក្នុងប្រទេសកម្ពុជា៖ ការឈានចូលទីផ្សារ​សមាគមន៍អាស៊ាន (១២:៣០ – ១:០០រសៀល)លោក​ បណ្ឌិត​ សុខ ស៊ីផាន់ណាដែលជាដៃគូគ្រប់គ្រងរបស់ក្រុមហ៊ុន Sok Siphana & Associates និងជាសមាជិករបស់ ZicolawCambodia, Transition from ‘Live Era’ to ‘Life Era’ (1:00PM - 1:15PM)Anita Cui អនុប្រធានចាត់ការទូទៅក្រុមហ៊ុន GREDvKirirom Project Development (1:15PM - 1:45PM)លោក Takeshi Izuka នាយកគ្រប់គ្រងគម្រោង vKiriromកម្មសិទ្ធិកាន់កាប់របស់ជនបរទេសក្នុងប្រទេសកម្ពុជា៖ ច្បាប់ និងការអនុវត្តន៍) (២:៣០ – ៣:១៥រសៀល)លោក Matthew Rendall ដៃគូជាន់ខ្ពស់របស់ក្រុមហ៊ុន Sok Siphana & Associates និងជាសមាជិក Zicolawការពង្រឹងសុវត្ថិភាពដើម្បីបង្កើនតម្លៃអចលនទ្រព្យ (៣:១៥ – ៣:៤៥រសៀល)លោក Athanasius Pang នាយកគ្រប់គ្រងនៃក្រុមហ៊ុន Trivox Global Security Group និងជាប្រធានសាខានៃ DL Edvanceទស្សនវិស័យរបស់វិនិយោគិនសិង្ហបុរីក្នុងទីផ្សារអចលនទ្រព្យកម្ពុជា (៣:៤៥ – ៤:៣០រសៀល)លោក Jo Chua ប្រធានផ្នែកអភិវឌ្ឍន៍ធុរកិច្ចអន្តរជាតិនៃក្រុមហ៊ុន  PropertyGuru Groupពន្ធសម្រាប់វិនិយោគិន៖ ការពិចារណាលើពន្ធអចលនទ្រព្យ សម្រាប់ម្ចាស់អចលនទ្រព្យក្នុងប្រទេសកម្ពុជា (៤:៣០ – ៤:៤៥រសៀល)លោក Anthony Galliano នាយកគ្រប់គ្រងរបស់ក្រុមហ៊ុន Cambodian Investment Managementការវិវត្តន៍នៃការគ្រប់គ្រងអចលនទ្រព្យនៅភ្នំពេញ (៤:៤៥ – ៥:១៥រសៀល)លោក Benny Tan ប្រធានប្រឹក្សានៃក្រុមហ៊ុន SC Capitalកាលវិភាគសម្រាប់ថ្ងៃទី២ ថ្ងៃសៅរិ៍ ទី៦ ខែឧសភា៖និន្នាការរបស់អតិថិជននៅក្នុងទីផ្សារអចលនទ្រព្យកម្ពុជា (១:៣០ – ២:០០រសៀល)លោក Tom O’Suvillivan នាយកប្រតិបត្តិគេហទំព័រ Realestate.com.khអចលនទ្រព្យ​ផ្នែក​ឧស្សាហកម្មជាមួយនឹង​ការវិនិយោគ​តំបន់​សេដ្ឋកិច្ច​ពិសេសក្នុង​ទីផ្សារងើបឡើង​ថ្មី និង​ផលប្រយោជន៍​នៃ​រោងចក្រ​ឧស្សាហកម្ម​នៅក្នុង​ប្រទេស​កម្ពុជា ​(២:០០ – ២:៣០រសៀល)លោក Edmond Lim ប្រធានគម្រោងរបស់ក្រុមហ៊ុន Cambodia Propnexឱកាស​វិនិយោគ​នៅក្នុង​តំបន់​ជ្រោយចង្វារ​  ​(២:៣០ – ២:៤៥រសៀល)លោក Leang Ki ប្រធានផ្នែកលក់របស់គម្រោង Highland Condominiumឱកាសសម្រាប់វិនិយោគជាមួយគម្រោង vKirirom  ​(២:៤៥ – ៣:០០រសៀល)លោក Takeshi Izuka ប្រធានគម្រោង vKiriromការរីកចម្រើន​ក្នុង​ខេត្ត​ព្រះសីហនុ​៖ ការវិនិយោគ​តំបន់ឆ្នេរ​ក្នុង​ប្រទេសកម្ពុជា ​​(៣:៣០ – ៤:១៥រសៀល)លោក Christophe Forsetti ប្រធានប្រតិបត្តិរបស់ក្រុមហ៊ុន KC JSMស្វែងយល់ពីសក្តានុពលដែលមិនទាន់ប្រើប្រាស់នៅក្នុងទីផ្សារអចលនទ្រព្យឥណ្ឌូចិន (៤:១៥ – ៤:៣០រសៀល)លោក Johnny Chan ប្រធានទីផ្សារ និងផ្នែកលក់របស់ក្រុមហ៊ុន Creed Groupការគ្រប់គ្រង​អចលនទ្រព្យ​របស់​អ្នក​៖ ការពិចារណា​លើ​ការ​គ្រប់គ្រង​អចលនទ្រព្យ​សម្រាប់​វិនិយោគិន​ (៤:៣០ – ៥:០០រសៀល)លោក Simon Griffiths  នាយកគ្រប់គ្រងទូទៅរបស់ក្រុមហ៊ុនគ្រប់គ្រងអចលនទ្រព្យ  Metro Globalការស្វែងយល់ពីទិន្នន័យក្រៅប្រទេសនៅក្នុងទីផ្សារអចលនទ្រព្យ ​(៥:០០ – ៥:៣០រសៀល)លោក William Nai ទីប្រឹក្សាជាន់ខ្ពស់នៃក្រុមហ៊ុន SC Capitalទាញយកកាលវិភាគទាំងស្រុងនៅទីនេះព្រឹត្តិការណ៍តាំងពិព័រណ៍អចលនទ្រព្យគឺចាប់ផ្តើមនៅសប្តាហ៍នេះ!ព្រឹត្តិការណ៍​នេះ​នឹងចាប់ផ្តើម​ឡើង​នៅ ថ្ងៃ​សុក្រ និង​ថ្ងៃ​សៅ​រិ៍ --​ ថ្ងៃទី​៥ និង​ទី​៦ ខែឧសភា ឆ្នាំ​២០១៧ នៅ​សណ្ឋាគារ​ណាហ្គា​វើ​ល (សាលធំជាន់ទី២) ហើយ​កម្មវិធី​នេះ​ចាប់ផ្តើម​ពីម៉ោង​១០ ព្រឹក ដល់​ម៉ោង ៦​ល្ងាច​។​+ មានគម្រោងអភិវឌ្ឍន៍ថ្មីជាង២០ នឹងដាក់បង្ហាញក្នុងព្រឹត្តិការណ៍នេះ+ សិក្ខាសាលាអប់រំពីអ្នកសេដ្ឋកិច្ច​ ភ្នាក់ងារអចលនទ្រព្យ និងអ្នកច្បាប់+ ឈ្នះសំបុត្រយន្តហោះទៅក្រៅប្រទេសពីក្រុមហ៊ុន កម្ពុជាអង្គរអ៊ែរ+​ សាកល្បងបើកជាមួយរថយន្តម៉ាក Porsche និង Mercedes.អាច​ចូលរួម​ដោយ​សេរី និង​មិនចាំបាច់​មានការ​ចុះឈ្មោះ​អ្វី​ឡើយ​!ឬអាចចុះឈ្មោះ​ដើម្បីទទួលបានព័ត៌មានថ្មីៗ​!សម្រាប់ព័ត៌មានបន្ថែម សូមទំនាក់ទំនង +855 17 436 756 / +855 69 436 756 info@realestate.com.khស្វែងរកព័ត៌មានថ្មីៗបំផុតជាមួយ Realestate.com.kh!

កម្ពុជាកំពុងទទួលបានការចាប់អារម្មណ៍យ៉ាងខ្លាំងពីសំណាក់វិនិយោគគិនអចលនទ្រព្យអន្តរជាតិពីទូទាំងតំបន់អាស៊ាន ប្រទេសចិននិងពិភពលោក។ បើធៀបទៅនឹងប្រទេសជិតខាងនៅក្នុងតំបន់ ប្រទេសកម្ពុជាបានផ្តល់ជូននូវកម្មសិទ្ធិស្របច្បាប់សម្រាប់ជនបរទេស និងមានកំណើននៃការវិនិយោគយ៉ាងខ្លាំងក្លា។ខណៈពេលដែលអ្នករស់នៅក្នុងប្រទេសកម្ពុជាគឺដឹងយ៉ាងច្បាស់អំពីការផ្លាស់ប្តូរយ៉ាងឆាប់រហ័សដែលបានកើតឡើងទាក់ទងទៅ នឹងវិស័យអចលនទ្រព្យ វិស័យសំណង់ និងការអភិវឌ្ឍន៍ហេដ្ឋារចនាសម្ព័ន្ធនៅតាមទីក្រុងធំៗដូចជារាជធានីភ្នំពេញ ខេត្តព្រះសីហនុ និងខេត្តសៀមរាប - ចំណែកឯអន្តរជាតិជាច្រើនមានការយល់ដឹងតិចតួចអំពីគុណភាពនៃអចលនទ្រព្យដែលមាន នៅក្នុងប្រទេសកម្ពុជាកម្ពុជានាពេលបច្ចុប្បន្ន និងសក្តានុពលនៃការវិនិយោគសម្រាប់អ្នកដែលទិញអចលនទ្រព្យនៅទីនេះ។ដូច្នេះដើម្បីជួយសម្រួលដល់កំណើននៃតម្រូវការអចលនទ្រព្យនៅក្នុងប្រទេសកម្ពុជា ក្រុមហ៊ុន Realestate.com.kh រៀបចំព្រឹត្តិការណ៍ដ៏ធំបំផុតមួយដែលពុំធ្លាប់ មានពីមុនមកនៅកម្ពុជា។ការតាំងពិព័រណ៍រយៈពេល២ថ្ងៃដែលមានគម្រោងអភិវឌ្ឍន៍អចលនទ្រព្យជិត៣០​ចួលរួមដាក់បង្ហាញ "ការតាំងពិព័រណ៍អចលនទ្រព្យកម្ពុជា" គឺបានទទួលការឧបត្ថម្ភពីក្រុមហ៊ុន  Last Mile Works Co. Ltd ក្រុមហ៊ុនផ្គត់ផ្គង់សម្ភារៈកីឡា Seara ហើយក្រុមហ៊ុន Ezecom ហើយពិព័រណ៍នឹងបង្ហាញពីឱកាសវិនិយោគអចលនទ្រព្យដ៏ល្អបំផុតដែលមាននៅទូទាំងប្រទេសកម្ពុជានាពេលបច្ចុប្បន្ន។លោក Tom O’Sullivan នាយកប្រតិបត្តិគេហទំព័រ Realestate.com.kh បាននិយាយថា “គោលបំណងនៃការបង្កើតព្រឹត្តិការណ៍ពិព័រណ៍អចលនទ្រព្យកម្ពុជា២០១៧នេះគឺដើម្បីបង្ហាញពីប្រទេសកម្ពុជា និងសក្តានុពលទីផ្សារអចលនទ្រព្យកម្ពុជាទៅកាន់ទាំងក្នុងស្រុក និងអន្តរជាតិ។ ពួកយើងបាននាំមកជូននូវគម្រោងអភិវឌ្ឍន៍ថ្មីៗ​ ដែលប្រកដោយស្តង់ដារគុណភាពខ្ពស់ ​និងអាជីវកម្មផ្សេងៗ ដែលមានឥទ្ធិពល និងដើរតួយ៉ាងសំខាន់នៅក្នុងទីផ្សារ។លោក O'Sullivan បានលើកឡើងថា “ក្នុងអំឡុងពេលនៃការតាំងពិព័រណ៍នេះ អ្នកចូលរួមក៏នឹងអាច ចូលរួមជាមួយសិក្ខាសាលាអប់រំនានាដែលនឹងជួយដល់អ្នកទិញ និងវិនិយោគិនឲ្យបានយល់ដឹងពីទីផ្សារអចលនទ្រព្យ និងដើម្បីជួយធ្វើឱ្យការសម្រេចចិត្តបានកាន់តែប្រសើរនៅពេលដែលពួកគេចង់ទិញ "។លោក O’Sullivan បាននិយាយថា “លើពីនេះទៀតព្រឹត្តិការណ៍ពិព័រណ៍អចលនទ្រព្យកម្ពុជានេះនឹងនាំអ្នកវិនិយោគឲ្យកាន់តែមើលឃើញពីឱកាសវិនិយោគនៅកម្ពុជា។ នៅពេលដែលវិនិយោគិនមកពីក្នុងតំបន់ និងពិភពលោកបានមកដល់កម្ពុជាសម្រាប់ព្រឹត្តិការណ៍ដ៏អស្ចារ្យមួយនេះពួកគេនឹងដឹងកាន់តែច្បាស់អំពីទិដ្ឋភាពផ្ទាល់នៅក្នុងទីផ្សារសំណង់ និងអចលនទ្រព្យនៅកម្ពុជា។ បន្ថែមពីនេះពួកគេ នឹងយល់កាន់តែច្បាស់អំពីការប្រែប្រួលសេដ្ឋកិច្ចទាំងមូលនៅក្នុងប្រទេស។ ការតាំងពិព័រណ៍នេះនឹងធ្វើឲ្យពីកាន់តែមានទំនុកចិត្តក្នុងការវិនិយោគនៅក្នុងប្រទេសនេះ។​លោកបានបន្ថែមថា “ប្រជាជនអាចទិញអចលនទ្រព្យក្នុងប្រទេសដែលពួកគេពេញចិត្តហើយជាមួយ Realestate.com.kh យើងជឿថាអ្នកចូលរួមក្នុងពិព័រណ៍របស់យើងដែលមកពីក្រៅប្រទេស​នឹងពេញចិត្តជាមួយប្រទេសកម្ពុជា។នៅក្នុងព្រឹត្តិការណ៍នេះ​នឹងមានសិក្ខាសាលាក្នុងអំឡុងពេល២ថ្ងៃនេះ។ ​វាគ្មិននឹងចែករំលែកព័ត៌មានគន្លឹះទៅដល់អ្នកចូលរួម វាគ្មិនទាំងនោះរួមមាន៖ លោក បណ្ឌិត សុខ ស៊ីផាន់ណាដែលជាដៃគូគ្រប់គ្រងរបស់ក្រុមហ៊ុន Sok Siphana & Associates និងជាសមាជិកនៃក្រុមហ៊ុន ZicoLaw  លោក Matthew Rendall ដៃគូជាន់ខ្ពស់របស់ក្រុមហ៊ុន Sok Siphana & Associates និងជាសមាជិកនៃក្រុមហ៊ុនZicoLaw លោក Anthony Galliano នាយកគ្រប់គ្រងរបស់ក្រុមហ៊ុន Cambodian Investment Management លោក Athanasius Pang  នាយកខាសាក្រុមហ៊ុន DL Edvance លោក Jasper Shin ជាម្ចាស់គម្រោងអភិវឌ្ឍន៍ និងជាអ្នកប្រឹក្សាអចលនទ្រព្យ    លោក Christophe Forsetti ប្រធានគ្រប់គ្រងរបស់ក្រុមហ៊ុន JSM indochina  លោក Simon Griffiths  នាយកគ្រប់គ្រងទូទៅរបស់ក្រុមហ៊ុន  Metro Global Pte Ltd  លោក Takeshi Izuka នាយកគ្រប់គ្រងរបស់ vikirirom  លោក Athanasius Pang នាយកផ្នែកផ្សព្វផ្សាយនៃ DL Edvance លោក Jo Chua ប្រធានផ្នែកអភិវឌ្ឍន៍ធុរកិច្ចអន្តរជាតិនៃក្រុមហ៊ុន  PropertyGuru Group ​លោកBenny Tan ទីប្រឹក្សាជាន់ខ្ពស់នៃលក្រុមហ៊ុន SC Capital  លោក Tom O’Suvillivan នាយកប្រតិបត្តិគេហទំព័រ Realestate.com.kh  និង លោក William Nai ទីប្រឹក្សាជាន់ខ្ពស់នៃក្រុមហ៊ុន SC Capital។​អ្នកអភិវឌ្ឍន៍ដែលចូលរួមដាក់បង្ហាញពីគម្រោងរបស់ពួកគេមានដូចជា៖ ក្រុមហ៊ុន The Creed Group, ក្រុមហ៊ុន Camhomes/HLH Group  គម្រោង Parkway Condo, គម្រោង Royal HM Trading  គម្រោងSky31 Condo គម្រោងHabitat Condo គម្រោង Core PPSEZ   គម្រោង vKirirom គម្រោង HighLand Condo ក្រុមហ៊ុន GRED/ One Park គម្រោង The Elements Condo គម្រោង The Skyline គម្រោងGolden One គម្រោងSC Capital គម្រោង SkyTree Condominium, ក្រុមហ៊ុន NC Maxworld Real Estate & Development, ក្រុមហ៊ុន Sing Meng Telemedia​, ក្រុមហ៊ុន Porsche ក្រុមហ៊ុន Mercedes-Benz, គម្រោងEastland Development, ក្រុមហ៊ុន Cambodian Investment Management គម្រោង The Penthouse Residences, គម្រោង J Villa ក្រុមហ៊ុន South East Asia Property Services (SEAPS) និង គម្រោង Vital Water.ដៃគូផ្សព្វផ្សាយក្នុងស្រុកនិងអន្តរជាតិគឺជាគន្លឹះដើម្បីទទួលបានភាពជោគជ័យសម្រាប់ព្រឹត្តិការណ៍នេះរហូតមកដល់ពេលនេះ ព្រឹត្តិការណ៍អចលនទ្រព្យកម្ពុជាទទួលបានអ្នកចុះឈ្មោះជាង ៣,០០០​នាក់ ដែលជឿជាក់ថាពួកគេនឹងចូលរួមក្នុងព្រឹត្តិការណ៍នេះ ហើយយើងមានដៃគូផ្សព្វផ្សាយសម្រាប់កម្មវិធីនេះរួមមាន ទស្សនាវដ្តីពាណិជ្ជកម្មកម្ពុជា សារព័ត៌មាន​អនឡាញ Bizkhmer, Sin Chew Daily, B2B Cambodia, Britcham, Amcham, សមាគមន៍សាងអ្នកសង់ កម្ពុជា(CCA) គេហទំព័រProguru អន្តរជាតិ គេហទំព័រ Property Guru, សមាគមន៍អ្នកវាយតម្លៃ និងភ្នាក់ងារអចលនទ្រព្យកម្ពុជា (CVEA),  គេហទំព័រអចលនទ្រព្យ Juwai.com,​​ សារព័ត៌មាន Asian Property Review, Property Report​ កាសែត Khmer Times កាសែត La Reine និងកាសែត Khmernavi/Enjoy Cambodia.Realestate.com.kh សូមថ្លែងនូវអំណរគុណដោយស្មោះចំពោះម្ចាស់ឧបត្ថម្ភដល់ព្រឹត្តិការណ៍របស់យើងមានដូចជា ក្រុមហ៊ុន  Last Mile Works Co. Ltd ក្រុមហ៊ុនការងារ ក្រុមហ៊ុនផ្គត់ផ្គង់សម្ភារៈកីឡា Seara ហើយក្រុមហ៊ុន Ezecomសម្រាប់អ្នកដែលចូលរួមក្នុងព្រឹត្តិការណ៍តាំងពិព័រណ៍ ហើយទិញអចលនទ្រព្យទ្រព្យនៅថ្ងៃនោះក៏នឹងមានឱកាសចាប់រង្វាន់ដែលអាចឈ្នះរង្វាន់ជាច្រើន។ សូមអរគុណដល់ក្រុមហ៊ុន Cambodia Angkor Air ដែលជាក្រុមហ៊ុនអាកាសចរណ៍ដៃគូផ្លូវការសម្រាប់ការតាំងពិព័រណ៍អចលនទ្រព្យនេះដែលយើងនឹងទទួលបានការហោះហើរដោយឥតគិតថ្លៃពីប្រទេសចិន និងវៀតណាម។សូមចំណាំកាលបរិច្ឆេទនៃកម្មវិធី! ការតាំងពិព័រណ៍នឹងចាប់ធ្វើនៅថ្ងៃទី ៥ និងទី ៦ ខែឧសភាឆ្នាំ ២០១៧ នៅសាលធំជាន់ទីពីរនៃសណ្ឋាគារណាហ្គាវើលក្នុងរាជធានីភ្នំពេញ។​ ហើយព្រឹត្តិការណ៍នេះចាប់ផ្តើម ពីម៉ោង ១០​ព្រឹក ដល់ម៉ោង ៦ ល្ងាយ រយៈពេលពីថ្ងៃ(ថ្ងៃសុក្រ និងថ្ងៃសៅរិ៍) ចូលរួមដោយសេរី និងឥតគិតថ្លៃ មិនបាច់មានសំបុត្រ ឬការចុះឈ្មោះទេ។ចុះឈ្មោះដោយឥតគិតថ្លៃ៖https://realestatekh.leadpages.co/cambodia-real-estate-show-2017-attendees/ស្វែងរកព័ត៌មានអចលនទ្រព្យមានប្រយោជន៍តាមរយៈ Realestate.com.kh

ជាមួយនឹងកំណើន​ផលិតផលក្នុងស្រុកសរុបខ្ពស់ថេរ ភាពស្របច្បាប់នៃកម្មសិទ្ធិសម្រាប់ជនបរទេស និងទីផ្សារងើបឡើងថ្មីបានកំពុងជម្រុញដល់វិនិយោគិនក្នុងវិស័យអចលនទ្រព្យ និងអ្នកអភិវឌ្ឍន៍ពីជុំវិញតំបន់ពិភពលោកឲ្យប្តូរទិសដៅវិនិយោគរបស់ពួកគេមក កាន់ប្រទេសកម្ពុជា។សម្រាប់អ្នកដែលចង់ស្វែងរកជីវិតរស់នៅបែបទាន់សម័យ និងភាពប្រណិតនៅក្នុងមជ្ឈមណ្ឌលពាណិជ្ជកម្មនៃទីក្រុងភ្នំពេញ គម្រោងខុនដូ One Park បានផ្តល់ជូននូវវត្តមាននៃគម្រោងដ៏ល្អប្រណិតបំផុតមួយនៅក្នុងប្រទេសកម្ពុជា ហើយគម្រោងនេះបានទទួលខុសត្រូវដោយក្រុមហ៊ុនអភិវឌ្ឍន៍ដែលមានកេរ្តិ៍ឈ្មោះល្បីល្បាញ  Graticity Real Estate Development Co., Ltd. (GRED)។នៅថ្ងៃទី ១៩ ខែមេសា ឆ្នាំ២០១៧​ ថ្មីៗនេះ គម្រោងខុនដូ One Park បានប្រារព្ធកម្មវិធីមួយឈ្មោះថា “topping out” ដែលផ្តោតសំខាន់លើការបង្ហាញអំពីដំណើរការសាងសង់ដែលបានបញ្ចប់ដល់ជាន់លើបង្អស់ដល់អតិថិជនរបស់ខ្លួន និងសាធារណៈជនទូទៅ។ កម្មវិធីនេះប្រារព្ធនៅក្នុង ទីតាំងគម្រោងផ្ទាល់នៅក្នុងទីក្រុងភ្នំពេញ។ព្រឹត្តិការណ៍នេះបានបង្ហាញពីលក្ខណៈឥតខ្ចោះតែមួយគត់របស់ខុនដូ One Park ហើយគម្រោងបានអភិវឌ្ឍន៍ឡើងដើម្បីបំពេញទៅតាមតម្រូវការនៃការរស់នៅប្រកបដោយស្តង់ដារប្រណិតភាពខ្ពស់នៅកណ្តាលរាជធានីភ្នំពេញ ដែលមានការផ្តល់ជូននូវរបៀបរស់ នៅជំនាន់ថ្មី សម្រាប់ប្រភេទលំនៅដ្ឋានបែបទំនើបដែលមិនធ្លាប់មាននៅឡើយក្នុងវិស័យអចលនទ្រព្យនៅកម្ពុជា។ព្រឹត្តិការណ៍នេះក៏បានបង្ហាញពីលក្ខណៈនៃកម្រិតគុណភាពយ៉ាងប្រសើរបំផុតរួមជាមួយនឹងល្បឿននៃការសាងសង់យ៉ាងលឿន របស់គម្រោងអភិវឌ្ឍន៍រហូតមកដល់ពេលនេះបន្ទាប់ពីពិធីបញ្ចុះបឋមសិលាសាងសង់កាលពីឆ្នាំ២០១៥មក ការសាងសង់របស់គម្រោង One Park បានបន្តដំណើរការយ៉ាងខ្លាំងក្លា២៤ម៉ោងក្នុងមួយថ្ងៃ៧ថ្ងៃក្នុងមួយសប្តាហ៍។ ជំហានទី​១នៃគម្រោង shophouse​ និងហាលក់ទំនិញនឹងរួចរាល់សម្រាប់ប្រគល់ជូនដល់អតិថិជននៅពាក់កណ្តាលឆ្នាំ២០១៧ខណៈពេលដែលជំហានទី១នៃខុនដូចំនួន១,៦០០​យូនីតគឺរំពឹងថានឹងអាច​ ផ្តល់ជូនដល់អតិថិជនត្រឹមពាក់កណ្តាលឆ្នាំ២០១៨។កម្មវិធីនេះបានចូលរួមដោយអ្នកដឹកនាំ និងបុគ្គលិកពីខាងគម្រោងអចលនទ្រព្យ  និងក្រុមហ៊ុនអភិវឌ្ឍន៍ មានក្រុមការងារក្នុងស្រុក និងក្រៅស្រុករបស់ក្រុមហ៊ុន GRED និងអ្នកតំណាងមកពីក្រុមហ៊ុនសាងសង់ចិន China Construction (S.E.A) (Cambodia) Corporation ដែលជាក្រុម ហ៊ុនដៃគូសាងសង់របស់គម្រោងខុនដូ One Park។ សារព័ត៌មានដៃគូល្បីៗក្នុងស្រុក និងក្រៅស្រុកមានសារព័ត៌មានអង់គ្លេស និងចិនបានចូលរួមក្នុងព្រឹត្តិការណ៍នេះក្នុងគោលបំណងដើម្បីចែករំលែកព័ត៌មាននៃដំណើរការ និងការបញ្ចប់នៃគម្រោងនៅក្នុងទីផ្សារកម្ពុជានិងទីផ្សារអចលនទ្រព្យនៅក្នុងតំបន់ទាំងមូល។យូនីតនៃគម្រោងអភិវឌ្ឍន៍នេះបានរចនាដោយភាពឆ្លាតវៃ និងឡូយឆាយបែងចែកចាប់ពីទំហំតូចទៅមធ្យមមានចាប់ពី១ ទៅ២ប​ន្ទប់គេង។ គម្រោងក៏មានជាយូនីតខ្នាតធំយ៉ាងប្រណិតមាន៣បន្ទប់គេង និងជាប្រភេទលំនៅដ្ឋានជាន់លើ penthouse។គម្រោងខុនដូ One Park អាចចាត់ទុកជាគម្រោងដែលចាប់ផ្តើមឡើងមុនគេសម្រាប់ប្រភេទលំនៅដ្ឋានដែលផ្តោតលើការរស់នៅបែប “សហគម​ន៍”​ នៅក្នុងទីក្រុងភ្នំពេញដែល​បានអភិវឌ្ឍន៍ដើម្បីបំពេញទៅតាមការប្រែប្រួលនៃទីផ្សារអចលនទ្រព្យក្នុងទីក្រុងភ្នំពេញនៅពេលអនាគត។គម្រោង One Park គឺផ្តោតសំខាន់បង្កើតនូវស្តង់ដារនៃការរស់នៅដ៏ល្អបំផុតដែលនាំមកជូននូវសួនច្បារលក្ខណៈធម្មជាតិសេវាកម្មកីឡា និងកំសាន្តបរិស្ថានធម្មជាតិ ការអប់រំ និងការរស់នៅជាលក្ខណៈសហគមន៍ប្រណិត ដោយផ្តោតសំខាន់លើការនាំយកជីវិតរស់នៅបែបថ្មីមកក្នុងប្រទេសកម្ពុជា។ពិនិត្យមើលព័ត៌មានលំអិតអំពីគម្រោង  One Park ថ្ងៃនេះតាមរយៈRealestate.com.kh!

ជាមួយនឹងភាពរីកចម្រើនដ៏ខ្លាំងក្លានិងការរីកចម្រើនក្នុងវិស័យអចលនទ្រព្យ និងសំណង់ វិនិយោគិន និងអ្នកអភិវឌ្ឍន៍ជាច្រើនកំពុងតែផ្លាស់ប្តូរការវិនិយោគរបស់ពួកគេមកកាន់ទីផ្សារប្រទេសកម្ពុជា។ដើម្បីបង្ហាញឱកាសវិនិយោគ និងការអភិវឌ្ឍន៍ឈានមុខគេដែលប្រទេសកម្ពុជាផ្តល់ជូននាពេលបច្ចុប្បន្ន គេហទំព័រ Realestate.com.kh បានរៀបចំពិព័រណ៍អចលនទ្រព្យដ៏ធំមួយក្នុងប្រទេកម្ពុជា។ ការតាំងពិព័រណ៍នេះនឹងត្រូវបានធ្វើឡើងនៅថ្ងៃទី៥ និងទី៦ ខែឧសភា ឆ្នាំ២០១៧ក្នុងសាលធំ (grand ballroom) នៅជាន់ទីពីរក្នុងសណ្ឋាគារណាហ្គាវើលក្នុងរាជធានីភ្នំពេញ។​ សណ្ឋាគារណាហ្គាវើលគឺជាកាស៊ីណូដែលមានអជ្ញាប័ណ្ណស្របច្បាប់នៅក្នុងទីក្រុងភ្នំពេញ។ព្រឹត្តិការណ៍នេះមានអ្នកចូលរួមវិនិយោគិនជាតិ និងអន្តរជាតិជាច្រើនពាន់នាក់  ហើយក៏ដូចជាជួយដល់អ្នកស្វែងរកអចលនទ្រព្យឱ្យដឹងអំពីរបៀបវិនិយោគដោយភាពជោគជ័យនៅក្នុងទីផ្សារអចលនទ្រព្យដែលកំពុងតែរីកចម្រើនមួយនេះផងដែរ។ជាមួយនឹងការជួយជ្រោមជ្រែងពីប្រព័ន្ធផ្សព្វផ្សាយជាដៃគូ Realestate.com.kh កំពុងតែផ្សព្វផ្សាយយ៉ាងទូលំទូលាយទាំងក្នុងស្រុក និងក្រៅស្រុកដើម្បីទាក់ទាញវិនិយោគិនដែលមានសក្ដានុពលទាំងអស់ក្នុងតំបន់អាស៊ីនិងប្រទេសចិន។ ប្រព័ន្ធផ្សព្វផ្សាយដៃគូមានដូចជា៖ ទស្សនាវដ្តីពាណិជ្ជកម្មកម្ពុជា, សារព័ត៌មាន​អ៊នឡាញ Bizkhmer, Khmernavi/Enjoy Cambodia សារព័ត៌មានភាសាចិន Sin Chew Daily ទស្សនាវដ្តីពាណិជ្ជកម្ម B2B សភាពាណិជ្ជកម្មអាមេរិក សភាពាណិជ្ជកម្មអង់គ្លេស សមាគមន៍សាងអ្នកសង់កម្ពុជា(CCA) សមាគមន៍អ្នកវាយតម្លៃ និងភ្នាក់ងារអចលនទ្រព្យកម្ពុជា (CVEA)  គេហទំព័រអចលនទ្រព្យ Property Guru ទស្សនាវដ្តី Property​ Report អន្តរជាតិ ទស្សនាវដ្តី Property Report គេហទំព័រអចលនទ្រព្យ Asian Property Review គេហទំព័រអចលនទ្រព្យ Property Guru អន្តរជាតិ  គេហទំព័រអចលនទ្រព្យ Juwai.com, កាសែត Khmer Times និងការសែត La Reine។រហូតដល់ពេលនេះព្រឹត្តិការណ៍ដ៏ធំមួយនេះមានអ្នកចុះឈ្មោះជាង១,៥០០នាក់ហើយ។ ពួកគេបានចុះឈ្មោះតាមរយៈគេហៈទំព័រជាភាសាអង់គ្លេស និងភាសាចិនដោយបានផ្តល់ជាលេខទូរស័ព្ទនិងអ៊ីម៉ែលរបស់ពួកគេមកកាន់យើងខ្ញុំ។ បន្ថែមពីនេះកម្មវិធីនេះមានអ្នកចាប់អារម្មណ៍ជាង១,៣០០​នាក់ផ្សេងទៀតតាមរយៈទំព័រហ្វេសបុក។ កម្មវិធីនេះអាចចូលរួមដោយសេរី ហើយចំនួនទាំងនេះជាចំនួនពិតដែលពួកគេនឹងអញ្ជើញចូលរួម។ បន្ថែមពីនេះទៅទៀតចំនួនអ្នកចូលរួមយ៉ាងច្រើនរំពឹងថានឹងមកគ្រប់ទិសទី។ នៅសណ្ឋាគារណាហ្គាវើលមានដាក់បង្ហាញផ្ទាំងបាដាផ្សព្វផ្សាយក្នុងបន្ទប់ពិព័រណ៍ហើយការផ្សព្វផ្យាយពាណិជ្ជកម្មផ្សេងៗនឹងធ្វើនៅក្នុងអំឡុងពេលនៃកម្មវិធីនេះតែម្តង។ព្រឹត្តិការណ៍នេះមានការចូលរួមយ៉ាងពិសេសដោយអ្នកអភិវឌ្ឍន៍ជាតិ និងអន្តរជាតិ ហើយក៏ដូចជាទាក់ទងទៅនឹងអាជីវកម្មដែលផ្ដោតទៅលើវិស័យអចលនទ្រព្យ និងភ្ញៀវដែលមានសក្តានុពលជាច្រើន។ ព្រឹត្តិការណ៍នេះចូលរួមសហការឧបត្ថម្ភដោយក្រុមហ៊ុន៖  LASTMILE VR និងក្រុមហ៊ុនផ្គត់ផ្គង់សំភារៈកីឡា Seara Sports Systems និង Ezecom។  អ្នកដែលបានចូលរួមដាក់បង្ហាញគម្រោងអភិវឌ្ឍន៍របស់ពួកគេមានដូចជា៖ ក្រុមហ៊ុន Camhomes/HLH Group  គម្រោង Habitat Condo  ក្រុមហ៊ុន Royal HM Trading  គម្រោង Sky31 Condo  ក្រុមហ៊ុនអចលនទ្រព្យ និងអភិវឌ្ឍន៍ NC Maxworld Real Estate & Development  គម្រោងអភិវឌ្ឍន៍ចម្រុះ Core PPSEZ   គម្រោង VKirirom  គម្រោងខុនដូ HighLand Condo  ក្រុមហ៊ុន GRED/ One Park  គម្រោង Parkway Condo  គម្រោង Elements Condo  គម្រោង Golden One  ក្រុមហ៊ុន SC Capital  និងគម្រោងខុនដូ SkyTree Condominium។អំឡុងពេលពីរថ្ងៃនៃការពិព័រណ៍អចលនទ្រព្យ ក៏មានសិក្ខាសាលាដ៏សំខាន់មួយផងដែរដែលធ្វើឡើងដោយអ្នកជំនាញនៃវិស័យផ្សេងៗដែលរួមមាន៖ លោក​បណ្ឌិត​ សុខ ស៊ីផាន់ណាដែលជាដៃគូគ្រប់គ្រងរបស់ក្រុម ហ៊ុន Sok Siphana & Associates និងជាសមាជិករបស់ Zicolaw  លោក Matthew Rendall ដៃគូជាន់ខ្ពស់របស់ក្រុមហ៊ុន Sok Siphana & Associates និងជាសមាជិក Zicolaw   លោក Anthony Galliano នាយកគ្រប់គ្រងរបស់ក្រុមហ៊ុន Cambodian Investment Management   លោក Jasper Shin ជាអ្នកអភិវឌ្ឍន៍ និងជាអ្នកប្រឹក្សាអចលនទ្រព្យ   លោក Christophe Forsetti ប្រធានគ្រប់គ្រងរបស់ក្រុមហ៊ុន JSM indochina  លោក Simon Griffiths  នាយកគ្រប់គ្រងទូទៅរបស់ក្រុមហ៊ុន  Metro Global Pte Ltd  លោក Takeshi Izuka នាយកគ្រប់គ្រងរបស់ Vikirirom  លោក Athanasius Pang នាយកផ្នែកផ្សព្វផ្សាយនៃ DL Edvance លោក Jo Chua ប្រធានផ្នែកអភិវឌ្ឍនធុរកិច្ចអន្តរជាតិនៃក្រុមហ៊ុន  PropertyGuru Group  លោក Tom O’Suvillivan នាយកប្រតិបត្តិគេហទំព័រ Realestate.com.kh  និង លោក William Nai ទីប្រឹក្សាជាន់ខ្ពស់នៃក្រុមហ៊ុន SC Capital។​វាគ្មិនទាំងនេះនឹងជជែកអំពីប្រធានបទផ្សេងៗគ្នា ហើយអ្នកចូលរួមទាំងអស់នឹងមានឱកាសដើម្បីស្វែងយល់អំពីប្រធានបទដូចខាងក្រោម៖ទស្សនកំណើនសេដ្ឋកិច្ចក្នុងប្រទេសកម្ពុជា ការឈានចូលទីផ្សារក្នុងតំបន់អាស៊ាន។គម្រោងអភិវឌ្ឍន៍ vKIRIROMសិទ្ធិនៃការកាន់កាប់របស់ជនបរទេសក្នុងប្រទេសកម្ពុជា៖ ច្បាប់ និងការអនុវត្តការបង្កើនឱកាសទីផ្សារ និងតម្លៃនៃអចលនទ្រព្យពន្ធសម្រាប់វិនិយោគិន៖ ការគិតពន្ធអចលនទ្រព្យ សម្រាប់ម្ចាស់អចលនទ្រព្យក្នុងប្រទេសកម្ពុជាទស្សនវិស័យរបស់វិនិយោគិនសិង្ហបុរីក្នុងទីផ្សារអចលនទ្រព្យកម្ពុជាការវិវត្តន៍នៃការគ្រប់គ្រងអចលនទ្រព្យនិន្នាការនៃតម្រូវការអចលនទ្រព្យនៅក្នុងប្រទេសកម្ពុជាអចលនទ្រព្យបែបឧស្សាហកម្ម ជាមួយនឹងការវិនិយោគ និងផលប្រយោជន៍របស់រោងចក្រឧស្សាហកម្មនៅក្នុងប្រទេសកម្ពុជា។ឱកាសវិនិយោគនៅក្នុងតំបន់ជ្រោយចង្វារការរីកចម្រើនក្នុងខេត្តព្រះសីហនុ៖ ការវិនិយោគតំបន់ឆ្នេរក្នុងខេត្តព្រះសីហនុ។ការអភិវឌ្ឍន៍ហេដ្ឋារចនាសម្ព័ន្ធក្នុងប្រទេសកម្ពុជា៖ ការកើនឡើងសម្រាប់វិនិយោគិនអាស៊ាន។ការគ្រប់គ្រងអចលនទ្រព្យរបស់អ្នក៖ ការពិចារណាលើកាគ្រប់គ្រងអចលនទ្រព្យរបស់អ្នកសម្រាប់វិនិយោគិន។ទិន្នន័យចម្រុះនៅក្នុងទីផ្សារអចលនទ្រព្យអាចចូលរួមដោយសេរី ដូច្នេះសូមកុំខកខានព្រឹត្តការណ៍ដ៏ធំមួយនេះ!ចុះឈ្មោះដោយសេរី៖សម្រាប់ការឧបត្ថម្ភ និងឱកាសនៃការពិព័រណ៍៖ស្វែងរកព័ត៌មានអចលនទ្រព្យមានប្រយោជន៍តាមរយៈ Realestate.com.kh

ជាមួយនឹងកំណើននៃសេដ្ឋកិច្ចដែលទើបនឹងងើបឡើងថ្មីរបស់ប្រទេសកម្ពុជានៅក្នុងទីផ្សារសាកលលោក វាជៀសមិនរួចទេសម្រាប់បច្ចេកវិទ្យាទំនើបដែលនឹងត្រូវជ្រាបចូលក្នុងវិស័យផ្សេងៗនៅក្នុងប្រទេសជាពិសេសវិស័យដឹកជញ្ជូន។នរណាខ្លះហានប្រឈមនឹងហានិភ័យ?ទោះបីជាប្រព័ន្ធបច្ចេកវិទ្យា UBER​ ជាបច្ចេកវិទ្យាសាកលលោកមួយសម្រាប់ជួយសម្រួលដល់មនុស្សរាប់សិបលានអ្នកនៅទូទាំងសាកលលោកក៏ដោយ ប៉ុន្តែវាមិនមែនបច្ចេកវិទ្យាដំបូងគេដែលបានចូលមកក្នុងប្រទេសកម្ពុជានោះទេ។ កន្លងមកអាជីវកម្មថ្មីៗជាច្រើនបានបាននាំយកនូវប្រព័ន្ធបច្ចេកវិទ្យាចូលមកដែរ រួមមានដូចជា៖ Choice Taxi, Exnet Taxi Cambodia, PassApp Tax, និង iTsumo។ ប៉ុន្តែក្រុមហ៊ុន UBER គឺហាក់មិនមានភាពរុញរាក្នុងការចាប់ផ្តើមដំណើរការអាជីវកម្មឡើយ។ទើបតែពេលថ្មីៗនេះ,​ លោក David Van ជានាយកគ្រប់គ្រងនៃក្រុមហ៊ុន Bower Group Asia បាននាំអ្នកដំណាងរបស់ក្រុមហ៊ុន UBER ឲ្យជួបជាមួយ ឯកឧត្តម ស៊ុន ចាន់ថុន រដ្ឋមន្ត្រីក្រសួងសាធារណការ និងដឹកជញ្ជូនដើម្បីចូលរួមពិភាក្សាគ្នាលើសំណើរនៃការដាក់ចេញឲ្យប្រើប្រាស់ លើបច្ចេកវិទ្យារបស់ក្រុមហ៊ុន UBER  នៅពេលអនាគត។  បើទោះបីជាមិនទាន់មានព័ត៌មានច្បាស់ការទាក់ទងទៅនឹងការបរិច្ឆេទនៃការសម្ពោធជាផ្លូវការក៏ដោយ ក៏គេមើលឃើញថាក្រុមហ៊ុនពិតជាមានទំនុកចិត្តច្បាស់លាស់ក្នុងការអនុវត្តន៍ការងារនេះក្នុងពេលឆាប់ៗដោយសារដំណឹងបានមកដល់កម្ពុជាត្រឹមតែរយៈពេលពីរខែបន្ទាប់ពីមានកិច្ចប្រជុំដំបូងរបស់ក្រុមហ៊ុន UBER ជាមួយឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម។​តើក្រុ​មហ៊ុន UBER នឹងរីកចម្រើនខ្លាំងនៅកម្ពុជាដែរឬទេ?ក្រុមហ៊ុនប្រហែលជានឹងចូលមកក្នុងទីផ្សារដោយភាពជឿជាក់បំផុត​ ប៉ុន្តែក៏មានការបារម្ភថាចុងក្រោយ ក្រុមហ៊ុន UBER នឹងអាចបរាជ័យ ជាពិសេសមានដំណឹងថាក្រុមហ៊ុនបានដកចេញមកពី​ ប្រទេសចិន  ដោយយល់ព្រមទទួលភាគហ៊ុន២០%ជាមួយក្រុមហ៊ុនដៃគូប្រកួតប្រជែងរបស់ខ្លួន គឺក្រុមហ៊ុន Didi។ ​សារព័ត៌មាន  CNN ក៏បានបង្ហាញដែរថា​ក្រុមហ៊ុន UBER ក៏បានដកចេញពីប្រទេស ដាណឺម៉ាក ផងដែរ។ អាចមានសញ្ញាណណាមួយដែលបង្ហាញថា ក្រុមហ៊ុន UBER ប្រហែលអាចមានបញ្ហាជាមួយ ទីផ្សារកម្ពុជា។ទោះបីជាយ៉ាងនេះក្តីការបង្ហាញមួយរបស់ទំព័រហ្វេសបុករ​ប​ស់ក្រសួងពាណិជ្ជកម្មបាននិយាយថា លោក Chan Park និងលោក Brian Shroder ដែលជាអ្នកតំណាងរ​​បស់ក្រុមហ៊ុនដឹកជញ្ជូនតាមអនឡាញទូទាំងសាកលរបស់អាមេរិក ឬហៅថា UBER បានលើកឡើងថាក្រុមហ៊ុនមានការពេញចិត្តជាមួយនឹងទីផ្សារថ្មីរ​បស់កម្ពុជា។ ប៉ុន្តែជាមួយគ្នានេះក្រុមហ៊ុនត្រូវការស្វែងយល់បន្ថែមទៀតពីស្ថាន ភាពសេដ្ឋកិច្ច ស្តង់ដាររស់នៅរ​ប​ស់ប្រជាជន និងការប្រឈមផ្សេងៗទៀតជាមុនសិន។តើប្រជាជនខ្មែរគិតដូចម្តេចចំពោះក្រុមហ៊ុន UBER?បើតាមការលើកឡើងរបស់ Masahito Ambashi សេដ្ឋកិច្ចវិទូរបស់វិទ្យាស្ថានស្រាវជ្រាវសេដ្ឋកិច្ចសម្រាប់តំបន់អាស៊ាន និងអាស៊ីអាគ្នេយ៍ ក្រុមហ៊ុន UBER គឺជាក្រុមហ៊ុនមានកេរ្តិ៍ឈ្មោះជាសាកលរួមបញ្ចូលទាំងកម្ពុជាផងដែរ។ អតិថិនជនប្រហែលជានឹងសាកល្បងជាមួយសេវាកម្មមួយនេះ ដោយសារពួកគេសេវាកម្មនេះមានភាពខុសប្លែកពីសេវាកម្ម​ក្នុងស្រុក។ ប្រសិនបើមាននិន្នាការបែបនេះបានកើតឡើងអាចរំពឹងថានឹងមានការចូលរួមច្រើន។ ទីបំផុតវានឹងធ្វើឲ្យក្រុមហ៊ុន UBER ទទួលបានភាពជោគជ័យ។ស្របជាមួយគ្នានេះ Ambashi បន្ថែមថា អ្នកដែលមានកម្រិតជីវភាពរស់នៅមធ្យមដែលអាចប្រើប្រាស់សេវាកម្មនេះគឺមានច្រើននៅក្នុងប្រទេសកម្ពុជា។ ​នេះមានន័យថា ចំនួនអ្នកដែលអាចប្រើប្រាស់ជាមួយសេវាកម្មក្រុមហ៊ុន UBER ក៏នឹងកើនឡើងដែរ។នៅមានសំណួរផ្សេងទៀតចោទសួរថាតើ ក្រុមហ៊ុន UBER អាចប្រកួតប្រជែងជាមួយទីផ្សារ តុតុ (ម៉ូតូកង់បី) ក្នុងស្រុកដែរឬទេ? តុតុមាននៅគ្រប់ទីកន្លែងក្នុងតំបន់សំខាន់ៗក្នុងទីក្រុង ហើយតុតុមានច្រើន​និងនៅជិត​ៗដែលអ្នកដំណើរងាយស្រួលស្វែងរក ចំណែកការដឹកជញ្ចូនមានភាពងាយស្រួល និងចំណាយតិច។ចំណុចខ្លាំងរបស់ទីផ្សារទើបងើបឡើងថ្មី គឺសក្តានុពលរបស់ខ្លួនសម្រាប់ភាពរីកចម្រើន។  ប៉ុន្តែរួមជាមួយគ្នានេះ វិនិយោគិនក៏ត្រូវគិតអំពីហានិភ័យ ដោយសារបទបញ្ញត្តិ និងច្បាប់ គឺមិនទាន់បានកំណត់ពេញលេញនៅឡើយ។ ដូច្នេះថាតើក្រុមហ៊ុន UBER ទទួលបានជោគជ័យ ឬក៏អត់នឹងពឹងផ្អែកទាំងស្រុងលើកម្រិតនៃការសិក្សាទីផ្សាររបស់ក្រុមហ៊ុនបានល្អកម្រិតណា ហើយថាតើពួកគេបានបង្កើតទីផ្សារបានល្អកម្រិតណាទៅដល់ប្រជាជនកម្ពុជា។តាមដានព័ត៌មានអចលនទ្រព្យចុងក្រោយបំផុតក្នុងប្រទេសកម្ពុជាតាមរយៈ Realestate.com.kh

មហាវិថីសម្តេចតេជោហ៊ុនសែន ឬហៅថាផ្លូវ៦០ម៉ែត្រត្រូវបានសម្ពោធដាក់ឲ្យប្រើប្រាស់ជាផ្លូវការនៅព្រឹកថ្ងៃទី០៣ ខែមេសា ឆ្នាំ២០១៧ក្រោមអធិបតិដ៏ខ្ពង់ខ្ពស់របស់ សម្តេចតេជោ ហ៊ុន សែន។មហាវិថីសមេ្តចតេជោហ៊ុនសែន ឬផ្លូវ៦០ម៉ែត្របានចាប់ផ្តើមការសាងសង់កាលពីខែ មិនា ឆ្នាំ ២០១១ ដោយក្រុមហ៊ុន ING Co., Ltd មហាវិថីនេះភ្ជាប់ពីផ្លូវលេខ២៧១ត្រង់ចំណុចច្រមុះជ្រូកក្បាលថ្នល់ដែលឆ្លងកាត់បឹងជើងឯក និងបឹងទំពុនហើយភ្ជាប់ជាមួួយផ្លូវជាតិលេខ២ក្រុងតាខ្មៅ ខេត្តកណ្តាល។  មហាវិថីនេះត្រូវបានចាត់ទុកជាផ្លូវសាធារណធំជាងគេនៅក្នុងទីក្រុងភ្នំពេញដែលមានប្រវែងផ្លូវសរុប៩,១៦០ម៉ែត្រ ហើយនឹងក្លាយជាផ្លូវដែលបានដើរតួនាទីធ្វើឲ្យចរាចរកាន់តែប្រសើរឡើង និយាយជារួមបានធ្វើឲ្យការធ្វើដំណើរពីខណ្ឌ​ដង្កោនិងក្រុង​តាខ្មៅមកកាន់រាជធានីភ្នំពេញកាន់ តែ​ជិត​ជាង​មុន។ប្រព័ន្ធ​ហេដ្ឋា​រចនា​សម្ព័ន្ធជា​ចំណុច​ចម្បង​មួយ​ក្នុង​ការ​អភិវឌ្ឍន៍ទាក់ទងនឹងវិស័យអចលនទ្រព្យតួយ៉ាង​តម្លៃ​ដីនៅទីនោះក៏មានការកើនឡើងផងដែរ។ លោក អ៊ិន ស៊ីថា នាយកប្រតិបត្តិគេហទំព័រអចលនទ្រព្យwww.cambodia21.com បានមានប្រសាសន៍ថា៖ “តម្លៃដីនៅទីនោះពិតជាមានការកើនឡើងបើធៀបទៅនឹងកាលពីប៉ុន្មាឆ្នាំមុន ដែលគ្រាន់តែជាតំបន់ដីបឹងប៉ុណ្ណោះ ប៉ុន្តែបច្ចុប្បន្នវាបានប្រែក្លាយជាតំបន់ដ៏មានសក្តានុពល។ តម្លៃដីចាប់ពីផ្លូវ២៧១រហូតដល់ផ្លូវដែលមានគម្រោងសាលាអន្តរជាតិISPPតំាងនៅ នោះមានតម្លៃចាប់ពី៧៥០ដុល្លារទៅដល់៨៥០ដុល្លារក្នុងមួយម៉ែត្រការ៉េ ហើយបើតម្លៃដីចាប់ពីផ្លូវកែងនៅម្តុំគម្រោង សាលាអន្តរជាតិISPP រហូតដល់ផ្លូវជាតិលេខ២មានតម្លៃដីចាប់ពី២០០ដុល្លារទៅ៣៥០ដុល្លារក្នុងមួយម៉ែត្រការ៉េ”លោកបានបន្ថែមថា៖ “ដោយសារតែមានការអភិវឌ្ឍន៍ហេដ្ឋារចនាសម្ព័ន្ធដ៏ល្អនេះហើយគម្រោងអភិវឌ្ឍន៍លំនៅដ្ឋានក៏បានមកអភិវឌ្ឍន៍នៅទីនេះកាន់តែច្រើនមានដូចជាគម្រោងខុនដូ The Element គម្រោងបុរីដូនពេញ គម្រោងលំនៅដ្ឋាន Woodland ក៏ដូចជាគម្រោងបុរី ប៉េង ហួត និងគម្រោងបុរីជីប ម៉ុងជាដើមដែលគម្រោងទាំងនោះបានត្រៀមខ្លួនរួចជាស្រេច។”ការអភិវឌ្ឍន៍ទៅទិសខាងត្បូងគឺជាការអភិវឌ្ឍន៍ដ៏ប្រសើរមួយសម្រាប់ក្រុងភ្នំពេញជាក់ស្តែងការអភិវឌ្ឍន៍ហេដ្ឋារចនាពិតជា ជម្រុញការអភិវឌ្ឍន៍ឲ្យកាន់តែច្រើនឡើងតួយ៉ាង៖ ចរាចរណ៍កាន់ តែមានភាពងាយស្រួលជាពិសេសធ្វើឲ្យជីវភាពអ្នករស់នៅជុំវិញតំបន់កាន់តែប្រសើរ។ សរុបទៅវាជាការអភិវឌ្ឍន៍ឆ្ពោះទៅកាន់ចីរភាពប្រែក្លាយជាតំបន់ដីបឹងដាច់ស្រយាលទៅជាតំបន់ពាណិជ្ជកម្ម និងវិនិយោគដ៏សំខាន់៕តាមដានព័ត៌មានអចលនទ្រព្យចុងក្រោយបំផុតក្នុងប្រទេសកម្ពុជាតាមរយៈ Realestate.com.kh

ភាពជាដៃគូអាចជាគន្លឹះដ៏មានសក្តានុពលសម្រាប់ភាពជោគជ័យនៃការធ្វើអាជីវកម្ម! ក្រុមហ៊ុន 360 Ads & Events បានរៀបចំវេទិកាសាធារណៈមួយដោយមានការចូលរួមពីក្រុមហ៊ុនក្នុងស្រុក និងអន្តរជាតិនៅក្នុងគោលបំណងដើម្បីឲ្យមានការជួបជុំគ្នាឆ្ពោះទៅរកការសហការគ្នាឲ្យកាន់តែល្អ ប្រសើរឡើង សម្រាប់អាជីវកម្មកម្ពុជា។កាលពីថ្ងៃទី ១៦-១៧ ខែកុម្ភៈឆ្នាំ ២០១៧ ក្រុមហ៊ុន 360 Ads & Events​ បានធ្វើវេទិកាសាធារណៈមួយហៅថា "ស្ថាបនាធនធាន" នៅសណ្ឋាគារសុខាភ្នំពេញ។វេទិកានេះគឺជាវេទិកាលើកទីមួយនៅក្នុងប្រទេសកម្ពុជាដែលមានគោលបំណងដើម្បីជួយដល់ក្រុមផ្សេងគ្នាដូចជា៖ យុវជន សិស្សនិស្សិត អ្នកចាប់ផ្ដើមអាជីវកម្មថ្មី អ្នកជំនាញវិស័យអចលនទ្រព្យ និងសាធារណជនទូទៅ។ គោលដៅគឺដើម្បីអប់រំមនុស្សទាំងនេះឲ្យយល់ដឹងកាន់តែប្រសើរឡើងពាក់ព័ន្ធនឹងកត្តាហិរញ្ញវត្ថុ និងអាជីវកម្ម ដើម្បីឱ្យពួកគេអាចឈានដល់គោលដៅអាជីវកម្មរបស់ ខ្លួននៅក្នុងរបៀបដែលមានភាពងាយស្រួលបំផុត។កញ្ញា Dary Dek នាយកគ្រប់គ្រងនៃក្រុមហ៊ុន 360 Ads & Events បាននិយាយថាកម្មវិធី “ស្ថាបនាធនធាន” គឺជាព្រឹត្តិការណ៍ដែលបានរួមបញ្ចូលពិព័រណ៍បីរួមគ្នាក្នុងវេទិការតែមួយមួយរួមមាន៖ ស្ថាបនាធនធានធ្វើទីផ្សារការចាប់ផ្ដើមអាជីវកម្មថ្មី។ គោលបំណងនៃព្រឹត្តិការណ៍នេះគឺដើម្បីបង្កើតជាវេទិកាថ្មីមួយសម្រាប់ការអប់រំហិរញ្ញវត្ថុសម្រាប់សាធារណៈជនដើម្បីបង្ហាញពី សក្តានុពលនៃការចាប់ផ្តើមអាជីវកម្មថ្មីនិងពង្រឹងបណ្តាញទំនាក់ទំនងក្នុងចំណោមដៃគូអាជីវកម្មនិងវិនិយោគិន។ វេទិកាក៏មានគោលបំណងដើម្បីនាំយកមកនូវការពិភាក្សា និងកិច្ចសហប្រតិបត្តិការរវាងសមាគមន៍ ក្រុមហ៊ុនអាជីវកម្ម និងសភាយុវពាណិជ្ជករអន្តរជាតិកម្ពុជា។វេទិការយៈពេលពីរថ្ងៃត្រូវបានគេបែងចែកទៅជាប្រាំបីវគ្គដើម្បីផ្តល់នូវទស្សនៈនិងគំនិតខុសគ្នាៗពីវាគ្មិនជាច្រើនរូប។ ប្រធាន បទនៃវេទិកានេះរួមមានដូចជា៖ “អ្នកគួរតែឈប់ពីការងាររបស់អ្នក និងចាប់ផ្តើមអាជីវកម្មមួយដែរឬទេ?” “តើធ្វើដូចម្តេចដើម្បីបង្កើតប្រាក់ចំណូលច្រើនជាងមួយមុខរបរ?” “តើធ្វើដូចម្តេចដើម្បីជ្រើសរើសបុគ្គលិកលក់ត្រឹមត្រូវ”  “ការធ្វើអាជីវកម្មអនឡាញ និងរបៀបបង្កើតផលចំណេញពីអាជីវកម្មអនឡាញ” “មូលដ្ឋាននៃការវិនិយោគលើអចលនទ្រព្យ” របៀបដែលវិនិយោគិនទួលបានអត្ថប្រយោជន៍ពីចាប់ផ្តើមអាជីវកម្មថ្មី”  “គន្លឹះក្នុងការបង្កើតក្រុមការ ងារទីផ្សាររឹងមាំ” និងការបង្កើតកេរ្តិ៍ឈ្មោះផ្ទាល់ខ្លួនដោយប្រើប្រព័ន្ធផ្សព្វផ្សាយសង្គម”។វាគ្មិននីមួយៗបានជម្រុញទឹកចិត្ត និងលើកទឹកចិត្តល្អបំផុតដល់សិស្សនិស្សិតនិង សហគ្រិនវ័យក្មេងក្នុងការចាប់ផ្តើមអាជីវកម្មរបស់ខ្លួននិងបង្កើតផែនការអាជីវកម្ម។លោក ផល ពុទ្ធី ដែលជាសហស្ថាបនិកនៃក្រុមហ៊ុន Small World Cambodia បានលើកឡើងថា“ប្រសិនបើអ្នកចង់ចាប់ផ្តើមអាជីវកម្មមួយដំបូងត្រូវប្រាកដថាអ្នកបានដឹងនូវអ្វីដែលអ្នកចង់ធ្វើហើយអ្វីដែលចង់ធ្វើនោះគឺជាអ្វីមួយដែលអ្នកចូលចិត្តបំផុត។ នៅពេលដែលអ្នកដឹងថាអ្នកចូល ចិត្តធ្វើអ្វីហើយ អ្នកអាចព្យាយាមធ្វើអាជីវកម្មនោះ "។    លោក ជី សិលា​ នាយកប្រតិបត្តិនៃក្រុមហ៊ុន Sabay Digital Corporatio ក៏បានចែករំលែកនូវគំនិតស្រដៀងគ្នាដែរ។ លោកនិយាយថា “ប្រសិនបើអ្នកកំពុងគិតពីការចាប់ផ្តើមអាជីវកម្មមួយធ្វើឱ្យប្រាកដថាសមនឹងនឹងចំណាប់អារម្មណ៍ និងចំណង់ចំណូលចិត្តរបស់អ្នកបើមិនដូច្នេះទេអ្នកអាចនឹងធ្លាក់ចូលរកការបរាជ័យ”។អ្នកចូលរួមវ័យវ័យក្មេងនៅក្នុងព្រឹត្តិការណ៍នេះមានការចាប់អារម្មណ៍យ៉ាងខ្លាំងលើប្រធានបទដែលបានពិភាក្សារបស់វាគ្មិននីមួយៗ។ លោកសុខ​ ស៊ីណាត ម្នាក់ក្នុងចំណោមនិស្សិតជាច្រើនដែលបានចូលរួមវេទិកានេះជាមួយមិត្តភក្តិរបស់គាត់។ គាត់និយាយថា “ខ្ញុំចង់ចូលរួមក្នុងវេទិកាប្រភេទនេះខ្ញុំគិតថាគឺវាមានអត្ថប្រយោជន៍ខ្លាំងណាស់សម្រាប់ខ្ញុំដោយសារខ្ញុំអាចរៀនអ្វីដែលថ្មីដែលជាទូទៅមិនត្រូវបានបង្រៀននៅក្នុងថ្នាក់រៀននោះទេ។ អ្វីដែលសំខាន់ជាងនេះទៅទៀតវាអាចជួយខ្ញុំក្នុងការទទួលបានចំណេះដឹងអំពីទីផ្សារនាពេលបច្ចុប្បន្ន គំនិតអាជីវកម្មថ្មីៗ និងឱកាសផ្សេងៗ។”បុគ្គលិកម្នាក់មកពីក្រុមហ៊ុនអចលនទ្រព្យមួយ  លោក វ៉ាន់ វិចិត្រ និយាយថា “វេទិកានេះបានជួយខ្ញុំឱ្យយល់ពីរបៀបក្នុងការបង្កើតអាជីវកម្មថ្មីយល់ពីគន្លឹះនៃការលក់ និងក្រុមអ្នកលក់ល្អ។ ខ្ញុំក៏បានមានឱកាសដើម្បីជួបជាមួយសហគ្រិនអាជីវកម្មទទួលបានជោគជ័យ ដែលបានចែករំលែកគំនិត និងគន្លឹះអំពីអាជីវកម្មរបស់ពួកគេ។”សរុបសេចក្តីមកថាវេទិកានេះបានបញ្ចប់ដោយជោគជ័យក្នុងដំណើរការរយៈពេលពីរថ្ងៃរបស់ខ្លួនដោយមានអ្នកចូលរួមជាង 200នាក់ និងមានអ្នកចូលរួមទស្សនាកន្លែងតាំងបង្ហាញអាជីវកម្មដែលមានស្តង់ចំនួន40 កន្លែងនៅក្នុងវេទិកានេះ។ ក្រុមហ៊ុន 360 Ads & event នឹងមានព្រឹត្តិការណ៍ និងវេទិកាជាច្រើនទៀតក្នុងពេលប៉ុន្មានខែខាងមុខនេះ។តាមដានព័ត៌មានបន្ថែមអំពីការណែនាំវិនិយោគនៅក្នុងប្រទេសកម្ពុជាតាមរយៈ Realestate.com.kh

សមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា (CVEA) នឹងរៀបចំវេទិកាសាធារណៈមួយស្ដីពី “ភាពស្របច្បាប់ក្នុងការកាន់កាប់អចលនទ្រព្យក្នុងប្រទេសកម្ពុជា” សម្រាប់ឱ្យម្ចាស់ភាគហ៊ុន និងនិយោជិតទាំងអស់ក្នុងវិស័យអចលនទ្រព្យដើម្បីចូលរួមស្វែងយល់ពីប្រធានបទមួយចំនួនលើផ្នែកច្បាប់ស្ដីពីអចលនទ្រព្យក្នុងប្រទេសកម្ពុជា។ វេទិកាសាធារណៈនេះនឹងផ្ដោតសំខាន់ទៅលើទិដ្ឋភាពសំខាន់ៗចំនួន៤ រួមមាន៖ប្រភេទប័ណ្ណសម្គាល់អចលនទ្រព្យក្នុងប្រទេសកម្ពុជាក្រោយឆ្នាំ ១៩៧៩ ដល់ឆ្នាំ ២០១៧របៀបនៃការផ្ទេរសិទ្ធិអចលនទ្រព្យ និងការបង់ពន្ធប្រថាប់ត្រាទាំងប្លង់រឹង និងប្លង់ទន់របៀបនៃការគណនាពន្ធប្រថាប់ត្រាពន្ធអចលនទ្រព្យប្រចាំឆ្នាំ និងពន្ធលើដីមិនទាន់ ប្រើប្រាស់របៀបនៃការរៀបចំកិច្ចសន្យាលក់ ទិញ និងជួលកម្មវិធីនេះនឹងធ្វើឡើងនៅថ្ងៃទី២៦ ខែកុម្ភៈ ឆ្នាំ២០១៧ ចាប់ពី៧ៈ០០ព្រឹកទៅ១២ៈ០០ថ្ងៃត្រង់នៅមជ្ឍមណ្ឌលសហប្រតិបត្តិការកម្ពុជា កូរ៉េ (CKCC) ក្នុងទីក្រុងភ្នំពេញ។វេទិកាសាធារណៈមួយនេះធ្វើឡើងសម្រាប់អ្នកជំនាញក្នុងវិស័យអចលនទ្រព្យ ទាំងសិស្សនិស្សិត និងសាធារណៈជនទាំងអស់ដើម្បីជម្រុញឱ្យមានការចែករំលែកចំណេះដឹង និងសិក្សាបន្ថែមទាក់ទងទៅនឹងច្បាប់ក្នុងកាន់កាប់អចលនទ្រព្យក្នុងប្រទេសកម្ពុជា។អ្នកចូលរួមនឹងត្រូវបង់ប្រាក់ចំនួន៥ដុល្លារសម្រាប់សិស្ស និស្សិត និង១០ដុល្លារសម្រាប់សាធារណៈជនទូទៅ។  ចំណែកឯសមាជិកនៃ សមាគមអ្នកវាយតម្លៃ និងភ្នាក់ងារអចលនទ្រព្យកម្ពុជាអាចបញ្ចូនតំណាងរបស់ខ្លួនបានចំនួន៣នាក់ ចូលរួមក្នុងកម្មវិធីនេះបានដោយមិនគិតថ្លៃ។សម្រាប់ព័ត៌មានបន្ថែម និងការចុះឈ្មោះ សូមទំនាក់ទំនងមកលោក មុត វណ្ណណេតតាមរយៈ៖  ទូរស័ព្ទលេខៈ ០៦៩​ ២១១ ២៦៨/០៦៩ ៥២៧ ៩៤៤Email:   vanneth@cvea.org.khស្វែងរកព័ត៌មានអំពីអចលនទ្រព្យសំខាន់ៗតាមរយៈRealestate.com.kh

យើងសង្កេតឃើញថាបរិបទរស់នៅរបស់ប្រជាជនក្នុងតំបន់កាន់តែទាមទារនូវភាពទាន់សម័យជាក់ស្តែងគម្រោងអភិវឌ្ឍន៍ដូចជា៖ ខុនដូ គម្រោង​បុរីនៅក្នុងប្រទេសកម្ពុជាពិត​ជាមាន​សន្ទុះ​អភិវឌ្ឍន៍​គួរឲ្យកត់សម្គាល់ជាពិសេស​នៅក្នុងក្រុងភ្នំពេញ។ វាពិតណាស់យើងត្រូវមានការប្រុងប្រយ័ត្នបំផុតនៅពេលជ្រើសរើសទិញគម្រោងណាមួយយើងត្រូវប្រាកដថាគម្រោងដែលយើងមានបំណងទិញត្រូវតែមានភាពស្របច្បាប់ដែលទទួលអាជ្ញាប័ណ្ឌត្រឹមត្រូវពីក្រសួងដែលជាប់ពាក់ព័ន្ធ។ ​ជាក់ស្តែងមានគម្រោងបុរីមួយចំនួន​ត្រូវបានប្រកាសថាមិន​មានភាពស្រប​ច្បាប់នោះឡើងហើយអ្នកទិញទំាងអស់ត្រូវមានការប្រុងប្រយ័ត្ន  ការប្រកាសនេះត្រូវបានធ្វើ​ឡើងដោយក្រសួងសេដ្ឋកិច្ច។ ដោយឡែកគម្រោងមួយចំនួនមានភាពពេញនិយម និងផ្តល់ជូនទំនុកចិត្តដល់សាធារណជនយ៉ាងខ្លំាងស្របតាមបទពិសោធន៍ គុណភាពសាងសង់ទីតំាង និងឱកាសវិនិយោគបានធ្វើឲ្យគម្រោងបុរីទំាងនោះនៅតែជាគម្រោងដ៏ពេញនិយមដដែល។ គម្រោងបុរីល្អៗបំផុតទំាង ១០ ដែលមានតម្លៃចាប់ពី ៣០,០០០ ដុល្លារ​ ខាងក្រោមនេះ Realestate.​com.khបានបង្ហាញ៖១. បុរី ប៉េងហួត ជាបុរីដែលមានកេរ្តិ៍ឈ្មោះល្បីល្បាញយូរណាស់មកហើយមានទីតាំងស្ថិតនៅតំបន់អភិវឌ្ឍន៍ដូចជា៖ ប៉េងហួតឧកញ្ញាម៉ុង ឬទ្ធី ប៉េងហួត ផ្សារ PC ប៉េងហួតស្ទឹងមានជ័យ និងប៉េងហួតផ្លូវជាតិ6អា។ គម្រោងបុរី ប៉េង ហួតមានតម្លៃចាប់ពី ៦០,០០០ ដុល្លារឡើងទៅអាស្រ័យទៅតាមប្រភេទលំនៅដ្ឋាន បុរីប៉េងហ៊ួតបានឈ្នះពានរង្វាន់ការអភិវឌ្ឍន៍លំនៅដ្ឋានល្អជាងគេក្នុងកម្មវិធីពានរង្វាន់អចលនទ្រព្យកម្ពុជា២០១៦។ អស់រយៈពេល ១០ ឆ្នាំកន្លងមកទៅលើគុណភាពសំណង់ និងការរចនាម៉ូតគេហដ្ឋានទាន់សម័យជាមួយបទពិសោធន៍យូរឆ្នាំមកហើយបានចូលរួមចំណែកក្នុងការអភិវឌ្ឍន៍សំណង់អគារលំនៅដ្ឋានទទួលបានទំនុកចិត្តពីអតិថិជន។ ដូចរៀបរាប់ខាងលើក្រុមហ៊ុនបុរីប៉េង ហ៊ួត បានសម្រេចគម្រោងជាច្រើនហើយពេលថ្មីៗនេះក៏មានគម្រោងដូចជាគម្រោង The Star Premier ស្ថិតតាមបណ្តោយផ្លូវជា សុផារ៉ា និងគម្រោង The Star Premier ស្ថិតតាមបណ្តោយផ្លូវ ៦ អា។ លោកអ្នកអាចធ្វើការទំនាក់ទំនងដើម្បីសាកសួរព័ត៌មានបន្ថែមដើម្បីទទួលបានផ្ទះក្នុងក្តីស្រមៃមានការផ្តល់ជូនប្រភេទផ្ទះផ្សេងៗគ្នាតាមតម្រូវការនិងទំហំដែលលោកអ្នកពេញចិត្ត។២. បុរី មេគង្គរ៉ូយ៉ាល់គម្រោងបុរីឌឹមេគង្គរ៉ូយ៉ាល់ជាគម្រោងស្ថិតនៅក្រោមការអភិវឌ្ឍន៍មេគង្គភ្នំពេញឌីវើឡុបមេនខូភើរេ សិនគីជាក្រុមហ៊ុនវិនិយោគលើអចលនទ្រព្យក្នុងស្រុកមួយ។ គម្រោងបុរីនេះមានទីតាំងស្ថិតនៅតាមបណ្តោយផ្លូវជាតិ៦អានៅជិតសាលាកសិកម្មព្រែកលាភ។  ជាគ​ម្រោងបុរីដែលមានទីតំាងស្ថិតនៅតាមបណ្តោយផ្លូវជាតិលេខ​6អាមានប្រភេទលំនៅដ្ឋានដូចជា៖ ផ្ទះល្វែង វីឡាទោលវីឡាកូនកាត់ និងផ្ទះអាជីវកម្មហើយតម្លៃលក់ចាប់ពី ១០០,០០០ ដុល្លារ។ គម្រោងបុរីនេះវាសាកសមបំផុតសម្រាប់ប្រជាជនខ្មែរវាជាបរិបទរស់នៅប្រកបដោយសុវត្ថិភាព និងស្តង់ដាររស់នៅបែបទាន់សម័យ ដូច្នេះហើយបានជាក្រុមហ៊ុនយើងបានសម្រេចចិត្តអភិវឌ្ឍន៍លំនៅដ្ឋានប្រភេទបុរី។ គម្រោងបុរីនេះពិតជាពិសេសវាមានទីតាំងរស់នៅដ៏មានភាពប្រសើរនៅតាមបណ្តោយផ្លូវជាតិ៦អាដែលទក្រុងរណបថ្មី និងជាផ្លូវជាតិសម្រាប់ឆ្លងកាត់ទៅខេត្តធំៗមួយចំនួនដូចជា៖ ខេត្តកំពង់ចាម ខេត្តកំពង់ធំ និងខេត្តសៀមរាបជាដើមអមដោយទេសភាពមាត់ទន្លេដ៏ស្រស់ស្អាតរស់នៅប្រកបដោយសុភមង្គល និងឱកាស វិនិយោគដ៏ធំសម្បើមជាមួយនឹងបុរីឌឺមេគង្គរ៉ូយ៉ាល់។៣. បុរី ពិភពថ្មី ជាក្រុមហ៊ុនដែលមានបទពិសោធន៍ក្នុងការអភិវឌ្ឍន៍លំនៅដ្ឋានប្រមាណ១០ឆ្នាំមកហើយ ក្នុងការសាងសង់លំនៅដ្ឋានប្រមាណ ១០,០០០ យូនីត។  ក្រុមហ៊ុ​ននេះបានផ្តល់ទំនុកចិត្ត និងគុណភាពសម្រាប់អ្នកទិញយ៉ាងពិតប្រាកដ។ គម្រោងបុរីពិភពថ្មីមានទីតាំងដូចជា៖ បឹងឈូក ផ្សារប៉េ សេ កាំប៊ូល ចំការដូង ហើយថ្មីៗនេះក៏មានគម្រោងសាងសង់ដ៏មានសក្តានុពលសម្រាប់ការរស់នៅ និងអភិវឌ្ឍន៍ដែលមានទីតាំងស្ថិតនៅផ្លូវ ជា សុផារ៉ា និងក្រុងតាខ្មៅ។ គម្រោងលំនៅដ្ឋានរបស់បុរីពិភពថ្មីពិតជាសាកសមអ្នកដែលមានជីវភាពមធ្យមតម្លៃលក់ចាប់ពី ៦០,០០០ ដុល្លារ។៤. បុរី ភ្នំពេញថ្មី មានគម្រោងជាច្រើនដែលមានទីតាំងជាច្រើននៅក្នុងក្រុងភ្នំពេញជាពិសេសនៅក្នុងតំបន់អភិវឌ្ឍន៍បុរីភ្នំពេញមានគម្រោងសរុបចំនួន៨។ នៅពេលថ្មីៗនេះដែលមានទីតាំងនៅតាមបណ្តោយផ្លូវជា សុផារ៉ា ហើយមានប្រភេទវីឡា ផ្ទះល្វែងដែលមានទំហំ និងប្រភេទផ្ទះច្រើនប្រភេទ។ តម្លៃលក់ចាប់ពី១០០,០០០ដុល្លារទៅ ៥០០,០០០ ដុល្លារគម្រោងចុងក្រោយនេះអភិវឌ្ឍន៍លើផ្ទៃដីប្រមាណ៦ហិកតាចំណែកឯការបញ្ជាទិញនិងកក់បានធ្វើឡើងបណ្តើរៗហើយ។៥. បុរី មហាសែនសុខ ជាគម្រោងលំនៅដ្ឋានស្ថិតនៅក្រោមការអភិវឌ្ឍន៍របស់ក្រុមហ៊ុនជប៉ុនដែលជាក្រុមហ៊ុនអភិវឌ្ឍន៍ជប៉ុន Creed Group។ មានលំនៅដ្ឋានប្រមាណ៦៨៣ខ្នងដែលសាងសង់លើផ្ទៃដី១១៤,០០៥ម៉ែត្រការ៉េ។ គម្រោងលំនៅដ្ឋានដែលផ្តល់ជូននៅស្តង់ដាររស់នៅយ៉ាងល្អប្រសើរផ្តល់ជូននូវប្រភេទលំនៅដ្ឋានជាច្រើនប្រភេទដូចជា៖ ផ្ទះល្វែង វីឡាទោល វីឡាឃីង វីឡាឃ្វីន និងផ្ទះល្វែងអាជីវកម្ម លើសពីនេះមានសួនកំសាន្ត អាងហាងទឹក ក្លឹបហាត់ប្រាណជាដើម។ រស់នៅជាមួយជីវិតដ៏ ស្រស់បំព្រងក្នុងគម្រោងបុរីដែលអភិវឌ្ឍន៍ដោយក្រុមហ៊ុន ជប៉ុនដែលមានតម្លៃលក់ចាប់ពី ៤០,០០០ដុល្លារ។៦. បុរី អង្គរភ្នំពេញបានសាងសង់លំនៅដ្ឋានស្នាក់នៅសម្រាប់ប្រជាជនលក្ខណៈបុរីដែលផ្តល់ជូននូវស្តង់ដាររស់នៅខ្ពស់។ រាល់ការសាងសង់គម្រោងនីមួយៗធ្វើឡើងប្រកបដោយគុណភាព សោភ័ណ្ឌភាពហើយប្រភេទលំនៅដ្ឋានមានដូចជា៖ ផ្ទះល្វែង វីឡាកូនកាត់ វីឡាភ្លោះ និងផ្ទះវីឡាជាច្រើនប្រភេទទៀត។ រាល់គម្រោងលំនៅដ្ឋានដែលសាងសង់ដោយក្រុមហ៊ុនបុរីអង្គរភ្នំពេញបានបញ្ចប់តែងតែទទួលបានការ គាំទ្រពីអ្នកទិញ។ លោកអ្នកអាចស្វែងរកទិញ និងសាកសួរព័ត៌មានបន្ថែមនៅថ្ងៃនេះអំពីគម្រោងបុរីអង្គរភ្នំពេញIគម្រោងបុរីអង្គរភ្នំពេញ II និងគម្រោងបុរីអង្គរភ្នំពេញIII ដែលតម្លៃលក់លំនៅដ្ឋានចាប់ពី ១០០,០០០ ដុល្លារ។៧. បុរី ហាយទិក ជាគម្រោងបុរីដ៏មានប្រជាប្រិយភាពមួយដែរក្នុងចំណោមគម្រោងបុរីធំៗនៅក្នុងក្រុងភ្នំពេញ។ មានទីតាំងស្ថិតនៅតាមបណ្តាយផ្លូវជាតិលេខមួយចំងាយ ៨០០ ម៉ែត្រពីស្ពានព្រះមន្នីវង្ស ភូមបឹងឈូក សង្កាត់និរោធ ខណ្ឌមានជ័យ រាជធានីភ្នំពេញ។ លំនៅដ្ឋានទាំងឡាយត្រូវបានស្ថាបនាឡើងដោយគុណភាព និងបានត្រួតពិនិត្យយ៉ាងល្អឥតខ្ចោះ ទាំងវីឡាទោលនិងវីឡាភ្លោះដែលមានតម្លៃលក់ប្រមាណ ៣០០,០០០ដុល្លារ . . .។៩. បុរី អរគីដេវីឡា ជាលំនៅដ្ឋានប្រកបដោយស្តង់ដារខ្ពស់លំនៅដ្ឋានឯកជនប្រណិតរបស់គម្រោងបុរីអរគីដេវីឡា។ មានទីតាំងស្ថិតនៅសែនសុខទឹកថ្លានិងគម្រោងថ្មីស្ថិតនៅតាមបណ្តោយផ្លូវជាតិលេខ៦អា។ លំនៅដ្ឋានលក់ក្នុងតម្លៃចាប់ពី ១៥០,០០០ដុល្លារឡើងទៅ រស់នៅក្នុងលំនៅដ្ឋានដែលប្រកបដោយភាពសុខសាន្តលើសពីការស្នាក់នៅគម្រោងនេះក៏បានផ្តល់ជូនជីវិតរស់នៅយា៉ងសំបូរបែបមានដូចជា៖ អាងហែលទឹក សួនកំសាន្ត កន្លែងក្មេងលេង ក្លឹបកីឡាជាដើម។៩. បុរី ហ្រ្គេនភ្នំពេញ បានចេញគម្រោងក្នុងការសាងសង់លំនៅដ្ឋានដែលស្ថិតនៅទីក្រុងរណបទៅកាន់ ក្រុងភ្នំពេញគម្រោងនេះវាពិតជាទីតាំងដែលសម្រាប់ធ្វើការពង្រីកការរស់នៅថ្មីរបស់ប្រជាជនពិតប្រាកដតួយ៉ាជាទីក្រុងអភិវឌ្ឍន៍ថ្មីមួយផងដែរ។ គម្រោងហ្គ្រេនភ្នំពេញផ្តល់ជូនលំនៅដ្ឋានឯកជនច្រើនប្រភេទផ្សេងៗគ្នាដូចជាវីឡា និងផ្ទះល្វែងជាដើមមានទំហំខុសៗគ្នាផងដែរ។ ដែលមានតម្លៃចាប់ពី ១០០,០០០ ដុល្លារទៅ ២០០,០០០ ដុល្លាឡើងទៅរស់នៅប្រកបដោយភាពទាន់សម័យ និងសុវត្ថិភាពជាមួយនឹងលំនៅដ្ឋានដែលធ្វើឲ្យគ្រួសាររបស់លោកអ្នកមានភាពកក់ក្តៅ។10. បុរី លឹម ឈាងហាក់ ជាក្រុមហ៊ុនសាងសង់គម្រោងលំនៅដ្ឋានដែលបានបង្កើតនៅឆ្នាំ ១៩៩០ យើងគឹជាអ្នកនាំមុខក្នុងការសាងសង់ផ្ទះល្វែងប្រកបដោយភាពទាក់ទាញនិងគួរអោយចង់រស់នៅសម្រាប់គ្រប់ក្រុមគ្រួសារក្នុង​ភ្នំពេញដោយគិតទៅលើតម្រូវការនៃអតិថិជន។ យើងកំពុងតែបន្តការលូតលាស់និងទទួលបាននូវកិតិ្តសព្ទជាអ្នកដឹកនាំនៅក្នងសហគ្រាសសាងសង់នៅក្នុងទីក្រុងភ្នំពេញកម្ពុជា។ មានគម្រោងជាច្រើនដែលបានសាងសង់រួច និងកំពុងសាងសង់គម្រោងទាំងនោះមានទីតាំងស្ថិតនៅចោមចៅ ចំការដូង ស្ទឹងមានជ័យ វាលស្បូវ ភ្នំពេញថ្មីជាដើម ហើយមានប្រភេទផ្ទះវីឡា ផ្ទះល្វែង ផ្ទះល្វែងអាជីវក​ម្មដែលមានតម្លៃលក់ប្រមាណ ៦០,០០០ដុល្លារ។គម្រោងបុរីក្នុងក្រុងភ្នំពេញពិតជាឃើញថាមានការកើនឡើងគួរឲ្យកត់សម្គាល់ដែលធ្វើឲ្យមានការប្រកួតប្រជែងយ៉ាខ្លាំងក្នុងទីផ្សារដូចនេះទាំងគុណភាព និងស្តង់ដារការសាងសង់កាន់តែមានភាពប្រសើរឡើង។ ចំណែកឯការផ្តល់ជូនពិសេសក៏មានភាពសម្បូរបែបដែលផ្តល់ភាពទាក់ទាញយ៉ាងខ្លាំងសម្រាប់អតិថិជន៕ស្វែងយល់បន្ថែមគម្រោងបុរីជាច្រើនតាមរយៈ Realestate.com.kh

ស្ថាបនាធនធាន ( Wealth Building ) គឺជាវេទិកាលើកដំបូងបង្អស់ដែលមាននៅកម្ពុជាស្តីអំពីការគ្រប់គ្រងធនធានដែលត្រៀមនឹងរៀបចំឡើងក្នុងថ្ងៃទី ១៦-១៧ កុម្ភៈ ២០១៧ នាពេលខាងមុខនេះនៅសណ្ឋាគាសុខាភ្នំពេញ ។ស្ថាបនាធនធាន (Wealth Building) គឺជាព្រឹត្តិការណ៍ដែលមាន៣ពិព័រណ៍បញ្ចូលគ្នារួមមាន៖ វេទិកាគ្រប់គ្រងទ្រព្យសម្បត្តិ ពិព័រណ៍ទីផ្សារនិងពិព័រណ៍Startup។ គោលបំណងនៃព្រឹត្តិការណ៍នេះគឺដើម្បីបង្កើតវេទិកាអប់រំមួយស្តីពីហិរញ្ញវត្ថុសម្រាប់សាធារណៈជនការបង្ហាញផលិតផល និងសេវាកម្ម Marketing ក៏ដូចជាសម្រាប់ម្ចាស់អាជីវកម្ម Startup ជួបនឹងដៃគូពាណិជ្ជកម្ម និងវិនិយោគិនផងដែរ។កញ្ញា ដែក ដារី ជាអ្នកបង្កើតកម្មវិធីនេះឡើងបានមានប្រសាសន៏ថានៅកម្ពុជាមានការកើនឡើងនូវស្ថាប័ណក្រុមហ៊ុនជាច្រើន ដោយទាក់ទងអំពីហិរញ្ញវត្ថុនិងសេវាកម្មផ្សេងៗ ប៉ុន្តែការយល់ដឹងរបស់ប្រជាជននៅមានកម្រិត ដោយធ្វើអោយពួកគេតែងតែពឹងពាក់លើអ្នកដទៃចំនែកផ្នែកទីផ្សារក៏មិនខុសគ្នាប៉ុន្មានដែរ ដូច្នេះហើយទើបយើងបានបង្កើតកម្មវិធីនេះដើម្បីប្រមូលផ្តុំបណ្តាក្រុមហ៊ុននានាមកចូលរួមបង្ហាញពីផលិតផល និងសេវាកម្មក្នុងឧស្សាហកម្មរបស់ខ្លួននៅក្នុងកម្មវិធីតែមួយតែម្តង។ ស្របពេលជាមួយគ្នានេះដែរយើងឃើញមានការកើនឡើងនូវអ្នកដែលទើបបង្កើតជំនួញថ្មីៗ ហើយយើងក៏ជ្រើសរើសបានជាង ២០ក្រុមហ៊ុនដែលទើបតែបង្កើតក្នុងឆ្នាំ២០១៦ ដោយយើងបានផ្តល់ជាស្តង់ឥតគិតថ្លៃសម្រាប់អោយពួកគេតាំងបង្ហាញផលិតផលនិងសេវាកម្មរបស់ខ្លួនទៅកាន់អ្នកវិនិយោគិននិងអតិថិជន។ ពួកយើងពិតជារំភើបដែលបានឃើញ Startup Fair នៅកម្ពុជា ហើយក៏មានកាគាំទ្រពីសំណាក់ម្ចាស់ឧបត្ថម្ភកម្មវិធីដូចជា៖ Metfone , Phillip Bank Plc , Canadia Bank and Sovannaphum Life Insurance ។លើសពីនេះទៀតវគ្គសិក្ខាសាលាត្រូវបានចែកជា8វគ្គរៀបចំឡើងដើម្បីចែករំលែកការយល់ដឹងពីសំណាក់វាគ្មិនដែលមានបទពិសោធន៏ក្នុងជីវិតការងារប្រចាំថ្ងៃផ្សេងៗគ្នានឹងឱកាសដើម្បីចែករំលែកចំណេះដឹង និងបទពិសោធន៍ទៅវិញទៅមកទៅកាន់ទស្សនិកជនដែលជាបុគ្គលិកក្រុមហ៊ុននិងសិស្សានុសិស្សដែលគួរតែចូលរូម។ ហើយដើម្បីបង្កើតឱ្យមានកិច្ចសន្ទនាដោយផ្ទាល់នៅក្នុងចំណោមភាគីពាក់ព័ន្ធក្នុងអំឡុងវគ្គសំណួរ និងចម្លើយ។សូមចូលទៅ Link ខាងក្រោមដើម្បីធើ្វការចុះឈ្មោះ : : www.wealthbuildingcambodia.comទំនាក់ទំនងទិញសំបុត្រ សូមទូរស័ព្ទមកកាន់ 023 694 4444 / 071 3333 208តម្លៃសំបុត្រចូលរួមសិក្ខាសាលា សម្រាប់អ្នកធ្វើការ 25$ សម្រាប់សិស្សានុសិស្ស15$ទិញចាប់ពី៣សំបុត្រឡើងទៅនឹងមានការបញ្ចុះតម្លៃពិសេស ។

នៅក្នុងទីផ្សារដែលប្រកួតប្រជែងខ្ពស់ និងមានការផ្លាស់ប្តូរលឿនដូចជាទីផ្សារប្រទេសកម្ពុជា បានធ្វើឲ្យ ភ្នាក់ងារអចលនទ្រព្យមួយចំនួនកំពុងតែខិតខំធ្វើការយ៉ាងសកម្មនៅក្នុងវិស័យអចលនទ្រព្យ តួយ៉ាងដូច ជាក្រុមហ៊ុន NC Max World Co., Ltd។ ក្រុមហ៊ុននេះបានដើរតួនាទីយ៉ាងសំខាន់នៅក្នុងវិស័យ អចលនទ្រព្យ ដោយបំពេញភារកិច្ចរបស់ខ្លួនប្រកបដោយតម្លាភាព និងភាពស្មោះត្រង់។ គេហទំព័រផ្សព្វផ្សាយអចលនទ្រព្យ Realestate.com.kh បានជួបពិភាក្សាជាមួយលោក Toko Kobayashi ប្រធានក្រុមប្រឹក្សាភិបាល និងអគ្គនាយកប្រតិបត្តិរបស់ក្រុមហ៊ុន NC Max World Co. Ltd។ លោក Kobayashi មកពីប្រទេសជប៉ុនបានធ្វើអាជីវកម្មក្នុងវិស័យអចលនទ្រព្យអស់រយៈពេលជាង៣០ឆ្នាំមកហើយដោយទទួលបានបទពិសោធន៏មិនអាចកាត់ថ្លៃបាននៅក្នុងទីផ្សារសំខាន់ៗដូចជា៖ សហរដ្ឋអា មេរិក ជប៉ុន ម៉ាកាវ ថៃ អឺរ៉ុប និងប្រទេសកម្ពុជា។នៅពេលដែលយើងសួរថាហេតុអ្វីបានជាលោកជ្រើសរើសធ្វើអាជីវកម្មក្នុងប្រទេសកម្ពុជា លោក Kobayashi បាននិយាយថា៖ “កម្ពុជានាពេលបច្ចុប្បន្នកំពុងតែផ្ដល់នូវឱកាសវិនិយោគដ៏សំខាន់មួយ សម្រាប់វិនិយោគិន” ហើយលោកជឿជាក់យ៉ាងមុតមាំថាឱកាសនេះនៅតែបន្តកើនឡើងនៅឆ្នាំខាងមុខៗទៀត។ការរីកចម្រើននៃទីផ្សារអចលនទ្រព្យត្រូវបានបញ្ជាក់ដោយរបាយការណ៏វិនិយោគសមាគមអាស៊ានបានថ្លែងថាចន្លោះខែមករានិងខែសីហាឆ្នាំ២០១៦ការវិនិយោគដោយផ្ទាល់ពីបរទេសលើវិស័យអចលន ទ្រព្យកម្ពុជាបានកើនឡើងដល់៧.២ពាន់លានដុល្លារ។ លោក Kobayashi ក៏បានបង្ហើបឱ្យដឹងដែរថាកម្ពុជាមានទាំងលំនៅដ្ឋានប្រណិត និងលំនៅដ្ឋានមាន តម្លៃសមរម្យដែលបានទាក់ទាញជនបរទេសដែលស្វែងរកជីវិតរស់នៅបែបទាន់សម័យកាន់តែច្រើនឡើងក្នុងរយៈពេលប៉ុន្មានឆ្នាំកន្លងមកនេះ។ នេះបានឆ្លុះបញ្ចាំងផងដែរតាមរយៈរបាយការណ៍នៃការស្ទង់មតិរបស់ Global Retirement Index ដែលប្រទេសកម្ពុជាឈរក្នុងលំដាប់លេខ១ក្នុងចំណោម ប្រទេសចំនួនទាំង២៣ដែលមានតម្លៃទាបក្នុងការចាយវាយសម្រាប់ការរស់នៅ។ដោយសារតែបទពិសោធន៏ដ៏ទូលំទូលាយនៅក្នុងទីផ្សារអន្តរជាតិយើងបានសួរលោក Kobayashi ថាតើគាត់យល់យ៉ាងណាអំពីទីផ្សារក្នុងប្រទេសកម្ពុជា! លោកបាននិយាយថា “ប្រទេសកម្ពុជាមានច្បាប់ទន់ខ្សោយនៅឡើយក្នុងវិស័យអចលនទ្រព្យបើធៀបនឹងប្រទេសដទៃទៀតដែលខ្ញុំធ្លាប់បានធ្វើការ។”     ក្នុងប្រទេសកម្ពុជាក្នុងលក្ខខណ្ឌទទួលស្គាល់អាជ្ញាប័ណ្ណហាក់បីដូចជាមិនមានភាពតឹងរឹងប៉ុន្មាននោះទេដែលជាហេតុធ្វើឱ្យគ្រប់គ្នាអាចបង្កើតក្រុមហ៊ុនអចលនទ្រព្យបានយ៉ាងងាយស្រួល។ នេះបានបង្ហាញនូវបរិយាកាសគួរឲ្យភ័យខ្លាចនូវការធ្វើអាជីវកម្មដែលមិនគោរពវិជ្ជាជីវៈ ជាក់ស្តែងជនបរទេសតែងតែ ត្រូវបានគេបោកប្រាស់ដោយធ្វើការបំប៉ោងតម្លៃ។ លោក Kobayashi បាននិយាយទៀតថា “មនុសជាច្រើនបានប្រឡូកចូលក្នុងវិស័យអចលនទ្រព្យដោយគិតថាពួកគេនឹងក្លាយជាអ្នកមានឆាប់ៗ ប៉ុន្តែពួកគេមិនបានយល់ទេថាជាក់ស្តែងរយៈពេល ជាមធ្យមដែល ភ្នាក់ងារអចលនទ្រព្យចំណាយពេលលក់អចលនទ្រព្យដំបូងគឺប្រហែលពី ៦ ទៅ ១២ខែ។ ការចំណាយពេលនេះភ្នាក់ងារអចលនទ្រព្យមិនទទួលបានកំរៃជើងសារអ្វីនោះទេ នេះជាហេតុធ្វើឲ្យ ពួកគេចាប់ផ្តើមធ្វើការងាររបស់ខ្លួនដោយគ្មានសេចក្តីទៀងត្រង់។” លោកក៏បានផ្តល់យោបល់បន្ថែមទៀតថា សម្រាប់អ្នកដែលចង់វិនិយោគក្នុងប្រទេសកម្ពុជាទាំងអស់គឺត្រូវពិនិត្យមើលឱ្យបាន ម៉ត់ចត់មុននឹងចុះហត្ថលេខាក្នុងកិច្ចសន្យា ឬក៏បង់ប្រាក់ណាមួយ។ ក្នុងនាមជាអ្នកមានជំនាញវិជ្ជាជីវៈជាមួយបទពិសោធន៏រាប់សិបឆ្នាំ លោក Kobayashi ចាត់ទុកថាវាជាកាតព្វកិច្ចនិងទំនួលខុសត្រូវរបស់លោកដើម្បីធ្វើការងារដោយភាពស្មោះត្រង់។  ក្រុមហ៊ុន NC Max World Co. Ltd​ មានក្រុមការងារអាចជួយជនបរទេសក្នុងការស្វែងរកអចលនទ្រព្យដ៏ត្រឹមត្រូវដោយ ផ្អែកលើតម្រូវការផ្ទាល់ខ្លួននិងហិរញវត្ថុដែលពួកគេមាន។ទោះបីជាលក្ខណៈនេះមិនមានអ្វីថ្មីសម្រាប់ទីផ្សារអន្តរជាតិក៏ដោយអ្វីដែលធ្វើឲ្យលោល Kobayashi ខុសពីភ្នាក់ងារអចលនទ្រព្យដទៃទៀតដែលកំពុងតែប្រតិបត្តិការក្នុងប្រទេសកម្ពុជាគឺថាក្រុមការងាររបស់គាត់ធ្វើការយ៉ាងម៉ត់ចត់ទៅតាមព័ត៌មានក្នុងនាមជាអតិថិជនរបស់ខ្លួនដើម្បីធានាឱ្យការងារ សម្រេចបានដោយសុវត្ថិភាពនិងផ្តល់នូវទំនុកចិត្តខ្ពស់។លោក Kobayashi បានបន្តទៀតថា “ខ្ញុំមិនរំពឹងថាទទួលបានផលចំណេញឆាប់នោះទេយុទ្ធសាស្រ្តរបស់ខ្ញុំតែងតែផ្ដោតទៅលើការបង្កើតទំនាក់ទំនងរយៈពេលវែងនិងផ្អែកទៅលើសម្ដីស្មោះត្រង់របស់ខ្ញុំ។ ការទិញអចលនទ្រព្យគឺជាការទិញទ្រព្យដ៏សំខាន់មួយក្នុងជីវិតរបស់យើង ដូច្នេះហើយយើងមានកាតព្វកិច្ចមួយដើម្បីបង្ហាញពីភាពស្មោះត្រង់និងសុចរិតភាពចំពោះអតិថិជនរបស់យើងទាំងអស់ បន្ទាប់មកនោះអតិថិជននឹងសប្បាយចិត្តពួកគេនឹងមករកយើងទៀតពេលក្រោយ។”     ក្រុមការងាររបស់ក្រុមហ៊ុន NC Max World Co. Ltd មានក្រមសីលធម៌ក្នុងអាជីវកម្មរបស់ខ្លួន ក្នុងការងារជាក់ស្តែងពួកគេផ្តោតសំខាន់ទៅលើតម្លាភាពនិងការធ្វើការងារមួយក្នុងទីផ្សារដែលមានភាពច្បាស់ លាស់។ ប្រសិនបើអ្នកចង់ទិញអចលនទ្រព្យដើម្បីវិនិយោគ ហើយចង់បានការទិញដោយសុវត្ថិភាព សូមចូលទៅកាន់គេហទំព័រ http://realestate.com.kh/max-world-real-estate/

ការវិនិយោគលើខុនដូ៖ ក្នុងរយៈពេលប៉ុន្មានឆ្នាំចុងក្រោយ អ្នកអភិឌ្ឍន៍បានចាប់ផ្តើមផ្លាស់ប្តូរនូវទិសដៅវិនិយោគរបស់ខ្លួនទៅរកការ​វិនិយោគជាប្រភេទលំនៅដ្ឋានខុនដូដើម្បីបំពេញទៅតាមតម្រូវការរបស់មនុស្យសម័យថ្មី។ខុនដូគឺជាប្រភេទលំនៅដ្ឋានបែបទំនើបនិងមានលក្ខណៈប្រណិត។ ខុនដូមានលក្ខណៈពិសេសខុសពីប្រភេទ លំនៅដ្ឋានផ្សេងទៀតនៅក្នុងទីក្រុងភ្នំពេញ។​ ខុនដូបានផ្តល់ផលចំណេញច្រើនសម្រាប់អ្នកធ្វើការងារនៅក្នុងក្រុងដោយផ្តល់ជូនភាពងាយស្រួលក្នុងការធ្វើដំណើរដោយសារតែចរាចរណ៍កាន់តែមានការលំបាកខ្លាំងឡើង។ ជាងនេះទៅទៀតខុនដូជាជម្រើសល្អឥតខ្ចោះសម្រាប់អ្នកដែលចង់រស់នៅក្នុងបណ្តុំនៃមជ្ឈមណ្ឌលពាណិជ្ជកម្មនៃទីក្រុងរួមមាន៖ សាលារៀន អគារពាណិជ្ជកម្ម និងសេវាកម្មល្អៗជាច្រើនទៀតដែលធ្វើឲ្យជីវិតរស់នៅរបស់អ្នកកាន់តែមានភាពទាន់សម័យ។ ការវិនិយោគលើអចលនទ្រព្យប្រកបដោយភាពជោគជ័យ គឺជាជំហានដ៏ធំមួយដែលវិនិយោគិនត្រូវពិចារ ណាឲ្យបានច្បាស់លាស់ និងសម្រេចចិត្តវិនិយោគឲ្យបានត្រឹមត្រូវដើម្បីការពារការខាតបង់ការចំណាយលើសកំណត់ ឫក៏ចំណាយពេលឥតប្រយោជន៍លើបញ្ហាដែលមិនចង់បាន។ ប្រសិនបើកំពុងពិចារណាលើការវិនិយោគខុនដូនៅភ្នំពេញអ្នកត្រូវពិចារណាលើចំណុចមួយចំនួន។ ទោះបីជាការវិនិយោគក្នុងវិស័យ អចលនទ្រព្យជាប្រធានបទដ៏ធំមួយក៏ដោយ អត្ថបទខាងក្រោមនេះជាព័ត៌មានប្រយោជន៍មួយចំនួនដែលយើងចង់ឲ្យវិនិយោគិនពិ​ចារណា។ តើតំបន់ណាខ្លះដែលមានសក្តានុពលសម្រាប់វិនិយោគខុនដូនៅភ្នំពេញ?នៅពេលដែលនិយាយតំបន់ដែលមានសក្តានុពលសម្រាប់ខុនដូ សម្រាប់បច្ចុប្បន្នគេមិនអាចមើល រំលងពីខណ្ឌចំការមន ដែលមានសង្កាត់បឹងកេងកង១ បឹងកេងកង២ បឹងកេងកង៣ និងទួលទំពូង។ ជាក់ស្តែងក្នុងតំបន់បឹងកេងកង១មានគម្រោងខុនដូ ដូចជា៖ ខុនដូ Imperial Crown, គម្រោងខុនដូ 88 Suite។ នៅក្នុងខណ្ឌចំការមនមានគម្រោងខុនដូផ្សេងទៀតដូចជាខុនដូ East View  គម្រោងខុនដូ  East commercial Centre គម្រោងខុនដូ​ The Penthouse Residence គម្រោងខុនដូ The Bridge គម្រោខុនដូ Habitat និងផ្សេងៗ ទៀត។ស្វែងយល់អំពីបឹងកេងកង១! តើទួលគោលជាតំបន់មានសក្តានុពលសម្រាប់វិនិយោគខុនដូដែរឫទេ? ​ហើយចំណែកខណ្ឌដទៃទៀតមាន លក្ខណៈដូចម៉េចដែរ? បច្ចុប្បន្នទួលគោកបានក្លាយជាគោលដៅអភិវឌ្ឍន៍វិស័យលំនៅដ្ឋាន និងពាណិជ្ជកម្មរបស់ទីក្រុងបើទោះបីជា តំបន់នេះមិនទាន់មានលក្ខណៈដូចនៅខណ្ឌចំការមនក៏ដោយ។ ប៉ុន្តែអ្នកអភិវឌ្ឍន៍រំពឹងថាថ្ងៃអនាគតដ៏ខ្លីខាង មុខទួលគោកក៏នឹងក្លាយជាតំបន់ដ៏មានសក្តានុពលមួយសម្រាប់ការអភិវឌ្ឍន៍វិស័យលំនៅដ្ឋានជាពិសេសខុនដូ។គេឃើញមានគម្រោងខុនដូធំៗមួយចំនួនបានចាប់ដំណើរការ ហើយនឹងបញ្ចប់ការសាងសង់នៅពេលខាងមុខ នៅតំបន់នេះរួមមាន៖ គម្រោងខុនដូ TK Royal One ដែលស្ថិតនៅទល់មុខសាកលវិទ្យាល័យភូមិន្ទភ្នំពេញ គម្រោងខុនដូ Apennines នៅបឹងកក់ទី២  គម្រោង The Gateway ដែលស្ថិតនៅជាប់ជាមួយនឹងគម្រោង Parkson Mall ស្ថិតនៅតាមមហាវិថីសហព័ន្ធរុស្ស៊ី។ ស្វែងយល់ពីតំបន់ទួលគោក!តើអតិជនបែបណាដែលចង់រស់នៅខុនដូ?ការរស់នៅក្នុងខុនដូ គឺជាជីវិតរស់នៅបែបទំនើបផ្តោតសំខាន់លើភាពឯកជន ភាពងាយស្រួល ផាសុកភាព និងសុវត្ថិភាព។ ខុនដូភាគច្រើនត្រូវបានកាន់កាប់ដោយជនបរទេសខណៈពេលដែលជនជាតិខ្មែរចូលចិត្តរស់នៅបែបប្រពៃណី ហើយចូលចិត្តរស់នៅជាមួយក្រុមគ្រួសារមានសមាជិកច្រើននៅក្នុងផ្ទះជាប់ដីដែលងាយស្រួលក្នុងការធ្វើអាជីវកម្មជាដើម។ ទោះជាយ៉ាងណាអ្នកអភិវឌ្ឍន៍ជាច្រើនជាមានការរំពឹងទុកថាក្នុងរយៈពេល១០ឆ្នាំទៅមុខទៀតជនជាតិខ្មែរនិងផ្លាស់ប្តូរនិន្នាការនេះ ហើយនឹងចាប់ផ្តើមផ្លាស់ប្តូរពីការរស់នៅ ក្នុងផ្ទះបុរី ឫផ្ទះល្វែង ទៅកាន់ខុនដូវិញ។  អានអត្ថបទបន្ថែមនៅទីនេះ! តើតំបន់ណាខ្លះដែលជនបរទេសចូលចិត្តរស់នៅ? ខណ្ឌចំកាមន៖ សង្កាត់ពេញនិយមបំផុតចំនួន៤ដូចជា៖ សង្កាត់បឹងកេងកង១ បឹងកេងកង២ បឹងកេងកង៣និងសង្កាត់ ទួលទំពូង។ សង្កាត់ទាំងនេះមានការពេញនិយមដោយសារតែ នៅតំបន់ទាំងនេះនៅចំកណ្តាលរាជធានីភ្នំពេញនិងមានបណ្តុំនៃអាជីវកម្មគ្រប់ប្រភេទដូចជា៖ ហាងកាហ្វេ ហាងស្រា បារ ខារ៉ាអូខេ ក្លឹបកំសាន្ត ស្ទីម សូណា កន្លែងហាត់ប្រាណ ភោជនីដ្ឋាន និងសេវាកម្មចម្រុះសព្វបែបយ៉ាងមានទាំងអស់នៅក្នុងតំបន់ទាំងនេះ។  ខណ្ឌដូនពេញ៖ខណ្ឌដូនពេញគឺជាតំបន់មួយទៀត ដែលមានការពេញនិយមសម្រាប់ការរស់នៅរបស់ជនបរទេសនៅក្នុង ភ្នំពេញ។  តំបន់នេះក៏មានកន្លែងកំសាន្តមួយចំនួនផងដែរជាពិសេសតំបន់ទេសចរណ៍ មាត់ទន្លេដ៏ស្រស់ស្អាត និងព្រះបរមរាជវាំង។ មានសង្កាត់ចំនួនដែលមានជនបរទេសចូលចិត្តរស់នៅច្រើនដូចជា៖ សង្កាត់ផ្សារ កណ្តាល១ ផ្សារកណ្តាល២ ផ្សារចាស់ និងសង្កាត់ជ័យជំនះ។សិក្សាពីតំបន់ដូនពេញនៅទីនេះ! តើអ្នកត្រូវស្វែងរកក្រុមហ៊ុនគ្រប់គ្រងអចលនទ្រព្យដែលមានវិជ្ជាជីវៈត្រឹមត្រូវសម្រាប់ការវិនិយោគខុនដូ របស់អ្នកដែរឬទេ? ក្រុមហ៊ុនសេវាកម្មគ្រប់គ្រងអចលនទ្រព្យគឺជាក្រុមហ៊ុនដែលទទួលខុសត្រូវលើប្រតិបត្តិការការថែទាំ ការគ្រប់គ្រងទូទៅលើអចលនទ្រព្យ។ ការគ្រប់គ្រងនេះត្រូវធ្វើឡើងលើផ្នែកទូទៅទាំងអស់លើអចលនទ្រព្យជំនួស ឲ្យម្ចាស់អចលនទ្រព្យ។ នៅពេលសម្រេចចិត្តវិនិយោគលើខុនដូត្រូវប្រាកដថាអ្នកបានធ្វើការសិក្សាពីក្រុមហ៊ុន គ្រប់គ្រងអចលនទ្រព្យឲ្យទទួលខុសត្រូវលើ គម្រោងអភិវឌ្ឍន៍របស់អ្នក។ សូមចាំថាក្រុមហ៊ុននឹងយកចិត្តមើលការខុសត្រូវនិងគ្រប់គ្រងលើ​តំបន់ទូទៅហើយសេវាកម្មនេះត្រូវធ្វើឡើងសម្រាប់សេវាកម្មខុនដូ ដូច្នេះជាការចាំបាច់អ្នកត្រូវស្វែងរកក្រុមហ៊ុនមួយដែលមានសមត្ថភាពនិងបទពិសោធន៍ច្បាស់លាស់។​ សិក្សាបន្ថែមពីភាពខ្វះខាតគុណភាពនៃការគ្រប់គ្រងអចលនទ្រព្យអាចធ្វើឱ្យវិនិយោគិនបាត់បង់ទំនុកចិត្តក្នុងទីផ្សារអភិវឌ្ឍន៏គម្រោងថ្មី!តើអ្នកជាជនបរទេសដែលចង់វិនិយោគលើខុនដូដែរឬទេ? នេះជាកម្មសិទ្ធិកាន់កាន់លើអចលនទ្រព្យ នៅកម្ពុជា៖ជនបរទេសគឺមិនមានសិទ្ធិទិញដី ឬអចលនទ្រព្យជាប់ដីនៅក្នុងប្រទេសកម្ពុជាបានទេ នេះបើ​យោងទៅតាមច្បាប់ភូមិបាលឆ្នាំ២០០១និងច្បាប់រដ្ឋធម្មនុញ្ញកម្ពុជា។ ទោះជាយ៉ាងណាជនបរទេសអាចកាន់កាប់លើក្រុមហ៊ុន ឬអចលនទ្រព្យបានក្នុងករណីបង្កើតក្រុមហ៊ុនដែលមានភាគហ៊ុនជាមួយជនជាតិខ្មែរ។ ភាគីតំណាង៖ ទម្រង់នេះត្រូវបានប្រើប្រាស់ដោយជនរទេសមួយចំនួនដើម្បីកាន់កាប់លើដីធ្លី ឬអចលនទ្រព្យដែលជាប់ដីនៅក្នុងប្រទេស។ វិធីនេះមានភាពងាយស្រួលឆាប់រហ័សនិងចំណាយតិច។ ជាទូទៅជន បរទេសតែងតែទិញអចលនទ្រព្យនៅកម្ពុជា។ សិទ្ធិកាន់កាប់ត្រូវផ្ទេរពីប្លង់អចលនទ្រព្យទៅជាឈ្មោះរបស់ភាគីតំណាង។ នៅពេលដែលទទួលបានប្លង់កាន់កាប់ដែលបានចុះឈ្មោះនៅការិយាល័យសង្កាត់គឺ​អាចដាក់ជាអ៊ីប៉ូតែកនិងជួលបានរយៈពេលវែង។ ឯកសារផ្លូវច្បាប់់គឺត្រូវចុះហត្ថលេខាទាំងភាសាខ្មែរនិងភាសាអង់គ្លេសបន្ទាប់មកជនបរទេស អាចត្រូវរក្សាទុកនូវប្លង់អចលនទ្រព្យនោះ។ សម្រាប់ព័ត៌មានបន្ថែមអំពីភាគីតំណាងសូមស្វែងយល់ពីការណែនាំពីទម្រង់ភាគីតំណាងនៅទីនេះ! ប្លង់កម្មសិទ្ធិរួម៖ ប្លង់កម្មសិទ្ធិរួមជាទម្រង់នៃវិញ្ញាបនបត្រកម្មសិទ្ធិសម្រាប់យូនីតនីមួយៗនៅក្នុងអគារ សហ កម្មសិទ្ធិ។ ក្នុងនោះមានច្បាប់គោលនយោបាយ និងការធ្វើវិសោធនកម្មលើច្បាប់នៅកម្ពុជាដើម្បីការពារលើការកាន់កាប់ខុនដូ និងយន្តកម្មនៃការចេញប្លង់កម្មសិទ្ធិរួម។ ជនបរទេសគឺមិនអនុញ្ញាតឲ្យកាន់កាប់លើយូនីតនៅជាន់ផ្ទាល់ដីនៅឡើយ​ ម្យ៉ាងវិញទៀតជនបរទេសក៏មិនអនុញ្ញាតឲ្យកាន់កាប់លើសពី៧០%នៃយូនីតនៅក្នុងអគារទាំងមូលដែរ។សម្រាប់ព័ត៌មានលំអិតអំពីប្លង់កម្មសិទ្ធិរួម សូមមើលនៅទីនេះ! កាតព្វកិច្ច៖ ការផ្ទេរប្លង់សហកម្មសិទ្ធិមួយត្រូវចំណាយប្រមាណ៤%នៃតម្លៃអចលនទ្រព្យសរុបដែលបានវាយតម្លៃនិងកំណត់ដោយមន្រ្តីសុរិយោដី។ តើការលក់គម្រោងខុនដូមុនគម្រោង ជាការវិនិយោគមានសក្តានុពលដែលឬទេ? ការលក់មុនគម្រោងសំដៅដល់ការទិញយូនីតខុនដូមុនពេលបញ្ចប់ការសាងសង់។​ យូនីតដែលបានលក់មុនគម្រោងទាំងអស់ជាធម្មតាបានបង្ហាញពីគុណសម្បត្តិមួយចំនួនដូចជា៖ ការបញ្ចុះតម្លៃនិងអាចផ្តល់ត្រលប់មកវិញផលចំណេញពីការវិនិយោគយ៉ាងឆាប់រហ័ស។ ទោះជាយ៉ាងណាអ្នកអភិវឌ្ឍន៍ជារឿយៗមានបំណង​ពន្យារពេលសាងសង់របស់ខ្លួនរីឯអ្នកទិញត្រូវបានផ្តល់យោបល់ឲ្យមានការប្រឹក្សាយោបល់ជាមួយមេធាវី និងដាក់បញ្ចូលនូវលក្ខខណ្ឌរបស់ខ្លួននៅក្នុងកិច្ចព្រមព្រៀងជាពិសេសទាក់ទងជាមួយនឹងកាលបរិច្ឆេទនៃ ការបញ្ចប់ការសាងសង់ និងចំនួនប្រាក់កក់។ ហេតុអ្វីអ្នកគួរសម្រេចចិត្តលើការវិនិយោគខុនដូនៅភ្នំពេញ?វិនិយោគិនអន្តរជាតិកំពុងតែសម្រុកចូលមកកាន់ទីក្រុងភ្នំពេញប្រទេសកម្ពុជាដើម្បីស្វែងរកភាគហ៊ុនក្នុងទីផ្សារអចនលទ្រព្យថ្មីចុងក្រោយនៅក្នុងតំបន់អាស៊ី។ការប្រៀបធៀបតម្លៃទៅនឹងប្រទេសជិតខាង៖​ប្រទេសកម្ពុជាផ្តល់ជូននៅប្រភេទលំនៅដ្ឋានប្រណិតៗជាច្រើនប្រភេទ។ ប្រភេទលំនៅដ្ឋានទាំងនេះក៏ផ្តល់ ជូនស្តង់ដារគុណភាពនៃការរស់នៅសមរម្យ​​បើធៀបទៅនឹងប្រទេសជិតខាង។​ របាយការណ៍នៃការស្ទង់មតិ របស់ Global Retirement Index បានបង្ហាញថាកម្ពុជាជាប់ចំណាត់ថ្នាក់លេខ១ក្នុងចំណោម២៣ប្រទេសដែលមានការចំណាយតិចសម្រាប់ការរស់នៅ។ ដូច្នេះវាមិនមែនជាការភ្ញាក់ផ្អើលទេដែលមានចំនួនជនបរទេសកាន់តែច្រើនឡើងចូលមកកម្ពុជា ដើម្បីស្វែងរកការរស់នៅបែបទាន់សម័យក្នុងរយៈពេលប៉ុន្មានឆ្នាំចុងក្រោយ។យើងទៅតាមក្រុមហ៊ុន Bonna Realty បង្ហាញថាសម្រាប់ខុនដូប្រភេទAមានតម្លៃចន្លោះ២,៣០០ដុល្លារទៅ ៥,៧៩១ ដុល្លារក្នុង១ម៉ែត្រការ៉េ ប្រភេទBមានតម្លៃចាប់ពី១, ៧១៨ ដុល្លារទៅ៣,៧២៥ដុល្លារក្នុង១ម៉ែត្រការ៉េ និងប្រភេទCដែលមានតម្លៃចាប់ពី៧៨៩ដុល្លារទៅ១,៧០០​ដុល្លារក្នុង​១ម៉ែត្រការ៉េ។ ធៀបទៅនឹងប្រទេសវៀតណាមយោងទៅតាមរបាយការណ៍ក្រុមហ៊ុន​ CBRE Vietnam ខុនដូត្រូវបានដាក់លក់ក្នុងតម្លៃជាមធ្យម២,០៤៦ដុល្លារក្នុង១ម៉ែត្រការ៉េ។ ចំណែកនៅទីក្រុងបាងកកមានខុនដូចំនួន៦ប្រភេទ៖ ប្រភេទ Super Luxury មានតម្លៃខ្ពស់ជាង៧,០៥៨ដុល្លារក្នុង១ម៉ែត្រការ៉េប្រភេទLuxuryមានតម្លៃ៤,៧៩៩ដុល្លារទៅ៧,០៥៧ដុល្លារ ក្នុង១​ម៉េត្រការ៉េប្រភេទ High End មានតម្លៃពី៣,៣៨៧ដុល្លារទៅ៤,៧៩៨ដុល្លារក្នុង១ម៉ែត្រការ៉េប្រភេទ Upper-Mid-range មានតម្លៃ​២,៥៤១ដុល្លារទៅ៣,៣៨៨ដុល្លារក្នុង១ម៉ែត្រការ៉េប្រភេទ Mid-range មានតម្លៃ១,៩៧៦ដុល្លារ ទៅ២,៥៤០ដុល្លារក្នុង១​ម៉ែត្រការ៉េ និងប្រភេទ Entry Level មានតម្លៃទាបជាង១,៩៧៤ម៉ែត្រការ៉េនេះបើតាមរបាយការណ៍ CBRE Thai ។  អនាគតនៃការផ្គត់ផ្គង់ខុនដូនៅភ្នំពេញ៖យោងទៅតាម របាយការណ៍សិក្សាទីផ្សាររបស់ CBRE Cambodia ត្រឹមត្រីមាសទី២បានព្យាករណ៍ថា បន្ថែមលើ២២,៤៦៤យូនីតនឹងកើនឡើងដល់២៥,២៥០យូនីតត្រឹមឆ្នាំ២០១៨ដែលកើនឡើងចំនួន៨០៦%។ លើសពីនេះទៅទៀតក្រុមហ៊ុន Knight Frank បានព្យាករណ៍ថា​ត្រឹមឆ្នាំ២០២០មានខុនដូ៧៤គម្រោងដែលនឹងមានដល់២៤,៥៣៣យូនីតនៅក្នុងទីផ្សារលំនៅដ្ឋានដែលកើនឡើង៧ដងនៃចំនួនផ្គតផ្គង់សរុបដែលកើនឡើងដល់៧២៣.៥%។ ការព្យាករណ៍មួយធំជាងនេះទៀតដោយក្រុមហ៊ុន  Century21 Cambodia បានបង្ហាញថានៅឆ្នាំ២០២០ ការផ្គត់ផ្គង់ខុនដូនឹងកើនដល់ប្រមាណជា៣៧,៥៧០យូនីត។ការព្យាករណ៍ទាំងនេះមើលឃើញថា កម្ពុជាកំពុងតែអភិវឌ្ឍន៍យ៉ាងឆា​​ប់រហ័ស ហើយវិនិយោ​ គិនកំពុងតែមានទំនុកចិត្តខ្លាំងនៅក្នុងទីផ្សារ។ បច្ចុប្បន្នមានចំនួនជនបរទេសកាន់តែច្រើនឡើងបានផ្លាស់ប្តូរគោលដៅរស់នៅមកកាន់តំបន់អាស៊ី។ តើអ្នកជាម្នាក់ក្នុងចំណោមជនបរទេសទាំងនោះដែរឬទេ? សូមមើលគម្រោងខុនដូទាំងអស់នៅទីនេះ! ពិនិត្យមើលគម្រោងខុនដូជាច្រើននៅក្នុងប្រទេសកម្ពុជា៖

អ្នកប្រតិបត្តិការទីផ្សារក្នុងតំបន់មួយចំនួនបាននិយាយថាបទបញ្ជាថ្មីដើម្បីកំណត់មិនឲ្យប្រជាជនចិនដីគោកប្ដូររូបិយប័ណ្ណពី RMB(ប្រាក់យ័ន)ទៅជារូបិយប័ណ្ណបរទេសសម្រាប់ការវិនិយោគ​អចលនទ្រព្យក្រៅប្រទេសគឺទំនងជាមានផលប៉ះពាល់តិចតួច សម្រាប់វិនិយោគិនចិនលើទីផ្សារខុនដូក្នុងប្រទេសកម្ពុជា។ចាប់ពីថ្ងៃទី១ ខែមករា ឆ្នាំ២០១៧នេះទៅច្បាប់នៃការប្ដូររូបិយ​ប័ណ្ណរបស់ចិនត្រូវបានរឹតបន្តឹងលើការទិញដូររូបិយ​ប័ណ្ណបរទេសនៅតាមធនាគារក្នុងប្រទេសចិនហើយត្រូវដាក់ពិន័យយ៉ាងតឹងរឹងចំពោះការហូរចេញរូបិយប័ណ្ណទាំងឡាយណាដែលខុសច្បាប់។យោងទៅតាមសារព័ត៌មានរ៉យទ័រ(Reuters)បានឱ្យដឹងថា ប្រជាជនចិនដែលដកប្រាក់ចេញពីធនាគារក្នុងស្រុកត្រូវតែមកបំពេញពាក្យដើម្បីបង្ហាញពីគោលបំណងនៃការទិញរូបិយប័ណ្ណបរទេសរបស់ពួកគេ។កន្លងមកប្រជាជនចិនអាចផ្ទេរប្រាក់រហូតដល់៥០,០០០ដុល្លារបានទៅក្រៅប្រទេសដោយស្របច្បាប់។ ការណែនាំថ្មីនេះគឺរក្សានូវចំនួនទឹកប្រាក់៥០០០០ដុល្លារដដែលក៏ប៉ុន្តែបុគ្គលម្នាក់ៗត្រូវបញ្ជាក់ពីគោលបំណងនៃការផ្លាស់ប្ដូររូបិយប័ណ្ណបរទេសរបស់គេ ហើយគោលបំណងនោះមិនអាចជាការវិនិយោគអចលនទ្រព្យឡើយ។  របាយការណ៏ថ្មីៗរបស់គេហទំព័រ Bloomberg បានបញ្ជាក់ផងដែរថាប្រជាជនចិនដែលដកប្រាក់របស់ពួកគេក្នុងឆ្នាំ២០១៧ ត្រូវតែចុះហត្ថលេខាក្នុងកិច្ចសន្យាមួយថាប្រាក់ដែលបានដក​ទៅនោះនឹងមិនប្រើប្រាស់ ដើម្បីវិនិយោគលើអចលនទ្រព្យធានារ៉ាប់រងនៅក្រៅប្រទេសឡើយ។ ពួកគេត្រូវតែផ្តល់ព័ត៌មានលំអិតនៃគោលបំណងនៃការប្រើប្រាស់ប្រាក់ទាំងនោះដូចជា៖ ការធ្វើដំណើរសម្រាប់អាជីវកម្មសិក្សាទៅក្រៅប្រទេស ទៅលេងគ្រួសារ ឬការព្យាបាលជម្ងឺជាដើម។  ប្រជាជនណាដែលដកប្រាក់ ពួកគេត្រូវតែបញ្ជាក់ផងដែរថាពួកគេនឹងមិនផ្តល់ប្រាក់កម្ចី ឬខ្ចីប្រាក់ពីបុគ្គលណាមួយឡើយ។អ្នកដែលល្មើសនឹងច្បាប់ថ្មីនេះនឹងត្រូវដាក់បញ្ចូលក្នុងតារាងតាមដានរូបបិយប័ណ្ណមួយ ហើយត្រូវបានផ្អាកការប្តូររូបបិយប័ណ្ណបរទេសចាប់ពី៣ឆ្នាំឡើងទៅ ហើយអាចប្រឈមមុខនឹងការស៊ើបអង្កេតទាក់ទងទៅនឹងការបន្លំបង្វែររូបបិយប័ណ្ណខុសច្បាប់។ប្រតិបត្តិការជំនួញអចលនទ្រព្យក្រៅប្រទេសរបស់ចិនទូទាំងពិភពលោកត្រូវបានគេព្យាករណ៍ថាឡើងដល់២២០ពាន់លានដុល្លារនៅឆ្នាំ២០២០ ហើយ៧០%ជាការទិញអចលនទ្រព្យដោយសាច់ប្រាក់នេះបើយោងតាមគេហទំព័រ Juwai.com ដែលជាគេហទំព័រឈានមុខគេសម្រាប់ការស្វែងរកការវិនិយោគអចលនទ្រព្យកៅប្រទេសរបស់ចិន។ក៏ប៉ុន្តែអ្នកជំនាញឧស្សាហកម្មក្នុងប្រទេសកម្ពុជាបានស្នើឱ្យវិនិយោគិនចិនដែលវិនិយោគខុនដូក្នុងប្រទេសកម្ពុជា និងវិនិយោគក្នុងទីផ្សារអចលនទ្រព្យទូទៅឲ្យស្វែងរកចន្លោះប្រហោងបានយ៉ាងឆាប់រហ័សចំពោះការរឹតបន្តឹងមូលធនថ្មីនេះ។លោក Jasper Shin អ្នកគ្រប់គ្រងទីផ្សារនិងផ្នែកលក់នៅគម្រោង “Star City” ក្នុងទីក្រុងភ្នំពេញបាន​និយាយថា “ជើងហោះហើរពីប្រទេសចិនមកកម្ពុជាគឺមានសុទ្្ធតែអ្នកទិញអចលនទ្រព្យ។ ពួកគេមកទីនេះដើម្បីស្វែងរកមធ្យោបាយក្នុងការវិនិយោគប្រាក់របស់ពួកគេលើអចលនទ្រព្យក្រៅប្រទេស។ ដោយសារតែរូបិយប័ណ្ណយ័នធ្លាក់តម្លៃដល់១:៧ក្នុងរយៈពេលប៉ុន្មានខែថ្មីៗនេះ មានន័យថាអតិថិជនចិនចង់យកប្រាក់របស់ពួកគេទៅវិនិយោគនៅក្រៅប្រទេសជាពិសេសនោះគឺជាប្រាក់ដុល្លារក្នុងប្រទេសកម្ពុជា។លោក Shin លើកឡើងដែរថាមានមធ្យោបាយជាច្រើនជុំវិញការរិតបន្តឹងថ្មីនេះ “ជាធម្មតាអ្នកអភិវឌ្ឍន៏ជនជាតិចិនក្នុងប្រទេសកម្ពុជាមានក្រុមហ៊ុនមេក្នុងប្រទេសចិន។ ដូច្នេះអាចដោះស្រាយបញ្ហាបាននៅពេលដែលប្រាក់នៅតែរក្សាទុកក្នុងប្រទេសចិន ប៉ុន្តែជនជាតិចិននៅតែចាប់អារម្មណ៍លើការទិញអចលនទ្រព្យនៅក្រៅប្រទេស។ ដោយឡែកមានរឿងខ្លះគឺមិនអាចទៅរួច វិនិយោគិនចិនក្នុងប្រទេសកម្ពុជាអាចប្រើប្រាស់ស្ថាប័នហិរញវត្ថុដើម្បីគ្រប់គ្រងការផ្ទេរមូលធនឲ្យស្របជាមួយច្បាប់ក្នុងស្រុករបស់ពួកគេ ក៏ប៉ុន្តែយើងមិនប្រាក់ថាប្រាក់ដែលផ្ទេរទៅប្រទេសចិននោះមានភាពត្រឹមត្រូវកម្រិតណានោះទេ។វិនិយោគិនចិនបានទំលាប់អនុវត្តន៍ទៅតាមគោលការណ៍ដែលមានភាពចន្លោះប្រហោង ដូចជាការប្រមូល​ចំនួនទឹកប្រាក់ណាមួយពីគ្រួសារ និងមិត្តភក្តិឲ្យបានចំនួនច្រើនរួមគ្នា ឬប្រើប្រាស់ធនាគារដែលមិនមានទីផ្សារច្បាស់លាស់ក្នុងការផ្ទេរប្រាក់ទៅក្រៅប្រទេស។លោក Shin បាននិយាយថាទោះជាយ៉ាងណាក៏ដោយជាធម្មតាគឺថាបទបញ្ញត្តិទាំងនេះគឺកំពុងតែត្រូវបានរឹតបន្តឹងដោយរដ្ឋាភិបាលចិន ហើយដើម្បីធ្វើឱ្យប្រាក់RMB(យ័ន)ឡើងថ្លៃ៖ “ការខិតខំប្រឹងប្រែងនេះគឺដើម្បីជៀសវាងការកើតមានវិបត្តិសេដ្ឋកិច្ចក្នុងប្រទេសចិន។”លោក Victor Chao អ្នកគ្រប់គ្រងក្រុមហ៊ុន NC Max World Co. Ltd ជាក្រុមហ៊ុនគ្រប់គ្រង និងអភិវឌ្ឍន៏អចលនទ្រព្យក្នុងប្រទេសកម្ពុជា មានជំនឿថាអ្នកទិញចិនមិនជាប់ទាក់ទងនឹងទីផ្សារលំនៅដ្ឋានក្នុងប្រទេសកម្ពុជាឡើយ។លោកChaoបាននិយាយទៀតថា“មិនមានអ្នកទិញជនជាតិចិនណាម្នាក់ចាំទិញអចលនទ្រព្យក្រៅបន្ទប់ផ្ទះគំរូនោះទេ។ អ្នកទិញអចលនទ្រព្យជនជាតិចិនជាធម្មតារកទិញនៅតាមប្រទេស អាមេរិក កាណាដា អូស្ត្រាលី និងមួយភាគខ្លះនៅប្រទេសថៃ ចំណែកឯប្រទេសកម្ពុជាមិនទាន់ក្លាយជាទិសដៅរបស់អតិថិជនចិននៅឡើយទេ ហើយអ្វីដែលយើងមិនធ្លាប់ជួបយើងនឹងមិនបាត់បង់នោះទេ។”លោក Chao បានបន្តទៀតថា “ខ្ញុំបារម្ភអំពីទីផ្សារជួលក្នុងប្រទេសកម្ពុជា ខណៈពេលដែលអ្នកទិញយូនីតខុនដូជាច្រើនបានទិញសម្រាប់វិនិយោគជាមួយផលចំណេញតិចតួច មើលទៅវាមិនមានផលចំណេញសោះតាមរយៈការខ្ចីប្រាក់ពីស្ថាប័នហិរញ្ញវត្ថុដើម្បីទិញ។ យើងត្រូវការអ្នកគ្រប់គ្រងអចលនទ្រព្យចិននៅកណ្តាលដើម្បីគ្រប់គ្រងលើទីផ្សារនៅពេលអ្នកវិនិយោគមានបញ្ហា។”លោក Thomas Lam អគ្គនាយកជាន់ខ្ពស់ផ្នែកប្រឹក្សាអចលនទ្រព្យរបស់ Knight Frank នៅហុងកុងបាននិយាយនៅក្នុងកាសែត South China Morning ថា “គោលការណ៏ថ្មីនេះអាចប៉ះពាល់ដល់ជនជាតិចិនដែលមានជីវភាពមធ្យមដែលទើបតែចាប់ផ្ដើមរកមើលអចលនទ្រព្យក្រៅប្រទេស។ ក៏ប៉ុន្តែសម្រាប់អ្នកមានទ្រព្យធនច្រើនខ្ញុំមិនឃើញមានផលប៉ះពាល់នោះទេ ពីព្រោះពួកគេមួយចំនួនមានប្រាក់ក្នុងធនាគារ និងទុនវិនិយោគរួចរាល់ហើយ។លោក Anthony Galliano ជាអគ្គនាយកក្រុមហ៊ុន Cambodia Investment Management បាននិយាយថា “រដ្ឋាភិបាលចិនកំពុងតែដោះស្រាយជាមួយវិបត្តិហិរញវត្ថុ ដែលប្រាក់យ័នបានធ្លាក់ចុះរយៈពេលប្រាំបីឆ្នាំកន្លះទាបជាងក្នុងទីផ្សារបរទេស៥ដង​ដែលទឹកប្រាក់ប្រហែល៧៦២ពាន់លានលានដុល្លារបានហូរចេញទៅក្រៅប្រទេសក្នុងឆ្នាំ២០១៦។ ខណៈពេលដែលសេដ្ឋកិច្ចចិនទទួលរងផលប៉ះពាល់ពីកំណើនសេដ្ឋកិច្ចយឺតហិរញ្ញវត្ថុដែលបានហូរចេញទៅក្រៅប្រទេសបានផ្គត់ផ្គង់នៅទីផ្សារអចលនទ្រព្យនៅ កាណាដា សហរដ្ឋអាមេរិក អូស្រ្តាលី និងអាស៊ីអាគ្នេយ៏។ មធ្យោបាយរឹតបន្តឹងរបស់រដ្ឋាភិបាលចិននេះនឹងអាចធ្វើឱ្យមានស្ថេរ ភាពលំហូរសាចប្រាក់ទៅក្រៅប្រទេសនិងជួយកាត់បន្ថយហានីភ័យ។”លោក Galliano បានបន្តថាទោះជាយ៉ាងណាក៏ដោយ “ផលប៉ះពាល់លើទីផ្សារលំនៅដ្ឋានរបស់កម្ពុជាហាក់បីដូចជាមិនមានផលប៉ះពាល់តម្លៃជាមធ្យមអ្វីឡើយ ដោយជាក់ស្តែងជនជាតិចិនមិនមែនជាអតិថិជនឈានមុខគេដែលទិញអចលនទ្រព្យក្នុងប្រទេសកម្ពុជាឡើយ។ ការអនុវត្តន៏នៃការរឹតបន្តឹងច្បាប់ប្រហែលជាកាន់តែពិបាក ហើយអាចជាការខាតបង់យ៉ាងធ្ងន់ធ្ងរទៀតផងបើទោះបីជាសេដ្ឋកិច្ចនៅតែបើកចំហ។”ទីបំផុតផលប៉ះពាល់នៃច្បាប់ថ្មីនឹងអាស្រ័យយ៉ាងខ្លាំងលើសមត្ថភាពការគ្រប់គ្រងរបស់រដ្ឋាភិបាលចិនលើការប្ដូររូបបិយប័ណ្ណបរទេស(SAFE) ដើម្បីអនុវត្តនូវការណែនាំថ្មីនេះ។និពន្ធដោយលោក James Whitehead នាយកផ្នែកអត្ថបទប្រចំាក្រុមហ៊ុន  Realestate.com.khអត្ថបទនេះត្រូវបានសហការនិពន្ធដោយសារព័ត៌មានខ្មែរថាមស៍ និងគេហទំព័រអចលនទ្រព្យ Realestate.com.kh ដែលនឹងចុះផ្សាយព័ត៌មានអចលនទ្រព្យរៀងរាល់ថ្ងៃពុធនៅក្នុងកាសែតខ្មែរថាមស៍។ ខ្មែរថាមស៍ធ្វើការបោះពុម្ពផ្សាយកាសែតរៀងរាល់ថ្ងៃដែលមានចំនួន​១០,០០០​ច្បាប់ទូទាំងប្រទេសកម្ពុជា។ សូមទំនាក់ទំនងមកកាន់យើងថ្ងៃនេះសម្រាប់ធ្វើការផ្សព្វផ្សាយពាណិជ្ជកម្មជាមួយព្រឹត្តិបត្តិព័ត៌មានអចលនទ្រព្យ។ស្វែងរកព័ត៌មានអចលនទ្រព្យតាមរយៈ Realestate.com.kh

គម្រោងខុនដូ The Apennines នាំមកជូននូវភាពទាន់សម័យ និងផាសុកភាពសម្រាប់អ្នករស់នៅរបស់ខ្លួននៅពេលអនាគត ជាមួយគ្នានេះដែរគម្រោងនេះបានសាងសង់រួចរាល់១០០%ហើយ។ ឥឡូវនេះវាគឺជាពេលដែលអ្នកអភិវឌ្ឍន៏ត្រូវយកចិត្តទុកដាក់ចំពោះធនធានរបស់ខ្លួនក្នុងការតុបតែងរចនាម៉ូត ការបំពាក់គ្រឿងសង្ហារឹមការជ្រើសរើសនិងការបណ្ដុះបណ្ដាលបុគ្គលិកដើម្បីបម្រើសេវាកម្មដល់ល្អបំផុតសម្រាប់អ្នករស់នៅក្នុងខុនដូថ្មីមួយនេះ។ សម្រាប់អតិថិជនទាំងឡាយណាដែលទិញគម្រោងខុនដូ The Apennines នឹងមានជម្រើសក្នុងការទិញអាផាតមេនដែលមិនទាន់មានគ្រឿងសង្ហារឹម ឬទិញអាផាតមេនដែលមានបំពាក់គ្រឿងសង្ហារឹម និងតុបតែងរួចជាស្រាច់អាស្រ័យលើគំរូរចនាដែលបានផ្ដល់ជូនដោយក្រុមហ៊ុនអភិវឌ្ឍន៍ KHSI Investment។ គ្រឿងសង្ហារឹមទាំងអស់ត្រូវបាននាំចូលពីក្រៅប្រទេសហើយត្រូវបានជ្រើសរើសយ៉ាងយកចិត្តទុកដាក់ដើម្បីផ្ដល់នូវផាសុកភាព និងភាពទាន់សម័យ។ទោះបីជាគម្រោងបានកំណត់ថាសាងសង់រួចរាល់នៅខែមករាឆ្នាំ២០១៨យ៉ាងណាក្ដី ជាក់ស្តែងការសាងសង់បានធ្វើឡើងយ៉ាងលឿនជាងអ្វីដែលបានរំពឹងទុកដែលការសាងសង់នឹងត្រូវបញ្ចប់ក្នុងខែកញ្ញាឆ្នាំ២០១៧។ជាង៥០%នៃគម្រោងនេះត្រូវបានលក់រួចរាល់ហើយ ក្នុងពេលបច្ចុប្បន្នគម្រោងកំពុងតែផ្ដល់ការបញ្ចុះតម្លៃ៦%ដល់អ្នកដែលមានបំណងទិញយូនីតណាមួយ។ ជាងនេះទៅទៀតមានអតិថិជនអន្តរជាតិសំខាន់ៗជាច្រើនបានចាប់អារម្មណ៍លើគម្រោងនេះតួយ៉ាងជនជាតិសង្ហបុរីនិងជនជាតិខ្មែរមួយចំនួនផងដែរ។ គម្រោងអភិវឌ្ឍន៏នេះមានកម្ពស់១៧ជាន់ដែលមានតម្លៃចាប់ពី១៧០,០០០ដុល្លារសម្រាប់យូនីតដែលមាន១បន្ទប់គេង និងតម្លៃ៣៣០,០០០ដុល្លារសម្រាប់យូនីតអាផាតមេនដែលមាន៣បន្ទប់គេង។តើគម្រោង Apennines មានអ្វីខ្លះទៀតក្រៅពីនោះ? គម្រោងអភិវឌ្ឍន៏ The Apennines ជាគម្រោងដែលឈានមុខគេដែលផ្តល់ជូននូវភាពពិសេសដូចជា៖ គុណភាពសំណង់​ហើយគឺជាខុនដំបូងគេបង្អស់ក្នុងប្រទេសកម្ពុជាដែលប្រើប្រាស់ប្រព័ន្ធជណ្ដើរយន្តសម្រួលដល់ការចតយានយន្ត។  គុណសម្បត្តិនៃការប្រើប្រាស់ជណ្ដើរយន្តនេះគឺវាមានចំណតរៀងៗខ្លួនសម្រាប់ម្ចាស់លំនៅដ្ឋាននីមួយៗ ហើយវាគឺជាជណ្ដើយោងតែមួយគត់ដែលម្ចាស់លំនៅដ្ឋានអាចដាក់ឡានរបស់គាត់ទៅកន្លែងចំណតយ៉ាងងាយស្រួល ដែលអាចចំណេញពេលវេលានិងថាមពលបានយ៉ាងច្រើន។ លក្ខណៈពិសេសមួយផ្សេងទៀតនៃអគារគឺសំណង់អគារតែមួយគត់របស់វា​ពីព្រោះវាមានសរសរគ្រឹះពីជាន់ទី១ដល់ជាន់ទី៦តែប៉ុណ្ណោះក្រៅពីនោះមិនមានសរសរគ្រឺះទៀតទេ។ ការសាងសង់អផាតមេនជាមួយវិធីសាស្រ្តដូច្នេះអាចឱ្យយូនីតនីមួយៗមានខ្យល់អាកាសចេញចូលគ្រប់គ្រាន់។​សរុបសេចក្ដីមកអ្នកអភវិឌ្ឍន៏បានយកចិត្តទុកដាក់យ៉ាងខ្លាំងទៅលើយូនីតនីមួយៗ និងគ្រប់ផ្នែកនៃសំណង់ទាំងអស់ដើម្បី ធានាបាននូវភាពរឹងមាំគ្រប់យូនីតទាំងអស់។ គោលបំណងរបស់អ្នកអភិវឌ្ឍន៏គឺដើម្បីធ្វើឱ្យអតិថិជនមានអារម្មណ៏ថាពួកគេនៅក្នុងផ្ទះដ៏មានភាពកក់ក្តៅដែលមិនមានបញ្ហាអ្វីកើតឡើង។ សម្រាប់ហេតុផលនេះវិស្វករជំនាញបានខិតខំយ៉ាងយកចិត្តទុកដាក់យ៉ាងមុតមាំដោយសម្រិតសម្រាំងជ្រើសរើសគ្រឿងបរិក្ខារស្តង់ដារអន្តរជាតិដើម្បីធានានូវគុណភាពនៃអគារឲ្យមានភាពរឹងមាំគង់វង្សយូរអង្វែង។ទោះបីជាមានបទពិសោធន៏ជាច្រើនឆ្នាំក្នុងការសាងសង់នៅក្រៅប្រទេសក្ដី ប៉ុន្តែនេះគឺជាគម្រោងទីមួយក្នុងប្រទេសកម្ពុជាសម្រាប់ KHSI Investment PTE LTD ហេតុនេះហើយបេសកម្មនេះត្រូវបានធ្វើឡើងយ៉ាងយកចិត្តទុកដាក់បំផុតដើម្បីបង្កើននូវទំនុកចិត្ត និងការទទួលស្គាល់ស្នាដៃរបស់ខ្លួននៅក្នុងប្រទេស៕ ស្វែងយល់បន្ថែមអំពីគម្រោងខុនដូ The Apennines ថ្ងៃនេះ!

គម្រោង The Bridge ជាឈ្មោះនៃគម្រោងសាងសង់ដ៏ធំបំផុតចុងក្រោយបង្អស់ដែលនឹងក្លាយជាគម្រោងមួយដែលតំណាងឱ្យទីក្រុងភ្នំពេញនាពេលឆាប់ៗខាងមុខ។ ប្រាកដណាស់គម្រោង The Bridge នឹងជាគម្រោងអភិវឌ្ឍន៏ចម្រុះដែលខ្ពស់ជាងគេក្នុងប្រទេសកម្ពុជា។ ហើយពេលថ្មីៗនេះមានការប្រារព្ធកម្មវិធីបូកសរុបលទ្ធផលសាងសង់ប្រចាំខែធ្នូឆ្នាំ២០១៦នៅឯសណ្ឋាគារផ្កាយប្រាំសូហ្វីទែលភ្នំពេញកាលពីថ្ងៃសុក្រកន្លងទៅ។គម្រោង The Bridge គឺជាគម្រោងអភិវឌ្ឍន៍រួមគ្នាកម្ពុជា-សិង្ហបុរីរវាងក្រុមហ៊ុន Oxley Holdings និងក្រុមហ៊ុន WorldBridgeLand កម្ពុជា។ វិនិយោគិនទាំងនេះបានសម្រេចចិត្តបោះទុនវិនិយោគក្នុងទំហំទឹកប្រាក់រហូតដល់៣០០លានដុល្លារសម្រាប់បញ្ចប់ការសាងសង់ទាំងស្រុងលើគម្រោងអគារភ្លោះទាំងពីរនេះ។ គម្រោងរំពឹងថាបញ្ចប់ការសាងសង់និងប្រគល់ជូនអតិថិជនរបស់ ខ្លួននៅក្នុងឆ្នាំ២០១៨។បើទោះបីជាមានគម្រោងអភិវឌ្ឍន៏ជាច្រើនកំពុងបានសាងសង់ឡើងក្នុងទីក្រុងក៏ដោយ ក៏គម្រោងអភិវឌ្ឍន៏ចម្រុះ The Bridge នៅតែជាគម្រោងដ៏ល្អមួយដែលមានទីតាំងស្ថិតនៅជិតកោះពេជ្រ ដែលអាចមើលឃើញទេសភាពទន្លេបាសាក់យ៉ាងស្រស់ស្អាត ក៏ដូចជាទេសភាពដ៏ស្រស់ស្អាតនៃទីក្រុងភ្នំពេញផងដែរ។ គម្រោងនេះត្រូវបានសាងសង់ឡើងរួមផ្សំគ្នារវាងភាពទាន់សម័យភាពប្រណិត និងផាសុកភាពសម្រាប់អតិថិជនរបស់ខ្លួនជាពិសេសក៏បានសាសង់ឡើងដោយពិនិត្យពិច័យទៅលើក្បួនហ៊ុងស៊ុយផងដែរទាំងអស់នេះពិតជាការផ្តល់ជូនគ្រប់បែបយ៉ាងសម្រាប់អ្នករស់នៅ និងអ្នកប្រកបរបរអាជីវកម្ម។គម្រោង  The Bridge ត្រូវបានសាងសង់ឡើងស្ថិតនៅកណ្តាលក្រុងភ្នំពេញ ទល់មុខស្ថានទូតអូស្រ្តាលីក្នុងសង្កាត់ទន្លេបាសាក់។ គម្រោងខុនដូបំពាក់ដោយសម្ភារៈ ការិយាល័យនិងផ្សារទំនើបហើយវាស្ថិតនៅតំបន់ដ៏មានសក្តានុពលដែលផ្ដល់ឱ្យអ្នករស់នៅ និងអ្នកធ្វើអាជីវកម្មនូវជម្រើសដ៏ល្អក្នុងការរស់នៅធ្វើការនិងកម្សាន្តនៅក្នុងអគារមួយនេះ។ អ្នកអភិវឌ្ឍន៏កំពុងតែបានធ្វើការលើគម្រោងទីពីររបស់ខ្លួនដែលមានឈ្មោះថា The Peak ជាគម្រោងអភិវឌ្ឍន៍សណ្ឋាគារចម្រុះស្ថិតនៅចម្ងាយប្រហែលជា១០០ម៉ែត្រពីគម្រោង The Bridge។ គម្រោង The Peak នឹងសាងសង់រួចរាល់នៅឆ្នាំ២០២០ និងផ្តល់ជូនរសនិយមបែបទាន់សម័យទាំងការរស់នៅនិងបំពេញការងារនៅក្នុងទីក្រុង។ សូមរកមើលព័ត៌មានគម្រោងថ្មីៗរបស់ក្រុងមហ៊ុន Oxleyនៅទីនេះ! សម្រាប់អ្នកដែលចាប់អារម្មណ៏លើគម្រោង The Bridge ឬ The Peak សូមមកមើលសំណង់គំរូរបស់យើងនៅផ្លូវសម្តេចហ៊ុន សែន សង្កាត់ទន្លេបាសាក់ ខណ្ឌចំការមន ភូមិ១៤ ភ្នំពេញ (ទល់មុខសណ្ឋាគារ Toyoko Inn) ឬទំនាក់ទំនងតាមរយៈលេខទូរស័ព្ទ ០៩២​ ៧៧៧ ៩២៥/ ០៩២ ៩២៦ ៩២៧ ស្វែងរកព័ត៌មានបន្ថែមអំពីគម្រោងអភិវឌ្ឍន៍ឥឡូវនេះ!

Although relatively small, Cambodia’s real estate market scene is filled with industry-related events. It is that time of the year again when developers get the chance to see (or not) the payoff of their efforts and work, reassembled in the form of an award. For the second year in a row, the PropertyGuru Group is organizing the Cambodia Property Awards, which is set to be the biggest and most exclusive real estate awards event in the Kingdom.Last year, the debut event saw over 300 guests and VIPs, and was broadcast live on CTN’s Cambodia News Channel.Bringing together all the biggest developers in town and award them without upsetting anyone must be not an easy task. In order to find out more Realestate.com.kh met with Mr Terry Blackburn, Managing Director of PropertyGuru Asia Property Awards.The Cambodia Property Awards was launched in late 2015 as part of the then 10-year-old Asia Property Awards programme that began in Thailand in 2005 (which later on expanded to other seven countries across South East Asia and in China). Cambodia held its first gala dinner in February 2016, becoming the latest addition to the awards programme last year, which Terry described as “one of the last pieces of the puzzle.”Mr Terry believes that due to the Awards’ long history and earned credibility, they are in the right position to set a benchmark for quality within real estate, on a regional level.Developers of contemporary projects that will be completed within the next 18 months are now eligible to apply. Currently 22 categories are set for this year and each project will be evaluated by an independent panel of judges formed by top experts of the industry. The panel will be supervised by BDO, one of the world’s largest accounting and auditing firms, to ensure full transparency and conflict-free evaluations. But how can the Cambodia Property Awards set the benchmark for quality?Mr Terry explained that each project goes through a thorough onsite inspection, where the panel of experts reviews the viability of the construction and their quality, based on a verified checklist that covers different crucial aspects. This process – from nominations to choosing the winners – takes up to six months. Every real estate development is scrutinised, giving an extra assurance to future buyers. More importantly, based on existing rules of the Awards, developers who eventually win but fail to complete their projects by the established deadline, risk to have their award withdrawn. This gives assurance not only in terms of quality and design of a given development, but as well as its economic viability.Due to his familiarity with other Southeast Asian real estate markets, we have also asked Mr Terry’s thoughts on Cambodia compared to other countries where the Awards operate in, as well as the possibility of a real estate bubble: “In the upcoming months , when majority of the developments will be completed, we should have a better overview of what is being sold for occupation and what for investments. Of course a healthy market implies a high number occupants rather than speculative investments; if this will be the case for Cambodia, then a new wave of investments will come in, if not it might take a while before these projects are sold or rented out. In the latter case however, I do not see an imminent drop in price, since developers often work on tight margins.”When comparing Cambodia to other countries in Asia, Mr Terry stated: “I must say that Cambodia is small but certainly a fast-moving market, with plenty of room for everyone: I particularly see a big potential in the affordable housing, given that the Cambodian finance sector is more consolidated compared to other countries, such as for instance Myanmar, where all the payments still happen in cash and a proper mortgage system is not yet in place.”For developers who are interested in entering their properties in the Cambodia Property Awards, nominations will close on 27 January and entries on 3 February.Find more  real estate news on Realestate.com.kh

ខេត្ត​សៀមរាប​ជា​ខេត្ត​មួយ​ស្ថិត​នៅ​តំ​បន់​ពាយ័ព្យនៃ​ប្រទេស​កម្ពុជា​តាម​បណ្តោយ​ផ្លូវ​ជាតិ​លេខ​៦ ដែល​មាន​ចំងាយ​ប្រវែង​៣១៤​គ.មពីទីក្រុងភ្នំពេញ។ សៀមរាបជាខេត្តមួយក្នុងចំណោមខេត្តដែលមានសក្តានុពលសេដ្ឋកិច្ចសំខាន់ៗទាំងបីនៅក្នុងប្រទេសកម្ពុជា។ ក្នុងនោះរួមមានក្រុងភ្នំពេញជាទីក្រុងពាណិជ្ជកម្ម ខេត្តព្រះសីហនុជាទីក្រុងកំពង់ផែធំជាងគេ និងខេត្ត សៀមរាបជាតំបន់ទេសចរណ៍ដ៏ល្បីល្បាញរបស់ពិភពលោកដែលមានប្រាសាទអង្គរវត្ត។ តើនៅខេត្តសៀមរាបមានប្រភេទលំនៅដ្ឋានបែបណាខ្លះ?ចំនួនភ្ញៀវទេសចរណ៍មានការកើនឡើងពីមួយឆ្នាំទៅមួយឆ្នាំក្រលេកមើលវិស័យលំនៅដ្ឋាននៅក្នុងខេត្តកាន់តែមានភាពរីកចម្រើន និងមានការអភិវឌ្ឍន៍កាន់តែមានភាពដុះដាលយ៉ាងខ្លាំង។ ការអភិវឌ្ឍន៍ក្នុងរយៈពេលប៉ុន្មានឆ្នាំចុងក្រោយបានធ្វើឲ្យខេត្តនេះកាន់តែមានការពេញនិយមជាមួយនឹងប្រភេទនៃលំនៅដ្ឋានផ្សេងៗគ្នាដែលមានផ្ទះល្វែង បុរី ផ្ទះវីឡា អាផាតមេន និងខុនដូជាដើម។ប្រភេទលំនៅដ្ឋានទាំងនេះមានរចនាខុសៗគ្នាអាស្រ័យទៅលើបរិបទនៃការរស់នៅរូបរាងផ្ទះ មុខងារនៃការប្រើប្រាស់និងរស់នៅទៅតាមតម្រូវការទីផ្សាររបស់អ្នកក្នុងស្រុក និងជន បរទេស។ផ្ទះបុរីសម្រាប់លក់នៅសៀមរាបអ្វីទៅជាផ្ទះក្នុងបុរី? ផ្ទះបុរីត្រូវបានគេចាត់ទុកថាជាប្រភេទលំនៅដ្ឋានមួយ ដែលមានការពេញនិយមរស់នៅ សំណាក់ប្រជាជនខ្មែរដែលមានជីវភាពមធ្យមនិងលើមធ្យមឫអ្នកមានជីវភាពធូធារ។ គម្រោងបុរីក៏ជាការវិនិយោគដ៏ល្អមួយសម្រាប់អ្នកអភិវឌ្ឍន៍គម្រោងលំនៅដ្ឋាននៅក្នុងប្រទេសនាពេលបច្ចុប្បន្ន ហើយបុរីនៅសៀមរាបគឺជាទូទៅមានទីតាំងនៅក្នុងតំបន់មានសក្តានុពល​ និងនៅជិតផ្សារសំខាន់ៗនៅក្នុងក្រុង។នៅក្នុងក្រុងសៀមរាបគេឃើញមានគម្រោងអភិវឌ្ឍន៍បុរីមួយចំនួន​បានដំណើរការរួមមាន៖ បុរី perfect Angkor បុរី Angkor Palace បុរី Nagara និងបុរីប្រិមប្រិយដែលជាគម្រោងរបស់កាណាឌីយ៉ាជាដើម។   ផ្ទះក្នុងបុរីមានចាប់ពី១បន្ទប់គេង និង១បន្ទប់ទឹកឡើងទៅហើយតម្លៃអាចរកបានចាប់ពី៦០,០០០ ដុល្លារឡើងទៅ។  ស្វែងរកផ្ទះបុរីសម្រាប់លក់នៅសៀមរាប!ផ្ទះអាជីវកម្មសម្រាប់លក់នៅសៀមរាប៖ អ្វីទៅជាផ្ទះអាជីវកម្ម? ផ្ទះអាជីវកម្ម៖ គឺដូចគ្នាទៅនឹងផ្ទះល្វែងហើយនៅសៀមរាបផ្ទះអាជីវកម្ម ឬផ្ទះល្វែងមិនមានលក្ខណៈខុសគ្នាទេ។ ផ្ទះអាជីវកម្មភាគច្រើនមានកម្ពស់ពីរ ឬបីជាន់ដែលមានហាងនៅជាន់ ផ្ទាល់ដីសម្រាប់ធ្វើអាជីវកម្ម​ ឬពាណិជ្ជកម្ម ហើយជាន់ខាងលើជាន់ផ្ទាល់ដីអាចប្រើប្រាស់សម្រាប់ស្នាក់នៅ។ ផ្ទះអាជីវកម្មជាទូទៅមានទំហំពី ៤x១៦ ទៅ ៥x២០ ម៉ែត្រការ៉េមានតម្លៃចាប់ពី ៦០,០០០ ដុល្លារឡើងទៅ។  ជាធម្មតាផ្ទះអាជីវកម្មគឺប្រើប្រាស់សម្រាប់ការលក់ទំនិញឬជំនួញផ្សេងៗ។ ផ្ទះប្រភេទនេះល្អបំផុតសម្រាប់ទាំង​ការវិនិយោគ និងការរស់នៅ អ្នកអាចប្រកបរបរអាជីវកម្មនិងស្នាក់នៅ គឺអាចធ្វើបាននៅកន្លែងតែមួយ។ ប៉ុន្តែផ្ទះអាជីវកម្មគឺមិនមានទីធ្លាខាងមុខ​និងសួនច្បារនោះទេ មានត្រឹមតែចន្លោះតូចមួយខាងក្រោយផ្ទះ។ ផ្ទះប្រភេទនេះក៏មិនមានរបងការពារនោះទេជាធម្មតា មានទ្វារមុខ និងទ្វារក្រោយជាមួយរបាំងដែកសម្រាប់ការពារសុវត្ថិភាព។ ការចតរថយន្តគឺមានការពិបាក ប៉ុន្តែគេអាចចតរថយន្តនិងម៉ូតូនៅខាងក្នុងខាងក្រោមបន្ទប់សម្រាប់សុវត្ថិភាពនៅពេលយប់ ។តើផ្ទះអាជីវកម្មមានលក្ខណៈខុសប្លែកគ្នាដែរឬទេ?ផ្ទះអាជីវក​ម្មមានប្រភេទផ្សេងៗគ្នា ផ្ទះអាជីវកម្មបែបខ្មែរជាការរចនាបែបសមញ្ញតាមទំលាប់ដែលផ្តោតសំខាន់ទៅតាមការចង់បាន និងតម្រូវការរបស់អ្នកក្នុងស្រុក។ ផ្ទះអាជីវកម្មបែបទំ នើបបានរួមបញ្ចូលគ្នាជាមួយរចនាបទបែបលោកខាងលិច។ វាមានកាពិបាកក្នុងការសម្គាល់ ពីភាពខុសប្លែកគ្នានៃការរចនាខាងក្នុង ដោយសារតែផ្ទះអាជីវកម្មរបស់លោកខាងលិចមួយចំនួនគឺគ្រាន់តែកែលម្អរពីរចនាបទខ្មែរ ប៉ុន្តែនៅផ្ទៃខាងក្នុងមានលក្ខណៈដូចគ្នា។ ផ្ទះវីឡាសម្រាប់លក់នៅសៀមរាប៖អ្វីទៅជាផ្ទះវីឡា?​ ផ្ទះវីឡា៖ ជាប្រភេទលំនៅដ្ឋានឯកជន និងលំដាប់ប្រណិតមួយនៅក្នុងខេត្ត។វីឡាខុសពី ផ្ទះដទៃទៀតត្រង់ថា នៅដាច់ពីគ្នា មានទីធ្លាមុខផ្ទះធំទូលាយ ពិសេសគឺផ្ទះវីឡាបែបខ្មែរហើយផ្ទះវីឡាមានប្រភេទផ្សេងគ្នាដូចជា វីឡា ភ្លោះ វីឡាកូនកាត់ និងវីឡាទោល។ គម្រោងវីឡាជាច្រើនបានរីកដុះដាលឡើងនៅក្នុងខេត្តសៀមរាប។ អ្វីដែលធ្វើឲ្យផ្ទះវីឡាមានភាពទាក់ទាញសម្រាប់ការរស់នៅ?ខេត្តសៀមរាបគឺជាកន្លែងដែលមានលក្ខណៈធម្មជាតិដែលមានដើមឈើធំៗពណ៌បៃតង មានសួនច្បារ និងមានខ្យល់អាកាសបរិសុទ្ធល្អ ទីនេះក៏ជាកន្លែងមានភាពស្ងប់ស្ងាត់ និងសន្តិភាព​ក្នុងចិត្តយ៉ាងស្រស់ថ្លា។ ចរាចរណ៍ក៏មិនមានការរំខានហើយក៏មិនមានសំឡេងរំខានអ្វីឡើយ។ ផ្ទះវីឡាគឺផ្តល់ជូននូវភាពឯកជនដល់​លោកអ្នក ក្រៅពីនោះផ្ទះវីឡាមានទីធ្លាធំទូលាយសម្រាប់គ្រួសារមិត្តភក្តិនិងថែមទាំងសម្រាប់សត្វចិញ្ចឹមដ៏គួរឲ្យស្រលាញ់របស់អ្នក។ ជាទូទៅផ្ទះវីឡានៅសៀមរាបមានតម្លៃចាប់ពី១៥០,០០០​ដុល្លារទៅ២៣០,០០០ដុល្លារអាស្រ័យទៅតាមទីតាំងរបស់ផ្ទះថាតើនៅក្នុងក្រុងឫនៅឆ្ងាយពីក្រុង។ កត្តាមួយផ្សេងទៀតដែលធ្វើឲ្យផ្ទះវីឡាមានភាពទាក់ទាញគឺជាការវិនិយោគរយៈពេលវែង។ វាមិនគ្រាន់តែជាផ្ទះសម្រាប់រស់នៅនិងរីករាយជាមួយគ្រួសារប៉ុណ្ណោះទេ វាថែមទាំងជាការវិនិយោគដែលអាចផ្តល់ផលចំណេញដ៏ច្រើនសម្រាប់អ្នក។ តម្លៃអចលនទ្រព្យតែងតែប្រែប្រួលគ្រប់ពេលប៉ុន្តែតម្រូវការផ្ទះវីឡានៅសៀមរាបគឺតែងតែកើនឡើងជានិច្ច។លោក​ សារ៉ាត បានលើកឡើងដែរថាស​ម្រាប់នៅសៀមរាបប្រជាជនចូលចិត្តរស់នៅរស់នៅផ្ទះជាន់ផ្ទាល់ដីជាងផ្ទះជាន់លើដោយសារចំនួនប្រជាជននៅតិច​ ហើយចរាចរណ៍នៅមានភាពងាយស្រួលមិនស្ទះមិនមានសំឡេងរំខាន និងផ្សែងបំពុលដែលអំណោយផលដល់ការរស់នៅ។ ខេត្តសៀមរាបរាប​បានស្រូបយកភ្ញៀវទេសចរណ៍អន្តរជាតិប្រមាណជាង២លាននាក់ក្នុងមួយឆ្នាំ នេះបើតាមរបាយការណ៍របស់អាជ្ញាធរជាតិអប្សរា។ស្វែងរកផ្ទះវីឡាសម្រាប់លក់នៅសៀមរាប!ខុនដូសម្រាប់លក់នៅសៀមរាប៖ អ្វីទៅជាខុនដូ?ខុនដូជាអគារលំនៅដ្ឋានមួយដែលមានអ្នករស់នៅច្រើនជាមួយគ្នា។ ម្ចាស់យូនីតផ្ទាល់ខ្លួន បានកាន់កាប់លើតំបន់ទូទៅជាមួយគ្នានៅក្នុងខុនដូនោះដែលមានដូចជា៖ កន្លែងហាត់ប្រាណ កន្លែងក្មេងលេងសួនច្បារ និងកន្លែងអង្គុយលេង។ តំបន់ទៅទៅទាំងនេះអាចឲ្យអ្នកគ្រប់គ្នា ដែលរស់នៅក្នុងខុនដូប្រើប្រាស់។ ប៉ុន្តែយូនីតខុនដូរផ្ទាល់ខ្លួនគឺមានការកាន់កាប់ដោយឯកជនទៅតាមអ្នកទិញនីមួយៗ។ ខុនដូជាធម្មតាមានបុគ្គលិកគ្រប់គ្រងនៅនឹងកន្លែងដើម្បីជួយដល់ម្ចាស់យូនីតនីមួយៗនៅពេលដែលមានតម្រូវការចាំបាច់។ ខុនដូក៏មានសន្តិសុខការពារ និងកន្លែងចតរថយន្តសម្រាប់ម្ចាស់យូនីតនីមួយៗផងដែរ។អ្វីដែលធ្វើឲ្យខុនដូមានភាពទាក់ទាញសម្រាប់ការរស់នៅ? ខុនដូជាលំនៅដ្ឋានដ៏ប្រណិតដែលផ្តល់ការរស់នៅល្អប្រសើរជាទីគាប់ចិត្ត និងផ្តល់ជូនសេវាកម្មគ្រប់គ្រងល្អប្រសើរ។ ជាទូទៅគម្រោងខុនដូគឺស្ថិតនៅក្នុងក្រុង ដូច្នេះ​វានឹងនៅជិតកន្លែងធ្វើការងារ និងថែមទាំងមានទេសភាពស្រស់ស្អាតជាមួយនឹងខ្យល់អាកាសស្រស់ស្រាយ និងត្រជាក់ស្រួល ។ទោះបីជាយូនីតខុនដូមានត្រឹមតែជញ្ជាំងដែលបែងចែកអ្នកពីអ្នកជិតខាងរបស់អ្នកក៏ដោយ ក៏យូនីតខុនដូនៅតែមានភាពឯកជនជាងផ្ទះនៅដាច់តែឯងដែរ ហើយខុនដូនឹងមានរួម បញ្ចូលទាំងសេវាកម្មសន្តិសុខថែមទៀតផង។  សម្រាប់នៅក្រុងសៀមរាប ការរចនាខុនដូធ្វើ ទៅតាម បែបទំនើប​ និងរចនា​បទតុបតែងបែបលោកខាងលិច។ ទោះជាយ៉ាងណាថ្លៃសេវា ថែរក្សា និងគ្រប់គ្រងនឹងត្រូវបានគិតពីអ្នក រស់នៅក្នុងខុនដូទាំងអស់ ទាក់ទងទៅនឹងការគ្រប់ គ្រងតំបន់ទូទៅ។ ខុនដូនៅសៀមរាបត្រូវបានរឹតបន្តឹងទាក់ទងទៅការកែទម្រង់យូនីត។តើមានគម្រោងខុនដូច្រើនដែរឬទេនៅសៀមរាប?បច្ចុប្បន្ននៅសៀមរាបមានខុនដូចំនួនប្រហែលតែ៣-៤គម្រោង ហើយគម្រោងទាំងនេះបានបញ្ចប់ការលក់របស់ខ្លួនអស់រួចរាល់។ ខុនដូដែលមាននៅក្នុងខេត្តនេះអាចរកបាន​ក្នុងតម្លៃចាប់ពី ៥០,០០០ ដុល្លារក្នុងមួយូនីតដែលមានចាប់ពីពីរបន្ទប់គេងគ្រប់ដណ្តប់លើផ្ទៃចាប់ពី៦០០​ម៉ែត្រការ៉េទៅ៧០០​ម៉ែត្រការ៉េ។គម្រោងខុនដូទាំងនោះមាន៖ ដូចជាគម្រោង Angkor Oasis Condominium និងគម្រោង Inter Angkor Condominium។ចង់់ស្វែងរកព័ត៌មានបន្ថែមទៀតពីខុនដូសម្រាប់លក់នៅសៀមរាប! តើបរទេសចូលចិត្តរស់នៅតំបន់ណា ហើយខ្មែរចូលចិត្តតំបន់ណាក្នុងក្រុងសៀមរាប? សម្រាប់ប្រជាជនក្នុងស្រុកការរស់នៅក្នុងតំបន់ណាមួយមិនបានចោទជាបញ្ហានោះឡើយគ្រាន់តែអាស្រ័យទៅតាមស្ថានភាពហិរញ្ញវត្ថុ ចំណង់ចំណូលចិត្តនិងតម្រូវការនៃគ្រួសារនីមួយៗប៉ុណ្ណោះ។ ប៉ុន្តែសម្រាប់ជនបរទេសវិញមានពីរតំបន់សំខាន់ៗ ដែលពួកគេចូល ចិត្តរស់នៅ។   ជនជាតិអាស៊ីដូចជា៖ ចិន និងកូរ៉េចូលចិត្តរស់នៅប៉ែកខាងលិចនៃស្ទឹងសៀមរាបដោយសារក្នុងតំបន់នេះមាន ក្រុមហ៊ុនទេសចរណ៍ច្រើន​ ហើយពួកគេមិនចាំចាច់ឆ្លងមកមាត់ស្ទឹងខាងកើតទេ។ ម្យ៉ាងទៀតនៅប៉ែកខាងលិចមានភោជនីយដ្ឋាន បារ ហាងលក់ទំនិញ ហាងលក់វត្ថុអនុស្សាវរីយ៍ជាដើម។សម្រាប់ជនបរទេសមកពីប៉ែកអឺរ៉ុប ពួកគេចូលចិត្តរស់នៅប៉ែកខាងកើតនៃស្ទឹងសៀមរាបដោយសារនៅតំបន់ខាងកើតស្ទឹងភាគច្រើនជាលំនៅដ្ឋានបែបធម្មជាតិ​មានដើមឈើធំៗ ហើយតាំងពីយូរមកហើយដែលបរទេសទាំងនោះចូលចិត្តរស់នៅកន្លែងនេះ ម្យ៉ាងទៀតអ្នកខ្លះជាបុគ្គលិកអង្គការ ហើយការិយាល័យអង្គការ ដែលបរទេសទាំងនោះកំពុងធ្វើការក៏ស្ថិតក្នុងតំបន់នោះដែរ។  ប្រសិនបើខ្ញុំទិញផ្ទះនៅសៀមរាបសម្រាប់វិនិយោគ តើគួរទិញនៅតំបន់ណា? លោក​ សុខ សារ៉ាត ជាភ្នាក់អចលនទ្រព្យនៅខេត្តសៀមរាបលើកឡើងពីការទិញសម្រាប់វិនិយោគតំបន់នៅក្នុងក្រុង គឺក្នុងបរិវេណខ្សែក្រវ៉ាត់ក្រុងនៅតែជាសក្តានុពលមិនថាសម្រាប់រស់ នៅឫលក់ចេញវិញនោះទេ។ ទោះបីជាយ៉ាងណាតំបន់ពីរដែលមានប្រជាប្រិយភាពសម្រាប់ ការទិញលំនៅដ្ឋានសម្រាប់វិនិយោគនោះគឺមានផ្សារកណ្តាល និងផ្សារលើ។ហេតុអ្វីវិនិយោគនៅសៀមរាប មិនមែននៅភ្នំពេញ ​ឫក្រុងព្រះសីហនុ? លក្ខណៈពិសេសនៃខេត្តគឺដោយសារតម្លៃដីនៅក្នុងតំបន់មានកម្រិតទាបនៅឡើយ បើធៀបទៅនឹងតម្លៃដីនៅក្នុងទីក្រុងភ្នំពេញ ចំនួនប្រជាជននៅមានកម្រិតទាបផ្តល់នូវភាពស្ងប់ស្ងាត់សម្រាប់អ្នកដែលចង់បានភាពឯកជន ហើយម្យ៉ាងទៀតការធ្វើចរាចរណ៍ក៏មានភាពងាយស្រួលជានៅក្នុងរាជធា​នីដែរ។ លើសពីនេះទៅទៀតខេត្តសៀមរាបក៏មើលឃើញថាមានការកើនឡើងខ្លាំងលើអាជីវកម្មផ្សេងៗមានដូច ជា៖ សណ្ឋាគារ ភោជនីយដ្ឋាន គ្លីនីក សាលារៀនឯកជន ហើយបច្ចុប្បន្នមានជនជាតិ ចម្រុះទៅដោយជនជាតិខ្មែរ និងបរទេសកំពុងស្នាក់នៅ។ ខេត្តសៀមរាបក៏ជាតំបន់ដែលមានសន្តិសុខ និងសុវត្ថិភាពល្អបំផុតស​ម្រាប់ការរស់នៅ។តើតំបន់ណាដែលមានការអភិវឌ្ឍន៍ខ្លាំងនៅក្នុងក្រុងសៀមរាប?លោក សារ៉ាតលើកឡើងថាសម្រាប់គម្រោងលំនៅដ្ឋានគឺមានច្រើននៅក្នុងបរិវេណខាងក្នុង ខ្សែក្រវ៉ាត់ក្រុងជាពិសេសនៅតាមផ្លូវធំសំខាន់ដូចជាមហាវិថីស៊ីវុត្ថា៖ ផ្លូវ Charles de Gaulle និងផ្លូវជាតិលេខ៦ដែលឆ្លងកាត់ក្រុងជាដើម។ ដោយសារនៅក្នុងក្រុងចរន្តនៃការចេញចូលរប​ស់ភ្ញៀវក៏ដូចជាការរស់នៅទាំងអ្នកក្រុងស្រុក និងជនបរទេសនៅមានច្រើនបំផុត។ក្នុងពេលជាមួយគ្នាក្រុមហ៊ុនផ្សេងៗទៀតដូចជាក្រុមហ៊ុនលក់គ្រឿងសំណង់ និងក្រុមហ៊ុនកសិកម្ម បានងាកចេញពីក្នុងក្រុងមកកាន់ផ្លូវមកស្រុកប្រាសាទបាគង​តាមផ្លូវជាតិលេខ៦សំដៅមកកាន់ក្រុងភ្នំពេញ។ តំបន់នេះក៏មានការអភិវឌ្ឍន៍ខ្លាំងគួរឲ្យកត់សម្គាល់ក្នុងពេលបច្ចុប្បន្ន។តើខេត្តសៀមរាបមានទឹកជំនន់ដែរឬទេ? ការរស់នៅក្នុងក្រុងសៀមរាបគឺហាក់មិនមានការបារម្ភពីទឺកជំនន់ទេ។ ក្នុងឆ្នាំកន្លងមកគឺមិន មានទឹក ជំនន់កើតមានឡើងនៅក្នុងតំបន់ោះទេ។ ទឹកជំនន់អាចកើតអាចលុះត្រាតែមានទឹកជំនន់ខ្លាំងហូរមកពីប្រទេសថៃ។ ទោះបីជាយ៉ាងណាប្រសិនបើអ្នកគម្រោងនឹងទិញផ្ទះនៅជាន់ផ្ទាល់ដី សូមធ្វើការត្រួតពិនិត្យឲ្យបានច្បាស់លាស់ជាមួយម្ចាស់ផ្ទះពីមុននិងអ្នកជិតខាងថាតើផ្ទះ ថ្មីរបស់អ្នកលិចទឹកដែរឬទេ។ ប្រសិនបើមានទឹកលិចមែនអ្នកអាចរៀបចំទុកមុនបានល្អ​មុននឹងរដូវភ្លៀវចូលមកដល់។  ម្យ៉ាងទៀតប្រសិនបើអ្នកទិញផ្ទះនៅក្នុងតំបន់មានទឹកជំនន់តម្លៃគួរចុះទាបជាងធម្មតា។តើខេត្តសៀមរាបមានហេដ្ឋារចនាសម្ព័ន្ធដូចម្ត៉េច?ប្រព័ន្ធផ្លូវថ្នល់៖ ហេដ្ឋារចនាសម្ព័ន្ធខេត្តសៀមរាបគឺកំពុងមានការអភិវឌ្ឍន៍យ៉ាងឆា​ប់រហ័ស។ ផ្លូវថ្នល់បានតភ្ជាប់គ្នានៅក្នុងខេត្តពីមួយកន្លែងទៅមួយកន្លែងដែលជាចំណុចអទិភាពសម្រាប់ការអភិវឌ្ឍន៍ និងការពង្រីកទីក្រុង។ ហេដ្ឋារចនាសម្ព័ន្ធខេត្តសៀមរាបគឺកំពុងមានការអភិវឌ្ឍន៍យ៉ាងឆា​ប់រហ័ស។ ផ្លូវថ្នល់បានតភ្ជាប់គ្នា នៅក្នុងខេត្តពីមួយកន្លែងទៅមួយកន្លែងដែលជាចំណុចអទិភាពសម្រាប់ការអភិវឌ្ឍន៍និងការពង្រីកទីក្រុង។ ចំណែកឯផ្លូវតភ្ជាប់ទៅកាន់ខេត្តផ្សេងទៀតក៏កាន់តែមានភាពងាយស្រួល ដែលបានជួយសម្រួលដល់ការធ្វើដំណើររបស់អ្នកដំណើរដែលចេញចូលខេត្តសៀមរាប។ ផ្លូវថ្នល់បានភ្ជាប់សៀមរាបទៅកាន់ប្រាសាទសំខាន់ជាច្រើន​  និងភ្ជាប់ទៅកាន់ក្រុងភ្នំពេញ បាត់ដំបង កំពត កែប  ក្រុងព្រះ សីហនុ និងកំពង់ចាមជាដើម។ ​ផ្លូវតភ្ជាប់រវាងតំបន់និងតំបន់គឺពិតជាបានបានផ្តល់ផលប្រយោជន៍មហាសាល ដល់ទីផ្សារអចលនទ្រព្យនៅខេត្តសៀមរាប។  សេវាកម្មសាធារណៈ៖ សេវាកម្មសាធារណៈសម្រាប់ពលរដ្ឋនៅក្នុងខេត្តសៀមរាបនាពេលបច្ចុប្បន្នមានកំណើន កាន់តែច្រើនឡើង សេវាកម្មសាធារណៈទាំងនោះមានដូចជា៖ ​សាលារៀនជាតិ និងអន្តរជាតិដែលផ្តល់ជូននូវគុណភាពនៃការអប់រំកាន់តែប្រសើរឡើង។ ក្នុងនោះសេវាថែទាំសុខមាភាពពលរដ្ឋក៏កំពុងតែមានការកើនឡើងច្រើនជាងមុនដែរ។​ សៀមរាបមានមន្ទីរពេទ្យស្តង់ដារអន្តរជាតិ​គឺមន្ទីរពេទ្យអន្តរជាតិរ៉ូយ៉ាល់អង្គរ ដែលបានសហការគ្រប់គ្រងជាមួយនឹងជាមួយមន្ទីរពេទ្យក្រុងបាកក។  សម្រាប់ជនបរទេសមន្ទីរ ពេទ្យនេះមានផ្តល់ជូនសេវាកម្មរថយន្តសង្រ្គោះបន្ទាន់ទៅដល់ប្រទេសថៃ។​ការកំសាន្ត និងអាហារនៅក្នុងខេត្តសៀមរាបខេត្តសៀមរាបប្រជុំទៅដោយជនជាតិផ្សេងៗគ្នាមកពីជុំវិញពិភពលោក។ វាគឺហាក់មិនមានបញ្ហាអ្វីនោះទេសម្រាប់ការស្វែងរកអាហារសម្រាប់បរិភោគ ភោជនីយដ្ឋានអាហារបែបខ្មែរ អឺរ៉ុប ចិន កូរ៉េ ជប៉ុន ថៃ ឥណ្ឌា បារាំង ​និងផ្សេងៗទៀតជាច្រើនអាហារអន្តរជាតិមានគ្រប់ប្រភេទ ទាំងអស់បានដំណើរការនៅក្នុងក្រុង ជាពិសេសនៅលើផ្លូវផាប់ស្ទី្រត ដែលជាកន្លែងមួយ ដែលយើងមានអារម្មណ៍ថា ដូចជានៅក្នុងទីក្រុងនៃប្រទេសអឺរ៉ុប។ក្រៅពីការញ៉ាំអាហារសៀមរាបក៏មានទាមស្រា បារ ហាងខារ៉ាអូខេ និងក្លឹបកំសាន្ត សម្រាប់អ្នក ដែលចង់មានការជួបជុំមិត្តភក្តិ និងការរាំកំសាន្តនៅពេលរាត្រី៕ស្វែងរកអចលនទ្រព្យសម្រាប់លក់នៅសៀមរាបជាមួយ Realestate.com.kh!អត្ថបទដោយ

ទួលគោកគឺជាខណ្ឌមួយក្នុងចំណោមខណ្ឌទំាង ១២ នៅក្នុងក្រុងភ្នំពេញ ដែលផ្ទៃដីនៃខណ្ឌ​ទំាងមូលមានទំហំប្រមាណ​ ៧.៩៩ គីឡូម៉ែត្រការ៉េ។ ទួលគោកត្រូវបានស្គាល់ថាជាតំបន់ដែលសម្បូរដោយផ្ទះប្រភេទវីឡាជាច្រើន។ ក្រលេកមើលបច្ចុប្បន្ន យើងឃើញថាមានការអភិវឌ្ឍន៍យ៉ាងសម្បើមនៅក្នុងខណ្ឌមួយនេះ ក្នុងនោះមានដូចជា សាលារៀន អន្តរជាតិ ភោជនីយដ្ឋានចម្រុះជាតិសាសន៍ អគារពាណិជ្ជកម្ម ផ្សារទំនើប ក្លឹបហាត់ប្រាណ និងហាងកាហ្វេជាដើម។លើសពីនេះ ខណ្ឌនេះក៏មានគម្រោងអភិវឌ្ឍន៍លំនៅដ្ឋានទំនើបៗដូចជា៖ TK Royal One, The Gateway, Apennines Condominium​ និងមានគម្រោងជាច្រើនទៀត។ ខណ្ឌទួលគោកពិតជាសម្បូរបែបទាំងការរស់នៅ ឬធ្វើការដោយសារមានភាពអំណោយផលដូចនេះហើយបានជាតម្រូវការស្នាក់នៅក្នុងតំបន់នេះកាន់តែខ្ពស់។ បច្ចុប្បន្នមានលំនៅដ្ឋានសម្រាប់លក់ និងលំនៅដ្ឋានសម្រាប់ជួលនៅក្នុងតំបន់ទួលគោក។ នេះគឺជាការផ្តល់យោបល់មួយចំនួនពី Realestate.com.kh សម្រាប់លោកអ្នក ដែលមានបំណងស្វែងរកលំនៅដ្ឋានសម្រាប់ជួលនៅក្នុងតំបន់ទួលគោក៖តើមានឯកសារផ្លូវការអ្វីខ្លះត្រូវតែយល់ដឹង?ប្រសិនបើអ្នកសម្រេចចិត្តស្វែងរកលំនៅដ្ឋានសម្រាប់ជួលនៅក្នុងតំបន់ទួលគោក អ្នកត្រូវតែប្រាកដថាម្ចាស់ផ្ទះរបស់អ្នកបានចេញឯកសារស្របច្បាប់ដល់លោកអ្នក។ អ្នកត្រូវរក្សានូវច្បាប់ចំលងកិច្ចសន្យាជួលផ្ទះ​ ហើយត្រូវគោរពតាមលក្ខខណ្ឌទាំងអស់ដែលបានចែងនៅក្នុងកិច្ចសន្យា។ដើម្បីធានាលើភាពរឹងមាំនៃកិច្ចសន្យាជួលផ្លូវច្បាប់រប​ស់អ្នកក្នុងនោះដែរត្រូវមានភាគីទី៣ ដូចជា​៖ មេធាវី ឬភ្នាក់ងារអចលនទ្រព្យដើម្បីឲ្យជួយធានាផ្នែកច្បាប់លើការសម្រេចដែលមាននៅក្នុងកិច្ចសន្យា ហើយភាគីទី៣ក៏នឹងត្រូវរក្សាទុកនូវកិច្ចសន្យាជួលនេះមួយច្បាប់ដែរ។ត្រូវយល់ដឹងអំពីលំនៅដ្ឋានដែលអ្នកមានបំណងជួល ថាតើជាលំនៅដ្ឋានដែលមានបំពាក់គ្រឿងសង្ហារិម និងផ្តល់ជូនសេវាកម្មផ្សេងៗទំាងស្រុង ឬជាលំនៅដ្ឋានធម្មតា!ជាធម្មតាផ្ទះដែលអ្នកមានបំណងជួលមានការផ្តល់ជូនសេវាកម្ម និងលក្ខខណ្ឌផ្សេងៗគ្នាទៅតាមប្រភេទលំនៅដ្ឋាន។ តួយ៉ាងសេវាកម្មអាផាតមេនមានការផ្តល់ជូនច្រើនបែបសម្រាប់អតិថិជនទៅតាមការចង់បានរបស់អតិថិជន។ ជាក់ស្តែង សេវាកម្មអាផាតមេនលំដាប់ខ្ពស់អាចផ្តល់ជូនលោកអ្នកគ្រប់តម្រូវការដែលអ្នកចង់បាន។ ការផ្តល់ជូនមានដូចជា៖ គ្រឿងសង្ហារិម ម៉ាស៊ីនទឹកក្តៅទឹកត្រជាក់ ម៉ាស៊ីនបោកខោអាវ ចង្រ្កានទាន់សម័យ ប្រព័ន្ធអ៊ីនធើណិតទូរទស្សន៍ខ្សែកាប ក៏ដូចជាការផ្តល់សេវាកម្មអនាម័យ ក្លឹបហាត់ប្រាណ អាងហែលទឹក និងកន្លែងចតឡានជាដើម។រយៈពេលចុងក្រោយនេះ សូម្បីតែផ្ទះដែលមិនមែនជាសេវាកម្មអាផាតមេនក៏មានការផ្តល់ជូនប្រហាក់ប្រហែលគ្នានេះផងដែរ គ្រាន់តែមិនមានសេវាកម្មច្រើន។អ្នក មីង សេងលី ជាម្ចាស់ផ្ទះជួលមួយកន្លែងនៅក្នុងក្រុងភ្នំពេញនៅម្តុំសង្កាត់បឹងកក់១ ដែលផ្ទះអ្នកមីងនៅជាន់ទី២ អ្នកមីងបាននិយាយថា៖«ដំបូងខ្ញុំគ្រាន់តែដាក់ជួលធម្មតាដោយគ្មានដាក់សំភារៈអ្វីនោះឡើយហើយការជួលវាដូចជាមិនសូវបានកាក់កបអ្វីនោះឡើយ។ ក្រោយមក​ផ្ទះជួលរបស់ខ្ញុំមានបំពាក់ដោយសាឡុង គ្រែ ខ្សែកាបជាដើម​ឃើញថាមានអ្នកជួលច្រើនហើយតម្លៃជួលក៏បានខ្ពស់ជាងមុនផងដែរ»។តម្លៃជួលបូករួមនឹងតម្លៃសេវាកម្មផ្សេងៗ ដែលលោកអ្នកគួរយល់ដឹង៖អាស្រ័យលើចំណង់ចំណូលចិត្ត និងតម្រូវការអ្នកអាចជ្រើសរើសយកការជួលខុនដូនៅទួលគោក។ អ្នកអាចជួលខុនដូ មួយបន្ទប់គេងរួមជាមួយគ្រឿងសង្ហារិមក្នុងតម្លៃចាប់ពី ១៨០ ដុល្លារឡើងទៅក្នុងមួយខែ។ ចំណែកឯប្រភេទខុនដូមាន ៤ បន្ទប់គេងជាមួយគ្រឿងសង្ហារិមមួយឈុតក្នុងតម្លៃ ២,០០០ ដុល្លារក្នុងមួយខែនៅជិតមជ្ឈមណ្ឌល TK Avenue។ សម្រាប់ប្រភេទយូនីតលំដាប់ខ្ពស់នៅតំបន់បឹងកក់១ មានយូនីតដែលមាន ៣ បន្ទប់គេង ក្នុងតម្លៃប្រមាណ ២,១០០ ដុល្លារក្នុងមួយខែ។សេវាកម្មអាផាតមេនមានផ្តល់ជូនយ៉ាងទូលំទូលាយតម្លៃចាប់ផ្តើមពី ៣៥០ ដុល្លារដល់ប្រហែល ៤,០០០ ដុល្លារក្នុងមួយខែអាស្រ័យលើតំបន់ សេវាកម្ម និងកន្លែងគាប់ចិត្តផ្សេងៗទៀត។សម្រាប់វីឡាតម្លៃជួលមានចាប់ពី ៥៥០ ដុល្លារឡើងទៅអាស្រ័យលើគុណភាពចំនួនបន្ទប់ និងសេវាកម្ម ដូចជាអាងហែលទឹក។ ផ្ទះវីឡាគឺមានច្រើនអាចរកបានដោយងាយមានសេវាកម្មសម្រាប់ជួល និងសម្រាប់លក់នៅទួលគោកបើធៀបទៅនឹងតំបន់សំខាន់នៅក្នុងទីក្រុងបច្ចុប្បន្ននៅមានវីឡាតិចតួចណាស់ដែលអាចរកបានចំណែកតម្លៃវិញគឺថ្លៃជាងនៅទួលគោកឆ្ងាយណាស់។កំណើននៃចំនួននៃការអភិវឌ្ឍន៍បុរីកំពុងលេចរូបរាងឡើងនៅជុំវិញតំបន់ទួលគោកដែលមានការពេញ និយមពីសំណាក់អ្នកទិញក្នុងស្រុកដែលស្វែងរកផ្ទះដែលអាចលក់ទំនិញបាន និងវីឡាដែលមានហេដ្ឋារចនាសម្ព័ន្ធល្អមានសុវត្ថិភាព និងបរិស្ថានរស់នៅល្អប្រសើរ។តើអ្វីជាអត្ថប្រយោជន៍នៃកិច្ចសន្យាជួលផ្ទះរយៈពេលវែង និងកិច្ចសន្យាជួលផ្ទះរយៈពេលខ្លី? ម្ចាស់ផ្ទះ និងអ្នកជួលតែងតែធ្វើកិច្ចសន្យាមួយដើម្បីចងក្រងលក្ខខណ្ឌមួយច្បាស់លាស់។ ក្នុងកិច្ចសន្យាជួលផងដែរក៏បានចែងអំពីរយៈពេលនៃការជួលផងដែរ។ ជាធម្មតាកិច្ចសន្យារយៈពេលនៃការជួល គេតែងតែធ្វើចាប់ពី ៦ ខែដល់ ១២ ខែឡើងទៅ។ជាធម្មតាជនបរទេសហាក់បីដូចមានការអល់អែកក្នុងការជួលដែលមានកិច្ចសន្យារយៈពេលជួលវែង ពួកគាត់ចូលចិត្តជ្រើសរើសរយៈពេលខ្លី ហើយជ្រើសរើសការបង់ប្រាក់មួយខែម្តងៗ ដោយហេតុផលម្យ៉ាងទៀតដោយសារតែជនបរទេសភាគច្រើនគាត់មិនស្នាក់នៅរយៈពេលវែងនោះឡើយ។ប៉ុន្តែកិច្ច​សន្យាជួលរយៈពេលវែងវាអាចជាអត្ថប្រយោជន៍មួយផងដែរសម្រាប់អ្នកជួល វាផ្តល់នូវឱកាសដ៏ល្អសម្រាប់ធ្វើកាចរចារជាមួយម្ចាស់ លោកអ្នកអាចធ្វើការកែប្រែលក្ខន្តិកៈមួយចំនួនដូចជា៖ ប្រាក់ជួល ប្រចាំខែ ប្រាក់កក់ តម្លៃសេវាបន្ថែមជាដើម។ ការចរចារទាំងប៉ុន្មានទំនងម្ចាស់ផ្ទះមានការយល់ព្រមតាមសំណើអ្នកជួលមួយចំនួនក្នុងករណីដែលអ្នកមានបំណងស្នាក់នៅរយៈពេលវែង។ តើធ្វើដូចម្តេចដើម្បីរកផ្ទះជួលមួយដ៏ល្អ?អាចនិយាយបានថាការស្វែងរកផ្ទះជួល វាជារឿងមានភាពស្មុគស្មាញលោកអ្នកត្រូវចំណាយពេលច្រើន ដើម្បីស្វែងរកផ្ទះជួលមួយដ៏ល្អ។ ជាក់ស្តែងលោកអ្នកត្រូវចំណាយពេលយា៉ងច្រើនក្នុងការស្វែងរកផ្ទះសម្រាប់ជួល ហើយប្រសិនបើអ្នកជាជនចំណូលថ្មីនៅក្នុងទីក្រុងមួយ។ មនុស្សមួយចំនួនបានពឹងពាក់បុគ្គលឯកជនដែលតាំងខ្លួនជាអ្នកស្វែងរកផ្ទះជួលឲ្យករណីនេះបុគ្គលទាំងនោះអាចនឹងជាអាជ្ញាកណ្តាលធ្វើការចរចារតម្លៃ និងយកកម្រៃជើងសារ។ ជាធម្មតាពួកគេយកកម្រៃជើងសារពីម្ចាស់ផ្ទះ។ បុគ្គលដែលតាំងខ្លួន​ជាអ្នកស្វែងរកអចលនទ្រព្យឲ្យលោកអ្នកដែលភាសាសាមញ្ញហៅថា អ្នកគួកជេរ ពួកគាត់អាចធ្វើឲ្យមានភាពច្របូកច្របល់ជាមួយតម្លៃក៏ដូចជាថ្លៃសេវាកម្រៃជើងសារផងដែរ នេះជាហេតុធ្វើឲ្យម្ចាស់ផ្ទះអាចតម្លើងថ្លៃឈ្នួលដោយហេតុតែឈ្មួញកណ្តាលនោះទាមទារតម្លៃសេវា​កម្រៃជើងសារខ្ពស់ពេកដោយគ្មានការកំណត់មួយត្រឹមត្រូវ។ដោយឡែកយើងគួរស្វែងរកភ្នាក់ងារអចលនទ្រព្យណាដែលមានអាជ្ញាប័ណ្ណត្រឹមត្រូវប្រកបដោយវិជ្ជាជីវៈត្រឹមត្រូវ។ ជាធម្មតាភ្នាក់ងារអចនទ្រព្យទាំងនោះផ្តល់សេវាជាច្រើនទាក់ទងនឹងអចលនទ្រព្យរួមមានទាំងការស្វែងរកផ្ទះជួលជាដើម យើងអាចពឹងលើភ្នាក់ងារអចលនទ្រព្យណាមួយដែលយើងស្គាល់ច្បាស់។ ជាទូទៅនៅពេលអ្នកស្វែងរកផ្ទះជួលតាមរយៈភ្នាក់ងារអចលនទ្រព្យ វាផ្តល់ភាពងាយស្រួល និងចំណេញពេលវេលាបានច្រើន។ សាកសម្យបំផុតសម្រាប់អ្នក ដែលមានថវិការសមល្មមនៅពេលដែលយើងទៅរកសេវាកម្មពីភ្នាក់ងារអចលនទ្រព្យ ពួកគេមិនគិតកម្រៃសេវាអ្វីឡើយចំណែកឯ​កម្រៃជើងសារត្រូវបានគិតពីម្ចាស់ផ្ទះជួល ហើយតម្លៃត្រូវបានធ្វើឡើងដោយមានស្តង់ដារច្បាស់លាស់បំផុត។ ទោះបីជាយ៉ាងនេះក្តីក៏ពួកគេនៅតែមានភាពស្វិតស្វាញក្នុងស្វែងរកផ្ទះជូនលោកអ្នកដដែល ព្រោះអតិថិជនម្នាក់អាចជាអ្នកនាំសារដ៏ល្អទៅកាន់អតិថិជនផ្សេងៗទៀត នោះកេរ្តិ៍ឈ្មោះយរបស់ភ្នាក់ងារអចលនទ្រព្យក៏កាន់តែត្រូវបានគេស្គាល់។ កញ្ញា អ៊ិន ចាន់ស្រីល័ក្ខ បុគ្គលិកផ្នែកលក់នៅក្នុងក្រុមហ៊ុនអចលនទ្រព្យ យ៉ុង យ៉ាប់ ដែលជាភ្នាក់អចលនទ្រព្យដែលមានសេវាកម្មលក់ និងជួលអចលនទ្រព្យក្នុងក្រុងភ្នំពេញបាននិយាយថា “ក្នុងនាមជាភ្នាក់ងារអចលនទ្រព្យមួយមានស្តង់ដារច្បាស់លាស់ ពួកយើងផ្តល់សេវាកម្មមួយដ៏មានប្រសិទ្ធិភាព និងភាពស្មោះត្រង់ជូនដល់អតិថិជន។” កញ្ញា ស្រី ល័ក្ខ បានបន្តទៀតថា“ពួកយើងយល់ពីតម្រូវការដែលភ្ញៀវចង់បាន។ លើសពីនេះយើងផ្តល់ការផ្តល់ការប្រឹក្សា និងជួយដោះស្រាយបញ្ហានានានៅពេលដែលពួកគាត់ជួបបញ្ហាអំឡុងពេលស្នាក់នៅ។ ភាពស្មោះត្រង់និងវិជ្ជាជីវៈច្បាស់លាស់នោះជាអ្វីដែលលោកអ្នកគួរតែជ្រើសរើសយកភ្នាក់ងារអចលនទ្រព្យដើម្បីជួយស្វែងរកផ្ទះជួល ឬលក់។”  សម្រាប់ជនបរទេសផងដែរវាកាន់តែផ្តល់ភាពងាយស្រួលសម្រាប់ពួកគាត់ ជាពិសេស​អាចជួយកាត់បន្ថយពេលវេលាបានទៀតផង វាពិតជាពិបាកខ្លាំងសម្រាប់ជនបរទេសដែលទើបតែផ្លាស់ទីលំនៅមកកាន់ប្រទេសកម្ពុជា។  លោកអ្នកអាចស្វែងរកផ្ទះសម្រាប់ជួលដោយតាមរយៈភ្នាក់ងារអចលនទ្រព្យ មានវិធីម្យ៉ាងទៀតគឺការស្វែងរកលំនៅដ្ឋានតាមប្រព័ន្ធអនឡាញ។តើមានវិធីសាស្រ្តផ្សេងៗទៀតដើម្បីស្វែងរកអចលនទ្រព្យដោយខ្លួនឯងដែរឬទេ?លោកអ្នកអាចចូលទៅកាន់គេហទំព័រ Realestate.com.kh ដែលជាគេហទំព័រអចលនទ្រព្យឈានមុខគេនៅកម្ពុជា។ មានអចលនទ្រព្យប្រមាណ ៤៥,០០០  មកពីភ្នាក់ងារអចលនទ្រព្យ ១៥០ និងម្ចាស់គម្រោង​អភិវឌ្ឍន៍ផ្សេងៗទៀត។ លោកអ្នកអាចស្វែងរកលំនៅដ្ឋានគ្រប់ប្រភេទទាំងសម្រាប់ជួល និងលក់បានគ្រាន់តែចូលទៅគេហទំព័រអចលនទ្រព្យមួយ​នេះងាយស្រួលស្វែងរកមានតម្លៃច្បាស់លាស់ បែងចែកទីតាំងទៅតាមគេហដ្ឋាននីមួយៗច្បាស់លាស់។ យើងមិនគិតសេវាកម្រៃជើ់ងសារអ្វីឡើយ នៅពេលអ្នកស្វែងរកអចលនទ្រព្យណាមួយ ឬក៏ចុះផ្សាយអចលនទ្រព្យសម្រាប់លក់ និងសម្រាប់ជួលដោយឥតគិតថ្លៃ ។តើខ្ញុំត្រូវបង់ពន្ធដែរឬទេ នៅពេលដែលខ្ញុំជួលផ្ទះ?បើតាមច្បាប់ម្ចាស់អចលនទ្រព្យនៅពេលដែលធ្វើការជួលទៅឲ្យបុគ្គលណាម្នាក់ អ្នកជួលនោះត្រូវបង់ពន្ធ ១០% នៃប្រាក់ឈ្នួលផ្ទះប្រចាំខែ។ ប៉ុន្តែតាមភាពជាក់ស្តែងគឺអាស្រ័យទៅលើការចរចាររវាងម្ចាស់ផ្ទះ និងអ្នកជួលផ្ទះករណីមួយចំនួនអាចជាម្ចាស់ផ្ទះជាអ្នកបង់ពន្ធ។ប្រសិនបើករណីអ្នកជួលផ្ទះនោះបានធ្វើការជួលបន្តទៅឲ្យអ្នកដទៃផ្សេងទៀតតាមច្បាប់ចាស់ត្រូវកាត់ពន្ធ ១០% នៃប្រាក់ថ្លៃជួលពីម្ចាស់អចលនទ្រព្យរបស់ខ្លួនហើយនៅក្នុងលក្ខខណ្ឌនៃការជួលអចលនទ្រព្យបន្ត អ្នកជួលអចលនទ្រព្យបន្តដោយត្រូវកាត់ពន្ធ១០%នៃថ្លៃជួលពីក្រុមហ៊ុនអចលនទ្រព្យនោះទៀត។ ក្នុងសេចក្ដីណែនាំលេខ១៨៤១០ បច្ចុប្បន្នបានផ្តល់ការលើកលែងពន្ធលើអ្នកជួលបន្តប្រសិនបើម្ចាស់អចលនទ្រព្យ  និងអ្នកជួលដំបូងនោះបានជាប់កាតព្វកិច្ចបង់ពន្ធដូចគ្នា។ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។ សម្រាប់កម្មវិធី iOS និង Android។ស្វែងរកអចលនទ្រព្យសម្រាប់ជួលនៅក្នុងតំបន់ទួលគោក!លោកអ្នកក៏អាចចូរអានមគ្គុទេសនៃការវិនិយោគឆ្នំា២០១៩ របស់យើងបានផងដែរ!អត្ថបទដោយ